🇭🇺🇺🇸 Мен Трампга қўнғироқ қилмайман — Петер Мадьяр

Аммо агар у ёки АҚШ маъмуриятидан бирор киши биз билан боғланса, биз мулоқотга тайёр бўламиз — Венгриянинг бўлажак бош вазири.

🔥 @burchakostida

🇭🇺🇪🇺🇺🇦🇷🇺 Биз Украинанинг Европа Иттифоқига тезлаштирилган тартибда аъзо бўлишини қўллаб-қувватламаймиз — Петер Мадьяр

Сиёсатчининг бошқа баёнотлари:

◾️ Уруш ҳолатидаги мамлакатни Европа Иттифоқига қабул қилиш мутлақо бемаъниликдир;

◾️ Украина ЕИга аъзо бўлиш бўйича музокаралар жараёнидан тўлиқ ўтиши керак;

◾️ Ҳеч ким украиналикларга урушни қандай шартлар асосида тугатишлари кераклигини уқтирмаслиги лозим;

◾️ Биз ҳар қандай бошқа мамлакатнинг ички ишларига аралашишдан ўзимизни тиямиз. Барча мамлакатлардан Венгрияга нисбатан ҳам худди шундай бўлишларини сўраймиз;

◾️ Биз муносабатларни йўлга қўйиш учун Украина президенти Володимир Зеленский билан учрашамиз;

◾️ Венгрия Россиядан нефт сотиб олишни давом эттиради. Будапешт энг хавфсиз ва арзон энергия ресурсларини харид қилишга интилади;

◾️ Россиянинг “Росатом» компанияси лойиҳаси асосида барпо этилаётган “Пакш-2” АЭСнинг қурилиш нархи ҳаддан ташқари ошириб юборилган.

🔥 @burchakostida

🇺🇸🇮🇷 Эрон ҳеч қачон ядро қуролига эга бўлмайди. Агар улар бунга рози бўлишмаса, ҳеч қандай келишув бўлмайди — Доналд Трамп.

🔥 @burchakostida

🇺🇸🇮🇷 Кеча Ҳўрмуздан 34 та кема ўтди. Бу бўғоз аҳмоқона тарзда ёпилганидан бери энг юқори кўрсаткичдир — АҚШ президенти Доналд Трамп.

🔥 @burchakostida

🇺🇸🇮🇷🇨🇺 Эрон масаласини ҳал этгач, Кубага “назар ташлаймиз” – АҚШ президенти.

🔥 @burchakostida

🇺🇸🇮🇷🇻🇦Эрон биз билан боғланди, улар келишув тузишни жуда ҳам хоҳлашмоқда — АҚШ президенти

Доналд Трампнинг бошқа баёнотлари:

◾️ Мен Рим папасидан узр сўрамайман. Папа Лев нотўғри гапларни гапирди. Ўйлайманки, у жиноятчиликка қарши курашда жуда заиф;

◾️ Биз Эронни қамал қиляпмиз. Улар бизнес қилишмаяпти. Теҳрон бизнес билан мутлақо шуғулланмаяпти ва биз вазиятни худди шундай сақлаб қолмоқчимиз.

🔥 @burchakostida

🇺🇸🇮🇷 Ҳўрмуз бўғозини қамал қилишга АҚШнинг 15 дан ортиқ ҳарбий кемаси жалб этилган — The Wall Street Journal

Нашрнинг юқори мартабали ҳарбий манбага таяниб хабар беришича, ушбу кемалар орасида USS Abraham Lincoln авиаташувчиси, десант кемаси бошқариладиган ракеталарга эга бир нечта эсминец ва бошқа ҳарбий кемалар мавжуд. Бу кемалар орқали десант тушириш амалиётлари учун вертолётларни учириш ҳам мумкин.

Мониторинг хизматлари маълумотларига кўра, ҳозирда АҚШ ҳарбий кемалари Эрон қирғоқларига 200 километр масофагача яқинлашган. Бу уруш бошланганидан буён АҚШ флоти Эронга энг кўп яқинлашган масофа ҳисобланади. Бу АҚШ кемалари Эрон ракеталари ва дронлари етиб борадиган ҳудудига кирганини англатади.

🔥 @burchakostida

🇹🇷🇱🇧🇵🇸🇮🇱 Эрдўған Исроилга ҳарбий ҳаракатлар билан таҳдид қилмоқда — The Jerusalem Post

Туркия президентининг таъкидлашича, Исроил ўт очишни тўхтатиш режимига қарамай, аҳоли яшайдиган ҳудудларга зарбалар бериш орқали 1,2 миллион ливанликни уйларини ташлаб чиқишга мажбур қилган.

"Биз Исроилнинг Фаластинга нисбатан ҳам шундай ҳаракатларни қилишига йўл қўймаслик учун қудратли бўлишимиз шарт. Қорабоғга қандай кирган бўлсак, Ливияга қандай кирган бўлсак, уларга нисбатан ҳам худди шундай қиламиз", — дея Эрдўғaннинг сўзларини келтирмоқда нашр.

🔥 @burchakostida

🇮🇱🇹🇷 Исроил маданий мерос вазири Эрдўғанни "империалистик амбицияларга эга диктатор" деб атади

"Ражаб Тоййиб Эрдўған ўзини “Усмонийлар султони” деб билса-да, аслида иқтисодиёти қулаётган ва демократияси ўлган мамлакатнинг золим ҳукмдоридир", — деди Амихай Элияху.

🔥 @burchakostida

🇹🇷🇸🇾🇮🇱 Нетаняҳу Туркияни “Исроилнинг янги душмани” деб эълон қилиш ҳаракатида — Туркия ташқи вазири

Ҳоқон Фидан бу ҳақда Anadolu'га берган интервьюсида маълум қилди.

"Исроил Эрондан кейин “душман”сиз яшай олмайди. Биз унинг Туркияни “янги душман” сифатида эълон қилиш йўлини излаётганини кўряпмиз", — деди вазир.

Туркия ТИВ раҳбари Исроилнинг Сурияга нисбатан ҳужумлари ҳақида ҳам ўз хавотирини билдирди.

"Сурияда катта муаммони кўряпмиз, бу биз учун жиддий хавф. Ҳозир Исроил Эрондаги вазият сабаб айрим ҳаракатларни қилмаяпти, аммо бу келажакда ҳам шундай бўлади дегани эмас. Вақти келганда улар буни амалга оширишни исташи мумкин", — дея фикр билдирди сиёсатчи.

Фидан Нетаняҳунинг тажовузкор ёндашуви аниқ эканини билдириб, Туркия ҳам шунга муносиб тегишли чораларни кўриб бораётганини таъкидлади.

🔥 @burchakostida

🇮🇷🇵🇰🇨🇭🇺🇸 АҚШ-Эрон музокараларининг навбатдаги босқичи Женева ёки Исломободда бўлиб ўтиши мумкин — Associated Press.

🔥 @burchakostida

🇮🇷🇵🇰🇺🇸 Эрон ва АҚШ ўртасидаги тўғридан-тўғри музокараларнинг навбатдаги босқичи пайшанба куни Исломободда бўлиб ўтади

Бу ҳақда The Atlantic журналисти Араш Азизий Теҳрондаги манбасига таяниб хабар берди.

🔥 @burchakostida

🇱🇧🇺🇸🇮🇱 АҚШ давлат котиби Рубио сешанба куни Вашингтонда бўлиб ўтадиган Исроил ва Ливан музокараларида иштирок этади — CNN

Телеканал маълумотларига кўра, музокараларда АҚШ номидан Давлат департаменти маслаҳатчиси Майк Нидҳем ва Қўшма Штатларнинг Ливандаги элчиси Мишел Исса ҳам қатнашади. Исроил ва Ливан эса Вашингтондаги элчилар даражасида иштирок этади.

🔥 @burchakostida

🇨🇳🇮🇷🇺🇸 Хитой АҚШни Трампнинг қамалини эътиборсиз қолдириши ва Эрон нефтини олиш учун Ҳўрмуз бўғозига ўз танкерларини юборишда давом этиши ҳақида огоҳлантирди

Пекин, шунингдек, Вашингтонга савдо кемалари фаолиятига аралашишга йўл қўйиб бўлмаслиги ҳақида маълум қилди.

"Ҳўрмуз бўғози маҳсулотлар ва энергия манбалари учун муҳим халқаро савдо йўналиши бўлиб, унинг хавфсизлиги, барқарорлиги ва ҳудуд орқали тўсиқсиз ҳаракатланишни таъминлаш халқаро ҳамжамиятнинг умумий манфаатларига мос келади", – дея таъкидлади Хитой ТИВ вакили Го Цзякун.

🔥 @burchakostida

🇨🇳🇷🇺🇻🇳🇦🇪Пекин глобал дипломатия марказида. Лавров ва бошқа етакчилар Хитойга келди

Россия Ташқи ишлар вазири Сергей Лавров Пекинга етиб келди ва Яқин Шарқдаги уруш каби масалалар бўйича ҳамкорликни фаоллаштиришга умид қилмоқда.

​Сешанба куни Хитой уруш ва унинг иқтисодий оқибатларидан жабр кўрган бир қатор давлатлар раҳбарларини, жумладан, Вьетнам давлат раҳбари То Лам ва Абу-Даби валиаҳд шаҳзодаси Муҳаммад бин Зайд Ол Наҳаённи кутиб олди.

​Лавров Хитой дипломатияси раҳбари Ван И билан музокаралар ўтказади, Россия ТИВ баёнотига кўра, улар Украинадаги уруш ва Яқин Шарқдаги вазиятни муҳокама қиладилар.

​AFP хабарига кўра, 5 апрел куни Ван И Лавров билан телефон орқали мулоқот қилган ва унда томонлар Яқин Шарқдаги кескинликни пасайтириш мақсадида Пекин ва Москва ўртасида ҳамкорлик қилишга келишиб олган эдилар.

​Шу билан бирга, Хитой Бош вазири Ли Цян БАА етакчисига Пекин Форс кўрфази минтақасида "тинчлик ва осойишталикни" тиклашга ёрдам беришга тайёрлигини маълум қилди.
​
🔥 @burchakostida

🇨🇺🇺🇸 Куба президенти мамлакат мустақиллигини ҳимоя қилиш учун ҳар қандай қурбонликка тайёрлигини маълум қилди

Мигел Диас-Канел NBC News телеканалига берган интервюсида АҚШ президенти Доналд Трамп маъмурияти томонидан давом этаётган кучли босим фонида Куба раҳбарияти ўз позициясидан чекинмаслигини ва бошқарув тизимида ўзгаришлар қилиш ниятида эмаслигини таъкидлади.

"Кубага бостириб кириш Вашингтонга қимматга тушади. Бу нафақат Куба, балки АҚШ ва бутун минтақа хавфсизлигига таъсир қилади. Агар бу содир бўлса, жанг қиламиз, биз ўзимизни ҳимоя қиламиз. Агар ўлишимиз керак бўлса, ўламиз. Зеро, миллий мадҳиямизда айтилганидек, Ватан учун ўлмоқ яшамоқ демакдир", — деди Куба етакчиси.

Шу билан бирга, у мулоқот ва дипломатия йўли ҳар доим урушдан кўра мантиқлироқ ечим эканини қўшимча қилди.

🔥 @burchakostida