ስኬትን ቀለል ባለ መንገድ ላብራራላችሁና እንዲህ ብለን እንፍታው።

ስኬት ማለት ትክክለኛ የሆነን ነገር ትክክለኛ በሆነ ሰአት( ጊዜ) እና ሁኔታ(ቦታ )  የመከወን ብቃት ማለት ነው።

ስኬት መንገድ እንጂ መዳረሻ አይደለም። ደግሞ ደስ የሚለውም መንገዱ እንጂ መዳረሻው አይደለም። ሁሌም ከትላንቱ ማንነታችሁ የተሻለ ስብዕናን ስለማዳበራችሁ፣ አንድ STEP ከፍ ስለማለታችሁ በደምብ አስቡበት። ፉክክራችሁ ከራሳችሁ ጋር እንጂ ከሌሎች ጋር አይሁን።

በዛሬ ውስጥ በትክክለኛው ጊዜና ሁኔታ ትክክለኛውን ነገር እያደረጋችሁ ነው? ከሆነ ስኬታማ ሰዎች ናችሁ፣ ካልሆነም ግን በደምብ አስቡበት።

ሀሳባችሁን አጋሩኝ

✍ታዚ

በመሆን ውስጥ አለ_መሆን የሚባል ነገር የለም። አለመሆን ውስጥ ግን መሆን የሚል ብርቱ ቃል ታስሯል። መቻል ውስጥ አለ_መቻል የለም አለመቻል ውስጥ ግን መቻል የሚባል ቃል ይፃፋል። ተስፋ የሌለን በመሰለን ጊዜና ሁኔታ ውስጥ ሁሌም ቢሆን ተስፋ አለ። ከውድቀቶችህ ሁሉ መሀል፤ ከጨለማህም ውስጥ ትንሿን የብርሀን ቅንጣት ፈልጋት። ህልም ካለህ በተስፋ ፣ በእምነትና በፍቅር የእውነት(የፈጣሪን መንገድ)ይዘህ ወደነገ ትሻገራለህ። ጥበበኛ በጥበብ ሀገር የሚሰራ እንጂ መክሊቱን ቀብሮ በዛለ መንፈስ ከነገው የሚቀር አይደለም። ጥበብን ፈልጋት። በትውልድ የሚዘከር፣ የሚፃፍ፣ የሚተረክ፣ የሚነገር ታሪክ ስራ።

ይህ የእኛ የሁላችን የይቻላል ቤት ነው!!!

✍ታዚ

ይቅርታ ጌታዬ ምንም አይነት ሻንጣዎች እዚህ ይዞ መግባት አይፈቀድም😜

መልዓከ ሞት
✍ታዚ

አንድ ቀን ታላቁ እስክንድር እንዲህ አደረገ። ወደ ሞት አፋፍ መቃረቡን ሲያውቅ፣ ባለሟሎቹን ሰብስቦ እንዲህ አላቸው "ስትቀብሩኝ እጄን ወደ ላይ አድርጋችሁ ቅበሩኝ" አለ። ሰዎቹም ግራ ገብቷቸው ምንክንያቱ ምን እንደሆነ ጠየቁት፣ እሱም መልሶ እንዲህ አላቸው "ስሞት ምንም ነገር ይዤ እንደማልሔድ ሰዎች እንዲያዩ ነው" አላቸው።

እንግዲህ ይህንን ያላቸው አለምን ያስገበረው ታላቁ እስክንድር ነው። አንዳንዴ የምንኖረው እስከመቼ ነው ብለን ብንጠይቅ መልሱ አስደንጋጭ ነው። ያለመኖርን ያህል የቀረበ ነውና፣ ማን ነበር ላንድ ህይወት አንድ እድሜ አይበቃም ያለው ብቻ ህይወት ካሰብናትም በላይ በጣም አጭር ናት( በእርግጥ እኛ ሰፈር ያሉት ህይወቶች ቁመታቸው በሚያስገርም ሁኔታ አጫጭር ነው በጣም  ግን ያወራሁት ስለነሱ እንዳይመስላችሁ አፅንዖት መስጠት ፈልጌ ነው)። ልናካብተው ወይም ልናጠራቅመው  የምንሻው ሐብትና የምንጨናነቀው ከምንኖረው በላይ ነው። ከልብ የሆነ ደስታንና ፈገግታን፣ ውሳዊ ሰላምንና ስኬትን ምን እንደሚመስሉ በትክክልም ሳያውቁ የሚሞቱ ብዙዎች ናቸው። በቁማችን የሞትነውም ቁጥራችን ጥቂት አይደለም፣ ምክንያቱም ህይወት ከመንቀሳቀስና መተንፈስ የላቀ ትርጉምና የጠለቀ ስሜት ስላላት። መኖር ማለት ራስን ከአሁኗ ደቂቃ ጋር አጣምሮ፣ ነፍስን ከተፈጥሮ ጋር አዋህዶ፣ ላሉን ነገሮች ተገቢውን ትኩረትና ጊዜ ሰጥቶ የሚያስፈልገንን በሙሉ ያለ ስስት ለቸረን መልካሙን ፈጣሪ እያመሰገንን፣ ያጣነውን ለማግኘት፣ ያሰብነውን ለማሳካት፣ ለጥያቄያችን ምላሽ እስክናገኝ ድረስ ለሁሉም ነገር ጊዜ አለው የሚለውን የጠቢቡን አባባል እያቀነቀኑ ህይወትን መምራት ማለት ነው።

እስኪ ሁላችንም ራሳችንን እንጠይቅ በዚህ ምድር ላይ የተንቆጨቆጭንለት፣ አብዝተን የተጨናነቅንለት ሁሉ ከዚህ አለም ስንሔድ ይዘነው የምንሔደው ካልሆነ ምኑ ነጥቡ? የብዙዎቻችን ህይወት ለብልጭልጭ ነገሮች አልያም ስማችንን ከመቃብር በላይ አኑሮ ለማያስጠራ ተራ ነገር ተሰውቷል። በህይወታችን ውስጥ መቅደም ያለበት ነገር የቱ እንደሆነ አናውቅም። እኛ ወይስ ያለኛ ህልውና የሌለው ጭንቀታችን??? የኛ ሰላምና ጤና ወይስ ወይስ ለሆነ ሰው ያለን ጥላቻና ቂም??? ቤተሰባችን ወይስ ማለቂያ የሌለው ስራችን??? ሰብዓዊነት ወይስ ክብር፣ ዝናና ቁሳዊነት???…… ለውድድር የማይበቁ ተራ ምርጫዎች ቢሆኑም በሚሳዝን ሁኔታ ሁላችንም የቱጋ እንዳለን፣ የትኛውጋ እየኖርን እንደሆነ እናውቀዋለን።

ተጨንቀን፣ እንቅልፍ አተን ያጠራቀምነው ገንዘብ፣ በክፋት የገነባነው ክብር፣  በደም ያገኘነው ስልጣን፣ በስርቆትና በስግብግብነት አልያም ከደሀውና ከደካማው ነጥቀን ያካበትነው ሀብት፣ በውሸትና ማስመሰል የፈጠርነው ማንነት ሁሉም ስንሞት አብረውን አይሔዱም።

እንንቃ፣ በትክክል እያሰብን እየተሳሰብን እንኑር። ለመኖር እያልን በእኔነት ብቻ ታጥረን የራችንን ደስታና ምቾት ፍለጋ የምናደርጋቸው ነገሮች፣ የምንመርጣቸው ምርጫዎችና የምናስባቸው ሐሳቦች ሳንኖር እንድንሞት እየጋበዙን ነውና እናስተውል። እኔ ያለ እኛ ዋጋ የለውም እኛም ያለ እኔነት አይኖርም።

በኃይሉ ነኝ እወዳችኋለው😍🥰
✍ታዚ

ከመራራነት ውጣ!

“ጥላቻና መራራነት ማለት አንዲትን አይጥ ለመግደል ቤትህን በእሳት ማቃጠል ማለት ነው” - Henry Fosdick

የልጅነት አስተዳደጋችን በወደፊት ማንነታችን ላይ ምን ያህል ተጽእኖ አለው? የልጅነትንና የለጋነትን ዘመን ፍጹም ፍቅር በተሞላበት ቤት ለማደግ የበቃ ልጅ የታደለ ነው፡፡  ብዙዎች ግን ይህንን እድል አያገኙትም፡፡ አንዳንዶች ርህራሄ በሌላቸው ቤሰቦች እጅ ሲያድጉ፣ ሌሎች ደግሞ ከቤተሰባቸው ጋር እንኳን የማደግ እድል አያገኙም፡፡ የመደብደቡ፣ የአስገድዶ መደፈሩ፣ በማያፈናፍን ችግር ውስጥ ማለፉ … ብዙዎች ወደ  አቅመ-አዳም (አቅመ-ሄዋን) ሲደርሱ በውስጣቸው ተሸክመው የሚመጡት አሉታዊ ተጽእኖ ቀላል አይደለም፡፡ የቀናውና የሚያደርገውን ያወቀው ብቻ ከዚያ ተጽእኖ ይላቀቃል፡፡

የአዶልፍ ሂትለር ታላቅ ወንድም የአባቱ ጨካኝነትን ለማምለጥ በ13 አመቱ ነበር ከቤቱ በርሮ የጠፋው፡፡ ይህ ልጅ ከቤቱ ከሄደ በኋላ የሂትለር አባት ክፋቱን በሰባት አመቱ ለጋ ልጅ በሂትለር ላይ በእጥፍ ጨመረው፡፡ ሂትለር በአባቱ እጅ አሰቃቂ አመታትን አልፏል፡፡ ምርጫውን ተከልክሎአል፡፡ አርቲስት ለመሆን ይመኝ የነበረው ሂትለር በአባቱ አስገዳጅነት የሲቪል ሰራተኛነት አቅጣጫን እንዲከተል ተገደደ፡፡

የሂትለር ትምህርት ውጤቱ አጥጋቢ ስላልነበር የአባቱን የቁጣ እጅግ አባባሰው፡፡ የአይሁድ ዘር እንዳለበት የሚነገረው የሂትለር አባት ክፋት በሂትለር ልብ ውስጥ አይሁድን የመጥላት ዘርም እንደዘራበት ይነገራል፡፡ አባቱ ከሞተ በኋላ፣ ሂትለር በ13 አመቱ የቤት ሃላፊትን በጫንቃው ላይ ተሸከመ፡፡ በእናቱ ሞት ምክንያት በኋላ በጉዲፈቻ ያድግ የነበረው ሂትለር ያንን ገቢ በመከልከሉ የጎዳናን ሕይወት ቀምሷል፡፡

በብዙዎች እንደሚታመነው፣ ሂትለር በልጅነቱ ያሳለፈው ስቃይ ውስጡ ከጨመረበት መራራነት እንዳልተላቀቀና በሕይወቱ ያደረጋቸው አሰቃቂ ተግባሮች የዚያ ልምምድ ተጽእኖ እንደሆኑ ይታመናል፡፡ ሂትለር ቢያንስ ለ46 ሚልየን ሰዎች መሞትና  ለብዙ  ንብረት መውደም ምክንያት የሆነ ሰው ነው፡፡
አንዳንድ የስነ-ልቦና ጥናቶች፣ አንድ ልጅ በአምስት አመቱ የወደፊቱን የሚወስነውን ብዙውን ማንነቱን ገንብቶ እንደሚጨርስ ይጠቁሙናል፡፡

አዋቂዎች ሁሉ የሚስማሙበት እውነታ፣ አንድ ልጅ በመጀመሪያዎቹ አምስትና አስር አመታት የሚያሳልፋቸው ሁኔታዎች በወደፊት ማንነቱ ላይ ታላቅ አስተዋጽኦ እንዳለው ነው፡፡ አንድ ሰው በእድሜ እያደገ ሲሄድ በለጋነቱ የደረሰበትን አስከፊ ሁኔታ ወደ ኋላ ለመጣልና ከመራራነት ለመውጣት አስፈላጊውን እርምጃ ካልወሰደ የወደፊት ማንነቱ መራራና ለሕብረተሰብ ጠንቅ የሚሆኑ ባህሪያትን የሚያንጸባርቅ ሊሆን ይችላል፡፡

አንዳንድ ሰዎች የልጅነታቸውን  አሉታዊና ጤና ቢስ ልምምድ በስሜታቸው ላይ ካመጣው ተጽእኖ ሳይላቀቁ ወደ ትዳር አለም ውስጥ ይገባሉ፡፡ ቁጣን፣ ጸበኝነትን፣ ጠርጣራነትንና የመሳሰሉትን ለትዳር ጠንቅ የሆኑ መራራ ነገሮች ይዘው ስለሚገቡ ብዙም ሳይቆዩ ለመለያየት ምክንያት ይሆናሉ፡፡ ሌሎች መራራነትን፣ ጥላቻንና በአስተዳደግ ዘመናቸው የተጎነጩትን የውስጥ ቂም ይዘው ወደ አመራር ይዘልቃሉ - እንዴት አይነት ስህተት! ካለፈው ሕይወት ተጽእኖ በስኬታማ ሁኔታ ራሱን መርቶ ያላወጣ ሰው ሌላውን ለመምራት ሲሞክር ሊያስከትለው የሚችለው ጉዳት ቀላል አይደለም፡፡ ወደፊት ለመዝለቅና ስኬታማ ሕይወት ውስጥ ለመግባት ካለፈው መፋታት የግድ ነው፡፡ ይህንን ለማድረግ የሚጠቅሙ ሃሳቦች እነሆ፡-

ሙሉ ሃላፊነትን ውሰድ:-

“ስለ ህይወትህ በግልህ ሃላፊነትን መውሰድ አለብህ፡፡ በዙሪያህ የሚከናወነውን ነገር፣ የአየሩን ጸባይና ነፋሱን መቆጣጠርና መለወጥ አትችልም፣ ራስህን ግን መለወጥ ትችላለህ” – Jim Rohn

ሰዎችን ይቅር በል:-

“ደካማው ይቅር ሊል አይችልም፡፡ ይቅርታ ማድረግ የብርቱዎች ባህሪይ ነው” - Mahatma Gandhi

ልምምዶችህን ለመልካም ለውጣቸው :- 

“ሌሎች ተራ ሕይወትን ይኑሩ፣ አንተ ግን አትኑር፡፡ ሌሎች ባልሆነ በሆነ ይጨቃጨቁ፣ አንተ ግን አታድርገው፡፡ ሌሎች በጥቃቅን ጉዳቶች ያልቅሱ፣ አንተ ግን አታልቅስ፡፡ ሌሎች የሕይወታቸውን ጉዳይ ለሰው አሳልፈው ይስጡ፣ አንተ ግን አትስጥ” – Jim Rohn

dr eyob mamo
✍ታዚ

“ደሃ እያለሁ ለምን የድህነቴን ምንጭ አላጣራም?”
*
በ10ሺ ዶላር የተገዛ የወርቅ ጫማ ፣በአልማዝ የተለበጠና 100ሺ ዶላር የተገዛ ሮሌክስ ሰዓት፣  200ሺ ዶላር ያወጣ ሜርሴዲዝ ቤንዝ ካሉት በርካታ የቅንጦት እቃዎች ጥቂቶቹ ናቸው፡፡

ይህ ሰው የደቡብ ሱዳን ዜጋ ሲሆን በአንድ ወቅት የሀብቱን ምንጭ መንገግስት ለማጣራት ሲሞክር ሀብቱን ሰብስቦ ከሀገሩ አመለጠ፡፡

ታዲያ ይሄን ለምን እንዳደረገ ሲጠየቅ የመለሰው መልስ ሳቅን የሚያጭር ነበር፡፡

የመለሰው መልስ እንዲህ የሚል ነበር…“ደሃ እያለሁ ለምን መንግስት የድህነቴን ምንጭ አላጣራም?”

✍ታዚ

ቢራቢሮዎችን በማሳደድ ጊዜህን ካሳለፍክ እነሱ ይርቃሉ።ግን ቆንጆ የአትክልት ቦታ በመስራት ጊዜህን ካሳለፍክ፤ቢራቢሮዎቹ ይመጣሉ።

ስለዚህ አታሳድ "ይሳቡ"

አልበርት አንስታይን
✍ታዚ

ስንበላሽ ጊዜ Restart & Reset በዚህ መልኩ ይከናወን ነበር።

[አንዱ በManual ሲስተካከል ሁለቱ በብሉቱዝ ይደርሳቸዋል]

✍ታዚ

It Is A Beautiful Day!!!

“ዛሬ ለቀረው የህይወት ዘመኔ የመጀመሪያው ቀን ነው” (John Denver)

•  ዛሬ ትበረታላችሁ እንጂ በፍጹም አትደክሙም!

•  ዛሬ ቀና ትላላችሁ እንጁ በፍጹም አታቀረቅሩም!

•  ዛሬ ከወደቃችበት ትነሳላችሁ እንጂ በፍጹም ወድቃችሁ አትቀሩም!

•  ዛሬ ደስተኞች ትሆናላችሁ እንጂ በማንም ሰውና በምንም ሁኔታ ምክንያት ኃዘንተኞች አትሆኑም!

•  ዛሬ ጊዜ ያላችሁ ለተስፋ እና ለወደፊት ለማቀድ እንጂ በፍጹም ለድብርትና ለጭንቀት ጊዜ የላችሁም!

Dr eyob mamo
✍ታዚ

ጌታዬ
አንተ ተወው ይቅርብህ ብለኸኝ ሞክሬው የጠቀመኝ ምንም ነገር የለም።

አንተ ከሌለህበት ሙሉነት አንተ ያለህበት ባዶነትት 💯 ይሻለኛል። አንተ በሌለህበት ከምኖር የድሎት ህይወት ከአንተ ጋር ምድረበዳ ላይ መኖርን እመርጣለሁ።

ታውቃለህ ምን ያህል ደካማ እንደሆንኩ፣ ለእኔ እኔ ምን እንደሚጠቅመኝ አላውቅምና እባክህ መቼም ለፈቃዴ አሳልፈህ አትስጠኝ።

🙏🙏🙏 ተመስገን
✍ታዚ

የአዕምሮ ህመምን እንዲከሰት ብሎም እንዲያገረሽ ከሚያደርጉ ምክንያቶች መሃከል

◊ ሃዘን እና ማጣት/ grief and loss
◊ ግጭቶች/dispute
◊ የሁኔታዎች መለዋወጥ/Role transition
◊ ባይተዋርነት/Interpersonal deficiency ይገኙበታል::

ታዲያ እነዚህ ጉዳዮች ላይ ትኩረት አድርጎ የሚሰራ የስነልቦና ህክምና Interpersonal Therapy(IPT) ይባላል:: ከ 4 ሴሽኖች ጀምሮ ይሰጣል::

በተለይም ከላይ በተጠቀሱት ጫናዎች ምክንያት ለተከሰቱ/ለተባባሱ የአዕምሮ ህመሞች(ማለትም እንደ ድብርት፣ ጭንቀት እና የተራዘመ ሃዘን...የመሳሰሉ) የሚሰጥ የስነልቦና ህክምና ነው::

እርስዎም እንደዚህ አይነት ችግሮች ካጋጠመዎ ባለሞያ ያማክሩ::

አሻም ለአለማችን!

ዶ/ር እስጢፋኖስ እንዳላማው- የአዕምሮ ህክምና ስፔሻሊስት

ለበለጠ መረጃ የሚከተሉትን ገጾች ይወዳጁ:-

✍tazi

መፍራት ስትጀምሩ መኖር ታቆማላችሁ!!

የናዚ ተጽእኖ በከፋባቸው ዓመታት ጃኔዝ (Janez Rus) የተባለ አንድ ሰው በናዚ ዘመን በነበረው አቋም ምክንያት በቀልን በመፍራት ለ32 ዓመታት ከአንድ ስፍራ ሳይወጣ እንደተደበቀ ይነገራል፡፡ ይህ ወጣት በፍርሃት ከመደበቁ በፊት የጫማ ስራ ባለሞያ ነበር፡፡ ፍርሃቱ ከነገሰበት በኋላ ግን የቀረውን የወጣትነቱን ዘመን በመደበቅ ነበር ያስበላው፡፡

በፈረንጆቹ አቆጣጠር በJune, 1945 ይህ ወጣት በእህቱ እርሻ ውስጥ በሚገኝ ቤት (Farmhouse) ውስጥ ለ32 ዓመታት ተደብቆ ሲኖር የእናቱን ቀብር እንኳን ለመካፈል አልወጣም፡፡ ከዚህ ስፍራ ከወጣ በኋላ እንዲህ ሲል ተደምጧል፣ “ከተደበኩበት ቦታ ሆኜ ውጪ የሚገኙ ሰዎች ሲደሰቱና ሲስቁ ስሰማ ምርር ብዬ አለቅስ ነበር”፡፡

ይህ ወጣት በእነዚያ አመታት ውስጥ ያገኘውን ነገር እየበላ ከላይ ሆኖ ወደታች ያለውን መንደር ከማየት ውጪ ምንም ነገር አላደረገም፡፡

ፍርሃት እንዲህ ይልሃል …

•  አትመልከት - አንድ ነገር እንዳታይ!
•  አታድምጥ - አንድን ነገር እንዳትሰማ!
•  አታስብ - አንድ ድምዳሜ ላይ እንዳትደረስ!
•  አትወስን - ስህተት እንዳትሰራ!
•  አትራመድ - እንዳትወድቅ!
•  አትኑር - እንዳትሞት!
•  አትማር - ፈተና እንዳትወድቅ!
•  አትውደድ - እንዳትጎዳ!

በሕይወትህ ልታነግሱ የምትችሉት ስሜት አንዱን ብቻ ነው - የፍርሃትን ወይም የመኖር ድፍረትን፡፡ አንዱ እንዲነግስ ስትፈቅድለት ለሌላኛው የባርነት ትእዛዝን እያስተላለፍክ ነው፡፡ ፍርሃት ሲነግስ የመኖር ጣእም ይጠፋል፡፡

ተነሱና ፈጣሪን ተማምናችሁ ቀና ብላች ኑሩ!
  
✍ታዚ

የአሉታዊ ስሜቶቻችንና የፍርሃት ዝምድና

ከማንኛውም አይነት አስቸጋሪና አሉታዊ ስሜታችሁ ጀርባ ፍርሃት የተሰኘው ስሜት አለ፡፡

ከማንኛውም ፍርሃት ጀርባ ደግሞ አንድን ነገር አጣለሁ የሚል ፍርሃት አለ፡፡

በአሁን ጊዜ በጣም ያስቸገራችሁንና በሚዛናዊነት መያዝ ያልቻላችሁትን አንድ አሉታዊ ስሜት ብታስቡት ከዚያ ስሜት ጀርባ ፍርሃት ይገኛል፡፡

ለምሳሌ፣ በሰዎች ፊት ለመቅረብ የማያስችል የሃፍረት ስሜት ካለብን፣ ከዚህ ስሜት ጀርባ ሰዎች ይንቁኛል የሚል ፍርሃት አለ፡፡ ከዚህ ሰዎች ይንቁኛል ከሚለው ፍርሃት ጀርባ ደግሞ ተቀባይነትን፣ ፍቅርንና የማሳሰሉትን ነገሮች አጣለሁ የሚልፍ ፍርሃት አለ፡፡

ሌላ ምሳሌ ለመጨመር ያህል፣ አንድን ንግድ ለመጀመር ወይም ንግዳችንን ለማሳደግ ስናስብ የምንጨናነቅ ከሆነ ከዚህ ስሜት ጀርባ ንግዱ ጥሩ ባይሄድና ባይሳካስ የሚል ፍርሃት አለ፡፡ ከዚህ ንግዱ ጥሩ ባይሄድና ባይሳካስ ከሚለው ፍርሃት ጀርባ ደግሞ ገንዘብ የማጣት ፍርሃት አለ፡፡

ይህንን እውነታ ለማሸነፍ ቀላሉ መንገድ ማንኛውንም አሉታዊ ስሜታችንን የወለደውን ፍርሃት ለይቶ ማወቅና ያንን ፍርሃት መጋፈጥ ነው፡፡ ይህ ሁኔታ፣ “አስጊ ሁኔታዎችን በጥበብ መጋፈጥ” በመባል ይጠራል፡፡

ልናልፋቸው የማንችላቸው እውነታዎች

1ኛ እውነታ፡- ማደግን እስካላቆምኩ ድረስ ፍርሃት ሊሄድ አይችልም፡፡

2ኛ እውነታ፡- አንድን ነገር የማድረግን ፍርሃት የማስወገጃው ብቸኛ መንገድ ወጥቶ ያንን የምንፈራውን ነገር ማድረግ ነው፡፡

3ኛ እውነታ፡- በራሴ ላይ ባለኝ አመለካከት ጥሩ ስሜት እንዲሰማኝ የማድረጊያው ብቸኛ መንገድ መውጣት … ማድረግ ነው፡፡

4ኛ እውነታ፡- ከዚህ በፊት ወደማላውቀው ክልል ውስጥ ስገባ ፍርሃት የሚሰማኝ እኔ ብቻ አይደለሁም፤ ይህ ሁሉም ሰው የሚጋራው ስሜት ነው፡፡ 

5ኛ እውነታ፡- ስጋቴን ተጋፍጬ ለመሄድ አቅም እንዳጠረኝና እንዳቃተኝ ሲሰማኝ በዚያ ፍርሃት ውስጥ ከመኖር ይልቅ ስጋቴን ተጋፍጬ በማለፍ የሚመጣው ፍርሃት እጅግ የተሻለና አናሳ ነው::

Dr Eyob mamo
✍tazi

ኢጎው ከባድ ነው..
***
ይህን አባባል ብዙዎቻችን ስንጠቀምበት ይስተዋላል:: 'Ego is enemy' የሚሉም አሉ::

🔸 ኢጎ ምንድን ነው?

◊ ኢጎ ከሶስቱ የልቦና መዋቅሮች አንዱ ነው::(ኢድ፣ ኢጎ፣ ሱፐር ኢጎ)

◊ ከሶስቱ እውነታን ከግምት ውስጥ የማስገባት ችሎታ (Reality testing) ያለው እና በነባራዊ እውታዎች የሚመራው ኢጎ ነው::  የ Prefrontal cortex ስነልቦናዊ  ስሙ ነው ይባላል.. ኢጎ😊

▻ ኢድ ፍላጎት/ደስታ መር ሲሆን፥ ሱፐር ኢጎ ደግሞ ሞራል መር ነው:: ሁለቱ የተለያየ እሳቤን እንደማራመዳቸው  ሁሌም እንደተቃረኑ ነው:: ኢጎ ያስታርቃቸዋል:: 😊

🔸ኢጎ የሚከተሉትን ስራዎች የሚሰራልን ወሳኝ የልቦናችን ክፍል ነው:-

◊ ከነባራዊው እውነታ በመነሳት ደመነብሳዊ ፍላጎቶችን የሚቆጣጠር (Control and regulate instinctual drives)

◊ ስሜታችንን እና ውስጣዊ ግፊቶችን የሚቆጣጠር/የሚመጥን (Impulse control)

◊ የእውነታን አለም እንድንቃኝ፣ እንድንረዳ እና እንድንላመድ የሚያስችል (sense, testing, and adaptation to reality)

◊ ከሌሎች ጋር አቻችሎ የሚያኖረን (Object relation)

◊ ኢጎ ዳኛ ነው: ነገሮችን ከአለው ነባራዊ እውነታ አንጻር በመረጃ እና ማስረጃ መዝኖ ኢድ እና ሱፐር ኢጎን የሚያስታርቅ...በዚህም መሰረት የተፈጠረብንን የጭንቀት ስሜት የሚከላከል እና የሚያስወግድ( በ Defense mechanism አማካኝነት)

**

ምናልባት ኢጎ መጥፎ ነገር ነው የሚለው እሳቤ: አንዳንድ ያልዳበሩ እና ለራስ ጥቅም ያደሉ  ዲፌንስ ሜካኒዝሞችን እንደ ብቸኛ የ ኢጎ መገለጫ አድርጎ ከመውሰድ የመጣ ሊሆን ይችላል:: ዳሩ ግን እነዚህ ያልዳበሩ ዲፌንስ ሜካኒዝሞች የኢጎ ስራ መድከሙን የሚጠቁሙ ናቸው 😊

ኢጎ ግን ከእነዚህ ዲፌንስ ሜካኒዝሞች በላይ ነው.. ብዙ በጎ ነገሮችን የሚከውንልን የልቦናችን ክፍል::

እንዲያውም የኢጎ ስራ መዳከም..ከጭንቀት፣ ድብርት፣ ሳይኮሲስ እና ሌሎች የአዕምሮ ህመሞች ጋር ይገናኛል::

በዚህ መሰረት...ለመሆኑ ኢጎ ጥሩ ነገር ነው ወይንስ መጥፎ?

አሻም!

ዶ/ር እስጢፋኖስ እንዳላማው- የአዕምሮ ህክምና ስፔሻሊስት

✍tazi

ፍቅር ሲከለክል!

አንዳንድ ጊዜ በምትወዱት ሰው ላይ ምክንያታዊና ውጤት-ተኮር በሆነ መልኩ ልትጨክኑና ክልከላ ልታደር እንደሚገባች አትዘንጉት፡፡

ሕጻን ልጅ ካላችሁ ያማረውን ነገር ሁሉ በፈለገው ጊዜና መጠን መስጠት ከሚያስከትልበት መዘዝ ለመጠበቅ “እምቢ” የማለትን ጭካኔ መለማመድ ፍቅር እንጂ ጥላቻ አይደለም፡፡ ለምሳሌ፣ ልጃችሁ ሁል ጊዜ ጣፋጭ ከመመገብ እንዲቆጠብ የፍቅር “እምቢታ” ለመለማመድ ብትጨክኑ ልጁ ይጠቀማል እንጂ አይጎዳም፡፡

“ቲንኤጀር” ልጅ ካላችሁ ከእድሜው ጋር ለሚመጡ ጥያቄዎች በሙሉ እሺ በማለታችሁ ምክንያት ከሚከተለው ብልሹነት ለመጠበቅ “እምቢ” የማለትን ጭካኔ መለማመድ ፍቅር እንጂ ጥላቻ አይደለም፡፡ ለምሳሌ፣ “ቲንኤጀሩ” ልጃች ትምህርቱ ላይ እንዲተኩር “ስማርት” ስልክን፣ ጌሞችንና የመሳሰሉት ላይ ብዙ ጊዜ እንዳያሳልፍ የፍቅር “እምቢታ” ለመለማመድ ብትጨክኑ ልጁ ይጠቀማል እንጂ አይጎዳም፡፡

ፍቅረኛችሁ ለሚያቀርበው ካላችሁ የግል አቋም ጋር የሚጣረስ ተግባሮችና ልምምዶች እሺ በማለታችሁ ምክንያት ከሚከተለው የግንኙነት ብልሹነት ለመጠበቅ “እምቢ” የማለትን ጭካኔ መለማመድ ፍቅር እንጂ ጥላቻ አይደለም፡፡ ለምሳሌ፣ ከጋብቻ በፊት የሚቀርብ የወሲብ ጥያቄና የመሳሰሉትን ሁኔታዎች አስመልክቶ የፍቅር “እምቢታ” ለመለማመድ ብትጨክኑ ፍቅረኛችሁ ይጠቀማል እንጂ አይጎዳም፡፡

በሌሎች የማሕበራዊ ግንኙነቶቻችንም ውስጥ ቢሆን አንዳንድ ጊዜ ተገቢው ምላሽ ክልከላ የማድረግ የሚሆንበት ጊዜ እንዳለ እንዳይዘነጋ፡፡

ፍቅር አንዳንዴ ራሱን የሚገልጠው በጤናማ እምቢታ መሆኑን አትርሱ!

ዶር እዮብ ማሞ
✍ታዚ

በጣም የምትወዳት ግን እንደ ወንድሜ ነው የማይህ የምትልህ ልጅ ምን ያስደስትሃል ስትልህ...?
    
                  
# ከእህቴ_ጋር_መተኛት ያልካት ልጅ ደህና ነህ😝😳

✍ታዚ

የአእምሮ ሕመም ስርጭት
================
1. ዓለም አቀፍ

በአለም አቀፍ ደረጃ የአእምሮ ህመም ስርጭት በከፍተኛ ሁኔታ ይለያያል:: በአለም አቀፍ ደረጃ ያለው የአእምሮ ህመም 13.0% አካባቢ ሲሆን በዋናነት የጭንቀት መታወክ 4.1%፣ ድፕረሽን 3.8% ነው።  በ2030 እ.ኤ.አ ድፕረሽን ለአለም አቀፍ የበሽታ ሸክም (global disease burden) ዋና መንስኤ ይሆናል ተብሎ ይገመታል።  ያልታከሙ የአእምሮ ህመሞች ከጠቅላላው ሸክም 13 በመቶውን ይይዛሉ። በሥርዓተ-ፆታ ልዩነት፣ ሴቶች ለድብርት፣ ለጭንቀት እና ለድህረ-ኣደጋ ጭንቀት የተጋለጡ ሲሆኑ፣ ወንዶች ደግሞ ከፍተኛ የሱስ ጥገኛ እና አልኮል አላግባብ መጠቀም ችግር አለባቸው። በ28 ሀገራት የተካሄደው የአለም የአዕምሮ ጤና ዳሰሳ እንደሚያሳየው የአእምሮ ህመሞች የተለመዱ ሲሆኑ በህይወት ዘመናቸው (lifetime prevalence estimates ) ከ18.1% እስከ 36.1% እና የ12 ወራት ስርጭቶች (12-month prevalence estimates ) ከ9.8% እስከ 19.1% ይገመታሉ።

2. በአፍሪካ

በአፍሪካ ውስጥ የአእምሮ ህመም ስርጭት በከፍተኛ ሸክም ተለይቶ ይታወቃል። በተለያዩ ህዝቦች መካከል ከፍተኛ ስርጭት ተመዝግቧል። ጥናቶች እንደሚያመለክቱት አፍሪካውያን ስደተኞች በአለም አቀፍ ደረጃ ከፍተኛ የሆነ የጭንቀት፣ ድብርት እና PTSD እያጋጠማቸው ነው። ይህም ለባህል ተስማሚ የሆኑ ጣልቃገብነቶች አስፈላጊነት ላይ አጽንኦት ሰጥቷል። በተጨማሪም፣ ከሰሃራ በታች ባሉ የአፍሪካ ሀገራት ለአእምሮ ጤና አገልግሎት ሰፊ የህክምና ክፍተት አለ።  ይህም እንደ ዝቅተኛ በጀት ድልድል፣ በቂ ያልሆነ አቅርቦት እና ደካማ የመሠረተ ልማት አውታሮች በመነሳት እንክብካቤን በማግኘት ላይ የሚያጋጥሙትን ተግዳሮቶች አጉልቶ ያሳያል። ከዚህም ባሻገር በበርካታ የአፍሪካ አገሮች ከዓለም የአዕምሮ ጤና ዳሰሳ የተገኘው መረጃ እንደሚያመለክተው የአዕምሮ መታወክ የተለመደ ክስተት እናም ሸክሙን በብቃት ለመቅረፍ አስቀድሞ የማወቅ (early detection) እና የጣልቃ ገብነት ስልቶችን አስፈላጊነት አመልክቷል።

3. በኢትዮጵያ

በኢትዮጵያ የተለመዱ የአእምሮ መታወክዎች (Common mental disorders) ተንሰራፍተው የተለያዩ ህዝቦችን ይጎዳሉ። በኢትዮጵያ አጠቃላይ ሕዝብ ዘንድ (among general population) የተለመዱ የአእምሮ ሕመሞች ስርጭት 21.58 %።
ጥናቶች እንደሚያሳዩት በታራሚዎች 62.29%፣ በሁለተኛ ደረጃ ተማሪዎች 32.4%፣ እና በከፍተኛ ደረጃ የስርጭት መጠኑ አለ። ከአእምሮ ህመሞች ጋር ተያይዘው የሚመጡ ምክንያቶች ጾታ፣ የትዳር ሁኔታ፣ ስራ አጥነት፣ የቤተሰብ የአእምሮ ህመም ታሪክ እና እድሜ ናቸው። ተጽኖዎቹ ከግለሰቦች አልፎ ወደ ቤተሰብ እና ማህበረሰቦች ይዘልቃሉ፣ ይህም ወደ ጭንቀት፣ ግንኙነቶች መቆራረጥ፣ ኢኮኖሚያዊ ሸክሞች እና ማህበራዊ መገለል።

የአእምሮ ሕመም ያልተለመደ ሁኔታ አይደለም:: ሁሉንም ሰው ይነካዋል፣  የሁሉንም አስተዋፅኦ ያስፈልገዋል::

ዮሐንስ ያያ (መምህር እና የአእምሮ ጤና ባለሙያ፣ WSU)

"ያለ አእምሮ ጤና ምንም ጤና የለም"

✍ታዚ