#vatan_tayanchi

Navbatdagi "Vatan-tayanchi" ko‘krak nishonlari Bo‘ka tumani Ixtisoslashtirilgan maktab o‘quvchilariga tantanali topshirildi.

🔺 Yoshlarni harbiy-vatanparvarlik ruhida tarbiyalashga doir ishlar samaradorligini oshirish va faollashtirish, bu boradagi taʼlim-tarbiyaviy ishlarga mamlakatimiz fuqarolarini, davlat va nodavlat notijorat tashkilotlarini hamda fuqarolik jamiyatining boshqa institutlarini yanada faol jalb etish hamda yoshlar ongiga vatanparvarlik, mardlik tuygʻularini singdirish maqsadida Toshkent viloyati Bo‘ka tumanidagi Ixtisoslashtirilgan maktab oʻquvchilariga “Vatan tayanchi” koʻkrak nishonlari va guvohnomalari tantanali tarzda topshirildi.

🔺 Tadbirda tuman hokimligi, Viloyat mudofaa boshqarmasi, Zangiota tumanidagi "Aloqachilar" harbiy qismi xodimlari, O‘zbekiston yoshlar ittifoqi Toshken viloyati kengashi, Qurolli Kuchlar kuch tuzulmalari va jamoatchilik vakillari ishtirok etdi.

🔻 2022-yil 2-mart kuni O‘zbekiston Prezidentining “Vatan tayanchi” bolalar va oʻsmirlar harbiy-vatanparvarlik harakati faoliyatini tashkil etish toʻgʻrisida”gi qarori qabul qilingandi.

🔺 Qarorda davlat umumtaʼlim maktablarida taʼlim olayotgan 10—11-sinf oʻquvchilari orasidan vatanparvar, eng intizomli va bilimli, tashabbuskor boʻlgan 20 nafar yoshlarni saralab olish orqali “Vatan tayanchi” otryadlarini tashkil etish belgilangan.

🔸 Shuningdek, qarorda “Vatan tayanchi” otryadlari faoliyatini qoʻllab-quvvatlash boʻyicha tegishli idora va tashkilotlarga vazifalar, otryad aʼzolarining oliy harbiy taʼlim muassasalariga oʻqishga kirishlari uchun imtiyozlar ham nazarda tutilgan.

✉️ Telegram 📱 Instagram
📱 Facebook 🌐 YouTube
🌎 Web-sayt