🇦🇺🇸🇬Австралия ва Сингапур энергетик хавфсизлик бўйича стратегик келишувга эришди

​Австралия ва Сингапур Яқин Шарқдаги уруш туфайли юзага келган глобал инқироз шароитида бир-бирига энергия хавфсизлигини таъминлашда кўмаклашишга келишиб олдилар.

Сингапур Бош вазири Лоуренс Вонг австралиялик ҳамкасби Энтони Альбанезе билан учрашувда ёқилғи етказиб бериш тўхтатилмаслигини кафолатлади.

Янги битимга кўра, икки давлат қайта ишланган ёқилғи ва суюлтирилган табиий газ таъминотида ўзаро устуворлик беради. Шунингдек, ушбу келишув икки мамлакат ўртасидаги эркин савдо шартномасига юридик жиҳатдан мажбурий бўлган қўшимча сифатида киритилади. Бу қадам минтақада энергия ресурслари тақчиллигининг олдини олишга қаратилган.

🔥 @burchakostida

🇪🇸🇮🇷🇮🇱Испания ТИВ: Эрон музокараларда ҳалол бўлиши, Исроил эса ҳужумларни тўхтатиши шарт

​Испания Ташқи ишлар вазири Хосе Мануэль Альбарес эронлик ҳамкасби Аббос Ароқчи билан мулоқотда Теҳронни АҚШ билан бўлажак учрашувда "ҳалол ният" билан иштирок этишга ва ракета ҳужумларидан воз кечишга чақирди. ​Шу билан бирга, Альбарес Исроилнинг Ливанга давом этаётган зарбаларини кескин қоралади.

"Исроил томонидан халқаро гуманитар ҳуқуқ нормаларининг бузилиши ва зўравонлик даражаси мутлақо қабул қилиниши мумкин эмас ҳамда бу ҳаракатлар инсоният виждони учун ор ҳисобланади", – дейди у.

🔥 @burchakostida

🇬🇧🇺🇸Ҳарбий-флотимиз ўйинчоқ эмас – Буюк Британия Мудофаа вазири Трампнинг "эскирган флот" ҳақидаги гапларига жавоб қайтарди
​
Люк Поллард АҚШ Президенти Доналд Трампнинг Британия ҳарбий-денгиз флотини "эскирган", авиаташувчи кемаларини эса "ишламайдиган ўйинчоқлар" деб атаган фикрларини рад этди. Вазир Қироллик флоти кучли эканини ва айни дамда дунё бўйлаб хизмат ўтаётганини таъкидлади.

​Полларднинг сўзларига кўра, Британия Ҳўрмуз бўғозидаги вазиятни барқарорлаштириш ва кемалар қатновини тиклашда иттифоқчиларни бирлаштирувчи "ноёб воситачи" ролини ўйнашга қодир.

🔥 @burchakostida

🇺🇦🇮🇷Зеленский: Украина ҳарбийлари Яқин Шарқда Эрон дронларини уриб туширди

​Украина Президенти мамлакат ҳарбий бўлинмалари Яқин Шарқда минтақавий ҳаво ҳужумидан мудофаа тизимини кучайтириш доирасида Эроннинг "Shahed" дронларини муваффақиятли йўқ қилганини маълум қилди.

Унинг таъкидлашича, бу шунчаки ўқув машғулотлари эмас, балки Украинада ишлаб чиқарилган ва жанговар синовдан ўтган дрон ёрдамида бир нечта давлат ҳудудида амалга оширилган реал операциялардир.

Володимир Зеленский Украина ўз тажрибаси билан бошқа мамлакатларга замонавий мудофаа тизимларини қандай самарали қўллаш мумкинлигини кўрсатиб берганини ва бу ҳаракатлар минтақавий хавфсизликни таъминлашда муҳим муваффақият эканини қўшимча қилди.

🔥 @burchakostida

🇦🇪🇮🇷БАА Эрон ҳужумлари сабабли халқаро алоқаларини қайта кўриб чиқмоқда

Бирлашган Араб Амирликлари президентининг маслаҳатчиси Анвар Гаргаш Эрон томонидан амалга оширилган ҳужумлар фонида мамлакат минтақавий ва халқаро алоқаларини қайта кўриб чиқишини маълум қилди. Унинг сўзларига кўра, бу жараён келажакда "кимга ишониш мумкинлигини" аниқлаб олишга қаратилган.

БАА Мудофаа вазирлигининг маълумотига кўра, уруш бошланганидан бери мамлакат ҳаво ҳужумидан мудофаа тизимлари 537 та баллистик ракета, 26 та қанотли ракета ва 2256 та дронни уриб туширган.

🔥 @burchakostida

🇹🇼🇨🇳Бугун Си Жинпин ва Тайван мухолифати етакчиси ўртасида тарихий учрашув бўлиб ўтди. Пекиннинг янги геополитик юриши

Пекинда Хитой раиси Си Жинпин ва Тайваннинг мухолифатдаги "Гоминдан" партияси раиси Чэн Ли-вун ўртасида сўнгги ўн йилликдаги илк тарихий учрашув бўлиб ўтди. Мулоқот чоғида Си Жинпин Тайван бўғозининг икки томонидаги аҳоли ягона хитой халқи эканини ва улар тинчлик исташини таъкидлади.

Ўз навбатида, Чэн Ли-вун ўзини хитойлик деб ҳисоблашни табиий ҳолат дея атаб, Тайван низолар ўчоғи эмас, балки тинчлик рамзига айланиши кераклигини билдирди. У ҳатто 2028 йилги сайловларда ғалаба қозонган тақдирда, Си Жинпинни Тайванга таклиф қилиш ниятида эканини маълум қилди.

Бироқ бу ташриф Тайваннинг ўзида кескин эътирозларга сабаб бўлди. Танқидчилар Чэнни Пекинга ҳаддан ташқари яқинлашишда айбламоқда, чунки сўровномаларга кўра, орол аҳолисининг аксарияти ўзини хитойлик эмас, балки алоҳида тайванлик деб ҳисоблайди.

Экспертларнинг фикрича, Пекин ушбу учрашув орқали келаси ой бўлиб ўтадиган Си Жинпин ва Доналд Трамп саммити олдидан сиёсий устунликка эга бўлишни кўзлаган. Хусусан, Хитой ушбу "тинчликпарвар" муҳитдан фойдаланиб, Қўшма Штатларнинг Тайванга қурол етказиб бериш борасидаги позициясини юмшатишга ҳаракат қилиши мумкин. Ушбу саммит аввалроқ Яқин Шарқдаги уруш сабабли кечиктирилган эди.

🔥 @burchakostida

🇨🇳🇰🇵Хитой ТИВ раҳбари Ким Чен Ин билан учрашувда ҳамкорликни кучайтиришга тайёрлигини билдирди

​Хитой Шимолий Корея билан амалий ҳамкорликни ривожлантириш учун алоқалар ва ўзаро ҳамжиҳатликни мустаҳкамлашга тайёр.

Бу ҳақда Хитой Ташқи ишлар вазири Ван И жума куни Шимолий Корея етакчиси Ким Чен Ин билан бўлиб ўтган учрашувда маълум қилди, деб хабар бермоқда Хитойнинг "Синьхуа" давлат агентлиги.

🔥 @burchakostida

🇺🇸🇮🇷🇨🇳Reuters: Хитойнинг Эрон бўйича музокараларга аралашуви вазиятни мураккаблаштиради

​АҚШ Савдо вакили Жеймисон Грир Қўшма Штатлар Хитой билан барқарор муносабатларни сақлаб қолишга интилаётганини, бироқ Пекиннинг Эрон ишларига ва АҚШ манфаатларига зид равишда аралашиши вазиятни мураккаблаштиришини маълум қилди.

Унинг сўзларига кўра, икки давлат иқтисодиётларининг асосий мақсадлари турлича бўлса-да, иқтисодий барқарорликни таъминлашнинг йўллари мавжуд. Грир агар Хитойнинг Эрон билан алоқалари Вашингтон манфаатларига зарар етказса, бунинг масъулияти Хитой зиммасида бўлишини таъкидлади.

​Шунингдек, Грир келаси ойда Президент Доналд Трамп ва Хитой раиси Си Жинпин ўртасида самарали учрашув бўлишини кутаётганини билдирди. Ушбу ташриф Вашингтон томонидан глобал божлар жорий этилганидан бир йил ўтиб амалга оширилмоқда.

Савдо вакилининг қайд этишича, АҚШ Хитой билан савдо ва иқтисодиётда барқарорликка эришиш учун ҳаракат қилаётган бўлса-да, улар билан боғлиқ барча муаммолар ҳали ҳал этилмаган.

🔥 @burchakostida

🇺🇸🇮🇷🇵🇰Жей Ди Вэнс: Агар эронликлар виждонан музокара қилишга тайёр бўлса, биз ёрдам қўлини чўзамиз

АҚШ Вице-президенти Жей Ди Вэнс Покистонда бўлиб ўтадиган музокараларга йўл олиш олдидан Эрон билан мулоқот борасида ўз фикрларини билдирди. У бўлажак музокаралардан ижобий натижалар кутаётганини таъкидлади, бироқ Теҳронни "улар билан ўйин қилмаслик" ҳақида огоҳлантирди.

Вэнснинг сўзларига кўра, агар Эрон томони музокараларни самимий ва соф ниятда олиб боришга шай бўлса, Вашингтон уларга кўмак беришга тайёр.

Шу билан бирга, Вэнс агар Теҳрон манипуляция қилишга уринса, Вашингтон музокаралар гуруҳи бундан мутлақо мамнун бўлмаслигини айтиб ўтди.

🔥 @burchakostida

🇫🇷🇺🇸 Reuters: Франция президенти Трампни бўлажак G7 саммитидан сўнг Версалга алоҳида кечки овқатга таклиф қилди

Эммануэл Макрон Трампни июн ойи ўрталарида Эвиан-ле-Бенда ўтадиган G7 саммитидан сўнг Версал саройида ҳашаматли зиёфатга таклиф қилди. Макрон саммит санасини Трампнинг 14 июндаги 80 йиллик юбилейига халақит бермаслик учун махсус кўчирган бўлса-да, АҚШ президентининг иштироки ҳали номаълум.

Трампнинг Эрон билан уруши, NATO'га нисбатан танқидлари ва Британия Бош вазирининг ҳарбий ташаббусларига берган кескин изоҳлари сабабли унинг "Катта еттилик" аъзолари билан муносабатлари чигаллашган.

Маълум қилинишича, ҳозирча АҚШ маъмурияти бу каби кўп томонлама учрашувларга нисбатан иккиланиш билан қарамоқда.

🔥 @burchakostida

🇺🇸🇮🇷Трамп Эронни Ҳўрмуз бўғозида кемалардан ҳақ ундиришдан огоҳлантирди

​Доналд Трамп Эроннинг Ҳўрмуз бўғози орқали ўтаётган танкерлардан тўлов талаб қилаётганини танқид қилиб, буни зудлик билан тўхтатишга чақирди. Унинг сўзларига кўра, бундай ҳаракатлар мавжуд келишувларга зиддир. Низо сабабли нефт нархи 50% га ошган ва Япония каби давлатлар фавқулодда нефт захираларини очишга мажбур бўлмоқда.

​Эрон томони эса бўғоздан ўтиш учун тўловларни криптовалютада ундиришни режалаштирган. Танкерлар ҳаракатининг чекланиши ва Теҳроннинг янги талаблари глобал энергетика инқирозини янада кескинлаштиради.

🔥 @burchakostida

🇺🇸🇮🇷 АҚШ Эрон масаласида заиф қўллаб-қувватлов сабабли NATO давлатлари учун “жазо” тайёрламоқда — The Times

Газетанинг манбаларига таяниб хабар беришича, Трамп маъмурияти NATO бўйича иттифоқчиларини аудитдан ўтказиб, Эрон билан зиддиятда етарлича ёрдам бермагани учун қайси мамлакатларга нисбатан чора кўриш мумкинлигини аниқлашни режалаштирмоқда.

"Эҳтимолий чоралар қаторида ушбу давлатлардан АҚШ қўшинларини олиб чиқиб кетиш ҳам бор. Европалик иттифоқчилар бундай қадамлар Вашингтоннинг алянсдан чиқиб кетишига муқобил ечим бўлади, деган фикрда", дея ёзмоқда Тhe Times.

🔥 @burchakostida

🇺🇸🇵🇰🇮🇷 BBC: АҚШ вице-президенти Покистонда Эрон билан бўлиб ўтадиган музокараларга йўл олди, аммо Теҳрон делегацияси у ерга бориши номаълум

11 апрел, шанба куни Покистон пойтахти Исломободда Эрондаги урушни тўхтатиш бўйича музокаралар бўлиб ўтиши режалаштирилган. Бироқ музокаралар бошланишидан бир сутка олдин АҚШ томонидан эълон қилинган сулҳ мўрт кўринмоқда. Сулҳга қарамай, Исроил Ливан бўйлаб зарба беришни давом эттирди, Доналд Трамп эса Ҳўрмуз бўғози амалда тўсиб қўйилгани сабабли Эронни вақтинчалик ўт очишни тўхтатиш шартларини бузганликда айблади.

Шунга қарамай, Қўшма Штатлар вице-президенти Жей Ди Вэнс Исломободга учиб кетди, бироқ Эрон делегацияси у ерга етиб бориш-бормаслиги ҳамон номаълумлигича қолмоқда.

🔥 @burchakostida

🇮🇷🇱🇧🇵🇰🇺🇸🇮🇱 Эрон Ливанга ҳужумлар давом этаётгани сабабли ўз делегациясининг Исломободдаги музокараларга боришини бир неча бор кечиктирди

Бу ҳақда Эроннинг Press TV телеканали вазиятдан хабардор манбаларига таяниб хабар бермоқда.

"Агар Исроил Ливанни бомбардимон қилишни қайта бошласа, Эрон Покистонда АҚШ билан олиб борилаётган музокараларни тўхтатади", дейилади хабарда.

🔥 @burchakostida

🇺🇸🇮🇷 Трамп Эрон билан бўлаётган уруш сабабли уни кескин танқид қила бошлаган ўзининг собиқ иттифоқчиларини қоралади

АҚШ президенти Truth Social ижтимоий тармоғида ёзган постида Такер Карлсон, Мегин Келли, Кэндис Оуэнс ва Алекс Жонсни танқид қилди.

Трампнинг айтишича, бу шахслар унга қарши "кўп йиллардан бери урушиб келишмоқда. Оқ уй раҳбари уларни "IQ даражаси паст", "ишидан айрилган аҳмоқ одамлар", "фикри ҳеч кимга қизиқ бўлмаган шахслар", дея ҳақоратлади.

"Бу одамлар психопатлар, ғалвачилар ҳамда текин ва арзон реклама учун ҳар қандай нарсани айтишга тайёр", — дея қайд этди Трамп.

Қайд этиш жоизки, уларнинг тўрталаси ҳам яқин-яқингача Доналд Трампнинг тарафдорлари бўлган ва унга "кўп йиллар" олдин эмас, балки бир ярим йил аввал бўлиб ўтган президентлик сайловларида ғалаба қозонишига ёрдам берган.

🔥 @burchakostida

🇺🇸🇮🇷 Трамп агар Эрон музокаралар шартларини бажармаса, АҚШ армиясини қўллашга тайёрлигини айтди — The New York Post

"Биз ўз мақсадларимизга тўлиқ эришиш учун кемаларга шу пайтгача яратилган энг яхши қуролларимизни ортяпмиз. Агар биз Эрон билан келиша олмасак, бу қуролларни самарали тарзда қўллаймиз", — дея АҚШ президентининг сўзларидан иқтибос келтиради нашр.

🔥 @burchakostida

🇪🇺🇺🇸🇮🇷 Иттифоқчилар ўзаро қўллаб-қувватлашсиз АҚШга Эрон масаласида ёрдам беришга мажбур эмас — Европа дипломатияси раҳбари

"Европада бизнинг ўз хавфсизлик ҳудудимиз ҳам бор. Тўрт йилдан бери Украина можароси давом этмоқда. Биз Форс кўрфази давлатлари бу борада бизга ёрдам бераётганини кўрмаяпмиз. Ахир бу бир томонлама йўл бўлмаслиги керак", — деди Кая Каллас.

🔥 @burchakostida

🇮🇷🇱🇧🇺🇸🇮🇱 Эрон парламенти спикери АҚШ ва Исроилга музокаралар бошланиши учун 2 та шарт қўйди

"Томонлар ўзаро келишиб олган чоралардан иккитаси ҳали амалга оширилмади, булар Ливанда ўт очишни тўхтатиш ва музокаралар бошланишидан олдин Эроннинг музлатиб қўйилган активларини блокдан чиқариш.

Музокаралар бошланишидан аввал ушбу икки масала ҳал этилиши шарт", — деб ёзди Муҳаммад Боқир Ғолибоф.

🔥 @burchakostida