🇬🇧 Транс-аёллар ҳақиқий “аёл” эмас — Буюк Британия бош вазири Кир Стармер

Буюк Британияда гендер идентификацияси масалалари бўйича қизғин баҳслар давом этмоқда. Яқинда Буюк Британия Олий суди туғилганида эркак бўлган, аммо ўзини “аёл” деб ҳисобловчи шахсларни ҳуқуқий жиҳатдан “аёл” деб ҳисоблаб бўлмаслиги ҳақида қарор чиқарган эди.

Мамлакат бош вазири Кир Стармер бу масалада “аниқлик киритгани учун” судга миннатдорчилик билдирди.

Даунинг-стрит томонидан тарқатилган баёнотда қайд этилишича, ҳукумат раҳбари эндиликда транс-аёлларни “аёл” сифатида тан олмайди.

🔥 @burchakostida

🇹🇷 Истанбулда содир бўлган 6,2 магнитудали биринчи зилзиладан кейин магнитудаси 3,1 дан 4,9 гача бўлган ўнта афтершок қайд этилди — Туркия Фавқулодда вазиятлар бошқармаси.

🔥 @burchakostida

🇺🇿🇹🇲 Туркман халқининг миллий етакчиси, Туркманистон Халқ Маслаҳати Раиси Гурбангули Бердимуҳамедов ташриф билан Ўзбекистонга келди. Самарқанд халқаро аэропортида олий мартабали меҳмонни Ўзбекистонга президенти Шавкат Мирзиёев кутиб олди.

🔥 @burchakostida

🇺🇸 Reuters: АҚШ суди Оқ уйдан “Америка Овози” ва “Озод Осиё” радиоси фаолиятини тиклашни талаб қилди

"Колумбия округи федерал округ суди Доналд Трамп маъмурияти олдига “Америка Овози”, “Озод Осиё” радиоси ва АҚШ ҳукумати томонидан молиялаштириладиган Яқин Шарққа йўналтирилган эшиттириш корпорацияларини ёпишга уринишларни тўхтатиш талабини илгари сурди", дея хабар беради агентлик.

Судя Ройс Ламбертниг қарорига кўра, Қўшма Штатлар президенти маъмурияти ушбу оммавий ахборот воситаларида ишлаган барча ходимлар ва фрилансерларни лавозимига қайтариш учун “зарур бўлган барча чораларни кўриши” лозим. Шунингдек, янгиликлар ресурслари, радио ва телеешиттиришлар фаолияти тикланиши керак.

"Бу оммавий ахборот воситалари, жумладан “Озод Европа/Озодлик” радиосини молиялаштирадиган Конгресс ижро ҳокимиятига бу ташкилотларни бир томонлама ёпиш ёки улардан молиявий ёрдамни олиб қўйишга рухсат бермайди. Бундан ташқари, президент Доналд Трамп шахсан бундай фармойиш бермаган ва Конгрессдан ҳам буни сўрамаган", —дея қайд этди судя.

🔥 @burchakostida

🇹🇷 Истанбулдаги зилзила натижасида ҳеч ким ҳалок бўлмади, 151 нафар киши турли даражада жароҳат олди — Туркия Фавқулодда вазиятлар бошқармаси.

🔥 @burchakostida

🇺🇦🇷🇺 Украина музокараларда аввало тўлиқ ёки қисман сулҳ эълон қилиниши кераклигини қатъиян талаб қилади

Бу ҳақда Украина президенти Володимир Зеленский маълум қилди.

Шу билан бирга, Зеленский Украина ўт очишни тўхтатиш ва келгусида ҳақиқий тинчликка олиб келиши мумкин бўлган ҳеч бир форматни истисно қилмаслигини таъкидлади.

🔥 @burchakostida

Рамзан Қодировнинг 17 ёшли ўғли Чеченистон Хавфсизлик кенгаши котиби лавозимини эгаллади — “Медуза”

Чеченистон Хавфсизлик кенгаши расмий сайтида ёзилишича, Адам Қодиров бу лавозимда 2025 йил апрелидан буён фаолият юритиб келмоқда. 2024 йил июлида бу вазифага Чеченистон раҳбарининг жияни Ҳамзат Қодиров тайинланган эди.

“Кавказ.Реалии” нашрининг маълум қилишича, кичик Қодиров Хавфсизлик кенгаши котиби сифатида илк бор 21 апрел куни идоранинг Telegram-каналида тақдим этилган. Хабарда айтилишича, Адам Қодировнинг топшириғи билан унинг ўринбосарлари республика ФВВ бошлиғи ўринбосари Ризван Залаев билан учрашув ўтказишган.

"Кавказ.Реалии" хабарига кўра, бу Адам Қодиров учун олтинчи лавозим ҳисобланади. У Гудермесдаги махсус кучлар университети, Мудофаа вазирлигининг иккита батальони, Чеченистон Ички ишлар вазирлигининг бутун тузилмаси куратори этиб тайинланган, шунингдек, отасининг хавфсизлик хизматини бошқаради.

🔥 @burchakostida

🇪🇪🇷🇺 Эстония Россия билан чегарада ҳарбий база қуради

Мамлакат мудофаа кучлари Россия ҳудудидан шу номдаги дарё ажратиб турадиган Нарва шаҳрида 200-250 нафар эстониялик ҳарбий хизматчи ва иттифоқчилар бўлинмалари жойлашадиган ҳарбий база яшкил этишни режалаштирмоқда. Бу ҳақда Эстония армияси бош штаби бошлиғи генерал-майор Вахур Карус маълум қилди.

"Бу қўшни давлат учун Эстония давлати борлиги ҳақида аниқ сигнал беради. Нарва аҳолиси ҳарбийлар уларнинг кундалик ҳаётининг бир қисми эканлигига кўникиши мумкин ва маълум маънода бу қадам шаҳар Эстониянинг ажралмас қисми эканлигининг намойиши бўлади", — деди Эстония бош штаби раҳбари.

Унинг қўшимча қилишича, Нарвадаги базага ротация асосида ҳам амалдаги ҳарбий хизматчилар, ҳам чақирилувчилар ва захирадагилар жойлаштирилади.

🔥 @burchakostida

🇺🇸 Вашингтон Россиянинг Украина инқирозига доир позициясини икки томонлама маслаҳатлашувлардан сўнг анча яхши тушуниб етди — АҚШ Давлат котиби

Марко Рубионинг бошқа баёнотлари:

◾️ Агар АҚШ бошчилигидаги музокаралар муваффақиятсизликка учраса, Украина Россиядан янада қаттиқроқ шартларни олиши мумкин;

◾️ NATO ҳақиқий мудофаа иттифоқи бўлиши керак, Қўшма Штатлар ва “бир нечта кичик ҳамкорлардан иборат блок” эмас;

◾️ АҚШ Хитой билан эҳтимолий қуролли тўқнашувнинг олдини олишни истамоқда.

🔥 @burchakostida

🇺🇸🇺🇦🇷🇺 Зеленскийнинг "Украина Қрим оккупациясини тан олмайди" деган баёноти тинчлик музокараларига жиддий зарар етказади — Доналд Трамп

АҚШ президентининг сўзларига кўра, "Қрим кўп йиллар олдин, Барак Обама даврида йўқотилган ва у ҳатто муҳокама мавзуси ҳам эмас".

"Ҳеч ким Зеленскийдан Қримни Россия ҳудуди сифатида тан олишни сўрагани йўқ. Аммо агар у Қримни эгалик қилишни истаса, нега улар уни ўн бир йил олдин, бирорта ўқ отмасдан Россияга берилганида, ҳимоя қилишмаган? Украина учун вазият даҳшатли, у тинчликка эришиши мумкин ёки яна уч йил урушиб, бутун мамлакатни йўқотиши мумкин", — деб ёзди Трамп Truth Social ижтимоий тармоғидаги саҳифасида.

🔥 @burchakostida

Сурия муваққат президенти Аҳмад аш-Шараа Россия Башар Асадни экстрадиция қилишдан бош тортганини айтди

Оммавий ахборот воситалари Дамашқ Башар Асадни экстрадиция қилишни сўрагани ҳақида январ ойида, Москванинг Суриянинг янги расмийлари билан биринчи алоқаларидан кейин ёзган эди.

Al-Arabiya телеканалининг манбаларига таяниб хабар беришича, бу масала феврал ойида Аҳмад Аш-Шараа ва Владимир Путин ўртасидаги телефон суҳбатида ҳам кўтарилган.

Сурия муваққат ҳукумати раҳбари The New York Times газетасига берган интервьюсида сўров рад этилганини айтди.

Шу билан бирга, Аҳмад аш-Шараа Суриянинг янги ҳукумати Москва билан ҳамкорлик қилишдан бош тортмаётганини таъкидлади. Унинг сўзларига кўра, Суриянинг барча қуроллари Россиядан олинган ҳамда Дамашқ Москванинг озиқ-овқат ва энергия таъминотига таянади.

Башар Асад мамлакатни 2000 йилдан, унинг оиласи эса 1971 йилдан бошқариб келган. 2024 йилнинг 8 декабрида Сурияда кенг кўламли исён бошлаган гуруҳлар коалицияси ҳокимиятни қўлга олганини эълон қилди. Эртаси куни Башар Асад ва унинг оиласи президент Владимир Путин қарори билан Россиядан сиёсий бошпана олгани маълум бўлди. Кремл Асаднинг истеъфога чиқиш қарорини унинг ўзи қабул қилганини билдирди.

🔥 @burchakostida

🇷🇺🇺🇦 Россия томонида Уараинадаги урушда камида 48 давлатдан келган ёлланма жангчилар урушмоқда —  “Важные истории”

Нашр бу ҳақда Ягона тиббий ахборот-таҳлилий тизимдан (ЭМИАС) олинган маълумотларга таяниб хабар бермоқда.

Журналистик суриштирувга кўра, биргина Москвада 2023 йил апрелидан 2024 йил майигача бўлган даврда Россия армиясига 1500 дан ортиқ хорижий ёлланма жангчилар жалб қилинган. Уларнинг барчаси яшаш манзили сифатида Яблочкова кўчаси, 5-уйдаги ягона саралаш пунктининг манзилини кўрсатган.

Журналистлар бу давр мобайнида Москвадаги саралаш пункти орқали рўйхатдан ўтган 1300 дан ортиқ чет элликнинг келиб чиқиш давлатини аниқлади. Кўпчилик ёлланма аскарлар Жанубий ва Шарқий Осиё мамлакатларидан (771 киши). Иккинчи ва учинчи ўринларда собиқ Совет Иттифоқи мамлакатлари (523 киши) ва Африка давлатлари (72 ёлланма) турибди.

Россияга энг кўп ёлланма жангчилар Непал давлатидан борган бўлиб, уларнинг аниқлангани сони 603 кишини ташкил этган. 2023 йил ноябр ойида Непал ҳукумати Россиядан фуқароларини армияга ёллашни тўхтатишни сўраган бўлса-да, ёллаш барибир давом этган.

Россия учун урушга бораётганлар орасида Москва томонидан “дўст бўлмаган” деб эълон қилинган давлатлар фуқаролари ҳам бор. Жумладан, АҚШ (2 киши), Латвия (4), Франция (2), Италия (2) ва бошқа мамлакатларнинг фуқаролари рус қўшинлари сафида хизмат қилиш учун шартнома имзолаган. Европа қитъаси давлатлари орасида энг кўп ёлланма жангчи Сербиядан бўлиб, уларнинг сони 8 кишини ташкил этган. Сербия Россияга “дўст” сифатида қаралади.

Яна 71 нафар ёлланма аскар Яқин Шарқ давлатларидан келган бўлиб, Миср (31), Эрон (7), Жазоир (7), Ироқ (2), Сурия (1), Туркия (1) ва бошқалар шу жумласидан.

Африканинг ишсизлик ва қашшоқлик юқори бўлган давлатларидан 72 нафар одам урушга жалб қилинган. Бу минтақада Гана (26), Камерун (10) ва Сенегал (8) давлатлари етакчилик қилмоқда.

“Важные истории”нинг очиқ манбаларга таяниб хабар беришича, Яблочкова 5-уй манзилида рўйхатдан ўтган ўнлаб хорижликлар Украинадаги урушда қатнашганини тасдиқлаган. Улардан айримлари ҳалок бўлган ёки Украина асирлигига тушган, бошқалари эса шартнома муддатини ўтаб, Россия армияси сафларидан чиқиб кетишга муваффақ бўлган.

Журналистларга кўра, Москвадаги саралаш пунктига келганларнинг ҳаммаси ҳам хизматга киришмаган — камида 13 нафар чет эллик кўнгилли Россияни зудлик билан ёки бир неча кундан сўнг тарк этган.

🔥 @burchakostida

🇺🇸🇷🇺 Россия президенти Владимир Путин ва АҚШ президентининг махсус вакили Стив Уиткофф ўртасидаги учрашув 25 апрел куни бўлиб ўтиши мумкин — Ахios.

🔥 @burchakostida

🇮🇳🇵🇰 Ҳиндистон Кашмирдаги терактдан сўнг барча покистонликлар мамлакатдан чиқариб юборилишини эълон қилди — Тhe Times of India

"Покистон фуқароларига Ҳиндистонга киришига рухсат берилмайди. Покистонликларга аввалроқ берилган барча визалар бекор қилинган ҳисобланади. Ҳозирда Ҳиндистонда бўлган ҳар қандай покистонликка мамлакатни тарк этиши учун 48 соат вақт берилади", дейилади Ҳиндистон ҳукумати баёнотида.

Нью-Деҳлидаги Покистон дипломатик муссиясининг ҳарбий маслаҳатчилари “персона нон грата” деб эълон қилинди. Улар Ҳиндистонни тарк этишлари учун бир ҳафта муддат берилди. Бундан ташқари, мамлакатлар орасидаги Аттари назорат пункти ёпилади.

22 апрел куни Ҳиндистон шимолидаги Жамму ва Кашмир минтақасида теракт содир этилгани ҳақида хабар берилганди. Журналистларга кўра, қуролланган террорчилар Паҳалгам шаҳри яқинидаги Байсаран водийсида сўқмоққа чиқаётган сайёҳларга ўт очган. Ҳужумда оқибатида камида 27 нафар сайёҳ ҳалок бўлган, йигирмага яқин одам яраланган.

🔥 @burchakostida

🇷🇺 Россия президенти матбуот котиби Дмитрий Песков Франциянинг Le Point нашрига интервю берди

Интервюда Песков томонидан билдирилган асосий фикрлар:

◾️ Москва "тинч йўл билан ёки ҳарбий куч орқали" ўз мақсадларига эришмоқчи. Ҳарбий операция бошланганидан буён бу мақсадлар ўзгармаган;

◾️ Володимир Зеленскийнинг истеъфоси Кремлнинг талаблари рўйхатига кирмайди, бироқ ҳатто бугун тинчлик шартномаси имзоланса ҳам, кейинчалик Украинада Зеленскийнинг нолегетимлиги баҳонасида уни ҳуқуқий жиҳатдан бекор қилишлари мумкин;

◾️ Россиянинг Болтиқбўйи мамлакатларига нисбатан ҳеч қандай муаммоси ва ҳудудий даъвоси йўқ, гарчи бу ерларда руслар яшаса ва уларнинг манфаатлари доимий равишда поймол қилинаётган бўлса ҳам;

◾️ Европа давлатлари билан муносабатларда келишиш мумкин бўлган пункт йўқ, чунки Европа музокараларни эмас, урушни хоҳлайди;

◾️ Доналд Трамп ва Владимир Путиннинг позицияларини уларнинг иккаласи ҳам мулоқотдан воз кечишнинг бемаънилигини тушуниши бирлаштиради. Трамп ва Путиннинг бўлажак учрашуви самарали бўлиши керак, улар натижага эришишни хоҳлашади;

◾️ Украина Россия Конституциясида "белгиланган" тўртта минтақадан ўз қўшинларини олиб чиқса, уруш тугайди. Референдумлар натижаларига кўра, бу ҳудудлар Россия Федерацияси таркибига қўшилган.

🔥 @burchakostida

🇺🇦🇺🇸🇬🇧 Украина президенти девони раҳбари АҚШ президенти махсус вакили билан Лондонда учрашди

"Биз ўз позициямизни етказдик ҳамда зудлик билан, тўлиқ ва шартсиз ўт очишни тўхтатиш адолатли ва барқарор тинчликка эришиш бўйича музокараларни бошлаш учун биринчи қадам бўлиши кераклигини таъкидладик. Бу АҚШ президенти Доналд Трампнинг қарашларига мос келади, деган умидимизни билдирдик", — дея маълум қилди Андрей Ермак Кит Келлог билан учрашувдан сўнг.

🔥 @burchakostida

🇺🇸🇷🇺 Трамп май ойида Путин билан учрашиши мумкинлигини билдирди

АҚШ президенти Доналд Трамп, эҳтимол, май ойи ўрталарида Саудия Арабистони, Қатар ва БААга сафаридан кейинроқ Россия раҳбари Владимир Путин билан учрашиши мумкинлигини айтди.

"Балки, лекин эҳтимоли кам. Менимча, биз у билан шу сафардан сўнг учрашамиз", — дея Трампнинг сўзларидан иқтибос келтиради CNN.

Трампнинг Форс кўрфазининг уч мамлакати бўйлаб сафари 13–16 май кунларига режалаштирилган бўлиб, у қайта сайланганидан кейинги иккинчи хорижий сафари бўлади. Биринчи сафари шу ҳафтанинг охирида бўлиб ўтади: Трамп Римга папа Франсискнинг дафн маросимида қатнашиш учун боради.

🔥 @burchakostida