Andijon viloyati Maktabgacha va maktab ta’limi boshqarmasi hamda Vodiy1.uz tahririyati «Muhammad Yusufga o‘xshash chehralar» tanlovini e’lon qiladi.

Tanlov qatnashchilari – (o‘quvchilar, o‘qituvchilar, maktabgacha ta’lim muassasalari tarbiyachi va tarbiyalanuvchilari) Muhammad Yusuf timsolida shoirning she’rlarini ifodali va chiroyli tarzda yoddan o‘qib berishgani aks etgan 2 jaqiqadan ortiq bo‘lmagan videoroliklarni joriy yilning 20-aprel kuniga qadar telegram tarmog‘idagi quyidagi havolaga https://t.me/muhammad_yusuf_andijon yuborishlari talab etiladi.

Hakamlar hay’ati tomonidan eng yaxshi videoroliklar tanlab olinib, ovozga qo‘yiladi.

Muhammad Yusuf timsolini eng yaxshi gavdalantirgan obraz egalari 1 -o‘rin Turkiya davlatiga sayohat yo‘llanmasi, 2- o‘rin nootbuk, 3-o‘rin nootbuk, 4-o‘rin nootbuk bilan taqdirlanadi.

Tanlovda qatnashing va g‘olib bo‘ling

Joriy yilning 16 aprel kuni ijtimoiy tarmoqlarda “"Buloqboshi tumanidagi 13-umumiy o‘rta ta’lim maktabining xovli qismida noqonuniy ravishda savdo qilinmoqda" sarlavhasi ostidagi xabar yuzasidan
MUNOSABAT

Buloqboshi tumani hokimligi, tuman Maktabgacha va maktab ta’limi bo‘limi va Davlat aktivlarini boshqarish agentligi huzuridagi Davlat mulki obektlaridan samarali foydalanish markazining Andijon viloyati hududiy boshqarmasi mas’ul xodimlari tomonidan o‘rganildi.

O‘rganish davomida aniqlanishicha, maktabning xovli qismida tadbirkor Q.N tomonidan xaqiqatdan ham belgilanmagan joyda naves o‘rnatilib, ushbu joyda o‘quvchilarga chakana savdo bilan shug‘ullanib kelayotganligi aniqlandi.

Aniqlanishicha, ushbu tadbirkor 13-umumiy o‘rta ta’lim maktabi direktorining buyurtmanomasiga asosan 2023-yil 27-noyabr kuni Davlat aktivlarini boshqarish agentligi huzuridagi Davlat mulki obektlaridan samarali foydalanish markazining Andijon viloyati hududiy boshqarmasi bilan maktab oshxonasining ovqatlanish zalida 15 metr kvadrat maydonida chakana savdoni amalga oshirish uchun uch tomonlama 742030/123-23-sonli shartnoma imzolangan. Ushbu shartnomaga asosan 2024-yil 29-fevral kuni 31024160509-sonli qo‘shimcha kelishuv imzolangan.

Biroq, murojaatda keltirilgan maktabning xovli qismida tadbirkorlik faoliyatini olib borish xuquqiga ega emasligi tushuntirilib, noqonuniy savdo joyi bartaraf qilindi.