#AYOL 💗

Oyoqosti bo'lishini istaganda, ehtimol, oyoq suyaklaridan yaratgan bo'lardi...
Ammo qovurg'adan yaratdi: yurakka yaqin bo'lsin deb...!

Яхши эди бир кўрсам сени,
Васлингдан ҳам қўрқаман, бироқ.
Яхши бўлур бир кўрсам сени, Кўрмаганим ундан яхшироқ.

Рауф Парфи.

Buyuk sevgi qissasi

Ovozlaring aylaydi sarxush,
Bir soniya sen bilan birga..
Dunyodagi eng chiroyli tush.
Ko’nglim go’yo bog’laydi qanot,
Falaklarga ketaman uchib.
So’zing asal, so’zlaring novvot,
Choyga qo’shib olsaydim ichib.
So’zlayversam, So’zlayversang..
Tinglayversam jim..
Dunyo qo’ysa bizni unutib,
Umrimdan ham rozi bo’lardim..
Umrim o’tsa suhbating kutib,
Nigohingga duch kelsam birdan,
Sham misoli eriy boshlar jon,
Oyoqlarim uzilib yerdan,
Boshimgacha egilar osmon.
Hech to’ymayman suhbatlaringga..

Tun yaqin, daraxtlar junjukar behol.
Bir kun o‘tgan edik bu yerdan shoshib.
Yomg‘ir hidi kelar tentirar shamol,
Bir o‘zim borurman sensiz, adashib.

Bir o‘zim, sen yo‘qsan endi yo‘limda,
Serzavq davralarda yurarsan o‘ynab.
Achchiq she'r silqiydi yara ko‘nglimdan,
Qadimiy so‘zlarni terarman qiynab.

Baxtiyor edik-ku bir jon-u bir tan,
Nahot ko‘z ochmasdan hammasi o‘tdi.
Biz buyuk edik-ku sevgimiz bilan,
Eski jafolarning ohlari tutdi.

Uchib ketmoqdasan qaylarga qarab,
Men esa eslayman sevgi kunlarin.
Bir bola buchakda turar dildirab,
Ko‘ksida o‘tmagan so‘lg‘in gullari.

Men uryon o‘tlarning ustida chopdim.
Qara, kuymoqda-ku yetim sevgimiz.
Bu yorug‘ olamda men seni topdim,
Sening izlaganing men emas, esiz.

Yodingdami, bir kun. Eslagim kelmas,
Yangi zarba topib qo‘yibsan. Nadir?
Sening hayotingda men yakka emas,
E voh, oxirgi ham emasman axir.

O, mayli, o‘ylanma, qayg‘urma zinhor,
Baxt-iqbol yor bo‘lsin ko‘rkam, munosib.
Biroq sen oh cheksang agarda bir bor,
Men yana kelurman qalbimni bosib.

Sirli qo‘shiq aytar ruhimning qushi,
Abadiy bir navo singari samo.
Sen bilan kechgan u damlarning tushi
Yaltirab chaqirar, imlar har zamon.

O‘pib hayolingni qonaydi dardim,
Yig‘lar xotiramning g‘arib bog‘lari.
Seni tushlarimdan so‘rab axtardim,
Qaytarib bo‘lmas hech o‘sha chog'lari.

Dunyo oʻtkinchi deymiz.
Yoʻq dunyo emas, biz oʻtkinchimiz.
Bahor bir aylanib kelguncha birov tugʻiladi, birov oʻladi. Birov birovni yaxshi koʻradi. Birov birovning koʻziga choʻp soladi.

📔"Ikki eshik orasi"
©Oʻtkir Hoshimov