BBM – Telegram

🖕10👍6

712 views07:36

ဗန်းမော် တိုက်ပွဲပြင်းထန်နေပြီးတော်လှန်ရေးဘက်မှ သံချပ်ကာတပ်ရင်းနဲ့ ခလရ(၂၃၆)တပ် ရင်းနေရာအချို့ကို ခေတ္တလက်လွှတ်

🟥စစ်တပ်က သံချပ်ကာတပ်ရင်းမှတဆင့် ဗန်းမော်ခလရ(၄၇)တစ်ဝိုက်ထိ ဆက်သွယ်ရေးလမ်းဖောက်ရန်ပြင်ဆင်နေ

BBM-စက်တင်ဘာ၁၅
သတင်း-မင်းသော်

ကချင်ပြည်နယ်၊ ဗန်းမော်မြို့တိုက်ပွဲများ ဆက်လက်ပြင်းထန်နေပြီး KIA ဦးဆောင်တဲ့ တော်လှန်ရေးအင်အားစုတွေဘက်မှ ဗန်းမော်
မြို့တွင်းရှိ သိမ်းပိုက်ထားတဲ့ သံချပ်ကာတပ်ရင်းအပါ နေရာအချို့ကို ခေတ္တလက်လွှတ်လိုက်ရတယ်လို့ သိရပါတယ်။

ပြီးခဲ့တဲ့ စက်တင်ဘာလ(၁၂)ရက်နေ့က ဗန်းမော်မြို့တွင်းကတော်လှန်ရေးအင်အားစုတွေ သိမ်းပိုက်ထားတဲ့ အမှတ်(၅၀၁၄)တင့်ကားတပ်ရင်းနဲ့ ခလရ(၂၃၆)တပ်ရင်းနေရာအချို့ကို စစ်တပ်မှပြန်သိမ်းပိုက်နိုင်ခဲ့တယ်လို့ ၎င်းတို့ လက်အောက်ခံ သတင်းမီဒီယာတွေမှ တဆင့်ကြေငြာခဲ့သလို တော်လှန်ရေးတပ်ဖွဲ့တွေဘက်မှလည်း အတည်ပြုပြောကြားခဲ့ပါတယ်။

"ဟုတ်ကဲ့ပါ တိုက်ပွဲကတော့ နေ့တိုင်းပြင်းထန်ပါတယ်၊ သံချပ်ကာနဲ့ ခလရ(၂၃၆)ဘက်တွေကိုတော့ ကျွန်တော်တို့ဘက်က နောက်ဆုတ်ပေးထားရတာတွေရှိပါတယ်"ဟု မြေပြင်စစ်ရေးသတင်းရင်းမြစ်တစ်ဦးမှ BBM ကိုပြောပါတယ်။

ဗန်းမော်မြို့တိုက်ပွဲကို KIAဦးဆောင်တဲ့တော်လှန်ရေးအင်အားစုတွေက ၂၀၂၄ခုနှစ် ဒီဇင်ဘာလက စတင်တိုက်ခိုက်ခဲ့တာဖြစ်ပြီး စစ်ကောင်စီတပ်ရင်းအတော်များများအပါအဝင် ဗန်းမော်လေယာဥ်ကွင်းတို့ကိုပါတိုက်ခိုက်သိမ်းပိုက်နိုင်ခဲ့ပါတယ်။

အဲ့ဒီနောက် စစ်ကောင်စီဘက်မှ ပြီးခဲ့တဲ့ သြဂုတ်လမှစတင်ကာ မန္တလေးမြို့ဂေါဝိန်ဆိပ်ကမ်းမှတဆင့် ဗန်းမော်ကို စစ်သင်္ဘောများဖြင့် လူ၊လက်နက်အင်အားများ ဖြည့်တင်းပြီးတဲ့နောက် တော်လှန်ရေးတပ်ဖွဲ့တွေထိန်းချုပ်ရာနေရာကို ပြန်လည် တိုက်ခိုက်သိမ်းပိုက်ခဲ့ခြင်းဖြစ်တယ်လို့ သိရပါတယ်။

ဒါ့အပြင် စစ်တပ်အနေနဲ့ ၎င်းတို့ပြန်လည်သိမ်းပိုက်
နိုင်ခဲ့တဲ့ တပ်ရင်းတွေမှတဆင့် ခလရ(၄၇)နယ်မြေတွေအထိ ဆက်သွယ်ရေးလမ်းဖောက်ရန် ဆောင်ရွက်နေတာတွေလည်း ရှိနေတယ်လို့ ၎င်းသတင်းရင်းမြစ်မှ ဆက်ပြောပါတယ်။

"သူတို့ကအခု သံချပ်ကာတပ်ရင်းကနေ ဟိုးဘက် ခလရ(၄၇)၊ ဆေးတပ်၊ထောက်ပို့တပ် အဲ့ဘက်မှာ လမ်းဖောက်ဖို့လုပ်နေတယ်"

ဗန်းမော်မြို့ဟာ ကချင်ပြည်နယ်ရဲ့ ဒုတိယအကြီးဆုံးမြို့ဖြစ်ပြီး မြို့သိမ်းပိုက်ရေးတိုက်ပွဲအတွင်း တော်လှန်ရေးအင်အားစုတွေဘက်မှ KIA၊ KPDFအပါအဝင် အညာဒေသမှ တော်လှန်ရေးအင်အားစုတွေပါဝင်တိုက်ခိုက်နေသလို၊ စစ်ကောင်စီဘက်မှလည်း စကခ(၂၁)လက်အောက်ခံတပ်တွေအပြင် စစ်ကူအင်အားအမြောက်အများနဲ့ ခုခံနေတယ်လို့ သိရပါတယ်။

Photo-ပုံဟောင်း

အမှားပြင်ဆင်ချက်
🟥အမှတ်(၇၀၀၆)သံချပ်ကာတပ်ရင်းကို အမှတ်(၅၀၁၄)တင့်ကားတပ်ရင်းဟု ပြောင်းလဲပြင်ဆင်ထားပါတယ်။

🥰8👎1

596 viewsedited 10:20

BBM

👍14🥰3👎1

490 views10:20

BBM

သမ္မတဦး၀င်းမြင့်ရဲ့ တရားခံသက်သေထွက်ဆိုချက်မိတ္တူ လူမှုကွန်ယက်တွင်ထွက်ပေါ်လာ

BBM စက်တင်ဘာလ ၁၅
သတင်း ဦးထွန်း

၂၀၂၁ဖေဖော်ဝါရီ၁ရက်နေ့ နောက်ပိုင်းဖြစ်စဉ်များတွင် NLDပါတီအစိုးရရဲ့ အဓိက ခေါင်းဆောင်တစ်ဦးဖြစ်သောသမ္မတဦး၀င်းမြင့်ရဲ့ တရားခံသက်သေထွက်ဆိုချက်မိတ္တူ လူမှုကွန်ရက်တွင် ထွက်ပေါ်လာခဲ့ပါတယ်။

နေပြည်တော် ဇမ္ဗူသီရိမြို့နဲ့ တရားရုံး က ၂၀၂၁ အောက်တိုဘာ ၁၂ ရက် သမ္မတ ဦးဝင်းမြင့်ကို စစ်ဆေးထားတဲ့ တရားခံ သက်သေ ထွက်ချက်မှာ ၂၀၂၁ ဖေဖေါ်ဝါရီ ၁ ရက်နေ့ မနက် ၅ နာရီအချိန် စစ်တပ်က ရောက်ရှိလာတဲ့ အပေါ် သမ္မတ ဦးဝင်းမြင့်က ‘’အကြမ်းဖက်စစ်သည်တော်တွေ’’ လို့ ထွက်ဆိုထားတာ ကို တွေ့ရပါတယ်။

ဒါ့အပြင် ကျန်းမာရေး အကြောင်းပြချက်နဲ့ ရာထူးက နုတ်ထွက်ပေးဖို့ စစ်တပ်က ပြောကြားရာ ‘’နုတ်ထွက်မပေးနိုင်ကြောင်း၊ အသက်အသေခံမည် ဖြစ်ကြောင်း’’ ပြောလိုက်တယ်လို့ ထွက်ဆိုတာကို ဖေါ်ပြထားပါတယ်။

သမ္မတ တာဝန်ထမ်းဆောင်နေစဥ် ပါတီလုပ်ငန်းတွေ ဆောင်ရွက်တယ် ဆိုတဲ့ စွပ်စွဲချက်တွေကိုလည်း သမ္မတ ဦးဝင်းမြင့်က အခြေအမြစ် မရှိကြောင်း ငြင်းဆိုထားပါတယ်။ဒါ့အပြင် CRPH NUG PDF အကြောင်းတွေ နဲ့ ပတ်သက်ပြီး ဖေဖေါ်ဝါရီ ၁ ရက်နေ့ မနက် ၅ နာရီ ကတည်းက ဖမ်းဆီးထိန်းသိမ်းခံလို့ ပြင်ပလောကနဲ့ အဆက်အသွယ်မရှိတဲ့ အတွက် မသိရှိကြောင်း ထွက်ဆိုထားပါတယ်။

NLD ဖေ့စ်ဘွတ် နဲ့ CRPH တို့ရဲ့ ထုတ်ပြန်ချက်တွေကိုလည်း အလားတူ မသိရှိကြောင်း ပြောကြားထားတာ ကို တွေ့ရပါတယ်။အဆိုပါအဖွဲ့အစည်းတွေက ဗုံးခွဲတိုက်ခိုက်မှုတွေ လက်နက်စွဲကိုင် တိုက်ခိုက်တာတွေနဲ့ ပြည်သူတွေကို ဒလန်ဆိုပြီး သတ်ဖြတ်တာတွေ အပေါ် လည်း သမ္မတ ဦးဝင်းမြင့် က ဖမ်းဆီးခံရကတည်းက အဆက်အသွယ် ပြတ်နေတဲ့ အတွက် မသိရှိကြောင်းသာ ထွက်ဆိုသွားခဲ့ပါတယ်။

၂၀၂၁ခုနှစ် အောက်တိုဘာ၁၂ရက်နေ့ ကဇမ္ဗူသီရိ တရားရုံး တွင် တရားခံသက်သေများအဖြစ် ဒေါ်အောင်ဆန်းစုကြည်နှင့် ဉီး၀င်းမြင့် တို့ သက်သေထွက်ဆိုချက်များဖြစ်ပြီး အဓိကအားဖြင့် NLDပါတီ အစိုးရကာလ သမ္မတအပါအ၀င် ခေါင်းဆောင်များအမည်ဖြင့် ပြည်သူထံပန်ကြားချက် ၊ CRPH /NUG /PDF ဖြစ်လာမှုအပေါ် ကြိုတင်သိရှိထားခြင်းရှိမရှိ၊ ပါဝင်မှုရှိမရှိကို တရားခံသက်သေများအဖြစ် စစ်ဆေးမေးမြန်းသည့် သက်သေထွက်ချက် မိတ္တုလည်း ဖြစ်ပါပြီး ယမန်နှစ်ကုန်ခါနီးတွင်လည်း ဒေါ်အောင်ဆန်းစုကြည်၏ သက်သေထွက်ချက်လည်းထွက်ပေါ်ခဲ့ပါတယ်။

ဒေါ်အောင်ဆန်းစုကြည်နှင့် ဉီး၀င်းမြင့်တို့ ၏သက်သေထွက်ဆိုချက်များအရလည်း အဆိုပါသက်သေပြဆိုချက်၊ တရားလိုရှေ့နေနှင့် အပြန်အလှန်မေးမြန်းချက်များအရ ပါတီကြေညာချက်များ၊ ပြည်သူ့ထံပန်ကြားချက်ဆိုသည့်ထုတ်ပြန်မှုများ၊ CRPH /NUG /PDF ဖြစ်လာမှုကို မသိရှိခြင်း ၎င်းတို့၏ သဘောထားမပါကြောင်း သက်သေထွက်ဆိုထားတာကိုတွေ့ရပါတယ်။

👍15

551 views11:00

BBM

❤18👍3

514 views11:00

BBM

နိင်ငံခြားရောက်မြန်မာများ ကြိုတင်မဲပေးရန် စစ်ကောင်စီ ရွေးကောက်ပွဲကော်မရှင်ကရက်ထပ်တိုး

BBM-စက်တင်ဘာလ ၁၅
သတင်း-ဦးထွန်း

ပြည်ပနိုင်ငံတွေကိုညရောက်ရှိနေကြတဲ့ မြန်မာနိင်ငံသားတွေအနေနဲ့ ကြိုတင်မဲပေးကြဖို့ စစ်ကောင်စီရဲ့ ရွေးကောက်ပွဲ ကော်မရှင်က ရက်ထပ်တိုးပေးထားတယ်လို့ ထုတ်ပြန်ထားပါတယ်။

၂၀၂၅ခုနှစ်၊ စက်တင်ဘာလ ၁၂ ရက်နေ့က စစ်ကောင်စီ‌ေရွးကောက်ပွဲကော်မရှင်က ပြည်ပနိုင်ငံရောက်မြန်မာနိင်ငံသားတွေကို ကြိုတင်မဲပေးဖို့ ရက်ထပ်တိုးပေးထားတယ်လို့ ထုတ်ပြန်ထားပါတယ်။

“စိတ်ကို မဝင်စားတာ။ အရင်က ဆိုရင်တော့ ပေးချင်လွန်းလို့ကို မဲစာရင်းကိုစောင့်ပြီး ကိုယ့်နာမည်စာရင်းပါ၊ မပါ စောင့်ကြည့်ပြီးရင်ခုန်ရတယ်။ နာမည်စာရင်းပါလာရင် Online Q နံပါတ်ယူကြနဲ့၊ တက်ကြွကြတယ်။ အမှန်အတိုင်းပြောရင် ရက်တိုးတာ သိလည်း စိတ်လည်းဝင်စားမနေဘူး။ ထင်တာက လာပေးတဲ့သူများအောင်လို့။ အခုက ဘယ်သူမှ စကားထဲတည့်ပြောနေတာ မတွေ့ကြရဘူး”လို့ စက်ာပူနိင်ငံရောက်မြန်မာနိုင်ငံသားတစ်ဦးက BBM ကိုပြောပါတယ်။

"ကိုယ့်နိုင်ငံက ရွေးကောက်ပွဲဆိုပေမယ့် ဒီစစ်အာဏာရှင်လုပ်တဲ့ အတုအယောင် ရွေးကောက်ပွဲကို စိတ်မဝင်စားဘူး အားလည်းမပေးဘူး ကြိုတင်မဲလည်းမထည့်ဘူး""လို့ ထိုင်းနိုင်ငံရောက် စက်ရုံအလုပ်သမားတစ်ဦးကလည်း ပြောပြပါတယ်။

""ရွှေးကောက်ပွဲလည်း စိတ်မဝင်စားဘူး။ အဓိကအမေစုအမြန်ဆုံးပြန်လွတ်ဖို့နဲ့ အမြန်ဆုံးကျန်းမာရေးကောင်းဖို့ပါပဲ။ ဒီမှာတော့ မြန်မာနိင်ငံသားတွေစုပြီးအမြဲဆန္ဒပြကြတယ်""လို့ တောင်ကိုရီးယားရောက် အလုပ်သမားတစ်ဦးကလည်း ပြောပြပါတယ်။

စစ်ကောင်စီက ရွေးကောက်ပွဲ ပထမပိုင်းကို ဒီဇင်ဘာလကုန်ခါနီးမှာကျင်းပမယ်လို့ကြော်ငြာထားပြီး ပြည်ပနိုင်ငံရောက်မြန်မာနိင်ငံသားတွေကို ကြိုတင်မဲပေးဖို့ မြန်မာသံရုံးတွေက တဆင့်ဖောင်တွေ ထုတ်ပေးထားတယ်လို့ သိရပါတယ်။

🖕8👎4

546 views12:18

BBM

👎8🔥3✍1

550 views12:18

BBM

https://youtube.com/shorts/_1debQX0lX0?si=u14fdU1l8a1OWGKq

YouTube

BBM ရဲ့ စက်တင်ဘာ ၁၅ရက်နေ့ မိုးလေဝသတင်း #BBM #WeatherForecast #News

👍7

482 views13:08

BBM

https://youtu.be/qX79U0Z96Dg?si=zPbBeIZ_YJ6aJZtn

YouTube

How did President U Win Myint defy Min Aung Hlaing?

သမ္မတကြီး ဦးဝင်းမြင့်ကို အာဏာသိမ်းတဲ့ မနက် ၅ နာရီမှာ စစ်ကောင်စီက ဝင်ရောက်ဖမ်းဆီးခဲ့ပါတယ်။ သမ္မတကြီးကို ဖမ်းဆီးခဲ့ပြီးချိန်မှာ သမ္မတကြီးကို ကျန်းမာရေး အကြောင်းပြ၍ နှုတ်ထွက်ပေးရန် တောင်းဆိုခဲ့ပါတယ်။ စစ်ကောင်စီက သမ္မတကြီးအား ဖိအားပေး နှုတ်ထွက်ခိုင်းမှုအား …

❤11👍3

489 views13:08

BBM

ရခိုင်ကမြို့နယ် ၁၀ ခုမှာ ရွေးကောက်ပွဲမကျင်းဟု စစ်ကော်မရှင် ကြေငြာ

BBM - စက်တင်ဘာ ၁၅
သတင်း - နိုင်နိုင်

ရခိုင်က အာရက္ခတပ်တော် AA သိမ်းပိုက်ထိန်းချုပ်ထားတဲ့ မြို့နယ် ၁၄ ခုအထဲက မြို့နယ် ၁၀ ခုမှာ စစ်ကော်မရှင်ရဲ့ လွှတ်တော် ၃ ရပ် ရွေးကောက်ပွဲမကျင်းပဘူးလို့ စစ်ကော်မရှင်ရဲ့ ပြည်ထောင်စုရွေးကောက်ပွဲ ကော်မရှင်က မနေ့က စက်တင်ဘာလ ၁၄ ရက်နေ့မှာ ထုတ်ပြန်ကြေငြာလိုက်ပါတယ်။

စစ်ကော်မရှင်ဟာ လာမဲ့ ဒီဇင်ဘာလ ၂၈ ရက်နေ့မှာ ရွေးကောက်ပွဲ ပထမအပိုင်းကို ကျင်းပပြုလုပ်ဖို့ပြင်ဆင်ထားပြီး လက်ရှိမှာ ရခိုင်က AA သိမ်းထားမြို့နယ်တွေမှာ ရွေးကောက်ပွဲမကျင်းပနိုင်တာကို ထုတ်ပြန်လာတာလည်း ဖြစ်ပါတယ်။

ရခိုင်မှာ စစ်ကော်မရှင်က ရွေးကောက်ပွဲမကျင်းပနိုင်တဲ့ မြို့နယ် ၁၀ မြို့နယ်မှာ ရမ်းဗြဲ၊ ပေါက်တော၊ ပုဏ္ဏားကျွန်း၊ ရသေ့တောင်၊ ဘူးသီးတောင်၊ မောင်တော၊ ကျောက်တော်၊ မင်းပြား၊ မြေပုံနဲ့ မြောက်ဦးမြို့နယ် တို့ဖြစ်ပါတယ်။

စစ်ကော်မရှင်ဟာ ရခိုင်က သူတို့ထိန်းချုပ်ထားတဲ့ စစ်တွေ၊ ကျောက်ဖြူ၊ မာန်အောင် ၃ မြို့နယ်မှာ ရွေးကောက်ပွဲ ပထမအပိုင်းကို ကျင်းပပြုလုပ်ဖို့ ပြင်ဆင်ထားပြီး ရခိုင်ကမှတ်ပုံတင် ခွင့်ပြုထားတဲ့ ပါတီရုံးတွေမှာလည်း အဲဒီမြို့နယ်တွေမှာ စတင်လှုပ်ရှားနေကြပြီးလည်းဖြစ်ပါတယ်။

စစ်ကော်မရှင်ဟာ အာရက္ခတပ်တော် AA သိမ်းထားတဲ့ မြို့နယ် ၁၄ ခုထဲက ၁၀ မြို့နယ်မှာ ရွေးကောက်ပွဲမကျင်းပဖို့ပြင်ဆင်ထားပေမဲ့ ကျန်တဲ့မြို့နယ် ၄ ခု ဖြစ်တဲ့ အမ်း၊ တောင်ကုတ်၊ သံတွဲနဲ့ ဂွမြို့နယ်တို့မှာ ရွေးကောက်ပွဲ ကျင်းပပြုလုပ်ဖို့ ပြင်ဆင်နေလာတာလည်း ဖြစ်ပါတယ်။

အဆိုပါ မြို့နယ် ၄ ခုကို အာရက္ခတပ်တော် AA က လက်ရှိမှာ သိမ်းပိုက်ထိန်းချုပ်ထားတာဖြစ်ပြီး စစ်ကော်မရှင်ဟာ ရွေးကောက်ပွဲမတိုင်မီအချိန်ထိ ထိုးစစ်ဆင်တိုက်ခိုက်လာနိုင်သလို စစ်ရေးအရဖိအားတိုက်ခိုက်လာနိုင်တယ်လို့ ရန်ကုန်ရောက် ရခိုင်လူငယ်တစ်ဦးက ပြောပါတယ်။

"စစ်ကော်မရှင်ဟာ AA သိမ်းထားတဲ့ မြို့နယ် ၁၀ ခုမှာ ရွေးကောက်ပွဲမကျင်းပဘူးလို့ ကြေညာထားတာတွေ့ပါတယ်။ ဆိုတော့ ကျန်တဲ့မြို့နယ် ၄ ခုမှာက သူတို့ရွေးကောက်ပွဲ ပြုလုပ်မဲ့သဘောကို တွေ့ရပါတယ်။ ဒါကြောင့် ရွေးကောက်ပွဲမတိုင်ခင်အထိတော့ အဲဒီမြို့နယ်တွေကို စစ်ရေးအရဖိအားပေးတိုက်ခိုက်လာနိုင်ပါတယ်။ အဲဒီမြို့နယ် ၄ ခုမှာ စစ်ကော်မရှင်က ရွေးကောက်ပွဲ ပြုလုပ်ဖို့အတွက် တွက်ဆထားပုံရတယ် " လို့ သူက ပြောပါတယ်။

စစ်ကော်မရှင်ဟာ ပြည်သူ့လွှတ်တော်မဲဆန္ဒနယ် (၅၆) နယ်၊ အမျိုးသားလွှတ်တော် မဲအများဆုံးရသူ အနိုင်ယူစနစ် (FPTP) မဲဆန္ဒနယ် (၉) နယ်နဲ့ တိုင်းဒေသကြီး (သို့) ပြည်နယ်လွှတ်တော် မဲအများဆုံး ရသူအနိုင်ယူစနစ် (FPTP) မဲဆန္ဒနယ် (၅၆) နယ် စုစုပေါင်း မဲဆန္ဒနယ် ( ၁၂၁ ) နေရာတွေမှာရွေးကောက်ပွဲ ကျင်းပပြုလုပ်မှာမဟုတ်ဘူးလို့လည်း စစ်ကော်မရှင်ရဲ့ ပြည်ထောင်စု ရွေးကောက်ပွဲကော်မရှင်က မနေ့ကထုတ်ပြန်ထားတာ ဖြစ်ပါတယ်။

စစ်ကော်မရှင်ဟာ လာမဲ့ ဒီဇင်ဘာလ ၂၈ ရက်နေ့မှာ တစ်နိုင်ငံလုံး အတိုင်းအတာအနေနဲ့ သူတို့ထိန်းချုပ်ထားတဲ့ မြို့နယ် ၁၀၂ မြို့နယ်မှာ ရွေးကောက်ပွဲ ပထမအပိုင်းကို စတင်ကျင်းပမှာ ဖြစ်ပြီး အပိုင်းလိုက်ထပ်မံကျင်းပမဲ့ ရွေးကောက်ပွဲရက်တွေကို ကြေညာပေးသွားမှာ ဖြစ်တယ်လို့ ပြည်ထောင်စုရွေးကောက်ပွဲကော်မရှင် (UEC) က ပြီးခဲ့တဲ့ သြဂုတ်လ ၂၀ ရက်နေ့က ထုတ်ပြန်ထားတာလည်း ဖြစ်ပါတယ်။

စစ်ကော်မရှင်ဟာ ရွေးကောက်ပွဲ ပထမအပိုင်းကို ရခိုင်က မြို့နယ် (၃) မြို့၊ ကချင်က မြို့နယ် (၆) မြို့၊ကရင်နီက မြို့နယ် (၂) မြို့၊ ကရင်က မြို့နယ် (၃)မြို့၊ ချင်းက မြို့နယ် (၂)မြို့၊ စစ်ကိုင်းတိုင်းက မြို့နယ် (၁၂) မြို့၊ တနင်္သာရီတိုင်းက မြို့နယ် (၄) မြို့၊ ပဲခူးတိုင်းက မြို့နယ် (၈) မြို့၊ မကွေးတိုင်းက မြို့နယ် (၉) မြို့၊ မန္တ လေးတိုင်းကမြို့နယ် (၈)မြို့၊ မွန်က မြို့နယ် (၅) မြို့၊ ရန်ကုန်ကမြို့နယ် (၁၂) မြို့၊ ရှမ်းက မြို့နယ် (၁၂) မြို့၊ ဧရာဝတီတိုင်းက မြို့နယ် (၈) မြို့နဲ့ နေပြည်တော်က မြို့နယ် (၈) မြို့နယ် တို့မှာ ကျင်းပပြုလုပ်ဖို့ ပြင်ဆင်ခဲ့တာလည်း ဖြစ်ပါတယ်။

လက်ရှိမှာတော့ စစ်ကော်မရှင်ဟာလာမဲ့ ဒီဇင်ဘာလ ၂၈ ရက်မှာ ပြုလုပ်မဲ့ ရွေးကောက်ပွဲမှာ ပြည်သူ့ လွှတ်တော်မဲဆန္ဒနယ် ၁၂၇ နယ်၊ အမျိုးသားလွှတ်တော် မဲအများဆုံးရသူ အနိုင်ယူစနစ် (FPTP) မဲဆန္ဒနယ် ၇၅ နယ်၊ အချိုးကျ ကိုယ်စားပြုစနစ် (PR) မဲဆန္ဒနယ် ၂၆ နယ်၊ တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်အချိုးကျကိုယ်စားပြုစနစ် (PR) မဲဆန္ဒနယ် ၄၂ နယ်နဲ့ တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် တိုင်းရင်းသားလူမျိုး မဲဆန္ဒနယ် ၂၉ မြို့နယ်တို့မှာ ရွေးကောက်ပွဲ ကျင်းပပြုလုပ်မှာဖြစ်တယ်လို့လည်း ထုတ်ပြန်ထားပါတယ်။

စစ်ကော်မရှင်က ရွေးကောက်ပွဲမကျင်းပနိုင်တဲ့ တိုင်းနဲ့ ပြည်နယ်က မြို့နယ်တွေမှာ ကချင်ပြည်နယ်မှာ ၄ မြို့နယ်၊ ကရင်နီပြည်နယ်မှာ ၃ မြို့နယ်၊ ချင်းပြည်နယ်မှာ ၄ မြို့နယ်၊ စစ်ကိုင်းတိုင်းမှာ ၁၀ မြို့နယ်၊ မကွေးတိုင်းမှာ ၅ မြို့နယ်၊ မန္တလေးတိုင်းမှာ ၃ မြို့နယ်၊ ရခိုင်ပြည်နယ်မှာ ၁၀ မြို့နယ်၊ ရှမ်းပြည်နယ်မှာ ၁၇ မြို့နယ်တို့ပါဝင်နေတာလည်း ဖြစ်ပါတယ်။

👎9❤2😁1

575 views13:56

BBM

👎14

555 views13:56

BBM

သမ္မတရာထူးမှ မနှုတ်ထွက်ရင် ပုဂ္ဂိုလ်ရေးထိခိုက်မှုရှိနိုင်ကြောင်း သမ္မတကြီး ဦးဝင်းမြင့်ကို စစ်တပ်မှခြိမ်းခြောက်မှုပြုခဲ့

BBM-စက်တင်ဘာ၁၅
သတင်း-မင်းသော်

စစ်တပ်ရဲ့ အာဏာသိမ်းမှုဖြစ်စဥ်အတွင်း နိုင်ငံတော်သမ္မတဦးဝင်းမြင့်ကို သမ္မတရာထူးမှ မနှုတ်ထွက်ရင် ပုဂ္ဂိုလ်ရေးအရ ထိခိုက်မှုရှိလာနိုင်တယ်ဆိုပြီး စစ်တပ်မှ ခြိမ်းခြောက်မှုပြုလုပ်ခဲ့တယ်လို့ သမ္မတကြီးရဲ့ တရားရုံးထွက်ဆိုချက် မိတ္ထုများအရ သိရပါတယ်။

၂၀၂၁ခုနှစ်၊ဖေဖော်ဝါရီလ ၁ရက်နေ့ မနက်၅နာရီလောက်မှာ သမ္မတကြီးရဲ့အခန်းအတွင်းကို စစ်ကောင်စီတပ်သားများက ဘယ်ဘက်ကကော၊ ညာဘက်ကပါ လာရောက်ပြီး ဖမ်းဆီးထိန်းသိမ်းခဲ့တယ်လို့ သိရပါတယ်။

ဖမ်းဆီးခါစက သမ္မတကြီးကို ညအိပ်ဝတ်
အင်္ကျီနဲ့ဖြစ်နေတာမို့ စစ်တပ်က ၎င်းတို့ရှေ့မှာပဲ အင်္ကျီလဲစေခဲ့ပြီး သမ္မတရုံးဘက်သို့ ခေါ်ဆောင်ခဲ့ပြီး စတီခုံပေါ်မှာ ထိုင်ခိုင်းကာ ဗိုလ်ချုပ်ကြီး (သို့) ဒုတိယဗိုလ်ချုပ်ကြီး ၂ ယောက်က နိုင်ငံတော်သမ္မတဦးဝင်းမြင့်အား ကျန်းမာရေးအကြောင်းပြကာ နှုတ်ထွက်ပေးရန် ပြောဆိုဖိအားပေးခဲ့တယ်လို့ သိရပါတယ်။

နိုင်ငံတော်သမ္မတဦးဝင်းမြင့်အနေနဲ့ ကျန်းမာရေးကောင်းမွန်နေတာဖြစ်တာမို့ နှုတ်ထွက်မပေးနိုင်ကြောင်း၊ အသေခံမည်ဖြစ်ကြောင်း၊ စစ်တပ်အနေဖြင့် ဥပဒေနှင့်အညီ လုပ်သင့်
ကြောင်း၊ အာဏာမသိမ်းသင့်ကြောင်း တို့ကိုအဆိုပါဗိုလ်ချုပ်(၂)ဦးအား တုံ့ပြန်ပြောဆိုခဲ့တယ်လို့ သိရပါတယ်။

သမ္မတကြီးရဲ့ ပြောဆိုမှုနဲ့ပတ်သတ်ပြီးအဆိုပါဗိုလ်ချုပ်(၂)ဦးက ပြန်စဥ်းစားဖို့နဲ့ ပုဂ္ဂိုလ်ရေးထိခိုက်မှုရှိနိုင်ကြောင်းတွေပြောဆိုခဲ့ပေမဲ့ သမ္မတကြီးက လုံးဝလက်မခံတာမို့ နိုင်ငံတော်သမ္မတကို အခန်းသို့ ပြန်လည် ပို့ဆောင်ကာ၂၄ နာရီအမြဲမပြတ် စောင့်ကြည့်ခဲ့ပြီး ဘုရားခန်း၊ ထမင်းစားခန်းသွားသည့်အချိန်တွင်ပင် စစ်သားများ လိုက်ပါ စောင့်ကြည့်ခဲ့တယ်လို့ ထွက်ဆိုချက် မိတ္ထုတွေအရသိရပါတယ်။

ဒါ့အပြင် နိုင်ငံတော်သမ္မတ ဦးဝင်းမြင့် အသုံးပြုနေတဲ့ ဆက်သွယ်ရေးအခန်းမှ ဆက်သွယ်ရေးပစ္စည်းများကိုလည်း စစ်တပ်မှအကုန်သိမ်းဆည်းတဲ့အပြင် သတင်းစာ၊ ရုပ်မြင်သံကြားတို့ မကြည့်ရဘဲ ပြင်ပလောကနှင့် အဆက်သွယ် ပြတ်တောက်ခဲ့ရကြောင်း နိုင်ငံတော်သမ္မတဦးဝင်းမြင့်မှ တရားရုံးတွင် ထွက်ဆိုထားသည်။

👍11🤬4

611 views15:17

About

Blog

Apps

Platform