#Muhokama

Bandlik dasturi ijrosining ta'minlanishi va hududlarda obodonlashtirish ishlarining tashkil etilishi yuzasidan yig'ilish o'tkazildi.

🔺 Bo'ka tumani hokimligi kichik majlislar zalida tuman hokimi B.Begmatov, tegishli hokim o'rinbosarlari va korxona-tashkilot rahbarlari ishtirokida bugungi kunda amalga oshirilishi lozim bo'lgan dolzarb masalalar yuzasidan yig'ilish o'tkazildi.

💠 Yig'ilishda ishsiz fuqarolarning bandligini ta'minlash, norasmiy ish bilan band bo'lgan fuqarolarning bandligini rasmiylashtirish, bozor hududini tartibga keltirish, shuningdek mahallalar va qabristonlarda hasharlar tashkillashtirish kabi masalalar muhokama qilindi.

🔺 Yig'ilish yakunida kun tartibidagi masalalar yuzasidan mas'ullarga tegishli topshiriqlar berildi va ushbu topshiriqlar o'z vaqtida va sifatli bajarilishi lozimligi ta'kidlandi.

✉️ Telegram 📱 Instagram
📱 Facebook 🌐 YouTube
🌎 Web-sayt

🟦🟦🟦
#madaniy_tadbir

Ikki buyuk mutafakkir tavalludi munosabati bilan madaniy-ma'rifiy tadbir o'tkazildi.

🔸 So‘nggi yillarda davlatimiz rahbari tashabbusi bilan xalqimizning ulug‘ daholari, mutafakkirlari hayoti va ijodi, boy ilmiy merosini o‘rganish, tadqiq etish, ularning nomi va xotirasini abadiylashtirish borasida keng ko‘lamli ishlar olib borilmoqda.

💠 Jumladan, so‘z mulkining sultoni Alisher Navoiy hamda shox va shoir, buyuk sarkarda va davlat arbobi, bir so‘z bilan aytganda, jahon tamadduniga salmoqli hissa qo‘shgan Zahiriddin Muhammad Bobur ijodiy merosini keng targ‘ib etish bo‘yicha ham salmoqli ishlar amalga oshirilmoqda.

🔺 Shu munosabat bilan bugun Bo‘ka tumani Madaniyat markazida madaniy-marifiy tadbir o'tkazildi. Markazning xonandalari va maqom ansambli vakillari tomonidan ijro etilgan kuy-qo'shiqlar va badiiy chiqishlar tadbir ishtirokchilariga yanada ko'tarinki kayfiyat baxsh etdi.

✉️ Telegram 📱 Instagram
📱 Facebook 🌐 YouTube
🌎 Web-sayt

#fvb

Favqulodda vaziyatlar bo'limi xodimlari tomonidan targ'ibot tadbirlari o'tkazilmoqda.

🔸 Bo‘ka tumani Favqulodda vaziyatlar bo‘limi tomonidan tuman hududida joylashgan SHXT Davlat arxivida faoliyat yuritib kelayotgan xodimlarga yong‘in xavfsizligi qoidalariga rioya qilish kerakligi, xonalarda turgan birlamchi o‘t o‘chirish vositalaridan foydalanish qoidalari hamda favqulodda vaziyatlar sodir bo‘lganda binodan qanday chiqish kerakligi va favqulodda vaziyatlarda jabrlanganlarga birinchi tibbiy yordam ko‘rsatish tartibi tushuntirildi.

✉️ Telegram 📱 Instagram
📱 Facebook 🌐 YouTube
🌎 Web-sayt

#Jarayon

Hokim qabulida ko'tarilgan masalalar yechim topmoqda.

🔻 Xabaringiz bor, Bo'ka tumani hokimi tomonidan haftaning shanba kunlari tasdiqlangan reja-grafikka asosan har bir mahalla fuqarolar yig'inlari hududida jismoniy va yuridik shaxslarning qabullari o'tkazilib, unda fuqarolar tomonidan turli sohalardagi murojaatlar kelib tushmoqda. O'z navbatida murojaatlar asosida nazorat reja ishlab chiqilib, ijroga yo'naltirilmoqda.

🔺 Murojaatlarga asosan tuman elektr ta'minoti korxonasi xodimlari tomonidan "Beshkapa", "Qoraqo'yli", "Jo'raobod", "Qo'ldoshtepa", "Navobod" va "Yangiqo'rg'on" mahallalarida yog'och ustunlarni yangilash, tarmoq kabellarini tortish va tarmoqlarda ta'mirlash ishlari amalga oshirilmoqda.

✉️ Telegram 📱 Instagram
📱 Facebook 🌐 YouTube
🌎 Web-sayt