🇲🇩Молдова МДҲдан расман чиқди

Мамлакат президенти Майя Санду Мустақил Давлатлар Ҳамдўстлиги (МДҲ) Низоми ва асосий шартномаларини бекор қилиш тўғрисидаги фармонларни имзолади. Ҳужжатлар расмий нашрда эълон қилинди ва кучга кирди.

Республика Ташқи ишлар вазирлиги МДҲ раҳбариятини бу ҳақда расман хабардор қилади. Шартномалар 12 ойдан сўнг ўз кучини тўлиқ йўқотади. Бу қадам Молдованинг ташкилот таркибидан чиқиш жараёнини якуний босқичга олиб келди.

🔥 @burchakostida

🇺🇸🇮🇷Ҳўрмуз бўғози очилмоқда. АҚШ ва Эрон сулҳидан сўнг илк супертанкерлар йўлга чиқди

Reuters агентлигининг кемалар ҳаракатини кузатиш маълумотларига таяниб хабар беришича, Вашингтон ва Теҳрон ўртасида ўт очишни тўхтатиш келишувига эришилгандан сўнг, илк бор учта йирик супертанкер Форс кўрфазидан Ҳўрмуз бўғози орқали чиқиб кетди.

Булар — "Serifos", "Cospearl Lake" ва "He Rong Hai" танкерлари бўлиб, уларнинг ҳар бири 2 миллион баррелгача нефт ташиш қувватига эга. "Serifos" Саудия Арабистони ва БАА нефтини Малайзияга олиб кетмоқда, "Cospearl Lake Ироқ", "He Rong Hai" эса Саудия нефти билан юкланган. Охирги икки кема Хитойнинг "Sinopec" компанияси томонидан ижарага олинган.

Агентликнинг ёзишича, ушбу танкерларнинг пайдо бўлиши Эрон ва АҚШ ўртасидаги музокаралар фонида денгиз қатнови қисман тикланаётганидан далолат бериши мумкин.

🔥 @burchakostida

🇮🇱🇵🇸 Исроил Ғарбий соҳилда портловчи моддалар лабораториясини йўқ қилганини маълум қилди – Al Jazeera

​Исроил ҳарбийлари босиб олинган Ғарбий соҳилдаги Тулкарм шаҳрида портловчи қурилмалар ишлаб чиқарувчи лабораторияни зарарсизлантирди. Операция давомида 200 та қўлбола бомба, ўт ўчириш мосламалари, портлаш хавфи бўлган газ баллонлари ва 50 килограммдан ортиқ портловчи моддалар мусодара қилинган.

​Эроннинг "Tasnim" ахборот агентлиги хабарига кўра, Исроил кучларининг ушбу амалиёти давомида турар жой биноси вайрон бўлган. Ҳозирда ҳудудда хавфсизлик чоралари кучайтирилган, дейилади хабарда.
​
🔥 @burchakostida

🇮🇳Ҳиндистон савдодаги узилишлар туфайли ўғит тақчиллигига тайёргарлик кўрмоқда

​Ҳиндистонлик фермерлар Яқин Шарқдаги можаро ўғит етишмовчилигига олиб келишидан хавотирда. Мамлакат ўғит истеъмол қилиш бўйича дунёда иккинчи ўринда туради ва 2025 йилга келиб йилига 60 миллион тоннадан ортиқ ўғит ишлатмоқда. Ушбу маҳсулотларнинг катта қисми Форс кўрфази мамлакатларидан келади ва Ҳўрмуз бўғози орқали етказиб берилади.

​Чоршанба куни ҳукумат фермерларни ҳимоя қилиш мақсадида субсидияларни 465 миллион долларга оширишини эълон қилганди.
​
🔥 @burchakostida

🇸🇦Саудия Арабистони зарар кўрган нефт кони ва "Шарқ-Ғарб" қувури фаолияти тикланганини эълон қилди

​Мамлакат Энергетика вазирлиги ҳужумлардан сўнг энергетика секторининг иккита объекти қайта ишга туширилганини маълум қилди.

​Вазирликнинг X ижтимоий тармоғидаги хабарига кўра, "Шарқ-Ғарб" қувурининг тўлиқ ўтказувчанлик қувватига — кунига 7 миллион баррелга эришилди. Шунингдек, расмийлар "Манифа" конида кунига қарийб 300 000 баррел нефт қазиб олишни тикладилар.

​Бундан ташқари, "Ҳурайс" объектида тўлиқ иш фаолиятини тиклаш бўйича ишлар олиб борилмоқда, бу эса қазиб олиш ҳажмини яна 300 000 баррелга ошириш имконини беради.

​Эслатиб ўтамиз, пайшанба куни Ар-Риёд, Шарқий вилоят ва Янбу саноат шаҳридаги нефт-газ ҳамда электр энергияси корхоналарига қилинган ҳужумлардан сўнг Саудия Арабистони бир қатор объектлар иши тўхтатилганини эълон қилган эди.
​
🔥 @burchakostida

🇬🇧Буюк Британияда "Palestine Action" тақиқланишига қарши норозилик намойишида юзлаб киши ҳибсга олинди

​Лондон марказидаги Трафальгар майдонида мингга яқин инсон иштирокида оммавий намойиш бўлиб ўтди. Ҳуқуқ-тартибот идоралари ходимлари "Palestine Action" ҳуқуқни ҳимоя қилиш ташкилоти фаолияти тақиқланишига қарши чиққан юзлаб намойишчиларни қўлга олди.
​
"Palestine Action" — Буюк Британиянинг Исроил ҳарбий амалиётларидаги шериклигига чек қўйишни мақсад қилган гуруҳ ҳисобланади. Аввалроқ ушбу ташкилот Қироллик ҳарбий-ҳаво кучлари базасига кириб, самолётларни бўяб кетиш ва Исроил учун қурол ишлаб чиқарувчи корхоналарга ҳужум қилиш каби ҳаракатлар учун жавобгарликни ўз зиммасига олган эди.
​
🔥 @burchakostida

🇪🇸🇱🇧Мадридда Ливандаги қурбонлар хотирасига бағишланган акция ўтказилди

Мамлакатда ўнлаб одамлар Исроилнинг Ливанга берган авиазарбалари қурбонларини ёдга олиш учун тўпланишди. Мотам маросими АҚШ ва Эрон ўртасида ўт очишни тўхтатиш келишуви эълон қилинганининг эртаси куни бўлиб ўтди. Ливан Соғлиқни сақлаш вазирлиги маълумотларига кўра, ҳужумлар оқибатида жами 357 киши ҳалок бўлган.

🔥 @burchakostida

🇮🇹Рим папаси дунё етакчиларини урушдан воз кечишга чақирди

​Шанба куни Рим папаси Лев XIV дунё етакчиларига мурожаат қилиб, келишмовчиликларни ҳал қилишда урушдан восита сифатида воз кечишга ва тинчлик йўлини танлашга чақирди. Понтифик халқаро ҳамжамиятни тинчликни сақлаш борасидаги мажбуриятларга содиқ қолишга ундади.
​
🔥 @burchakostida

🇮🇱🇪🇸Исроил Испания дипломатига Нетаняҳунинг қўғирчоғи портлатилгани учун эътироз билдирди

Мамлакат ҳукумати Испаниянинг Эл-Бурго шаҳрида Пасха байрами вақтида Бош вазир Бинямин Нетаняҳунинг қўғирчоғи портлатилгани учун Испаниянинг Тель-Авивдаги бош дипломатига танбеҳ берганини маълум қилди.

​Исроил ТИВ бунда Испания Бош вазири Педро Санчесни "иғвогарликда" айбламоқда.

Аввалроқ ушбу муниципалитет юзлаб томошабинларни жалб қиладиган йиллик тадбир давомида АҚШ президенти Доналд Трамп ва Россия президенти Владимир Путиннинг қўғирчоқларидан фойдаланган эди.
​
🔥 @burchakostida

🇮🇷Эрон икки ой ичида нефтни қайта ишлаш қувватларининг катта қисмини тиклашга умид қилмоқда

​Мамлакат Нефт вазири ўринбосари Муҳаммад Содиқ Азимифарнинг маълум қилишича, ҳукумат яқин икки ой ичида зарар кўрган нефтни қайта ишлаш ва тақсимлаш қувватларини аввалги ҳолатининг 70-80 фоизигача тиклашни мақсад қилган.

​SNN ахборот агентлигига берган интервьюсида Азимифар Эроннинг нефтни қайта ишлаш заводлари, электр узатиш линиялари, нефт омборлари ва самолётларга ёқилғи қуйиш шахобчалари "мамлакатнинг барча ҳудудларида қайта-қайта ҳужумларга учраганини" айтди.

​Азимифарнинг сўзларига кўра, вайронагарчиликларни тозалаш ва шикастланган ускуналарни, жумладан, Лаван оролидаги нефтни қайта ишлаш заводидаги қурилмаларни алмаштириш учун тегишли гуруҳлар юборилган.
​Унинг қўшимча қилишича, расмийлар нефтни қайта ишлаш заводининг бир қисмини яқин 10 кун ичида қайта ишга туширишни режалаштирмоқда.
​
🔥 @burchakostida

🇮🇷🇵🇰Эрон парламенти спикери Исломобод музокаралари якуни бўйича баёнот берди

Мамлакат парламенти спикери Муҳаммад Боқир Ғолибоф музокараларда Теҳрон етарлича сиёсий ирода кўрсатганини, бироқ аввалги иккита уруш тажрибаси туфайли қарши томонга ишонч йўқлигини таъкидлади. Унинг сўзларига кўра, Эрон делегацияси томонидан илгари сурилган қатор илғор ташаббусларга қарамай, Вашингтон бу гал ҳам Эрон ишончини қозона олмаган.

"АҚШ бизнинг мантиқимизни тушуниб етди, энди қарор қабул қилиш навбати уларда", — деди спикер.

Шунингдек, у "қудратли дипломатия" Эрон халқи ҳуқуқларини ҳимоя қилишда ҳарбий кураш каби муҳим эканини ва 40 кунлик "Миллий мудофаа" ютуқлари қатъий ҳимоя қилинишини билдирди. Баёнот якунида музокараларга мезбонлик қилган Покистонга ва 21 соатлик шиддатли мулоқот давомида делегацияни қўллаб-қувватлаган Эрон халқига миннатдорчилик изҳор этилди.

🔥 @burchakostida

🇨🇳🇹🇼Америкалик дипломат Хитойни Тайван билан тўғридан-тўғри мулоқотга чақирди – Reuters

АҚШнинг Тайвандаги де-факто элчиси Реймонд Грин Пекинни оролга нисбатан ҳарбий босимни тўхтатишга ва сайланган етакчилар билан тўғридан-тўғри музокаралар бошлашга чақирди. Унинг фикрича, Хитой барча сиёсий кучлар билан алоқаларни сақлаб қолиши муносабатлар барқарорлиги учун муҳим.

"Агар Тайван етарлича мудофаа салоҳиятига эга бўлса, уруш эҳтимолини кун тартибидан чиқариб ташлайди ва тенг ҳуқуқли мулоқотга эришади", — деди дипломат.

АҚШ икки мамлакат ўртасида расмий дипломатик алоқалар йўқлигига қарамасдан, оролга асосий қурол етказиб берувчи давлат сифатида қолмоқда.

🔥 @burchakostida

🇴🇲Ўмон бешта нефт ва газ блокини сотиб олиш учун тендер эълон қилди

​Ўмон Энергетика вазирлиги мамлакатнинг углеводород ресурсларини ўзлаштиришни тезлаштириш ва инвестицияларни жалб қилиш мақсадида нефт ва газ қазиб олиш бўйича бешта янги концессия блоки учун тендер эълон қилди, деб хабар берди "Oman News Agency" АА.

​Хабар қилинишича, рўйхатдан ўтиш тез орада бошланади ва 30 сентябргача давом этади, натижалар эса техник ва молиявий баҳолашдан сўнг эълон қилинади.
​
🔥 @burchakostida

🇷🇺Россия Европага газ етказиб беришда давом этиши мумкин

Президент матбуот котиби Дмитрий Песков Кремл "муқобил бозорларга энергетик хомашё етказиб берилгандан сўнг захиралар қолса", Европа Иттифоқига газ етказиб беришга тайёрлигини маълум қилди.

Бу ҳақда Россиянинг "ТАСС" давлат ахборот агентлиги хабар бермоқда.

Шу билан бирга, Песковнинг таъкидлашича, агар Россия газ етказиб бермаган тақдирда ҳам, Европа уни сотиб олиш йўлини топади.

🔥 @burchakostida

🇧🇼🇦🇴"Kemcore" Африкада тоғ-кон саноати учун кимёвий хомашё ишлаб чиқаришни бошлайди

Африканинг "Kemcore" компанияси Хитой ва Яқин Шарққа қарамликни камайтириш ҳамда геосиёсий хавфлардан ҳимояланиш мақсадида Ботсвана ва Анголада кимёвий заводлар қуришни режалаштирмоқда.

Эрондаги уруш ортидан Танзания портида олтингугурт кислотаси нархи кескин кўтарилгани минтақавий ишлаб чиқариш нақадар муҳимлигини кўрсатди. Янги лойиҳа доирасида Ботсванадаги завод 2025 йил ўрталаридан иш бошлайди ва 2032 йилга келиб Африканинг кимёвий хомашёга бўлган эҳтиёжининг 25 фоизини таъминлайди.

Умумий қиймати 103 миллион доллар бўлган ушбу лойиҳага АҚШ идоралари ҳам Пекиннинг қитъадаги таъсирини камайтириш мақсадида қизиқиш билдирмоқда. Заводлар Конго ва Замбиядаги мис ва кобалт конлари учун зарур бўлган реагентларни етказиб бериш орқали таъминот занжири барқарорлигини кафолатлайди. Бу қадам Африка тоғ-кон саноатининг ташқи импортга бўлган боғлиқлигини сезиларли даражада пасайтириши кутилмоқда.

🔥 @burchakostida

🇳🇬"Oando" Эрондаги уруш фонида нефт қазиб олишни кескин оширмоқчи

Нигериянинг "Oando" компанияси жорий йилда бурғилаш ишлари учун 750 миллион доллар маблағ жалб қилишни режалаштирмоқда.

Компания раҳбари Уэйл Тинубунинг таъкидлашича, Яқин Шарқдаги беқарорлик сабабли инвесторларнинг Ғарбий Африкадаги хомашё конларига қизиқиши ортган. Бу маблағлар ҳисобига 100 та янги қудуқ қазилиб, нефт қазиб олиш ҳажмини 300 фоизгача ошириш кўзда тутилган. Тинубу, энергия ресурслари нархининг кўтарилиши минтақа учун янги молиявий имкониятлар очишини билдирди.

Компания "ConocoPhillips" ва "Eni" каби гигантлардан сотиб олинган активлардан фойдаланиш орқали нафақат ишлаб чиқаришни кўпайтиришни, балки Нигериянинг ёқилғи импортига бўлган эҳтиёжини камайтиришни ҳам мақсад қилган.

🔥 @burchakostida

🇳🇿Янги Зеландияда "Ваяну" циклони туфайли юзлаб одамлар эвакуация қилинди

Бугун "Ваяну" циклони
Янги Зеландиянинг Шимолий оролига ёпирилди. Кучли сув тошқинлари ва электр таъминотидаги узилишлар сабабли юзлаб аҳоли ўз уйларини тарк этишга мажбур бўлди.

Довул марказида шамол тезлиги соатига 130 километрдан ошган, бу эса кучли ёмғирлар ва денгиздаги хавфли тўлқинлар билан кузатилган. Ҳозирда соҳил бўйидаги ҳудудларда қутқарув ва хавфсизлик чоралари кўрилмоқда.

🔥 @burchakostida

🇰🇷🇰🇿Жанубий Корея Қозоғистондан нефт сотиб олади

Маълумотларга кўра, Яқин Шарқдаги уруш ва Ҳўрмуз бўғозидаги муаммолар сабабли Жанубий Корея энергия манбаларини кенгайтирмоқчи.

"Биз Қозоғистон билан ижобий келишиб олдик, шунинг учун келаси ҳафта бошида қанча нефт сотиб олишимизни ва қолган тафсилотларни аниқ айта оламиз", – деди мамлакат саноат вазири Ким Чон Кван.

Ҳозирда Жанубий Корея нефт импортининг 70 фоизи Яқин Шарққа боғланиб қолган. Шунингдек, Корея ўтган ойда БААдан 24 миллион баррел хом нефт етказиб бериш ваъдасини олган эди.

Саноат вазири Қозоғистондан хомашё олиб келиш муддати АҚШ билан бир хил (50-60 кун) эканини ва бу узоқ муддатли барқарорлик учун муҳимлигини таъкидлади.

🔥 @burchakostida

🇮🇱🇹🇷🇮🇷 Нетаняҳу Эрдўғанни танқид қилди

Истанбул прокуратураси Исроил бош вазири ва унинг ҳукуматига нисбатан айблов эълон қилиши ортидан Бинямин Нетаняҳу Х платформасида Туркия президенти Ражаб Тоййиб Эрдўғон ҳақида салбий мазмундаги пост қолдирди.

"Менинг раҳбарлигим остидаги Исроил Теҳронга ёрдам бераётган ва ҳатто ўзининг курд фуқароларини қирғин қилаётган Эрдўғандан фарқли ўлароқ, Эроннинг террорчилик режими ва унинг малайларига (проксиларига) қарши курашишда давом этади", — деб ёзди Нетаняҳу.

🔥 @burchakostida

🇺🇸🇮🇷 Трамп АҚШ Ҳўрмуз бўғозида денгиз қамалини бошлашини эълон қилди

Оқ уй раҳбарининг Truth Social платформасида ёзилган постида қайд этилишича, АҚШ Ҳўрмуз бўғозига киришга ва у ердан чиқишга уринаётган барча кемалар ҳаракатини чеклайди.

"Қўшма Штатларнинг Эрон билан музокаралари яхши ўтди, ядровий масаладан ташқари аксарият масалалар бўйича келишувга эришилди. Теҳрон ўзининг ядровий қуролга эга бўлиш мақсадидан воз кечишга рози бўлмади.

Мен, шунингдек, Ҳарбий-денгиз кучларимизга Ҳўрмуз бўғозидан ўтиш учун Эронга бож тўлаган ҳар бир кемани халқаро сувларда аниқлаш ва тўхтатиб қолишни топширдим. Ноқонуний бож тўлайдиган ҳеч ким очиқ денгизда хавфсиз ўтиш йўлагига эга бўлмайди. Бундан ташқари, биз эронликлар бўғозга ўрнатган миналарни йўқ қилишни бошлаймиз.

Бизга ёки фуқаролик кемаларига қарата ўт очган ҳар қандай эронлик ЖАҲАННАМГА РАВОНА ҚИЛИНАДИ! Шундоғам уларнинг мамлакатини вайрон қилган бу вазиятга қандай қилиб ЧЕК ҚЎЙИШНИ Эрон барчадан яхши билади", — дейилади АҚШ президентининг постида

🔥 @burchakostida

🇺🇬🇸🇴🇹🇷 Уганда президентининг ўғли Туркиядан 1 млрд доллар ва “мамлакатнинг энг гўзал аёли”ни беришни талаб қилди

Уганда Қуролли кучлари Бош штаби раҳбари ҳисобланувчи Муҳузи Кайнеругаба Анқара Сомалидаги ҳарбий амалиётидан фойда кўрганини ва бунинг учун товон тўлаши кераклигини маълум қилди.

Кайнеругаба рад жавоби берилган тақдирда, Туркиянинг Уганда пойтахти Кампаладаги элчихонасини ёпиш, дипломатик алоқаларни узиш ва авиа алоқаларни тўхтатиш билан таҳдид қилди.

🔥 @burchakostida