🇺🇸 АҚШнинг Техас штатида ЙТҲ натижасида 8 миллионта танга йўлга сочилиб кетди — ОАВ

Қўшма Штатларнинг Техас штатида 8 миллион дона 10 центлик янги зарб қилинган тангаларни олиб кетаётган юк машинаси ағдарилди. Натижада 800 минг доллар пул йўлга сочилиб кетди.

Хабар берилишича, йўл 14 соатга ёпилиб қолган. Бу вақтда ишчиларнинг махсус гуруҳи турли усуллардан фойдаланиб, тангаларни йиғишга ҳаракат қилган. Тангаларнинг кўп қисми йиғилгани, бироқ айрим майда пулларни эса ёмғир ювиб кетгани маълум қилинди.

🔥 @burchakostida

Исроил Сурияга янги зарбалар берди — ОАВ

Сурия давлат оммавий ахборот воситалари жума куни кечқурун Исроил ҳарбийлари Суриянинг бир қанча ҳудудларига янги зарбалар берганини хабар қилмоқда. Хусусан, Дамашқ шимоли ва Ҳама шаҳри яқинидаги ҳудудлар ўққа тутилгани маълум қилинди.

Аввалроқ Исроил армияси Дамашқдаги президент саройи яқинидаги ҳудудларни ҳам ўққа тутган эди. Исроил ҳарбийларининг таъкидлашича, улар друз халқи вакилларини ҳимоя қилишга уринмоқда.

Дамашқ эса Сурия ҳукумати вакиллари кеча кечқурун друзлар етакчилари билан келишувга эришганини маълум қилди.

🔥 @burchakostida

🇰🇿🇷🇺 DW: Қозоғистон ҳукумати Россия Давлат думаси вице-спикери ва бир неча депутатинининг мамлакатга киришини тақиқлади

Нашр манбасининг маълум қилишича, тақиқ ушбу шахсларнинг Қозоғистон Республикаси ва унинг раҳбариятига нисбатан ҳақоратомуз ва душманона баёнотлари сабаб бўлган. “Қора рўйхат”дан Россия Давлат думаси вице-спикери Пётр Толстой, Халқаро ишлар бўйича қўмита раисининг биринчи ўринбосари Вячеслав Никонов, “Единая Россия” партияси депутатлари Евгений Фёдоров ва Константин Затулин, шунингдек, “Россотрудничество” раҳбари ва Давлат думасининг собиқ депутати Евгений Примаков жой олган.

Аввалроқ Толстой Украинадан кейин Россия учун Қозоғистон “навбатдаги муаммога” айланиши мумкинлигини билдирганди.Толстой, шунингдек, Олмаотани “руслар томонидан қурилган Верний шаҳри” деб атаган ва Қозоғистонни Россиядан узоқлашиш учун “ўз тарихини ўйлаб топишга” уринишда айблаган.

Никонов федерал телевидениядаги чиқишида “Қозоғистон шунчаки мавжуд эмас” дея фикр билдириб, замонавий Қозоғистон ҳудудларини “Россия ва СССР совғаси” дея таърифлаган. Фёдоров Никоновнинг фикрларини қўллаб-қувватлаган ва Россия Қозоғистондан ўз ҳудудларини қайтаришни талаб қилиш ҳуқуқига эга эканини айтган. Бундан ташқари, Фёдоровнинг сўзларига кўра, Қозоғистон “халқаро ҳуқуқларга мувофиқ СССР таркибидан чиқмаган”, бу эса унинг давлатчилиги “тўлиқ қонуний эмаслигини” англатади.

"Депутатлардан ташқари, пропагандачилар Тина Канделаки ва Тигран Кеосаян, сиёсатшунос Никита Мендкович, “рус дунёси” мафкурачиси Александр Дугин ҳамда россиялик тарихчи Андрей Грозин ҳам Қозоғистон ҳукумати томонидан “персона нон грата”, деб эълон қилинган", дейилади DW хабарида.

🔥 @burchakostida

🇺🇸🇺🇦🇷🇺 Трамп маъмурияти Россияга қарши янги санкциялар тайёрламоқда – Reuters

Агентликнинг АҚШ ҳукуматидаги манбаси маълумотларига кўра, санкциялар Россиянинг “Газпром” компанияси, шунингдек, энергетика ва банк соҳасидаги бир қатор бошқа компанияларга нисбатан жорий этилиши мумкин.

"Бу чоралар Россияни Украинага қарши урушда тинч йўл билан ечим топишга ундаш ва босимни кучайтириш мақсадида кўрилмоқда. Бироқ ҳозирча Трамп янги чекловларни жорий этиш бўйича якуний қарорни қабул қилмаган", деб ёзади Reuters.

🔥 @burchakostida

АҚШ кучлари Сурия шарқидаги Дайр-аз-Зор ҳудудидаги иккита ҳарбий базадан чиқиб кетмоқда — Аl Watan нашри.

🔥 @burchakostida

🇺🇸Доналд Трамп ўзининг Рим папаси сифатида тасвирланган суратини ижтимоий тармоқларда эълон қилди

Нейрон тармоқлар ёрдамида яратилган суратда Трампни Рим папасининг анъанавий либосида кўриш мумкин. Трамп расмга ҳеч қандай изоҳ ёзмаган.

🔥 @burchakostida

Аҳмад аш-Шараа Исроилнинг Сурияга ҳаво ҳужумларини “хавфли кескинлашув” деб атади

Бу ҳақда Сурия муваққат президенти идораси томонидан чоп этилган баёнотда маълум қилинди.

"Сурия Араб Республикаси президенти Исроил кучлари томонидан пойтахт Дамашқ ва мамлакатнинг бошқа ҳудудларуга уюштираётган ҳаво ҳужумларини қоралади ва бу ҳаракатлар кескинликни кучайтиришини билдирди", дейилади баёнотда.

Бундан ташқари, Суриянинг ўтиш даври президенти Исроилни Суриядаги вазиятни беқарорлаштиришга уринишда айблади. Шу билан бирга, Аш-Шараа халқаро ҳамжамият ва араб мамлакатларини халқаро ҳуқуқни бузувчи тажовузкор ҳужумларга қарши туришда Сурияни қўллаб-қувватлашга чақирди.

🔥 @burchakostida

🇮🇱 Исроил ҳарбий-сиёсий вазирлар маҳкамаси Ғазо секторида ҳарбий операцияларни кенгайтиришга розилик берди — The Jerusalem Post

Нашрга кўра, энди Ғазо секторига Исроил Мудофаа армиясининг (ЦАХАЛ) бир нечта захира бригадалари сафарбар қилинади ва 8-пиёда дивизияси жойлаштирилади.

🔥 @burchakostida

🇺🇸🇺🇦 DW: АҚШ Давлат департаменти Украина Қуролли кучлари учун F-16 самолётларини харид қилиш ва техник хизмат кўрсатиш бўйича пакетни маъқуллади

Мазкур пакет Украинага потенциал равишда қирувчи самолётларни сотишни, уларни модернизация ва модификация қилиш хизматларини ва техник хизмат кўрсатиш учун ходимларни тайёрлашни, шунингдек, эҳтиёт қисмлар, дастурий таъминот воситалари, техник ҳужжатлар ва бошқа логистика элементларини ўз ичига олади.

"Бу Украина учувчиларини самарали тайёрлаш ва АҚШ билан оператив мувофиқликни ошириш орқали мамлакатнинг ҳозирги ва келажакдаги таҳдидларга қарши туриш қобилиятини кучайтиради", дея қайд этади DW.

Шу билан бирга, Вашингтоннинг фикрича, ушбу пакет минтақадаги ҳарбий кучлар мувозанатини ўзгартирмайди.

🔥 @burchakostida

🇷🇺🇺🇦 Россия Украинани тўлиқ эгаллаши учун 230 йил керак бўлади — Forbes

Журнал бу хулосани Россиянинг ҳозирги ҳужум суръатларига асосланиб чиқарган. Нашрнинг қайд этишича, 2025 йил апрел ойида Россия Қуролли кучлари Украинанинг тахминан 176 квадрат километр ҳудудини эгаллай олган.

"Бундай ўлчамдаги ҳудудни босиб олиш Россияга 4800 дона ҳарбий техника ҳамда 36 000 дан ортиқ ўлдирилган ва яраланган ҳарбий хизматчиларга тушган. Украинанинг умумий майдони 603 000 квадрат километрдан ортиқ бўлиб, Россия қўшинлари 2022 йил февралидан буён мамлакат ҳудудининг тахминан 19 фоизини босиб олган", дейилади мақолада.

Forbes'га кўра, Украинанинг Россия томонидан эгалланган ҳудудларининг асосий қисми кенг кўламли босқин бошланган дастлабки ҳафталарда ишғол қилинган, ўтган йил давомида эса рус қўшинлари назорати остидаги ҳудуд атиги 0,5 фоизга кенгайган.

🔥 @burchakostida

🇺🇦🇷🇺 Зеленский Путиннинг “Ғалаба куни” муносабати билан 3 кунлик сулҳ таклифини рад этди ва ўт очишни 30 кун давомида тўхтатишни талаб қилди —
“Интерфакс-Украина”

Украина президенти, шунингдек, Киев 9 май куни Москвадаги парадга келадиган дунё етакчиларининг хавфсизлигини кафолатлай олмаслигини айтди.

"9 май куни Москвадаги парадга раҳбар ёки вакиллари борадиган барча давлатларга шуни айтамизки, Россия ҳудудида содир бўлаётган воқеалар учун биз жавобгарликни ўз зимамизга ололмаймиз. У ерда сизнинг хавфсизлигингизни Москва таъминлайди, шунинг учун биз ҳеч қандай кафолат бера олмаймиз. Чунки Россия айнан шу саналарда нима қилишини билмаймиз", — дея Зеленскийнинг сўзларини келтиради “Интерфакс-Украина”.

Украина етакчиси, шунингдек, хорижий давлатлар етакчиларига 9май куни Москвадаги парадга боришни тавсия этмаслигини айтди.

Эслатиб ўтамиз, аввалроқ Зеленский Украина қуролли кучлари 9 май куни Қизил майдондаги парадга зарба бериши мумкинлигини айтиб ўтганди.

🔥 @burchakostida

🇺🇸 Трамп АҚШ иқтисодиёти қисқа муддатли рецессиядан ўтиши мумкинлигини билдирди

Президент Доналд Трамп NBC News'га берган интервюсида, Қўшма Штатлар иқтисодиётида рецессия юз бериши мумкинлигини, бироқ бу уни ташвишга солмаётганини айтди.

"Ҳамма нарса бўлиши мумкин, лекин менимча, биз мамлакатимиз тарихидаги энг буюк иқтисодиётга эга бўламиз", — деди Трамп рецессия эҳтимоли ҳақидаги саволга жавоб берар экан.

"Ҳатто мамлакат иқтисодиётида “ўтиш даври”да қисқа муддатли рецессия юз берса ҳам, узоқ муддатли даврда ҳаммаси ажойиб бўлади", — дея қўшимча қилди президент.

🔥 @burchakostida

🇺🇸 Бугун АҚШда яшаш имконини берувчи Green Card дастури натижалари эълон қилинади

3 май куни Тошкент вақти билан 21:00 да АҚШнинг Хилма-хиллик дастури – кўплаб мамлакатлар фуқароларига ушбу давлатга кўчиб бориш имконини берувчи Green Card (DV-2026) натижалари чиқади. Дастурнинг 2026 йилги мавсумига 2024 йил 2 октябрдан 7 ноябригача аризалар қабул қилинган эди.

Унга ариза топширган шахслар dvprogramm.state.go веб-сайти орқали натижаларни билиб олиши мумкин. АҚШ DV-2026 Green Card учун 55 мингта квота ажратган.

АҚШ ҳукумати томонидан эълон қилинган Green Card дастури ҳар йили дунёнинг кўплаб мамлакатларидан минглаб одамларга Қўшма Штатларга келиб яшаш орзусини рўёбга чиқариш имкониятини беради. Green Card одатда 10 йилга берилади, унга эга бўлгандан сўнг 5 йил ўтгач, АҚШ фуқаролигини олиш учун ариза бериш мумкин.

🔥 @burchakostida

🇺🇿🇷🇺 Ўзбекистон ТИВ Рооссия элчисини чақириб, ўзбекистонлик мигрантларнинг ҳуқуқлари поймол қилиниши ҳолатлари кўпайиб бораётгани юзасидан эътироз билдирди

2 май куни Ўзбекистон Ташқи ишлар вазири ўринбосари Бобур Усмонов Россия элчиси Олег Малгинов билан учрашув ўтказди.

Учрашувда Ўзбекистон томони Россия томонининг эътиборини РФда Ўзбекистондан келган меҳнат муҳожирларининг ҳуқуқлари бузилиши ва уларга нисбатан қўпол муомала ҳолатлари тобора кўпайиб бораётгани ҳақидаги хабарларга қаратди, дея хабар бермоқда ТИВ матбуот хизмати.

Бир кун олдин Ташқи ишлар вазирлиги Ўзбекистоннинг мингдан ортиқ фуқароси Россия томонидан ёлланиб, Украинадаги урушга жалб этилгани ҳақидаги маълумотлар ваколатли органлар томонидан ўрганилаётганини маълум қилганди.

🔥 @burchakostida