#እግዚአብሔር_አይታለልም
[በአቤንኤዘር መርጃን]

ዛሬ ድንገት በቦርፎሪኮን ቻናል ልፅፍ ወደድኩ ፤
> ፖለቲከኞች ትናንት 'ነፃነት' በሚል የመልካም ስም ሽፋን ተጠቅማችሁ ወንድማችን ላይ ካራ እንድናነሳ ፣ ከቤቱ እንዲፈናቀል ፣ ባደገበት ቀዬ ሌባ ' እያልን እንዳይነግድ ሰርቶ ፡ ሮጠው ራሳቸውን መመገብ ለማይችሉ የእለት ጉርስ ለማግኘት እኛ ዘንድ የመጣው ወንድማችንን እንድንገድል ፤ እንድናሳድድ አታለላችሁን እጃችንን የደም እጅ አደረጋችሁት ፤ አዕምሮአችንን የፀፀት ዋና መስሪያ ቤት አደረጋችሁት። #አታለላችሁን።
ዛሬ እናንተም አንገት ደፋችሁ።

>የታላላቅ ሀገር መሪዎች ፦ እኛ ሁሉንም እንችላለን ምንም ቢመጣ መከላከል እንችላለን ፤ ሀያል ከእኛ በላይ የለም በማለት ዋሽታችሁ #አታለላችሁን ሁሉን በሚችለው አምላክ እግዚአብሔር እንዳንታመን በነገር ያበጠው ክንዳችሁን አሳያችሁን። #አታለላችሁን
ዛሬ ግን እናንተም አንገት ደፋችሁ።

> ነጋዴዎች የምትነግዱበትን መስፈሪያ በማሳነስና ዋጋውን በመጨመር በሀሰተኛ ሚዛን ለማያያችሁ ሰው ነገር ግን በሚያያችሁ አምላክ ፊት ግፍን ሰራችሁ።
ድሀውን በብር ፤ ችግረኛውን በጥንድ ጫማ እንገዛለን በማለት እግዚአብሔር በአምሳሉ የፈጠረውን ሰው አታለላችሁ የሰናይና የምድር የሆነው ጌታንም አስቆጣችሁ። #አታለላችሁን
ዛሬ ግን እናንተ አንገት ደፋችሁ።

> የሀይማኖት አባቶች ፈጣሪውን ፤ የምዕመኖቻችሁን ልብ ከማነፅ ይልቅ ፍጡር በሆነውና የሚጠፋውን ህንፃ ለማነፅ ውድድር አይሉት እሽቅድድም ውስጥ ገባችሁ ፤ እኛ ከማሳወቅምዕመናቻችሁንም የጥሪት ማካበቻ ፤ የጥፋት ማገዶ ፤ የጥላቻ ማደርያ ፤ የክፋት መጠንሰሻ ስውር ዋሻ አደረጋችሁን። እውነተኛውን መንገድ አሳይቶ የሚመጣውን ከመጋፈጥ ይልቅ አቋራጭ አሳይታችሁን #አታለላችሁን።
ሳትሰሙ ሰማን ብላችሁ
ሳትላኩ መጣን ብላችሁ
እውነተኞቹን ሰውራችሁ ኮሳሳውና በምድራዊ ነገር የተቸነከረው የስጋ ጉልበታችሁን እና ጥበባችሁን አሳይታችሁ እውነተኞቹን እንድንጠላ ብሎም እንድንሰድብ #አታለላችሁን።

> አወቅን ባይ የፌስ ቡክ ጀግናዎች ፤ የዩትዩብ ራሶች ፤ የማህበራዊ ድህረ ገፆች ፊት አውራሪዎች አታላችሁናል ... የሩቁን ፎቶ የቅርብ አድርጋችሁ ፤ የቅርቡን ፎቶ የሩቅ አድርጋችሁ ህዝቡ ስሜታዊነቱን ተረድታችሁ : የማይገቡ መልእክቶች እግዚአብሔር የሚጠላውን የሀሰት መልእክቶችን ሰጣችሁን : የአባታችሁን ስራ ሰራችሁብን #አታለላችሁን።
የማይተካው ጊዜያችንን በቧልት እና በሀሜት በላችሁብን።
እናውቃለን ብላችሁ #መሀይም አደረጋችሁን ፤ የአለም መሳቂያ እና መዘባበቻ አደረጋችሁን። በተለይም ክርስትያን ይሁኑ አይሁኑ የማይታወቁ የተለያዩ መገናኛዎችን በክርስትያን ስም በመክፈት ክርስትያኑ የተጠራበትንና የሚኖርለት ዋጋ አሳጣችሁት የተከፈለለትን የመስቀል ዋጋ በእልፍ ላይክ ለወጣችሁ እኛንንም #አታለላችሁን።

#በዋነኝነት የወቅቱን ወረርሽኝን ከእግዚአብሔር ዘንድ አይደለም ፤ ቁጣም ፈፅሞ አይደለም በማለት ሽንጣችሁን ገትራችሁ እከሌ ይህን አለ በማለት የመፅሀፍ ቅዱስን ቃል ጣላችሁ። እንድንሰማችሁ ውትውታችሁ #አታለላችሁን።

> የሀገሬ ህዝብ ሆይ ተታለናል እግዚአብሔር የሚፀየፈውን ሀጥያትን ሰርተናል። በንሰሀ ለመመለስም ግራ እና ቀኝ እያየን እየዋተትን ነው። እርሱ በርግጥ መሀሪ አምላክ ነው ነገር ግን ጨካኝና የሚባላ እሳት መሆኑንም አትርሱ።
በሽንገላ የንሰሀ ልብና ላለመለወጥ በወሰነ ሀሳብ በእግዚአብሔር ፊት #አትቅረቡ ነገር ግን በሚለወጥ ማንነትና በእውነተኛ የንሰሀ ልብ ወደ እርሱ ቅረቡ።
ይብቃን !! በማይገባን ቦታ እግዚአብሔር አያግኘን
#ከሀሜት ሰፈር ውጡ
#ከአሮጊቶች_ጨዋታ ራቁ
#የእግዚአብሔርን ፊት ፈልጉ

ያኔ በሰላሙ ጊዜ " ጊዜ የለንም " ብለን የዘጋናቸውን የፀሎትና የመፅሀፍ ቅዱስ ንባብ ምዕራፎችን እንክፈት።

#እግዚአብሔር_አይታለልምና በሰው አትታለሉ እነርሱ ያስቷችኋል በእግዚአብሔር ላይ ክፋትንና ሀጥያትን እንድታስቡ ፤ ሰው በሰራው በምድር ነገር እንድትመኩ ያደርጓችኋል።

#ዛሬውኑ ሁላችንም በእግዚአብሔር ፊት እንውደቅ ይህ ካልሆነ እንደ ትንቢተ አሞፅ ምዕራፍ 8 እስራኤል እንሆናለን ፦
1. የቤተ መቅደሶቻችን ዝማሬ ወደ ዋይታ ይለወጣል
2.እጅግ ብዙ የሆነ የሰው ሬሳ ወድቆ ይገኛል ዝምታም ይሰፍናል
3.ፀሀይ በቀትር እንድትጠልቅ እግዚአብሔር ያደርግብናል
4.ምድርም ደማቅ ብርሀን ሳለ በቀን ያጨልምብናል
5. ዓመት በአላችን ወደ ላቅሶ ፤ ዝማሬያችን ወደ ዋይታ ይለውጥብናል
6. ለአንድያ ልጅ እንደሚለቀስ ፍፃሜያችን መራራ ይሆናል
7. የእግዚአብሔርን ቃል የመስማት ረሀብ ይመጣብናል
8. ተቅበዝብዘን ዳግመኛ ላንነሳ እንወድቃለን።

> የሀገሬ ህዝብ ሆይ ስማ እርሱ እግዚአብሔር መሀሪ ነው ይምረናል ወደ ፊቱ ከልባሽን እንቅረብ ሀጥያታችንን እንናዘዝ ፤ ለፖለቲከኞች ፤ ለነጋዴዎች ፤ ለሀይማኖት አባቶች ፤ ለግለሰቦች እና በአጠቃላይ ለኢትዮይያ በእግዚአብሔር ፊት በንሰሀ እንቅረብ።

#እኛ_ተታለን_ሊሆን_ይችላል
#እግዚአብሔር_ግን_አይታለልም።
@borforiconn
@borforiconn
ቦርፎሪኮን ቻናል , ኢትዮጵያ