📌 Oliy ta’lim, fan va innovatsiyalar vazirligining 2026-yil 1-maydagi 173-sonli buyrug‘i ijrosini ta’minlash hamda yoshlar o‘rtasida vatanparvarlik tuyg‘usini shakllantirish maqsadida Buxoro innovatsiyalar universiteti talabalari uchun Buxoro viloyati IIB huzuridagi Qo‘riqlash boshqarmasining “Shon-sharaf” muzeyiga ekskursiya tashkil etildi. Yoshlar masalalari va ma’naviy-ma’rifiy ishlar bo‘yicha prorektor M.Yarashov hamda tarix fanlari bo‘yicha falsafa doktori (PhD), professor Z.Ahmadova boshchiligidagi ushbu tashrif talabalarning huquq-tartibot organlari tarixi va soha fidoyilari faoliyati haqidagi bilimlarini boyitishga xizmat qildi.

✅Muzey eksponatlari va tarixiy lavhalar bilan tanishish asnosida professor Z.Ahmadova talabalarga yurt tinchligi va osoyishtaligi yo‘lida ko‘rsatilgan jasorat namunalarini tarixiy tahlillar asosida so‘zlab berdi. Mazkur ma’naviy-ma’rifiy tadbir nafaqat nazariy bilimlarni amaliy taasurotlar bilan bog‘ladi, balki yosh avlod qalbida milliy qadriyatlarga hurmat va ona vatanga sadoqat bilan xizmat qilish mas’uliyatini yanada mustahkamladi.

Telegram • Instagram • Facebook
LinkedIn • X • YouTube • Vebsayt