ကန့်ဘလူမှာ စစ်တပ်က အသက်မပြည့်တဲ့လူငယ်အပါ ပြည်သူ(၇)ဦးကို အရှင်လတ်လတ်မီးရှို့သတ်ဖြတ်
🟥အဆိုပါ မီးရှို့ခံရတဲ့ ပြည်သူထဲမှ တစ်ဦးထွက်ပြေးလွတ်မြောက်
BBM-စက်တင်ဘာ၁၆
သတင်း-မင်းသော်
စစ်ကိုင်းတိုင်း၊ ကန့်ဘလူမြို့နယ်အတွင်း စစ်ကောင်စီတပ်သားတွေနဲ့ ပျူစောထီးတပ်ဖွဲ့တွေက အသက်မပြည့်သေးတဲ့လူငယ်တွေအပါ ပြည်သူ(၇)ဦးကိုအရှင်လတ်လတ်မီးရှို့သတ်ဖြတ်ခဲ့ပြီး အဆိုပါဖြစ်စဥ်ထဲမှ ပြည်သူတစ်ဦးက ထွက်ပြေးလွတ်မြောက်ခဲ့တယ်လို့ သိရပါတယ်။
ပြီးခဲ့တဲ့ စက်တင်ဘာလ ၉ ရက်နေ့ မနက် ၈ နာရီလောက်မှာ စဥ့်ကူး၊ရွှေမှော်ဘက်မှ အလုပ်လုပ်ပြီး ပြန်လာတဲ့ ပြည်သူ(၇)ဦးကို ကန့်ဘလူမြို့နယ်၊ ရေကြည်ဦးရွာနှင့် ဘူးကုန်းရွာကြားမှာရှိတဲ့ ဘူးကုန်းလမ်းခွဲဇရပ်မှာ ဂိတ်ချထားတဲ့ စစ်ကောင်စီနဲ့ပျူစောထီး တပ်ဖွဲ့ဝင်တွေဟာ ရိုက်နှက်ဖမ်းဆီးပြီးနောက် ဘူးကုန်းဘုန်းကြီးကျောင်းကို ခေါ်ဆောင်သွားခဲ့တယ်လို့ သိရပါတယ်။
အဲ့ဒီနောက် အဆိုပါပြည်သူ(၇)ဦးကို စစ်ကောင်စီတပ်သားများက ၄ ရက်ဆက်တိုက် ထမင်းမကျွေးဘဲ ဝါးအစိုဖြင့် အကြမ်းဖက်နှိပ်စက်တာတွေပြုလုပ်ခဲ့ပြီး စက်တင်ဘာလ ၁၂ ရက်နေ့ညနေမှာတော့ ကြိုးတုပ်ကာ ကားတာယာအပုံပေါ်ကိုတက်ခိုင်းပြီး မေ့မျောအောင် ရိုက်နှက်ကာ အရှင်လတ်လတ်မီးရှို့ခဲ့တယ်လို့ သိရပါတယ်။
အဆိုပါဖြစ်စဥ်အတွင်း အသက်(၁၅)နှစ်အရွယ် လူငယ်တစ်ဦးက မေ့မျောနေရာမှ သတိရလာတာကြောင့် ထွက်ပြေးလွတ်မြောက်ခဲ့ပြီး ကျန်(၆)ယောက်မှာတော့ အရှင်လတ်လတ် မီးရှို့သတ်ဖြတ်ခံခဲ့ရတယ်လို့ သိရပါတယ်။
အရှင်လတ်လတ်မီးရှို့သတ်ဖြတ်ခံခဲ့ရတဲ့ ပြည်သူတွေအနေနဲ့ ဦးလေးစိုးတင့်(၄၅)နှစ်၊ကိုချစ်သဲမောင်(၂၃)နှစ်၊ကိုသန်းဇော်ထွန်း(၂၃)နှစ်၊ကိုရီဝေမိုး(၁၈)နှစ်၊မိုးသက်ခ(၁၆)နှစ်နဲ့ ချမ်းဖြိုးဝေ(၁၄) နှစ်တို့ဖြစ်ပြီး အသက်မပြည့်တဲ့ လူငယ်(၂)ဦးထိပါဝင်တယ်လို့လည်း သိရပါတယ်။
အဆိုပါ စစ်ကောင်စီတပ်ဖွဲ့ဝင်တွေနဲ့ ပျူစောထီးတွေဟာ ကန့်ဘလူမြို့နယ်အတွင်း လှည့်ပတ်စစ်ကြောင်းထိုးနေသည်မှာ တစ်လနီးပါးကြာမြင့်နေပြီး ကျေးရွာတွေကို မီးရှို့တာနဲ့ အပြစ်မဲ့ပြည်သူများအား ဖမ်းဆီးသ-တ်ဖြ-တ်ခြင်းကိုလည်း ဆက်တိုက်လုပ်ဆောင်လျက်ရှိတယ်လို့လည်း သိရပါတယ်။
ဒါ့အပြင် အဆိုပါတပ်ဖွဲ့တွေအနေနဲ့ ရွှေဘို-မြစ်ကြီးနားဗျူဟာလမ်းပိုင်းအား စိုးမိုးမှုအလုံးစုံရရှိရန်ကြိုးပမ်းလျက်ရှိပြီး ရေကြည်ဦး၊ဘူးကုန်းရွာလမ်းခွဲ၊ဇီးကုန်း-မလယ်လမ်းဆုံတွေမှာ ထပ်တိုးနေရာယူကာ ပြည်သူတွေကို ဖမ်းဆီးနေတာကြောင့် ပြည်သူတွေ သတိထားသွားလာကြဖို့ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ မှ ထုတ်ပြန်သတိပေးထားပါတယ်။
🟥အဆိုပါ မီးရှို့ခံရတဲ့ ပြည်သူထဲမှ တစ်ဦးထွက်ပြေးလွတ်မြောက်
BBM-စက်တင်ဘာ၁၆
သတင်း-မင်းသော်
စစ်ကိုင်းတိုင်း၊ ကန့်ဘလူမြို့နယ်အတွင်း စစ်ကောင်စီတပ်သားတွေနဲ့ ပျူစောထီးတပ်ဖွဲ့တွေက အသက်မပြည့်သေးတဲ့လူငယ်တွေအပါ ပြည်သူ(၇)ဦးကိုအရှင်လတ်လတ်မီးရှို့သတ်ဖြတ်ခဲ့ပြီး အဆိုပါဖြစ်စဥ်ထဲမှ ပြည်သူတစ်ဦးက ထွက်ပြေးလွတ်မြောက်ခဲ့တယ်လို့ သိရပါတယ်။
ပြီးခဲ့တဲ့ စက်တင်ဘာလ ၉ ရက်နေ့ မနက် ၈ နာရီလောက်မှာ စဥ့်ကူး၊ရွှေမှော်ဘက်မှ အလုပ်လုပ်ပြီး ပြန်လာတဲ့ ပြည်သူ(၇)ဦးကို ကန့်ဘလူမြို့နယ်၊ ရေကြည်ဦးရွာနှင့် ဘူးကုန်းရွာကြားမှာရှိတဲ့ ဘူးကုန်းလမ်းခွဲဇရပ်မှာ ဂိတ်ချထားတဲ့ စစ်ကောင်စီနဲ့ပျူစောထီး တပ်ဖွဲ့ဝင်တွေဟာ ရိုက်နှက်ဖမ်းဆီးပြီးနောက် ဘူးကုန်းဘုန်းကြီးကျောင်းကို ခေါ်ဆောင်သွားခဲ့တယ်လို့ သိရပါတယ်။
အဲ့ဒီနောက် အဆိုပါပြည်သူ(၇)ဦးကို စစ်ကောင်စီတပ်သားများက ၄ ရက်ဆက်တိုက် ထမင်းမကျွေးဘဲ ဝါးအစိုဖြင့် အကြမ်းဖက်နှိပ်စက်တာတွေပြုလုပ်ခဲ့ပြီး စက်တင်ဘာလ ၁၂ ရက်နေ့ညနေမှာတော့ ကြိုးတုပ်ကာ ကားတာယာအပုံပေါ်ကိုတက်ခိုင်းပြီး မေ့မျောအောင် ရိုက်နှက်ကာ အရှင်လတ်လတ်မီးရှို့ခဲ့တယ်လို့ သိရပါတယ်။
အဆိုပါဖြစ်စဥ်အတွင်း အသက်(၁၅)နှစ်အရွယ် လူငယ်တစ်ဦးက မေ့မျောနေရာမှ သတိရလာတာကြောင့် ထွက်ပြေးလွတ်မြောက်ခဲ့ပြီး ကျန်(၆)ယောက်မှာတော့ အရှင်လတ်လတ် မီးရှို့သတ်ဖြတ်ခံခဲ့ရတယ်လို့ သိရပါတယ်။
အရှင်လတ်လတ်မီးရှို့သတ်ဖြတ်ခံခဲ့ရတဲ့ ပြည်သူတွေအနေနဲ့ ဦးလေးစိုးတင့်(၄၅)နှစ်၊ကိုချစ်သဲမောင်(၂၃)နှစ်၊ကိုသန်းဇော်ထွန်း(၂၃)နှစ်၊ကိုရီဝေမိုး(၁၈)နှစ်၊မိုးသက်ခ(၁၆)နှစ်နဲ့ ချမ်းဖြိုးဝေ(၁၄) နှစ်တို့ဖြစ်ပြီး အသက်မပြည့်တဲ့ လူငယ်(၂)ဦးထိပါဝင်တယ်လို့လည်း သိရပါတယ်။
အဆိုပါ စစ်ကောင်စီတပ်ဖွဲ့ဝင်တွေနဲ့ ပျူစောထီးတွေဟာ ကန့်ဘလူမြို့နယ်အတွင်း လှည့်ပတ်စစ်ကြောင်းထိုးနေသည်မှာ တစ်လနီးပါးကြာမြင့်နေပြီး ကျေးရွာတွေကို မီးရှို့တာနဲ့ အပြစ်မဲ့ပြည်သူများအား ဖမ်းဆီးသ-တ်ဖြ-တ်ခြင်းကိုလည်း ဆက်တိုက်လုပ်ဆောင်လျက်ရှိတယ်လို့လည်း သိရပါတယ်။
ဒါ့အပြင် အဆိုပါတပ်ဖွဲ့တွေအနေနဲ့ ရွှေဘို-မြစ်ကြီးနားဗျူဟာလမ်းပိုင်းအား စိုးမိုးမှုအလုံးစုံရရှိရန်ကြိုးပမ်းလျက်ရှိပြီး ရေကြည်ဦး၊ဘူးကုန်းရွာလမ်းခွဲ၊ဇီးကုန်း-မလယ်လမ်းဆုံတွေမှာ ထပ်တိုးနေရာယူကာ ပြည်သူတွေကို ဖမ်းဆီးနေတာကြောင့် ပြည်သူတွေ သတိထားသွားလာကြဖို့ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ မှ ထုတ်ပြန်သတိပေးထားပါတယ်။
🤬8👎3❤1
ကျောက်မဲတိုက်ပွဲပြင်းထန်ကာ စစ်တပ်က ကျောက်မဲမြို့အဝင် ပတ်ချာလည်အထိ ရောက်ရှိလာနေ
🟥 ကျောက်မဲမြို့ကို ပြည်ထောင်စုလမ်းမကြီးအပြင် မိုင်းတင်းလမ်းခွဲဘက်ကပါ စစ်တပ်မှထိုးစစ်ဆင်
BBM-စက်တင်ဘာ၁၆
သတင်း-မင်းသော်
ရှမ်းပြည်နယ်မြောက်ပိုင်း၊ ကျောက်မဲမြို့တိုက်ပွဲမှာ ပြင်းထန်နေပြီး စစ်တပ်ဘက်မှ TNLAနဲ့တော်လှန်ရေးအင်အားစုတွေထိန်းချုပ်ထားတဲ့ နေရာအချို့ကို သိမ်းပိုက်ကာကျောက်မဲမြို့အဝင် ပတ်ချာလည်အထိ ရောက်ရှိနေတယ်လို့ သိရပါတယ်။
ပြီးခဲ့တဲ့ စက်တင်ဘာလ ၁၂ ရက်နေ့က စစ်ကောင်စီ ထိန်းချုပ်ထားရာ နောင်ပိန်ရွာနဲ့ကျောက်မဲမြို့ကြားရှိ ခိုက်တုန်ဟုန်ကျေးရွာကို စစ်တပ်ဘက်မှ သိမ်းပိုက်နိုင်ခဲ့ပြီး အဆိုပါကျေးရွာဟာ TNLA သိမ်းပိုက်ထားတဲ့ ကျောက်မဲမြို့နဲ့ နီးကပ်နေပြီဟုလည်း သိရပါတယ်။
စစ်ကောင်စီအနေနဲ့ ဂုတ်ထိပ်တစ်ဖက်ကမ်းမှာရှိတဲ့ ကျောက်မဲမြို့နယ်ထဲက နောင်ပိန်ကျေးရွာကို သြဂုတ်လ နောက်ဆုံးအပတ်မှစတင်ကာတိုက်ခိုက်သိမ်းပိုက်ခဲ့တာ ဖြစ်ပြီး ထိုမှတဆင့် ကျောက်မဲမြို့ကို ဆက်လက်ထိုးစစ်ဆင်လာတာဖြစ်တယ်လို့ သိရပါတယ်။
ဒါ့အပြင် ကျောက်မဲမြို့ကို ထိုးစစ်ဆင်ရာမှာ နောင်ချိုမြို့နဲ့ နောင်ပိန်ကျေးရွာတို့ကို ထိုးစစ်ဆင်တိုက်ခိုက်ခဲ့တုန်းကကဲ့သို့ပင် လက်နက်ကြီးနဲ့ဒရုန်းကို ဦးစွာပထမ အသုံးပြုပြီးမှသာ မြေပြင်စစ်ကြောင်းတွေက တဖြည်းဖြည်းတိုးလာနေတယ်လို့ ဒေသခံစစ်ရေးသတင်းရင်းမြစ်တွေထံမှ သိရပါတယ်။
"ခိုက်တုန်ဟုန်း မှာတော့ စကစရသွားတဲ့အတွက် ကျောက်မဲနဲ့ဆို ၈မိုင်ပတ်ချာလည်မှာ စကစ စိုးမိုးသွားပါပြီ၊ ကျောက်မဲလည်းနောင်ချိုနဲ့အလားသဏ္ဍန်တူတယ်ခင်ဗျ၊ ဒရုန်းချ လက်နက်ကြီးပစ်၊ ရှေ့တိုး၊ ဒီလိုပဲ လုပ်လာကြတာဗျ" ဟု ဒေသခံပြည်သူတစ်ဦးမှ BBM ကိုပြောပါတယ်။
ကျောက်မဲမြို့ကို ထိုးနေတဲ့ စစ်ကောင်စီစစ်ကြောင်းတစ်ခုကို ပြီးခဲ့တဲ့၁၄ရက်နေ့က ၎င်းတို့လေတပ်မှပင် မှားယွင်းဗုံးကြဲတာတွေပြုလုပ်ခဲ့တာကြောင့် စစ်ကောင်စီတပ်သား (၂၀)ကျော်သေဆုံးခဲ့ရသေးတယ်လို့လည်း သိရပါတယ်။
ဒါ့အပြင်စစ်ကောင်စီစစ်ကြောင်းတွေဟာ ခိုက်တုန်ဟုန်ကျေးရွာအကျော်က တောင်ဆေးလိပ်ရွာကိုလည်း လေကြောင်းတိုက်ခိုက်မှုအချို့ပြုလုပ်ပြီး စစ်ကြောင်းတိုးတာတွေ စတင်ပြုလုပ်နေတယ်လို့လည်း သိရပါတယ်။
ဒါတင်မက စစ်ကောင်စီစစ်ကြောင်းတွေဟာ ကျောက်မဲမြို့ကို ပြည်ထောင်စုလမ်းမကြီးဘက်က စစ်ကြောင်းတွေအပြင် မိုင်းတင်ကျေးရွာဘက်ကပါ နှစ်ဖက်ညှပ်ဖိအားပေးလိုဟန်ရှိပြီး အဆိုပါမိုင်းတင်းကျေးရွာကိုသွားရာလမ်းတစ်လျှောက် တိုက်ပွဲဖြစ်ပွါးနေတယ်လို့လည်း သိရပါတယ်။
မိုင်းတင်းကျေးရွာဟာ ကျောက်မဲမြို့နဲ့ မိုင်းလုံမြို့ကြားမှာရှိတဲ့ ဗျူဟာအရ အရေးပါတဲ့ ကျေးရွာတစ်ရွာဖြစ်ပြီး အဆိုပါကျေးရွာကိုစစ်ကောင်စီဘက်က ရရှိသွားမယ်ဆိုပါက ကျောက်မဲမြို့နဲ့ မိုင်းလုံမြို့တို့မှာရှိနေတဲ့ တော်လှန်ရေးအင်အားစုတွေအတွက် စစ်ရေးအရ ပိုမို ဖိအားပေးခံရနိုင်ချေရှိတယ်လို့လည်း ၎င်းမှဆက်ပြောပါတယ်။
" မိုင်းတင်းဘက်ကိုလည်း စစ်တပ်ကတောက် လျှောက်တိုးနေပြီး တိုက်ပွဲလည်တောက်လျှောက် ဖြစ်နေတယ်ခင်ဗျာ၊ စကစ ရှေ့ပြေးတပ်အချို့က စခန်းသာ(မိုင်းတင်းလမ်းခွဲ)အနီးရောက်တယ်လို့ကြားနေရပါပြီခင်ဗျာ (အတည်ပြုဖို့ဆက်သွယ်ထားဆဲ)ပါ"
အဆိုပါမိုင်းတင်းကျေးရွာကို စစ်ကောင်စီနဲ့တိုက်ပွဲဖြစ်ပွါးခြင်းမရှိတဲ့ ရှမ်းမြောက်လက်နက် ကိုင်တပ်ဖွဲ့SSPPမှ ထိန်းချုပ်ထားပြီး အဆိုပါကျေးရွာလမ်းတစ်လျှောက်ကတိုက်ပွဲတွေနဲ့ပတ်သတ်ကာ TNLAမှ အရာရှိတစ်ဦးကို BBM မှဆက်သွယ်မေးမြန်းရာမှာတော့
" အဲ့တာကတော့ ပြောဖို့ တစ်စုံတစ်ရာမရှိပါဘူး ၊ အဓိက ကတော့ ဒီ တော်လှန်ရေးဘက်မှာပဲ ကိုယ်လုပ်စရာရှိတဲ့အလုပ်ကိုပဲ တစိုက်မက်မက်လုပ်နေရတဲ့အခြေအနေပါ"ဟု ပြောပါတယ်။
စစ်ကောင်စီအနေနဲ့ ပြီးခဲ့တဲ့ရက်ပိုင်းက ရွေးကောက်ပွဲပြုလုပ်မဲ့ မြို့နယ်တွေကိုထုတ်ပြန်ကြေငြာရာမှာ TNLAထိန်းချုပ်ရာယခုတိုက်ပွဲပြင်းထန်နေတဲ့ ကျောက်မဲမြို့အပြင် မိုးကုတ်မြို့တို့ကိုပါထည့်သွင်းကြေငြာသွားတာကြောင့် အဆိုပါမြို့နယ်တွေအတွင်း ဆက်လက်တိုက်ပွဲပြင်းထန်လာနိုင်ချေရှိတယ်လို့ တော်လှန်ရေးအင်အားစုတွေက ပြောဆိုမှုတွေရှိနေပါတယ်။
Photo-ပုံဟောင်း
🟥 ကျောက်မဲမြို့ကို ပြည်ထောင်စုလမ်းမကြီးအပြင် မိုင်းတင်းလမ်းခွဲဘက်ကပါ စစ်တပ်မှထိုးစစ်ဆင်
BBM-စက်တင်ဘာ၁၆
သတင်း-မင်းသော်
ရှမ်းပြည်နယ်မြောက်ပိုင်း၊ ကျောက်မဲမြို့တိုက်ပွဲမှာ ပြင်းထန်နေပြီး စစ်တပ်ဘက်မှ TNLAနဲ့တော်လှန်ရေးအင်အားစုတွေထိန်းချုပ်ထားတဲ့ နေရာအချို့ကို သိမ်းပိုက်ကာကျောက်မဲမြို့အဝင် ပတ်ချာလည်အထိ ရောက်ရှိနေတယ်လို့ သိရပါတယ်။
ပြီးခဲ့တဲ့ စက်တင်ဘာလ ၁၂ ရက်နေ့က စစ်ကောင်စီ ထိန်းချုပ်ထားရာ နောင်ပိန်ရွာနဲ့ကျောက်မဲမြို့ကြားရှိ ခိုက်တုန်ဟုန်ကျေးရွာကို စစ်တပ်ဘက်မှ သိမ်းပိုက်နိုင်ခဲ့ပြီး အဆိုပါကျေးရွာဟာ TNLA သိမ်းပိုက်ထားတဲ့ ကျောက်မဲမြို့နဲ့ နီးကပ်နေပြီဟုလည်း သိရပါတယ်။
စစ်ကောင်စီအနေနဲ့ ဂုတ်ထိပ်တစ်ဖက်ကမ်းမှာရှိတဲ့ ကျောက်မဲမြို့နယ်ထဲက နောင်ပိန်ကျေးရွာကို သြဂုတ်လ နောက်ဆုံးအပတ်မှစတင်ကာတိုက်ခိုက်သိမ်းပိုက်ခဲ့တာ ဖြစ်ပြီး ထိုမှတဆင့် ကျောက်မဲမြို့ကို ဆက်လက်ထိုးစစ်ဆင်လာတာဖြစ်တယ်လို့ သိရပါတယ်။
ဒါ့အပြင် ကျောက်မဲမြို့ကို ထိုးစစ်ဆင်ရာမှာ နောင်ချိုမြို့နဲ့ နောင်ပိန်ကျေးရွာတို့ကို ထိုးစစ်ဆင်တိုက်ခိုက်ခဲ့တုန်းကကဲ့သို့ပင် လက်နက်ကြီးနဲ့ဒရုန်းကို ဦးစွာပထမ အသုံးပြုပြီးမှသာ မြေပြင်စစ်ကြောင်းတွေက တဖြည်းဖြည်းတိုးလာနေတယ်လို့ ဒေသခံစစ်ရေးသတင်းရင်းမြစ်တွေထံမှ သိရပါတယ်။
"ခိုက်တုန်ဟုန်း မှာတော့ စကစရသွားတဲ့အတွက် ကျောက်မဲနဲ့ဆို ၈မိုင်ပတ်ချာလည်မှာ စကစ စိုးမိုးသွားပါပြီ၊ ကျောက်မဲလည်းနောင်ချိုနဲ့အလားသဏ္ဍန်တူတယ်ခင်ဗျ၊ ဒရုန်းချ လက်နက်ကြီးပစ်၊ ရှေ့တိုး၊ ဒီလိုပဲ လုပ်လာကြတာဗျ" ဟု ဒေသခံပြည်သူတစ်ဦးမှ BBM ကိုပြောပါတယ်။
ကျောက်မဲမြို့ကို ထိုးနေတဲ့ စစ်ကောင်စီစစ်ကြောင်းတစ်ခုကို ပြီးခဲ့တဲ့၁၄ရက်နေ့က ၎င်းတို့လေတပ်မှပင် မှားယွင်းဗုံးကြဲတာတွေပြုလုပ်ခဲ့တာကြောင့် စစ်ကောင်စီတပ်သား (၂၀)ကျော်သေဆုံးခဲ့ရသေးတယ်လို့လည်း သိရပါတယ်။
ဒါ့အပြင်စစ်ကောင်စီစစ်ကြောင်းတွေဟာ ခိုက်တုန်ဟုန်ကျေးရွာအကျော်က တောင်ဆေးလိပ်ရွာကိုလည်း လေကြောင်းတိုက်ခိုက်မှုအချို့ပြုလုပ်ပြီး စစ်ကြောင်းတိုးတာတွေ စတင်ပြုလုပ်နေတယ်လို့လည်း သိရပါတယ်။
ဒါတင်မက စစ်ကောင်စီစစ်ကြောင်းတွေဟာ ကျောက်မဲမြို့ကို ပြည်ထောင်စုလမ်းမကြီးဘက်က စစ်ကြောင်းတွေအပြင် မိုင်းတင်ကျေးရွာဘက်ကပါ နှစ်ဖက်ညှပ်ဖိအားပေးလိုဟန်ရှိပြီး အဆိုပါမိုင်းတင်းကျေးရွာကိုသွားရာလမ်းတစ်လျှောက် တိုက်ပွဲဖြစ်ပွါးနေတယ်လို့လည်း သိရပါတယ်။
မိုင်းတင်းကျေးရွာဟာ ကျောက်မဲမြို့နဲ့ မိုင်းလုံမြို့ကြားမှာရှိတဲ့ ဗျူဟာအရ အရေးပါတဲ့ ကျေးရွာတစ်ရွာဖြစ်ပြီး အဆိုပါကျေးရွာကိုစစ်ကောင်စီဘက်က ရရှိသွားမယ်ဆိုပါက ကျောက်မဲမြို့နဲ့ မိုင်းလုံမြို့တို့မှာရှိနေတဲ့ တော်လှန်ရေးအင်အားစုတွေအတွက် စစ်ရေးအရ ပိုမို ဖိအားပေးခံရနိုင်ချေရှိတယ်လို့လည်း ၎င်းမှဆက်ပြောပါတယ်။
" မိုင်းတင်းဘက်ကိုလည်း စစ်တပ်ကတောက် လျှောက်တိုးနေပြီး တိုက်ပွဲလည်တောက်လျှောက် ဖြစ်နေတယ်ခင်ဗျာ၊ စကစ ရှေ့ပြေးတပ်အချို့က စခန်းသာ(မိုင်းတင်းလမ်းခွဲ)အနီးရောက်တယ်လို့ကြားနေရပါပြီခင်ဗျာ (အတည်ပြုဖို့ဆက်သွယ်ထားဆဲ)ပါ"
အဆိုပါမိုင်းတင်းကျေးရွာကို စစ်ကောင်စီနဲ့တိုက်ပွဲဖြစ်ပွါးခြင်းမရှိတဲ့ ရှမ်းမြောက်လက်နက် ကိုင်တပ်ဖွဲ့SSPPမှ ထိန်းချုပ်ထားပြီး အဆိုပါကျေးရွာလမ်းတစ်လျှောက်ကတိုက်ပွဲတွေနဲ့ပတ်သတ်ကာ TNLAမှ အရာရှိတစ်ဦးကို BBM မှဆက်သွယ်မေးမြန်းရာမှာတော့
" အဲ့တာကတော့ ပြောဖို့ တစ်စုံတစ်ရာမရှိပါဘူး ၊ အဓိက ကတော့ ဒီ တော်လှန်ရေးဘက်မှာပဲ ကိုယ်လုပ်စရာရှိတဲ့အလုပ်ကိုပဲ တစိုက်မက်မက်လုပ်နေရတဲ့အခြေအနေပါ"ဟု ပြောပါတယ်။
စစ်ကောင်စီအနေနဲ့ ပြီးခဲ့တဲ့ရက်ပိုင်းက ရွေးကောက်ပွဲပြုလုပ်မဲ့ မြို့နယ်တွေကိုထုတ်ပြန်ကြေငြာရာမှာ TNLAထိန်းချုပ်ရာယခုတိုက်ပွဲပြင်းထန်နေတဲ့ ကျောက်မဲမြို့အပြင် မိုးကုတ်မြို့တို့ကိုပါထည့်သွင်းကြေငြာသွားတာကြောင့် အဆိုပါမြို့နယ်တွေအတွင်း ဆက်လက်တိုက်ပွဲပြင်းထန်လာနိုင်ချေရှိတယ်လို့ တော်လှန်ရေးအင်အားစုတွေက ပြောဆိုမှုတွေရှိနေပါတယ်။
Photo-ပုံဟောင်း
👎9❤3👍1
အာရက္ခတပ်တော် AA စစ်ဦးစီးချုပ်နဲ့ မွတ်ဆလင်ခေါင်းဆောင်တွေ တွေ့ဆုံဆွေးနွေးခဲ့ပြီးနောက် မောင်တောမြို့မ ဂျာမေဗလီကြီးကို ဖွင့်ပေး
BBM - စက်တင်ဘာ ၁၆
သတင်း - နိုင်နိုင်
ရက္ခိုင်အမျိုးသားအဖွဲ့ချုပ် (ULA ) ဥက္ကဋ္ဌ၊ အာရက္ခတပ်တော် (AA) ရဲ့ စစ်ဦးစီးချုပ် ဗိုလ်ချုပ်ထွန်းမြတ်နိုင်နဲ့ မွတ်ဆလင် အသိုင်းအဝန်းခေါင်ဆောင်တွေဟာ မောင်တောမြို့မှာ တွေ့ဆုံဆွေးနွေးခဲ့ပြီး ရခိုင်ပြည်တည်ဆောက်ရေးမှာ အကုန်လုံးပူးပေါင်းပါဝင်ဖို့ ပြောကြားခဲ့တာတွေရှိတယ်လို့ သိရပါတယ်။
AA စစ်ဦးစီးချုပ် ဗိုလ်ချုပ်ထွန်းမြတ်နိုင်ဟာ ပြီးခဲ့တဲ့ သြဂုတ်လ ၃၀ ရက်နေ့၊ မောင်တောမြို့က မွတ်ဆလင် အသိုင်းအဝန်းခေါင်းဆောင်တွေ၊ ဒေသခံပြည်သူတွေနဲ့ တိုက်ရိုက်တွေ့ဆုံကာ ဒေသအတွင်းတည်ငြိမ်အေးချမ်းရေး၊ ရခိုင်ပြည်တည်ဆောက်ရေးနဲ့ နောက်လာမဲ့အနာဂတ် အုပ်ချုပ်ရေးဆိုင်ရာ ကိစ္စရပ်တွေကို တွေ့ဆုံဆွေးနွေးခဲ့ကြတယ်လို့ သိရပါတယ်။
အဲဒီတွေ့ဆုံမှုမှာ မွတ်ဆလင်ဘာသာရေး ခေါင်းဆောင်တွေကလည်း ၁၃ နှစ်ကြာ ပိတ်ပင်ထားခဲ့ရတဲ့ မောင်တောမြို့မ ဂျာမေဗလီကြီးကို ပြန်လည်ဖွင့်လှစ်ပေးဖို့ အာရက္ခတပ်တော် AA စစ်ဦးစီးချုပ် ဗိုလ်ချုပ်ထွန်းမြတ်နိုင်ကို တောင်းဆိုခဲ့ကြတယ်လို့ သိရပါတယ်။
မောင်တောမြို့မ ဂျာမေဗလီကြီးကို ဖွင့်ပေးဖို့ မွတ်ဆလင်ဘာသာရေး အကြီးအကဲတွေရဲ့တောင်းဆိုမှုကြောင့် အာရက္ခတပ်တော် AA က ဦးစီးကာ ပြီးခဲ့တဲ့ စက်တင်ဘာလ ၁၂ ရက်နေ့မှာ AA က တာဝန်ရှိသူတွေ၊ မွတ်ဆလင်အကြီးအကဲတွေ၊ အခြားလူမျိုးစုတွေအပါအဝင် လူပေါင်း ၃၀၀ ကျော်နဲ့ ပြန်လည်ဖွင့်လှစ်ပေးခဲ့တယ်လို့ သိရပါတယ်။
"၈ လပိုင်း ၃၀ ရက်နေ့က ကျနော်တို့ ဗိုလ်ချုပ်ရောက်လာပါတယ်။ ဗိုလ်ချုပ်ရောက်တဲ့အခါ ကျနော်တို့ ဗလီကြီးကို ဖွင့်ဖို့အတွက် တင်ပြပါတယ်။ တင်ပြလိုက်တဲ့ ကြိုးစားချက်ပေါ့ စက်တင်ဘာလ ၁၂ ရက်နေ့မှာ ဗလီကြီးကို ဖွင့်ပေးပါတယ်။ အခုလို ဖွင့်ပေးတာကို အထူးကျေးဇူးတင်ပါတယ်။ ဝမ်းလည်းဝမ်းသာပါတယ် " လို့ မောင်တောခရိုင်မွတ်ဆလင်ရေးရာ ကော်မတီ ဥက္ကဌ ဦးမောင်မောင်အေးက ရခိုအခြေစိုက် အာရက္ခမင်းသမီးမီဒီယာ (APM) ကို ဖြေဆိုထားပါတယ်။
အာရက္ခတပ်တော် AA စစ်ဦးစီးချုပ် အခုလို မြေပြင်ကွင်းဆင်းပြီးတော့ တိုက်ရိုက် မွတ်ဆလင်အကြီးအကဲတွေနဲ့ တွေ့ဆုံတာဟာ လူမျိုးနှစ်ခုကြားမှာ အဓိကသဟဇာတဖြစ်ရေး၊ ငြိမ်းချမ်းစွာအတူနေထိုင်ရေးကို အလေးပေးဆောင်ရွက်နေတာ ဖြစ်တယ်လို့ ရခိုင်လူငယ်အမျိုးသမီးတစ်ဦးက BBM ကိုပြောပါတယ်။
"ဗိုလ်ချုပ်က မြေပြင်မှာ ဘူးသီးတောင်၊ မောင်တောမြို့နယ်တွေကို သွားပြီးတော့ မွတ်ဆလင်လူမျိုးတွေနဲ့ တွေ့ဆုံခဲ့တာရှိပါတယ်။ ကျမအမြင်မှာကျတော့ လူမျိုးတစ်မျိုးနဲ့ တစ်မျိုး အဓိကသဟဇာတဖြစ်ရေးနဲ့ ငြိမ်းချမ်းစွာနေထိုင်ရေးကို ဗိုလ်ချုပ်အနေနဲ့ ဦးစားပေးလုပ်ဆောင်တယ်လို့ မြင်ပါတယ် "လို့ အဆိုပါ အမျိုးသမီးက ပြောပါတယ်။
စစ်ကောင်စီဟာ လွန်ခဲ့တဲ့နှစ်ပေါင်း ၇၀ ကျော်က ရခိုင်ပြည်မှာ လူမျိုးအချင်းချင်းကို ကြိုက်သလို ခွဲခြားအုပ်ချုပ်ခဲ့တာကြောင့် အခွင့်အရေးတွေမှာလည်း များစွာဆုံးရှုံးခဲ့ရပြီး စစ်ကောင်စီတပ်က အုပ်ချုပ်ခဲ့တဲ့ အတိတ်က သင်ခန်းစာတွေကိုလည်း ယူကြပြီးတော့ ရခိုင်ပြည်သစ်တစ်ခု တည်ဆောက်သွားဖို့အတွက် အကုန်လုံးမှာ တာဝန်ရှိတယ်လို့လည်း ဗလီကြီးဖွင့်ပွဲအခမ်းအနားမှာ ဂျုရီအကြီးအကဲ ဗာဆဲလ်က ရခိုင်ပြည်အခြေစိုက် အာရက္ခမင်းသမီးမီဒီယာကို ပြောဆိုထားပါတယ်။
"စစ်ကောင်စီဟာ လွန်ခဲ့တဲ့ နှစ်ပေါင်း ၇၀ ကျော်က ရခိုင်ပြည်မှာ လူမျိုးအချင်းချင်းကို ကြိုက်သလို ခွဲခြားအုပ်ချုပ်ခဲ့ပါတယ်။ သူတို့ကတော့ ရခိုင်ကိုတစ်မျိုး၊ မွတ်ဆလင်ကိုတစ်မျိုး၊ ဟိန္ဒူကိုတစ်မျိုး အဲဒီလိုခွဲခြားအုပ်ချုပ်ခဲ့တာပါ။ ရခိုင်မှာ လူမျိုးအချင်းချင်း သင့်မြတ်တာကိုလည်း သူတို့က မလိုလားကြဘူး။ အဲတာတွေကို သင်ခန်းစာယူကြပြီးတော့ အာရက္ခပြည်သစ်တစ်ခု တည်ဆောက်သွားဖို့အတွက် အကုန်မှာ တာဝန်ရှိပါတယ်။ ဒါကြောင့် အတိတ်ကအကြောင်းတွေကို သင်ခန်းစာ ယူကြပြီးတော့ အနာဂတ်တိုင်းပြည်တည်ဆောက်ရေးမှာ ပူးပေါင်းပါဝင်ဖို့အတွက် အကုန်လုံးကို တိုက်တွန်းပါတယ်" လို့ သူကဆက်ပြောပါတယ်။
မောင်တောမြို့မ ဂျာမေဗလီကြီးကို ၂၀၁၂ ခုနှစ်၊ ဦးသိန်းစိန်အစိုးရလက်ထပ်က လူမျိုးရေး ပဋိပက္ခအရေးအခင်းကြောင့် ပိတ်ပင်ထားခဲ့တာဖြစ်ပြီး လက်ရှိ ၁၃ နှစ်အကြာမှာ အာရက္ခတပ်တော် (AA)နဲ့ မွတ်ဆလင်ခေါင်းဆောင်တွေက တွေ့ဆုံကာ ပြန်လည်ဖွင့်လှစ်ခဲ့တာလည်း ဖြစ်ပါတယ်။
BBM - စက်တင်ဘာ ၁၆
သတင်း - နိုင်နိုင်
ရက္ခိုင်အမျိုးသားအဖွဲ့ချုပ် (ULA ) ဥက္ကဋ္ဌ၊ အာရက္ခတပ်တော် (AA) ရဲ့ စစ်ဦးစီးချုပ် ဗိုလ်ချုပ်ထွန်းမြတ်နိုင်နဲ့ မွတ်ဆလင် အသိုင်းအဝန်းခေါင်ဆောင်တွေဟာ မောင်တောမြို့မှာ တွေ့ဆုံဆွေးနွေးခဲ့ပြီး ရခိုင်ပြည်တည်ဆောက်ရေးမှာ အကုန်လုံးပူးပေါင်းပါဝင်ဖို့ ပြောကြားခဲ့တာတွေရှိတယ်လို့ သိရပါတယ်။
AA စစ်ဦးစီးချုပ် ဗိုလ်ချုပ်ထွန်းမြတ်နိုင်ဟာ ပြီးခဲ့တဲ့ သြဂုတ်လ ၃၀ ရက်နေ့၊ မောင်တောမြို့က မွတ်ဆလင် အသိုင်းအဝန်းခေါင်းဆောင်တွေ၊ ဒေသခံပြည်သူတွေနဲ့ တိုက်ရိုက်တွေ့ဆုံကာ ဒေသအတွင်းတည်ငြိမ်အေးချမ်းရေး၊ ရခိုင်ပြည်တည်ဆောက်ရေးနဲ့ နောက်လာမဲ့အနာဂတ် အုပ်ချုပ်ရေးဆိုင်ရာ ကိစ္စရပ်တွေကို တွေ့ဆုံဆွေးနွေးခဲ့ကြတယ်လို့ သိရပါတယ်။
အဲဒီတွေ့ဆုံမှုမှာ မွတ်ဆလင်ဘာသာရေး ခေါင်းဆောင်တွေကလည်း ၁၃ နှစ်ကြာ ပိတ်ပင်ထားခဲ့ရတဲ့ မောင်တောမြို့မ ဂျာမေဗလီကြီးကို ပြန်လည်ဖွင့်လှစ်ပေးဖို့ အာရက္ခတပ်တော် AA စစ်ဦးစီးချုပ် ဗိုလ်ချုပ်ထွန်းမြတ်နိုင်ကို တောင်းဆိုခဲ့ကြတယ်လို့ သိရပါတယ်။
မောင်တောမြို့မ ဂျာမေဗလီကြီးကို ဖွင့်ပေးဖို့ မွတ်ဆလင်ဘာသာရေး အကြီးအကဲတွေရဲ့တောင်းဆိုမှုကြောင့် အာရက္ခတပ်တော် AA က ဦးစီးကာ ပြီးခဲ့တဲ့ စက်တင်ဘာလ ၁၂ ရက်နေ့မှာ AA က တာဝန်ရှိသူတွေ၊ မွတ်ဆလင်အကြီးအကဲတွေ၊ အခြားလူမျိုးစုတွေအပါအဝင် လူပေါင်း ၃၀၀ ကျော်နဲ့ ပြန်လည်ဖွင့်လှစ်ပေးခဲ့တယ်လို့ သိရပါတယ်။
"၈ လပိုင်း ၃၀ ရက်နေ့က ကျနော်တို့ ဗိုလ်ချုပ်ရောက်လာပါတယ်။ ဗိုလ်ချုပ်ရောက်တဲ့အခါ ကျနော်တို့ ဗလီကြီးကို ဖွင့်ဖို့အတွက် တင်ပြပါတယ်။ တင်ပြလိုက်တဲ့ ကြိုးစားချက်ပေါ့ စက်တင်ဘာလ ၁၂ ရက်နေ့မှာ ဗလီကြီးကို ဖွင့်ပေးပါတယ်။ အခုလို ဖွင့်ပေးတာကို အထူးကျေးဇူးတင်ပါတယ်။ ဝမ်းလည်းဝမ်းသာပါတယ် " လို့ မောင်တောခရိုင်မွတ်ဆလင်ရေးရာ ကော်မတီ ဥက္ကဌ ဦးမောင်မောင်အေးက ရခိုအခြေစိုက် အာရက္ခမင်းသမီးမီဒီယာ (APM) ကို ဖြေဆိုထားပါတယ်။
အာရက္ခတပ်တော် AA စစ်ဦးစီးချုပ် အခုလို မြေပြင်ကွင်းဆင်းပြီးတော့ တိုက်ရိုက် မွတ်ဆလင်အကြီးအကဲတွေနဲ့ တွေ့ဆုံတာဟာ လူမျိုးနှစ်ခုကြားမှာ အဓိကသဟဇာတဖြစ်ရေး၊ ငြိမ်းချမ်းစွာအတူနေထိုင်ရေးကို အလေးပေးဆောင်ရွက်နေတာ ဖြစ်တယ်လို့ ရခိုင်လူငယ်အမျိုးသမီးတစ်ဦးက BBM ကိုပြောပါတယ်။
"ဗိုလ်ချုပ်က မြေပြင်မှာ ဘူးသီးတောင်၊ မောင်တောမြို့နယ်တွေကို သွားပြီးတော့ မွတ်ဆလင်လူမျိုးတွေနဲ့ တွေ့ဆုံခဲ့တာရှိပါတယ်။ ကျမအမြင်မှာကျတော့ လူမျိုးတစ်မျိုးနဲ့ တစ်မျိုး အဓိကသဟဇာတဖြစ်ရေးနဲ့ ငြိမ်းချမ်းစွာနေထိုင်ရေးကို ဗိုလ်ချုပ်အနေနဲ့ ဦးစားပေးလုပ်ဆောင်တယ်လို့ မြင်ပါတယ် "လို့ အဆိုပါ အမျိုးသမီးက ပြောပါတယ်။
စစ်ကောင်စီဟာ လွန်ခဲ့တဲ့နှစ်ပေါင်း ၇၀ ကျော်က ရခိုင်ပြည်မှာ လူမျိုးအချင်းချင်းကို ကြိုက်သလို ခွဲခြားအုပ်ချုပ်ခဲ့တာကြောင့် အခွင့်အရေးတွေမှာလည်း များစွာဆုံးရှုံးခဲ့ရပြီး စစ်ကောင်စီတပ်က အုပ်ချုပ်ခဲ့တဲ့ အတိတ်က သင်ခန်းစာတွေကိုလည်း ယူကြပြီးတော့ ရခိုင်ပြည်သစ်တစ်ခု တည်ဆောက်သွားဖို့အတွက် အကုန်လုံးမှာ တာဝန်ရှိတယ်လို့လည်း ဗလီကြီးဖွင့်ပွဲအခမ်းအနားမှာ ဂျုရီအကြီးအကဲ ဗာဆဲလ်က ရခိုင်ပြည်အခြေစိုက် အာရက္ခမင်းသမီးမီဒီယာကို ပြောဆိုထားပါတယ်။
"စစ်ကောင်စီဟာ လွန်ခဲ့တဲ့ နှစ်ပေါင်း ၇၀ ကျော်က ရခိုင်ပြည်မှာ လူမျိုးအချင်းချင်းကို ကြိုက်သလို ခွဲခြားအုပ်ချုပ်ခဲ့ပါတယ်။ သူတို့ကတော့ ရခိုင်ကိုတစ်မျိုး၊ မွတ်ဆလင်ကိုတစ်မျိုး၊ ဟိန္ဒူကိုတစ်မျိုး အဲဒီလိုခွဲခြားအုပ်ချုပ်ခဲ့တာပါ။ ရခိုင်မှာ လူမျိုးအချင်းချင်း သင့်မြတ်တာကိုလည်း သူတို့က မလိုလားကြဘူး။ အဲတာတွေကို သင်ခန်းစာယူကြပြီးတော့ အာရက္ခပြည်သစ်တစ်ခု တည်ဆောက်သွားဖို့အတွက် အကုန်မှာ တာဝန်ရှိပါတယ်။ ဒါကြောင့် အတိတ်ကအကြောင်းတွေကို သင်ခန်းစာ ယူကြပြီးတော့ အနာဂတ်တိုင်းပြည်တည်ဆောက်ရေးမှာ ပူးပေါင်းပါဝင်ဖို့အတွက် အကုန်လုံးကို တိုက်တွန်းပါတယ်" လို့ သူကဆက်ပြောပါတယ်။
မောင်တောမြို့မ ဂျာမေဗလီကြီးကို ၂၀၁၂ ခုနှစ်၊ ဦးသိန်းစိန်အစိုးရလက်ထပ်က လူမျိုးရေး ပဋိပက္ခအရေးအခင်းကြောင့် ပိတ်ပင်ထားခဲ့တာဖြစ်ပြီး လက်ရှိ ၁၃ နှစ်အကြာမှာ အာရက္ခတပ်တော် (AA)နဲ့ မွတ်ဆလင်ခေါင်းဆောင်တွေက တွေ့ဆုံကာ ပြန်လည်ဖွင့်လှစ်ခဲ့တာလည်း ဖြစ်ပါတယ်။
👍14❤4👏1
အစ္စရေးက ဂါဇာတွင် လူမျိုးတုံးသတ်ဖြတ်မှုကို ၀န်ခံခဲ့ကြောင်း ကုလသမဂ္ဂ စုံစမ်းရေးကော်မရှင် ပြောကြား
BBM-စက်တင်ဘာ ၁၇
အစ္စရေးက ဂါဇာကမ်းမြောင်ဒေသရှိ ပါလက်စတိုင်းတွေကို လူမျိုးတုံးသတ်ဖြတ်မှုကျူးလွန်ခဲ့တယ်လို့ ကုလသမဂ္ဂစုံစမ်းရေးကော်မရှင်က စက်တင်ဘာလ ၁၆ရက်နေ့မှာ ပြောကြားခဲ့ပါတယ်။
နိုင်ငံတကာဥပဒေအရ သတ်မှတ်ထားတဲ့ လူမျိုးတုံးသတ်ဖြတ်မှု ၆ခုအနက် ၄ခုဟာ 2023 ခုနှစ်တွင် ဟားမတ်စ်နှင့် စစ်ပွဲစတင်ကတည်းက လုပ်ဆောင်ခဲ့ကြောင်း ကောက်ချက်ချဖို့ ကျိုးကြောင်းဆီလျော်တဲ့ အကြောင်းပြချက်တွေ ရှိတယ်လို့ အစီရင်ခံစာသစ်တစ်ခုမှာ ဖော်ပြထားပါတယ်။
အဖွဲ့တစ်ဖွဲ့ရဲ့ အဖွဲ့ဝင်တွေကို သတ်ဖြတ်ခြင်း၊ သူတို့ကို ပြင်းထန်တဲ့ ခန္ဓာကိုယ်နဲ့ စိတ်ပိုင်းဆိုင်ရာ ထိခိုက်နစ်နာစေမှု၊ အုပ်စုကို ဖျက်ဆီးဖို့ ခြိမ်းခြောက်ခြင်းနဲ့ အဖွဲ့၀င်သစ်တွေ ထပ်မံပေါ်ပေါက်လာမှာကို တားဆီးခြင်းတို့ကို ပြုလုပ်ခဲ့တယ်လို့ အစီရင်ခံစာသစ်မှာ ဖော်ပြထားပါတယ်။
အဆိုပါအစီရင်ခံစာဟာ အစ္စရေးခေါင်းဆောင်တွေရဲ့ ပြောကြားချက်တွေနဲ့ အစ္စရေးတပ်ဖွဲ့တွေရဲ့လုပ်ရပ်ကို ကိုးကားပြီး လူမျိုးတုံးသတ်ဖြတ်ဖို့ ရည်ရွယ်ချက်ရှိကြောင်း အထောက်အထားအဖြစ် ဖော်ပြထားပါတယ်။
အစ္စရေးနိုင်ငံခြားရေး ဝန်ကြီးဌာနက အစီရင်ခံစာကို လုံးလုံးလျားလျား ပယ်ချခဲ့ပြီး အဆိုပါအစီရင်ခံစာဟာ မှားယွင်းတဲ့စွပ်စွဲချက်သာဖြစ်တယ်လို့ ရှုတ်ချခဲ့ပါတယ်။
နိုင်ငံတကာနဲ့ အစ္စရေးလူ့အခွင့်အရေးအဖွဲ့အစည်း အများအပြား၊ လွတ်လပ်သောကုလသမဂ္ဂမှ ကျွမ်းကျင်သူတွေနဲ့ပညာရှင်တွေကအ စ္စရေးကို ဂါဇာရှိ ပါလက်စတိုင်းတွေအပေါ် လူမျိုးတုံးသတ်ဖြတ်ကြောင်းစွပ်စွဲထားကြပါတယ်။
အပြည်ပြည်ဆိုင်ရာတရားရုံး (ICJ) ကလည်း အစ္စရေးတပ်ဖွဲ့၀င်တွေကို လူမျိုးတုံးသတ်ဖြတ် ကြောင်း စွပ်စွဲထားတဲ့ တောင်အာဖရိကက တင်သွင်းတဲ့အမှုကိုလည်း ကြားနာစစ်ဆေးလျက်ရှိပါတယ်။
အစ္စရေးက အဆိုပါကိစ္စကို "လုံးဝအခြေအမြစ်မရှိ" လို့ပြောဆိုပြီး "ဘက်လိုက်မှုနှင့် မှားယွင်းသောတောင်းဆိုမှုတွေ" ကို အခြေခံထားတယ်လို့ ပြောကြားခဲ့ပါတယ်။
Ref-BBC
ဘာသာပြန်-Richard
ပုံ-BBC
#BBM #UpdateNews #Israel #Genocide #War #Plastine
BBM-စက်တင်ဘာ ၁၇
အစ္စရေးက ဂါဇာကမ်းမြောင်ဒေသရှိ ပါလက်စတိုင်းတွေကို လူမျိုးတုံးသတ်ဖြတ်မှုကျူးလွန်ခဲ့တယ်လို့ ကုလသမဂ္ဂစုံစမ်းရေးကော်မရှင်က စက်တင်ဘာလ ၁၆ရက်နေ့မှာ ပြောကြားခဲ့ပါတယ်။
နိုင်ငံတကာဥပဒေအရ သတ်မှတ်ထားတဲ့ လူမျိုးတုံးသတ်ဖြတ်မှု ၆ခုအနက် ၄ခုဟာ 2023 ခုနှစ်တွင် ဟားမတ်စ်နှင့် စစ်ပွဲစတင်ကတည်းက လုပ်ဆောင်ခဲ့ကြောင်း ကောက်ချက်ချဖို့ ကျိုးကြောင်းဆီလျော်တဲ့ အကြောင်းပြချက်တွေ ရှိတယ်လို့ အစီရင်ခံစာသစ်တစ်ခုမှာ ဖော်ပြထားပါတယ်။
အဖွဲ့တစ်ဖွဲ့ရဲ့ အဖွဲ့ဝင်တွေကို သတ်ဖြတ်ခြင်း၊ သူတို့ကို ပြင်းထန်တဲ့ ခန္ဓာကိုယ်နဲ့ စိတ်ပိုင်းဆိုင်ရာ ထိခိုက်နစ်နာစေမှု၊ အုပ်စုကို ဖျက်ဆီးဖို့ ခြိမ်းခြောက်ခြင်းနဲ့ အဖွဲ့၀င်သစ်တွေ ထပ်မံပေါ်ပေါက်လာမှာကို တားဆီးခြင်းတို့ကို ပြုလုပ်ခဲ့တယ်လို့ အစီရင်ခံစာသစ်မှာ ဖော်ပြထားပါတယ်။
အဆိုပါအစီရင်ခံစာဟာ အစ္စရေးခေါင်းဆောင်တွေရဲ့ ပြောကြားချက်တွေနဲ့ အစ္စရေးတပ်ဖွဲ့တွေရဲ့လုပ်ရပ်ကို ကိုးကားပြီး လူမျိုးတုံးသတ်ဖြတ်ဖို့ ရည်ရွယ်ချက်ရှိကြောင်း အထောက်အထားအဖြစ် ဖော်ပြထားပါတယ်။
အစ္စရေးနိုင်ငံခြားရေး ဝန်ကြီးဌာနက အစီရင်ခံစာကို လုံးလုံးလျားလျား ပယ်ချခဲ့ပြီး အဆိုပါအစီရင်ခံစာဟာ မှားယွင်းတဲ့စွပ်စွဲချက်သာဖြစ်တယ်လို့ ရှုတ်ချခဲ့ပါတယ်။
နိုင်ငံတကာနဲ့ အစ္စရေးလူ့အခွင့်အရေးအဖွဲ့အစည်း အများအပြား၊ လွတ်လပ်သောကုလသမဂ္ဂမှ ကျွမ်းကျင်သူတွေနဲ့ပညာရှင်တွေကအ စ္စရေးကို ဂါဇာရှိ ပါလက်စတိုင်းတွေအပေါ် လူမျိုးတုံးသတ်ဖြတ်ကြောင်းစွပ်စွဲထားကြပါတယ်။
အပြည်ပြည်ဆိုင်ရာတရားရုံး (ICJ) ကလည်း အစ္စရေးတပ်ဖွဲ့၀င်တွေကို လူမျိုးတုံးသတ်ဖြတ် ကြောင်း စွပ်စွဲထားတဲ့ တောင်အာဖရိကက တင်သွင်းတဲ့အမှုကိုလည်း ကြားနာစစ်ဆေးလျက်ရှိပါတယ်။
အစ္စရေးက အဆိုပါကိစ္စကို "လုံးဝအခြေအမြစ်မရှိ" လို့ပြောဆိုပြီး "ဘက်လိုက်မှုနှင့် မှားယွင်းသောတောင်းဆိုမှုတွေ" ကို အခြေခံထားတယ်လို့ ပြောကြားခဲ့ပါတယ်။
Ref-BBC
ဘာသာပြန်-Richard
ပုံ-BBC
#BBM #UpdateNews #Israel #Genocide #War #Plastine
👍9
မိုးလေဝသသတင်း
BBM-စက်တင်ဘာလ ၁၇
သတင်း-ဦးထွန်း
ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် မုတ်သုံလေ အားအသင့်အတင့် ရှိနေပြီး၊ ကျန်ဘင်္ဂလားပင်လယ်အော်တွင် မုတ်သုံလေ အားအနည်းငယ်မှ အားအသင့်အတင့် ရှိနေပါသည်။
♦ ယနေ့မနက် ၀၅:၃၀ နာရီအချိန်တိုင်းထွာချက်များအရ ယမန်နေ့က ဖိလစ်ပိုင် ပင်လယ်ပြင်တွင် ဖြစ်ပေါ်ခဲ့သော အပူပိုင်းမုန်တိုင်းငယ်သည် မြောက်-အနောက်မြောက်ဘက်သို့ ရွေ့လျားခဲ့ပြီး ဖိလစ်ပိုင်နိုင်ငံအရှေ့ပိုင်းကမ်းခြေဒေသများကို ဖြတ်ကျော်လျက်ရှိပါသည်။ အဆိုပါ အပူပိုင်းမုန်တိုင်းငယ်သည် မြောက်-အနောက်မြောက်ဘက်သို့ ဆက်လက်ရွေ့လျားနိုင်ပြီး နောက် ၂၄ နာရီအတွင်း အပူပိုင်းမုန်တိုင်းအဖြစ်သို့ ပိုမိုအားကောင်းလာနိုင်သည်ဟု ခန့်မှန်းရပါသည်။
မကွေးတိုင်းနှင့် ကယားပြည်နယ်တို့တွင် နေရာကွက်ကျား၊ နေပြည်တော်၊ မန္တလေးတိုင်း၊ စစ်ကိုင်းတိုင်းအောက်ပိုင်း၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာကျဲကျဲ၊ ရန်ကုန်တိုင်း၊ ပဲခူတိုင်း၊ စစ်ကိုင်းတိုင်းအထက်ပိုင်း၊ ဧရာဝတီတိုင်းနှင့် ချင်း ပြည်နယ်တို့တွင် နေရာစိပ်စိပ်၊ကျန်တိုင်းနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မကွေးတိုင်းနှင့် ချင်းပြည်နယ်တို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသ ဖြစ်စဉ်များ ဖြစ်ပေါ်နိုင်ပါသည်။
မြန်မာ့ပင်လယ်ပြင်တွင် လှိုင်းအသင့်အတင့်ရှိမည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် ၆ ပေမှ ၈ ပေခန့် ရှိနိုင်ပါသည်။
မိုးလေဝသသတင်း အစီအစဥ်ကို မိုးလေဝသဌာန၊MOHADM နဲ့ Windy.com တို့မှရယူဖော်ပြထားပါသည်။
BBM-စက်တင်ဘာလ ၁၇
သတင်း-ဦးထွန်း
ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် မုတ်သုံလေ အားအသင့်အတင့် ရှိနေပြီး၊ ကျန်ဘင်္ဂလားပင်လယ်အော်တွင် မုတ်သုံလေ အားအနည်းငယ်မှ အားအသင့်အတင့် ရှိနေပါသည်။
♦ ယနေ့မနက် ၀၅:၃၀ နာရီအချိန်တိုင်းထွာချက်များအရ ယမန်နေ့က ဖိလစ်ပိုင် ပင်လယ်ပြင်တွင် ဖြစ်ပေါ်ခဲ့သော အပူပိုင်းမုန်တိုင်းငယ်သည် မြောက်-အနောက်မြောက်ဘက်သို့ ရွေ့လျားခဲ့ပြီး ဖိလစ်ပိုင်နိုင်ငံအရှေ့ပိုင်းကမ်းခြေဒေသများကို ဖြတ်ကျော်လျက်ရှိပါသည်။ အဆိုပါ အပူပိုင်းမုန်တိုင်းငယ်သည် မြောက်-အနောက်မြောက်ဘက်သို့ ဆက်လက်ရွေ့လျားနိုင်ပြီး နောက် ၂၄ နာရီအတွင်း အပူပိုင်းမုန်တိုင်းအဖြစ်သို့ ပိုမိုအားကောင်းလာနိုင်သည်ဟု ခန့်မှန်းရပါသည်။
မကွေးတိုင်းနှင့် ကယားပြည်နယ်တို့တွင် နေရာကွက်ကျား၊ နေပြည်တော်၊ မန္တလေးတိုင်း၊ စစ်ကိုင်းတိုင်းအောက်ပိုင်း၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာကျဲကျဲ၊ ရန်ကုန်တိုင်း၊ ပဲခူတိုင်း၊ စစ်ကိုင်းတိုင်းအထက်ပိုင်း၊ ဧရာဝတီတိုင်းနှင့် ချင်း ပြည်နယ်တို့တွင် နေရာစိပ်စိပ်၊ကျန်တိုင်းနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မကွေးတိုင်းနှင့် ချင်းပြည်နယ်တို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသ ဖြစ်စဉ်များ ဖြစ်ပေါ်နိုင်ပါသည်။
မြန်မာ့ပင်လယ်ပြင်တွင် လှိုင်းအသင့်အတင့်ရှိမည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် ၆ ပေမှ ၈ ပေခန့် ရှိနိုင်ပါသည်။
မိုးလေဝသသတင်း အစီအစဥ်ကို မိုးလေဝသဌာန၊MOHADM နဲ့ Windy.com တို့မှရယူဖော်ပြထားပါသည်။
👍15❤1