እኔ ለማኝ ነኝ!
፨፨፨/////፨፨፨
ከራስ ጋር ንግግር፦ "ለምኑ ታገኙማላችሁ ጠይቁ ይሰጣችሁማል የሚለውን አምላካዊ ቃል በውስጤ ማመላለስ ከጀመርኩ ጀምሮ ልመና የማንነቴ አካል ጥያቄም የዘወትር ስራዬ ሆኗል። አንድ የማላፍርበት ስራዬ ቢኖር ልመናዬን ነው። ቆሜም ሆነ ተንበርክኬ፣ ተሰብሬም ሆነ እራሴን አውቄ፣ በሰው ፊትም ሆነ ብቻዬን አምላኬን ስማፀን ፈጣሪዬን ስለምን ያሻኝን አባቴን ስጠይቅ አንዳች ሀፍረት አይሰማኝም፣ ምንም የሚያስፈራኝ ነገር የለም። ቃሉ እንኳን ከእርሱ አንደበት ወጥቶ ይቅርና እንዲሁ በደቀመዛሙርቱ ቢነገር እንኳን አምንበት ዘንድ ግድ ይለኛል። ምክንያቱም ፅድቅም ሆነ ትርፍ የሚገኘው ከእምነት እንጂ ካለማመን አይደለምና። አምኜ ስኖር ህይወት ትቀለኛች፣ ነፍሴ በአምላኬ ህያው ቃል ትረሰርሳለች፣ ባለራዕይ እሆናለሁ፣ ዘወትር በእምነቴ ፍሬ ስደነቅ እኖራለሁ። የምለምነው በፈጠረኝ ጌታ ላይ ያለኝ እምነት ፅኑ ስለሆነ ነው። ጠይቄው ያጣውት ነገር የለም፣ ለምኜው የከለከለኝ ነገር የለም። የሆነልኝ ሁሉ የሚገባኝ ነውና አንድም ቀን የተነፈኩት አሳስቦኝ አያውቅም።

አዎ! እኔ ለማኝ ነኝ፣ እኔ ጠያቂ ነኝ። አምኖ የሚለምን፣ አምኖ የሚጠይቅ፣ ልመናው እንደሚሆንለት ጥያቄውም እንደሚመለስለት የሚያምን ሰው ነኝ። እግዚአብሔር አምላክ ልጆቹን ሲወዳቸው እምነት የተባለን ግሩም ፀጋ ሰጣቸው። ተራራን የሚያክል ግዙፍ ነገር ቅንጣት በምታህል እምነት ቦታ ማስቀየር ይችሉ ዘንድ ፍቃድ ሰጣቸው። ምንም እንኳን ተራራን የሚያንቀሳቅስ እምነት ባይኖረኝም በፈጣሪዬ ድንቅ ስራ የሚያስተማምነኝ፣ በጥያቄና በልመናዬ ምላሻ እንዳምን የሚያደርገኝ ጥቂትም ብትሆን እምነት አለኝ። ከአምላኬ ጋር ባለኝ ግንኙነት ሁሌም እኮራለሁ፣ ፈጣሪዬ ስለሰጠኝ ክብርና ሞገስ ዘወትር ደስ ይለኛል። ልጅነቴ ህያው ነው፣ አባትነቱ ህያው ነው። በህይወት እስካለሁ ድረስ ያሻኝን ሁሉ ስለምነው እኖራለሁ፣ እስከ ገባኝ ድረስ ዝቅ ብዬ እማፀነዋለሁ፣ ሳላቋርጥ ስሙን እጠራለሁ፣ በእርሱ እታመናለሁ፣ በፍቃዱና በህጉ ህይወቴን ለመምራት እሞክራለሁ። የሰጠኝ ፀጋ ሳልጠቀመው እንዲያልፍ አልፈልግምና እለምነዋለሁ፣ እጠይቀውማለሁ፣ የሚገባኝ ከሆነም ይሆንልኛና በእምነትም እጠብቀዋለሁ።"

አዎ! ጀግናዬ..! ግሩም ፀጋ አለህ። የህይወትን ድንቅነት የምትረዳበት፣ ምኞትህን የምታሳካበት፣ ህልምህን እውን የምታደርግበት እጅግ ድንቅ ፀጋ አለህ። የተሰጠህ ፀጋ ከሰውነትህ ጋር የታደለህ ነውና ማንም እንዴትም ሊወስድብህ አይችልም። ሰውነትህ በእምነት ያሻህን የምታገኝበትን ፀጋ ሰጥታሃለች። ጠይቀህ የሚቀርብህ ነገር ከሌለህ ስለምን ደጋግመህ አትጠይቅም? ለልመና በማጎንበስህ፣ ለተማፅኖ በማቀርቀርህ ክብርህ ካልተነካ፣ ሞገስህን ካላጣህ፣ ጤናህ ካልተቃወሰ ስለምን ደጋግመህ አትለምንም? ስለምን ደጋግመህ አትማፀንም? የምታቀረቅረው ለግብዙ የሰው ልጅ አይደለምና ሀፍረት አይሰማህ፣ የምታቀረቅረው ሰጪውና መሃሪው ህያው አባትህ ፊት ነውና አንዳች እንዳትፈራ። እርሱ ይምርሃል እንጂ እንደ ሰው አይከስህም አልያም አይፈርድብህም። በእግዚአብሔር ፊት ዝቅ ያሉ በዓለም የሚነኩትን ከፍታ ማንም ሊነካው አይችልም። መንፈሳዊ ህይወትህን በእምነትህ ሙላው፣ ታይቶ ከሚጠፋው የስጋና የዓለም ጥማት ከመጠመድ ትኩረትህን ሁሉ መንፈሳዊ ብልፅግና ላይ አድርግ።

✍ታዚ

ክብርሽን እያሰብሽ..!
፨፨፨፨////////፨፨፨፨
መጪ ሁሉ አላፊ ነውና "ምን ሊያደርገን ነው" የተባሉ ብዙ አስከፊ ጊዜያት አልፈዋል፤ ቸርነት ተደርጎልን ክፋቱን ተሻግረናል፤ መከራውን ተወጥተናል። ብዙ የደስታ፣ የሃሴት፣ የማግኘት ጊዜያትም አልፈዋል። በልጅነት አዕምሮ፣ በወጣትነት እሳቤ የሚያረጅ የለም። እድሜን ተከትሎ የሚመጣ እውቀትና ማስተዋል አለ። የዛሬ ልጅነትሽ፣ የዛሬ ወጣትነትሽ ምንም እንኳን መማሪያሽ ቢሆን እያወቁ ተሳስቶ ለመማር መሞከር ግን ትልቅ ዋጋ ማስከፈሉ አይቀርም። የዛሬ ተግባርሽ ነገም ይከተልሻል፤ የቀረበሽ ሁሉ ታሪክነቱን ለመቀበል ቢሞክር እንኳን ላንቺ ግን በእውቀት አስበሽ ያደረግሽው ነውና በእራስሽ ማዘንሽ አይቀርም። ነገር ግን ይህም ድርጊትሽ ያልፍና ወይም ያኮራሻል ወይም ያሳፍርሻል።

አዎ! ጀግኒት..! ዛሬ የተዝናኑብሽ ነገ ይፈርዱብሻል፤ ዛሬ ያሞገሱሽ ነገ ይዘልፉሻል፤ ዛሬ ያበረታቱሽ ነገ ይሳለቁብሻል፤ ያዝኑብሻል፤ ይፈርዱብሻል። እራስሽን ለማንም ግልፅ ማድረግሽ፣ ገሃድ ማውጣትሽ ችግሮችሽን አይቀርፍም፤ ብዙ ሃሳብ መቀበል ከጭንቀት አያወጣሽም። ተግባርሽ ማንነትሽን ቁልጭ አድርጎ ያሳያል። ቦሃላ የፈለግሽን ነገር እስከፈለግሽው ልታወሪ፣ ልታስተባብይ፣ ምክንያት ልትደረድሪ ትችያለሽ ካደረግሽው ነገር፣ ከፈፀምሽው ተግበር፣ ሆነሽ ከታየሽው ነገር በላይ ግን በፍፁም ተቀባይነት ሊያገኝ አይችልም።

አዎ! ክብርሽን እያሰብሽ፣ ሴትነትሽን ጠብቂ። አብዝተሽ ለድርጊቶችሽ ተጠንቀቂ፤ የማያልፍ ጊዜ የለም። የዛሬ መጥፎ ድርጊትሽ የሚያሳቅቅሽ፣ ሰው ፊት ለመቆም የሚሸማቅቅሽ ጊዜ ይመጣል። ትማሪያለሽ፣ ታድጊያለሽ፣ ትለወጪያለሽ "እንዴት እንደዚ አደርጋለሁ? ምን ሆኜ ነው?" የምትይበት ጊዜ ይመጣል። ደግሞ ሩቅ አይደለም በቅርብ ይከሰታል። ምን ስላደረግሽ ይመስልሻል ብዙ ተመልካች ያገኘሽው? በብዙዎች ድጋፍ የተቸረሽ? ብዙዎች የሚወዱሽ? ትልቅ ታሪክ ስለሰራሽ? ሃገርን ስላስጠራሽ? ቤተሰብሽን ስላኮራሽ? በፍፁም አይደለም። ዋናው ምክንያት ትኩረትሽ አንቺ ሳትሆኙ ተመልካቾችሽ ስለሆኑ ነው። እያንዳንዱ ተግባርሽ ስህተትና እንደማይጠቅምሽ ብታውቂም ጭብጨባውና ጩሀቱ ግን ትክክል እንደሆነ እንድታስቢ ያደርግሻል። የስራሽ ትክክለኛነት ማረጋገጫ ውጫዊው ጭብጨባ ሳይሆን የውስጥ ሰላም፣ የውስጥ እርካታ ነው። ተደነኩኝ፣ ተወደድኩኝ፣ ተሞገስኩኝ ብለሽ የሰውነትሽን ገደብ፣ የማንነትሽን ልኬት አትለፊ። ትልቁን የሴትነት ክብር አለሽና ክብርሽን በስስት ጠብቂው፤ አስቢው።

አዎ! ጀግናዬ..! እልፍ አዕላፍ ተከታይ፣ ቁጥር አልባ ተመልካችና አድናቂ ቢኖርህ ስራህ ልክ የሚሆነው ለገዛ ህሊናህ ነው። ነገ የኋሊት ስትመለከት የምትቆጭበት ስፍራ አትገኝ፤ የሚያሳፍርህን ስራ አትስራ፤ ልብህ እያወቀው ለማስመሰል አትሳሳት፤ በማይሆን ተግባር እውቅናን አታግኝ። ማምሻም እድሜ ነውና በቻልከው መጠን ነገህን እያሰብክ ዛሬህን በሚያስደስትህና መልካም በሆነ ተግባር ላይ አሳልፍ።

✍ታዚ

ተወርዋሪ ኮከቦች

ተወርዋሪ ኮከቦች (Shooting Stars) መቼ እንደመጡ ሳናውቃቸው በድንገት ከተከሰቱ በኋላ ብዙም ሳይቆዩ በድንገት የሚሰወሩ ፍጥረቶች ናቸው፡፡ ዛሬ እዚህ ተከስተውና ታይተው ባለፉበት ፍጥነት ሌላ ቦታም እንደዚሁ፡፡

ልክ እንደተወርዋሪ ኮከብ ዛሬ እዚህ ነገ እዚያ የሚሉ ሰዎች በሕይወታችሁ ላይ የሚያመጡት ጉዳትና ክስረት በምንም አይተመንም፡፡ ይህ ክስረት እንዳይደርስባችሁ ከፈለጋችሁ ብቸኛውና ዋነኛው መንገድ ለሰዎች ጊዜን መስጠት ነው፡፡ የሰዎችን እውነተኛነትና “ቋሚ ኮከብነት” ከሚያሳዩ ነገሮች መካከል ዋነኛው መሳሪያ ጊዜ የሚባለው ነው፡፡

በድንገት በሕይወታችሁ ለተከሰቱ ሰዎቸ ጊዜ እንዲፈትናቸውና እውነተኛ የመነሻ ሃሳባችውንም ሆነ ማንነታቸውን ኩልል አድርጎ እንዲያወጣላች ከፈለጋቸሁ ለሁኔታው በቂ ጊዜን ስጡት፡፡

ጊዜ መስጠት ለሁለት ነገር ይጠቅማችኋል፡-

1.  እውነተኛ ሰዎች ብቻ መቆየት የሚችሉበትን ሁኔታ በመፍጠር እውነተኛ ያልሆኑት እንዲያልፉ ያጣራላችኋል፡፡

2.  በወቅቱ የስሜታችሁ ሁኔታ ተገፋፍታችሁና ተታላችሁ ውሳኔ ውስጥ እንዳትገቡ እናንተን ያረጋጋችኋል፡፡

ሰዎች “ቋሚ ኮከቦች” ይሁኑ ወይም “ተወርዋሪ ኮከቦች” ይሁኑ ለመለየት ጊዜ መስጠት ማለት የሚከተሉትንና መሰል ወሳኝ የሆኑ ነገሮች ሳታጋሩ መቆየት ማለት ነው፡፡

የጊዜን ፈተና ላላለፈ ሰው በፍጹም . . .

1.  ገንዘብና ንብረት (ቁሳቁስ) አታጋሩ

2.  ከፍቅር ጋር የተያያዘ ስሜታችሁን አታጋሩ

3.  የግል ምስጢራችሁን አታጋሩ

አንድ ጊዜ እነዚህንና መሰል የግል ሁኔታችሁን ካጋራችሁ በኋላ የሰዎቹ እውነተኛ ማንነት ሲገለጥና በመጡበት ፍጥነት ሲያልፉ፣ የልባችሁን ቁራጭ ቦጭቀው ይዘው ነው የሚሄዱት፡፡ ከዚያም፣ ያንን የተቦጨቀውን ልባችሁን ስታክሙና፣ ቡጫቂውን ይዘው የሄዱትን ሰዎች ስትፈልጉ እድሜያችሁን ታሳልፋላችሁ፡፡

ፈጣሪ የሰላም ሕይወት ይስጣችሁ!   

✍ታዚ

የለውጥ ሂደቶች

▪️ሰዎች በህይወት ዘመናቸው በተለያዩ የለውጥ ሂደቶች ያልፋሉ:: ለውጥ በአንድ ጀምበር አይመጣም:: ሂደት ነው:: ብዙ መውደደቅና መነሳቶች: ብዙ ተስፋ ሰጪና ተስፋ አስቆራጭ ጊዜያቶች ታልፈው ነው ስኬት ላይ የሚደረሰው:: ምናልባት አንዳንዶቹ እድል: ብርታት ወይንም ብልጠት በታከለበት ሁኔታ ነገሮች ቶሎ ተፈጽመውላቸው ይሆናል::

▪️እንደ Prochaska እና DiClemente እይታ ከሆነ: መለወጥ በሽክርክሪት ይመሰላል::

▪️ ለዛሬ ለዚህ ጽንሰ ሃሳብ አስረጅ እንዲሆነን: ሱስ የማቆም ሂደትን እንመለከታለን

▶️ Pre-contemplation/ቅድመ ውጥን:-

▫️ በዚህ የለውጥ ሂደት ላይ ያሉ ሰዎች ስለችግሮቻቸው ያላቸው ግንዛቤ እምብዛም ነው::

▫️ብዙ ሱስ አስያዥ እጾችን የሚጠቀሙ ግለሰቦች: ሱሱ በሚታይ ሁኔታ አሉታዊ ተጽዕኖ እያደረሰባቸው ቢሆን እንኳን: ችግሩን አምኖ ከመቀበል ይልቅ: ምንም ችግር እንዳልተከሰተባቸው በመካድ (denial) እና ሱሰኛ እንዳልሆኑና ማቆም ከፈለጉ በየትኛውም ጊዜ ማቆም እንደሚችሉ ሲናገሩ ይስተዋላል:: በዚህ ወቅት የባለሙያው ሚና እነዚህን ጉዳቶች እንዲያስተውሏቸው (impact assessment): እጽ ተጠቃሚ መሆናቸው የጠቀማቸውንና የጎዳቸውን ነገር (pros and cons) እንዲዘረዝሩ በማድረግ ነገሮችን እንዲያሰላስሉ መፍቀድ ይሆናል::

▶️ Contemplation/ውጥን-

▫️በዚህ የለውጥ ሂደት ላይ ያሉ ሰዎች ስለ ችግሩ እውቅና ይኖራቸዋል:: ንግግሮቻቸው በመለወጥና ባለመለወጥ ሃሳቦች መሃል ይዋልላሉ::

▫️ 'እጹን መጠቀሜ ከባለቤቴ ጋር እንዳጋጨኝ አውቃለሁ: ግን ደሞ ጓደኞቼን ሳገኝ መጠቀሜ አይቀርም: የክፋ ቀን ወዳጆቼን ማጣት ደሞ አልፈልግም' አይነት ንግግሮች ይስተዋላሉ::

▫️ብዙዎቹ የዕጽ ተጠቃሚዎች እዚህኛው ደረጃ ሲደርሱ ወደ ባለሙያ እርዳታን ለማግኘት የማቅናት እድላቸው ይጨምራል::

▫️በዚህ ወቅት የባለሙያው ሚና ወደ መለወጥ ሃሳቦች እንዲዘነብሉ ማበረታታት ይሆናል::

▫️ የችግሩን ግዝፈት እንዲረዱ እና ለውጥ ለማምጣት ብቁ እንደሆኑ እንዲገነዘቡ በማድረግ ወደ ቀጣዩ ምዕራፍ ማሻገር ይቻላል::

▶️ Preparation/ የዝግጅት ምዕራፍ

▫️በዚህ ደረጃ ላይ ሲደርሱ የመለወጥ ውጥናቸው ሚዛን መድፋት ይጀምራል::

▶️ Action/ ተግባራዊ የመለወጥ ስራዎች

▫️የለውጥ ስራዎቻቸው መታየት ይጀምራሉ:: የሚጠቀሙትን ሱስ መጠን ሲቀንሱ: ከፍ ሲልም ሲያቆሙት ይስተዋላል::

▫️በዚህ ሂደት ውስጥ ያሉ ሰዎች: የለውጥ ሂደቱን የሚያሳልጡ መሰረታዊ ክህሎቶችን እንዲማሩ ይደረጋል::

▶️  Maintenance/ ለውጥን ማስቀጠል

▫️በዚህ ሂደት ላይ ያሉ ሰዎች: የቀድሞ ባህርያቸው እንዳያገረሽ ስራን ይፈልጋል::

▶️ Relapse/ ወደ ቀደመ ባህርይ መመለስ

▫️ሰዎች በተለያዩ ምክንያቶች ወደቀደመ ባህርያቸው ሊመለሱ ይችላሉ:: እነዚህ ምክንያቶችን መለየትና መስራት መቋቋምያ መንገዶችን መፈለግ ያሻል::

▪️የሱስ ማቆም ህክምናዎች እነዚህ የለውጥ ሂደቶቾን መሰረት አድርገው ይካሄዳሉ::
▪️በግል ወይንም በቡድን ሊሰጡ ይችላሉ::
▪️የሱስ ማቆም ህክምናን ለማግኘት የተለያዩ የህክምና ተቋም አማራጮች በመዲናችን ይገኛሉ::
▪️በቀጣይ ስለ ህክምና አማራጮቹ እንቃኛለን::

Reference
- Curriculum based motivational group by Ann Fields and Internet

ቸር ይግጠመን!
ዶ/ር እስጢፋኖስ እንዳላማው: የአእምሮ ህክምና ስፔሻሊስት

✍ታዚ

ትርጉሙን አስብ!
፨፨፨/////////፨፨፨
ባንተም ይሁን በወዳጅህ፣ በቤተሰብህም ሆነ በቅርብ ዘመድህ ላይ የሚደርስ ነገር ሊያስከፋህና ሊያሳዝንህ ይችላል። ነገር ግን ሀዘንህ ለመፍትሔ የሚያቀርብህ፣ መከፋትህም ለእርዳታ የሚዘጋጅህ ሊሆን እንደሚገባ አስተውል። ከንፈር መጦ፣ እንባ አፍስሶ፣ አንገት ደፍቶ ብቻ ዝም ማለት ትርጉም የለውም። እውነተኛ አዛኝ ከሃዘኑ በላይ መፍትሔ የሚፈልግና እንባ ለማበስ የሚሯሯጥ ነው። ሰው ለሰው ምንያክል እንደሚያስፈልግ ብዙ ነገር ደርሶብህ አይተህ ይሆናል። ወዳጅህ ቢወድቅ እጅህን ዘርጋለት፣ ቢታመም አሳክመው፣ ቢቸገር ድረስለት፣ ሲደክመው አበረታው። በክፉ ጊዜ አብሮህ የሚሆን ወዳጅህ የምርም የልብ ወዳጅህ ነው፤ በልብህ የሚኖረው ስፍራ እጅጉን የተለየ ይሆናል። በውስጥህ የሚፈጥረው ስሜት ሁሌም መልካምና ደግ ሰው እንድተሆን ያደርግሃል።

አዎ! ጀግናዬ..! ምንም ቢገጥምህ፣ ምንም ቢደርስብህ ትርጉሙን አስብ። የደረሰብህ በደል ሳይሆን የምትሰጠው ምላሽ የበደሉን ትርጉም ያዛባል፤ ሃይል ባይኖረው እንኳን ሃይል ይሆነዋል፤ ጉዳቱ ያነሰ ቢሆንም የከፋ ያደርገዋል። ማንም ቢበድልህ ካንተ መበደል በላይ እርሱን ለበደል ያበቃውን ምክንያት ለመረዳት ሞክር። የሰው ልጅ በጤናው ክፉ አይሆንም፤ በሰላም በሰው ውድቀት ጮቤ አይረግጥም፤ ያለምክንያት መጥፎ ነገርን ለሰው አይመኝም። ነገሮች ሁሉ በምክንያት ከመሆናቸው አንፃር የእያንዳንዱ ሰው ደርጊት የጀርባ ታሪክ ይኖረዋል። ሰውነት በእራሱ መልካምነት ነውና ደግ የሚያደርግን መልከመልካም ሰው ጀርባውን ማጥናቱ አስፈላጊ ላይሆን ይችላል። የክፋት ካባ የለበሰ፣ በቅናት የታወረ፣ በጥላቻ የተተበተበ ሰው ግን በጤናው እዚህ ጤና ቢስ ስሜት ውስጥ እንደማይገባ እርግጥ ነውና ስለሁኔታው መመርመር ተገቢ ነው።

አዎ! ጊዜያዊ ድርጊታቸው የሰዎችን ማንነት አይገልፅም፤ ማንም ቢሆን ባለፈ ታሪኩ አይወከልም። የትናንት ጭካኔያቸውን በዛሬ ርህራሔ የተኩ ሰዎች አሉ፤ የትናንት ምሬታቸውን በዛሬ ምስጋና የቀየሩ ሰዎች አሉ። የሰው ልጅ በህይወት እስካለ ድረስ ህይወቱን በሙሉ በተዓምር የተሞላ ማድረግ ይችላል። በማንም ከመፍረድህ በፊት፣ የማንንም ድርጊት የተለየ ትርጉም ከመስጠትህና የማይሆን ስም ከመለጠፍህ በፊት ሰውዬውን መርምር፣ ጀርባውን አጥና፤ የድርጊቱን ትርጉም አስብ። በቻልከው መጠን ሰዎች እንዲረዱህ የምትፈልገውን ያክል ሰዎችን ለመረዳት ሞክር። ስለሆነው የምትሰጠው ትርጉም እንዳያጠፋህ ተጠንቀቅ። ዋጋ የሚያስከፍልህ፣ ወዳልተገባ መንገድ የሚመራህ፣ ለማይሆን አኳሃን የሚያዳርግህ የደረሰብህ ነገር ሳይሆን የሰጠሀው ትርጉም እንደሚሆን አስተውል።

✍ታዚ

በሥራ ቦታችሁ ላይ መፈጸም የሌለባችሁ 3 ስህተቶች!

1) በፍጹም የሥራ ባልደረቦቻችሁን ሁሉ ጓደኞቻችሁ አድርጋችሁ አታስቡ፣
2) በፍጹም ለሥራ ባልደረቦቻችሁ የግል ሚስጥሮቻችሁን አታካፍሉ፣
3) በምትሰሩበት መሥሪያ ቤት አሠራርና ፖሊሲ ባትስማሙ እንኳን በፍጹም ለሥራ ባልደረቦቻችሁ አትንገሯቸው።

የሥራ ቦታችሁ ማለት ለሰራችሁት ሥራ የሚከፍላችሁ ቦታ ነው። ስለሆነም ስራችሁን ሥሩ፣ ክፍያችሁን ውሰዱ፣ ወደ ቤታችሁ፣ አለቀ።

በሥራ ቦታችሁ የግድ የቅርብ ጓደኛ መመስረት አይጠበቅባችሁም። ሥራችሁን አክብሩ፣ በምትችሉት አቅም ምርጥ አድርጋችሁ የተሰጣችሁን ኃላፊነት ተወጡ።

እንዲህ ማድረጋችሁ ለብዙ ነገር ይጠቅማችኋል።

1) ከተቀጠራችሁበት ቦታ ወጥታችሁ በራሳችሁ ለመስራት ትችሉ ዘንድ የራሳችሁን ውሳኔ ብቻ ተጠቅማችሁ በነጻነት እንድታደርጉት፣ እንዲሁም የሌሎችን ይሁንታ እንዳትጠይቁና በራሳችሁ የምትተማመኑ እንድትሆኑ ያደርጋችኋል።

2) በጓደኝነትና በቤተሰባዊ ቅርርቦች ምክንያት መሥሪያ ቤታችሁን እንደ "ምቾት ቀጠና" በመቁጠር ከለመዳችሁት ቦታ እንዳትወጡ የሚያደርጋችሁን ወጥመድ ትሰብራላችሁ፣

3) በሥራ ቦታችሁ ውስጥ በሚመጡ የኃላፊነት ውድድሮች፣ ስኮላርሺፖችና እድገቶች ለመሳተፍ ግንባር ቀደም ተወዳዳሪ ለመሆን በችሎታችሁ እና በሥራችሁ ብቻ ለመወዳዳር ያስችላችኋል። ይህም ብዙ ሰው ጋር ዝምድና በፈጠራችሁ ቁጥር ቤተሰባዊነት ስለሚሰማችሁ በይሉኝታ እድሎችን አሳልፋችሁ ለሌሎች እንዳትሰጡ ያግዛችኋል።

4) በመሥሪያ ቤታችሁ ውስጥ በሚፈጠሩ ኪሳራዎች፣ ጥፋቶችና የሥራ ውድቀቶች አብራችሁ ተጠያቂ እንዳትሆኑ ያደርጋችኋል። ይህም ማለት በመሥሪያ ቤቱ ውስጥ በሚደርሱ ማንኛውም ጥፋቶች ቤተሰባዊ ቅርርብ በመኖሩ ብቻ ለሚደርሱ ጥፋቶች አብራችሁ ተሳታፊዎች ወይም ተወቃሾች ስለምትሆኑ፣ ሥራችሁ ላይ ብቻ ማተኮራችሁና ብዙ ቅርርብ አለመፍጠራችሁ አብሮ ከመፈረጅ ብሎም ከመቀጣት ያድናችኋል።

5) በሥራ ቦታችሁ ውስጥ "እምቢ/አይሆንም" የሚለውን አቋም ማንጸባረቅ እንድትችሉና በማትስማሙበት ነገር የራሳችሁን አቋም እንድታንጸባርቁ ያደርጋችኋል።

6) ሀሜተኝነት፣ ጭፍን ጥላቻን፣ ጭፍን ፍረጃንና አግላይነትን እንደ ቀላል ነገር እንዳትለማመዱ ያደርጋችኋል።

©Psych Addis - ሳይክ አዲስ
✍ታዚ

መፍትሄው እኛው ጋር ነው!

• ቀኑን ሙሉ የሚያቆይ አቅም ካጣችሁ - ለምን በጊዜ በመተኛትና በቂ እንቅልፍ ማግኘት አታስተካክሉትም?

• የሰውነታችሁ አቋም ሁኔታ ካሳሰባችሁ - ለምን አመጋባችሁንና የአካል ብቃት እንቅስቃሴ ልማዳችሁን በማስተካከል አታርሙትም?

• ማከናወን ለምትፈልጓቸው ወሳኝ ነገሮች ጊዜ እንዳጣችሁ ከተሰማችሁ - ለምን የማሕበራዊ ሚዲያውንና የቻቱን ጊዜ በመወሰን መፍትሄ አትሰጡትም?

• የገንዘብ እጥረት ካለባችሁ - ለምን ስራ አትሰሩም? ለምን ተጨማሪ ስራ አትፈልጉም? ለምን ሌላው ሰው መስራት የመይፈልገውን ስራ በመስራት ራሳችሁን አታሻሽሉም?

• እውቀት እንደሌላችሁ ከተሰማችሁ - ለምን አታነቡም? ለምን ስልጠናን አትወስዱም? ለምን በመማር እውቀታችሁን አታሰፉም?

• ሰዎች ችላ ያሏችሁ ሲመስላችሁ የመገፋት ስሜት የሚያጠቃችሁ ከሆነ - ለምን የራሳችሁን ዓላማ በመከታተል ራሳችሁን “ቢዚ” አታደርጉም?

ከላይ በተጠቀሱትና በሌሎች የተለያዩ የሕይወታችሁ መስኮች ላይ ራሳችሁን ማሻሻል ከፈለጋችሁ የሚከተሉትን የግብ አወጣጥና ትግበራ ሂደቶችን መከተል ይጠቅማችኋል፡፡

1. የት ነው ያለሁት?

2. የት መድረስ ወይም ምን ማከናወን እፈልጋለሁ?

3. መቼ ነው ተከናውኖ ማየት የምፈልገው?

4. እዚህ ግብ ለመድረስ እንደምችል ውስጤ አምኖበታል?

5. እዚህ ግብ ላይ ለመድረስ ሊገጥሙኝ የሚችሉ እንቀፋቶች ምንድን ናቸው?

6. እነዚህን እንቅፋቶች በምን መልኩ ነው የማልፋቸው?

7. ወደዚህ የተሻለ ስፍራ ለመግባት ራሴን በምን መልክ ማሻሻል አለብኝ?

8. ወደዚህ ግብ ለመድረስ ሊያግዘኝ የሚችል ሰው ማን ነው?

9. ከዚህ ግብ የማገኘው ጥቅም ምንድን ነው?

10. በየቀኑ፣ በየሳምንቱ፣ በየወሩና በየዓመቱ ማከናወን ያለብኝ ነገሮች ምንድን ናቸው?

ግልጽ የሆነን ግብ በማውጣት ወደፊት የማይንቀሳቀስ ሰው ከተወሰኑ ዓመታት በኋላ ራሱን ኋላ ቀር ሆኖ እንደሚያገኘው ምንም ጥርጥር አይግባው፡፡

✍ታዚ

በፍጹም ተስፋ እንዳትቆርጡ!

“አንድ እድሜ ልኩን ማየት የተሳነው ሰው አይኑ ሲበራለት መጀመሪያ የሚጥለው እድሜ ልኩን ምርኩዝና ምሪት ሆኖ ያገለገለውን በትር (ዱላ) ነው” ይባላል፡፡

“አንድ ሕጻን ጥርስ ሲያወጣ መጀመሪያ የሚነክሰው ያለፉትን ወራት ሲመግበው የነበረውን የእናቱን ጡት ነው” ይባላል፡፡ 

በጎ ነገር በማድረጋችሁና ጨዋ ማንነት በመያዛችሁ ምክንያት በሰዎች የደረሰባችሁ ነገር ምንም ያህል ቢጎዳችሁና ስሜቱ ደስ ባያሰኝም፣ እናንተ ላይ ብቻ የደረሰና አዲስ ነገር ግን አይደለም፡፡

ከደረሰባችሁ ሁኔታ የተነሳ ጨዋ ማንነታችሁን አትጣሉ!

✍ታዚ

አብዛኛዉ የዚህ ዘመን ወጣት ራሱን ያጣበትን Social Media እና Mass Media  ደፍረው የማያነሱትን ሀሳብ  ዛሬ እናንሳለን.....
.....በውስጥ የተላከልኝ ነው

በዚህ ቻናል በምትለቋቸው አስተማሪ ታሪኮች ብዙ ተምሬያለሁ።አንዳንዶቹ ከኔ ህይወት ጋርም ተቀራራቢነት አሏቸው በዚህ ምክኒያት የኔንም ታሪክ ሌሎች ቢማሩበት ብዬ ለማቅረብ ወደድኩ::

በ pornography ህይወቴ የተለከፈው ገና በ11 አመቴ ሲሆን በቤተክርስቲያን ውስጥ ስልክ ይዘው በሚመጡ እና በዛ ጊዜ ስልክ ባለቸው የሰፈር ልጆች ነበር። ለ13 አመት ያህል ተጫውቶብኛል።በሰው ስልክ በማየት የጀመረ እያለ በተገዛልኝም ስልክ ቀጠለ እያለ Masterbution ጀመርኩ የህይወቴ ፍዳ ጀመረ። ሱስ እንደሆነብኝ ሳላውቅ እጅግ ተዘፈኩ ሲከፋኝ የምደሰትበት አማረጭ ሆነ ራሴን በዛውስጥ መደበቅ ጀመርኩ  አንዳንድ አዳዲስ ባህሪያትን ማስተናገድ ጀመርኩ በጣም ሀፍረት ይሰማኛ ጀመር የበታችነት የራቁትነት  ስሜት  ሰው ሀሉ ስለኔ ሚያስብ የሚያየኝ ነው የሚመስለኝ ይሄን ስሜት ለመሸሽ ስል እዛው ውስጥ ተደበቁ በጣም አስመስላለሁ እምቢ ማለት እየፈለኩ ማለት ይከብደኛል በከፍተኛ ፍርሀት ውስጥ ወደኩ ለማን ልናገር ማን ይርዳኝ ጫፏ ድረስ ሄድኩ በሳምንት 3 አያለሁ ከ3 በላይ ማስተርቤሽን አደርጋለሁ ይህን ማንም ከኔ ውጪ ቤተሰቦቼ ጓደኞቼ ማንም አያቅም በጣም ንፁህ እኔደሆንኩ አስመስላለሁ። ባጠቃላይ pornography ህይወቴን ሰለበው ሞገሴን አጣሁ ማንነቴን ሰው ፌት ያልበኛል ዘላብዳለው ትኩረት ማድረግ አልችልም ብዙ ማስተርቤሽን ከመድረጌ የተነሳ ልፍስፍስ ነኝ ጠዋት ስነሳ ወገቤን እታመማለሁ ህይወቴ ማጡ ውስጥ ገባ ከ 1000 ጊዜ በላይ ልተው ቃል ገባሁ ነገም እዛው ላይ ንሰሀ መግባት ደከመኝ ይቆጨኛል ብዙ ለሊቶች ሰው ተኝቶ እኔ አይን እስኪደማ ድረስ ያየሁበት ጊዜ ጠዋት ስነሳ ራሴን ከሰው አንሼ አገኘኂለሁ ። መንፈሳዊ ህይወቴ ደነዘዘ ማህበራዊ ህይወቴ በአስመሳይነት ተሞላ  አካላዊ ድቀት ደረሰብኝ መልኬ ተበላ ወዜ ሳቄ ተወሰደ ድንገጥ ራቁትነት ሀፍረት ወጣትነቴ ተነጠቁ ። ሰው ለካ ከውስጥ ነው ምንም ቢለበስ ቢበላ ሰውነት ለካ የሰው ሞራሉ ላይ ነው። ባጠቃላይ ራሴን አጣሁ!

        ምንጭ:‑ ፍልስፍና ከሚል ቻናል የተገኘ
    
            እርዳታ የምትፈልጉ የፖርን ሱስ ያለባችሁ አትሸማቀቁ አናግሩኝ @umbeya

✍ታዚ

የዕለቱ ሐሳብ

ጌታን የሚያየው ልብ ነው፤ ንጹሕ ካልሆነ ደግሞ አጥርቶ አያይም፤ ልባቸውን ሁልጊዜ የሚያጠሩ—የሚቀድሱም—የታደሉ ናቸው፤ "ልባቸው ንጹሕ የሆነ ብፁዓን ናቸው፤ እግዚአብሔርን ያዩታልና" (ማቴ 5፥8)። ፍጹም አምላክና ሰው የሆነው ጌታ ይህንን ገለጠው። እርሱ በምድር ላይ ሳለ የሚያይም፣ የሚታይም ነበር፤ እንደ ሰው አባቱን አይቷል፤ እንደ አምላክም 'በንጹሐን' ታይቷል። በጊዜና በሁኔታዎች መካከል መለኮት ብዥ ካለብን፣ የመጀመሪያው ጥያቄ መሆን ያለበት ይህ ነው፦ 'ልባችን እንዴት ነው?' ልብን የሚያነጻው ደግሞ ራሱ ጌታ ነው፤ መንጻቱን የሚፈልጉ ጌታቸውን ይጠይቃሉ። ዳዊት በምኞት ተደናቅፎ ኅጢአት ላይ ከወደቀና በናታን በኩል ከተወቀሰ በኋላ፣ “ንጹሕ ልብ ፍጠርልኝ” (51፥10) ብሏል። ልብ ካልነጻ ደግሞ አካልም መቆሸሹ አይቀረም፣ ልብ "የሕይወት ምንጭ ነውና።" እግዚአብሔርን በልባቸውና ከልባቸው የሚያዩም በዕረፍትና በአድናቆት የተሞሉ ይሆናሉ።
🙏🙏🙏

✍ታዚ

ድንቅ ታሪክ|| ይነበብ

የስኬትህን ጠላት!

ከዕለታት በአንደኛው ቀን ሰራተኞች ቢሮ ሲገቡ ከመግቢያው በሩ ላይ የተፃፈ ማሳሰቢያ ቢጤ ይመለከታሉ። "በካምፓኒው ውስጥ እድገታችሁን ሲያደናቅፍ የነበረው ግለሰብ በትናንትናው ዕለት ስላረፈ በስርዓተ-ቀብሩ ላይ እንድትቀላቀሉን እንጋብዛችኋለን" ይላል። የመስራያ ቤት የስራ ባልደረባቸው ስላለፈ ብዙሃኑ ሰራተኞች አዘኑ።

ዳሩ ግን ቢከፉም ሁሉም ተደነቁ። "ምንም እንኳን ቢሞትም እድገቴን ሲያደናቅፍ የነበረው ሰውዬ ግን ማን ነበር?"ሲሉ አሰቡ። ለማየትም ጓግተው አንድ በአንድ ከሬሳ ሳጥኑ እየቀረቡ ቢመለከቱ ድንገት የሚናገሩት ቃል ጠፋቸው። አልጠበቁም። ሌላ ሰው ጥልቅ ስሜታቸውን የነካ ይመስል ከሬሳ ሳጥኑ አጠገብ ቆመው ፈዘው ዝም አሉ።
የሬሳ ሳጥን ከውስጡ መስታወት ቢሆን እንጂ አንዳችም አልነበረውም። ሁሉም ወደ ውስጥ ቢመለከቱ ያዩት የራሳችውን ምስል ብቻ ነው። ከመስታዎቱ አጠገብ አንድ ጥቆማ ሰፍሯል። "ስኬትህን የመገደብ ብቃት ያለው አንድ ግለሰብ አለ፤ እሱም እራስህ ነህ"።

✍ታዚ

Trauma reenactment(የጥቃት አዙሪት)
****
'ሌላሰው' ከተሰኘው የዶክተር ምህረት ደበበ መጽሃፍ አንድ ታሪክ ላይ ተመስርተን አጭር ዳሰሳ እናድርግ::

በመጽሃፋ ምዕራፍ 25 ላይ ምስጢረ ከዶክተር ሌላሰው ጋር ስላልተሳኩ የፍቅር ግንኙነቶቿ እና ለምን አስቸጋሪ ወንዶች አፈቀርንሽ በሚል ሰበብ እስኪታክታት እንደሚከታተሏትና ሰላሟን እንደሚነሷት ግራ እንደገባት ታዋየዋለች::

በንግግሯ መሃል በአፍላነቷ በቅርብ የቤተሰብ አባሏ የደረሰባትን የመደፈር አደጋ ታነሳ እና.. አሁንም ድረስ የደፋሪዋን ጥላ እየተከተለች የምትኖር ያህል እንደሚሰማት ትገልጻለች::

ዶክተር ሌላሰው ይሄንን ታሪኳን በ Sigmund Freud Repetitive compulsion/Trauma reenactment (የአደጋ አዙሪት/ድግግሞሽ) ጽንሰ ሃሳብ ያብራራላት ይመስላል::

የደረሰባት አደጋም ለራሷ፣ ለሌሎች በአካባቢዋ ስላሉ ነገሮችና ስለ መጻኢው  ያላትን አረዳድ እንዴት ሊለውጠው እንደቻለ ይገልጽላታል::

በዚህ ሂደት ውስጥም መብቷን የሚጥሱ ነገሮች ቢያጋጥሟት እንኳን 'እኔ እንዲህ ስለሆንኩ ነው..' የሚል የበታችነት ስሜትና ራስን የመውቀስ ዝንባሌ ስለሚያይልባት ለመብቷ ጥብቅና ለመቆም እንደተቸገረች..ይህም ለተጨማሪ አደጋዎችና የመብት ጥሰቶች ሊያጋልጣት እንደሚችል ያስረዳታል::

ገጽ 260...'አንዳንድ ሰዎች ሰብአዊ ክብራቸውን የሚገፏቸውና እንደፈለጉ የሚጫወቱባቸውን ሰዎች እንኳ እንደ አውነተኛ አፍቃሪ የማየትና  በስቃይ ውስጥ የመኖር ዝንባሌ ሊያሳዩ ይችላሉ....' ይላታል::

ይህም ለወንዶች ያላት ዝንባሌ እንዲዛባ እና የፍቅር ግንኙነቶቿም ያልተሳኩ እንዲሆኑ እንዳደረገባት ያስረዳታል::

ይህ የጥቃት አዙሪት/ድግግሞሽ በልጅነታቸው ባልበሰለ አዕምሯቸው ጾታዊ/አካላዊ/ስነልቦናዊ ጥቃትን ባስተናገዱ ሰዎች ላይ ይስተዋላል::

ከጽሁፋ እንደተረዳሁት፣ ምስጢረ Complex PTSD የሚመስል ችግር ውስጥ እያለፈች ይመስላል::

ስለ Complex PTSD እና የህክምና ሂደቱ በቀጣይ ይዤላችሁ እቀርባለሁ::

አሻም!

ዶ/ር እስጢፋኖስ እንዳላማው-የአዕምሮ ህክምና ስፔሻሊስት

✍ታዚ

ራስን ማታለል (Bad Faith)

በሕይወትህ ለምን ያህል ጊዜ ለውድቀትህ ሌሎች ሰዎችን ወይም ሁነቶችን ወቅሰህ ታውቃለህ? እንዲህ ባይሆን ኖሮ እንዲህ እሆን ነበር' ብለህስ ታውቃለህ? አለቃህ፣ መምህራኖችህ፣ ወላጆችህ የሆነ ነገር እንድታደርግ አስገድደውህ ያውቃሉ?

የሃያኛው ክ/ዘመን ፈላስፋ የሆነው ዣን ፖል ሳርት እነዚህን ሃሳቦች በአንድ ሰብስቦ “bad faith' ብሎ ይጠራቸዋል። ይህም ራስን ማታለልን ያመላክታል። ብዙውን ጊዜ በሕይወት ላይ አማራጭ እንደሌለን ለራሳችን እናሳምነዋለን፡፡ ይህን ያደርግነው እንዲህ ስለሆነ ነው የሚል ምክንያትም ከድርጊቶቻችን ጀርባ እናስቀምጣለን። አሁን ላለንበት ደረጃ ያበቁንን አስገዳጅ ምክንያቶች እና ሰበቦች እንደረድራለን፡፡ ራስን ማታለል በዙሪያችን እስር ቤት የመገንባት ያህል ነው።

ማህበረሰቡ ባስቀመጠልን አስገዳጅ ህጎች አልያም ልማዶች ራሳችንን ወስነን በነጻነት ከመምረጥ እንገደባለን፡፡ ለምሳሌ ሜሴጅ እንደላከልሽ ወዲያውኑ አትመልሽለት” አይነት ተራ ሕጎች ጀምሮ እስከ በዳኛ የተደነገጉ ሕጎች ድረስ - የመምረጥ ነጻነታችን ይገደባል።

እናም ራስን ማታለል (bad faith) የሚጀምረው ለውድቀታችን እነዚህን ህጎች ተጠያቂ ስናደርግና በእነርሱ ውስጥ ስንሸሸግ ነው::

እናም ከማህበረሰቡ ተውስን የምንወስዳቸው ብዙ ጭንብሎች አሉን፡፡ በብዙ የሕይወት ክፍሎቻችን ላይ እንዲህ መሆን አለብህ ስለተባልን ልክ እንደ ተዋናይ ሆነን እንተውናለን፡፡
ነገር ግን ይለናል ሳርት፤ ህግ፣ ደንብ፣ ባህል እና ወዘተ... ከመምረጥ አያግዱንም፡፡ ምርጫዎችን የመምረጥ እና የመወሰን ፈቃዱም በእኛ እጅ ላይ ነው ያለው፡፡

በእያንዳንዷ ቅጽበት፣ በእያንዳንዱ ቀን ምርጫዎች አሉን። በእያንዳንዱ ሰከንድም የወደድነውን የመምረጥ ነጻነት አለን። ይህንን ነፃነት ምንም አይነት ነገር ከእኛ ሊቀማን አይችልም፡፡ ነጻ ለመሆንም የተገባን ነን።

በዚሁ ልክም ለእያንዳንዱ ምርጫዎቻችን ውጤት የምንጠየቀው እኛ ብቻ ነን። ቀድሞውኑ በሚገባ አመዛዝነን ካልወሰንን እና መንገዳችን ወደ መጥፎ መዳረሻ ካደረሰን፣ ከእኛ ውጪ ልንከሰው የሚገባ አካል አይኖርም፡፡ ጥፋታችንንም ከማመን ውጪ ማንም ላይ ማላከክ የለብንም፡፡

ነጻ ነህ ... ነጻነትህን ተጠቅመህ መንገድህን ምረጥ...

ምንጭ-ፍልስፍና ከዘርዓ ያዕቆብ እስከ ሶቅራጠስ

✍ታዚ

➖➖➖➖➖❤️➖➖➖➖➖

ጥሩ እድል ሊሆንም ላይሆንም ይችላል”   ጣፋጭ ታሪክ


       በአንድ መንደር ውስጥ የሚኖር አንድ ገበሬ ነበር። ከእለታት አንድ ቀን የዚህ ገበሬ ፈረስ ይጠፋል። የመንደሩ ሰው ሁሉ ተሰብስቦ ወደ ገበሬው ቤት በመሄድ ሃዘናቸውን ይገልጹለታል።እንዲህ ሲሉ ” ፈረስህ በመጥፋቱ አዝነናል፤ እንደው ምን አይነት መጥፎ እድል ነው?” ሲሉት። ገበሬው መልሶ “መጥፎ እድል ሊሆንም ላይሆንም ይችላል” ብሎ መለሰላቸው።በበነጋታው የጠፋው ፈረስ ሌሎች ሰባት ፈረሶችን አስከትሎ መጣ። ይህንን የተመለከቱ የሰፈሩ ሰዎች ወሬውን ይሰሙና ወደ ገበሬው ቤት በመሄድ እንዲህ ይሉታል።” የሚገርም እኮ ነው፤ አንድ ፈረስ ነበረህ አሁን ስምንት ፈረሶች ሆኑልህ። እንደው ምን አይነት ጥሩ እድል ነው?” ገበሬውም ” ጥሩ እድል ሊሆንም ላይሆንም ይችላል” ሲል መለሰላቸው።ሲነጋ የገበሬው ልጅ ከስምንቱ ፈረሶች አንዱን ሰርቆ ሊጋልብ ሲሞክር ፈረሱ አሽቀንጥሮ ይጥለውና ልጁ እግሩን ይሰበራል።ወሬውም በሰፈሩ ሁሉ ተሰማ። እንደ ልማዳቸው የሰፈሩ ሰዎች ተሰባስበው ” ውይ የልጅህ መሰበር እንዴት ያሳዝናል ባክህ? እንደው ምን አይነት መጥፎ እድል ነው?” አሉት። ገበሬውም መልሶ ” መጥፎ እድል ሊሆንም ላይሆንም ይችላል” ሲል እንደልማዱ በእርጋታ መለሰላቸው። በቀጣዩ ቀን የመንደሩ የጦር ተቆጣጣሪ፤ ወጣቶችን ለጦር ሜዳ ሊመለምል ወደ መንደሩ ይዘልቃል። የሁሉንም ቤት ወጣት ወንዶች ለጦርነት ሲመለምል ከፈረስ ላይ የወደቀውን የገበሬውን ልጅ ግን እግሩ ስለተሰበረ ሳይወስዱት ቀሩ።ይሄኔ የመንደሩ ሰዎች ተሰባስበው ወደ ገበሬው በመሄድ እንዲህ አሉት “አየህ ልጅህ እግሩን በመሰበሩ ወደጦር ሜዳ ሳይወሰድ ቀረ፤ እንደው ምን አይነት ጥሩ እድል ነው?” ገበሬው ግን አሁንም እንዲህ አላቸው ” ጥሩ እድል ሊሆንም ላይሆንም ይችላል”

እናም .....................................................

ብዙን ጊዜ በኑሮዋችን ውስጥ አንድ ነገር ሲከሰት በችኮላ “መጥፎ” ወይም “ጥሩ” እድል በማለት እንፈርጃለን። መልካም ያልነው ነገር መጥፎ ነገር ይዞ ሲመጣ፤ መጥፎ ያልነው ነገር ደግሞ መልካም ነገር ይዞ ብቅ ሲል፤ ዳኝነታችን መሰረት የሌለው እንደሆነ እንረዳለን። ወደ ኋላ መለስ ብለን የመጣንበትን ብንቃኝ፤ በእርግጠኝነት በአንድ ወቅት መጥፎ እድል ናቸው ብለን የፈረጅናቸው በኋላ ላይ ግን መልካም ነገር ይዘውልን የመጡ የህይወት አጋጣሚዎችን እናገኛለን። እኛ ግን ቀድመን “መጥፎ” እና “ጥሩ” እድል እያልን ነገሮችን ስንከፋፍል፤ አይምሮዋችን አስቀድሞ ነገሮችን ስለሚዳኝ ጭንቀት በጊዜው ከሚሆነው ነገር ጋር እንዳንስማማ ያደርገናል። የገበሬው አመለካከት ግን እጅግ የሚደንቅ ነው። የሚገጥሙት ነገሮች ምን ይዘው እንደሚመጡ ስለማያውቅ “መልካም” እና “መጥፎ” እድል እያለ እራሱን ላልተጠበቀ ሃዘን አያዘጋጅም።የፈረሱ መጥፋት መጥፎ እድል ነው ብሎ ለማለት አልደፈረም። ምክንያቱም የሆነው ነገር ምን ይዞ እንደሚመጣ ስላላወቀ። ፈረሱ ሌሎች ፈረሶችን ይዞ ሲመጣም “መልካም እድል” ብሎ ሊደመድም አልወደደም፤ እንደሰወኛ ብናስብ እነዛ ፈረሶች ባይኖሩ ልጁ አይሰበርም ነበር። የልጁን መሰበርም እንደ መጥፎ እድል ሊወስደው አልፈለገም፤ እንደሰወኛ ግን ልጁ እግሩ ባይሰበር ኖሮ፤ እንደሌሎቹ የሰፈር ወጣቶች ከአባቱ ተነጥሎ ወደ ጦር ሜዳ በተወሰደ ነበር።
እንዲህ አይነት አመለካከት ከአልታሰበ የስሜት መናወጥ ያድናል፤ እርግጥ ነው ቀላል አይደለም። ነገር ግን በህይወት መንገድ ላይ ስንጓዝ የሚገጥሙን ሁኔታዎች ጊዜ ብቻ የሚፈታው ሚስጥር በውስጣቸው አለ። ነገሮች ሁሉ ወደ በጎ እየተቀየሩልን እግዚአብሔርን ባማረርንበት አፋችን እንድናመሰግነው ያደረገን አጋጣሚ በሁላችንም ህይወት ውስጥ አለ። በአንጻሩ በስንት ልመና ያገኘነውን ነገር ምነው ባትሰጠኝ ኖሮ ብለን ያማረርንበትም ጊዜ ይኖራል። በዚህ አለም ላይ
ያለምክንያት የሚሆን ምንም ነገር የለም። ምናልባት አሁን እያለፍነበት ያለው ፈተና እና የኑሮ ጦርነት እድላችንንን እንድንማረር እያረገን ይሆናል፤ ነገ የሚመጣውን ግን አናውቅም። የእኛ ድርሻ መሆን ያለበት ሁሉንም እንደአመጣጡ መቀበልና ነገር ሁሉ ለበጎ ነው ብለን
ለእግዚአብሔር መተው ነው።መጽሐፍ ቅዱስም እንዲህ ይላል “ሁሉም ነገር ለበጎ ነው”ዛሬ ሁሉም ነገር ቢጨልምብህ ለበጎ ነው ብሎ ማለፍ ተረት ብቻ አይደለም፡፡ ጨለማ በጎ ነገሮችን ይዞ ለመምጣቱ ህይወት እራሷ ታስተምረናለችና  ።
🔺🔺🔺🔺🔺😀😀😀😀😀

       
       ┉┉✽‌»‌✨❣✨»‌✽‌┉┉
 
🦋🙏ከወደዱት ሼር🙏🦋

      ‌‌‌‌‌‌‌  ይ 🀄️ላ🀄️ሉን! ➢

✍ታዚ

ከገንዘብ ውጭ የምር ደስተኛ የሚያደርጋችሁ ነገር ምንድን ነው???

✍ታዚ

​❤️❤️❤️❤️ለወንዶች❤️❤️❤️❤️

ወንድሜ ሆይ ወንድነት ወይም አራድነት ማለት ቆንጆ የተባለች ሴትን ሁሉ እያሳደዱ የውሸት ተረት እየነገሩ በማሳመን ለጊዜያዊ ስሜት ተጠቅሞ እንደ ርካሽ እቃ መጣል አይደለም። ሲጀምር ሴት ልጅ እራሷን አሳልፋ የምትሰጥህ አምናህ ነው መታመን ደግሞ ትልቅ ሀላፊነት ነው መወጣት የማትችለውን ሀላፊነት ደግሞ አትውሰድ። ላንተ ቀላል ሊመስልህ ይችላል ለእሷ ግን በጣም ከባድ ነው የአእምሮ፣ የስነልቦና ቀውስ፣ ተስፋ መቁረጥ ያልሆነ ማንነት ውስጥ መግባት፣ የበታችነት ስሜት ለብዙ ብዙ ነገር ይዳርጋታል አንተስ ከዛ ምን ተጠቀምክ?? አንተ ያደረከውን ሌላው እህትህ ላይ ቢያደርገውስ?? እህት ባይኖርህ ነገ ሴት ልጅህ ላይ እንደማይደርስ በምን እርግጠኛ ነህ?? ሁሉም የዘራውን ማጨዱ አይቀርም ይልቅ ጊዜህን አታጥፋ ካሉት ከዋክብቶች መሃል አስተውለህ ጨረቃህን ምረጥ። በእጅህ ያለችውን አርክሰህ ከምትተዋት አንግሰህ ተንከባከባት። አባት ስትሆን ደግሞ ለወንድ ልጅህ አርአያ ለሴት ልጅህ ደሞ የምንግዜም ንጉስ ወደፊት ለሚያጋጥሟት ወንዶች መለኪያ ትሆናታለህ።

ወዳጄ አራዳ እናቱን የሚረዳ፣ ሌሎችን የሚረዳ ነው። ወንድነትህን በመልካምነትህ ግለጠው ያኔ ሙሉ ወንድ ትሆናለህ።
​​​​​​​​​​┄┄┉┉✽‌»‌🌺💓💞💞 🌺‌✽‌┉┉┄┄

✍ታዚ

አስደሳች ዜና-ዎላይታ ሶዶ -Wolayita Sodo

ነብዩ ስነ አዕምሮ E-clinic የቤት ለቤት ህክምና የማማከር አገልግሎት

🛖የምንሰጣቸው አገልግሎቶች

🏘 የቤት ለቤት የስነ አእምሮ ህክምና ክትትልና ማማከር አገልግሎት

👉 የጭንቀት ሕክምና
👉 የድብርት ሕክምና
👉 የእንቅልፍ ችግር ሕክምና
👉የግንኙነት ጉዳይ እና
👉ሌሎችም በተለያየ ስነ አእምሮ ህመም የባለሞያ ድጋፍ ማግኘት ትችላላችሁ

ከሃገር ውጪ ላሉ እና በአቅራቢያችን ለሌሉ ደምበኞቻችን ከስልክ በተጨማሪ በ What’s app እና በ Imo ከባለሙያ ጋር በቪዲዮ ወይም በድምጽ ቆይታ ማድረግ የሚችሉ መሆኑን እናበስራለን።

🤝ሚስጥሮ ሚስጥራችን ነው!

ነብዩ ጃግሶ(ስነ አእምሮ ባለሙያ)

ለተጨማሪ መረጃ ወይም ቀጠሮ ለማስያዝ የሚከተሉትን አማራጮች ይጠቀሙ

ስልክ ☎️ +251922077637
ቴሌግራም @Mentalhealth_NJ
በWhat’s app https://call.whatsapp.com/voice/UMkd4Z6CSrN7EXf9d80UO5

አድራሻ - ዎላይታ ሶዶ

ይቀላቀሉን 👇👇
https://t.me/psychiatry1

በ inbox የተላከ

ቆይ ወንዶች ለምትደግፉት እግር ኳስ ክለብ ምንም አቋሙ ቢወርድ ፀንታችሁ እየኖራችሁ እንዴት በ አንዲት ሴት መፅናት ያቅታችኋል??
ወንድ ልጅ በቃኝ!

ብላናለች እስኪ ቤተሰብ አስተያየት፣ ምክር comment ስር ስጧት✌

ጥገኝነት

ጥገኝት ማለት በራሳችን ለመቆም ካለመቻላችን ወይም ካለመፈለጋችን የተነሳ በሰዎች ላይ ተደግፈን ስንኖር ማለት ነው፡፡ ለጊዜውና አንድን አስቸጋሪ ሁኔታ እሰከምናልፍ ድረስ በሰው ላይ ጥገኛ መሆን ችግር የሌለውናሁሉም ሰው የሚልፍበት የሕይወት እውነታ ነው፡፡ ነገር ግን ጥገኛ የምንሆንባቸውን ሁኔታዎች መለየት፣ ለምን በሰዎች ላይ ጥገኛ ለመሆን እንደተገደድን መገንዘብና እስከመቼ በዚህ ሁኔታ እንደምንኖር አስበንበት ከሁኔታው የመላቀቅ እቅድ ማውጣት አስፈላጊ ነው፡፡

የሰው ጥገኛ ሆኖ በራሱ ላይ ያለውን ግምት ትክክለኛና ሚዛናዊ አድርጎ ለማቆየት የሚችል ሰው ማግኘት ያስቸግራል፡፡ ጥገኝነት በራሳችን ላይ ያለንን ግምት ስለሚያወርደው ማለት ነው፡፡ ጥገኝነት መራራ ያደርገናል፣ እኛን ለሚጎዱ ሰዎች አጋልጦ ይሰጠናል፣ የራሳች የሆነ ነገር እንድንገነባ አይፈቅድልንም፡፡

ከላይ እንደጠቀስነው አንዳንድ ጊዜ ምንም እንኳን ካለንበት አስቸጋሪ ሁኔታ የተነሳ ለተወሰነ ጊዜ የሰው ጥገኛ ብንሆንም ከዚያ የመውጣት ፍላጎቱ፣ እቅዱና ጥረቱ ሲኖረው ውስጣችንን ጠንካራ ያደርገዋል፡፡

ሁል ጊዜ ልንሰራባቸው የሚገቡን የጥገኝነት አይነቶች፡-

1. የገንዘብ ጥገኝነት፡- ራስን ችሎ ለመኖር ካለመፈለግ ወይም ካለመቻል ራስን ወደመቻል ለመሻጋገር እንስራ፡፡

2. የስሜት ጥገኝነት፡- በሰዎች ላይ የስሜት ጥገኛ ከመሆናችን የተነሳ እንደ እነሱ ወቅታዊ ሁኔታ የሚዘባረቀውን ስሜታችን በማስተካከል የራሳችን ስሜት የምንቆጣጠረው ራሳችን ወደመሆን እንደግ፡፡

3. የእውቀት ጥገኝነት፡- ሁልጊዜ ሰዎችን በመጠየቅና ከእነሱ በምናገኘው መልስ ላይ ብቻ በመደገፍ ከመኖር በራሳችን እውቀትን ወደመቅሰምና በእውቀት ወደመሻሻል ደረጃ ለመድረስ እንስራ፡፡

✍ታዚ