🇺🇸🇵🇰🇮🇷 Исломободдаги Эрон билан музокаралар натижаси аҳамиятга эга эмас, биз ғалаба қозондик — АҚШ президенти

Доналд Трамп Покистондаги АҚШ ва Эрон ўртасидаги музокаралар натижаси уни ташвишга солмаётганини маълум қилди. Унинг сўзларига кўра, Вашингтон бу урушдан аллақачон ғолиб сифатида чиққан.

"Келишувга эришамизми ёки йўқми, мен учун бунинг аҳамияти йўқ. Асосийси, биз ғалаба қозондик. Биз бу Эронни бутунлай тор-мор этдик", — деди президент Оқ уй олдида журналистлар билан мулоқотда.

Трамп АҚШ Эрон ҳарбий-ҳаво кучларини, ҳарбий-денгиз флотини ва раҳбариятини йўқ қилгани ҳамда ҳозирда Қўшма Штатлар “ё қўрқоқ, ё заиф, ёки хасис” бўлган давлатлар номидан Ҳўрмуз бўғози орқали кемаларнинг эркин ўтишини таъминлаш устида ишлаётгани ҳақидаги олдинги даъволарини такрорлади.

"Биз бўғозни очамиз, гарчи ўзимиз ундан фойдаланмасак ҳам Чунки дунёда ундан фойдаланадиган бошқа кўплаб мамлакатлар бор ва улар ё қўрқоқ, ё заиф, ё хасис. NATO эса бу масалада бизга ёрдам бермади ", — деди Оқ уй раҳбари.

🔥 @burchakostida

🇮🇷🇺🇸 Эрон ва АҚШ бир қатор масалаларда келишувга эришди, лекин 2-3 муҳим мавзуда фикрлар фарқ қилди — Эрон Ташқи ишлар вазирлиги.

🔥 @burchakostida

🇮🇷🇵🇰🇺🇸 АҚШ Эрон билан оқилона келишувга рози бўлмагунича, Ҳўрмуз бўғозидаги вазият ўзгармайди — Tasnim

"Эрон расмийлари Исломободда АҚШ билан бўлиб ўтган маслаҳатлашувларда оқилона таклифларни илгари сурди ва музокараларда шошилмасликка тайёр, чунки тўп Вашингтон томонида", дейилади хабарда.

🔥 @burchakostida

🇺🇸🇮🇷АҚШ ва Эрон музокараларидаги асосий келишмовчиликлар маълум бўлди

Axios нашрининг хабар беришича, Исломободда бўлиб ўтган музокараларда томонлар иккита асосий масалада тил топиша олмаган: Теҳроннинг Ҳўрмуз бўғозини назорат қилиш истаги ҳамда бойитилган уран захираларидан воз кечишни рад этгани. Шанбадан якшанба тонггигача давом этган мулоқотлардан сўнг, АҚШ вице-президенти Жей Ди Вэнс Покистонни тарк этиб, Вашингтонга йўл олди.

Ҳозирча якуний келишув имзоланмаган бўлса-да, Вашингтон томони музокаралар динамикасини сақлаб қолиш ва вақтинчалик ўт очишни тўхтатиш режимини узайтиришдан умидвор. Бироқ юзага келган келишмовчиликлар икки ҳафталик сукутнинг бузилиши ва ҳарбий ҳаракатларнинг қайта авж олиши хавфини туғдирмоқда. Энг қизиқарлиси, Вашингтон музокаралар жараёнидан чиққанини эълон қилмаган, дейилади нашр хабарида.

🔥 @burchakostida

🇭🇺 Венгрияда парламент сайловларида овоз бериш бошланди

Венгрияда сайлов участкалари очилди, мамлакат фуқаролари бир мандатли округ бўйича номзодга ва партия учун овоз бермоқда.

Сайловларда жами бешта партия иштирок этмоқда. Асосий рақиблар 2010 йилдан бери бош вазир лавозимини эгаллаб келаётган Виктор Орбаннинг Fides партияси ва 2020 йилда ташкил этилган Петер Мадяр бошчилигидаги Тisa партиясидир. Мадяр 2024 йилда ҳукмрон партияни тарк этиб, мухолифатга ўтган.

Мустақил ижтимоий сўровномалар Тisa'нинг ишончли ғалабасини башорат қилмоқда, бироқ ҳукуматга яқин марказлар Орбаннинг партияси парламентдаги кўпчилик ўринни сақлаб қолишини тахмин қилмоқда.

🔥 @burchakostida

🇺🇦🇷🇺 Украина бир-бирини “Пасха сулҳи”ни бузишда айблади

Курск вилояти губернатори Александр Хинштейн Украина Қуролли кучлари “Пасха сулҳи”ни бузганини билдирди. Унинг айтишича, Льгов шаҳрида Украина дрони ёнилғи қуйиш шохобчасига ҳужум қилган ва оқибатда уч киши, жумладан бир ёшли бола жароҳатланган.

Хинштейн дрон зарбаси 11 апрел куни маҳаллий вақт билан соат 16:00 дан кейин, яъни фронтда “Пасха сулҳи” кучга кирган вақтда содир бўлганини даъво қилмоқда. Бироқ у бунга ҳеч қандай далил келтирмаган.

Бундан ташқари, Белгород вилояти губернатори Вячеслав Гладков чегараолди Шебекино шаҳрининг икки нафар тинч аҳолиси Украина томонидан ўққа тутилиши оқибатида яраланганини маълум қилди. Мулозим бу ҳақдаги постни ўз Telegram-каналида эълон қилган.

Херсон вилоятининг Россия томонидан эгаллаб олинган Новая Каховка маъмурияти ҳам шаҳар Украина томонидан ўққа тутилганини ва бир нафар тинч аҳоли вакили жароҳатланганини билдирди.

Украина нашрларининг ёзишича, Россия қўшинлари ҳам Херсон вилоятига реактив тизимлардан зарба бериб, сулҳни бузган. Шунингдек, Харков ва Запорижжя вилоятларида сулҳ бошланганидан кейин дронлар ҳужуми хавфи туфайли ҳаво ҳужумидан огоҳлантириш эълон қилинган.

Шу билан бирга, Украинанинг “Exilenova+” мониторинг канали ўз манбаларига таяниб, сулҳ “фронтнинг аксарият қисмларида ҳақиқатан ҳам ишлаётганини” таъкидламоқда. "Разведка дронлари иккала томонда ҳам учмоқда. Иккала томон ҳам уларни уриб туширмоқда", деб ёзади канал муаллифлари.

Украина ва Россия ўртасидаги “Пасха сулҳи” 11 апрел соат 16:00 дан 12 апрел куни якунига қадар давом этади. Украина президенти Володимир Зеленский Россия томонига ўт очишни тўхтатиш режимини Пасхадан кейин ҳам давом эттириш имконияти ҳақида маълумот етказилганини маълум қилган.

🔥 @burchakostida

🇲🇩Молдова МДҲдан расман чиқди

Мамлакат президенти Майя Санду Мустақил Давлатлар Ҳамдўстлиги (МДҲ) Низоми ва асосий шартномаларини бекор қилиш тўғрисидаги фармонларни имзолади. Ҳужжатлар расмий нашрда эълон қилинди ва кучга кирди.

Республика Ташқи ишлар вазирлиги МДҲ раҳбариятини бу ҳақда расман хабардор қилади. Шартномалар 12 ойдан сўнг ўз кучини тўлиқ йўқотади. Бу қадам Молдованинг ташкилот таркибидан чиқиш жараёнини якуний босқичга олиб келди.

🔥 @burchakostida

🇺🇸🇮🇷Ҳўрмуз бўғози очилмоқда. АҚШ ва Эрон сулҳидан сўнг илк супертанкерлар йўлга чиқди

Reuters агентлигининг кемалар ҳаракатини кузатиш маълумотларига таяниб хабар беришича, Вашингтон ва Теҳрон ўртасида ўт очишни тўхтатиш келишувига эришилгандан сўнг, илк бор учта йирик супертанкер Форс кўрфазидан Ҳўрмуз бўғози орқали чиқиб кетди.

Булар — "Serifos", "Cospearl Lake" ва "He Rong Hai" танкерлари бўлиб, уларнинг ҳар бири 2 миллион баррелгача нефт ташиш қувватига эга. "Serifos" Саудия Арабистони ва БАА нефтини Малайзияга олиб кетмоқда, "Cospearl Lake Ироқ", "He Rong Hai" эса Саудия нефти билан юкланган. Охирги икки кема Хитойнинг "Sinopec" компанияси томонидан ижарага олинган.

Агентликнинг ёзишича, ушбу танкерларнинг пайдо бўлиши Эрон ва АҚШ ўртасидаги музокаралар фонида денгиз қатнови қисман тикланаётганидан далолат бериши мумкин.

🔥 @burchakostida

🇮🇱🇵🇸 Исроил Ғарбий соҳилда портловчи моддалар лабораториясини йўқ қилганини маълум қилди – Al Jazeera

​Исроил ҳарбийлари босиб олинган Ғарбий соҳилдаги Тулкарм шаҳрида портловчи қурилмалар ишлаб чиқарувчи лабораторияни зарарсизлантирди. Операция давомида 200 та қўлбола бомба, ўт ўчириш мосламалари, портлаш хавфи бўлган газ баллонлари ва 50 килограммдан ортиқ портловчи моддалар мусодара қилинган.

​Эроннинг "Tasnim" ахборот агентлиги хабарига кўра, Исроил кучларининг ушбу амалиёти давомида турар жой биноси вайрон бўлган. Ҳозирда ҳудудда хавфсизлик чоралари кучайтирилган, дейилади хабарда.
​
🔥 @burchakostida

🇮🇳Ҳиндистон савдодаги узилишлар туфайли ўғит тақчиллигига тайёргарлик кўрмоқда

​Ҳиндистонлик фермерлар Яқин Шарқдаги можаро ўғит етишмовчилигига олиб келишидан хавотирда. Мамлакат ўғит истеъмол қилиш бўйича дунёда иккинчи ўринда туради ва 2025 йилга келиб йилига 60 миллион тоннадан ортиқ ўғит ишлатмоқда. Ушбу маҳсулотларнинг катта қисми Форс кўрфази мамлакатларидан келади ва Ҳўрмуз бўғози орқали етказиб берилади.

​Чоршанба куни ҳукумат фермерларни ҳимоя қилиш мақсадида субсидияларни 465 миллион долларга оширишини эълон қилганди.
​
🔥 @burchakostida

🇸🇦Саудия Арабистони зарар кўрган нефт кони ва "Шарқ-Ғарб" қувури фаолияти тикланганини эълон қилди

​Мамлакат Энергетика вазирлиги ҳужумлардан сўнг энергетика секторининг иккита объекти қайта ишга туширилганини маълум қилди.

​Вазирликнинг X ижтимоий тармоғидаги хабарига кўра, "Шарқ-Ғарб" қувурининг тўлиқ ўтказувчанлик қувватига — кунига 7 миллион баррелга эришилди. Шунингдек, расмийлар "Манифа" конида кунига қарийб 300 000 баррел нефт қазиб олишни тикладилар.

​Бундан ташқари, "Ҳурайс" объектида тўлиқ иш фаолиятини тиклаш бўйича ишлар олиб борилмоқда, бу эса қазиб олиш ҳажмини яна 300 000 баррелга ошириш имконини беради.

​Эслатиб ўтамиз, пайшанба куни Ар-Риёд, Шарқий вилоят ва Янбу саноат шаҳридаги нефт-газ ҳамда электр энергияси корхоналарига қилинган ҳужумлардан сўнг Саудия Арабистони бир қатор объектлар иши тўхтатилганини эълон қилган эди.
​
🔥 @burchakostida

🇬🇧Буюк Британияда "Palestine Action" тақиқланишига қарши норозилик намойишида юзлаб киши ҳибсга олинди

​Лондон марказидаги Трафальгар майдонида мингга яқин инсон иштирокида оммавий намойиш бўлиб ўтди. Ҳуқуқ-тартибот идоралари ходимлари "Palestine Action" ҳуқуқни ҳимоя қилиш ташкилоти фаолияти тақиқланишига қарши чиққан юзлаб намойишчиларни қўлга олди.
​
"Palestine Action" — Буюк Британиянинг Исроил ҳарбий амалиётларидаги шериклигига чек қўйишни мақсад қилган гуруҳ ҳисобланади. Аввалроқ ушбу ташкилот Қироллик ҳарбий-ҳаво кучлари базасига кириб, самолётларни бўяб кетиш ва Исроил учун қурол ишлаб чиқарувчи корхоналарга ҳужум қилиш каби ҳаракатлар учун жавобгарликни ўз зиммасига олган эди.
​
🔥 @burchakostida

🇪🇸🇱🇧Мадридда Ливандаги қурбонлар хотирасига бағишланган акция ўтказилди

Мамлакатда ўнлаб одамлар Исроилнинг Ливанга берган авиазарбалари қурбонларини ёдга олиш учун тўпланишди. Мотам маросими АҚШ ва Эрон ўртасида ўт очишни тўхтатиш келишуви эълон қилинганининг эртаси куни бўлиб ўтди. Ливан Соғлиқни сақлаш вазирлиги маълумотларига кўра, ҳужумлар оқибатида жами 357 киши ҳалок бўлган.

🔥 @burchakostida

🇮🇹Рим папаси дунё етакчиларини урушдан воз кечишга чақирди

​Шанба куни Рим папаси Лев XIV дунё етакчиларига мурожаат қилиб, келишмовчиликларни ҳал қилишда урушдан восита сифатида воз кечишга ва тинчлик йўлини танлашга чақирди. Понтифик халқаро ҳамжамиятни тинчликни сақлаш борасидаги мажбуриятларга содиқ қолишга ундади.
​
🔥 @burchakostida

🇮🇱🇪🇸Исроил Испания дипломатига Нетаняҳунинг қўғирчоғи портлатилгани учун эътироз билдирди

Мамлакат ҳукумати Испаниянинг Эл-Бурго шаҳрида Пасха байрами вақтида Бош вазир Бинямин Нетаняҳунинг қўғирчоғи портлатилгани учун Испаниянинг Тель-Авивдаги бош дипломатига танбеҳ берганини маълум қилди.

​Исроил ТИВ бунда Испания Бош вазири Педро Санчесни "иғвогарликда" айбламоқда.

Аввалроқ ушбу муниципалитет юзлаб томошабинларни жалб қиладиган йиллик тадбир давомида АҚШ президенти Доналд Трамп ва Россия президенти Владимир Путиннинг қўғирчоқларидан фойдаланган эди.
​
🔥 @burchakostida

🇮🇷Эрон икки ой ичида нефтни қайта ишлаш қувватларининг катта қисмини тиклашга умид қилмоқда

​Мамлакат Нефт вазири ўринбосари Муҳаммад Содиқ Азимифарнинг маълум қилишича, ҳукумат яқин икки ой ичида зарар кўрган нефтни қайта ишлаш ва тақсимлаш қувватларини аввалги ҳолатининг 70-80 фоизигача тиклашни мақсад қилган.

​SNN ахборот агентлигига берган интервьюсида Азимифар Эроннинг нефтни қайта ишлаш заводлари, электр узатиш линиялари, нефт омборлари ва самолётларга ёқилғи қуйиш шахобчалари "мамлакатнинг барча ҳудудларида қайта-қайта ҳужумларга учраганини" айтди.

​Азимифарнинг сўзларига кўра, вайронагарчиликларни тозалаш ва шикастланган ускуналарни, жумладан, Лаван оролидаги нефтни қайта ишлаш заводидаги қурилмаларни алмаштириш учун тегишли гуруҳлар юборилган.
​Унинг қўшимча қилишича, расмийлар нефтни қайта ишлаш заводининг бир қисмини яқин 10 кун ичида қайта ишга туширишни режалаштирмоқда.
​
🔥 @burchakostida

🇮🇷🇵🇰Эрон парламенти спикери Исломобод музокаралари якуни бўйича баёнот берди

Мамлакат парламенти спикери Муҳаммад Боқир Ғолибоф музокараларда Теҳрон етарлича сиёсий ирода кўрсатганини, бироқ аввалги иккита уруш тажрибаси туфайли қарши томонга ишонч йўқлигини таъкидлади. Унинг сўзларига кўра, Эрон делегацияси томонидан илгари сурилган қатор илғор ташаббусларга қарамай, Вашингтон бу гал ҳам Эрон ишончини қозона олмаган.

"АҚШ бизнинг мантиқимизни тушуниб етди, энди қарор қабул қилиш навбати уларда", — деди спикер.

Шунингдек, у "қудратли дипломатия" Эрон халқи ҳуқуқларини ҳимоя қилишда ҳарбий кураш каби муҳим эканини ва 40 кунлик "Миллий мудофаа" ютуқлари қатъий ҳимоя қилинишини билдирди. Баёнот якунида музокараларга мезбонлик қилган Покистонга ва 21 соатлик шиддатли мулоқот давомида делегацияни қўллаб-қувватлаган Эрон халқига миннатдорчилик изҳор этилди.

🔥 @burchakostida

🇨🇳🇹🇼Америкалик дипломат Хитойни Тайван билан тўғридан-тўғри мулоқотга чақирди – Reuters

АҚШнинг Тайвандаги де-факто элчиси Реймонд Грин Пекинни оролга нисбатан ҳарбий босимни тўхтатишга ва сайланган етакчилар билан тўғридан-тўғри музокаралар бошлашга чақирди. Унинг фикрича, Хитой барча сиёсий кучлар билан алоқаларни сақлаб қолиши муносабатлар барқарорлиги учун муҳим.

"Агар Тайван етарлича мудофаа салоҳиятига эга бўлса, уруш эҳтимолини кун тартибидан чиқариб ташлайди ва тенг ҳуқуқли мулоқотга эришади", — деди дипломат.

АҚШ икки мамлакат ўртасида расмий дипломатик алоқалар йўқлигига қарамасдан, оролга асосий қурол етказиб берувчи давлат сифатида қолмоқда.

🔥 @burchakostida

🇴🇲Ўмон бешта нефт ва газ блокини сотиб олиш учун тендер эълон қилди

​Ўмон Энергетика вазирлиги мамлакатнинг углеводород ресурсларини ўзлаштиришни тезлаштириш ва инвестицияларни жалб қилиш мақсадида нефт ва газ қазиб олиш бўйича бешта янги концессия блоки учун тендер эълон қилди, деб хабар берди "Oman News Agency" АА.

​Хабар қилинишича, рўйхатдан ўтиш тез орада бошланади ва 30 сентябргача давом этади, натижалар эса техник ва молиявий баҳолашдан сўнг эълон қилинади.
​
🔥 @burchakostida

🇷🇺Россия Европага газ етказиб беришда давом этиши мумкин

Президент матбуот котиби Дмитрий Песков Кремл "муқобил бозорларга энергетик хомашё етказиб берилгандан сўнг захиралар қолса", Европа Иттифоқига газ етказиб беришга тайёрлигини маълум қилди.

Бу ҳақда Россиянинг "ТАСС" давлат ахборот агентлиги хабар бермоқда.

Шу билан бирга, Песковнинг таъкидлашича, агар Россия газ етказиб бермаган тақдирда ҳам, Европа уни сотиб олиш йўлини топади.

🔥 @burchakostida

🇧🇼🇦🇴"Kemcore" Африкада тоғ-кон саноати учун кимёвий хомашё ишлаб чиқаришни бошлайди

Африканинг "Kemcore" компанияси Хитой ва Яқин Шарққа қарамликни камайтириш ҳамда геосиёсий хавфлардан ҳимояланиш мақсадида Ботсвана ва Анголада кимёвий заводлар қуришни режалаштирмоқда.

Эрондаги уруш ортидан Танзания портида олтингугурт кислотаси нархи кескин кўтарилгани минтақавий ишлаб чиқариш нақадар муҳимлигини кўрсатди. Янги лойиҳа доирасида Ботсванадаги завод 2025 йил ўрталаридан иш бошлайди ва 2032 йилга келиб Африканинг кимёвий хомашёга бўлган эҳтиёжининг 25 фоизини таъминлайди.

Умумий қиймати 103 миллион доллар бўлган ушбу лойиҳага АҚШ идоралари ҳам Пекиннинг қитъадаги таъсирини камайтириш мақсадида қизиқиш билдирмоқда. Заводлар Конго ва Замбиядаги мис ва кобалт конлари учун зарур бўлган реагентларни етказиб бериш орқали таъминот занжири барқарорлигини кафолатлайди. Бу қадам Африка тоғ-кон саноатининг ташқи импортга бўлган боғлиқлигини сезиларли даражада пасайтириши кутилмоқда.

🔥 @burchakostida