၂၀၂၆ PFA တစ်နှစ်တာအကောင်းဆုံးကစားသမားဆုအတွက် ဆန်ခါတင်စာရင်းထုတ်ပြန်

BBM - ဇွန် ၆

၂၀၂၆ ပရော်ဖက်ရှင်နယ်ကစားသမားများအဖွဲ့အစည်း(PFA) တစ်နှစ်တာအကောင်းဆုံးကစားသမားဆုအတွက် ဆန်ခါတင်စာရင်းကို
ထုတ်ပြန်ခဲ့ပါတယ်။

ဒီစာရင်းမှာ အာဆင်နယ်အသင်းက ဂိုးသမား ရာယာ၊ နောက်ခံလူ ဂါဘရီရယ်လ်နဲ့ ကွင်းလယ်လူ ဒက်ကလန်ရိုက်စ်စတဲ့ သုံးဦးအထိပါဝင်နေပြီး အခြားသူသုံးဦးကတော့ မန်ချက်စတာယူနိုက်တက်အသင်းက ဘရူနိုဖာနန်ဒက်စ်၊ မန်စီးတီးအသင်းက ချာကီနဲ့ ဟာလန်း တို့ပဲဖြစ်တယ်။

ယခုနှစ်အကောင်းဆုံးဆုကို ပရီးမီးယားလိဂ်ချန်ပီယံ အာဆင်နယ်အသင်းသားတွေကိုကျော်ပြီး ဖာနန်ဒက်စ် ဆွတ်ခူးရရှိဖို့ ရေပန်းစားနေတာပါ။

ဖာနန်ဒက်စ်ဟာ အခုနှစ်အတွက် ပရီးမီးယားလိဂ်အကောင်းဆုံးကစားသမားဆု၊ FWA အကောင်းဆုံးကစားသမားဆုတွေကိုလည်း ဆွတ်ခူးထားပါတယ်။

PFA လူငယ်အကောင်းဆုံးဆု၊ အမျိုးသမီးအကောင်းဆုံးဆု၊ လူငယ်အမျိုးသမီးအကောင်းဆုံးဆုတွေအတွက်လည်း ဆန်ခါတင်စာရင်း ထုတ်ပြန်ခဲ့ပါတယ်။

PFA ဆုပေးပွဲအခမ်းအနားကို လာမယ့် သြဂုတ်လ ၂၅ ရက်မှာ မန်ချက်စတာမြို့ရှိ The Opera House မှာ ကျင်းပမှာဖြစ်ပါတယ်။
https://www.facebook.com/share/p/1BG7NiSK57/

ရွှေဈေးနှုန်း၊ ငွေလဲလှယ်နှုန်း၊ စက်သုံးဆီဈေးနှုန်း၊ ဆန်နှင့် ဆီဈေးနှုန်းများ
၀၆-၀၆-၂၀၂၆ ‌‌(စနေနေ့)

မှတ်ချက်။ ။ဈေးနှုန်းများသည် အချိန်နှင့်တစ်ပြေးညီပြောင်းလဲမှုရှိနိုင်ပါသည်။

#bbm #bbmnews #exchange #gold #Pestrol #Rice #Oil #Rate #Myanmar
https://www.facebook.com/share/v/1Y2Xq2jdAC/

(၈)မိုင်အထိ တိကျစွာပစ်ခတ်နိုင်တဲ့ Missile Rocket များထုတ်လုပ်နိုင်ပြီဖြစ်ကြောင်း SDDF တပ်ရင်း ထုတ်ပြန်ကြေငြာ

BBM - ဇွန်လ ၁၀
သတင်း - ကိုဘုဏ်း

(၈)မိုင်အကွာအဝေးထိ တိကျစွာပစ်ခတ်နိုင်တဲ့ Missile Rocket များထုတ်လုပ်နိုင်ပြီဖြစ်ကြောင်း Saw Dragon Drone Force - SDDF တပ်ရင်းက ဒီနေ့ မှာ ထုတ်ပြန်ကြေငြာထားပါတယ်။

SDDF တပ်ရင်းဟာ လက်ရှိအချိန်မှာ အကွာအဝေးအားဖြင့် (၄) မိုင်(၆) မိုင်(၈) မိုင်အထိတိကျစွာ ပစ်ခတ်တိုက်ခိုက်နိုင်တဲ့ Missile Rocket များကို(၅) နှစ်တာကာလအတွင်းမိဘပြည်သူများရဲ့ ထောက်ပံ့ကူညီမှု၊ အားပေးဝန်းရံမှုများကြောင့် သိသာထင်ရှားသော အောင်မြင်မှုများ ရရှိလာပြီဖြစ်တယ်လို့လည်း ဆိုပါတယ်။

ဒါ့ပြင် SDDF တပ်ရင်းအနေနဲ့ ခေတ်မီနည်းပညာတွေ ပေါင်းစပ်ထားတဲ့ အဆင့်မြှင့်တီထွင်မှုအသစ် များကိုလည်း ဆက်လက်လုပ်ဆောင်လျက်ရှိပြီးမိဘပြည်သူများတွေအနေနဲ့ ဆက်လက်လက်တွဲ ပါဝင်ပေးကြပါရန်လည်း မေတ္တာရပ်ခံထားပါတယ်။

ဒါတင်မက ကိုယ်စွမ်းဉာဏ်စွမ်းရှိသမျှကို အသုံးပြုပြီး စစ်အာဏာရှင်စနစ် အမြစ်
ပြတ်တဲ့အထိ ဆက်လက်တိုက်ထုတ်သွားမှာကို သစ္စာဓိဋ္ဌာန်ပြုတယ်လို့လည်း SawDragon DroneForce(SDDF)တပ်ရင်းက ထုတ်ပြန်
ကြေငြာထားပါတယ်။

Video-SDDF
https://www.facebook.com/share/r/17q2TVzLLX/

"Operation Su" စစ်ဆင်ရေးအတွင်း စစ်သုံ့ပန်း (၅၀)ကျော်၊ လက်နက်မျိုးစုံ(၅၀)ကျော်ကို သိမ်းဆည်းရရှိ

BBM-ဇွန်၁၀
သတင်း-မင်းသော်

"Operation Su" အမည်နဲ့ဖော်ဆောင်ခဲ့တဲ့ အညာမြေ စစ်ဆင်ရေးအတွင်း ရန်သူ စစ်သုံ့ပန်း(၅၀) ကျော်၊ လက်နက်ငယ် ၅၅ လက်၊ လက်နက်ကြီး ၄လက်နဲ့အခြားဆက်စပ်ပစ္စည်းတွေကို သိမ်း ဆည်းရရှိခဲ့တယ်လို့ မြိုင်မြို့နယ် ပြည်သူ့ကာ ကွယ်ရေးတပ်ဖွဲ့-မြိုင်ပကဖ ရဲ့ထုတ်ပြန်ချက်အရ သိရပါတယ်။

မြိုင်ပကဖ ဟာ ဒေသတွင်းတော်လှန်ရေးအင်အား စုတွေနဲ့ပူးပေါင်းပြီး "Operation Su"ကို ပြီးခဲ့တဲ့ ဇွန်လ၂ရက်နေ့ မနက်၄နာရီခွဲလောက်မှာ ပေါက် မြို့နယ် ရေပြာရဲစခန်း၊ ကုက္ကိုစုပျူစောထီးစခန်းတွေကို တပြိုင်နက်တည်း ထိုးစစ်ဆင်တိုက်ခိုက်ခဲ့တယ်လို့ သိရပါတယ်။

အဲ့ဒီတိုက်ပွဲတွေအတွင်း စစ်တပ်ဘက်က လေ ကြောင်းပစ်ကူ အကြိမ်ရေ၈၀ထက်မနည်းပစ်ကူပေးပြီး ခုခံခဲ့ပေမဲ့ တော်လှန်ရေးရဲဘော်တွေက ရွပ်ရွပ်ချွံချွံတိုက်ခိုက်ခဲ့တာကြောင့် ဇွန်လ၂ရက် နေ့မှာ ရေပြာရဲစခန်း၊ ဇွန်လ၄ရက်နေ့မှာ ကုက္ကိုစုပျူစောထီးစခန်းတို့ကို အောင်မြင်စွာသိမ်းနိုင်ခဲ့တယ်လို့ သိရပါတယ်။

ဒါ့အပြင် အဆိုပါ စစ်ဆင်‌ရေးအတွင်း ရန်သူထံကလက်နက်ငယ် ၅၅ လက် ၊ လက်နက်ကြီး ၄ လက် နဲ့ အခြား လက်နက်ခဲယမ်းများ သိမ်းဆီးနိုင်ခဲ့သလို စစ်သုံ့ပန်း ၅၀ ကျော်ကိုလည်း ဖမ်းဆီးနိုင်ခဲ့ပြီး စစ်တပ်ရဲ့ အတင်းအဓမ္မ လူသားတံတိုင်းအဖြစ် ခိုင်းစေခံခဲ့ရတဲ့အမျိုးသမီးနဲ့ကလေးငယ် အပါ ပြည်သူ ၂၀၀ ကျော် ကိုလည်း ကယ်တင် နိုင်ခဲ့ကာ ကောင်းမွန်စွာ စောင့်ရှောက်ထားရှိတယ်လို့လည်း ဆိုပါတယ်။

အဲ့ဒီစစ်ဆင်ရေးကို မြိုင် ပကဖ ၊ မကွေးပြည်သူ့ကာကွယ်ရေးတပ်မတော် ၊ ပခုက္ကူခရိုင် ပကဖ ၊ KG တပ်ဖွဲ့ ၊ ပေါက်ပကဖတပ်ရင်း ၊ BLY တပ်ဖွဲ့ ၊ YRF တပ်ဖွဲ့ ၊ ပြည်သူ့ကာကွယ်ရေးတပ်မတော် ပခုက္ကူခရိုင်အမှတ် ( ၂ /၆/၇/၁၂ /၁၄/၁၇ / ၁၈ ) တပ်ရင်းများ ၊ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး( ABSDF) ၊ မကွေးဖက်ဒရယ်ယူနစ်ကာကွယ်ရေးစစ်ကြောင်းများ ၊ ပခုက္ကူပကဖ၊ ကမ္မတပ်ပေါင်းစု+ပြည်သူ့လုံခြုံရေးအင်အားစု(ကမ္မ)၊ PLC တပ်ပေါင်းစု ၊ အညာမြေတပ်‌ပေါင်းစု ၊ PDO/PDA တပ် ၊ မကွေးတိုင်းလှုပ်ရှားစစ်ကြောင်း အမှတ် ၄ ၊ ပေါက်မြို့နယ် ဆေးတပ်ဖွဲ့ ၊ ပေါက်မြို့နယ် ပအဖ နဲ့တော်လှန်ပြည်သူများက စည်းစည်းလုံးလုံး ပူးပေါင်းဆောင်ရွက်ခဲ့ပြီး အမျိုးသားညီညွှတ်ရေးအစိုးရ MOD ပကဖရုံးချုပ်၊ မကွေးဖက်ဒရယ်ယူနစ်ကာကွယ်ရေးဝန်ကြီးတို့မှလည်း လမ်းညွှန်ပူးပေါင်းကူညီခဲ့တယ်လို့သိရပါတယ်။

စစ်ဆင်ရေးကာလအတွင်း အသက်ကို ပဓာနမထားဘဲ ရဲဝင့်စွာတိုက်ပွဲဝင်ခဲ့တဲ့ တပ်မှူး၊ တပ်သား ရဲဘော်အပေါင်းကို မှတ်တမ်းတင် ဂုဏ်ပြုသလိုပဲ ထိခိုက်ကျဆုံးခဲ့တဲ့ ရဲဘော်တွေနဲ့ပြည်သူတွေကိုလည်း ဦးညွှတ်အလေးပြုကာ မိသားစုနှင့်ထပ်တူ ဝမ်းနည်းပူဆွေးရပြီး စစ်အာဏာရှင်စနစ်အလုံးစုံပျက်သုန်းပြီးဖက်ဒရယ်ဒီမိုကရေစီရရှိရန်အတွက် ဆက်လက်တိုက်ပွဲဝင်သွားမယ်လို့ မြိုင်မြို့နယ် ပြည်သူ့ကာ ကွယ်ရေးတပ်ဖွဲ့-မြိုင်ပကဖ ကထုတ်ပြန်ကြေငြာထားပါတယ်။

Photo-မြိုင် ပကဖ
https://www.facebook.com/share/p/1HRgmfgPdS/

ကိုယ်လက်အင်္ဂါစွန့်လွှတ်ခဲ့ရတဲ့ ရဲဘော်တွေကို ဂုဏ်ပြုချီးမြှင့်တဲ့အခမ်းအနား MDY-PDFပြုလုပ်

BBM-ဇွန်၁၁
သတင်း-မင်းသော်

တော်လှန်ရေးကာလအတွင်း ကိုယ်လက်အင်္ဂါတွေကို စွန့်လွှတ်ခဲ့ရတဲ့ ရဲဘော်တွေအတွက် ဂုဏ်ပြုချီးမြှင့်တဲ့ အခမ်းအနားကို ပြည်သူ့ကာကွယ်ရေးတပ်မတော်(မန္တလေး)၊ အထူးလှုပ်ရှားတပ်မ မှကျင်းပပြုလုပ်ခဲ့တယ်လို့ ဇွန်လ၁၀ရက်နေ့က ထုတ်ပြန်ထားပါတယ်။

ပြည်သူ့ကာကွယ်ရေးတပ်မတော်(မန္တလေး)၊ အထူးလှုပ်ရှားတပ်မ အနေနဲ့ တပ်စတင်တည်ထောင်စဥ်ကတည်းက ဒီနေ့ထိ မိမိတို့ကျရာတာဝန်တွေ၊ တပ်တည်ဆောက်ရေးလုပ်ငန်းစဥ်တွေကို အစဥ်တစိုက်ကြိုးပမ်းဆောင်ရွက်လျက်ရှိတယ်လို့ ဆိုပါတယ်။

ဒီလိုတာဝန်ထမ်းဆောင်ရင်း တော်လှန်ရေးကာလအတွင်း ရဲစွမ်းသတ္တိအပြည့်နဲ့ တိုက်ပွဲဝင်ရင်း ကိုယ်လက်အင်္ဂါတွေစွန့်လွှတ်ပေးဆပ်ခဲ့ရတဲ့ ရဲဘော်တွေကို ဂုဏ်ပြုချီးမြှင့်တဲ့ အခမ်းအနားကို ပြီးခဲ့တဲ့ ဇွန်လ၆ရက်နေ့က ပထမဦးဆုံးအနေနဲ့ အောင်မြင်စွာကျင်းပပြုလုပ်နိုင်ခဲ့တယ်လို့လည်း သိရပါတယ်။

အဲ့ဒီခမ်းအနားကို ဂုဏ်ပြုခံရဲဘော်တွေ၊ဖိတ်ကြားထားတဲ့ ဧည့်သည်တော်တွေနဲ့ အထူးလှုပ်ရှားတပ်မမှ အဆင့်ဆင့်သော စစ်သည်ရဲဘော်များ စုံညီစွာတက်ရောက်ခဲ့ကြပြီး အမျိုးသားညီညွတ် ရေးအစိုးရ၊ ကာကွယ်ရေးဝန်ကြီးဌာနမှ ပေးပို့လာတဲ့ ဂုဏ်ပြုသဝဏ်လွှာကို ဖတ်ကြားတာတွေ၊တာဝန်ရှိသူတွေက အမှာစကားပြောကြားတာ
တွေပြုလုပ်ပြီး ဂုဏ်ပြုခံရဲဘော်တွေကို ဂုဏ်ပြုမှတ်တမ်းလွှာနဲ့ ဂုဏ်ပြုချီးမြှင့်ငွေ အသီးသီးပေးအပ်ကာ အခမ်းအနားကို အောင်မြင်စွာ ရုပ်သိမ်းခဲ့တယ်လို့လည်း သိရပါတယ်။

တော်လှန်ရေးခရီးကြမ်း(၅)နှစ်တာ ကာလအတွင်း စစ်အာဏာရှင်စနစ်ဆိုး အမြစ်ပြတ်ချေမှုန်းရေးနဲ့ဖက်ဒရယ်ပြည်ထောင်စု တည်ဆောက်နိုင်ရေးအတွက် ယုံကြည်ရာကို လက်နက်စွဲကိုင် တိုက်ပွဲဝင်ရင်း ကိုယ်လက်အင်္ဂါအစိတ်အပိုင်းတွေကို ပေးဆပ်စွန့်လွှတ်ခဲ့ကြတဲ့ တပ်မမှ အရာရှိ၊ ရဲဘော် စုစုပေါင်း (၁၂၄) ဦးနဲ့ ညီနောင်
တော်လှန်ရေးတပ်ဖွဲ့အသီးသီးမှ ရဲဘော်တွေရဲ့စွန့်လွှတ်စွန့်စားမှုတွေကို ပြည်သူလူထုတစ်ရပ် လုံးနဲ့ ရဲဘော်အသီးသီးက အစဉ်အမြဲ လေးမြတ် စွာ ဂုဏ်ပြုမှတ်တမ်းတင်နေမယ်ဆိုတာယုံကြည်ကြောင်းလည်း ပြည်သူ့ကာကွယ်ရေးတပ်မတော်(မန္တလေး)၊ အထူးလှုပ်ရှားတပ်မ မှ ထုတ်ပြန်ထားပါတယ်။

Photo-ပြည်သူ့ကာကွယ်ရေးတပ်မတော် (မန္တလေး)အထူးလှုပ်ရှားတပ်မ
https://www.facebook.com/share/p/18QXEPhojz/

စစ်ကိုင်း-မင်းကွန်းလမ်းမှာ ပျူစောထီးမျောက် ကြီးမောင်းလာတဲ့ကား တိုက်ခိုက်ခံရပြီး ပျူ(၂)ဦးဒဏ်ရာရ

BBM-ဇွန်၁၁
သတင်း-မင်းသော်

စစ်ကိုင်း-မင်းကွန်းလမ်းပိုင်းအတွင်း စစ်ကောင်စီလက်အောက်ခံ ပျူစောထီးမျောက်ကြီးမောင်းလာတဲ့ကားကို တော်လှန်ရေးအင်အားစုတွေက တိုက်ခိုက်ခဲ့ပြီး ပျူစောထီး(၂)ဦးထိခိုက်ဒဏ်ရာရခဲ့တယ်လို့ ယူနီကွန်းပျောက်ကြားတပ်ဖွဲ့ရဲ့ ထုတ်ပြန်ချက်အရ သိရပါတယ်။

ပြီးခဲ့တဲ့ ဇွန်လ၈ရက်နေ့က စစ်ကိုင်းမြို့နယ် အ တွင်းက စစ်ကိုင်း-မင်းကွန်းလမ်းမှာ ပြည်သူ လူထုကို ညှင်းပန်းနှိပ်စက်နေတဲ့ စကစ လက် အောက်ခံ ပျူစောထီးမျောက်ကြီး မောင်းနှင်လာ
တဲ့ကားကို တော်လှန်ရေးတပ်ဖွဲ့တွေက သတင်းအရ ကြိုတင်စောင့်ကြိုပစ်ခတ်ခဲ့တယ်လို့ သိရပါတယ်။

ပစ်ခတ်မှုအတွင်း ပျူစောထီး(၂)ဦးခန့်ထိခိုက်ဒဏ်ရာရနိုင်ပြီး ပျူခေါင်းဆောင်မျောက်ကြီးမောင်းလာတဲ့ကားကတော့ လက်ပံကျေးရွာအတွင်းကို မောင်းနှင်ထွက်ပြေးသွားတယ်လို့လည်း သိရပါတယ်။

စစ်ကိုင်း-မင်းကွန်းလမ်းပိုင်းကို အသုံးပြုနေကြတဲ့ ပြည်သူတွေအနေနဲ့လည်း တတ်နိုင်သမျှစစ်တပ်နဲ့ဝေးရာရှောင်ကွင်းသွားကြရန်နဲ့ မနက်၅နာရီကနေည၈နာရီအတွင်းထိသာ သွားလာကြရန်၊အချိန်လွန်မောင်းနှင်လာတဲ့ ဘယ်ယာဥ်ကိုမဆို ဖြစ်ပေါ်လာတဲ့ကိစ္စတွေ တာဝန်ယူမှာ မဟုတ်ဘူးဟုလည်း ယူနီကွန်းျာက်ကြားတပ်ဖွဲ့က ထုတ်ပြန်ထားပါတယ်။

Video-ယူနီကွန်းပျောက်ကြားတပ်ဖွဲ့
https://www.facebook.com/share/v/1Cwz5ZjJpm/

တရားမဝင်ကုန်ပစ္စည်းတင်ဆောင်တဲ့ယာဉ်နဲ့ ယာဉ်လိုင်းကို အရေးယူဖို့ ညွှန်ကြားချက် အလုပ်ဖြစ်မှာ မဟုတ်ဟုဆို

BBM-ဇွန်၁၁
သတင်း - ကိုဟန်

ထိုင်းနိုင်ငံကနေ တရားမဝင်တင်သွင်းလာတဲ့ ကုန်ပစ္စည်းတွေ သယ်ဆောင်တဲ့ ယာဉ်နဲ့ ယာဉ်လိုင်းတွေကို ပြင်းပြင်းထန်ထန်အရေးယူမယ်လို့ မွန်လုံ/နယ်ဝန်ကြီးက ကြုံးဝါးလိုက်ပေမဲ့ မြေပြင် မှာအလုပ်ဖြစ်ဖို့မလွယ်မဟုတ်ဘူးလို့ကုန်သည် တွေကြား ပြောဆိုမှုရှိနေပါတယ်။

ပြီးခဲ့တဲ့ ရက်ပိုင်းက ကျင်းပခဲ့တဲ့ မွန်ပြည်နယ်တရားမဝင်ကုန်သွယ်ရေးတိုက်ဖျက်ရေးအစည်းအဝေးမှာ တရားမဝင်ကုန်ပစ္စည်းတွေတင်ဆောင်လာတာ တွေ့ရှိရင် ယာဉ်ပိုင်ရှင်နဲ့ ယာဉ်လိုင်းတာဝန်ခံတွေကို အရေးယူသွားဖို့အပြင် တရားမဝင်ကုန်ပစ္စည်းများ သယ်ဆောင်မှု မရှိအောင် ခရီးသည်ပို့ဆောင်ရေးမှန်လုံယာဉ် အသင်းက ကြပ်မတ် သွားဖို့ကို ညွှန်ကြားခဲ့တယ်လို့ သိရပါတယ်။

အဆိုပါ ညွှန်ကြားချက်ဟာ ဟန်ပြတခုသာဖြစ်ပြီး လက်တွေ့မှာ စစ်တပ်၊ ရဲ၊ ဌာနဆိုင်ရာဝန်ထမ်းများနဲ့ ပြည်သူ့စစ်တွေကို လမ်းတစ်လျှောက် ဆက် ကြေး ပေးနေရတယ်လို့ မြဝတီမြို့မှ ကုန်သည်တဦးက BBM ကို ပြောပါတယ်။

“ပြောတာ ပြောနေရတာ တကယ်လည်း သူတို့(စစ်အုပ်စု)ကို ပိုက်ဆံပေးပြီး ဖြတ်သန်းနေရတာပဲ၊ ဒါကို သူတို့က အရေးယူချင်တဲ့အခါ ယူတယ်၊ မပေးတဲ့သူတွေ၊ သူတို့နဲ့ အဆင်မပြေတဲ့ လုပ်ငန်းရှင်ကုန်တွေ၊ ကုန်သည်တွေဟာ ကို အဖမ်းပြနေတာတော့ ရှိတယ်၊ ပြီးတော့ ပိုက်ဆံနဲ့ ညှိနှိုင်းပြီး ပြန်လွှတ်ပေးနေတာ လူတိုင်းသိတယ်၊ တကယ် ဖမ်းမယ်ဆို ပြည်တွင်းမှာ ထိုင်းကုန်မရှိတာတောင် ကြာပြီးပေါ့၊ အလုပ်ဖြစ်မှာ မဟုတ်
ဘူး”

ထိုင်း-မြန်မာနယ်စပ်မှတဆင့် မြန်မာဘက်ကို အခြေခံစားသောက်ကုန်၊ အိမ်ဆောက်ပစ္စည်း၊ အလှကုန်နဲ့ အရက်ဘီယာတို့ကို တင်သွင်းနေတာဖြစ်ပြီး ပြီးခဲ့တဲ့ ၂၀၂၅ ခုနှစ် ဩဂုတ်လထဲမှာ တိုက်ပွဲနဲ့ လမ်းပန်းဆက်သွယ် ရေးအခက်အခဲတွေကြောင့် အမှတ်(၂)တံတား မြန်မာဘက်ခြမ်းကို စစ်အစိုးရ ပိတ်လိုက်တာပါ။

အဲဒီကာလအတွင်း ကုန်သွယ်ရေးလုပ်ငန်းအတွက် အောက်လမ်းမှတဆင့် နည်းလမ်းအမျိုးမျိုး အသုံးပြုပြီး ကုန်ပစ္စည်းများ မှောင်ခိုတင်
သွင်းနေတာဖြစ်ပါတယ်။

ဒီလို မှောင်ခိုတင်သွင်းလာတဲ့ ထိုင်းကုန်ပစ္စည်းများကို နယ်စပ်ဖြတ်ကျော်ဖို့ စစ်အုပ်စုလက်ဝေခံ လက်နက်ကိုင် အဖွဲ့တွေက တာဝန်ယူဆောင်ရွက်ပေးပြီး ပြည်တွင်းရောက်ရှိအောင် စစ်အုပ်စုကို လာဘ်ထိုးနေတာ ဖြစ်တယ်လို့ ဆိုပါတယ်။

လက်ရှိ နယ်စပ်ကုန်သွယ်ရေးအတွက် အရေးပါတဲ့ ထိုင်း-မြန်မာနယ်စပ် အမှတ်(၂)တံတားကို မေလနောက်ဆုံး အပတ်ထဲမှာ ပြန်လည်ဖွင့်လှစ်ပြီးဖြစ်ပေမဲ့ ထိုက်သင့်တဲ့ ကုန်သွယ်မှု မပြုလုပ်နိုင်သေးဘူးလို့ ကုန်သည်တွေက ပြောပါတယ်။

“တရားဝင်ဂိတ်က ဖွင့်လည်း ဒီမှောင်ခိုကုန်သွယ်မှုက ရှိနေမှာပဲ၊ ဒါကို လာဘ်မစားပဲနဲ့ ထိထိရောက်ရောက် တကယ်အရေးယူနိုင်ရင် ပိုကောင်းတာပေါ့၊ အဲဒီလိုမှ မဟုတ်ဘဲ ပိုက်ဆံပေးတဲ့သူ စားကြေးဆိုရင် ဘာမှ မထူးဘူး၊ ဘာအဖွဲ့မှ ဖွဲ့မနေနဲ့ အလုပ်ဖြစ်မှာမဟုတ်ဘူး၊ အားလုံးက သူတို့ စားဖို့ ဂွင်ကြီးပဲလေ” လို့ မော်လမြိုင်မြို့မှ ကုန်သည်တဦးက ပြောပါတယ်။

စစ်ကောင်စီကတော့ ပြီးခဲ့တဲ့ နှစ်လယ်ပိုင်းကတည်းက တရားမဝင်ထိုင်းကုန်ပစ္စည်းတွေကို စီမံချက်နဲ့ ဖမ်းဆီးနေတာဖြစ်ပြီး ဖမ်းဆီးရမိတဲ့ ပစ္စည်းတွေကို ပြန်လည်ရောင်းချနေတဲ့အတွက် ကုန်သည်တွေရဲ့ ဝေဖန်မှုကို ကြုံနေရပါတယ်။

အလားတူ မွန်နဲ့ ကရင်ပြည်နယ်မှာ ဖမ်းဆီးရမိခဲ့တဲ့ တရားမဝင်ထိုင်းကုန်ပစ္စည်းများကို လေလံအောင်ထားတဲ့ ထိုင်းကုန်ပစ္စည်းများနဲ့အတူ ရောနှောကာ ရန်ကုန်ကို ပို့ဆောင်ဖို့ ငွေကြေးရယူပြီး ခွင့်ပြုပေးတဲ့ ပဲခူးတိုင်း၊ ညောင်ခါးရှည်စစ်ဆေး ဂိတ်ရှိ တာဝန်ကျအရာထမ်းအမှုထမ်း ဆယ်ဦးနီးပါး အရေးယူခံထားရတယ်လို့ သိရပါတယ်။

ဓါတ်ပုံ - Social Media ၊ MOI
ပုံစာ - တရားမဝင်ကုန်ပစ္စည်းများကို စစ်အုပ်စုက ဖမ်းဆီးစစ်ဆေးစဉ်။
https://www.facebook.com/share/p/1CJwGhsizP/

လေယာဥ်ဗုံးစထိမှန်တဲ့ ဒဏ်ရာဖြင့် ဗျုဟာ၂၂ ဗျူဟာမှူး စောဂျိမ်းကျဆုံး

BBM-ဇွန်၁၁
သတင်း-မင်းသော်၊ကိုဘုဏ်း

စစ်ကောင်စီရဲ့ လေယာဥ်ဗုံးကြဲမှုမှတဆင့်ရရှိထားတဲ့ ဒဏ်ရာဖြင့်ပင် NUG ကာကွယ်ရေးဝန်ကြီးဌာနလက်အောက်ရှိ၊ တောင်ပိုင်းတိုင်းစစ်ဒေသ၊ဗျူဟာ၂၂ ဗျူဟာမှူး စောဂျိမ်း ကျဆုံးခဲ့တယ်လို့ မြေပြင်တော်လှန်ရေးရဲဘော် တွေထံမှ သိရပါတယ်။

ပြီးခဲ့တဲ့ မေလ၂၇ရက်နေ့က အုတ်ဖိုမြို့နယ်၊ ချောင်းဂွကျေးရွာကို စစ်ကောင်စီကလေကြောင်းတိုက်ခိုက်မှုတွေပြုလုပ်ခဲ့တာကြောင့် ဗျူဟာမှူးစောဂျိမ်းမှ ဗုံးစထိမှန်ပြီး အပြင်းအထန် ဒဏ်ရာရခဲ့တယ်လို့ သိရပါတယ်။

အဆိုပါ ဒဏ်ရာတွေကို တော်လှန်ရေးလွတ် မြောက်တစ်နေရာမှာ ကုသနေရင်း ဇွန်လ၉ရက် နေ့မှာတော့ ဗျူဟာမှူး စောဂျိမ်း ကျဆုံးခဲ့ရပြီး ဇွန်လ၁၀ရက်နေ့မှာပဲ ထုံထမ်းအစဥ်အလာအတိုင်း နာရေးပြုလုပ်ခဲ့တယ်လို့လည်း သိရပါတယ်။

ဗျူဟာမှူးစောဂျိမ်းရဲ့ကျဆုံးမှုကို ဇွန်လ၉ရက်နေ့ကတည်းက စစ်ကောင်စီဝါဒဖြန့်ချန်နယ်တွေမှ အရင်သတင်းတင်ခဲ့တာကိုတွေ့ရပြီး အဆိုပါကျဆုံးမှုနဲ့ပတ်သတ်ပြီး မှန်ကန်ကြောင်းကိုလည်း ကိုစောဂျိမ်းနဲ့နီးစပ်သူ မြေပြင်တော်လှန်ရေးရဲဘော်တစ်ဦးက BBM ကိုအတည်ပြုပါတယ်။

"ကိုစောဂျိမ်းကျသွားပြီဆိုတာဟုတ်ပါတယ်၊ Confirmတယ်၊ ပြီးတော့နှမြောတယ်"

ကိုစောဂျိမ်းဟာ နွေဦးတော်လှန်ရေးအစပိုင်းကတည်းက ဆန္ဒပြပွဲတွေမှာ တက်ကြွစွာပါဝင်ခဲ့
တဲ့အပြင် လက်နက်ကိုင်လမ်းစဥ်နဲ့စစ်တပ်ကိုတော်လှန်ရာမှာလည်း တိုက်ခိုက်ရေးစွမ်းရည်ပြည့်ဝပြီး လက်အောက်ကော၊လူထုကိုပါစည်းရုံးနိုင်တဲ့ ခေါင်းဆောင်ဖြစ်တယ်လို့ သတ်မှတ်ခံထားရသူလည်း ဖြစ်ပါတယ်။

Photo-ကိုစောဂျိမ်း၊ စကစ လော်ဘီချန်နယ်
https://www.facebook.com/share/p/1EgmnnHkwh/

ကလေးမြို့မှာရာသီဥတုဆိုးရွာနေပေမဲ့ မြို့နယ်
အတွင်းက ခုံသာရွာကို ဆက်တိုက်လေကြောင်းဗုံးကြဲ

🟥တမူး-ခမ်းပတ်ကြားရှိ နမွန်းသားရွာကိုလည်း တော်လှန်ရေးအဖွဲ့ လက်လွှတ်လိုက်ရ

BBM-ဇွန်၁၁
သတင်း-မင်းသော်

ကလေးမြို့နယ်မှာ ရာသီဥတုဆိုးရွားပြီး တနေကုန်မိုးရွာနေပေမဲ့ စစ်ကောင်စီက ကလေးမြို့နယ်အတွင်းက ခုံသာရွာကို လေကြောင်းဗုံးကြဲမှုဆက်တိုက်ပြုလုပ်ခဲ့ပြီး ဒေသခံပြည်သူအချို့ သေဆုံးမှုရှိနေတယ်လို့ သိရပါတယ်။

ဇွန်လ၁၁ရက်(ဒီနေ့)မှာ စစ်ကောင်စီအနေနဲ့ ၎င်းတို့စစ်ကြောင်းထိုးနေတဲ့ ကလေး-တမူး လမ်းပေါ် က အရှေ့ခုံသာရွာကို ရာသီဥတုဆိုးဝါးနေတဲ့ကြားက ဂျက်ဖိုက်တာဖြင့် လေကြောင်းဗုံးကြဲမှုတွေ ဆက်တိုက် ပြုလုပ်ခဲ့တယ်လို့ သိရပါတယ်။

အဆိုပါလေကြောင်းဗုံးကြဲမှုတွေကြောင့်ပဲ ပြည်သူအချို့ထိခိုက်မှုတွေရှိခဲ့သလို အသက် ၁၄နှစ်အရွယ် နယ်ခံတစ်ဦး သေဆုံးခဲ့ရတယ်လို့ ကြားသိရကြောင်းလည်း ကလေးဒေသခံတစ်ဦးက BBM ကိုပြောပါတယ်။

" ဒီနေ့ ဂျက်လေယာဥ်တွေသွားတာကို သုံးခေါက်လောက်ရှိနေပြီ၊ တစ်နေကုန်မိုးရွာနေတော့ တစ်ခါသွား ဘယ်နစီးလဲတော့ မမြင်ရဘူး၊ အဲ့တာ အရှေ့ခုံသာရွာကိုဗုံးကြဲသွားလို့ ပြည်သူတွေထိခိုက်သေဆုံးတာရှိတယ်လည်း ကြားတယ်"

မင်းအောင်လှိုင်ရဲ့ အိန္ဒိယခရီးစဥ်အပြီး အိန္ဒိယ-မြန်မာ နယ်စပ်ကုန်သွယ်ရေးလမ်းကြောင်းဖြစ်တဲ့ ကလေး-တမူး လမ်းမကြီးကို ထိန်းချုပ်နိုင်ဖို့အတွက် စစ်တပ်ဘက်က အရှိန်အဟုန်နဲ့ စစ်ကြောင်းထိုးလာတာကြောင့် အဆိုပါလမ်းပေါ်ရှိ ပြည်သူထောင်ပေါင်းများစွာ စစ်ဘေးရှောင်နေရတယ်လို့ သိရပါတယ်။

ဒီလိုစစ်ကြောင်းထိုးရာမှာ ကလေးမြို့မှတစ်
ကြောင်း၊ တမူးမြို့မှတစ်ကြောင်းတို့ဖြင့် ညှပ်ပြီးစစ်ကြောင်းထိုးလာခြင်းဖြစ်ကာ ကလေးမြို့မှစစ်ကြောင်းဟာ ခုံသာရွာကိုရောက်ရှိလာသလို တမူးကစစ်ကြောင်းကလည်း တမူး-ခမ်းပတ်ကြားရှိ နမွန်းသားရွာကို ပြန်လည်ရရှိသွားပြီဟု မြေပြင်တော်လှန်ရေးရဲဘော်တစ်ဦးကBBM ကိုအတည်ပြုပါတယ်။

"ဒီနေ့ ဂျက်ဖိုက်တာက အရှေ့ခုံသာကိုချသွားတယ်ဆိုတာဟုတ်ပါတယ်၊ လိုင်းတွေဖြတ်ထားတော့ ချက်ချင်းမသိရနေတာပါ၊ တမူးကစစ်ကြောင်င်းကလည်း ခု ခမ်းပတ်-တမူးကြားက နမွန်းသားရွာကို ရထားတယ်"

စစ်တပ်အနေနဲ့ မြန်မာ-အိန္ဒိယကုန်သွယ်ရေးလမ်းပိုင်းတွေအတွက် ခုလို စစ်ရေးအရှိန်တိုးမြှင့်လာတဲ့နည်းတူအခြားတစ်ဖက်မှာလည်း ကလေးမြို့နယ်အတွင်း ပေါ်တာဆွဲမှုတွေ ပိုမိုဆောင်ရွက်နေတာကြောင့် ဒေသခံပြည်သူတွေအနေနဲ့ သတိထားရှောင်တိမ်းနေရတယ်လို့လည်းသိရပါတယ်။

Photo-ပုံဟောင်း
https://www.facebook.com/share/p/182es6NarL/

ခမရ(၅၆၂)မှ ဒုတပ်စိတ်မှူးတစ်ဦး လက်နက်၊ခဲယမ်းများနဲ့အတူ အလင်းဝင်

BBM - ဇွန်လ ၁၁
သတင်း - ကိုဘုဏ်း

မကွေးတိုင်း၊ ငဖဲမြို့နယ်မှာ လှုပ်ရှားနေတဲ့ မစခ (၉၀၅) လက်အောက်ခံ ခမရ(၅၆၂) တပ်ရင်း မှ ဒုတပ်စိတ်မှူးအဆင့်ရှိ ရဲဘော်တစ်ဦး လက်နက်၊ခဲယမ်းတွေနဲ့အတူ အလင်းဝင်ရောက်ခဲ့တယ်လို့ မင်းဘူးခရိုင်အမှတ်(၈)တပ်ရင်းက ထုတ်ပြန်ထားပါတယ်။

ပြီးခဲ့တဲ့ ဇွန်လ (၆)ရက်နေ့က တပ်သားအောင်မင်းဦးဟာ MA-2 ( ၁ ) လက် ၊ MA-3 ( ၁ ) လက် ၊ လက်ပစ်ဗုံး (၂) လုံး ၊ ကျည် ၃၂၈တောင့် ၊ကျည်အိမ် ( ၇ ) ခု ၊ Amour (၁) စုံ တို့ကို ယူဆောင်လာပြီး အလင်းဝင်ရောက်လာခြင်းဖြစ်တယ်လို့သိရပါတယ်။

အဆိုပါ အလင်းဝင်တပ်သားအောင်မင်းဦးကို မင်းဘူးခရိုင်အမှတ်(၈) တပ်ရင်းမှ ဂုဏ်ပြုဆုငွေများချီးမြှင့်ရန်အတွက် စီစဥ်ထားပြီး နောက်ထပ် လက်နက်ချကာ ပြည်သူ့ရင်ခွင်ခိုလှုံလိုတဲ့ စစ် ကောင်စီတပ်သားတွေကိုလည်း လက်ခံကြိုဆိုလျက်ရှိကာ လူ့အခွင့်အရေးအပြည့်အဝရရှိစေပြီးမိသားစုနဲ့ ပြန်လည်တွေ့ဆုံနိုင်ရန် ကူညီပေးမယ် လို့ မင်းဘူးခရိုင်အမှတ်(၈) ကထုတ်ပြန်ကြေငြာထားပါသည်။

Photo-မင်းဘူးခရိုင် အမှတ်(၈)တပ်ရင်း
https://www.facebook.com/share/p/18uDTn4bxS/

ဟော်မုဇ်ရေလက်ကြားကို “လုံး၀ ပိတ်လိုက်ပြီ”လို့ အီရန်ကြေညာ၊ အမေရိကန်က တိုက်ခိုက်တာကြောင့်လို့ဆို

BBM - ဇွန် ၁၂

အီရန်ရဲ့ ထိပ်တန်းပူးတွဲစစ်ဌာနချုပ်က ကြာသပတေးနေ့မှာ ဟော်မုဇ်ရေလက်ကြား (Strait of Hormuz)ကို လုံး၀ပိတ်လိုက်ပြီဖြစ်ကြောင်း ကြေညာလိုက်ပါတယ်။

ရေနံတင်သင်္ဘောတွေရော ကုန်တင်သင်္ဘောတွေရောကိုပါ ပိတ်တာဖြစ်ပြီး ဘယ်သင်္ဘောမဆို ဖြတ်သန်းဖို့ ကြိုးစားရင် ပစ်ခတ်တိုက်ခိုက်မယ်လို့ ဆိုပါတယ်။

အီရန်အစိုးရပိုင် ရုပ်သံလိုင်းကလည်း သူတို့နိုင်ငံရဲ့ ဗဟိုစစ်ဌာနချုပ် (Khatam al-Anbiya Central Headquarters) ရဲ့ ထုတ်ပြန်ချက်ကို ကိုးကားပြီး ဟော်မုဇ်ရေလက်ကြားကို "လုံးဝပိတ်လိုက်ပြီ" လို့ သတင်းထုတ်ပြန်ခဲ့တာပါ။
Press TV သတင်းမှာ ဖော်ပြချက်အရ အမေရိကန်က အီရန်တောင်ပိုင်းပြည်နယ်တစ်ခုကို တိုက်ခိုက်ခဲ့တာ အပါအဝင် "ရန်လိုတဲ့ လုပ်ရပ်တွေ ဆက်တိုက်လုပ်နေလို့" အခုလို တုံ့ပြန်ပိတ်ဆို့ရတာလို့ အီရန်ဘက်က ပြောပါတယ်။

ဒါပေမဲ့ အမေရိကန်စစ်တပ်ဘက်ကတော့ ဒါကို ချက်ချင်းငြင်းဆိုလိုက်ပါတယ်။

အမေရိကန် ဗဟိုစစ်ဌာနချုပ် (US Central Command) က "ဒီညပိုင်းအထိ ကုန်တင်သင်္ဘောတွေဟာ ဟော်မုဇ်ရေလက်ကြားထဲကို ပုံမှန်အတိုင်း အဝင်အထွက် လုပ်နေတုန်းပဲ" လို့ ပြောပါတယ်။

ဒါ့အပြင် အမေရိကန်ဘက်က လူမှုကွန်ရက်မှာလည်း "အမေရိကန် စစ်သင်္ဘောတစ်စီးမှ တိုက်ခိုက်ခံရတာ မရှိဘူး" လို့ ရေးသားထားပြီး အမေရိကန်စစ်သင်္ဘောကို တိုက်ခိုက်ခဲ့တယ်ဆိုတဲ့ အီရန်မီဒီယာတွေရဲ့ သတင်းတွေဟာ "မမှန်ကန်ဘူး" လို့ ပယ်ချလိုက်ပါတယ်။

Reference - NHK
Translation - Richard
https://www.facebook.com/share/p/18kxFMCyhB/

ဂျပန်မှာ ဆောင်းခိုရာကနေ နိုးလာတဲ့ ဝက်ဝံတွေရဲ့ တိုက်ခိုက်မှုတွေ စိပ်လာလို့ ကျောင်းပေါင်း ၁၀၀ နီးပါးလောက် ပိတ်လိုက်ရ

BBM - ဇွန် ၁၂

ဂျပန်နိုင်ငံ၊ တိုကျိုမြောက်ဘက်က လူဦးရေ ငါးသိန်းလောက်ရှိတဲ့ ဥဆုနိုမိယ (Utsunomiya) မြို့မှာ ပြီးခဲ့တဲ့ ဇွန်လ ၆ရက်နေ့က ဝက်ဝံတစ်ကောင်ကို စတွေ့ခဲ့တာပါ။

အဲဒီနောက် ရက်မှာတော့ အလယ်တန်းကျောင်းတစ်ကျောင်းထဲအထိ ရောက်လာပြီး ညဘက်မှာလည်း မြို့လယ်ဈေးဆိုင်တန်းက လုံခြုံရေးကင်မရာတွေမှာပါ ဝက်ဝံကို မြင်ခဲ့ရတယ်။

ဒါကြောင့် မြို့ထဲက အစိုးရမူလတန်းနဲ့ အလယ်တန်းကျောင်းအားလုံးကို တနင်္လာနေ့ကစပြီး ပိတ်လိုက်ရပါတယ်။

ရဲတွေနဲ့ ဒေသခံမုဆိုးအဖွဲ့တွေ ဝိုင်းရှာကြလို့ အင်္ဂါနေ့ညနေမှာတော့ အဲဒီဝက်ဝံကို မေ့ဆေးသေနတ်နဲ့ပစ်ပြီး ဖမ်းမိသွားပါပြီ။

အာဏာပိုင်တွေကတော့ ပြည်သူတွေကို အိမ်တံခါး၊ ပြတင်းပေါက်တွေ သေချာပိတ်ထားဖို့နဲ့ ညဘက် အမှိုက်အပြင်မထုတ်ဖို့ သတိပေးထားတယ်။

ဂျပန်မှာ မနှစ်ကလည်း ဝက်ဝံတိုက်ခိုက်မှုကြောင့် လူသေဆုံးမှုတွေ စံချိန်တင်များခဲ့လို့ စစ်တပ်အထိပါ အကူအညီတောင်းခဲ့ရဖူးတယ်လို့ သိရပါတယ်။

အမဲလိုက်သူနည်းလာလို့ ဝက်ဝံကောင်ရေ တိုးလာတာ၊ ရာသီဥတုကြောင့် တောထဲမှာ အစားအစာရှားလာတာနဲ့ ကျေးလက်တွေမှာ လူနေနည်းလာတာတွေကြောင့် ဝက်ဝံတွေ မြို့ပေါ်တက်လာကြတာပါ။

ဒီနှစ်ဆန်းပိုင်း ဆောင်းခိုချိန်မှာ ခဏငြိမ်သွားပေမဲ့ အခု နွေရာသီရောက်လို့ ပြန်နိုးလာချိန်မှာတော့ မြို့တွေထဲ ပြန်ရောက်လာကြတာပဲ ဖြစ်ပါတယ်။

ပြီးခဲ့တဲ့ ဇွန်လ ၂ ရက်နေ့ကတင် ဖူကူရှီးမားက သံမဏိစက်ရုံတစ်ခုမှာ ဝက်ဝံကိုက်လို့ လူ ၄ ယောက် ဒဏ်ရာရခဲ့သလို၊ ဧပြီလကနေ ဇွန်လဆန်းအထိ ၃ ယောက်သေပြီး ၂၀ ကျော်

ဒဏ်ရာရထားတယ်လို့ သိရပါတယ်။

Reference - CNN World
Photo - CNN World
Translation - Alice
https://www.facebook.com/share/p/1E5Bvk6Jtg/

ထိုင်းတော်ဝင်မင်းသမီး ဖာချရကီတီယာဖား နတ်ရွာစံ

BBM- ဇွန် ၁၂

ထိုင်းဘုရင် မဟာဝိဇီရာလောင်ကွန်းရဲ့တော်ဝင်သမီးတော်ကြီး ဘာချရကီတီယာဖာ ဟာ ဘန်ကောက်မြို့ရှိ ချူလာလောင်ကွန်းဆေးရုံကြီးမှာ ၃နှစ်တာ ဆေးကုသမှုခံယူပြီးနောက် သက်တော် ၄၇နှစ်မှာ နတ်ရွာစံခဲ့ပါတယ်။

မင်းသမီးကြီးဟာ ၂၀၂၂ ၊ ဒီဇင်ဘာလ ၁၅ ရက်နေ့က စတင်ကုသမှုခံယူပြီးနောက် ၂၀၂၆ ၊ မေလ ၂၁ ရက်နေ့မှာ အူမကြီးရောင်ရမ်းမှုကြောင့် ဝမ်းဗိုက်ခေါင်းအတွင်း ပိုးဝင်ကာကျန်းမာရေးအခြေအနေမှာ တဖြည်းဖြည်း ယုတ်လျော့လာခဲ့ပါတယ်။

ဒါ့အပြင် သွေးဖိအားကျဆင်းခြင်း၊ နှလုံးခုန်နှုန်းမမှန်ခြင်းနှင့် သွေးခဲမှုစနစ်မမှန်ကန်ခြင်း စတဲ့ ဝေဒနာကိုလည်း ခံစားခဲ့ရပါတယ်။

ဆေးဘက်ဆိုင်ရာ ပါရဂူအဖွဲ့က စွမ်းဆောင်နိုင်သမျှ အနီးကပ်ဆုံး အစွမ်းကုန် ပြုစုကုသပေးခဲ့သော်လည်း သမီးတော်ကြီးရဲ့တော်ဝင်ကျန်းမာရေးအခြေအနေမှာ ဆိုးရွားလာခဲ့ပြီး ၂၀၂၆ ခုနှစ်၊ ဇွန်လ ၁၁ ရက်၊ ကြာသပတေးနေ့ ညပိုင်းမှာ ငြိမ်းချမ်းစွာ နတ်ရွာစံ ကံတော်ကုန်ခဲ့ပါတယ်။

ထိုင်းဘုရင်ကြီးက မင်းသမီးကို တော်ဝင်ရိုးရာဓလေ့ထုံးတမ်း‌တွေ
နဲ့အညီ အမြင့်ဆုံးသော တော်ဝင်ဂုဏ်ထူးဆောင်ဘွဲ့အပ်နှင်းပြီး တော်ဝင်သုဿာန်အခမ်းအနားကို စီမံကျင်းပမှာ ဖြစ်ကြောင်း တော်၀င်အမိန့်ထုတ်ပြန်ခဲ့ပါတယ်။

မင်းသမီးကြီးရဲ့ ရုပ်ကလာပ်တော်ကို မဟာနန်းတော်ရဲ့ ပီမန်ရတနာ ပလ္လင်ခန်းမဆောင် (Piman Rattaya Throne Hall) မှာ ဂူသွင်းထားမှာဖြစ်ပါတယ်။

Reference - The Nation Thailand
Translation - Alice
https://www.facebook.com/share/p/1EaUuzMmFv/

ရီးရဲလ်မက်ဒရစ်အသင်းနည်းပြအဖြစ် မော်ရင်ညိုကို တရားဝင်ခန့်အပ်

BBM - ဇွန် ၁၂

ရီးရဲလ်မက်ဒရစ်အသင်းက အသင်းနည်းပြသစ်အဖြစ် မော်ရင်ညိုကို တရားဝင်ခန့်အပ်ကြောင်း ကြေညာခဲ့ပါတယ်။

ရီးရဲလ်အနေနဲ့ မော်ရင်ညို(၆၃ နှစ်)ကို သုံးနှစ်သက်တမ်းရှိ စာချုပ်တစ်ရပ် ချုပ်ဆိုခဲ့တာပါ။

၎င်းဟာ ရာသီကြိုလေ့ကျင့်ရေးစတင်မယ့် ဇူလိုင်လ ၁၃ ရက်မှာ ရာထူးတာဝန်ကို စတင်ထမ်းဆောင်ပါလိမ့်မယ်။

ရီးရဲလ်အသင်းဟာ မော်ရင်ညိုကို ခန့်အပ်မှုအတွက် ဘင်ဖီကာအသင်းထံ လျော်ကြေး ယူရို ၁၅ သန်း ပေးချေခဲ့ရတယ်လို့ သိရပါတယ်။

မော်ရင်ညိုဟာ ၁၃ နှစ်ကြာပြီးနောက် အသင်းဟောင်းကို ပြန်ရောက်လာတာလည်းဖြစ်တယ်။

ရီးရဲလ်ဥက္ကဋ္ဌ ဖလော်ရန်တီနိုပီရက်ဇ်ဟာ ဥက္ကဋ္ဌအဖြစ် ပြန်လည်ရွေးကောက်ခံရရင် မော်ရင်ညို အသင်းနည်းပြဖြစ်လာမယ်လို့ ကြိုပြောထားပြီး အခု တရားဝင်ကြေညာခဲ့တာဖြစ်ပါတယ်။

မော်ရင်ညိုရဲ့ ပထမဆုံးအကြိမ် ကိုင်တွယ်မှုမှာ ရီးရဲလ်အသင်းက လာလီဂါ၊ စပိန်ဘုရင့်ဖလားနဲ့ စပိန်စူပါဖလားတစ်ကြိမ်စီ ချန်ပီယံ ဖြစ်ခဲ့ပါတယ်။
https://www.facebook.com/share/p/1GSUf6xo1X/

ကင်ဂျုံအန်က ရုရှားကို ထောက်ခံတဲ့အနေနဲ့ “ရုရှားအမျိုးသားနေ့”မှာ ပူတင်ဆီကို ဂုဏ်ပြုသဝဏ်လွှာ ပေးပို့

BBM - ဇွန် ၁၂

မြောက်ကိုရီးယားခေါင်းဆောင် ကင်ဂျုံအန်က ရုရှား အမျိုးသားနေ့မှာ သမ္မတ ဗလာဒီမီရာ ပူတင်ဆီကို ဂုဏ်ပြုသဝဏ်လွှာ ပို့လိုက်တယ်လို့ ဇွန်လ ၁၂ရက် ဒီ‌နေ့မှာ ပြောကြားခဲ့ကြောင်း မြောက်ကိုရီးယားအစိုးရသတင်းဌာန KCNAက ဖော်ပြခဲ့ပါတယ်။

အဲဒီသဝဏ်လွှာထဲမှာ ရုရှားရဲ့ ပြည်တွင်း၊ ပြည်ပ မူဝါဒတွေအားလုံးကို အပြည့်အဝ ထောက်ခံတယ်လို့လည်း သူက ဆိုထားပါတယ်။

အခုဆိုရင် မြောက်ကိုရီးယားနဲ့ ရုရှားကြား ဆက်ဆံရေးဟာ ဘက်စုံမဟာဗျူဟာမြောက် မိတ်ဖက် ဆက်ဆံရေးစာချုပ်အပေါ် အခြေခံပြီး မဟာမိတ်အဆင့်အထိ ပိုခိုင်မာလာနေပြီလို့ ကင်ဂျုံအန်က ပြောပြီး ရုရှားနဲ့အတူ “အမြဲတမ်း အတူတူရှိနေမှာပါ” လို့လည်း ကတိပြုခဲ့ကြောင်း KCNA က ဖော်ပြပါတယ်။

ဒါ့အပြင် ရုရှားအမျိုးသားနေ့ အထိမ်းအမှတ်အနေနဲ့ ရုရှားနဲ့ မြောက်ကိုရီးယား အရာရှိတွေဟာ ကျဆုံးသွားတဲ့ ဆိုဗီယက်စစ်သည်တော်တွေရဲ့ အထိမ်းအမှတ်ကျောက်တိုင်နဲ့ သုသာန်ကို သွားရောက် ဂါရဝပြုခဲ့ကြသလို မြောက်ကိုရီးယားအရာရှိကြီးတွေအတွက်လည်း ရုရှားသံရုံးက ဧည့်ခံပွဲတစ်ခု လုပ်ပေးခဲ့ပါသေးတယ်။

ယူကရိန်းစစ်ပွဲမှာ ရုရှားကို ကူညီဖို့အတွက် မြောက်ကိုရီးယားက စစ်သည် ထောင်ပေါင်းများစွာ စေလွှတ်ခဲ့ပြီးတဲ့နောက်ပိုင်း ဒီနှစ်နိုင်ငံကြား ဆက်ဆံရေးက ပိုပြီးတော့ နက်ရှိုင်းလာခဲ့တာပါ။

ဝါရှင်တန်နဲ့ ဆိုးလ် (အမေရိကန်နဲ့ တောင်ကိုရီးယား) အရာရှိတွေကတော့ ယူကရိန်းစစ်ပွဲမှာ သုံးဖို့ မြောက်ကိုရီးယားက ရုရှားကို လက်နက်ကြီးကျည်တွေ၊ ဒုံးကျည်တွေနဲ့ တခြားစစ်လက်နက်ပစ္စည်းတွေ ထောက်ပံ့ပေးနေတယ်လို့ စွပ်စွဲထားကြပါတယ်။

ဒါပေမဲ့ မော်စကိုနဲ့ ပြုံယမ်း (ရုရှားနဲ့ မြောက်ကိုရီးယား) ကတော့ ဒီလို လက်နက်လွှဲပြောင်းပေးနေတာမျိုး မရှိဘူးလို့ ငြင်းဆိုထားပါတယ်။

၂၀၂၄ ခုနှစ် ဇွန်လတုန်းက ပူတင် ပြုံယမ်းကို လာရောက်လည်ပတ်စဉ်အတွင်း နှစ်နိုင်ငံကြား မဟာဗျူဟာမြောက် မိတ်ဖက်စာချုပ်ကို လက်မှတ်ရေးထိုးခဲ့ကြတာဖြစ်ပြီး၊ နှစ်နိုင်ငံကို ဆက်သွယ်ပေးမယ့် အဓိက ကုန်းလမ်းတံတားတစ်ခု ဖွင့်လှစ်ဖို့လည်း သဘောတူခဲ့ကြပါတယ်။

လေ့လာဆန်းစစ်သူတွေရဲ့ အဆိုအရ ဇွန်လ ၁၉ ရက်နေ့မှာ အပြီးသတ်မယ့် အဲဒီတံတားဟာ နှစ်နိုင်ငံကြား ကုန်သွယ်မှုကို ပိုမိုချောမွေ့စေမှာ ဖြစ်သလို မြောက်ကိုရီးယားအနေနဲ့ သူတို့ရဲ့ နျူကလီးယားနဲ့ ဒုံးကျည်အစီအစဉ်တွေကြောင့် ခံထားရတဲ့ နိုင်ငံတကာပိတ်ဆို့ အရေးယူမှုတွေကို ရှောင်ကွင်းဖို့အတွက် နောက်ထပ် လမ်းစတစ်ခု ဖြစ်လာနိုင်တယ်လို့ သိရပါတယ်။

Reference - Reuters
Photo - Reuters
Translation - Richard
https://www.facebook.com/share/p/1E4jzFHbsZ/