Республика махсус комиссиясининг қарори билан 2020 йил 1 июндан бошлаб “яшил” ҳудудларда жойлашган санаторий, пансионат, болалар оромгоҳлари ва бошқа дам олиш масканларига фуқароларни марказлаштирилган тартибда ташиш учун вилоятлараро автобуслар, шу жумладан туристик ташкилотлар автобуслари қатновини йўлга қўйишга рухсат берилди. Бунда:
автобусларда ҳайдовчи ва йўловчилар тиббий ниқоб, тиббий қўлқопда бўлиши лозимлиги, шунингдек, уларнинг тана ҳарорати пирометрларда ўлчаниб, 37 °С ва ундан юқори бўлган ҳолатда уларнинг автобус салонига чиқарилишига йўл қўйилмайди;
автобуслар вилоятларо қатновларда “қизил” ҳудудларда тўхтамаган ҳолда ҳаракатланади;
автобуслар доимий равишда ҳар қатновга чиқишдан олдин тўлиқ дезинфекциядан ўтказилади;
автобусларда ҳаракатланаётган йўловчиларнинг рейслар кесимидаги рўйхати (базаси) юритилади.

Ушбу ҳафтада яна 9 та чартер қатнови амалга оширилиши белгиланган.

Хориждаги Ўзбекистон фуқароларини ватанга олиб келиш мақсадида, тасдиқланган чартер рейслар жадвалига мувофиқ ушбу ҳафтада "Uzbekistan airways" авиакомпанияси томонидан Туркия, Россия Федерацияси, БАА ва Миср Араб Республикаси шаҳарларига жами 9 та қатнов амалга оширилиши белгиланган.

1 – 7 июнь кунларига белгиланган чартер рейслар жадвали:

1 июнь. Тошкент – Истанбул – Тошкент
2 июнь. Тошкент – Москва – Тошкент
3 июнь. Тошкент – Шаржа – Тошкент
3 июнь. Тошкент – Москва – Тошкент
4 июнь. Тошкент – Санкт-Петербург – Тошкент
5 июнь. Тошкент – Москва – Тошкент
6 июнь. Қоҳира – Тошкент – Қоҳира
6 июнь. Тошкент – Новосибирск – Тошкент
7 июнь. Тошкент – Санкт-Петербург – Тошкент

Эслатиб ўтамиз, тасдиқланган чартер рейслар жадвалига мувофиқ 25-31 май кунлари амалга оширилган 8 та қатнов орқали Россия Федерацияси ва Туркиядан жами 2118 нафар ҳамюртларимиз Ўзбекистонга олиб келинди.

Бухоро вилояти транспорт бошқармаси Ахборот хизмати

Йўналишсиз таксиларни жиҳозлаш бўйича қисқача қўлланма.

Бухоро вилояти ҳудудида (яшил ҳудудларда) карантин ҳолатида йўловчи ташиш фаолияти билан қай тартибда шуғулланишга рухсат берилмоқда!?

“Транспорт воситаларининг вазн ва ҳажм параметрларини назорат қилишни жорий этиш чора- тадбирлари тўғрисида” Ҳукумат қарори (337- сон, 28.05.2020 й.) қабул қилинди.

🔰 Қарорга мувофиқ, транспорт воситаларининг вазн ва ҳажм параметрларини назорат қилиш пунктларини лойиҳалаштириш, қуриш, таъмирлаш, жиҳозлаш, махсус техника харид қилиш ва сақлаш бўйича буюртмачи этиб – Ўзбекистон Республикаси Транспорт вазирлиги ҳузуридаги Автомобиль йўллари қўмитаси белгиланди.

✅ Ўзбекистон Республикаси Транспорт вазирлиги ҳузуридаги Автомобиль йўллари қўмитасига катта ҳажмли ва оғир вазнли транспорт воситаларининг вазн ва ҳажм параметрларини назорат қилиш пунктларини лойиҳалаштириш, қуриш, таъмирлаш, жиҳозлаш ишларини давлат-хусусий шериклик шартлари асосида амалга ошришга ҳамда белгиланган тартибда фойдаланишга топширишга рухсат берилди.

⏳ Ўзбекистон Республикаси Транспорт вазирлиги ҳузуридаги Автомобиль йўллари қўмитаси олти ой муддатда;

хорижий юк автотранспорт воситаларининг республика автомобиль йўллари бўйлаб ўтиши километрини ёки вақтини ҳисоб-китоб қилиш ва бунинг учун ҳақ ундириш бўйича техник-иқтисодий ҳисоб-китобларни ишлаб чиқиши;

ишлаб чиқилган техник-иқтисодий ҳасоб-китобларнинг хулосалари асосида хорижий юк автотранспорт воситаларининг республика автомобиль йўллари бўйлаб ўтиши бўйича Вазирлар Маҳкамасига таклиф киритиши лозим.

📝 Қарор билан транспорт воситаларининг вазн ва ҳажм параметрларини назорат қилиш тартиби тўғрисидаги низом;

• Катта ҳажмли ва оғир вазнли транспорт воситаларининг йўналиш бўйича ҳаракатланишдан олдин автомобиль йўлларини ўрганиш тартиби тўғрисидаги низом;

• 2020-2022 йилларга мўлжалланган вазн ва ҳажм параметрларини назорат қилиш пунктларини қуриш, модернизациялаш ва замонавий техник воситалар билан жиҳозлаш бўйича тадбирлар дастури тасдиқланди.


Бухоро вилояти транспорт бошқармаси Ахборот хизмати

Республика махсус комиссиясининг қарори билан, 15 июндан бошлаб 🟢 “яшил” ва 🟡 “сариқ” ҳудудларда ҳудудлар ўртасидаги автобус қатновларига рухсат берилади.

Бунда ташувчилар фаолияти қуйидаги талаблардан келиб чиққан ҳолда ташкил этилади:

➖ транспорт воситасини якуний йўналиш нуқтасида дезинфекция қилиш;

➖ автобус салонига фақатгина тиббий ниқоблардаги йўловчиларни киритиш;

➖ ҳайдовчиларни тиббий қўлқоп ва тиббий ниқоблар билан таъминлаш ҳамда уларнинг мунтазам равишда ўз вақтида алмаштириб борилиши чораларини кўриш.

Вилоятда йўналишсиз таксилар белгиланган талаблар асосида ўз ҳаракатини бошлади.