နတ်တလင်းမှာ စကစလက်ပါးစေ ပျူစောထီးတွေကို တိုက်ခိုက်ရာ ပျူ ၂ ဦးသေဆုံး

BBM-ဒီဇင်ဘာ၃၀
သတင်း-ခက်ဆစ်

ပဲခူးတိုင်း၊ သာယာဝတီခရိုင်၊ နတ်တလင်းမြို့နယ်မှာ စစ်ကောင်စီလက်ပါးစေ ပျူစောထီးစစ်ကြောင်းကို တော်လှန်ရေးတပ်တွေက ဝင်ရောက်တိုက်ခိုက်ခဲ့ရာ ပျူစောထီး ၂ ဦးသေဆုံးပြီး စစ်သုံးပစ္စည်းအချို့ သိမ်းဆည်းရရှိခဲ့တယ်လို့ ဧရာညီနောင် စစ်ကြောင်းက ယမန်နေ့ ညပိုင်းမှာ ထုတ်ပြန်ပါတယ်။

ဒီဇင်ဘာလ ၂၇ ရက်၊ ညနေ ၄ နာရီ ၄၅ မိနစ်မှာ ကံသုံးဆင့်ကျေးရွာသို့ စစ်ကြောင်းထိုးလာတဲ့ အင်အား ၃၅ ဦးခန့်ပါ ပျဉ်ပုံရွာမှ ပျူစောထီးတွေကို သာယာဝတီခရိုင် တပ်ရင်း ၃၈၀၁၊ တပ်ခွဲ ၆ ဧရာညီနောင်စစ်ကြောင်းက ဝင်ရောက်တိုက်ခိုက်ခဲတယ်လို့ သိရပါတယ်။

အဆိုပါတိုက်ခိုက်မှုဟာ တစ်နာရီခန့်ကြာ အပြန်အလှန်ပစ်ခတ်ခဲ့ပြီးနောက် စစ်ကောင်စီ လက်ပါးစေ ပျူစောထီ ၂ ဦးသေဆုံးပြီး ဆုတ်ခွာထွက်ပြေးသွားတဲ့အပြင် စစ်သုံးပစ္စည်းအချို့ကို သိမ်းဆည်းရရှိခဲ့တယ်လို့ ဧရာညီနောင်စစ်ကြောင်းက ထုတ်ပြန်ထားပါတယ်။

Photo - ဧရာညီနောင်

#bbmnews #bbm #bbmtv #bago #PDF

ရေတာရှည်မြို့နယ်မှာ ရွေးကောက်ပွဲပြုလုပ်နေစဥ် စစ်ကောင်စီနဲ့ တော်လှန်ရေးတပ်ဖွဲ့တွေတိုက်ပွဲဖြစ်ပွား

BBM-ဒီဇင်ဘာ၃၀
သတင်း-ကိုဘုဏ်း

ပဲခူးတိုင်း၊ ရေတာရှည်မြို့နယ်မှာ ရွေးကောက်ပွဲပြုလုပ်နေစဥ် စစ်ကောင်စီနဲ့ တော်လှန်ရေးတပ်ဖွဲ့တွေတိုက်ပွဲဖြစ်ပွားခဲ့ပြီး စကစတပ်သား(၄)ဦးသေဆုံးကာ အမြောက်အများထိခိုက်ဒဏ်ရာရရှိခဲ့တယ်လို့ အော်ပရေးရှင်းစစ်တောင်းရဲ့ ထုတ်ပြန်ချက်အရ သိရပါတယ်။

ပြီးခဲ့တဲ့ ဒီဇင်ဘာလ ၂၈ ရက်နေ့က ရေတာရှည်မြို့အနီးမှာရှိတဲ့ အောင်ချမ်းသာကျေးရွာနဲ့ တခွဲကျဲကျေးရွာအနီးမှာ အတုအယောင်ရွေးကောက်ပွဲလုပ်နေတဲ့ စစ်ကောင်စီတပ်နဲ့ တော်လှန်ရေးတပ်များ တစ်နေ့လုံးအပြင်းအထန်တိုက်ပွဲဖြစ်ပွားခဲ့တယ်လို့ သိရပါတယ်။

အစောပိုင်း တိုက်ပွဲအတွင်းအထိနာသွားတဲ့ စစ်ကောင်စီတပ်ဟာ ညနေပိုင်းမှာ အင်အားများပြန်လည်ဖြည့်တင်းပြီး တခွဲကျဲကျေးရွာဘက်ကနေ ပွိုင့်ဖိုက်နဲ့ လက်နက်ကြီးပစ်ကူယူကာ ပြန်လည်ထိုးစစ်ဆင်လာပေမဲ့ တော်လှန်ရေးတပ်ဖွဲ့များက မဆုတ်တမ်းခံစစ်ပြုလုပ်ပြီးပြန်လည်ခုခံခဲ့တာကြောင့် စစ်ကောင်စီတပ်ပင် အထိနာပြီး ပြန်လည်ဆုတ်ခွာထွက်ပြေးသွားတယ်လို့ ဆိုပါတယ်။

အဆိုပါတိုက်ပွဲအတွင်း စစ်ကောင်စီဘက်မှ တပ်သား ၄ ယောက်သေဆုံးပြီး အများအပြားဒဏ်ရာရရှိခဲ့ကြသလို စစ်ကောင်စီရဲ့ပွိုင့်ဖိုင်နဲ့ ၁၂၀ မမ လက်နက်ကြီး ပစ်ခတ်မှုကြောင့် ဒေသခံအမျိူးသမီးတစ်ဦးသေဆုံးခဲ့ပြီး အမျိုးသားတစ်ဦးနဲ့ အမျိူသမီးတစ်ဦးလည်း ထိခိုက်ဒဏ်များရခဲ့ကြတယ်လို့ သိရပါတယ်။

အဆိုပါတိုက်ခိုက်မှုကို နေပြည်တော် တပ်ရင်း ၈၀၆၊ ၈၀၇၊ ၈၀၈ နဲ့အတူ တပ်ရင်း ၃၅၀၄၊ ရေတာရှည် ပကဖ တို့က ပူးပေါင်းပါဝင်တိုက်ခိုက်ခဲ့ကြခြင်းဖြစ်ပြီး အထိအခိုက်မရှိ ပြန်လည်ဆုတ်ခွာနိုင်ခဲ့တယ်လို့ အော်ပရေးရှင်း စစ်တောင်းက ထုတ်ပြန်ကြေငြာပါတယ်။

Video - အော်ပရေးရှင်း စစ်တောင်း

#bbmnews #bbm #bbmtv #naypyidawpdf #bago

ချောက်မြို့နယ်ရှိ စကစအထိုင်စခန်းတွေနဲ့ စစ်ကြောင်းကိုတိုက်ခိုက်မှု စကစတပ်သား ၇ ဦးသေဆုံး

BBM-ဒီဇင်ဘာ၃၀
သတင်း-ခက်ဆစ်

မကွေးတိုင်း၊ ချောက်မြို့နယ်မှာ စစ်ကောင်စီစခန်း၊ မြို့အဝင်ဂိတ်နဲ့ စစ်ကြောင်းတွေကို ပြည်သူ့ကာကွယ်ရေးတပ်မတော်၊ မကွေးခရိုင်စစ်ဌာန ကွပ်ကဲမှုအောက်တပ်တွေက တိုက်ခိုက်ခဲ့ရာ စစ်ကောင်စီတပ်သား ၇ ဦးသေဆုံးပြီး ၁၉ ဦးအပြင်းအထန်ဒဏ်ရာရခဲ့တယ်လို့ မကွေးခရိုင်စစ်ဌာနက ယမန့်နေ့ ညပိုင်းမှာ ထုတ်ပြန်ခဲ့ပါတယ်။

ဖိုးကုန်းရွာအနီးမှာ တပ်စွဲထားတဲ့ စစ်ကောင်စီတပ်သားတွေကို ဒီဇင်ဘာလ ၂၃ ရက်၊ မနက် ၅ နာရီခန့်မှာ ဝင်ရောက်တိုက်ခိုက်ခဲ့ရာ စကစတပ်သား ၄ ဦးသေဆုံးပြီး ၆ ဦးပြင်းထန်စွာဒဏ်ရာရရှိခဲ့တယ်လို့ ဆိုပါတယ်။

ချောက်မြို့မြောက်ဘက် မြို့အဝင် ကျောက်တဲဂိတ်အနီး တပ်စွဲထားတဲ့ စကစတွေကိုလည်း ဒီဇင်ဘာလ ၂၅ ရက်၊ နေ့လယ် ၂ နာရီခွဲခန့်မှာ ဝင်ရောက်ပစ်ခတ်တိုက်ခိုက်ခဲ့ရာ စစ်ကောင်စီတပ်သား ၃ ဦးအပြင်းအထန်ဒဏ်ရာရခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ဒါ့အပြင် အတုအယောင်ရွေးကောက်ပွဲ လုံခြုံ‌ရေးအတွက် ကျောက်ပန်းတောင်းမြို့မှ ထွက်လာတဲ့ အင်အား ၂၀၀ ကျော်ပါ စစ်ကြောင်းကိုလည်း ဒီဇင်ဘာလ ၂၇ ရက်မှာ နင်းမိုင်း၊ ဆွဲမိုင်းတွေနဲ့ တိုက်ခိုက်ခဲ့ရာ စစ်ကောင်စီတပ်သား ၃ ဦး သေဆုံးပြီး ၁၀ ဦးပြင်းထန်စွာဒဏ်ရာရခဲ့တယ်လို့ ဆိုထားပါတယ်။

အဆိုပါတိုက်ခိုက်မှုတွေကို မကွေးခရိုင်စစ်ဌာန ကွပ်ကဲမှုအောက်ရှိ မကွေးခရိုင် အမှတ် ၁၊ ၂ တပ်ရင်းတပ်ဖွဲ့တွေနဲ့ Chauk Revolution Army CRA ၊ ဒေါင်းရင်သွေး LPDF ပူးပေါင်းတပ်ဖွဲ့တွေက ပါဝင်တိုက်ခိုက်ခဲ့လို့ သိရပါတယ်။

ကွပ်ကဲမှုအောက်ရှိ တပ်ရင်း/တပ်ဖွဲ့တွေ၊ တော်လှန်ရေး အင်အားစုတွေနဲ့ပူးပေါင်းပြီး ဒေသတွင်းနယ်မြေစိုးမိုးမှုနဲ့ စစ်အာဏာရှင်အမြစ်ဖြတ် တိုက်ပွဲတွေကို အရှိန်မြှင့်ဖော်ဆောင်လျက်ရှိတယ်လို့ မကွေးခရိုင်စစ်ဌာနက အသိပေးထားပါတယ်။

Video - မကွေးခရိုင်စစ်ဌာန

#bbmnews #bbm #bbmtv #chauk #PDF

ရေးမြို့ စကခ ၁၉ မှထွက်ပြေးလာတဲ့ စစ်မှုထမ်းတပ်သား ၂ ဦးကို တော်လှန်ရေးတပ် အရှင်ဖမ်းမိ

BBM - ဒီဇင်ဘာ ၃၀
သတင်း - Richard

မွန်ပြည်နယ်၊ ရေးမြို့နယ်အခြေစိုက် စစ်ကောင်စီရဲ့ အမှတ် (၉)စစ်ဆင်ရေးကွပ်ကဲမှုဌာနချုပ်မှ ထွက်ပြေးလာတဲ့ စစ်မှုထမ်းတပ်သား ၂ ဦးကို ဖမ်းဆီးထိန်းသိမ်းထားတယ်လို့ တပင်ရွှေထီးကိုကျိုက်ပြည်သူ့ကာကွယ်ရေးတပ်က ဒီဇင်ဘာလ ၃၀ ရက်နေ့မှာ ထုတ်ပြန်ထားပါတယ်။

အဆိုပါ စစ်မှုထမ်း တပ်သား ၂ ဦးဖြစ်တဲ့ အောင်သက်ဦး ၂၃ နှစ်နဲ့ ကျော်မင်းစိုး ၂၂ နှစ်တို့ဟာ စစ်ကောင်စီရဲ့ စစ်မှုထမ်းအပတ်စဥ် (၁၆)သင်တန်းဆင်းတွေ ဖြစ်တယ်လို့ ဆိုပါတယ်။

“ရွာကနေ ဖမ်းပြီးတော့မှ ပြည်သူ့စစ်ထဲ ထည့်ထားတာ၊ သထုံမြို့ထဲမှာပဲ၊ ခေါ်တာတော့ လေယာဉ်ကွင်းလို့ပဲခေါ်ကြတယ်၊ သထုံ လေယာဉ်ကွင်းနားမှာ စုဆောင်းရေးရှိတယ်၊ ည ၁၀ နာရီ ၁၁ နာရီဆို ကားတစ်စီးနဲ့ထွက်ပြီ၊ တစ်ညကို ၄၊ ၅ ယောက် အနည်းဆုံးပဲ ပါပါလာတာ၊ မပါတဲ့ရက်ဆိုတာမရှိဘူး၊ မနက်မိုးလင်းရင် ပိုက်ဆံပေးနိုင်တဲ့သူက လွတ်တယ်”လို့ တပ်သား အောင်သက်ဦးက ဆိုပါတယ်။

မောင်အောင်သက်ဦး နဲ့ မောင်ကျော်မင်းစိုး တို့နှစ်ယောက်ဟာ စျေးဝယ်နေစဉ် ဆိုင်ကယ်နှစ်ယောက်စီးလို့ စစ်ကောင်စီတပ်က ဖမ်းဆီးခြင်းခံခဲ့ရတာ ဖြစ်ကြောင်း သိရပါတယ်။

အဆိုပါ စစ်မှုထမ်းတပ်သား ၂ ဦးကို တပင်ရွှေထီးကိုကျိုက် ပြည်သူ့ကာကွယ်ရေးအဖွဲ့က လူသားချင်း စာနာမှုထောက်ထားမှု ဥပဒေနဲ့အညီ ဆက်လက်ဆောင်ရွက်သွားမှာဖြစ်တယ်လို့ ဆိုထားပါတယ်။

Video - တပင်ရွှေထီးကိုကျိုက်ပြည်သူ့ကာကွယ်ရေးတပ်

#bbm #bbmnews #Mon #Ye #UpdateNews #Myanmar

AA ထိန်းချုပ်ထားတဲ့ သံတွဲ၊ ငပလီမြို့ပေါ်ကို စစ်ကောင်စီ ဗုံးကြဲတိုက်ခိုက်မှုကြောင့် အရပ်သား ၇ ဦး သေဆုံးပြီး ၁၅ ဦးဒဏ်ရာရ

BBM - ဒီဇင်ဘာ ၃၀
သတင်း - နိုင်နိုင်

အာရက္ခတပ်တော် AA ထိန်းချုပ်ထားတဲ့ သံတွဲမြို့နယ်၊ ငပလီမြို့၊ လင်းသာရပ်ကွက်ကို စစ်ကောင်စီတပ်က လေကြောင်းကနေ ဂျက်ဖိုက်တာနဲ့ ဗုံးကြဲချတိုက်ခိုက်မှုကြောင့် ကလေးငယ်တစ်ဦးအပါအဝင် အရပ်သားပြည်သူ ၇ ဦး သေဆုံးပြီး ၁၅ ဦး ထိခိုက်ဒဏ်ရာရရှိသွားတယ်လို့ ဒေသခံတွေဆီက သိရပါတယ်။

မနေ့က ဒီဇင်ဘာလ ၂၉ ရက်နေ့၊ ညနေ ၈ နာရီခန့်မှာ စစ်ကောင်စီတပ်ဟာ သံတွဲမြို့နယ်၊ ငပလီမြို့၊ လင်းသာရပ်ကွက်၊ ကျင်းကန်ကြီးကျေးရွာကို ဂျက်ဖိုက်တာနဲ့ ပေါင် ၅၀၀ ဗုံး ၂ လုံး ကြဲချတိုက်ခိုက်ခဲ့တာလည်း ဖြစ်ပါတယ်။

အဆိုပါ ဗုံးကြဲချတိုက်ခိုက်မှုကြောင့် သေဆုံးသွားကြတဲ့သူတွေမှာ ကျင်းကန်ကြီးကျေးရွာက မနွယ်နွယ်မျိုး၊ မတင်မြင့်၊ ဒေါ်သုံးပုံ၊ မဝင်းဝင်းရွှီ၊ ဒေါ်အငယ်၊ ကိုစိုးကျော်ဝင်းနဲ့ နောက်ထပ်တစ်ဦးတို့ ဖြစ်ကြတယ်လို့လည်း သိရပါတယ်။

အလားတူ စစ်ကောင်စီတပ်ရဲ့ ဗုံးကြဲချတိုက်ခိုက်မှုကြောင့် ထိခိုက်ဒဏ်ရာ ရရှိသွားကြတဲ့သူတွေမှာ မောင်ထွန်းထွန်းဝင်း(၁၃ နှစ်)၊ ကိုကျော်ဝင်းနိုင် (၂၀ နှစ်)၊ ဦးဝင်းနိုင် (၅၆ နှစ်)၊ ဦးမောင်မောင်နိုင် (၃၁ နှစ်)၊ ဦးမောင်ငို (၃၅ နှစ်) ၊ ဦးသိန်းထွန်းဦး (၄၈ နှစ်)၊ ဦးကိုလင်း (၄၈ နှစ်)၊ ဦးဖိုးဝင်း (၇၃ နှစ်)၊ ကိုအေးမင်းထွန်း (၂၆ နှစ်)၊ ဦးမောင်သာဖြူ (၄၆ နှစ်)၊ ဒေါ်ဝင်းဝင်းဇော် (၃၁ နှစ်)၊ မနွယ်နွယ်ဦး (၂၃ နှစ်)၊ ဒေါ်ပပလင်း (၄၈ နှစ်)၊ ဒေါ်ပုံချီ (၆၃ နှစ်)၊ ဒေါ်မတင်(၈၁ နှစ်) တို့ဖြစ်ကြပြီး လူနေအိမ် ၁၂ လုံးထက်မနည်း ဗုံးစထိမှန်မှုကြောင့် မီးလောင်ကာပြိုကျပျက်စီးသွားခဲ့တယ်လို့လည်း ဒေသခံတွေက ဆိုပါတယ်။

အာရက္ခတပ်တော် AA ဟာ သံတွဲမြို့နယ်ကို ၁၀၂၇ စစ်ဆင်ရေးနဲ့အတူ ပြီးခဲ့တဲ့ ၂၀၂၄ ခုနှစ်၊ စက်တင်ဘာလ ၅ ရက်နေ့မှာ အပြီးသတ် သိမ်းပိုက်ထိန်းချုပ်နိုင်ခဲ့တာလည်း ဖြစ်ပါတယ်။

စစ်ကောင်စီတပ်ဟာ AA ထိန်းချုပ်ထားတဲ့ အမ်း၊ တောင်ကုတ်၊ သံတွဲနဲ့ ဂွမြို့နယ်တို့မှာ ရွေးကောက်ပွဲကျင်းပဖို့ ပြင်ဆင်ခဲ့ပေမဲ့လည်း နယ်မြေထိန်းချုပ်မှုမရှိတာကြောင့် အဆိုပါမြို့နယ်တွေမှာ ရွေးကောက်ပွဲမကျင်းပနိုင်ကြောင်း ပြန်လည်ထုတ်ပြန်ခဲ့ရတာလည်း ဖြစ်ပါတယ်။

ဒါကြောင့် စစ်ကောင်စီတပ်ဟာ ရွေးကောက်ပွဲမကျင်းပနိုင်တဲ့ ရခိုင်က မြို့နယ်တွေကို လေကြောင်းကနေ နေ့စဥ်ရက်ဆက် ဗုံးအဆက်မပြတ်လာရောက်ကြဲချတိုက်ခိုက်နေတာလည်း ဖြစ်ပါတယ်။

စစ်ကောင်စီတပ်ဟာ ပြီးခဲ့တဲ့ ဒီဇင်ဘာလ ၁၀ ရက်နေ့မှာ ကျရောက်တဲ့ ကမ္ဘာ့လူအခွင့်အရေးနေ့မှာ မြောက်ဦးခရိုင်ရှိ ပြည်သူ့ဆေးရုံကြီးကိုလည်း ပေါင် ၅၀၀ ဗုံး ၂ လုံးကြဲချတိုက်ခိုက်ခဲ့တာကြောင့် ဆေးကုသမှုခံယူနေကြတဲ့ ကလေးသူငယ်၊ ကိုယ်ဝန်ဆောင်အမျိုးသမီးတွေနဲ့ သက်ကြီးရွယ်အိုတွေအပါအဝင် အရပ်သားပြည်သူ ၃၃ ဦး ပွဲချင်းပြီး သေဆုံးခဲ့ရပြီး ၇၇ ဦး ထိခိုက်ဒဏ်ရာရရှိသွားတယ်လို့လည်း AA က ဆိုထားပါတယ်။

စစ်ကောင်စီတပ်ဟာ ဒီဇင်ဘာလတစ်လအတွင်းမှာ AA ထိန်းချုပ်ထားတဲ့ မြို့နယ်တွေကို လေကြောင်းကနေ ဗုံးကြဲချတိုက်ခိုက်ခဲ့တာကြောင့် အရပ်သားပြည်သူ ၄၉ ဦး သေဆုံးခဲ့ပြီး ၉၁ ဦး ထိခိုက်ဒဏ်ရာရရှိခဲ့ရတာလည်း ဖြစ်ပါတယ်။

ရခိုင်မှာ တကျော့ပြန် တိုက်ပွဲစတင်ခဲ့တဲ့ ၂၀၂၃ ခုနှစ်၊ နိုဝင်ဘာလ ၁၃ ရက်နေ့ကနေ ၂၀၂၅ ခုနှစ်၊ နိုဝင်ဘာလ ၁၃ ရက်နေ့အထိ ၂ နှစ်တာ တိုက်ပွဲကာလအတွင်းမှာ စစ်ကောင်စီတပ်က လေကြောင်းတိုက်ခိုက်မှု၊ လူ့အခွင့်အရေးချိုးဖောက်မှုတွေကြောင့် အပြစ်မဲ့ အရပ်သားပြည်သူ ၁၁၅၂ ဦး သေဆုံးခဲ့ရပြီး ၂၁၅၃ ဦးအထိ ထိခိုက်ဒဏ်ရာရရှိတဲ့အပြင် မတရားသဖြင့် ဖမ်းဆီးခံခဲ့ရတဲ့သူ ၁၀၃၄ ဦးအထိ ရှိတယ်လို့ အာရက္ခတပ်တော် AA က ပြီးခဲ့တဲ့ ဒီဇင်ဘာလ ၁၁ ရက်နေ့မှာ ထုတ်ပြန်ထားပါတယ်။

#bbm #bbmnews #Rakhine #AA #Ngapali #Thandwe #UpdateNews #Myanmar

ရေးမှာ ရဲတပ်ကြပ်ကြီးတဦး ပစ်သတ်ခံရ၊ ရေဖြူမှာ တိုက်ပွဲဖြစ် စကစ ၃ ဦးသေဆုံး

BBM - ဒီဇင်ဘာ ၃၀
သတင်း - ကိုဟန်

မွန်ပြည်နယ်၊ ရေးခရိုင်ရဲစခန်းမှာ တာဝန်ကျနေတဲ့ ရဲတပ်ကြပ်ကြီးတဦးကို ရေးဘီလူးတပ်ရင်းက ပစ်ခတ်ရှင်းလင်းခဲ့တယ်လို့ ရေးဘီလူးတပ်ရင်းခေါင်းဆောင်က ပြောပါတယ်။

မနေ့ ဒီဇင်ဘာလ ၂၉ ရက် ညနေ ၄ နာရီခန့်မှာ ရေးခရိုင်ရဲတပ်ဖွဲ့ရုံးကနေ ဆိုင်ကယ်မောင်းနှင်လာတဲ့ ရဲတပ်ကြပ်ကြီး ဘုန်းမြင့်ကို သီရိခေမာရပ်ကွက်အနားမှာ ပစ်ခတ်ရှင်းလင်းခဲ့တာပါ။

“ဘုန်းမြင့်က အာဏာမသိမ်းခင်က ပြည်သူအပေါ် ရမ်းကားတဲ့ ပုံစံရှိခဲ့တယ်၊ ကစားဝိုင်းတွေလည်း ပေးတယ်၊ မကောင်းတဲ့လုပ်ရပ်တွေဆို လက်ထိုးလိုက်ရင် အကုန်လုပ်လို့ရတဲ့သူမျိုး” လို့ ရေးဘီလူးတပ်ရင်းခေါင်းဆောင်က BBM ကို ပြောပါတယ်။

သေနတ်ပစ်ခတ်ခံရမှုကြောင့် တပ်ကြပ်ကြီး ဘုန်းမြင့်ဟာ သေနတ်ကျည်ထိဒဏ်ရာသုံးချက်ထက်မနည်းနဲ့ အခင်းဖြစ်ရပ်မှာ သေဆုံးသွားတယ်လို့ မြို့ခံအချို့က အတည်ပြုပါတယ်။

ပစ်ခတ်မှုဖြစ်ပွားပြီးနောက် ရေးမြို့တခွင်နဲ့ မြို့အဝင်အထွက်နေရာအများစုကို စစ်တပ်က လုံခြုံရေးတင်းကြပ်လိုက်ပြီး ဒေသခံအချို့ ဖမ်းဆီးစစ်ဆေးခံရတာမျိုး ရှိတယ်လို့ ဆိုပါတယ်။

အလားတူ ပြီးခဲ့တဲ့ ဒီဇင်ဘာလ ၂၈ ရက်မှာလည်း ရေးဘီလူးတပ်ရင်းနဲ့ KNLA တပ်ရင်း ၂၇ တို့ ပူးပေါင်းပြီး မွန်နဲ့တနင်္သာရီတိုင်းအကြား ရေဖြူမြို့နယ် ရာဖူးကျေးရွာမှာ တပ်စွဲထားတဲ့ စစ်ကောင်စီတပ်စခန်းကို ဝင်ရောက် တိုက်ခိုက်ခဲ့တယ်လို့ ဆိုပါတယ်။

အဲဒီတိုက်ခိုက်မှုအတွင်း တော်လှန်ရေးပူးပေါင်းတပ်က အထိအခိုက်မရှိ ဆုတ်ခွာနိုင်ပေမယ့် စစ်တပ်ဘက်က တပ်ကြပ်တဦးအပါအဝင် သုံးဦး သေဆုံးခဲ့တယ်လို့ ရေးဘီလူးတပ်ရင်း ခေါင်းဆောင်က ပြောပါတယ်။
“အလစ်အငိုက်ဝင်တိုက်တယ်၊ တိုက်ပွဲက နာရီဝက်နီးပါးဖြစ်ခဲ့တယ်၊ သူတို့မှာ အင်အား ၅၀ နဲ့တော့ ရှိတယ်” လို့ ပြောပါတယ်။

တိုက်ပွဲဖြစ်ပွားချိန်မှာ စစ်တပ်ဘက်က လက်နက်ကြီးပစ်ခတ်မှုတွေ ရှိခဲ့ပြီး ဒေသခံရာချီလည်း ဘေးလွတ်ရာကို ထွက်ပြေးတိမ်းရှောင်ခဲ့ရတယ်လို့ ဒေသခံတဦးက ပြောပါတယ်။

လက်ရှိ စစ်ကောင်စီတပ်ဖွဲ့တွေက ပြန်လည်ဆုတ်ခွာသွားခြင်း မရှိသေးဘဲ အင်အားဖြည့်တင်းကာ အဲဒီကျေးရွာ တဝိုက်မှာ တပ်စွဲထားဆဲဖြစ်တယ်လို့ ဆိုပါတယ်။

“ရာဖူးရွာသားတွေ ပြေးရတာရှိတယ်၊ သူတို့ လက်နက်ကြီး ဆက်တိုက်ဖြစ်တယ်၊ အခုတော့ နည်းနည်းငြိမ်နေတယ်၊ စစ်သားတွေတော့ ရှိနေတုန်းပဲ၊ ဘယ်သူမှ သူတို့ရှိတဲ့ဘက် မသွားရဲဘူး” လို့ ‌လော့သိုင်းရွာမှာ စစ်ရှောင်နေတဲ့ ရာဖူးဒေသခံတဦးက ဒီကနေ့ မွန်းလွဲပိုင်းမှာ ပြောပါတယ်။

နယ်မြေစိုးမိုးမှု ပြန်လည်ရယူဖို့ ကြိုးစားနေတဲ့ စစ်တပ်ဟာ ရေဖြူမြို့နယ် အမှတ်(၈)ပြည်ထောင်စုလမ်းပိုင်း နေရာအချို့ကို စစ်ကြောင်းထိုး တပ်စွဲထားတဲ့အတွက် တော်လှန်ရေးပူးပေါင်းတပ်တွေနဲ့ စစ်ရေးတင်းမာနေဆဲ ဖြစ်တယ်လို့ တော်လှန်ရေးတပ်ဘက်က ပြောပါတယ်။

ဓါတ်ပုံ - ရေးဘီလူးတပ်ရင်း၊ Social Media
ပုံစာ - ရေးဘီလူးတပ်ဖွဲ့ဝင်များ၊ ရေးမြို့ပေါ်တနေရာ

ဖားဆောင်းရှိ ခလရ ၁၃၅ မကျစေရေး စစ်ကောင်စီလေကြောင်းမှဗုံးကြဲပြီး အသည်းအသန်ခုခံနေ

BBM-ဒီဇင်ဘာ၃၀
သတင်း-မင်းသော်

ကရင်နီပြည်နယ်၊ ဖားဆောင်းမြို့ရှိ စစ်ကောင်စီရဲ့ နောက်ဆုံးတပ်စခန်းမကျစေရေးအတွက် စစ်ကောင်စီက လေကြောင်းမှတဆင့်ဗုံးကြဲပြီး အသည်းအသန်ခုခံကာကွယ်နေတဲ့အပြင် ဘောလခဲဘက်မှလည်း မြေပြင်စစ်ကြောင်းထိုးနေတယ်လို့ သိရပါတယ်။

ပြီးခဲ့တဲ့ ဒီဇင်ဘာလ ၂၉ ရက်၊ မနက်ပိုင်းကတည်းက ဖားဆောင်းမြို့ရှိ တော်လှန်ရေးအင်အားစုတွေရှိနိုင်တဲ့ နေရာတွေကို စစ်ကောင်စီက Y-12 လေယာဥ်နဲ့ ဗုံးအဆက်မပြတ်ကြဲချ တိုက်ခိုက်ခဲ့တယ်လို့ သိရပါတယ်။

ဒါ့အပြင် တိုက်ပွဲဖြစ်ပွားခြင်းမရှိဘဲ အရပ်သားပြည်သူလူထုတွေပဲနေထိုင်တဲ့ မယ်စဲ့မြို့နယ်အတွင်းက ကျေးရွာတစ်ခုကိုလည်း ဒီဇင်ဘာ ၂၉ ရက်နေ့မနက်ပိုင်းကပဲ လေကြောင်းမှဗုံးကြဲချတိုက်ခိုက်ခဲ့တာကြောင့် နေအိမ်အချို့ထိခိုက်ပျက်ဆီးခဲ့ရတယ်လို့ ဒေသခံသတင်းရင်းမြစ်တစ်ဦးက BBM ကိုပြောပါတယ်။

"မနေ့ကမနက်တော့ ဖားဆောင်းပတ်ပတ်လည် တဝုန်းဝုန်း တဂျိမ်းဂျိမ်းပဲ ၊ Y-12နဲ့ ၅လုံး၆လုံးကို ၁၀ ခါလောက်ကျဲသွားတာ၊ ပြီးတော့ မယ်စဲ့မြို့နယ်ဘက်က ရွာတစ်ရွာကိုလည်းကြဲသွားတယ်၊ လူတွေတော့ ထိခိုက်မှုမရှိဘူး၊ အိမ်နှစ်အိမ်တော့ပျက်ဆီးသွားတယ်၊ ပြီးတော့ အချို့ ကားတွေအိမ်တွေ အဖျားခတ်တာလေးတွေတော့ ဖြစ်သွားတယ်" လို့ ပြောပါတယ်။

ဖားဆောင်းမြို့ရှိ စစ်ကောင်စီတပ်ရင်းတွေဖြစ်တဲ့ ခလရ(၁၃၄)နဲ့ ခလရ(၁၃၅)တို့ကို ကရင်နီပြည် လူမျိုးပေါင်းစုံ လွတ်မြောက်ရေးတပ်ဦး (KPLA)အပါအဝင် ဒေသခံမဟာမိတ်အင်အားစုတွေဟာ ပြီးခဲ့တဲ့ ဇွန်လ ၂၅ ရက်မှာ စတင်တိုက်ခိုက်ခဲ့ပြီး ဇွန်လ ၃၀ ရက်မှာ ခလရ ၁၃၄ တပ်ကို လက်နက်၊ သုံ့ပန်းအမြောက်အများရရှိကာ သိမ်းပိုက်နိုင်ခဲ့တယ်လို့ သိရပါတယ်။

အဲဒီနောက် ဖားဆောင်းမြို့အတွင်း နောက်ဆုံးကျန်ရှိနေတဲ့ စစ်ကောင်စီရဲ့ ခလရ ၁၃၅ တပ်ကို ဆက်လက်ထိုးစစ်ဆင်တိုက်ခိုက်ခဲ့ပေမဲ့လည်း တပ်တွင်းမှ ခံစစ်အခိုင်အမာပြင်ပြီး ပြန်လည်ခုခံခဲ့တဲ့အပြင် လေကြောင်းမှလည်း စားနပ်ရိက္ခာနဲ့ လက်နက်ကြီးပစ်ကူတွေ တောက်လျှောက်ပေးပို့ခဲ့တာကြောင့် အပြီးသတ်သိမ်းပိုက်နိုင်ခြင်း မရှိခဲ့ဘူးလို့လည်း သိရပါတယ်။

ဖားဆောင်မြို့အတွင်း တစ်ခုတည်းသာကျန်ရှိတော့တဲ့ အဆိုပါ ခလရ ၁၃၅ တပ်မကျစေရေးအတွက် စစ်ကောင်စီက အခုရက်ပိုင်းအတွင်း လေကြောင်းတိုက်ခိုက်မှုတွေ ပြုလုပ်နေသလို ဘောလခဲကနေလည်း စစ်ကြောင်းအချို့ စစ်ကူပေးပို့ထားပြီး အဆိုပါစစ်ကြောင်းတွေဟာ ဖားဆောင်းမြို့နယ်ရှိ ထူးချောင်း(အောက်ချောင်း)ပတ်ဝန်းကျင်ကို ရရှိသွားတယ်လို့ မြေပြင်သတင်းရင်းမြစ်က ဆက်ပြောပါတယ်။

"၁၃၅ ထဲကကောင်တွေက ဖားဆောင်း မီးသတ်ရုံနားထိ တိုးလာနေတယ်၊ ဘောလခဲဘက်ကတိုးတဲ့ကောင်တွေက ထူးချောင်း အောက်ချောင်းကိုတော့ လက်ရှိရသွားတာတွေရှိတယ်" လို့ ပြောပါတယ်။

ဖားဆောင်းမြို့အတွင်းမှာပိတ်မိနေတဲ့ ခလရ(၁၃၅)ထဲမှ စစ်ကောင်စီတပ်သားအချို့ကလည်း တပ်တွင်းမှထွက်ကာ လှုပ်ရှားစစ်ကြောင်းပုံစံ ရှေ့တိုးနေတာတွေ ပြုလုပ်နေပြီး တော်လှန်ရေးအင်အားစုတွေအနေနဲ့ ဘောလခဲစစ်ကြောင်းရော ခလရ (၁၃၅)တပ်တွင်းက စစ်ကြောင်းကိုပါ ကာနေရတယ်လို့ သိရပါတယ်။

Photo-ပုံဟောင်း