🇺🇸 Янги йилда ер юзида тинчлик ўрнатишга интилишда давом этаман — АҚШ президенти Доналд Трамп.

🔥 @burchakostida

🇫🇮🇷🇺 Финляндия полицияси Болтиқ денгизида Россиядан келаётган кемани қўлга олди, у сув ости кабелларига қасддан зарар етказишда гумонланмоқда — Reuters

Финляндия Чегара хизмати расмийларига кўра, ҳодиса пайтида қўлга олинган Fitburg юк кемаси Россиянинг Санкт-Петербург портидан Исроилга кетаётган бўлган. Полициянинг маълум қилишича, кема лангарини денгиз тубида судраб бораётган бўлган ва у Финляндия ҳудудий сувларига йўналтирилган.

"Кема Финляндия кўрфази орқали Хелсинкидан Эстонияга борадиган денгиз ости телекоммуникация кабелига қасддан зарар етказишда гумонланмоқда. Ушбу кабел Финляндиянинг Elisa телекоммуникация гуруҳига тегишли", дея ёзмоқда Reuters.

Терговчиларга кўра, кемада бўлган 14 нафар экипаж аъзоси – Россия, Грузия, Қозоғистон ва Озарбoйжон фуқаролари. Уларнинг барчаси Финляндия полисияси томонидан ушлаб турилибди. Кема Cент-Винcент ва Гренадин ороллари байроғи остида сузиб юрган.

2022 йилда Россия Украинага бостириб кирганидан сўнг денгиз туби нисбатан саёз ҳудудлардан ўтувчи электр кабеллари, алоқа линиялари ва газ қувурларида бир қатор узилишлар содир бўлган.

Сўнгги йилларда NATO Болтиқда фрегатлар, самолётлар ва денгиз дронлари билан ўз иштирокини кучайтирди. Декабр ойининг бошида NATO'нинг энг юқори ҳарбий қўмондони ҳам алянс ўз ҳудудини ҳимоя қилиш учун жавоб беришга тайёр бўлиши кераклигини айтганди.

Финляндия 2024 йил декабрида ҳам Россия билан боғлиқ нефт танкер бортида текширув ўтказган.Ўшанда терговчилар Eagle-S кемаси Болтиқ денгизида лангарини судраб бориб электр кабели ва бир нечта алоқа линияларига зарар етказганини айтган. Лекин, судда прокурорлар воқеа қасддан қилинганини исботлай олмаган.

🔥 @burchakostida

🇨🇭BBC: Швейцариядаги барда юз берган ёнғин оқибатида қарийб 40 киши ҳалок бўлди

Нашрнинг мамлакат полициясига таяниб хабар беришича, Янги йил кечасида Швейцариядаги тоғ-чанғи курортида жойлашган барда юз берган ёнғин натижасида қарийб 40 киши вафот этди, тахминан 115 киши турли жароҳатлар олди.

Вале кантони полицияси бошлиғи Фредерик Гилер матбуот анжуманида ҳалок бўлганлар, шунингдек куйиш жароҳати олганларнинг шахсини аниқлаш вақт талаб этишини айтди.

Дастлабки маълумотларга кўра, ёнғин пиротехника воситаларидан фойдаланишда эҳтиётсизлик қилиниши сабабли юзага келган.

🔥 @burchakostida

🇺🇸 Трамп қаришнинг жисмоний белгиларини ва терисидаги кўкаришларни грим ёрдамида яширади — The Wall Street Journal

АҚШ президенти нашрга берган интервюсида 25 йилдан бери ҳар куни катта дозада аспирин қабул қилиб келишини ва кўкаришлар пайдо бўлаётганига қарамай, бу дозани камайтиришдан бош тортишини тан олган.

"79 ёшли Трамп омма олдида ҳам, шахсий ҳаётда ҳам қариш аломатларини намоён қилмоқда. Ёрдамчилари ва дўстлари Трамп билан баландроқ овозда гаплашишга мажбур бўлмоқда, чунки у эшитишда қийналмоқда. Шу билан бирга, Трамп жисмоний машқлар билан шуғулланмайди, шўр ва ёғли овқатларни (гамбургерлар, картошка фри) истеъмол қилади ва кўпинча шифокорлар маслаҳатини эътиборсиз қолдириб, “яхши генетика”га таянади", дея ёзади The Wall Street Journal.

Бироқ АҚШ президентининг даволовчи шифокори унинг саломатлиги “ниҳоятда яхши ҳолатда” эканини ва ўз вазифаларини тўлиқ бажаришга қодирлигини маълум қилган.

🔥 @burchakostida

🇺🇦 Эртага Украина ички сиёсати учун муҳим кун бўлади — Володимир Зеленский

Украина президентининг бошқа баёнотлари:

◾️ 3 январ куни Украинада миллий хавфсизлик масалалари бўйича маслаҳатчилар учрашуви бўлиб ўтади;

◾️ 5 январ куни иттифиқчиларимиз Бош штаблари бошлиқларининг учрашуви бўлиб ўтади;

◾️ 6 январ куни етакчилар даражасида учрашув ўтказилади, унфа Европа давлатлари ва “Кўнгиллилар коалицияси” етакчилари иштирок этади.

🔥 @burchakostida

🇺🇦🇷🇺 Россиянинг Украина ҳудудларига уюштирган ҳаво ҳужумлари сони камайди — АFP

Агентлик бундай хулосага Украина Қуролли кучлари Ҳарбий-ҳаво кучлари ҳисоботларини таҳлил қилиш асосида келди. Ушбу маълумотларга кўра, 2025 йил декабр ойида Россия тунги ҳужумлар чоғида Украинага камида 5134 та дрон учирган. Бу аввалги ойга нисбатан 6 фоизга кам. Ракеталардан фойдаланилган ҳолдаги тунги ҳужумлар сони эса 18 фоизга қисқарган.

Шу билан бирга, декабр ойида Украина ноябрга қараганда ракета ва дронларнинг камроқ қисмини йўқ қилишга муваффақ бўлган: 82 фоиз ўрнига 80 фоиз.

2026 йил 1 январга ўтар кечаси Россия Украинага 205 та зарбли дрон билан ҳужум қилди, деб хабар берди Украина Қуролли кучлари Ҳарбий-ҳаво кучлари. Эрталабга келиб, Украина ҳаво мудофааси 176 та Россия дронини уриб туширган ёки зарарсизлантирган, 24 та дрон эса белгиланган нишонларга етиб борган.

🔥 @burchakostida

🇷🇺🇺🇸🇺🇦 Россия Мудофаа вазирлиги Путиннинг қароргоҳига “ҳужум қилгани” айтилаётган Украина дронидан олинган маълумотларни АҚШга топширганини билдирди

"29 декабр куни Россия президенти Владимир Путиннинг Новгород вилоятидаги Валдай қароргоҳига ҳужум қилиш учун учган дронлардан биридан олинган “парвоз топшириғи белгиланган файл” Қўшма Штатлар расмийларига топширилди", дейилади Россия Мудофаа вазирлиги баёнотида.

Россия 29 декабрдан буён Украина Путиннинг Валдайдаги қароргоҳига зарбли дронлар билан ҳужум қилишга уринганини, бироқ барча дронлар уриб туширилганини иддао қилиб келади. Дастлаб Россия томони далилларни тақдим этишдан бош тортди, кейин эса дронлар парчалари тасвирларини суратга олинган жойи ва вақти кўрсатилмаган ҳолда эълон қилган. Пайшанба куни эса уларнинг парвоз дастури дешифровка қилингани ва ундан дронлар Валдай томон йўналганини кўриш мумкинлиги билдирилди.

Украина бу баёнотлар бошиданоқ Путиннинг қароргоҳига зарба берганини инкор этиб келмоқда. Украина президенти Володимир Зеленский бундай баёнотларни “Россиянинг навбатдаги ёлғони” деб атади ва Москва Киевдаги ҳукумат биноларига зарба беришга тайёрланаётганини билдирди. Унга кўра, Россия ушбу террорни амалга ошириш учун ўзига баҳона излаяпти.

The Wall Street Journal маълумотларига кўра, АҚШ разведка хизматлари, жумладан Марказий разведка бошқармаси (CIA) Украина дронлари Путиннинг қароргоҳини нишонга олмаган деган хулосага келган ва бу хулосани президент Трампга етказган.

🔥 @burchakostida