#دوبیتی_لکی
گرّی نیشتِن وَ لات آخِر #اَنومَه
دَسِه نوم دَس تو گِرتن آرزومَه

اگر روژی وَ نوکومِت بوئینم
ئَه روژَه تا قیومَت عیدِ نومَه

#اَنو : اندوه
#رحمان_مریدی_بیرانوند
@boosondobeyti

ترجمه :
هماری (دشت هموار) دل بوسیله نسار(سایه سار کوه ) اشغال شده است.
(نسار در شعر لکی نماد سردسیر است)

همین نسار باعث زُخ(یخبندان) در دل من شده است به طوری که از دور یخبندان من معلوم است

(کله وا همان باد آخر زمستان است که باعث ذوب شدن یخها می میشود)

ای کسیکه نفست بوی بهار می دهد برای من کله بادی نمی فرستی؟؟

#رحمان_مریدی_بیرانوند

@boosondobeyti

در مدح زبان شیرین لکی و توصیه به یادگیری آن👇👇👇👇


لََکی شعرَه , لَکی پاچا , لَکی مور
لَکی ئـــِه گــَردِ فالِ چلسرو جور

کَلومِت اَر قـرارَه چوی هَسَل بو
لَکی آ گِــر هر ئِــه گاوارَه تا گور


#رحمان_مریدی_بیرانوند

@boosondobeyti

پَپی کوم لا؟ وِری هر لا کِه وائَه
وِری هر لا کِه اَر باو دِل خدائَه

گِلـی ئِه بختِ گَن هامی خراوَه
گِلـی هــم جا مِه کاخِ پاتِشائَه


#رحمــان_مــــــریدی

@boosondobeyti

تو نازاری ، و نازاری گِرّونَه
وَ سَر تو ئِه هر آبادی مِرّونَه

مَری یوسف زلیخایی کِه هر جا
گِرّی اَر پا بِنی ، مِچ دَس بِرّونَه



#رحمــان_مــــــریدی

@boosondobeyti

فلک وارونِت اَر کَشمه مواری
خَزوت اَر چارَه ری رَشمَه مواری

یزیدی مَر تونو مَر مِه حسینم
که نیزَه جورت اَر لَشمَه مواری

#رحمــان_مــــــریدی


@boosondobeyti

دَمِت هویزه پِر ئِه روینَه ، دَمی بار
اِرا دَه دَر دَم ، ئِه روینِت کمی بار

وِت افطارَه اَذونچی ، مِه دَم آ کَم
اَرینم ئِه دَمِت خرما بَمی بار


#رحمـان_مـریدی_بیرانوند
@boosondobeyti

مِ زندونی اَبَد بیمَه وَ دَس خَم
اِرارِزیامَه چوی آهِن مِه کَم کَم

حوالی کَس نِمَه‌پرسی ، کی‌ام مِه
چِمَه چَن سالَه ئِه ویرِ وُژِم هم

#رحمـان_مـریدی_بیرانوند

@boosondobeyti

تو دت شائی , فره سِیمت سنگینه
خِنَت درمون درد ، اخمت رنگینه

لوئیلت داخ و نارک سور و تودار
دیاره گردِ لیسگ ِ حور جنگینه


#رحمان_مریدی
@boosondobeyti

چَنی خو بی شوئی باتامه پابوس
مِه مِهمون و هویا مالِم تو ای دوس

دُما ساتی وَ دَم یَک شونشینی
مه بوشم مِه بِچِم ، بوشی هنی بوس


#رحمـان_مـریدی_بیرانوند

@boosondobeyti

نه عاشق بیمَه نه ئِه یارَه موشِم
نه ئِه دیری ، نَه ئِه دیدارَه موشِم

مِه دَنگ ژاری ولاتی بی کَسِم گِه
دوبیتی ئِه سَرِ ناچارَه موشِم

#رحمان_مریدی_بیرانوند

@boosondobeyti

الهی اَر گَنِم کِردی ، تو خو کَه
مِه نایونِم ، تو حفظِ آبرو کَه

وِتِت گِه عاشقی ، اَر راسَه موشی
کُنَه رُسوا دِلِم بی کِش پَرو کَه


#رحمـان_مـریدی_بیرانوند
@boosondobeyti

قَسَم میرِم وَ رَنگ سی مِرژنیلِت
وَ صَف پیوستَه بی ری مِرژنیلِت

مِنو ناسی مِزاری ئَه دو وَرکَه
کِه هانِه پِشتِ پَرچی مِرژنیلِت

مرژنگ : مژه
بی ری : بدون راه
ورک : بره
پرچی : پرچین



#رحمان_مریدی_بیرانوند
@boosondobeyti

دروئَه ؟ راسَه؟ یا راویکَه عِشقِت؟
خیالی خومَه یا خاویکَه عِشقِت؟

خوشَه؟ یا ناخوشَه؟ سَر ایر نمارم
اَرینِم گیژ و گَرداویکَه عِشقِت


#رحمان_مریدی_بیرانوند
@boosondobeyti

#دوبیتی_لکی
گرّی نیشتِن وَ لات آخِر #اَنومَه
دَسِه نوم دَس تو گِرتن آرزومَه

اگر روژی وَ نوکومِت بوئینم
ئَه روژَه تا قیومَت عیدِ نومَه

#اَنو : اندوه
#رحمان_مریدی_بیرانوند
@boosondobeyti

‍ سَنینَه بارِ خَم ، خَمدونمَه میژی
پِراپِر دردِم و دَرمونمَه میژی

دلی دیرم گِه خَرمونجا خَمیلَه
اَرِه دِل کُت کُتِ ایرونمَه میژی

#رحمان_مریدی_بیرانوند

@boosondobeyti

دژین دیرم ، درینم ، سرمه میژی
تموم کت کت ِ پیکرمه میژی

خصه اِ روزگاره بس که میرم
قلم اژ پا کتئ دفترمه میژی


#رحمان_مریدی_بیرانوند

هَتین و ئِه دِلِ دِژمَه مَپِرسی
اَژئ کونِک پِر ئِه مِژمَه مَپرسی

مِ ئِه ویرِم چیَه ، چَن سالَه نومِم
اَسَه تو حالم ئِه وژمَه مَپرسی؟
کونک : آتشدان
دِژ : بیمار
مِژ : ذغال افروخته

#رحمان_مریدی_بیرانوند

@boosondobeyti

مِ ئِه جادوی چیمیلِ تو موشِم
ئِه آگِر گِرتِن ئِه سیلِ تو موشِم

تو لیلی و مِ مجنونی کِ شعرم
اَرِه یَه بومَه باو میلِ تو موشِم

#رحمـان_مـریدی_بیرانوند

@boosondobeyti

‍ تو دارِ آرزوم ئِه جا کَنینَه
ئِه باخِ شادییلم جا سَنینَه


ئِه لا مِ دلخوشییل داونَه بارا
فقط ای خَم تو پا برجا مَنینَه

#رحمـان_مـریدی_بیرانوند
@boosondobeyti

تونئ کِه دینِت ئِه تاو سرنوشتَه
بِسَلمونیت اَرِه حوری بِهِشتَه

مَتَرسِم مامِلَه‌ت آخِر بِشیوی
سَر ئِه دوزخ اِراری وِه مَنِشتَه

#رحمان_مریدی_بیرانوند
@boosondobeyti

✅ #دوبیتی_لکی

گِریوَتون   اَرِه    خارَت   بِروئَه
نَه  دَردِ  دینَه  نَه   داخ   آبروئَه

کَس ئی حرفیلَه دِه باور نِمَه کِه
هومَه هرچی که موشینو دُروئَه


#رحمان_مریدی_بیرانوند

✅ #دوبیتی_لکی


دو گیسِ شلته یا دو مارَه ماری
دو قاتل  برم ِ  نیزَه دارَه  ماری

ارینم  ری  فراری  نییه هه گه
تو  ایرشت ِ  دل ِ  بیمارَه  ماری


#رحمان_مریدی_بیرانوند