#sport
#nuroniylar

Bo'ka tumanida Nuroniylar jamoalari o‘rtasida “Sog‘lom va zavqli hayot uchun” shiori ostidagi mini futbol bo’yicha viloyat musobaqasining final uchrashuvi o'tkazildi.

🔸 Viloyatimizda yoshi ulug'lar hayotini bugungi yoshlarga ibrat namunasi etib ko'rsatish, keksalarni qadrlash va ularni ijtimoiy hayotdagi faolliklarini oshirish maqsadida turli tadbirlar tashkil etib kelinadi.

🔸 Xususan, bugun Bo'ka tumanida Nuroniylar jamoalari o‘rtasida “Sog‘lom va zavqli hayot uchun” shiori ostida sportning mini-futbol turi bo‘yicha o'tkazilayotgan viloyat musobaqasining final uchrashuvi bo’lib o’tdi. Unda Chirchiq shahri nuroniylaridan iborat jamoa vakillari Oqqo’rg’on tumani nuroniylariga qarshi bahsda maydonga tushishdi.

🔹 Qizg'in va yuqori kayfiyatda bo'lib o'tgan musobaqa finalida Chirchiq shahri nuroniylari raqiblarini 3-1 hisobida mag'lubiyatga uchratishdi va g'oliblikni qo'lga kiritishdi.

🔺 Final uchrashuvi so'ngida faol otaxonlar Toshkent viloyati hokimi Z.Mirzayev va Toshkent viloyati “Nuroniy” jamgʻarmasi raisi A.Nosirov boshchiligida diplom va esdalik sovg'alari bilan taqdirlanishdi.

✉️ Telegram 📱 Instagram
📱 Facebook 🌐 YouTube
🌎 Web-sayt