🇺🇸🇮🇷 Эрон ҳеч қачон ядро қуролига эга бўлмайди — АҚШ президенти

Доналд Трамп, шунингдек, Вашингтон Теҳроннинг ўзи хоҳлаганларга нефт сотиб пул ишлашига йўл қўймаслигини таъкидлади.

🔥 @burchakostida

🇺🇸🇮🇷 NATO энди Ҳўрмуз бўғози масаласида Вашингтонга ёрдам бермоқчи — АҚШ президенти

Доналд Трампнинг сўзларига кўра, Буюк Британия ва яна бир қанча давлатлар Ҳўрмуз бўғозини миналардан тозалаш учун мина тозаловчи кемаларини юборади.

🔥 @burchakostida

🇺🇸🇮🇷 Биз NATO билан муносабатларни қайта кўриб чиқишимиз керак — АҚШ президенти

"Улар оғир дамларда бизни ёнимизда бўлмади. Улар оғир дамларда биз билан бўлмайди. Бу шунчаки ҳарбий амалиёт, биз учун бу қийин эмас", — деди Оқ уй раҳбари.

🔥 @burchakostida

🇺🇸🇨🇳🇮🇷 Агар Пекин Эронга қурол ва ҳарбий ускуналар етказиб бераётгани аниқланса, Хитойга қўшимча 50 фоизлик бож соламиз — Доналд Трамп

АҚШ президентининг бошқа баёнотлари:

◾️ Хитой автомобиллари Европани хароб қилмоқда, чунки улар Mercedes ва BMW'нинг бизнесини тортиб олмоқда. Бизнинг мамлакатимизда Хитой автомобиллари йўқ;

◾️ Тез орада бензин ва нефт нархлари пасаяди. Эҳтимол, бу дарҳол содир бўлмас, лекин Эрон масаласи ҳал этилиши биланоқ, нархлар пастга тушади;

◾️ Мен Мексика кўрфазини Трамп кўрфази деб аташ ҳақида ўйлаб кўрдим, лекин бундай қилмасликка қарор қилдим ва уни Америка кўрфази дея номладим.

🔥 @burchakostida

🇷🇺 Россиянинг космик салоҳияти давлат иқтисодиёти, хавфсизлиги ва суверенитетига тобора фаолроқ хизмат қилмоқда — Владимир Путин

"Гагарин инсониятнинг орзусини рўёбга чиқарди, юлдузлар сари йўл очди. Унинг коинотга парвози ХХ асрнинг энг унутилмас воқеаларидан бирига айланди ва цивилизация тарихида янги даврни бошлаб берди", — деди Россия президенти.

🔥 @burchakostida

🇭🇺 Венгриядаги парламент сайловларида овоз бериш якунланди

Венгрия Миллий сайлов идораси маълумотларига кўра, сайловчиларнинг иштироки мамлакат тарихида рекорд даражага етиб, 77 фоиздан ошган.

🔥 @burchakostida

🇭🇺 Муҳолифатдаги “Тиса” партияси Венгриядаги сайловларда ғалаба қозониб, парламентдаги 199 та ўриндан 138 тасини қўлга киритди

Венгрия Миллий сайлов бюроси берилган овозларнинг 98,63 фоизи ҳисоблаб чиқилганидан сўнг ушбу натижаларни эълон қилди. Экспертларнинг фикрича, қолган сайлов бюллетенларини текшириш энди ҳеч нарсани ўзгартирмайди.

🔥 @burchakostida

🇭🇺 Орбан сайловлардаги мағлубиятни тан олди ва натижаларни “Фидес” партияси учун “оғриқли” деб атади

У партия мухолифатда қолиб, ватан ва миллатга хизмат қилишда давом этишини таъкидлади.

"Сайлов натижалари гарчи якуний бўлмаса-да, лекин тушунарли ва аниқ. Мамлакатни бошқариш масъулияти ва имконияти бизга насиб қилмади. Мен ғолиб партияни табрикладим. Биз ҳеч қачон таслим бўлмаймиз", — деди Виктор Орбан.

🔥 @burchakostida

🇭🇺🇪🇺 Венгриядаги парламент сайловларида ғалаба қозонган “Тиса” партияси етакчиси Петер Мадьяр Будапештнинг Европа Иттифоқи ва NATO'даги тўлақонли иштирокини тиклашини маълум қилди.

🔥 @burchakostida

🇭🇺 Петер Мадьяр амалдаги ҳукуматнинг барча расмийларини, жумладан президент Шуйокни, истеъфога чиқишга чақирди.

🔥 @burchakostida

🇪🇺🇭🇺 Бугун Европанинг юраги Венгрияда кучлироқ урмоқда — Еврокомиссия раҳбари

"Венгрия Европани танлади. Европа ҳар доим Венгрияни танлаган. Мамлакат ўзининг Европа йўлига қайтмоқда. Евроиттифоқ янада кучаймоқда", — дея Венгриядаги парламент сайловлари натижаларига муносабат билдирди Урсула фон дер Ляйен.

🔥 @burchakostida

🇺🇸🇮🇷 АҚШ ҳарбийлари Эрон портларини блокада қилишни бошлашини маълум қилди

Қўшма Штатлар Марказий қўмондонлигининг (CENTCOM) ижтимоий тармоқларда эълон қилган баёнотида маълум қилинишича, Эрон портларини блокада қилиш душанба куни шарқий вақт билан соат 10:00 да (Тошкент вақти билан 19:00 да) бошланади.

"АҚШ қуролли кучлари Ҳўрмуз бўғози орқали Эронга тегишли бўлмаган портларга кираётган ва ундан чиқаётган кемаларнинг эркин қатновига тўсқинлик қилмайди", дейилади қўмондонлик баёнотида.

CENTCOM ушбу қарор АҚШ президентининг фармонига мувофиқ қабул қилинганини билдирди.

Аввалроқ президент Доналд Трамп АҚШ “Ҳўрмуз бўғозига киришга ёки ундан чиқишга уринаётган барча кемаларни истисносиз БЛОКАДА ҚИЛИШНИ” бошлашини айтган эди. Шунингдек, у АҚШ Ҳарбий-денгиз кучлари уларга ҳужум қилган ҳар қандай эронликларни “яксон қилиши” ва Теҳронга транзит божларини тўлайдиган ҳар қандай кемани ушлаб қолишини маълум қилганди.

🔥 @burchakostida

🇮🇷🇺🇸 АҚШ ва Эрон ўртасидаги зиддиятнинг кескинлашуви фонида нефт нархи бир баррели учун 100 доллардан ошди

"Сиз “Блокада” деб атаётган ҳаракатлар билан тез орада $4-5 лик бензинни соғина бошлайсиз", — деб ёзди Х ижтимоий тармоғида Эрон парламент спикери ва Исломободдаги музокараларда Эрон делегациясига раҳбарлик қилган Муҳаммад Боқир Ғолибоф Вашингтонга юзланиб.

🔥 @burchakostida

🇬🇧🇺🇸🇮🇷 Буюк Британия АҚШ томонидан эълон қилинган Ҳўрмуз бўғозининг блокадасида иштирок этмаслигини маълум қилди — Sky News

Буюк Британия ҳукумати вакилига кўра, Лондон денгиз қатнови эркинлигини қўллаб-қувватлайди ва Ҳўрмуз бўғозининг очиқ бўлиши жаҳон иқтисодиёти барқарорлиги ҳамда мамлакатда яшаш харажатларини пасайтириш учун муҳим деб ҳисоблайди. Шунингдек, у бўғоздан ўтиш учун тўлов жорий этилишини ҳам қабул қилиб бўлмас чора сифатида баҳолаган.

Sky News манбасига кўра, Буюк Британия Франция ва бошқа ҳамкорлар билан биргаликда денгиз қатнови эркинлигини ҳимоя қилиш бўйича кенг коалиция тузиш устида ишламоқда.

🔥 @burchakostida

🇮🇷🇵🇰🇺🇸 Исломободда АҚШ ва Эрон ўртасидаги ўзаро англашув меморандуми Вашингтоннинг ҳаракатлари сабабли имзоланмади — Эрон ТИВ раҳбари

"Биз “Исломобод ўзаро англашув меморандуми”ни имзолашимизга атиги бир неча қадам қолганди, аммо максималистик талаблар, шартларнинг ўзгариши ва блокадага дуч келдик. Қўшма Штатлар ҳеч қандай сабоқ чиқармади", — дея қўшимча қилди Аббос Ароқчи.

🔥 @burchakostida