🇺🇸🇮🇷 Трамп Эрон кўприклари ва электр станцияларига берилган зарбаларни ҳарбий жиноят деб ҳисобламаслигин билдирди

"Эрон сўнгги ойлар ичида 45 минг кишини ўлдирди, балки ундан ҳам кўпроқдир. Уларнинг сони нақ 60 мингтани ташкил қилиши ҳам мумкин. Эрон намойишчиларни ўлдирди. Улар ваҳшийлар, биз эса уларни тўхтатишимиз керак", – деди Оқ уй раҳбари.

🔥 @burchakostida

🇺🇸🇮🇷 Биз ҳозирнинг ўзидаёқ Эрондан чиқиб кетишимиз мумкин эди, бироқ мен бу ишни охирига етказмоқчиман — Доналд Трамп

Қўшма Штатлар президентининг бошқа баёнотлари:

◾️ Биз Эрондаги янги режим аввалгиларига қараганда анча ақлли деб ҳисоблаймиз. Эронда режим тўлиқ алмашди;

◾️ Эроннинг F-15 самолётимизни уриб тушириш борасида бироз омади келди. Баъзида урушда омад ҳам керак;

◾️ Эрон халқи қуролга эга бўлиши биланоқ қаршилик кўрсатади. Агар уларда қурол бўлганида эди, Эрон икки сония ичида таслим бўларди;

◾️ Эронда жуда яхши тайёргарлик кўрган жангчилар жанг қилмоқда. Улар қаттиққўл, иродали инсонлардир. Душман заиф бўлса, бу бошқа гап. Бироқ у ерда душман кучли, гарчи тахминан бир ой олдингидек кучли бўлмаса-да.

🔥 @burchakostida

🇺🇸🇮🇱🇮🇷 АҚШ ва Исроил Эронни бомбалаганида эронликлар хурсанд бўлишади — Доналд Трамп

"Эронликлар бомба портлашларини эшитмаса, хафа бўлишади. Улар портлашларни эшитишни хоҳлашади, чунки эркинликка интилишмоқда", – дея маълум қилди президент.

🔥 @burchakostida

🇺🇸🇮🇷 Бутун Эрон бир тунда йўқ қилиниши мумкин ва бу тун эртага келиши эҳтимоли бор — АҚШ президенти Доналд Трамп.

🔥 @burchakostida

🇷🇺 Рамзан Қодировга “Илм-фан ривожига қўшган ҳиссаси учун” медали топширилди

Чеченистон раҳбарига мукофот Республика Фанлар академияси президенти Жамбулад Умаров томонидан берилди.

🔥 @burchakostida

🇺🇸🇮🇷 АҚШнинг амалиёти натижасида Эронда режим алмашди, аммо биз буни режимни алмаштириш учун қилганимиз йўқ — Доналд Трамп

Қўшма Штатлар президентининг қўшимча қилишича, унда “энг майда тафсилотларигача ишлаб чиқилган” режа бор, бироқ буни ошкор қилиш ниятида эмас.

🔥 @burchakostida

🇺🇸🇮🇷 Эронда уриб туширилган F-15 самолёти учувчисини қутқариш миссиясида 155 та самолёт, шу жумладан 4 та бомбардимончи, 64 та қирувчи, 48 та ёнилғи қуювчи, 13 та қутқарув самолёти ва бошқалар қатнашди — Доналд Трамп.

🔥 @burchakostida

🇺🇸🇮🇷 Эронликлар “Илтимос, бомбардимон қилишда давом этинг”, дейишмоқда

"Эронликлар биздан ҳарбий амалиётни давом эттиришимузни сўрашмоқда. Улар озодлик учун бунга чидашга тайёр", — дея қўшимча қилди Оқ уй раҳбари.

🔥 @burchakostida

🇺🇸🇮🇷 АҚШ Ҳўрмуз бўғози орқали кемаларнинг ўтиши учун ўзи ҳақ ундиришни бошлаши мумкин — Қўшма Штатлар президенти

Доналд Трампнинг бошқа баёнотлари:

◾️ АҚШ ҳарбийларининг Эрон бўйлаб доимий зарбаларига қарамай, мамлакат ичкарисидаги амалиётлар ниҳоятда хавфли бўлиб қолмоқда;

◾️ Вашингтон ва Теҳрон ўртасидаги музокаралар вице-президент Жей Ди Вэнс ва махсус вакил Стив Уиткофф иштирокида давом этмоқда ва яхши кетмоқда. Эронлик музокарачилар биз билан келишув тузишни мақсад қилган;

◾️ NATO бўйича иттифоқчиларимизнинг Қўшма Штатлар томонидан Эрон масаласида ёрдам сўровига муносабати алянс тарихида “ўчмас доғ” бўлиб қолади;

◾️ АҚШ NATO'га муҳтож эмас, вазият бунинг мутлақо акси;

◾️ АҚШ ҳарбий раҳбариятида ҳамма ҳам Эронда уриб туширилган F-15 қирувчи самолёти учувчисини қутқариш амалиётини қўллаб-қувватламаган.

🔥 @burchakostida

🇺🇸🇻🇪 Мен Венесуэла президентлигига номзодимни қўймоқчиман — Доналд Трамп

"Эрондаги можарони тугатганимдан сўнг Венесуэлага боришим мумкин, испан тилини тезда ўрганиб оламан. Бунга кўп вақт кетмайди, мен тилларни яхши ўзлаштираман. Мен Венесуэла президентлигига номзодимни қўймоқчиман", — деди АҚШ президенти.

🔥 @burchakostida

🇺🇸🇩🇰🇬🇱 АҚШга NATO керак эмас — Доналд Трамп

"Агар ҳақиқатни билмоқчи бўлсангиз, ҳаммаси Гренландиядан бошланди. Биз Гренландия олишни хоҳлаймиз. Улар эса уни бизга беришни исташмаяпти. Шунда мен уларга “хайр” дедим", — деди АҚШ президенти.

Шунингдек, у Шимолий Атлантика алянсини “қоғоз йўлбарс” деб атади.

"Кўриниб турибдики, биз уларга муҳтож эмасмиз, чунки улар бизга умуман ҳеч қандай ёрдам беришмади", — дея қўшимча қилди Трамп.

🔥 @burchakostida

🇺🇸🇨🇦 Трамп Канада АҚШ томонидан босиб олинмаслигини ва уни мамлакатнинг 51-штатига айлантириш режасидан воз кечганини билдирди

АҚШ президенти бу ҳақда Буюк Британия қироллик биографи Роберт Ҳардманга берган интервюсида маълум қилди.

Трамп Канада ҳудудини Қўшма Штатларга қўшиб олиш масаласини кўриб чиққанини, бироқ якунда бу фикрдан қайтганини тан олди.

"Канадаликларнинг 200 йиллик тарихи бор. Буни уч ярим йил ичида ҳал қилиб бўлмайди. Менимча, бу иш амалга ошмайди!", — деди Оқ уй раҳбари.

Интервю давомида Ҳардман Трампдан Канадани “тинч қўйишни” сўраб, бу ҳаракат расман Буюк Британия ва Канада қироли ҳисобланувчи Чарлз III ни ранжитишини айтди. Бунга жавобан Трамп: "Канадаликлар ҳали ҳам қиролни тан олишадими? Ёки буни тўхтатишдими?", — деди.

Шунингдек, АҚШ етакчиси канадалик сиёсатчиларни танқид қилди. Унинг сўзларига кўра, Канада расмийлари унинг юзига кулиб боқиб, ортидан ёмон гаплар гапиради. Бундан ташқари, у Канада иқлими совуқлиги сабабли аҳолининг асосий қисми АҚШ чегарасига яқин жойда яшашини қўшимча қилди.

"Муаммо шундаки, кимдир чегарани тўғри чизиқ қилиб чизган. Агар у чизиқни 50 мил (80 км) шимолроқдан чизганида эди, ҳозир ҳеч қандай муаммо бўлмасди", —дея фикр билдирди Трамп.

🔥 @burchakostida

🇺🇦🇷🇺 Володимир Зеленский Россияга “энергетик сулҳ” таклиф қилди

Украина президенти Володимир Зеленский АҚШ орқали Россияга бир-бирининг энергетика инфратузилмасига зарба бермаслик бўйича таклиф юборганини маълум қилди.

"Агар Россия бизнинг энергетика тизимимизга зарба беришни тўхтатишга тайёр бўлса, биз ҳам худди шундай жавоб беришга тайёрмиз. Бу таклифимиз америкаликлар орқали Россия томонига етказилган", — деди Украина етакчиси видео мурожаатида.

Унинг айтишича, Украина аввал ҳам Россияга Пасха байрами муносабати билан сулҳ таклиф қилган, аммо Москва ушбу таклифни кескин рад этган. Зеленский бу қадамни қоралаб, “Россия учун муқаддас ҳеч нарса йўқ” деди.

🔥 @burchakostida

🇺🇦🇺🇸🇮🇱🇷🇺🇮🇷 Украина Россиянинг АҚШ ва Исроилнинг Эрон билан уруши сабаб юзага келган нефт бозоридаги инқироздан фойда олиш имкониятларини чеклашга ҳаракат қилмоқда — Володимир Зеленский

"Россия нефт нархларининг кескин ошишидан қанча даромад олса, барчасини урушга сарфлайди. Бу уларнинг устувор йўналиши бўлиб қолмоқда. Шунинг учун Россиянинг нефт экспорт қилиш имкониятларини ҳар қандай усулда чеклаш тўғри қарор", — дея таъкидлади Украина президенти.

🔥 @burchakostida

🇮🇷🇰🇼🇺🇸 Эрон томонидан Кувайтдаги АҚШ базасига ҳужум натижасида 15 нафар америкалик ҳарбий яраланди — CBS News

Телеканал манбаларидан бирининг айтишича, Али Ал Салем базасига ҳужумда жабрланган америкалик ҳарбийларнинг аксарияти аллақачон ўз хизмат вазифаларига қайтган.

🔥 @burchakostida

🇸🇦🇧🇭🇮🇷🇺🇸The Guardian: Саудия Арабистони ва Баҳрайнни боғловчи кўприк Эрон ҳужуми хавфи туфайли ёпилди

Газетанинг ёзишича, Саудия Арабистонини Баҳрайн қироллиги билан боғлайдиган асосий йўл — Қирол Фаҳд кўприги сешанба куни эрталаб Эрон томонидан бўлиши мумкин бўлган ҳужумлар хавфи сабабли ёпилди.

Кўприк маъмурияти Х ижтимоий тармоғи орқали транспорт воситалари ҳаракати "эҳтиёт чораси сифатида" тўхтатилганини маълум қилди.
Бу қарор Эроннинг Саудия Арабистони Шарқий провинциясига эҳтимолий ҳужумлари билан боғлиқ.

Маълумотларга кўра, узунлиги 25 километр бўлган ушбу кўприк АҚШ Ҳарбий-денгиз кучларининг 5-флоти базаси жойлашган Баҳрайн ва Арабистон ярим ороли ўртасидаги ягона автомобиль йўли ҳисобланади.

Айни вақтда ҳудудда хавфсизлик чоралари кучайтирилган, дейилади газета хабарида.

🔥 @burchakostida

🇮🇱🇮🇷Исроил Эрон аҳолисини поездлардан фойдаланмаслик ҳақида огоҳлантирди – ОАВ

Исроил ҳарбийлари Эрон фуқароларини мамлакат бўйлаб темир йўл хизматларидан фойдаланиш хавфли эканлигидан огоҳлантирмоқда.

Исроил мудофаа кучларининг форс тилидаги Х расмий ижтимоий тармоғи орқали тарқатилган "шошилинч баёнотда" фуқаролардан хавфсизлик нуқтаи назаридан маҳаллий вақт билан соат 21:00 га қадар поездларда ҳаракатланмаслик ва темир йўл излари яқинида бўлмаслик сўралган.

Ҳарбийларнинг таъкидлашича, темир йўл тизимидан фойдаланиш айни дамда инсонлар ҳаётини жиддий хавф остига қўяди. Ушбу огоҳлантириш Эроннинг бутун темир йўл инфратузилмаси Исроил нишонига айланиши мумкинлигидан далолат беради. Ҳозирча Эрон расмийлари ушбу таҳдид юзасидан бирор бир баёнот бергани йўқ.

🔥 @burchakostida

🇮🇷🇲🇾Эрон Малайзия кемаларидан бирини қўйиб юборди – Малайзия ТИВ

Малайзия Ташқи ишлар вазирлигининг маълум қилишича, Ҳўрмуз бўғозида Эрон томонидан тўсиб қўйилган 7 та юк кемасидан бирига йўлини давом эттиришга рухсат берилди.

Бунга мамлакат Бош вазири Анвар Иброҳимнинг Эрон расмийлари билан олиб борган дипломатик музокаралари натижасида эришилган. Қолган 6 та кема тақдири ва келишув тафсилотлари ҳозирча маълум эмас.

Малайзия минтақада денгиз йўллари хавфсиз бўлиши кераклигини таъкидлаб, томонларни тинчлик йўлида мулоқотга чақирди, дейилади баёнотда.

🔥 @burchakostida

🇰🇷🇰🇿🇸🇦🇴🇲Жанубий Корея Ҳўрмуз бўғозидаги инқироз сабабли Қозоғистон, Ўмон ва Саудияга дипломатик вакилларини юборади

Ҳўрмуз бўғози орқали юк ташишдаги узилишлар туфайли Жанубий Корея нефт етказиб беришни таъминлаш учун Қозоғистон, Ўмон ва Саудия Арабистонига ўз махсус вакилларини юборишини маълум қилди.

Махсус вакиллар маҳсулотларни мамлакат портларига етказиш ва тиббий буюмлар каби муҳим товарлар таъминоти барқарорлигини сақлаш бўйича ҳукуматлар, энергетика компаниялари ва кема операторлари билан музокаралар ўтказади.

Жанубий Корея президентининг матбуот анжуманида таъкидлашича, мамлакат хом нефтнинг қарийб 61 фоизини айнан Ҳўрмуз йўналиши орқали олади.

Президент маъмурияти раҳбари Кан Хун Сикнинг сўзларига кўра, БАА билан тузилган 24 миллион барреллик келишув доирасида ўтган ой сотиб олинган нефт аллақачон Жанубий Корея портларига етиб кела бошлади.

Ҳукумат, шунингдек, ҳозирда Ҳўрмуз бўғозида кутиб турган Жанубий Корея байроғи остидаги 26 та кеманинг хавфсиз ўтишини таъминлаш учун халқаро ҳамкорлар билан музокаралар олиб бормоқда.

🔥 @burchakostida

🇭🇺Венгриядаги сайловлар арафасида газ қувури билан боғлиқ шубҳали воқеа сиёсий кескинликни кучайтириб юборди

Маълумотларга кўра, мамлакатда кутилаётган муҳим сайловлар арафасида вазият кескин тус олди. Бош вазир Виктор Орбан Сербия билан чегарадош ҳудуддаги стратегик газ қувурини ҳарбий қўриқловга олишни буюрди. Бу қарор Сербия томонидан қувур яқинида улкан кучга эга портловчи модда топилгани ҳақидаги хабарлардан сўнг қабул қилинди.

Орбан шахсан чегарага йўл олиб, ушбу қувурни мамлакатнинг ҳаётий муҳим артерияси деб атади ва армия уни ҳимоя қилишга тайёрлигини билдирди.

Бироқ, сўровномаларда Виктор Орбандан ўзиб кетаётган оппозиция етакчиси Петер Мадяр бу воқеаларни сайловчиларни чалғитиш учун уюштирилган "арзон театр" деб атади. Унинг фикрича, ҳукумат мағлубиятдан қўрқиб, атайлаб ваҳима уйғотмоқда.

Венгрия расмийлари воқеада Украинанинг қўли борлигига ишора қилган бўлса, Киев буни Москванинг сайловларга таъсир ўтказиш мақсадидаги провокацияси деб баҳолади. Кутилмаганда, Сербия контрразведкаси Украинанинг айбдорлиги ҳақидаги даъволарни инкор этди.

Мутахассислар топилган портловчи моддаларда АҚШ маркировкаси бўлганини қайд этишди, аммо бу ҳали ташкилотчилар кимлигини англатмайди. Шу билан бирга, Кремл вакили Дмитрий Песков ҳеч қандай далил келтирмасдан, воқеани Украина томонидан амалга оширилган навбатдаги бузғунчилик ҳаракати деб атади.

АҚШ вице-президенти Жей Ди Вэнснинг ташрифи фонида юз бераётган ушбу воқеалар мамлакатдаги сиёсий кескинликни энг юқори нуқтага олиб чиқмоқда.

🔥 @burchakostida

Artemis II миссияси экипажи коинотга учиш масофаси бўйича янги рекорд ўрнатди

NASA маълумотига кўра, "Орион" кемаси бортидаги фазогирлар Ердаги нуқтадан 406 765 километр узоқликка етиб боришди. Бу кўрсаткич инсоният тарихидаги энг юқори натижа сифатида қайд этилди.

Янги рекорд 1970 йилдаги машҳур "Аполлон-13" миссияси ўрнатган аввалги масофадан тахминан 6,6 минг километрга кўпдир.

Тарихий парвоз иштирокчилари – америкалик Рид Уайсмен, Виктор Гловер, Кристина Кох ва канадалик Жереми Хансен айни дамда миссиянинг энг муҳим палласига яқинлашмоқда. Режага кўра, экипаж яқин соатлар ичида Ойнинг орқа томонини айланиб ўтади.

🔥 @burchakostida