ህሊና 15 አመቷ ነው:: ለቤተሰቦቿ ብቸኛ ልጅ ስትሆን፥  በጥብቅ ቁጥጥር እና ዲሲፕሊን ያደገች ልጅ ናት::

ከቅርብ ጊዜያት ወዲህ ምግብ አልበላ ማለቷ ቤተሰቡን ያስጨነቀ ጉዳይ ሆኗል:: እንድትበላ ቢለምኗት፥ ቢለማመጧት አልበገር ብላለች::

የትምህርት ቤት ጓደኞቿ  ለውፍረቷ ቅጽል ስም እየሰጡ ይቀልዱባት ነበር:: በዚህም ምክንያት ራሷን ታገል ጀምሯል:: ከጓደኞቿ እና ከተለያዩ ሚዲያዎቾ እንደሰማችው ሸንቃጣነት የሴት ልጅ የውበት መለክያ እንደሆነ አምና ተቀብላለች::

የሆነ ፕሮግራም ላይ በቀን አንዴ መብላት ለጤና ተስማሚ እና ክብደት ለመቀነስም አይነተኛ መንገድ እንደሆነ ከሰማች በኋላ ምግብ መቀነስ ጀመረች:: በኋላም የእለት ምግቧ አንድ ወይንም ሁለት ኩባያ ወተት ሆነ::

ምግብ መቀነሱ ብቻ በቂ መስሎ ስላልታያት ክብደት ሊያስቀንሱ የሚችሉ አድካሚ ስፖርቶችን ትሰራ ጀምሯል::

በሁለት ወራት ጊዜ ውስጥ ክብደቷ ከ 65 ኪሎ ወደ 45 ኪሎ ወርዶ ነበር:: ሰዎች ሰውነቷ እየቀነሰ መሆኑን ቢነግሯትም፥ ለእሷ ግን ሁሌም ወፍራም እንደሆነች ነበር የሚሰማት::  በመስታወት ፊት በቆመች ቁጥር የምትታያት ያቺ ወፍራሟ ፥ ጓደኞቿ የሚተርቧት ህሊና ነበረች:: ይህም ከባድ ፍርሃት እና የበታችነት ስሜትን እየተፈጠረባት ተቸግራለች::

በኋላ ላይ በወላጆቿ ውትወታ ወደ ህክምና ተቋም ተወስዳ አስፈላጊው ምርመራ ከተደረገላት በኋላ ለተጨማሪ ምርመራ የአዕምሮ ሃኪም ዘንድ እንድትቀርብ ተደረገ::

አስፈላጊው መጠይቅ ተደርጎላት ምልክቶቿ  Anorexia Nervosa የተባለ የአዕምሮ ህመም ህመም ምልክቶች መሆናቸው ተነገራቸው::

ምልክቶቹም :-

▪️ውፍረትን ከልክ በላይ መፍራት

▪️ወፍረናል በሚል ምክንያት ራሳቸውን በማስራብ ክብደት ለመቀነስ መሞከር፤  አንዳንዶቹ ደግሞ ብዙ ከበሉ በኋላ ማስታወክ

▪️ከልክ በላይ ራሳቸውን በማስራባቸው ለተለያዩ የጤና ችግሮች መጋለጥን እንደሚያካትት ገልጾላቸው

ህክምናውን በተመለከተም ለጠየቁት ጥያቄ:-

▪️ራስን በማስራብ ምክንያት የተከሰቱ የጤና ችግሮችን ማከም

▪️ቤተሰብን ያማከለ ባህርይ ላይ ያተኮረ እና ሃሳብን እና ድርጊትን የመግራት  የስነልቦና ህክምና፥

▪️ እንዲሁም እንደአስፈላጊነቱ በመድሃኒት የሚደረግ ህክምናን እንደሚያካትት አስረድቷቸው ፤ ህሊናም ህክምናዋን እንድትጀምር ተደርጎ ጥሩ ለውጥ ማሳየት ችላለች::
NB- ህሊና የምናብ ስም ነው::😊

አሻም!
ዶ/ር እስጢፋኖስ እንዳላማው- የአዕምሮ ህክምና ስፔሻሊስት

✍ታዚ

RISK FACTORS SUCIDE


[Ref: Niraj Ahuja ele p. 236, 237; Essentials of psychiatry 4th/e p.
734
Causes/Risk factors for suicide
Psychiatric disorders: - Depression (most common), alcoholism (2nd
mc), Drug/Substance dependence, Schizophrenia, Dementia.
Physical illness: - Cancer, AIDS, Multiple sclerosis, Head trauma.
Psychosocial factors: - Failure in love marital difficulties, family
dispute, illegitimate pregnancy.
Biological factors: - Decrease in serotonin
Other - Male sex, Age > 40 years, Single (Unmarried, divorced or
widowed), previous suicide attempt, social isolation.

✍ tazi

ከአእምሮ ህክምና ጋር የተያያዙ ትክክል ያልሆኑ ግምቶች
==============================
የአእምሮ ሀኪም ጋር ሲኬድ ምንድነው የሚያጋጥመው? አንዳንድ ሰዎች ምን እንደሚጠብቁ ስለማያውቁ ለመሄድ ያመነታሉ፡፡ ከአእምሮ ህክምና ጋር ተያይዞ የሚነሱ የተሳሳቱ ግምቶች፦

የአእምሮ ህክምና ራሱን ለማያውቅ ሰው ነው፡፡

አንዳንድ ሰዎች በጓደኞቻቸው፣ በቤተሰብ ወይም በሀኪም የአእምሮ ህክምና እንዲያደርጉ ሲመከሩ ደስተኛ አይሆኑም፡፡ "እኔ ራሴን አውቃለሁ፡፡" ይላሉ፡፡ ከባድ የአእምሮ መረበሽ ያለባቸው ሰዎች ህክምና ያስፈልጋቸዋል፡፡ ነገር ግን የአእምሮ ህክምና ከሚያስፈልጋቸው ሰዎች አብላጫውን ቁጥር የሚይዙት የስራ ጫና ያለባቸው፣ የልጅ አስተዳደግ የሚያስጨንቃቸው፣ ትዳራቸው/የፍቅር ህይወታቸው የሚያሳስባቸው...ወዘተ ናቸው፡፡

የአእምሮ ሀኪሞች አእምሮ ያነብባሉ፡፡

የአእምሮ ሀኪም አእምሮ የሚያነብ የሚመስላቸው ሰዎች አሉ፡፡ "ይሀው መጥቻለው አንብቡና መድሀኒት ስጡኝ" አይነት አቋም ይዘዉ የሚመጡ ፡፡ የዚህ አይነት ግምት ምንጩ ባህላዊና ሀይማኖታዊ ህክምናዎች ናቸው፡፡ አእምሮ አናነብም!! ታካሚን ለመረዳትና ለመርዳት የሚሰማውንና የሚያስበውን ማወቅ ያስፈልጋል፡፡ ብዙ ጥያቄዎች ልንጠይቅ እንችላለን ሆኖም ታካሚዎች ምቾት የማይሰጣቸው ከሆነ ያለመመለስ ፍላጎታቸውን እናከብራለን፡፡ በተጨማሪም ራስን ወይም ሌላን ሰው ስለመጉዳት ካልሆነ በቀር የምንነጋገራቸው ነገሮች በሀኪም እና በታካሚ መሀከል የሚጠበቅ ሚስጥር ነው፡፡

የኔን አይነት ነገርማ ተሰምቶ አይታወቅም፡፡

አንዳንድ ሰዎች ያጋጠማቸው ሁኔታ ወይም የሚያስቡት ሀሳብ የሚከብድ ነው ብለው ሲገምቱ ተረካቸውን ለማስተካከል ይሞክራሉ፡፡ ሁሉም ሰው የየራሱ ታሪክ ቢኖረውም ተመሳሳይ ነገር ውስጥ ያለፉ ሰዎች ታሪክ ከመፅሀፍት ወይም በስራቸን ያጋጥመናል፡፡የምንሰማው ነገር ለመጀመሪያ ጊዜ የምንሰማው አይሆንም፡፡ ሰዎች ስለ አእምሮ ህመምም ሆነ ስለህክምናው መድልዖ እና መገለልን በመፍራት እርስበርስ አያወሩም፡፡ ስለዚህ ሁሉም ከአለም ተነጥሎ ብቻውን አየታመመ ያለ ይመስለዋል፡፡

በአጠቃላይ አብዛኞቹ የአእምሮ ህመሞች ሰዎች በጊዜ ህክምና ካገኙ ጥሩ ውጤት ይኖራቸዋል፡፡ ነገር ግን በተሳሳተ ግምት ምክኒያት ሰዎች አስፈላጊውን ህክምና ህመሙ ቀላል እያለ ሳያገኙ ይቀራሉ። ስለ አእምሮ ህክምና ግንዛቤ እንዲስፋፋ የሁላችንንም ጥረት ይጠይቃል።

በዩቲዩብ የአእምሮ ጤና መረጃ ለማግኘት https://www.youtube.com/@dryonaslakew3386
ያለ አእምሮ ጤና፤ ጤና የለም!!!
ዶ/ር ዮናስ ላቀው

ወተት ከተበላሸ እርጎ ይሆናል፤ እርጎ ግን ከወተት የበለጠ ዋጋ አለው። ወተት የበለጠ የከፋ ከሆነ ወደ አይብነት ይቀየራል። አይብ ግን ከእርጎ እና ከወተት የበለጠ ዋጋ አለው።

የወይን ጭማቂ ወደ ጎምዛዛነት ከተለወጠ ወደ ወይን ጠጅ ይለወጣል፤ ይህም ከወይኑ ጭማቂ የበለጠ ውድ ያደርገዋል።

ስህተት ስለሰራህ አበቃልህ ማለት አይደለህም። ስህተቶች እንደ ሰው የበለጠ ዋጋ እንዲኖርህ የሚያደርጉ ልምዶች ናቸው።

ክሪስቶፈር ኮሎምበስ አሜሪካን እንዲያገኝ ያደረገው በአሰሳው ወቅት ስህተት በመስራቱ ነው።

የአሌክሳንደር ፍሌሚንግ ስህተት ፔኒሲሊን እንዲፈጥር አድርጎታል።

ስህተቶችህን እንድትወድቅ ሳይሆን የተሻለ  እድሎችን የምትፈልግባቸው መሰላል አድርጋቸው።

ፍጹም የሚያደርገን ልምምድ አይደለም። ፍፁም የሚያደርገን የተማርንባቸው ስህተቶች ናቸው!

አስተማሪ ሆኖ ካገኛችሁት ሌሎችም ይማሩበት ዘንድ #like #copylink #share #ማድረግን አትርሱ 🙏
🚢🚢🚢
"ማንበብ ፋሽን ነው።"
Noah book delivery
✍tazi

“ውስጥ ያሉት መውጣት ካልቻሉ ፥ ውጭ ያሉት መግባት ካልፈለጉ፤ መቃብር ስፍራ ለምን በግርግዳ እንደሚከለል ግራ ይጋባኛል።” 🧐

                       ፦Mark twain
✍ tazi

ያልዳነው ቁስላችን መዘዝ!

በአንድ ሰው ምክንያት ከደረሰበት ጉዳትና ቁስል ያልዳነ ሰው የዚያን ጉዳትና ቁስል መዘዝ እድሜ ልኩን በሚያገኛቸው ሰዎች ሁሉ ላይ ሲያራግፍ ይኖራል፡፡ ይህ ሁኔታ ደግሞ የሌሎችን ሰዎች ሕይወት ከመጉዳቱ በተጨማሪ የራሱን ሕይወት ፍሬ ቢስ ያደርገዋል፡፡

ከልጅነት በወላጅ የደረሰብን ጥቃት ቁስል . . . በተለያዩ ሰዎች የደረሰብን የስነ-ልቦና፣ የአካልና የወሲብ ጥቃት ቁስል . . . በፍቅረኛ፣ በትዳር አጋርና በሌሎች ሰዎች የደረሰብን የመገፋት ቁስል . . . ተገቢው ሕክምና ካልተደረገለት መዘዙ ከእኛ አልፎ ለሌሎች ይተርፋል፡፡

ሰዎችን አለማመን፣ ሰዎች መውቀስ፣ በሰዎች ላይ ነጭናጫነት፣ በሄዱበት ሁሉ የበላይ ለመሆን መታገል፣ ለመሪዎች አለመታዘዝ፣ አመጸኛነት፣ ለፍቅረኛና ለትዳር አጋር የማይመችና ውሉ የማይገኝ ባህሪይ . . . ያልዳነ ቁስል ምልክቶች ናቸው፡፡

ጸሎት ማድረግ ካለባችሁ ጸልያችሁ፣ ምክር ማግኘት ካለባችሁ ተመክራችሁ፣ ማንበብ ካለባችሁ አንብባችሁ . . . ምንም እድርጋችሁ ምንም ከዚህ ቁስል ካልዳናች የራሳችሁን ሕይወት ፍሬ የሌለው፣ የሌላውን ሰው ሕይወት ደግሞ ሰላም የሌለው እንዳደረጋችሁት ዘመናችሁ ያልቃል፡፡

ሁኔታውን ዝም አትበሉት! አንድ ነገር አድርጉ! እርምጃ ውሰዱ!

Dr Eyob mamo
✍ tazi

ወርሃዊው የሜንታል ሄልዝ አዲስ መርሃ ግብር ቅዳሜ ሰኔ 29 ቀን 2016 ዓም አትላስ አካባቢ በሚገኘው በአዶር አዲስ ሆቴል ከቀኑ 10፡00 ሰዓት ላይ ይደረጋል::

የዚህ ወር ርዕስም፡- “A Journey to Deal with Secondary Trauma of Health Professionals and Gender-Based Violence Survivors” የሚል ሲሆን የዚህ ወር እንግዳችን ዶ/ር ሰብለ ሃይሉ ናቸው፡፡

ለመታደም ይህን መስፈንጠሪያ ይጫኑና ይመዝገቡ፡፡
https://forms.gle/gMnmRBBSfhR7YyYB6

የማስታወሻ መልእክት እና የቦታውን አቅጣጫ ምልክት ለማግኘት የቴሌግራም ቻናላችንን ይከተሉ https://t.me/mhaddisababa

The monthly Mental Health Addis’ event has come and it will be held on July 6, 2024 at Adore Addis Hotel (near Atlas) in the afternoon at 10:00 local time.

This time the topics are “A Journey to Deal with Secondary Trauma of Health Professionals and Gender-Based Violence Survivors”

Our guest speaker is Seble Hailu (PhD).

To attend please register by filling this Google form:-
https://forms.gle/gMnmRBBSfhR7YyYB6
To get a reminder and get direction please join our Telegram Channel: https://t.me/mhaddisababa

#mentalhealth #AdoreAddis
#mentalhealthawareness
#talkmentalhealth
#mentalhealthmatters

እባካችሁን ተጋበዙልኝ ምርጥ ፕሮግራም ነው🙏🙏🙏።

ማታ ስተኛ እፈራ ነበር

አንዲት ሴት እንዲህ ስትል ጠየቀችኝ፣ “ሙሉ ጤነኛ ወጣት ነኝ፣ ሆኖም ባለፈው ዓመት በየማታው ስተኛ እንደምሞትና የነገዋን ቀን እንደማላያት እየተሰማኝ በፍርሃት ነበር የምተኛው፡፡ በዚህ ዓመት ይህ ስሜት የተወኝ መስሎኝ ነበር ነገር ግን እንደገና እንደዚያ አይነት ስሜት እየጀመረኝ ይመስለኛል፡፡ ምን ላድርግ?”

የዚህች ሴት ሁኔታ ችግሩ ለሌለብን ሰዎች ቀላል ቢመስልም ለእሷ ግን ከባድ ነው፡፡ መልሱ የሚነሳው ግን በምክንያታዊና በምክንያት-የለሽ ፍርሃቶቻችን መካከል ከመለየት ነው፡፡

አመቱን ሙሉ ማታ ስትተኛ እንደምትሞትና ነገን እንደማታይ ሲዋሻት የነበረውን ስሜቷን አሁንም ማመኗ የምክያት-የለሽ ፍርሃት ሰለባ መሆኗን ጠቋሚ ነው፡፡

በሕይወታችሁ ፍርሃት ካለባችሁ ከሁሉም ቀድማችሁ ይህ ስሜት ምክንያታዊ የመሆኑንና ያለመሆኑን ጉዳይ ለዩ፡፡

ካለምንም ምክንያት የምትፈሩትን ፍርሃት ማስወገጃው መንገድ ስሜት ላይ፣ ስነ-ልቦና ላይና ካለፈው ታሪካችን የመጣ መዘዝ ላይ መስራት ነው፡፡

ምክንያት ኖሯችሁ የምትፈሩትን ፍርሃት ማስወገጃው መንገድ ሁኔታው እንዳይደርስ የምትችሉትን ነገር ማድረግና ያንን ካደረጋችሁ በኋላ ግን ከአቅማችሁ በላይ የሆነውንና ምንም ነገር ብታደርጉ መለወጥ የማትችሉትን ነገር ለፈጣሪ በመተው አረፍ ማለት ነው፡፡

አትፍሩ!

✍tazi

Anxious Preocupied Attachment Style

ከሰዎች ጋር የምታረጉት ማንኛውም አይነት የቅርርብ ወይም የ connection አይነት Attachment Style ይባላል። የእናንተን attachment Style በማወቃችሁ ከሰዎች ጋር በምታደርጉት ማንኛውም አይነት ግንኙነት ላይ የተፈጠሩትን ስህተቶች ማወቅ ትችላላችሁ።  አራት አይነት Attachment styles አሉ። ከአራቱም አንዱን ልንገራችሁ። በምትገቡበት Relationship ውስጥ ለዛ ሰው ብቁ እሆን አልሆን እያላችሁ የምትጨነቁ ከሆነ፣ Overthinker ከሆናችሁ ማለትም ከዚያ ሰውጋ ያወራችሁት ነገሮች አእምሯችሁ ላይ በተደጋጋሚ እያወጣችሁ እያወረዳችሁ የምትጨነቁ ከሆነ በራስ፣ መተማመን እናሙዳችሁ አንዴ ከፍ አንዴ ዝቅ እያለባችሁ የምትቸገሩ ከሆነ፣ በዋነኝነት ደግም Constant Reassurance የምትልጉ ማለትም በዛ ሰው ህይወት ውስጥ ቦታ እንዳላችሁ አሁንም አሁንም በተደጋጋሚ ካልተነገራችሁ ሰላም የማይሰማችሁ ከሆተ Anxious Preocupied Attachment Style ትጠቀማላችሁ ማለት ነው።

ይሄን style የሚጠቀሙ ሰዎች በሚገቡበት R/ship ውስጥ የፍቅረኛቸውን ደስታ አስቀድመዎ የራሳቸውን ደስታ ይዘነጉታል። በR/ship ውስጥም እንደሚፈልጉት ያህል ትኩረት ካልተሰጣቸው ይለዩኝ ይሆን እያሉ በጣም ይጨነቃሉ። ስለሚጨነቁም ምንም ያህል የማይገባቸው ነገር Relationship ውስጥ ቢፈጠር ለራሳቸው መቆም ሆነ ያንን r/ship ማቆም ይከብዳቸዋል።
ይህም ባህሪ የሚዳብረው ከልጅነት ሲሆን On and Off ከሆኑ አሳዳጊዎች ካደጉ ማለትም ይህ የሚሆነው ፍቅራቸውን አንዴ ከሚሰጡ አንዴ ደገሞ ዝም አሳዳጊዎች ነው።Incosistent በሆነ ቤተሰብ ውስጥ ማደግ ማለትም ከአሳዳጊዎቻቸው ጋር ያላቸው ግንኙነት ጥሩ የሚባል ቢሆንም አሳዳጊው ልጁ በዛ ሰዓት የሚያስፈልገውን ነገር ለማሟላት ሁሉንም ሰዓት አልተገኘም ወይም ደግሞ በተደጋጋሚ በሚፈለግበት ቦታ ላይ አልተገኘም ማለት ነው። ይህ ድግግሞሽ አለው እናም ይህ ድግግሞሽ ነው የልጁን አዕምሮ Programming የሚሰራው ። ስለዚህ ከእንዲህ አይነት Attachment Style ካላቸው ልጆች እጅግ በጣም ለሰው የሚሰጡት ቦታ ከፍ ያለ ይሆንና ግን ሁሌ ሰው ትቶኝ ሊሄድ ይችላል የሚል ፍራቻ ኖሯቸው ነው የሚያድጉት።

ለዚህም መፍትሔ የሚሆነው ትኩረታቸውን ከሌላው አንስተው ወደ ራሳቸው እንዲያደርጉ ራስን በማሰልጠን ነው።

✍በኃይሉ(ታዚ)

ከተለመደው ወጣ በሉ!

አብዛኛው ሰው ለገጠመኙ የሚሰጠውን ምላሽ አትከተሉ፡፡ ከተለመደው ወጣ በሉ! ለየት በሉ!

• ድክም ሲላችሁ ተስፋ መቁረጥን ሳይሆን ማረፍን ልመዱ፡፡

• ሰዎች ትተዋችሁ ሲሄዱ እነሱን ሲከታተሉ መጦዝን ሳይሆን ለብቻችሁ ጊዜን መውሰድን ልመዱ፡፡

• ስሜታችሁ ሲረበሽ “ለምን ስሜቴ ተረበሸ” ብላችሁ የበለጠ መረበሽን ሳይሆን ተረጋግታችሁ መንስኤውንና መፍትሄውን ማግኘትን ልመዱ፡፡

• ስትሳሳቱ ራስን መውቀስና በጸጸት ታስሮ መኖርን ሳይሆን ራስን ይቅር በማለትና ከሁኔታው ትምህርትን በማግኘት እንደገና መሞከርን ልመዱ፡፡

• ሰዎች እናንተን ማግኘት ደስተኛ ካልሆኑ ከመደበት ይልቅ ከእነሱ ውጪ ደስተኛ መሆንን ልመዱ፡፡

በሁኔታዎች አትወሰዱ! ከሁኔታዎች ውስጥ መልካም ነገርን መውጣት ልመዱ! ይለመዳል!

መልካም ቀን !
ዶር እዮብ ማሞ
✍ታዚ

ለማን እንደምትሰጡ አስቡበት

ጊዜያችሁን፣ ገንዘባችሁን፣ ትኩረታችሁን . . . ለማን እንደምትሰጡ በሚገባ አስቡበት፡፡

ሰዎቹ ብትሰጧቸው፣ ብትሰጧቸው የማይበቃቸውና በሰጣችኋቸው መጠን እንደገና የሚጠይቁ ከሆኑ ምናልባት እነዚህን እንቁ የሆኑ ሃብቶቻችሁን ትክክለኛ ባልሆነ ሰው ላይ እያፈሰሳችሁ ነው፡፡

ትክክለኛዎቹ ሰዎች . . .

• የምትሰጧቸውን ነገር ያከብራሉ እናንተንም ያመሰግኗችሁማል፡፡

• የምትሰጧቸውን ነገር እንድ እድል እንጂ እንደመብታቸው አይቆጥሩትም፡፡

• መስጠት ባልፈለጋችሁ ወይም ባልቻላችሁ ጊዜ አይነጫነጩም፣ አይከሷችሁም፡፡

• በሰጣችኋቸው ነገር ተጠቅመው ያድረጉበታል እንጂ ባሉበት አይረግጡም፡፡

• በተቻላቸውና አቅማቸው በፈቀደ መጠን ለእናንተም አንድን ነገር ለማድረግ ይሞክራሉ፡፡

አብዛኛውን ጊዜ ከላይ የተጠቀሱትንና መሰል ውብ ነገሮቻችሁን ካለፍላጎታችሁ ለሰዎች የመስጠት ሁኔታው ውስጥ ካገኛች . . .

1. ምናልባት በሰዎች ተቀባይነት የማግኘት የማይሞላ ጥማት ስላለባችሁ ያንን ለማግኘት እየሞከራችሁ ነው

2. ምናልባት ሰዎች እንደ ክፉ እና ጨካኝ ሰው ያዩኛል የሚል መሰረተ-ቢስ ፍርሃት ይኖርባችኋል

ለአንዳንድ ሰዎች ካለምን ቅድመ-ሁኔታ ሁሉን ነገር ለመስጠት የመፈለጋችሁ ትክክለኛነት እንደተጠበቀ ሆኖ፣ ተገቢውን ነገር ለተገቢው ሰው፣ በተገቢው ጊዜና በተገቢው መጠን መስጠትን ካልተለማመዳችሁ ሁኔታው አንድ ቀን ሊጎዳችሁ ይችላል፡፡

dr eyob mamo
✍ታዚ

የመነመነ ማንነት

በአካል ከተለያችኋቸው ወራትና ዓመታት ካስቆጠራች በኋላ፣ እንደገና እንደማታገኟቸው እያወቃችሁ በሃሳባችሁና በስሜታችሁ ለመለየት ያልቻላችኋቸው ሰዎች ጉዳይ ሕይወታችሁን ያመነምነዋል፡፡

በቀን ውስጥ ሳታስቧቸው መዋል ካቃታችሁ . . . ስለ እነሱ ስታስቡ ስሜታችሁ የሚወርድባችሁ ከሆነ . . . ከእነሱ ውጪ ኑሮ የማይገፋ ከመሰላችሁ . . . የሌላ ሰውና ሁኔታ ነገር አልጥም ካላችሁ . . . ተስፋ ቢስነት ከተጫጫናችሁ . . . አስቡበት!

ለመነሻ የሚጠቅሟችሁ ሃሳቦች

• ከእነሱ ውጪ መኖር እንደምትችሉ ራሳችሁን አሳምኑ፡፡

• ራሳችሁን በጤናማ ልምምድና ዓላማችሁን በመከተል “Busy” አድርጉ፡፡

• እነሱን የምታስታውሱባቸውን ነገሮችና ሁኔታዎች ማየትን፣ መስማትን . . . ለመቀነስ ሞክሩ፡፡

• እነሱን ለመርሳት ስትሉ በሚገባ ካላሰባችሁበት ግንኙነትና ሁኔታ ራሳችሁን ጠብቁ፡፡

• ወደፊት እንድትራመዱ የሚደግፏችሁን ሰዎች ለይታችሁ እወቁና ከእነሱ ጋር አዘውትሩ፡፡

ራሳችሁን አትጣሉ! ስሜታችሁንና ሃሳባችሁን መለስ አድርጉ! ቀና በሉ!

ይህቺ ሕይወት የተሰኘት ሂደት ገና ብዙ ነገር እንደገና እንድትጀምሩ የማድረግ እውነታ ስላላት እንደገና መጀመርን ልመዱ!

dr eyob mamo
✍ታዚ