🇮🇷🇺🇸🇭🇺АҚШ вице-президенти: Эрон билан эришилган сулҳ — мўрт келишув

Жей Ди Вэнс Эрон билан тузилган ўт очишни тўхтатиш келишуви ҳозирча "мўрт" эканини тан олди ва Теҳроннинг урушдаги ғалаба ҳақидаги даъволарини рад этди.

Будапештда Виктор Орбанни қўллаб-қувватлаш учун ўтказилаётган тадбирда нутқ сўзлаган Вэнс, айрим эронлик расмийлар ҳарбий ютуқлар ва келишувнинг асл моҳияти ҳақида "ёлғон гапираётганини" таъкидлади.

"Президент менга ва бутун музокаралар гуруҳига, жумладан Давлат котиби ва махсус вакил Стив Уиткоффга келишувга эришиш учун виждонан ишлашни буюрди. Агар эронликлар биз билан самимий ҳамкорлик қилишга тайёр бўлса, келишувга эришамиз. Аммо улар алдашга ёки ушбу "мўрт" сулҳга халақит беришга уринсалар, натижадан мамнун бўлмайдилар", — деди АҚШ вице-президенти.

🔥 @burchakostida

🇰🇵 Reuters: Шимолий Корея баллистик ракеталар учиришда давом этмоқда

Шимолий Корея чоршанба куни
шарқий қирғоқлари йўналишида бир нечта баллистик ракеталарни учирди. Жанубий Корея Штаб бошлиқлари бирлашган қўмитаси маълумотларига кўра, маҳаллий вақт билан соат 14:20 атрофида Вонсан ҳудудидан навбатдаги номаълум ракета учирилган.

Аввалроқ Пхеньян қисқа масофали бир нечта баллистик ракеталарни синовдан ўтказган эди. Ушбу ракеталар тахминан 240 километр масофани босиб ўтган. Сешанба куни ҳам Пхеньян яқинидан ракета учирилгани қайд этилганди.

Жанубий Корея президенти маъмурияти ушбу воқеалар ортидан Миллий хавфсизлик кенгашининг фавқулодда йиғилишини ўтказди. Сеул Шимолий Кореянинг хатти-ҳаракатларини БМТ Хавфсизлик Кенгаши резолюцияларини бузувчи провокация деб атади ва Пхеньянни бундай синовларни тўхтатишга чақирди.

Ҳозирда Жанубий Корея ва АҚШ мутахассислари учирилган ракеталарнинг техник кўрсаткичларини батафсил таҳлил қилмоқда, дейилади агентлик хабарида.

🔥 @burchakostida

🇺🇸🇮🇱🇮🇷АҚШ ва Исроил Теҳрон жанубидаги нефтни қайта ишлаш заводига ҳужум қилиб, сулҳни бузди — Эроннинг Press TV телеканали.

🔥 @burchakostida

🇮🇷🇦🇪🇰🇼🇧🇭Эрон ўз нефтни қайта ишлаш заводлари ўққа тутилишига жавобан БАА, Кувайт ва Баҳрайнга ракета ва дронлар билан зарба беришни бошлади — Al Jazeera.

🔥 @burchakostida

🇺🇸🇭🇺🇺🇦 Орбан менга Зеленский унга таҳдид қилганини айтди. Мен унинг сўзларига ишонмадим, лекин бу ҳақиқат — АҚШ вице-президенти Жей Ди Вэнс.

🔥 @burchakostida

🇮🇷🇺🇸🇮🇱 Форс кўрфазида Эронга қарши уруш туфайли Ҳўрмуз бўғозидан ўта олмаган 800 дан ортиқ кема тўпланиб қолган — Bloomberg

"Икки ҳафталик сулҳ Ҳўрмузни вақтинча очиши мумкин, бироқ вазият ҳамон хавфли бўлиб қолмоқда ва кема эгалари хавфсизлик кафолатларисиз ҳаракатни қайта тиклашга шошилишмаяпти", дея ёзмоқда агентлик.

🔥 @burchakostida

🇺🇸🇮🇷 Трамп Эронга Ҳўрмуз бўғозини биргаликда назорат қилишни таклиф қилди — ABC News

АҚШ президенти кемалар қатнови хавфсизлигини таъминлаш учун Теҳрон билан “қўшма лойиҳа” форматини кўриб чиқаётганини маълум қилди. У, шунингдек, бўғоз орқали транзит шартларини муҳокама қилиш эҳтимоли борлигини ҳам айтиб ўтди.

Можародан олдин Ҳўрмуз бўғози кемалар эркин қатновчи халқаро денгиз ҳудуди ҳисобланар эди.

🔥 @burchakostida

🇺🇸🇮🇷Президент Трамп тарихга кирди, биз Эрон устидан йирик ҳарбий ғалабани қўлга киритдик — Пентагон раҳбари

Пит Ҳегсетнинг бошқа баёнотлари:

◾️ Эрон биздан ўт очишни тўхтатишни ёлвориб сўради;

◾️ “Эпик ғазаб” амалиёти тарихга катта ҳарфлар билан ёзиладиган ҳарбий ғалабага айланди;

◾️ Трампда Эроннинг бутун иқтисодиётини саноқли дақиқалар ичида вайрон қилиш имконияти бор эди. Аммо у раҳм-шафқатни танлади;

◾️ Эронликлар энди ракеталар, учириш қурилмалари ёки дронлар ясай олмайди;

◾️ Сулҳ шартларига кўра, Эронда бўлиши тақиқланган ҳар қандай ядровий материал олиб чиқилади. Уларнинг ядровий объектлари ер остига чуқур кўмилган ва биз томонимиздан доимий кузатув остида;

◾️ Трамп бошиданоқ Эрон ядро қуролига эга бўлмаслигини очиқ-ойдин айтган;

◾️ Бизнинг иттифоқчиларимиз ҳақиқий куч-қудратимизни кўришди. Улар буни инобатга олишлари керак;

◾️ Эрон 47 йил давомида таҳдид бўлиб келди, аммо энди бундай эмас.

🔥 @burchakostida

🇮🇷🇺🇸 АҚШ ва Эрон ўртасида икки ҳафталик сулҳга эришилгани тўғрисидаги хабардан сўнг Ҳўрмуз бўғози орқали биринчи кема ўтди — IRIB.

🔥 @burchakostida

🇮🇷 Эрон Ҳўрмуз бўғози орқали ўтишда ҳар бир баррел нефт учун 1 доллардан тўлов жорий қилди — Financial Times

Нашр маълумотларига кўра, Теҳрон танкерлардан тўловни криптовалюта шаклида ундиришни ва транзитдан олдин ҳар бир кемани текширишни режалаштирмоқда.

"Ҳўрмуздан ўтиш учун Эрон расмийларининг рухсати талаб этилади. Кемалар рухсатсиз ўтишга уринган тақдирда, йўқ қилиниши ҳақида огоҳлантирилган", дея ёзмоқда Financial Times.

🔥 @burchakostida