#ҳудудлардан_хабарлар

Вазирлар Маҳкамаси томонидан қабул қилинган 2020-йил 31 декабрдаги “Оила инустутини янада ривожлантириш ва ёшларни оилавий ҳаётга тайёрлаш чора тадбирлари тўғрисида”ги 820-сонли қарори амалда

Ромитан тумани ҳокимлигининг кичик мажлислар залида туман Оила ва хотин-қизлар бўлими бошчилигида оилаларнинг мустаҳкамлигини таъминлаш, оилавий ажралишларнинг олдини олиш, никоҳланувчи шахсларда оилавий қадриятларни ҳурмат қилиш, оилаларда соғлом маънавий-ахлоқий муҳитни яратиш ҳамда ибратли ота-она бўлиш кўникмаларини шакллантириш бўйича ёшлар ўртасида ўқувлар ўтказилди.
Ўқувда туман Маънавият ва маърифат бўлим бошлиғли И.Мирзаев, Дин ишлар бўйича С.Усмонов, туман бош имом хатиб С.Фахриев, туман отинойиси Д.Авезова, “Инсон” ижтимоий хизматлар маркази психологи Ш.Шукурова ва Оила ва хотин-қизлар бош мутахасиси С.Жўраевалар қатнашдилар.
Ўқув сўнгида 18 нафар жуфтлик никоҳланувчиларга сертификатлар тақдим қилинди.

🇺🇿 Бизни кузатиб боринг!
Telegram|Facebook

https://t.me/buxoro_xotinqizlari

https://www.facebook.com/groups/3429008777329888/?ref=share

#ҳудудлардан_хабарлар

Шофиркон туман Оила ва хотин-қизлар бўлими томонидан ёш оилалар учун Хожа Ориф Моҳитобон зиёратгоҳидаги Ёшларни оилавий ҳаётга тайёрлаш марказида ташкил этилган ўқувда одоб-ахлоқ, кийиниш маданияти, овқатланиш одоби ва жамиятда хулқ-атвор қоидалари ҳақида маърузалар савол-жавоб тарзида ўтказилди.

Ўқувларда туман Оила ва хотин-қизлар бўлими раҳбари М.Тилавова, ҳоким ўринбосари А.Қазоқов, ҳоким маслаҳатчиси Ш.Облоқулова, туман имом-хатиби М.Егамбердиев, психолог З.Ашурова ва бошқалар ўз билим ва тажрибалари билан ўртоқлашдилар.

Эътиборли жиҳати, тадбир фақат маъруза шаклида эмас, балки интерактив усулда ўтказилиб, ёшлар билан жонли мулоқот орқали уларни қизиқтирган саволларга жавоб берилди. Тадбир якунида 53 та ёш оилага махсус сертификатлар топширилди.

🇺🇿 Бизни кузатиб боринг!
Telegram|Facebook

https://t.me/buxoro_xotinqizlari

https://www.facebook.com/groups/3429008777329888/?ref=share

#ҳудудлардан_хабарлар

Ромитанда 10 нафар жажжи болажонларнинг суннат тўйи ўтказилди

Эҳтиёжманд оилаларни ҳар томонлама қўллаб-қувватлаш, хайрли ва савобли ишларни амалга ошириш халқимизга хос азалий қадриятларимиздан ҳисобланади. Бундай меҳр-оқибат ва хайру саховат тадбирлари ёш авлодни она Ватанга муҳаббат, азалий анъана ва қадриятларга ҳурмат руҳида тарбиялашга хизмат қилади.

Юртимизда мустақиллигимизнинг 33 йиллиги шукуҳи кезаётган шу кунларда Ромитан тумани ҳокимлиги ҳамда саховатпеша тадбиркорлар ташаббуси билан Шўробод маҳалла фуқаролар йиғинида жойлашган “Тўй барака” тантаналар саройида ижтимоий ҳимояга муҳтож бўлган, “Темир дафтар” ва “Аёллар дафтар”ларига киритилган оилаларнинг фарзандлари, асосан, мактаб ва мактабгача таълим муассасалари тарбияланувчиларидан 10 нафарининг суннат тўйлари ташкил этилди.

Ташкил этилган тадбирда сектор раҳбарлари, туман Халқ қабулхонаси мудири, туман ҳокими ўринбосарлари, тегишли ташкилот, корхона раҳбарлари, оқсоқол ва нуронийлар, кенг жамоатчилик ва маҳалла фаоллари, оммавий ахборот воситалари вакиллари, жажжи болажонлар ва уларнинг ота-оналари иштирок этди.

Маросим аввалида 30 нафар “Аёллар дафтари” рўйхатида турувчи аёлларга тикув машиналари тантанали равишда топширилди. Арзон нархларда ташкил этилган савдо ярмаркалари дастурхонларимиз сероблиги учун айни муддао бўлди. Тантана давомида имом хатиби томонидан Қуръон тиловат қилиниб эзгу ва ҳайрли дуолар қилинди.

Тадбирда сўз олганлар барча йиғилганларни, суннат тўйини нишонланаётган болажонларни ва уларнинг ота-оналарини тантана билан самимий муборакбод этди. Давлатимиз раҳбарининг ташаббуси билан мамлакатимизда кам таъминланган ва ногиронлиги бор оилалар, аҳолининг эҳтиёжманд қатламларини қўллаб-қувватлаш борасида амалга оширилаётган кенг кўламли ишлар эътироф этилди.

Шундан сўнг жамоатчилик вакиллари, туман ҳокимлиги, сектор раҳбарлари, кекса нуроний отахонлар томонидан суннат тўйи нишонланаётган болажонларга зар тўнлар кийдирилиб, велосипедлар ва бошқа қимматбаҳо совғалар берилди.

Тантана файзли ва тўкин дастурхон атрофида, бир пиёла чой устида давом этди. Даврага миллий таом–ош тортилиб, йиғилганлар ва болажонлар шарафига туман маданият бўлими бадиий ҳаваскорлари жамоаси, шунингдек, ўз дастури ва саҳна кўринишлари, куй-қўшиқ ва рақслари билан барчани хушнуд қилдилар.

#ҳудудлардан_хабарлар

Қоровулбозор туманида “1 октябрь – Ўқитувчи ва мураббийлар куни”га бағишланган байрам тадбири бўлиб ўтди.

Тадбирда сектор раҳбарлари, туман ҳокимининг ўринбосарлари, тумандаги таьлим муассасалари мутасаддилари, энг илғор ўқитувчилар, тизимда самарали меҳнат қилаётган фахрий устоз-мураббийлар иштирок этишди.

Тадбирда сўзга чиққанлар устоз ва мураббийлар куни билан барчани табриклаб, ўзларининг самимий тилакларини билдиришди.

Шундан сўнг, медал ва кўкрак нишонлар, шунингдек, ташаккурнома ва эсдалик совғалари бир гуруҳ фаол ва ташаббускор ўқитувчи ва мураббийларга тантанали равишда топширилди.

Маданият бўлими томонидан ташкил этилган концерт дастури барчага манзур келиб, йиғилганлар маданий ҳордиқ чиқаришди.

#ҳудудлардан_хабарлар

🔹Бухоро шаҳар "Ҳавзи-нав" маҳалла фуқаролар йиғинида истиқомат қилувчи, кўп йиллар таълим ва бошқа соҳаларда устозлик қилган фахрли устоз ва мураббийларнинг хонадонларида бўлиб, байрам билан табриклаб, уларга эҳтиром кўрсатилди.

🇺🇿 Бизни кузатиб боринг!
Telegram|Facebook

https://t.me/buxoro_xotinqizlari

https://www.facebook.com/groups/3429008777329888/?ref=share