🇺🇸🇺🇦🇷🇺 Қўшма Штатлар Украинага берилган HIMARS ракета тизимларини Россия ҳудудига ҳужум қилиш учун узоқ масофаларга учиришда фойдаланиб бўлмас тарзда модификация қилди — The Wall Street Journal.

👉 @burchakostida

🇷🇺 Россия Федерацияси Мудофаа вазирлигининг асосий баёнотлари:

— Рязань ва Саратов вилоятларида паст баландликда учаётган Украина учувчисиз қурилмалари ҳаво ҳужумидан мудофаа тизимлари томонидан тутиб олинди;

— Россия аэродромларида Украина учувчисиз қурилмаларининг парчалари қулаши ва портлаши натижасида иккита самолёт корпуси бироз шикастланган;

— Киев режимининг ҳужуми натижасида аэродромда бўлган 3 нафар россиялик ҳарбий ҳалок бўлди, яна тўрт нафари яраланиб, шифохоналарга етказилди;

— Киевнинг Россия авиациясининг жанговар ишини террорчилик ҳаракати билан бузишга уринишларига қарамай, соат 15:00 атрофида Украинадаги объектларга оммавий зарба берилди, Россиянинг Украинага зарбаси мақсадига эришилди, белгиланган 17 та объектнинг барчаси йўқ қилинди.

👉 @burchakostida

🇺🇸🇷🇺🇺🇦 Россиянинг яқинда Украинага берган зарбалари Россия президенти Владимир Путиннинг шафқатсизлигини яна бир бор эслатди — Оқ уй.

👉 @burchakostida

Халқаро допинг тест агентлиги Лондон Олимпиадасида россиялик спортчилар томонидан 21 та антидопинг қоидалари бузилганлигини тасдиқлади.

👉 @burchakostida

🇷🇺 Путин Россиянинг стратегик компанияларида "дўст бўлмаган" давлатлардан келган хорижликларнинг акциялари билан операцияларни тақиқлаш муддатини 2023 йил охиригача узайтирди.

👉 @burchakostida

🇷🇺 Россия Федерацияси Ташқи ишлар вазирлигининг асосий баёнотлари:

— Россия ва Украина ўртасида Запорожье атом электр станцияси атрофидаги хавфсизлик зонаси масаласи бўйича тўғридан-тўғри музокаралар олиб борилмаяпти;

— Россия МАГАТЭ котибияти билан Запарожье АЭСда хавфсизлик зонасини яратиш тўғрисидаги декларациянинг мумкин бўлган параметрларини муҳокама қилмоқда. Шунингдек, Москва бу масалада Киев билан ҳамкорлик қилиш ҳаракатида;

— Запарожье АЭСни Россия Федерацияси назоратидан чиқариш ёки бошқарувни қандайдир "учинчи томон"га ўтказиш ҳақида ҳеч қандай гап бўлиши мумкин эмас;

— Россия Федерацияси ва Украина ўртасида Запарожье АЭС атрофидаги хавфсизлик зонаси тўғрисида мақбул келишув амалга оширилиши яқин деб айтишнинг вақти эмас.

👉 @burchakostida

🇺🇦 Киевнинг Запарожье АЭС бўйича позицияси ўзгармади. Станция Украина назорати остида бўлиши ва тўлиқ қуролсизлантирилиши керак — Украина президенти матбуот котиби Сергей Никифоров.

👉 @burchakostida

🇹🇷🇷🇺 Россия Федерацияси нефти нархининг юқори чегараси жорий этилганидан сўнг, Туркия қирғоқларида нефть танкерларидан иборат тирбандлик юзага келди. Туркия суғуртанинг янги тасдиғини талаб қилмоқда — Financial Times.

👉 @burchakostida

#бурчакда_аналитика

АҚШ армиясининг турли бўлимлари раҳбарлари ва таҳлилчилар фикрича, бир неча йилдан сўнг Қўшма Штатлар бирданига иккита ядровий қудратли давлатга қарши туриши керак. Хитой арсеналининг тез кенгаяётгани ва Россиянинг агрессив ташқи сиёсатини ҳисобга олиш зарурати АҚШ расмийлари учун бир вақтнинг ўзида бир нечта қийин саволларни туғдиради. Рақиблардан қайси бири асосий хавф, қайси бири иккинчи даражали деб ҳисобланиши керак?

Вашингтон бошқа мамлакатларга ўз имкониятларини намойиш қилиш учун армияни қайта қуроллантириши керакми? Ёки ядровий кучни ривожлантиришдан воз кечиб, бошқа соҳалардаги ўзгаришларга эътибор қаратиш яхшироқми?

Қуйида АҚШ сиёсатчилари ва ҳарбийлари дуч келаётган асосий дилеммалар таҳлили билан танишишингиз мумкин.

👉 @burchakostida

🇺🇸🇹🇼 Қўшма Штатлар Тайванга Patriot ракеталарга қарши мудофаа тизимлари учун 100 га яқин ракета етказиб бериш ниятида, деб хабар бермоқда Bloomberg.

Агентлик манбаларига кўра, ёрдам пакетига радар ва тегишли жиҳозлар ҳам киради. Битимнинг умумий суммаси тахминан 882 миллион долларни ташкил қилади.

👉 @burchakostida

🇺🇳🇺🇦 Уруш бошланганидан бери 6 702 украиналик ҳалок бўлди — БМТ

БМТ Инсон ҳуқуқлари бўйича Олий комиссари бошқармасининг сўнгги маълумотларига кўра, 24 февралдан 4 декабргача Украинада 6 702 тинч аҳоли ҳалок бўлган.

Ярадорлар, БМТ ҳисоб-китобларига кўра, 10 479 тинч аҳолини ташкил этади. Ҳалок бўлганлар орасида 424 та, ярадорлар орасида эса 775 бола мавжуд.

Ноябрь ойида БМТ маълумотларига кўра, 162 нафар Украина фуқароси, жумладан, 11 нафар бола ҳалок бўлган, 526 нафари (шундан 32 нафари болалар) яраланган.

Украина ҳукумати ва армияси назорати остидаги ҳудудларда ноябрь ойида 134 нафар тинч аҳоли ҳалок бўлди, 446 нафари яраланди.

👉 @burchakostida

🇺🇳🇷🇺🇺🇦 БМТ Хавфсизлик кенгаши Украинадаги гуманитар вазият бўйича йиғилиш ўтказади, деди Россия Федерациясининг жаҳон ташкилотидаги доимий вакили биринчи ўринбосари Дмитрий Полянский.

👉 @burchakostida

🇺🇦 Одессада ракета зарбаларидан кейин электр ва сув таъминоти узилди

Одесса мэри Геннадий Труханов ўзининг Telegram-каналида хабар беришича, душманнинг инфратузилма объектларига навбатдаги зарбаси натижасида Одессада электр энергияси йўқлиги сабабли қозонхоналар фаолияти ўчирилган, электр транспорти тўхтатилган ва сув таъминоти узилган.

Вазият яхшиланмаса шаҳарнинг барча туманларига махсус автомашиналар орқали сув етказиб бериш ташкил қилинади, дейди шаҳар мэри.

Унинг сўзларига кўра, ҳозирда шаҳарнинг барча коммунал хизматлари кечаю кундуз ишламоқда. Шаҳарда электрон қурилмаларни иситиш ва қувватлантириш учун махсус пунктлар яратилган.

"Вазият қийин, лекин бошқариш мумкин", — деб ёзади Труханов.

"Укрэнерго" раҳбари Владимир Кудрицкий 5 декабрь куни кечқурун миллий телемарафон эфирида Россия ракета зарбаларидан кейин электр энергияси ишлаб чиқаришни тиклаш учун бир неча кун вақт кетишини, шундан сўнг энергетика тизими барқарорлаша бошлашини айтганди.

Кудрицкийнинг таъкидлашича, учирилган 70 дан ортиқ ракетадан 10 га яқини нишонларга тегиб, "Укрэнерго" электр станциялари ва подстанцияларига жиддий зарар етказган.

"Бизда бошқалардан кўра кўпроқ жабр кўрган ҳудудлар бор, жумладан, Одесса вилояти. Энди биз у ерга захира энергия схемалари орқали кучланишни, биринчи навбатда, шаҳар ва шаҳарнинг муҳим инфратузилмасини электр энергияси билан таъминлаш учун этказиб берамиз. Фуқароларга электр энергиясини ҳеч бўлмаганда қисман етказиб берсак, яқин кунларда бу вазиятни ҳам ҳал қиламиз, деб ўйлайман", — дейди у.

👉 @burchakostida

🇷🇺🇺🇦 NYT: Россия қанотли ракеталари санкцияларга қарамай, яқинда ишлаб чиқарилган

Ноябрь ойи охирида Россия Украинанинг фуқаролик инфратузилмасига қарата отган қанотли ракеталарнинг бир қисми Ғарб Москвани қурол ишлаб чиқариш учун зарур бўлган қисмлардан маҳрум қилиш учун санкциялар киритганидан бир неча ой ўтиб ишлаб чиқарилган, деб ёзади New York Times.

Бу урушларда ишлатиладиган қурол ва ўқ-дориларни аниқлаш ва кузатиб бориш билан шуғулланувчи Буюк Британияда жойлашган мустақил гуруҳ Conflict Armament Research хулосаларидир. Ноябрь ойидаги Россия ракета ҳужумидан сал олдин Украина расмийлари таклифига биноан Киевга кичик экспертлар гуруҳи етиб келди.

Улар 23 ноябрь куни Украинада электр таъминотида катта узилишларга олиб келган Россия ҳужумидан сўнг Киевдан топилган Kh-101 қанотли ракеталарининг қолдиқларини ўрганишди. Гуруҳнинг душанба куни эълон қилган ҳисоботига кўра, ракеталардан бири шу йилнинг ёзида ишлаб чиқарилган бўлса, иккинчиси сентябрь ойидан кейин қуриб битказилган, буни ундаги белгилар тасдиқлайди.

Conflict Armament Research экспертининг сўзларига кўра, Россиянинг Kh-101 каби илғор бошқариладиган ракеталарни ишлаб чиқаришда давом этаётгани санкцияларга қарамай, Москва яримўтказгичлар ва бошқа жиҳозларни сотиб олиш йўлларини топганидан далолат беради.

👉 @burchakostida

🇺🇿🇰🇬 Ўзбекистон ва Қирғизистон чегарадан ўтишни соддалаштириш бўйича протокол имзолашга тайёрланмоқда

Ҳар икки мамлакат биометрик паспортга ўтгани боис ID-карта кўрсатиб маълум муддатга мамлакатларга кириш мумкин бўлади, деб хабар беради "Спутник Қирғизистон".

Ҳужжат Шавкат Мирзиёевнинг Бишкекка давлат ташрифи доирасида имзоланиши кутилмоқда.

👉 @burchakostida

🇷🇺🇺🇦 Курск вилоятидаги аэродромга дрон ҳужум қилди

Аэродромга ҳужум ҳақида бугун эрталаб Курск вилояти губернатори Роман Старовоит хабар берди.

Аввалроқ, душанба куни эрталаб дронлар Рязан ва Саратов вилоятларидаги аэродромларга ҳужум қилган эди. Россия Мудофаа вазирлиги бу ҳужумни фақат душанба куни кечқурун тан олди. Департамент баёнотига кўра, уч нафар аскар ҳалок бўлган.

👉 @burchakostida

🇪🇺🇷🇺🇺🇦 Европа дипломатияси раҳбари Жозеп Боррел Россия учун хавфсизлик кафолатларини муҳокама қилишга шошилмасликни таклиф қилди.

Унинг фикрича, аввало, Украина бундай кафолатларни олиши керак.

👉 @burchakostida

🇺🇿🇰🇬 Шавкат Мирзиёев 10 декабрь куни Қирғизистонга ташриф буюради

Бу ҳақда Қирғизистон президенти маъмурияти ташқи сиёсат бўлими мудири Муратбек Азймбакиев маълум қилди.

Аввалроқ Ўзбекистон президенти Бишкекка бир кун аввал — 9 декабрь куни келиши хабар қилинганди.

Таъкидланишича, ташриф доирасида давлат раҳбарларининг икки томонлама музокаралари ва қатор ҳужжатлар имзоланиши режалаштирилган.

Ташриф арафасида Қирғизистон-Ўзбекистон бизнес-форуми ўтказилади.

👉 @burchakostida

⚡️🇺🇦 Украина шарқидаги тўртта ҳудудда ҳаво ҳужуми ҳақида огоҳлантириш эълон қилинди.

👉 @burchakostida

🇪🇸🇺🇦 Испания почтаси Украинанинг мамлакатдаги дипломатик ваколатхоналари номига жўнатилган ҳайвонларнинг кўзлари бўлган яна учта жўнатма топди.

Ўтган ҳафта охирида Украинанинг Венгрия, Нидерландия, Польша, Хорватия, Италия, Чехия ва Испания элчихоналари ҳайвонларнинг кўзлари бўлган пакетларни олгани ҳақида хабар беришганди.

Украина ташқи ишлар вазири Дмитро Кулеба бу мактубларни "режалаштирилган террор ва элчихоналар ҳамда консулликларни қўрқитиш кампанияси" деб атади.

Умумий ҳисобда, Украина ташқи ишлар вазирлиги бундай хат ёки пакетларни жўнатиш бўйича 21 ҳолатдан хабардор.

👉 @burchakostida

🇱🇻 Латвия Миллий Электрон ОАВ Кенгаши "Дождь" телеканалининг эшиттириш лицензиясини бекор қилишга қарор қилди.

Латвияда "Дождь" телеканалининг трансляцияси 8 декабрдан тўхтатилиши керак, деди Электрон оммавий ахборот воситалари миллий кенгаши раҳбари Ивар Аболиньш.

👉 @burchakostida