🇪🇺🇺🇦🇲🇩 Украина ва Молдованинг Европа Иттифоқига қўшилиши бўйича музокаралар 25 июн куни бошланади

Элчилар Украина ва Молдова ўртасидаги аъзолик бўйича музокаралар асосини принципиал жиҳатдан маъқулладилар. Белгия 25 июн куни ҳукуматлараро биринчи конференцияларини чақиради, дея маълум қилди Белгиянинг Европа Иттифоқи кенгаши раислиги.

Аввалроқ Еврокомиссия музокараларни бошлаш бўйича барча талаблар бажарилганини маълум қилган эди. Бироқ, музокаралар қанча давом этиши номаълум, деб ёзади Bild нашри.

🔥 @burchakostida

🇺🇦🇷🇺 The New York Times газетаси биринчи марта 2022 йил апрел ойидаги Россия-Украина келишуви лойиҳасини тўлиқ эълон қилди

Шартноманинг асосий жиҳатлари:

— Иккала томон ҳам Қримни Россия Федерацияси назорати остида қолдириб, лекин Украина томонидан тан олинмаган ҳолда ўз келишувларидан чиқариб ташлашга келишиб оладилар;
— Украина ҳарбий иттифоқларга кирмайди, хорижий ҳарбий базалар ва контингентларни жойлаштирмайди;
— Украина ДХР ва ЛХРнинг Украинанинг собиқ Донецк ва Луганск вилоятлари маъмурий чегараларидаги мустақиллигини тан олади.
— Россия Украинадан рус тилини расмий тилга айлантиришни талаб қилади;
— Украинага яна ҳужум уюштирилган тақдирда ўз иттифоқчиларининг вазиятга аралашувлари учун шартномага қўшилишини хоҳлайди. Масалан, ҳаво ҳудудини ёпиш, керакли қурол-аслаҳа билан таъминлаш;
— Россия Федерацияси барча санкцияларни бекор қилишни талаб қилади;
— Лойиҳа Украина қуролли кучлари ва техникаси сонини чеклашни назарда тутган. Украиналиклар бундай чекловларни қабул қилишга тайёр эдилар, лекин чекловларни оширишга интилганлар: мамлакат қуролли кучлари сони 100 000 кишигача, 147 миномёт ва 10 та жанговар вертолёт. Украина ракеталарининг қамрови атиги 40 кмгача бўлиши керак эди;
— Украинага Европа Иттифоқига киришга рухсат берилади.

🔥 @burchakostida

🇪🇺🇺🇦🇷🇺 Тажовузкор ўт очишни тўхтатиш шартларини айтиб бера олмайди — Европа дипломатияси раҳбари Жозеп Боррел

Сиёсатчининг фикрича, Россия Федерацияси тинчлик жараёнига ҳақиқий қизиқиш билдирмаяпти.

"Путиннинг талабларидан мақсад Украинага босқинни қонунийлаштириш, шунингдек, Россия қайта қуролланаётган ва узоқ урушга тайёрланаётган бир пайтда тинчликка эришишга қаратилган саъй-ҳаракатларга путур этказишдир", — дея изоҳ берди Боррел.

🔥 @burchakostida

🇸🇪🇷🇺 Россия ҳарбий самолётлари яна НАТО давлатининг ҳаво ҳудудини бузди

Швеция матбуоти кеча Россиянинг Су-24 тактик бомбардимончи самолёти Болтиқ денгизидаги Готланд ороли жанубида мамлакат ҳаво ҳудудини бузганини хабар қилди. Бу Россиянинг 2022 йилдан бери Швеция ҳаво ҳудудини биринчи марта бузиши ҳисобланади.

Бир неча кун олдин Финландия расмийлари ўз ҳаво чегаралари Россиянинг ҳарбий самолётлари томонидан бузилгани ҳақида хабар берган эди.

🔥 @burchakostida

🇺🇦🇷🇺 НАТО: Россия май ойида Украинада ҳар куни 1000 та одамини йўқотди

Шимолий Атлантика альянси расмийсига кўра, Россия қўшинларида катта муваффақиятга эришиш учун етарли ресурслар ва жиҳозлар йўқ, бироқ улар бу соҳаларда Украина Қуролли кучларига нисбатан сезиларли устунликни сақлаб қолишмоқда.

"Харков вилоятига ҳужум уюштириш чоғида ҳар куни Россия армиясининг ўртача мингта аскари ҳалок бўлди ва ярадор бўлди. Шу билан бирга, Россия ҳар ойда 30 мингга яқин одамни ёллайди, шунинг учун Россия Қуролли кучлари инсон ресурсларини тўлдиришга муваффақ бўлаяпти", — дея таъкидлади НАТОнинг юқори мартабали расмийси Брюсселдаги брифингда.

Пентагон раҳбари Ллойд Остиннинг сўзларига кўра, Ғарб Россия қўшинларининг Харков вилоятида жиддий ютуққа эришишидан хавотирланишмайди.

"Фронтнинг ушбу қисмида вазият иттифоқчилар Украинага Россия Федерацияси ҳудудининг бир қисмига Ғарб қуроллари билан ҳужум қилишга рухсат бергани туфайли қисман барқарорлашди", — дея қўшимча қилди Остин.

🔥 @burchakostida

🇮🇹🇺🇦🇷🇺 Музлатилган Россия активларининг блокдан чиқарилиши Украинада тинчлик жараёни бошланиши билан боғлиқ бўлади, бироқ бўлажак музокаралар Украинани тиклаш учун тўлов масаласига ҳам тааллуқлидир — Италия бош вазири Жоржа Мелони.

🔥 @burchakostida

🇺🇸🇮🇱🇱🇧 АҚШ расмийлари Исроил Ливан билан уруш бошлашидан хавотирда — CBS News

Вашингтон Исроил ва Ҳизбуллоҳ ўртасидаги кескинлашув Қўшма Штатларнинг иттифоқчилари ва Эрон томонидан қўллаб-қувватланадиган жангари гуруҳлар ўртасида кенгроқ можарога олиб келиши мумкинлигидан хавотирда.

АҚШ расмийларига кўра уpуш Сурия, Ироқ ва Иорданиядаги Америка қўшинларини хавф остига қўяди ва бутун минтақада кескинликни оширади. 

Қолаверса, можаронинг кучайиши ҲАМАС билан ўт очишни тўхтатиш ва гаровга олинганларни қайтариш бўйича келишувга эришишни қийинлаштиради.

Шунинг учун Байденнинг дипломатик маслаҳатчилари можарони юмшатиш устида ишлаш учун тез орада Исроилга бориши кутилмоқда.

🔥 @burchakostida

🇺🇸🇺🇦🇨🇭 Қўшма Штатлар Украинага энергетика ва гуманитар соҳаларда ёрдам учун 1,5 миллиард доллар ажратади

Бу ҳақда АҚШ вице-президенти Камала Ҳаррис Швейтсариядаги Тинчлик саммитида маълум қилди.

🔥 @burchakostida

🇨🇭🇺🇦🇷🇺 Агар Россия тинчликдан манфаатдор бўлганида, уруш бўлмас эди — Украина президенти

Володимир Зеленский бу ҳақда Швейцариядаги тинчлик саммитининг ялпи мажлисидаги нутқида айтиб ўтди.

"Конференцияга йиғилганлар адолатли тинчлик нимани англатишини ва унга қандай эришиш мумкинлигини ҳал қилиши керак. Ушбу саммитда ишлаб чиқилган режа Россия вакилларига топширилади. Кейинги саммитда урушнинг тугашини қайд этиш мумкин бўлади", — дея таъкидлади Украина раҳбари.

Қайд этиш жоизки, делегатлар жорий анжуманда 3 та асосий масалани кўриб чиқадилар: радиациявий ва ядровий хавфсизлик, озиқ-овқат хавфсизлиги, маҳбуслар ва депортация қилинган украиналикларни озод қилиш.

🔥 @burchakostida

🇹🇩🇺🇦🇷🇺 Руминия ЕХҲТ Парламент Ассамблеясининг Европадаги йиллик сессиясида иштирок этиш учун Россия делегацияси аъзоларига виза беришдан бош тортди

Бу ҳақда Россия Федерацияси Кенгашининг халқаро ишлар бўйича қўмитаси раиси Григорий Карасин ўзининг Тelegram каналида маълум қилди.

"Июн ойининг охирида Бухарестда Европада Хавфсизлик ва Ҳамкорлик Ташкилоти Парламент Ассамблеясининг сессияси бўлиб ўтиши керак эди. Биз Руминия Ташқи ишлар вазирлигидан нота олдик. Унда Россиянинг Украинага нисбатан агрессияси ҳисобга олинган ҳолда, Россия делегацияси аъзоларининг ҳеч бирига визалар берилмайди ҳамда уларнинг Руминияга киришига рухсат тегмаслиги айтилган", — дея ёзган Григорий Карасин.

Маълумот учун, ЕХҲТ Парламент Ассамблеяси 2024 йилнинг 29 июн - 3 июл кунлари Бухарестда бўлиб ўтади. Россия ЕХҲТ Парламент Ассамблеясининг охирги тўртта йиғилишида қатнашмади. Булар 2022 йилда Буюк Британияда, 2023 йилда Канада ва Арманистонда, 2024 йилда Австрияда бўлиб ўтган йиғилишлар эди.

🔥 @burchakostida

🇨🇭🇺🇦🇷🇺 Швейцарияда бўлиб ўтаётган Украина бўйича тинчлик саммити якуний ҳужжати лойиҳасида Киевнинг Запороже АЭС устидан назорат ўрнатиши, Азов ва Қора денгиз бўйлаб тижорий юкларни эркин ташишнинг муҳим аҳамияти, маҳбусларни озод қилишга чақириш ҳақидаги бандлар бор, деб ёзади Reuters.

Лойиҳада, шунингдек, ядро қуролидан фойдаланиш таҳдиди тижорат кемалари, фуқаролик портлари ва порт инфратузилмасига ҳужумларга йўл қўймаслик қайд этилган. Шу билан бирга, мамлакатлар ҳар қандай давлатнинг, шу жумладан Украинанинг ҳудудий яхлитлиги ёки мустақиллигига қарши ҳарбий йўл билан таҳдид қилиш ёки куч ишлатишдан тийилишга чақиради.

Швейцариядаги йиғилиш иштирокчилари Украинадаги вазиятни тартибга солиш учун можаронинг барча томонлари ўртасида мулоқот зарур, деб ҳисобламоқда.

🔥 @burchakostida

🇮🇱 Исроил ҳарбийлари Ғазо сектори жанубидаги ҳужумда “тактик танаффус” эълон қилди

Ғазо секторига етказиб берилаётган инсонпарварлик ёрдами ҳажмини ошириш бўйича давом этаётган саъй-ҳаракатлар доирасида ҳамда БМТ ва халқаро ташкилотлар билан қўшимча муҳокамалардан сўнг шанба кунидан бошлаб гуманитар мақсадларда “ҳарбий фаолиятнинг маҳаллийлаштирилган тактик танаффуси” эълон қилинди, дейилади ЦАХАЛ баёнотида.

Қайд этилишича, танаффус ҳар куни маҳаллий вақт билан соат 08:00 дан 19:00 гача “кейинги хабарномага қадар” амал қилади.

🔥 @burchakostida

🇺🇸 CNN: Байден ва Трамп дебат ўтказишга келишиб олди

Дебат давомида АҚШ президентлигига номзодларга ўз сайловолди штаблари аъзолари билан мулоқот қилиш, уларга қоралама ва тайёрланган эслатмалардан фойдаланиш тақиқланади. Уларга фақатгина бир шиша сув, блокнот ва ручка берилади.

Дебат 27 июнь куни CNN студиясида, томошабинларсиз бўлиб ўтади. Трамп ва Байден битта подиумда туришади, уларнинг ўрни танга отиш орқали аниқланади. Фақат сўзлаётган номзоднинг микрофони ёниқ бўлади. Дебатнинг давомийлиги 90 дақиқани ташкил этиши режалаштирилган.

🔥 @burchakostida

🇷🇺 Ростовда олти нафар судланувчи тергов изоляторидаги камерадаги панжарани бузиб, изоляторнинг икки нафар xодимини гаровга олди — ОАВ

Маълумотларга кўра, жиноятчилар орасида террорчилик айби билан судланган бир неча киши бор. Жиноятчилар ўзларининг ИШИДга алоқадор эканликларини эълон қилишган. Ҳозирда улар билан музокаралар олиб борилмоқда. Тезкор бўлим бошлиғи ва тергов изолятори навбатчилик хизмати кичик инспектори гаровда сақланмоқда.

Ростов вилоятидаги 1-сонли тергов изоляторида асирларнинг гаровга олиниши муносабати билан Россия Ички ишлар вазирлиги ва Миллий гвардиянинг барча ходимлари шай ҳолатга келтирилди.

🔥 @burchakostida

🇨🇭🇺🇦🇷🇺 Швейцариядаги Украина тинчлик саммити иштирокчиларининг баёнотларидан иқтибослар:

◾️ АҚШ вице-президенти Камала Ҳаррис: Путин музокалар учун ўз шартларини эълон қилди. Бироқ бу музокарага эмас, таслим бўлишга чақириқ ҳисобланади.

◾️Европа Комиссияси раҳбари Урсула фон дер Ляйен: Можарони музлатиш муаммонинг ечими эмас.

◾️ Европа кенгаши раҳбари Шарл Мишел: Украина ва Россия ўртасидаги тинчлик томонлар ўртасида мулоқотни талаб қилади, аммо у қачон бошланишини Киев ҳал қилади.

◾️Саудия Ташқи ишлар вазири Файсал бин Фархон Ол Сауд: Украина ва Россия Федерацияси тинчликка эришиш учун муроса қилишлари керак;

◾️Гана президенти Нана Акуфо-Аддо: Россия бозорларни беқарорлаштириб, бутун Африка қитъасида озиқ-овқат тақчиллиги ва нархларнинг ошишига сабаб бўлмоқда.

◾️Полша Президенти Анжей Дуда: Беларус Украинадаги можарода Россия томонида қатнашмоқда.

◾️ Германия канцлери Олаф Шолц: Украинадаги тинчликка Россияни жалб қилмасдан эришиб бўлмайди. Аммо Москва ўз урушини давом эттирмоқда. Россия урушни бугун ёки исталган вақтда тугатиши мумкин.

◾️Чили Президенти Габриел Борич: Исроилнинг Ғазо секторидаги хатти-ҳаракатларини Россия Федерациясининг Украинадаги ҳаракатлари билан таққослаш мумкин.

◾ Финляндия президенти Александр Стубб: Хитойни Россия президенти Владимир Путинга Украина урушини тугатиш учун таъсир ўтказишга чақираман.

🔥 @burchakostida

🇷🇺 Дастлабки маълумотларга кўра, тергов изоляторида одамларни гаровга олган жиноятчилар автомашина, қурол-яроғ ва изолятордан чиқиб кетиш имкониятини талаб қилмоқда.

Жиноятчилар уларнинг талаблари бажарилган ҳолатда гаровга олинганларни озод қилишга тайёр эканликларини маълум қилган.

Оммавий ахборот воситаларининг хабар беришича, айни дамда тергов изолятори томон Россия махсус кучлари йўл олган.

🔥 @burchakostida