🇨🇳StepFun сунъий интеллект стартапи Гонконгда IPO ўтказишга тайёрланмоқда

​Хитойнинг StepFun компанияси Гонконг фонд биржасига чиқиш олдидан хорижий рўйхатдан ўтиш тузилмасини ёпиб, ўз юридик мақомини Хитойга қайтармоқда. Бу қарор Пекиннинг хорижда маблағ йиғиш тизими устидан назоратни кучайтиргани билан боғлиқ.

​Шанхайда жойлашган компания давлат капитали томонидан қўллаб-қувватлангани сабабли мамлакат ичидаги корпоратив тузилмани энг мақбул йўл деб топди. Регуляторнинг янги талаблари туфайли кўплаб компаниялар IPO режаларини кечиктириши ёки қайта кўриб чиқиши мумкин.

🔥 @burchakostida

🇭🇺🇵🇱Венгриядаги сайлов натижалари авторитар режим учун зарба бўлди – Доналд Туск

Полша Бош вазири Венгриядаги сайлов натижалари Европанинг авторитар бошқарув сари кетаётгани ҳақидаги қарашларни парчалаб ташлаганини маълум қилди. Ўнг марказчи "Тиса" партиясининг ғалабаси Виктор Орбаннинг 16 йиллик бошқарувига чек қўйди.

Жанубий Кореяга расмий ташрифи давомида Туск аввал Варшава, кейин Бухарест ва Кишинёв, энди эса Будапешт демократик йўлни танлаганини алоҳида қайд этди. Унинг сўзларига кўра, минтақа халқлари коррупциялашган ва авторитар ҳукуматларга маҳкум эмасликларини исботлашмоқда.

​Туск "Тиса" партияси етакчиси Петер Мадьярни ғалаба билан табриклаб, унинг Варшавага кутилаётган илк расмий ташрифини муҳокама қилди. Полша Бош вазири икки давлат ўртасидаги янги муносабатлар яҳши даражада бўлишига ишонч билдирмоқда.

🔥 @burchakostida

🇬🇧🇮🇷🇺🇸Биз Ҳўрмуз бўғози блокадасида иштирок этмаймиз – Кир Стармер

​Буюк Британия Бош вазири Кир Стармер расмий Лондон Ҳўрмуз бўғозини тўсиб қўйиш амалиётларини қўллаб-қувватламаслигини маълум қилди.

Унинг сўзларига кўра, Британиянинг ҳозирги устувор вазифаси бўғозни ҳарбий йўл билан ёпиш эмас, балки уни кемалар қатнови учун тўлиқ очишдир.

​Стармер бўғознинг ёпилиши жаҳон бозорида нефт ва газ танқислигини келтириб чиқаришини, бу эса оддий аҳоли учун электр энергияси нархи ошишига сабаб бўлишини таъкидлади.

"Мен нархлар барқарор бўлишини ва одамларнинг харажатлари камайишини истайман", — деди Бош вазир.

​Доналд Трампнинг Британия мина тозаловчи кемалар юбориши ҳақидаги баёнотларига жавобан, Стармер мамлакатнинг бундай техник имкониятлари борлигини тан олди, бироқ ҳозирда бор куч фақат дипломатик ва сиёсий ечимга қаратилганини алоҳида қайд этди.

🔥 @burchakostida

🇭🇺🇸🇰🇨🇿Виктор Орбаннинг иттифоқчилари — Фицо ва Бабиш Петер Мадьярни ғалаба билан табриклашди
​
Орбаннинг яқин сиёсий маслакдошлари ҳисобланган Словакия Бош вазири Роберт Фицо ва Чехиянинг собиқ Бош вазири Андрей Бабиш Венгриядаги сайловларда ғалаба қозонган Петер Мадьярга табрик йўллашди.

​Роберт Фицо Венгриянинг янги Бош вазири билан фаол ҳамкорликка тайёрлигини билдириб, шу билан бирга, ҳокимиятдан кетаётган Виктор Орбанга узоқ йиллик фаолияти учун миннатдорчилик изҳор этди. Фицо ва Орбан йиллар давомида Россия энергия ресурслари ва Украина масаласида бир хил позицияни эгаллаб келган эди.

​Андрей Бабиш эса Виктор Орбан каби кучли рақибга қарши туриш осон бўлмаганини қайд этиб, Петер Мадьяр венгер халқининг ишончини қозонганини таъкидлади. У Чехия ҳар доим Венгрия сайловчилари танлаган етакчи билан конструктив ҳамкорлик қилишга тайёр эканлигини билдирди.

🔥 @burchakostida

🇩🇪🇭🇺Венгриядаги сиёсий ўзгаришлар Европа демократиясини мустаҳкамлайди – Германия канцлери

Фридрих Мерц Берлиндаги матбуот анжуманида Петер Мадьярнинг Виктор Орбан устидан қозонган ғалабасини олқишлаб, буни "яҳши кун" деб атади. Унинг сўзларига кўра, сайлов натижалари бутун дунё бўйлаб ўнг популизмга қарши берилган жуда кучли ва аниқ сигналдир.

Мерц ушбу сиёсий бурилиш Евроиттифоқ доирасидаги мураккаб жараёнларни, хусусан, Россия билан боғлиқ масалаларда қарор қабул қилишни сезиларли даражада осонлаштиришига ишонч билдирди. Шунингдек, у венгер халқининг ташқи босимларга қарши иродасини юқори баҳолади.

Германия ҳукумати раҳбари ушбу ғалаба демократик жамиятлар Россия пропагандаси ва сайлов жараёнларига ташқи аралашувларга нисбатан анча чидамли ва мустаҳкам эканлигини яна бир бор исботлаганини алоҳида қайд этди.

🔥 @burchakostida

🇮🇹🇺🇸Папа ўз ишини эплай олмаяпти – Трамп Лев XIV кескин танқид қилди

​Доналд Трамп Рим папаси манзилига мисли кўрилмаган даражада шиддатли айбловлар билан чиқди. Трамп понтификни "радикал сўллар"га ён босишда, жиноятчилик ва ташқи сиёсат масалаларида "заифлик" кўрсатаётганликда айблади. Айниқса, Трампга папанинг Эрон билан бўлаётган уруш фонида "қудрат манияси" ҳақида айтган гаплари ва тинчлик музокараларига чақириғи ёқмаган.

"Менга Эрон ядро қуролига эга бўлиши мумкин деб ҳисоблайдиган папа керак эмас", — деб ёзди Трамп ўзининг Truth Social ижтимоий тармоғида.

​Шунингдек, Доналд Трамп папанинг сиёсатга аралашиши Католик черковига зарар етказаётганини таъкидлаб, понтификнинг акаси Луис унинг ашаддий тарафдори эканини қўшимча қилди. Айтиши бўйича айнан унинг президентлиги шарофати билан Лев XIV ушбу лавозимни эгаллаган. Вазият папанинг АҚШ ва Исроилнинг Эрондаги ҳаракатларини билвосита танқид қилиб, дунё етакчиларини "ҳарбий устунлик" билан мақтанишни тўхтатишга чақиришидан сўнг янада кескин тус олди.

🔥 @burchakostida

🇮🇹🇺🇸Рим папаси Трамп билан баҳслашиш нияти йўқлигини маълум қилди

Лев XIV Алжирга кетаётган самолёт бортида журналистлар билан суҳбатда Доналд Трамп билан дебатларга киришмаслигини билдирди.

"Мен сиёсатчи эмасман. Менинг вазифам — тинчликни тарғиб қилиш", — дея таъкидлади понтифик.

Аввалроқ Доналд Трамп ўзининг Truth Social тармоғида папани "радикал сўллар"га ён босишда ва Эрон ҳамда Венесуэла масаласида "даҳшатли" ташқи сиёсат юритишда айблаган эди.

Трамп, шунингдек, агар у Оқ уйда бўлмаганида, Лев XIV Ватиканда бўлмаслигини даъво қилиб, папани ядро қуроли ва жиноятчиликка қарши курашда "кучсиз" деб атаган эди.

🔥 @burchakostida

🇯🇵Япония Яқин Шарқдаги СТГ етказиб беришдаги узилишлар сабабли ёзги энергия тақчиллигига дуч келиши мумкин — IEEJ таҳлили

Мамлакат энергетика иқтисодиёти институти таҳлилига кўра, Яқин Шарқдаги уруш ва Ҳўрмуз бўғозининг ёпилиши сабабли Токиода ёзги мавсумда электр энергияси тақчиллиги юзага келиши мумкин. Япония Қатар ва БААдан келадиган суюлтирилган табиий газ (СТГ) импортидан маҳрум бўлди, бу эса иссиқ кунларда кондиционерларга бўлган талабни қондиришда муаммо туғдиради, дейилади хабарда.

Қатардаги газ иншоотларига етказилган зарарни тиклаш учун 5 йилгача вақт кетиши мумкинлиги вазиятни янада оғирлаштирмоқда. Ҳозирда Токио газ дефицитини Австралия ва АҚШдан қўшимча ҳажмларни сотиб олиш орқали қоплашга ҳаракат қилмоқда.

🔥 @burchakostida

🇪🇺🇮🇷ЕИ Яқин Шарқдаги низо фонида энергия нархларини мувофиқлаштиради

Маълумотларга кўра, Эрон билан бўлаётган уруш сабабли Европанинг ёқилғи учун харажатлари 22 миллиард еврога кўпайиб кетди. Шу сабабли Еврокомиссия раҳбари Урсула фон дер Ляйен Европа Иттифоқи давлатларини энергия нархларини тушириш учун биргаликда ҳаракат қилишга чақирди. Энди давлатлар газ захираларини тўлдириш ва бозорга нефт чиқариш масаласида бир-бири билан келишиб иш тутади.

​Фон дер Ляйеннинг айтишича, нефт ва газга қарамлик Европа учун жуда қимматга тушмоқда. Шу сабабли асосий мақсад — тезроқ яшил энергия ва электр энергиясига ўтиш. Нархларни жиловлаш бўйича янги режалар шу ой охирида, 22 апрелда эълон қилинади.

🔥 @burchakostida

🇮🇱🇺🇸🇮🇷Исроил Трампнинг Эронга нисбатан денгиз блокадасини қўллаб-қувватлайди – мамлакат Бош вазири

​Бинямин Нетаняҳу Трамп томонидан Эронга қарши жорий этилган ҳарбий-денгиз блокадасини тўлиқ маъқуллашини билдирди. Унинг сўзларига кўра, мамлакат ушбу масала бўйича Вашингтон билан доимий мувофиқликда ҳаракат қилмоқда.

​Вазирлар Маҳкамаси йиғилишида сўзлаган Бош вазир, Эрон Покистондаги тинчлик музокаралари қоидаларини бузганини ва Трампнинг бунга жавобан қатъий позиция эгаллаши ўринли эканини таъкидлади.

"Биз бу қарорни албатта қўллаб-қувватлаймиз ва АҚШ билан доимий алоқадамиз", — деди Нетаняҳу.

🔥 @burchakostida

🇮🇷🇺🇸🇮🇱 “Портлар хавфсизлиги ё барча учун, ёки ҳеч ким учун эмас”. Эрон Трампнинг денгиз қамали ҳақидаги баёнотига жавоб қайтарди

Эрон Ислом инқилоби қўриқчилари корпуси (ИИҚК) ҳарбий қўмондонлиги агар Форс ва Уммон кўрфазларидаги Эрон портлари хавфсизлигига Қўшма Штатлар томонидан хавф туғилса, у ҳолда минтақадаги ҳеч бир порт хавфсизликда бўлмаслигини маълум қилди.

"Форс ва Уммон кўрфазларида жойлашган портлардаги хавфсизлик ё барча учун, ёки ҳеч ким учун эмас", дейилади корпус баёнотида.

Эрон АҚШ киритишни режалаштираётган чекловларни “ноқонуний” деб атади ва бу чекловлар “қароқчилик акти” эканлигини таъкидлади.

Шунингдек, ИИҚК ҳарбий қўмондонлиги Эрон уруш тугаганидан сўнг Ҳўрмуз бўғози устидан доимий назорат механизмини жорий этиш ниятида эканини билдирди ҳамда “душманга алоқадор бўлган” ҳар қандай кемалар ундан ўтиш ҳуқуқига эга эмаслиги ва келажакда ҳам эга бўлмаслигини маълум қилди.

🔥 @burchakostida

🇭🇺Венгрия халқи ҳукуматни эмас, режимни алмаштирди – мамлакат Бош вазири

​Венгриядаги сайловларда ғалаба қозонган Петер Мадьяр сайловчилар шунчаки янги ҳукумат учун эмас, балки мамлакатдаги эски "режимни" бутунлай ўзгартириш учун овоз берганликларини маълум қилди. У Виктор Орбан давридаги коррупциялашган тизимга чек қўйиш ва қонун устуворлигини тиклашга ваъда берди.

Мадьярнинг таъкидлашича, янги маъмурият Брюссел билан яқин ҳамкорлик қилади ва Венгриянинг Европа Иттифоқидаги ўрни мустаҳкам бўлади.
​
"Энди Венгрияда ҳар бир хато учун жавобгарлик бўлади. Халқнинг ушбу танлови мамлакатимизни Европадан узоқлаштиришга бўлган ҳар қандай уринишларга чек қўйди", — дея қўшимча қилди Мадьяр.

🔥 @burchakostida

🇷🇺🇭🇺 Кремл Венгрия билан “прагматик алоқалар”ни давом эттиришга тайёр

Бу ҳақда Россия президенти матбуот котиби Дмитрий Песков маълум қилди.

"Венгрия халқи ўз танловини қилди. Биз ушбу танловга ҳурмат билан қараймиз. Биз Венгриянинг янги раҳбарияти билан ўта прагматик алоқаларимизни давом эттиришимизга умид қиламиз", — деди Песков.

Унинг қўшимча қилишича, мулоқот Москва учун ҳам, Будапешт учун ҳам фойдали бўлади, Кремл эса Венгрия билан, худди Европанинг барча мамлакатлари билан бўлгани каби, яхши муносабатлар ўрнатишдан манфаатдор.

🔥 @burchakostida

🇪🇺🇨🇾🇭🇺🇷🇺 Европа Кенгашига раислик қилаётган Кипр ЕИга аъзо мамлакатлар элчилари учрашувида Украинага 90 млрд евро кредит ажратиш масаласини имкон қадар тезроқ кўтаришни режалаштирмоқда — Bloomberg

“Дружба” қувури орқали нефт етказиб беришнинг тўхтатилиши фонида Будапешт Киевга кредит ажратилишини блоклаб қўйган эди.

Венгрияда 12 апрел куни бўлиб ўтган парламент сайловларида мухолифатдаги “Тиса” партияси ғалаба қозонгани сабабли бу блокни ечиш имкони юзага келди, дея ёзмоқда нашр.

🔥 @burchakostida

🇮🇷🇹🇷🇪🇬🇵🇰🇺🇸 Покистон, Миср ва Туркия АҚШ ва Эронни амалдаги сулҳ муддати тугагунига қадар зудлик билан музокаралар столига қайтаришга ҳаракат қилмоқда — Ахios

"Вашингтон ва Теҳрон ўртасидаги келишмовчиликлар ва аввалги музокаралар раундининг барбод бўлишига қарамай, томонлар ҳамон мулоқотга тайёр", дея хабар бермоқда нашр манбаларига таяниб.

🔥 @burchakostida

🇭🇺🇷🇺 Венгрия Россия билан ўзаро тенг асосдаги ҳамкорликка тайёр — Петер Мадьяр

"Агар Путин менга қўнғироқ қилса, мен жавоб бераман, лекин ўзим унга қўнғироқ қилмайман", — деди Венгриядаги парламент сайловларида ғалаба қозонган “Тиса” партияси етакчиси.

🔥 @burchakostida

🇭🇺🇷🇺 Россия — бу хавфсизликка таҳдид, буни ҳамма билади — Венгриянинг бўлажак бош вазири

"Мен рус халқи ҳақида гапирмаяпман, улар ажойиб инсонлар, гап Россия давлати ҳақида кетмоқда.

Венгрия ўз тарихида “рус айиғи”нинг зарбасини аввал ҳам ҳис қилган. Европа бунга тайёргарлик кўриши лозим. Европа ўзини ҳимоя қилиши ва мудофаа қила олиши шарт", — дея таъкидлади Петер Мадьяр.

🔥 @burchakostida

🇭🇺 Мадьяр Венгрияда ҳокимиятда қолишни икки муддат билан чеклашга ваъда берди

Венгриянинг бўлажак бош вазири мамлакат Конституциясига тегишли ўзгартиришлар киритилишини эълон қилди.

Бундай ўзгартиришлардан сўнг Виктор Орбан 20 йилдан ортиқ вақт давомида (1998—2002 ва 2010—2026 йилларда) ҳукумат тепасида бўлганлиги сабабли, бош вазир лавозимини бошқа эгаллай олмайди.

🔥 @burchakostida

🇪🇺🇭🇺🇺🇦 Петер Мадьяр Евроиттифоқнинг Украинага 90 млрд евролик ёрдамини блокдан чиқаришга тайёрлигини билдирди

Унинг сўзларига кўра, тегишли қарор 2025 йилнинг декабр ойида бўлиб ўтган Европа Кенгаши саммитида қабул қилинган бўлиб, унда Европа Иттифоқи мамлакатлари Украинага кредит ажратишга келишиб олган.

Венгрия, Чехия ва Словакия дастлаб молиялаштиришда иштирок этмаслик шарти билан Киев учун кредитни қўллаб-қувватлаганди, бироқ кейинчалик Будапештнинг позицияси ўзгарди.

Мадяр Орбанни танқид қилиб, унинг Европа Иттифоқининг асосий масалалари бўйича позицияси бир неча бор ўзгарганини таъкидлади.

"Мен бу қарор нима учун ўзгартирилиши кераклигини тушунмаяпман. Виктор Орбаннинг қарашлари доим ўзгариб туради: у аввалига қарорларни қўллаб-қувватлайди, кейин эса уларни рад этади", — деди сиёсатчи.

Бироқ Мадяр Венгрия мамлакат оғир молиявий аҳволда бўлганлиги сабабли, ушбу кредитда молиявий жиҳатдан иштирок этмаслигини таъкидлади. У буни амалдаги ҳукуматнинг нотўғри иқтисодий сиёсати билан боғлади.

🔥 @burchakostida