#БУГУН

ВИЛОЯТ ҲОКИМИНИНГ ЎРИНБОСАРИ МАҲАЛЛАДА САЙЁР ҚАБУЛ ЎТКАЗДИ

Аҳоли билан очиқ мулоқот, уларнинг муаммоларини жойига чиққан ҳолда ўрганиш, пировардида халқнинг розилигига эришиш мақсадида бугун, 15 июль санасида вилоят ҳокими ўринбосари-Оила ва хотин-қизлар бошқармаси бошлиғи Фируза Ибрагимова Бухоро шаҳридаги “Файзулла Хўжаев” маҳалласи аҳли учун сайёр қабул ўтказди.

Сайёр қабул жараёнида 20 га яқин фуқаролар турли масалалардаги мурожаатлари қабул қилинди. Келиб тушган мурожаатларнинг 4 таси ижобий ҳал қилинди, 2 нафар фуқарога мурожаати юзасидан тушунтириш берилди, қолганлари ўрганиш талаб этилганлиги учун назоратга олинди.

🇺🇿 Бизни кузатиб боринг!
Telegram|Facebook

https://t.me/buxoro_xotinqizlari

https://www.facebook.com/groups/3429008777329888/?ref=share

💫 ЖАРАЁН
#бугун

    ⚡️Мамлакатимиз Президентининг  11-12 июнь кунлари Фарғона вилоятига ташрифлари чоғида Бағдод туманидаги "Гулнора Матқулобод бодомлари" кооперацияси иш фаолияти билан танишар экан, жуда қисқа фурсат ичида 500 та  ишчи ўрни яратган "Гулнора Матқулобод бодомлари" кооперация раҳбари  Гулнора Усмонова тимсолида вилоятда фаолият олиб бораётган кооперация тизимидаги самарали ишларни мамлакат миқёсида оммалаштириш ҳақидаги ташаббуслари бугун ҳаётга татбиқ этилмоқда.
     Хабар берганимиздек,  айни пайтда Фарғонада бўлиб турган вилоятимизнинг бир гуруҳ делегация аъзолари бодомчи қизлар кооперациясида бўлиб, улар фаолияти билан яқиндан танишдилар, тажриба алмашдилар.
     Шунингдек,  амалий семинар иштирокчилари тумандаги Д.Ғозиева раҳбарлигидаги "Ориент органик" кооперацияси ишчилари томонидан ишлаб чиқарилаётган харидоргир гигиеник табиий тоза мочалка ҳамда уй-рўзғор маҳсулотларининг  сифати ва харидорлиги хусусида фикр алмашишди.

#бугун
    
     ✅Бугун куннинг иккинчи ярмида вилоятимиз делегация аъзолари Фарғона вилоятининг Риштон тумани   Алишер Навоий номли  маҳалла фуқаролар йиғини ҳудудида жойлашган
   📍 “MM Porcelain” МЧЖ миллий ҳунармандчилик кооперацияси ишлаб чиқариш фаолияти ҳамда ички ва ташқи бозорда харидоргир бўлаётган кулолчилик маҳсулотлари кўргазмаси билан танишдилар.
     ❗️Мазкур кооперация ўз фаолияти давомида шу кунга қадар 105 нафар хотин-қизлар бандлигини таъминлашга эришган.
    

#ҳамкорлик
#бугун

"МУҚАДДАССАН, АЁЛ" шиори остида бирлашайлик, Бухорони аёллар жиноятчилигидан холи ҳудудга айлантирайлик" ғоясини ўзида мужассам этган тарғибот тадбирлари доирасида Ғиждувон туманидаги "Баркамол авлод" болалар мактаби ҳамда туман ҳокимлигида ташкил этган мулоқотга мазкур секторлар ҳудудидаги маҳаллаларда яшовчи хотин-қизлар, оила қуриш арафасида турган ёшлар таклиф қилиндилар.

Тарғибот гуруҳига фаол ёшлар, диний ишлар бўйиа қўмита вилоят ҳудудий бошқармаси ва бўлимлари вакиллари, Зулфия номидаги Давлат мукофоти совриндорлари ҳамда номзодлари, "Ёш китобхон" танловининг республика ва вилоят босқичлари совриндорлари, халқаро фан ва спорт олимпиадалари ғолиблари жалб қилинган.

Мулоқотларда ёшлар тарбияси, оилавий қадриятлар ва муносабатлар, қизларни касб-ҳунарга, маърифатга жалб этиш, жиноятларни келтириб чиқараётган сабаблар, эрта никоҳ ва эрта туғуруқнинг олдини олиш хусусида фикр алмашилди. Шунингдек, йиғилганларга "Аёл қисмати" фильм намойиш этилди.

🇺🇿 Бизни кузатиб боринг!
Telegram|Facebook

https://t.me/buxoro_xotinqizlari

https://www.facebook.com/groups/3429008777329888/?ref=share

#бугун

"Бир бўлсак — ягона халқмиз, бирлашсак — Ватанмиз!"

"МУҚАДДАССАН, АЁЛ" шиори остида тарғибот тадбирлари вилоятимиз бўйлаб давом этади.

#бугун

ХОТИН-ҚИЗЛАР ТАДБИРКОРЛИГИ: ШАРОИТ ВА ИМКОНИЯТЛАР

    Хабар берганимиздек, вилоят Оила ва хотин-қизлар бошқармаси ташаббуси билан ушбу мавзуда ташкил этилган очиқ мулоқотга вилоятнинг барча шаҳар ва туманларидан тадбиркорлар ва тадбиркорлик фаолиятини йўлга қўйиш истагидаги хотин-қизлар таклиф қилиндилар.

    Мулоқотда иштирок этган Оила ва хотин-қизлар қўмитаси раиси ўринбосари Мукарам Нурматова Президентимизнинг 2024 йил 7 мартдаги “Хотин-қизларнинг тадбиркорлигини йўлга қўйиш ва ривожлантиришни қўллаб-қувватлашга оид қўшимча чора-тадбирлар тўғрисида” ги Қарори мазмун-моҳиятига тўхталар экан, ҳар бир хотин-қизнинг ҳукуматимиз томонидан берилаётган имкониятлардан унумли фойдаланиши, шунингдек даромад топишга қаратилган муайян меҳнат фаолияти билан шуғулланиши ва фаолият турини кенгайтириш истагини билдирган хотин-қизларни қўллаб-қувватлашда мазкур ҳужжат айни муддао бўлгани, чунки хотин-қизлар нафақат даромадли бўлаётгани, балки жамиятда ҳам ўз ўрнини топаётганини эътироф этди.
    Вилоят ҳокими ўринбосари Фируза Ибрагимова қарор хотин-қизларни касб-ҳунарга ўқитиш, бандлигини таъминлаш ва тадбиркорликка жалб этиш бўйича ишларга мутлақо янгича ёндашилаётгани, Қарорга мувофиқ, бугун имтиёзлардан фойдаланиб кредит олган ва тадбиркорлик фаолиятини ривожлантираётган вилоятимиз хотин-қизлари ҳақида аниқ мисоллар келдирди.
    Тадбиркорликни ривожлантириш ва маҳаллабай ишлаш агентлиги вилоят бошқармаси, АТ “Халқ банки” вилоят филиали мутасаддилари хотин-қизларга ажратилаётган субсидиялар, хотин-қизлар тадбиркорлигини ривожлантиришда банкларнинг роли, улар томонидан таклиф қилинаётган бизнес лойиҳалар борасида тушунча бердилар.
    Баҳс-мунозараларга бой кечган учрашувда иштирокчиларнинг саволларига соҳа мутасаддилари томонидан атрофлича жавоблар берилди.

🇺🇿 Бизни кузатиб боринг!
Telegram|Facebook

https://t.me/buxoro_xotinqizlari

https://www.facebook.com/groups/3429008777329888/?ref=share

#БУГУН

БУХОРОДА ОИЛА ВА ХОТИН-ҚИЗЛАР ҚЎМИТАСИ РАИСИ САЙЁР ҚАБУЛ ЎТКАЗДИ

     Ўзбекистон Республикаси Оила ва хотин-қизлар қўмитаси раиси Озода Парпибаева ҳудудларда хотин-қизларнинг иқтисодий фаоллигини ошириш, уларни касб-ҳунарга ўқитиш, бандлигини таъминлаш ҳамда тадбиркорликка кенг жалб этиш, оилаларни мустаҳкамлаш, шунингдек аҳоли, айниқса хотин-қизлар ўртасида соғлом турмуш тарзини қарор топтириш, репродуктив саломатликни мустаҳкамлаш борасида олиб борилаётган ишларни ўрганиш мақсадида Бухорода бўлди.

     Ташриф чоғида қўмита раиси Бухоро шаҳридаги ижтимоий ҳолати оғир бўлган "Маҳмуд Таробий" маҳалласи аҳолиси учун сайёр қабул ўтказди.
     Сайёр қабул аввалида Бухоро шаҳридан иш билан банд бўлмаган, кам таъминланган оилалар аъзолари, ташқи меҳнат миграциясидан қайтган, тадбиркорлик ва ўзини ўзи банд қилиш фаолиятини бошламоқчи бўлган, шунингдек “Аёллар дафтари”га киритилган 11 нафар хотин-қизларга ишлаб даромад топишb ва қўшимча иш ўрни яратиш шарти билан субсидия асосида тикувчилик машинкалари топширилди.
     Шунингдек, фуқароларга тегишли ташкилот ва идоралар масъуллари томонидан мурожаатларни кўриб чиқиш тартиби, ҳудудни ривожлантириш инфратузилмаси, субсидия каби масалалар бўйича тушунча берилди.
     Сайёр қабулuа киришни истаб рўйхатдан ўтган фуқаролардан 40 нафари шахсан қўмита раиси билан мулоқот қилиб, таклиф ва мурожаатларини билдирдилар.
     Қабулда хотин-қизларнинг уй-жой, бандлигини таъминлаш, фарзандининг олий таълим контракти, тиббий ёрдам, тадбиркорлик фаолиятида кўмаклашиш, субсидия ажратиш ва оила-турмуш масаласидаги низолари юзасидан мурожаатлари тингланди ҳамда зарурий чора-тадбирлар белгиланди.
     Бундан ташқари, сайёр қабул доирасида алоҳида ажратилган хоналарда 2 та ажрашиш ёқасидаги ҳамда 2 та низоли оилалар билан психологлар, суд, адлия ва ички ишлар ходимлари, отинойи, “Оқила аёллар” ҳаракати аъзолари томонидан яраштирув ишлари олиб борилди.  Соғлиқни сақлаш бошқармаси масъуллари томонида ногиронликни белгилаш, даволаниш учун ордер олиш, молия ва кадастр масалалари бўйича мутасаддилар мурожаатлар юзасидан фуқароларга тушунтиришлар берилди.
     Сайёр қабулга мурожаатлар бўйича тегишли масъулларга топшириқлар берилди ва назоратга олинди.

🇺🇿 Бизни кузатиб боринг!
Telegram|Facebook

https://t.me/buxoro_xotinqizlari

https://www.facebook.com/groups/3429008777329888/?ref=share

#БУГУН

Ўзбекистон Республикаси Оила ва хотин-қизлар қўмитаси раиси Озода Парпибаева Бухоро шаҳрида сайёр қабул ўтказди.

🇺🇿 Бизни кузатиб боринг!
Telegram|Facebook

https://t.me/buxoro_xotinqizlari

https://www.facebook.com/groups/3429008777329888/?ref=share