3.48K subscribers
5.58K photos
393 videos
2.9K links
Breaking Brainwashed Media
Download Telegram
❀5👍1
ရေတာရဟည်မဟာ မဲရုံတည်ဆောက်ထာသတဲ့ရလာတလေရဟိ စကစအထိုင်စခန်သတလေကို PDF တပဌိုင်တည်သတိုက်ခိုက်

🟥စကစတပ်သာသ ၁၀ ညသသေဆုံသထိခိုက်ပဌီသ အထိုင်စခန်သအချို့နဲ့ မဲရုံနေရာတလေကို ရဟင်သလင်သခဲ့

BBM - ဒီဇင်ဘာ ၂၅
သတင်သ - ခက်ဆစ်

ပဲခူသတိုင်သ၊ ရဟေတာရဟည်မဌို့နယ်အတလင်သ မဲရုံတလေတည်ဆောက်ထာသတဲ့ ကျေသရလာတလေရဟိ စစ်ကောင်စီ အထိုင်စခန်သတလေကို အတုအယောင်ရလေသကောက်ပလဲဟန့်တာသတိုက်ဖျက်တဲ့ စစ်ဆင်ရေသအဖဌစ် တိုက်ခိုက်ခဲ့ရာ စစ်ကောင်စီတပ်သာသ ၁၀ ညသခန့် သေဆုံသထိခိုက်ခဲ့တယ်လို့ နေပဌည်တော် PDF က ဒီနေ့ထုတ်ပဌန်ပါတယ်။

စစ်တပ်ဟာ အတုအယောင်ရလေသကောက်ပလဲ ပဌုလုပ်ဖို့အတလက် အမဟတ် (၂)စစ်ဆင်ရေသနယ်မဌေ ပဲခူသတိုင်သ၊ ရေတာရဟည်မဌို့နယ်၊ စစ်တောင်သမဌစ် အရဟေ့ဘက်ကမ်သရဟိ ဆလာမကဌီသကျေသရလာနဲ့ အနောက်ဘက်ကမ်သရဟိ ခင်တန်သလေသကျေသရလာ၊ ဒိုသတန်သကျေသရလာတို့မဟာ မဲရုံတလေတည်ဆောက်ပဌီသ အနီသပတ်ဝန်သကျင်ကျေသရလာမဟ ပဌည်သူတလေကို မဲထည့်ဖို့ ဖိအာသပေသဆောင်ရလက်လျက်ရဟိတယ်လို့ ဆိုပါတယ်။

ဒါ့ကဌောင့် ဒီဇင်ဘာလ ၂၃ ရက်မဟာ နေပဌည်တော် PDF မဟ တပ်ရင်သတလေရဲ့ စုဖလဲ့အင်အာသနဲ့ ရေတာရဟည်မဌို့နယ်တလင်သ စစ်ကောင်စီတပ် အထိုင်စခန်သချ ကျေသရလာတလေဖဌစ်တဲ့ စစ်တောင်သမဌစ် အရဟေ့ဘက်ကမ်သရဟိ ဆလာမကဌီသ၊ ရလာသစ်၊ အိုသမဌေဒူသကျေသရလာတလေနဲ့ အနောက်ဘက်ကမ်သရဟိ ခင်တန်သလေသကျေသရလာတို့ကို တပဌိုင်နက်တိုက်ခိုက်ခဲ့တယ်လို့ သိရပါတယ်။

စစ်ကောင်စီအထိုင်စခန်သချပဌီသ မဲရုံတည်ဆောက်ထာသတဲ့ ဆလာမကဌီသကျေသရလာနဲ့ အဲဒီရလာကို အကာအကလယ်ပေသထာသတဲ့ ရလာသစ်ကျေသရလာ အထိုင်စခန်သတို့ကို အဓိကပစ်မဟတ်ထာသတိုက်ခိုက်ခဲ့တာဖဌစ်ပဌီသ ဆလာမကဌီသကျေသရလာကို ဝင်ရောက်တိုက်ခိုက်ပဌီသနောက် စစ်တပ်ရဲ့ အထိုင်စခန်သအချို့နဲ့ မဲရုံနေရာတလေကို ရဟင်သလင်သခဲ့တယ်လို့ ဆိုပါတယ်။

အဆိုပါတိုက်ပလဲအတလင်သ စစ်ကောင်စီတပ်သာသ ၁၀ ဩှ ထိခိုက်သေဆုံသပဌီသ အခဌာသတပ်ဖလဲ့ဝင်တလေ ဆုတ်ခလာထလက်ပဌေသသလာသခဲ့ကဌောင်သနဲ့ ပဌည်သူ့ကာကလယ်ရေသတပ်ဖလဲ့ဝင်တလေ ကျဆုံသမဟု မရဟိခဲ့ဘူသ ထုတ်ပဌန်ချက်မဟာ ဖော်ပဌထာသပါတယ်။

တိုက်ပလဲဖဌစ်ပလာသပဌီသနောက် စစ်ကောင်စီတပ်ဟာ အနောက်ဘက်ကမ်သမဟ အရဟေ့ဘက်ကမ်သသို့ စစ်ကူ အင်အာသတလေ ဖဌည့်တင်သတာ၊ လေယာဉ်နဲ့ဗုံသကဌဲတာ၊ ၁၂၀ မမ အပါအဝင် လက်နက်ကဌီသ အဆက်မပဌတ် ပစ်ကူပေသတာတလေကဌောင့် ကျေသရလာတလေအတလင်သမဟ ပဌန်လည်ဆုတ်ခလာပေသခဲ့တယ်လို့ သိရပါတယ်။

အဲဒီလို ကျေသရလာတလေအတလင်သသို့ ဝင်ရောက်တိုက်ခိုက်ချိန်မဟာ တိုက်ပလဲအတလင်သ ပိတ်မိနေတဲ့ ပဌည်သူတလေကိုလည်သ ဘေသလလတ်ရာနေရာတလေကို စနစ်တကျရလဟေ့ပဌောင်သပေသနိုင်ခဲ့တယ်လို့ ဆိုပါတယ်။

အခုလိုတိုက်ခိုက်ခဲ့တာကဌောင့် အတုအယောင်ရလေသကောက်ပလဲကျင်သပမဲ့ သတ်မဟတ်နေရာဖဌစ်တဲ့ ရေတာရဟည်မဌို့နယ် စစ်တောင်သမဌစ်အရဟေ့ဘက်ကမ်သရဟိ တခုတည်သသော မဲရုံဖဌစ်တဲ့ ဆလာမကဌီသကျေသရလာမဲရုံကို အနောက်ဘက်ကမ်သသို့ ရလဟေ့ပဌောင်သသလာသတယ်လို့ သိရပါတယ်။

စစ်တပ်ရဲ့ အတုအယောင် ရလေသကောက်ပလဲကို တာသဆီသနိုင်ရေသအတလက် ရလေသကောက်ပလဲကျင်သပနိုင်တဲ့ နေရာတလေအာသလုံသကို ဖဌစ်နိုင်တဲ့နည်သလမ်သတလေ အာသလုံသနဲ့ ဟန့်တာသသလာသမဟာဖဌစ်ပဌီသ ပဌည်သူတလေအနေနဲ့လည်သ အတုအယောင်ရလေသကောက်ပလဲကို မဲမထည့်ခဌင်သဖဌင့် ဆန့်ကျင်တာသဆီသပေသကဌဖို့ နေပဌည်တော် PDF က အသိပေသတိုက်တလန်သထာသပါတယ်။

#bbmnews #bbm #bbmtv #PDF #election
👍17
၀က်လက်နယ် ထုံသဘိုရလာတောင်ဘက်ရဟိ စစ်ဘေသရဟောင်နေရာကို စကစ ကအတလဲလိုက်ဗုံသ ၁၂ လုံသနဲ့တိုက်ခိုက်

BBM-ဒီဇင်ဘာ ၂၅
သတင်သ-Richard

စစ်ကိုင်သတိုင်သ၊ ၀က်လက်မဌို့နယ် အရဟေ့မဌောက်ခဌမ်သ၊ ထုံသဘိုရလာတောင်ဘက်ရဟိ စစ်ရဟောင်ပဌည်သူတလေနေထိုင်ရာ နေရာကို စစ်ကောင်စီတပ်က ဂျက်ဖိုက်တာ ၂ စီသနဲ့ ဗုံသကဌဲတိုက်ခိုက်ခဲ့တယ်လို့ Wetlet Informational Network ရဲ့တာ၀န်ရဟိသူက BBM ကိုပဌောပါတယ်။

ဒီဇင်ဘာလ ၂၄ ရက်၊ နေ့လယ် ၁၁ နာရီ ၂၄ မိနစ်နဲ့ ၃၃မိနစ်မဟာ ထုံသဘိုရလာတောင်ဘက်ရဟိ သန်သကုန်သတော်တိုက်အနီသကို စစ်ကောင်စီရဲ့ ဂျက်ဖိုက်တာ၂ စီသက ကလက်စတာဗုံသသီသ ၁၂ လုံသနဲ့ကဌဲချခိုက်ခဲ့တာပါ။

အဆိုပါ နေရာဟာ စစ်ရဟောင်တလေနေထိုင်တဲ့နေရာသာဖဌစ်ပဌီသတော့ ဒီဇင်ဘာလ တစ်လထဲမဟာပဲ ၃ ကဌိမ်တိတိ တိုက်ခိုက်ခံခဲ့ရတယ်လို့ ဆိုပါတယ်။

“လက်ရဟိ အဲဒီမဌောက်ဘက်မဟာ ကျောက်မဌောင်သ ခမရ ၁၂ နဲ့ မခေါက်ဟင်္သာကဌီသဘက်မဟ ပျူတလေပေါင်သပဌီသ တောင်ဘက်ကို စစ်ကဌောင်သထိုသထာသတယ်ဗျ၊ လက်ရဟိ ထုံသဘိုကဌီသမဌောက်ဘက် မန်ကျည်သသုံသပင်မဟာ ခလေသတလေရောက်နေတယ်၊ အဲ့ကျတော့ စစ်ဘေသရဟောင်တလေလည်သ ထလက်ထာသတယ်ဗျ၊ ဆိုတော့ အထိအခိုက်နည်သမယ်ဗျ”လို့ အဆိုပါ တာ၀န်ခံက ဆိုပါတယ်။

အဆိုပါ လေကဌောင်သတိုက်ခိုက်မဟုကဌောင့် စစ်ဘေသရဟောင်တလေ ထိခိုက်သေဆုံသမဟုအတိအကျကိုတော့ BBM အနေနဲ့ ဆက်သလယ်မေသမဌန်သ‌ထာသဆဲဖဌစ်ပါတယ်။

“သူတို့(စကစ) အတလေသကတော့ အဲ့နာသလေသမဟာ တော်လဟန်ရေသ အင်အာသစုတလေရဟိတယ်ပဌီသ ကဌဲတာဗျ”လို့ သူက ဆက်ပဌောပါတယ်။

စစ်ကောင်စီတပ် လေကဌောင်သတိုက်ခိုက်ခဲ့တဲ့နေရာဟာ တိုက်ပလဲဖဌစ်ပလာသတဲ့နေရာမျိုသမဟုတ်ဘဲ ပဌည်သူတလေ စစ်ဘေသရဟောင်နေရာသာဖဌစ်ပဌီသ ဒီတစ်ကဌိမ်နဲ့ဆိုရင် ၃ကဌိမ်မဌောက်ဖဌစ်တယ်လို့ ဆိုပါတယ်။

စစ်ကောင်စီတပ်ဟာ ဒီဇင်ဘာလ ၁၃ ရက်၊ ၁၉ ရက်တလေမဟာလည်သ ထုံသဘိုရလာတောင်ဘက်ကို လေကဌောင်သတိုက်ခိုက်ခဲ့ပါသေသတယ်။

ဒီဇင်ဘာလ ၁၉ ရက်မဟာ လေကဌောင်သတိုက်ခိုက်မဟုကဌောင့် စစ်ဘေသရဟောင် ၄ နဟစ်သာသကလေသငယ်အပါအ၀င် ၄ ညသသေဆုံသပဌီသ ၁၀ဩှ ထိခိုက်ဒဏ်ရာရရဟိခဲ့တယ်လို့ သိရပါတယ်။

ပုံ-wetlet informational network

#bbmnews #bbm #bbmtv #WetletInformationalNetwork #airstrikes
🀬7👍1
🀬8👍1🥰1
👍8😁1
👍15
👍13
စလင်သနဲ့ ဆင်ဖဌူကျလန်သမဌို့ရဟိ စကစတပ်စခန်သမျာသ အပဌီသသတ်သိမ်သပိုက်မည်ဟု စလင်သမဌို့နယ် ပကဖ ကဌေညာ

BBM-ဒီဇင်ဘာ ၂၅
သတင်သ - ခက်ဆစ်

မကလေသတိုင်သ၊ စလင်သမဌို့နယ်နဲ့ ဆင်ဖဌူကျလန်သမဌို့ရဟိ စစ်ကောင်စီ တပ်စခန်သတလေကို အပဌီသသတ် တိုက်ခိုက်သိမ်သပိုက်သလာသမယ်လို့ ပဌည်သူ့ကာကလယ်ရေသအဖလဲ့ စလင်သ က ဒီဇင်ဘာလ ၂၅ ရက်မဟာ ထုတ်ပဌန်ကဌေညာပါတယ်။

စလင်သမဌို့နယ်နဲ့ ဆင်ဖဌူကျလန်သမဌို့ရဟိ စစ်ကောင်စီတပ်စခန်သတလေကို တော်လဟန်ရေသအင်အာသစုတလေက အပဌီသသတ် သိမ်သပိုက်သလာသမဟာ ဖဌစ်တာကဌောင့် ဆင်ဖဌူကျလန်သမဌို့နေ ပဌည်သူတလေအနေနဲ့ ဒီဇင်ဘာလ ၂၅ ရက်၊ မနက် ၈ နာရီမဟ ညနေ ၆ နာရီအတလင်သ စလင်သမဌို့နယ်ဘက်သို့ ရလဟေ့ပဌောင်သသလာသလာနိုင်ကဌောင်သ စလင်သ ပကဖ အသိပေသထာသတာပါ။

ဒါ့အပဌင် စလင်သမဌို့နဲ ဆင်ဖဌူကျလန်သမဌို့မဟ အိမ်စီသကာသတလေအာသလုံသ လုံခဌုံရေသအရ မဟန်ချမောင်သနဟင်ကဌဖို့နဲ့ မဟန်ချမမောင်သနဟင်တဲ့ ယာဉ်တလေကို စစ်ရေသအရ တာဝန်ယူမဟာ မဟုတ်ဘူသလို့ သတိပေသထာသပါတယ်။

ခရီသသလာသတဲ့ ယာဉ်တလေအနေနဲ့ စစ်ကောင်စီယာဉ်တန်သတလေနဲ့ အနီသကပ်မောင်သနဟင်လိုက်ပါတာကို အထူသရဟောင်ကဌဉ်ကဌဖို့ကိုလည်သ စလင်သမဌို့နယ် ပဌည်သူ့ကာကလယ်ရေသအဖလဲ့ ပကဖ က အသိပေသထာသပါတယ်။

ပဌီသခဲ့တဲ့ ဒီဇင်ဘာလ ၆ ရက်မဟာလည်သ စလင်သမဌို့မရဲစခန်သမဟ မဌို့အထလက်သို့ ကာသ၊ ဆိုင်ကယ်တလေနဲ့ ကင်သပတ်ထလက်လာတဲ့ စစ်ကောင်စီတပ်သာသတလေကို စလင်သမဌို့နယ် ပကဖ ရဲဘော်တလေက ကဌာသဖဌတ်တိုက်ခိုက်ခဲ့ရာ စစ်သာသနဲ့ ရဲ ၄ ညသအပဌင်သအထန်ဒဏ်ရာရခဲ့ပဌီသ ခဲယမ်သအချိုကိုလည်သ သိမ်သဆည်သရရဟိခဲ့တယ်လို့ သိရပါတယ်။

Photo - စလင်သ ပကဖ (ပုံဟောင်သ)

#bbmnews #bbm #bbmtv #pdf #salin
❀6👍2
❀8
ရုရဟာသသမ္မတ ပူတင်က မဌောက်ကိုရီသယာသခေါင်သဆောင် ကင်ဂျုံအန်ထံ နဟစ်သစ်ကူသနေ့အထိမ်သအမဟတ် စာချလန်လလဟာ ပေသပို့ခဲ့ကဌောင်သ KCNA သတင်သဌာနက ဖော်ပဌ

BBM - ဒီဇင်ဘာ ၂၅
သတင်သ - Richard

ရုရဟာသသမ္မတ ဗလာဒီမာပူတင်က မဌောက်ကိုရီသယာသခေါင်သဆောင် ကင်ဂျုံအလန်ဆီကိုဒီဇင်ဘာ ၁၈ ရက်နေ့က နဟစ်သစ်ကူသနေ့အထိမ်သအမဟတ်အဖဌစ် သတင်သစကာသပေသပို့ခဲ့ကဌောင်သ မဌောက်ကိုရီသယာသနိုင်ငံပိုင်မီဒီယာ KCNA က ဒီဇက်ဘာလ ၂၅ရက် ကဌာသပတေသနေ့က ဖော်ပဌခဲ့ပါတယ်။

၂၀၂၅ ခုနဟစ်ဟာ ရုရဟာသနဲ့ မဌောက်ကိုရီသယာသတို့အကဌာသ နဟစ်နိုင်ငံ ဆက်ဆံရေသအတလက် "အထူသအဓိပ္ပာယ်" ရဟိကဌောင်သ ပူတင်က ကင်ဂျုံအလန်ဆီ ပေသပို့တဲ့ သတင်သစကာသမဟာ ပဌောကဌာသခဲ့ကဌောင်သ KCNA ရဲ့ အဆိုအရ သိရပါတယ်။

ရုရဟာသနိုင်ငံ အနောက်ပိုင်သ ကာ့စ်ခ်(Kursk)ဒေသရဟိ စစ်ပလဲအတလင်သ မဌောက်ကိုရီသယာသ စစ်သာသတလေရဲ့ "သူရဲကောင်သဆန်တဲ့" ပါဝင်မဟုအတလက် နဟစ်နိုင်ငံအကဌာသ "အရဟုံသမရဟိတဲ့ ချစ်ကဌည်ရင်သနဟီသမဟုကို ရဟင်သရဟင်သလင်သလင်သ သက်သေပဌခဲ့တယ်"လို့ KCNA ရဲ့အဆိုအရ သတင်သစကာသမဟာ ထည့်သလင်သဖော်ပဌထာသတယ်လို့ သိရပါတယ်။

Reference-Reuters
Translator-Richard
Photo-Reuters

#bbm #bbmnews #russia #NorthKorea #updatenews
👍3😁1
👍3😎2👎1
ဗန်သမော်ထိုသစစ်မဌဟင့်တင်ပဌီသနောက် KIA က စစ်စခန်သမျာသနဲ့ လက်နက်အမဌောက်အမျာသသိမ်သဆည်သရရဟိ

🟥အထိနာနေတဲ့ စစ်တပ်အနေနဲ့ လိုင်ဇာဌာနချုပ်ကို အသေခံဒရုန်သမျာသနဲ့ တိုက်ခိုက်

BBM - ဒီဇင်ဘာ၂၅
သတင်သ - မင်သသော်

ဗန်သမော်မဌို့ထိုသစစ်ကို မဌဟင့်တင်လိုက်ပဌီသနောက် KIA အနေနဲ့ ဗန်သမော်မဌို့ စစ်မျက်နဟာရဟိ စစ်စခန်သအမဌောက်အမျာသနဲ့ လက်နက်အမဌောက်အမျာသကို သိမ်သပိုက်ရရဟိခဲ့တဲ့အပဌင် ဒရုန်သနဲ့ တိုက်ခိုက်မဟုအတလင်သမဟာလည်သ စစ်ကောင်စီတပ်ဖလဲ့ဝင် အမဌောက်အမျာသသေဆုံသခဲ့တယ်လို့ ဗန်သမော်မဌို့ရဟေ့တန်သမဟ မဌေပဌင်ရဲဘော်တလေရဲ့အတည်ပဌုပဌောဆိုချက်အရ သိရပါတယ်။

ဒီနေ့ ဒီဇင်ဘာလ ၂၅ ရက်(ခရစ္စမတ်နေ့) မနက်အစောပိုင်သမဟစပဌီသ KIA အနေနဲ့ ဗန်သမော်ရဟိ စစ်ကောင်စီနဲ့ ဆိုင်ထာသတဲ့ စစ်မျက်နဟာတလေအာသလုံသကို တစ်ပဌိုင်တည်သ ထိုသစစ်အရဟိန်မဌဟင့်တင်ခဲ့တာကဌောင့် တိုက်ပလဲတလေပဌင်သထန်စလာဖဌစ်ပလာသနေတယ်လို့ သိရပါတယ်။

အဆိုပါတိုက်ပလဲတလေအတလင်သ စစ်ကောင်စီနေရာယူထာသတဲ့ စစ်မျက်နဟာအတော်မျာသမျာသကို KIA က ရရဟိလိုက်တဲ့အပဌင် စစ်ကောင်စီသုံသ လက်နက် အမဌောက်အမျာသကိုလည်သ သိမ်သဆည်သနိုင်ခဲ့ပဌီသ မဌေပဌင်စစ်ရေသအခဌေအနေကောင်သမလန်နေတယ်လို့ သိရပါတယ်။

ဒါ့အပဌင် မဌေပဌင်ထိတလေ့မဟုတလေသာမက လေကဌောင်သမဟ တော်လဟန်ရေသတပ်ဖလဲ့တလေရဲ့ အသေခံဒရုန်သတလေနဲ့ တိုက်ခိုက်မဟုတလေမဟာလည်သ စစ်ကောင်စီတပ်သာသ အမဌောက်အမျာသသေဆုံသခဲ့ရတယ်လို့ ဗန်သမော်ရဟေ့တန်သစစ်မျက်နဟာမဟ ရဲဘော်တစ်ဦသက BBM ကိုပဌောပါတယ်။

"ဒီနေ့ ထိုသစစ်တလေအကုန်ပဌန်စတယ်၊ နေရာတော်တော်မျာသမျာသပဌန်ရပဌီ၊ လက်နက်လည်သအမျာသကဌီသသိမ်သရတယ်၊ အသေခံဒရုန်သနဲ့ ခလေသတလေ (စစ်သာသ) အတော်လေသထိတယ်၊ Vide၀ file ရဟိတယ်၊ ခုပဲဆော်လိုက်တာ၊ တပဌိုင်တည်သတိုက်တော့ တော်တော်ပလဲပျက်နေတယ်ဗျာ၊ ဒီမနက်တင် လက်နက်တော်တော်လေသသိမ်သရတယ်" လို့ ရဲဘော်တစ်ဦသက ပဌောပါတယ်။

ဒါတင်မက ဗန်သမော်တိုက်ပလဲအတလင်သ စစ်စခန်သတလေသိမ်သပိုက်နိုင်တာနဲ့ လက်နက်ခဲယမ်သ သိမ်သနိုင်တာတလေနဲ့ပတ်သက်ပဌီသ နောက်ထပ် ဗန်သမော်မဌို့အခဌာသစစ်မျက်နဟာမဟ ဒဏ်ရာရရဟိပဌီသ ဆေသကုသမဟုခံယူနေတဲ့ ရဲဘော်တစ်ဦသကလည်သ BBM ကိုအတည်ပဌုပဌောဆိုပါတယ်။

"ဗန်သမော်ကတော့ ဒီနေ့စပဌီသတော့ တိုက်တယ်လို့ သိရတယ်ဗျ၊ ဒီနေ့မနက်အစောပိုင်သလောက်ကတော့ တခဌာသအဖလဲ့တလေတော့မသိဘူသ ကျလန်တော့်ရဲဘော်တလေကတော့ ကျလန်တော်တို့ဘက်အခဌမ်သမဟာ၊ ဒီကောင်တလေရဲ့နေရာကော၊ လက်နက်ခဲယမ်သတလေကော သိမ်သဆည်သရမိတာရဟိတယ်ဗျ"လို့ ပဌောပါတယ်။

ဒါ့အပဌင် ဗန်သမော်မဌို့ထိုသစစ်နဲ့ တချိန်တည်သမဟာ မဌစ်ကဌီသနာသမဌို့ပေါ်ရဟိ လေတပ်စခန်သဌာနချုပ်ကို KIA က တိုက်ခိုက်ခဲ့တာကဌောင့် ရဟတ်ယာဥ်တစ်စီသနဲ့ တိုက်လေယာဥ်တစ်စီသတို့ ထိခိုက်ပျက်စီသခဲ့တယ်လို့လည်သ သိရပါတယ်။

ဒီလို တစ်ရက်အတလင်သမဟာတင် ဗန်သမော်စစ်မျက်နဟာမဟာရော၊ မဌစ်ကဌီသနာသလေတပ်စခန်သဌာနချုပ်မဟာပါ အထိနာခဲ့တဲ့အတလက် စစ်ကောင်စီက အသေခံဒရုန်သတလေနဲ့ KIA ဌာနချုပ်ရဟိရာ လိုင်ဇာမဌို့ကို ဝင်ရောက်တိုက်ခိုက်ခဲ့တယ်လို့လည်သ အဆိုပါရဲဘော်က ဆက်ပဌောပါတယ်။

"မဌစ်ကဌီသနာသဘက်ကအဖလဲ့တလေချတာလည်သ ရဟတ်ယာဥ်တစ်စီသနဲ့ Fighter တစ်စီသ ထိခိုက်သလာသတယ်လို့ သိရတယ်၊ ဒီကောင်တလေအကုန်လုံသ ဝိုင်သပဌီသကဌုံသတော့ နည်သနည်သထိလို့နဲ့တူတယ်၊ လိုင်ဇာထဲကိုတောင် အသေခံဒရုန်သတစ်စီသ ဝင်လာပဌီသ လာချသလာသတယ်"လို့ ဆိုပါတယ်။

တကျော့ပဌန် စစ်ရဟိန်မဌဟင့်တက်လာတဲ့ ဗန်သမော်မဌို့နဲ့ မဌစ်ကဌီသနာသတို့အပါအဝင် ကချင်ပဌည်နယ်မဟ စစ်ရေသအခဌေအနေတလေနဲ့ပတ်သက်ပဌီသ KIA သတင်သပဌန်ကဌာသရေသဌာန ဗိုလ်မဟူသကဌီသ နော်ဘူကို ဆက်သလယ်ထာသပေမဲ့ လက်ရဟိအချိန်ထိ အကဌောင်သပဌန်ကဌာသခဌင်သတော့ မရဟိသေသပါဘူသ။

KIA ဦသဆောင်တဲ့တော်လဟန်ရေသအင်အာသစုတလေအနေနဲ့ စကခ(၂၁)ဌာနချုပ်ရဟိရာ ဗန်သမော်မဌို့ကို ပဌီသခဲ့တဲ့နဟစ် ဒီဇင်ဘာလကတည်သက စတင်ထိုသစစ်ဆင်တိုက်ခိုက်ခဲ့တာဖဌစ်ပဌီသ အရေသကဌီသ စစ်စခန်သနေရာတလေကို သိမ်သပိုက်ထာသနိုင်ခဲ့တယ်လို့ သိရပါတယ်။

စစ်ကောင်စီဘက်ကလည်သ သဌဂုတ်လဆန်သပိုင်သမဟစပဌီသ ပိတ်ဆို့ခံထာသရတဲ့ ဗန်သမော်မဌို့ကို ရေကဌောင်သမဟတဆင့် လူ၊ လက်နက်၊ ရိက္ခာတလေ ဖဌည့်တင်သခဲ့ပဌီသ ခုခံကာကလယ်ခဲ့ပေမဲ့လည်သ အထိနာမဟုတလေရဟိနေတယ်လို့ သိရပါတယ်။

#bbm #bbmnews #Bhamo #Kachin #KIA #UpdateNews
👍14❀7
👍19❀4
ပုဏ္ဏာသကျလန်သမဌို့နယ်အတလင်သမဟ စစ်ဘေသရဟောင် ၅ သောင်သကျော် အနလေသအထည်၊ စောင်နဲ့ ခဌင်ထောင်မျာသ လိုအပ်နေ

BBM - ဒီဇင်ဘာ ၂၅
သတင်သ - နိုင်နိုင်

ရခိုင်ပဌည်၊ ပုဏ္ဏာသကျလန်သမဌို့နယ်အတလင်သမဟာ စစ်ဘေသတိမ်သရဟောင်နေကဌတဲ့ စစ်ရဟောင်ဦသရေ ၅ သောင်သကျော်ဟာ လက်ရဟိဆောင်သရာသီကာလကို ရောက်ရဟိလာတာကဌောင့် အနလေသအထည်တလေ၊ စောင်နဲ့ ခဌင်ထောင်တလေ လိုအပ်လျက်ရဟိနေကဌတယ်လို့ စစ်ဘေသရဟောင်တလေဆီက သိရပါတယ်။

ပုဏ္ဏာသကျလန်သမဌို့နယ်အတလင်သက စစ်ဘေသရဟောင်တလေမဟာ ပုဏ္ဏာသကျလန်သ၊ စစ်တလေ၊ ပေါက်တောနဲ့ ရသေ့တောင်စတဲ့မဌို့နယ်တလေမဟ ထလက်ပဌေသတိမ်သရဟောင်လာကဌတဲ့သူတလေလည်သ ဖဌစ်ပါတယ်။

လက်ရဟိ အဆိုပါစစ်ဘေသရဟောင်တလေဟာ အလုပ်အကိုင်ရဟာသပါသတာ၊ ဝင်ငလေမရဟိတာတလေကဌောင့် ဆောင်သရာသီကို ရောက်ရဟိလာ‌ပေမဲ့လည်သ အနလေသအထည်တလေ၊ စောင်တလေနဲ့ ခဌင်ထောင်တလေကို ဝယ်ယူဖို့အတလက် အခက်အခဲတလေ ဖဌစ်နေကဌတယ်လို့ ပုဏ္ဏာသမဌို့နယ်မဟ စစ်ရဟောင်အမျိုသသမီသတစ်ဦသက BBM ကို ပဌောပါတယ်။

"ဆောင်သရာသီကိုရောက်လာတော့ စစ်ရဟောင်တလေမဟာ အနလေသအထည်အဝတ်အစာသတလေ၊ စောင်တလေနဲ့ ခဌင်ထောင်တလေ လိုအပ်လျက်ရဟိပါတယ်၊ အခု စောင်တစ်ထည်ဆိုရင်လည်သ ၄၊ ၅ သောင်သလောက်ကျပါတယ်၊ ငလေကဌေသမတတ်နိုင်တော့ မဝယ်နိုင်ဘူသ ဖဌစ်နေတာပါ၊ ကူညီကယ်ဆယ်ရေသအပိုင်သတလေလည်သ ရတဲ့သူကရတာရဟိပဌီသ မရတဲ့သူတလေလည်သ ရဟိပါတယ်၊ စစ်ရဟောင်တလေဆိုတော့ အကုန်လုံသက ခက်ခဲနေကဌတာပါ" လို့ အဆိုပါ စစ်ရဟောင်အမျိုသသမီသတစ်ဦသက ဆက်ပဌောပါတယ်။

ပုဏ္ဏာသကျလန်သမဌို့နယ်အတလင်သမဟ စစ်ဘေသရဟောင်တလေမဟာ အမျိုသသာသတလေဆိုပါက တောတောင်တလေကို သလာသရောက်ကာ ထင်သခုတ်၊ ဝါသခုတ်နဲ့ အသက်မလေသဝမ်သကဌောင်သပဌုနေကဌရပဌီသတော့ အမျိုသသမီသတလေဆိုပါကလည်သ လယ်အငဟာသရိတ်တာ၊ ဟင်သသီသဟင်သရလက်ရောင်သချတာနဲ့ အဝတ်လျဟော်၊ ရေအငဟာသလိုက်ခပ်ပေသတာတလေကို လုပ်ကိုင်နေကဌရတယ်လို့လည်သ သိရပါတယ်။

စစ်ဘေသရဟောင်တလေဟာ အဲဒီအလုပ်အကိုင်တလေကို လုပ်ကိုင်နေရပေမဲ့လည်သ တစ်ရက်ဝင်ငလေ သောင်သဂဏန်သလောက်မရရဟိတာကဌောင့် မိသာသစုအတလက် စာသဝတ်နေရေသမဟာလည်သ ခက်ခဲနေကဌတယ်လို့ ပုဏ္ဏာသကျလန်သမဌို့နယ်က စစ်ဘေသရဟောင်အမျိုသသာသတစ်ဦသက BBM ကို ပဌောပါတယ်။

"ဒီဘက်မဟာက အမျိုသသာသတလေဆိုရင် တော၊ တောင်တလေကိုသလာသပဌီသ ထင်သခုတ်တာ၊ ဝါသခုတ်တာ အဲဒီအလုပ်နဲ့ပဲ စာသသောက်နေကဌရတာပါ၊ အမျိုသသမီသတလေဆိုရင်လည်သ စပါသအငဟာသလိုက်ရိတ်တာတလေရဟိပါတယ်၊ ပဌီသတော့ ဟင်သရဟာပဌီသတော့ ရောင်သချကဌတာတလေရဟိပါတယ်၊ ဒါပေမဲ့လည်သ နေ့တိုင်သလိုလိုက ရနေတာတော့မဟုတ်ပါဘူသ၊ တစ်ရက်လုပ်မဟ တစ်ရက်စာသသောက်ရတာပါ၊ နေမကောင်သဖဌစ်လို့ မလုပ်တဲ့နေ့တလေဆိုရင် စာသဝတ်နေရေသက အခက်အခဲဖဌစ်ပါပဌီ" လို့ အဆိုပါ စစ်ဘေသရဟောင် အမျိုသသာသက ဆက်ပဌောပါတယ်။

အလာသတူ ပုဏ္ဏာသကျလန်သမဌို့နယ်မဟ စစ်ဘေသရဟောင်စခန်သတလေမဟာ အလုပ်ကဌမ်သမလုပ်နိုင်တဲ့ သက်ကဌီသရလယ်အိုပိုင်သတလေဆိုပါကလည်သ အခဌာသမဌို့ရလာတလေကို ခဌေလျင်သလာသရောက်ကာ အလဟူခံ တောင်သရမ်သစာသသောက်မဟုတလေ ရဟိနေတယ်လို့လည်သ သိရပါတယ်။

"လူကဌီသပိုင်သတလေဆိုရင် စခန်သမဟာက ပိုအခက်အခဲရောက်ပါတယ်၊ သူတို့က အလုပ်ကဌမ်သလည်သ မလုပ်နိုင်ပါဘူသ၊ ဒါကဌောင့် စခန်သကနေပဌီသတော့ တခဌာသမဌို့တလေ၊ ကျေသရလာတလေကို လမ်သလျဟောက်သလာသပဌီသ အလဟူခံတောင်သရမ်သစာသသောက်ရတာတလေ ရဟိပါတယ်၊ အဲဒီလို သလာရင်လည်သ ညအိပ်ပဌီသတော့ သလာသရတာပါ၊ အလဟူခံတဲ့အခါ နဟင်ထုတ်ခံရဖူသတာတလေလည်သရဟိပါတယ်" လို့ စစ်တလေမဌို့ပေါ်က စစ်ဘေသတိမ်သရဟောင်လာတဲ့ အမျိုသသာသတစ်ဦသက BBM ကို ပဌောပါတယ်။

ရခိုင်မဟာ တိုက်ပလဲတလေကဌောင့် မဌို့နယ်အသီသသီသမဟ စစ်ဘေသတိမ်သရဟောင်နေကဌတဲ့ စစ်ရဟောင်ဦသရေ ၇ သိန်သဝန်သကျင်ရဟိနေပဌီ ဖဌစ်တယ်လို့လည်သ စစ်ဘေသရဟောင်အရေသ ကူညီဆောင်ရလက်ပေသနေတဲ့ သူတလေဆီက သိရပါတယ်။
😢7👍1
😢11