كانت تبتعد للخلف بذعر شديد وهي تنظر إلى اقترابه منها وجسدها يرتعد من شدة الخوف
/ ا انت م ميين وع عاوز مني ا ايه وجبتني هنا ليه
نظر إليها نظرات قذره غادره
/ أنا مجرد شخص عابر هاخد اللي نفسي فيه واديكي تمنه واتكل على الله
زاد ارتعاد جسدها من شدة الخوف وصاحت ببكاء
/ ا انت اكيد م مجنون الدنيا مش سايبه أنا هوديك في داهية
نظر إليها بسخريه واستهزاء / شكل الهدوء مش نافع معاكي بصي يا قطه عشان نكون على نور اللي أنا عاوزه هاخده مفيهاش كلام بالذوق بالعافيه هاخده برضاكي غصب عنك هاخده يبقى خليكي حلوه بقى ومتعكريش مزاجي
تراجعت للخلف بفزع حينما اقترب منها / والله أصوت وألم عليك الناس
نظر إليها باستهزاء / اللي متعرفيهوش سيادتك اني مفضيلك البيت كله يا نهاد هانم
نظرت إليه ناهد باستغراب لأنه يتوقع أنها نهاد شقيقتها التوأم وعلمت أنه كان يود أن يمس شقيقتها وشقها الآخر بسوء وحدثت نفسها برعب ( أنا بدلاً من الشق الآخر لقلبي ونفسي ) نظرت إليه في رعب مما هي قادمه عليه / مش هتقدر تعملي حاجه
نظر إليها عدي باستغراب من ضعفها وحدث نفسه ( منذ متى ونهاد بهذا الضعف من الممكن لأنها لم توضع بهذا المأذق من قبل ) وابتسم بزهو وغرور لأنه أصاب الفتاة الحديديه بالرعب / كفاية كلام عليكي لحد كده جه وقت الفعل
واقترب منها بسرعه
كانت تجلس نهاد في مقهى تحتسي القهوة الساخنه وهي تنظر للبحر من خلف الزجاج الشفاف بشرود وتحدث نفسها ( لماذا لا افهم قلبي ولا افهم ماذا يريد هل حقاً احب هذا العدي أم أنه مجرد اعجاب به وبشكله الذكوري الجذاب والمميز أم ماذا لم اعد افهم نفسي جيداً يا الله ساعدني )

يتبع...رواية قسوة وجبروت امرأة)
باقي فصول الروية من هنا
https://camo3blog.com/%d8%b1%d9%88%d8%a7%d9%8a%d8%a9-%d9%82%d8%b3%d9%88%d8%a9-%d9%88%d8%ac%d8%a8%d8%b1%d9%88%d8%aa-%d8%a7%d9%85%d8%b1%d8%a3%d8%a9-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88/

كانت حياة تقف تنظر إلى قبر جدتها وامها ووالدها بحزن ودموعها تجرى على خدها ياتى يونس عليها ويربت على كتفها ويتجه بها إلى الخارج
يونس: يلا بينا على بيتنا
حياة: بيتنا؟!!
يونس : خلاص من انهاردة هتعيشوا فى الفيلا
تنظر حياة بترقب وحده : افندم !!!.... معلش عید کده تانی
یتانی يونس بتكراره لكلماته : هتعيشوا.... معايا ..... فى الفيلا
حياة : ومین بقی اللى حيوافق على كده ؟ انا مش هسيب بيتى.....و مينفعش
يقاطعها يونس بصرامه : انا لا باخد رايك و لا
بستاذنك، انا بامرك
حياة بهستيريه : بتامرنی!!..... بای صفه ؟"
يقترب منها خطوات سريعه غاضبه و يحدثها و هو يضغط على اسنانه و يردد بتاكيد على مخارج الفاظه : بصفتي جوزك و الوصى عليكي انتی و اختك من دلوقتي ولا نسيتى وصية جدتك.... عايزه تسمعی اکثر و لا استکفیتی
حياة: ولا يفرق معايا الكلام ده... انا مش حتحرك من بيتى
ينظر يونس لادهم ويهتف بحده : يلا يا خد ماما وشمس ونور معاك ويلا على الفيلا
يقترب منه مازن : يونس أهدى مش وقته تتكلموا هنا لاحظوا أننا لسة فى المقابر..... وراعى نفسيتها بردو أهدى هااا
يهز يونس رأسه بصمت تقترب كاميليا من حياة وتحضتنها : أهدى يا حياة يا حبيبتي وروحى معاه هو بقا جوزك خلاص بدل ما تعيشوا لوحدك انتى واختك
حياة بنفعال وعند : انتى بتقولى ايه يا كاميليا...انا اقدر احمى نفسى واختى مش محتاجه حد ..غير مدرسة نور ودروسها وحاجتنا انتوا بتقولوا ايه
يونس وهو يحاول تمالك أعصابه: كلها كام شهر واختك تخلص المدرسة وعلى الدروس اختك هيجيلها مدرسين على أعلى مستوى لكل المواد فى الفيلا وحاجتك روحى اى وقت جبيها وخلص الكلام لحد كدا
ثم يقترب منها غير عابئ برفضها و لا خطواتها النازحه للخلف لينحنى قليلا ويحملها على كتفه مثل شوال البطاطس و يسندها من قدمها لتتدلى راسها خلف ظهره و ينظر لأخيه و يقول : يلا يا ادهم هاتهم وتعالا ورايا
يتحدث بهدوء و رزانه وسط صرخات حياة المستنكره و ضربها له على ظهره براحتيها
الرقيقتين و هی تقول : نزلنی.... بقولك نزلني يا يونس
يفتح باب السيارة و يضعها و هي لا تزال تصرخ عاليا حتى ينزلها فلا يعطها ای اهتمام ويأمر السائق بالانطلاق ويرفع الحاجز بينه وبين السائق ثم ينظر لحياة بحدة : اخرسى بقا انا مراعى حالتك النفسيه وساكت بس بلاش تنسى نفسك ...انا مردتش اتكلم قدامهم ايه الدراما دى كلها ماحنا اتفقنا أن الجواز صورى بس قدام الكل متجوزين عاديين وبنحب بعض لحد فترة ونطلق
تحاول حياة أن تتكلم ولكن يمنعها يونس بحدة : ولا كلمه قولت خلاص والى قولته هيتنفذ
تنظر له حياة بكره وتلف وجهها للجهة الأخرى وتنساب دموعها بصمت وهى تتابع الطريق وهى تهدا نفسها أن تتحمل هذه الفترة حتى تطلق منه وترتاح من كل هذا
تصل سيارة يونس الفيلا نفس وقت وصول سيارة ادهم يلتف يونس ويقول بتحذير: مش هعيد عليكى تاني اللي قلته هيتنفذ وشغل الجنان اللي حصل قبل كده مش هيحصل تاني قدامهم جوه المفروض بنمثل قدامهم أننا بنحب بعض واي حاجه هقولها جوه هتوافقي عليها من غير اعتراض مفهوم
تنظر له حياة بغيظ من تحكمه وعجرفته وتتركه وتنزل من السيارة
يدخل الجميع الفيلا يجدوا دولت ونسرين يجلسون فور أن تلمح دولت حياة ونور فينقلب واجهها

يتبع....رواية حياة يونس)
باقي فصول الرواية من هنا
https://camo3blog.com/%d8%b1%d9%88%d8%a7%d9%8a%d8%a9-%d8%ad%d9%8a%d8%a7%d8%a9-%d9%8a%d9%88%d9%86%d8%b3-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a/

جميلة ( بمرح) / سيد ما تقولش كده إحنا إخوات.
الشاب ( بضحكة عاليه ) / حرام عليكي مش قادر.... إنتي دمك خفيف أوي.
جميلة ( بمرح) / دي أقل حاجة عندي.
الشاب ( بإبتسامة جدية ) / حقيقي إنتي إنسانه جميله أوي زي إسمك ، وأي شاب في الدنيا يتمناكي.
إبتسمت جميلة إبتسامة متكلفة ، تستعد لإستقبال الكلمات التالية منه ...
الشاب ( بحرج) / أنا بس لسه خارج من قصة حب فاشله ،ومش...
جميلة ( بإبتسامة هادئة) / ومش مستعد نفسيا للدخول في أي علاقة حاليا.
الشاب / إحنا ممكن نبقى..
جميلة / أصدقاء.
الشاب ( بإيماءة) / أيوه ، حقيقي يشرفني ، إنتي إنسانه...
جميلة / جميله .
أحرج الشاب كثيرا منها وعجز عن التعبير...
جميلة ( بإبتسامة هادئة) / مفيش داعي للإحراج وكل شيء نصيب... ومتشغلش بالك بالرد على والدي أنا هتصرف.
الشاب / أنا أسف.
~~~~~~~~~~~~~~~~~~~~~~~~~~
بالخارج..
والدتها ( بتصنت) / سامعه حاجه ؟
نور ( بتصنت) / لاء.
والدتها / ربنا يستر ، قلبي مش متطمن.
حرك والد جميلة الذي كان يجلس بصالة المنزل مراقبا لهم رأسه بقلة حيله على أفعال زوجته....
نور / شكلهم خارجين.
إبتعدت والدتها ونور عن الباب ، لتخرج منه جميلة والشاب..
إقترب والدها منهم وصافح الشاب الذي إستأذن مغادرا بهدوء ولباقة...
والدتها ( بترقب) / ها..
جميلة ( بهدوء) / كل شيء قسمه ونصيب.
والدتها ( بصوت حاد) / نعم يختي! وصوت الضحك إللي وصل لأخر الشارع ده كان إيه.
جميلة / عادي يا ماما هو كل إتنين بيضحكوا بيتجوزوا.
والدتها ( بحده) / أنا ما يكولش معايا الكلام ده يا جميله ، قلتيله إيه خلاه يطفش زي إللي قبله.
والدها ( بحده) / أنا بنتي مبتغلطش في حد ، وهو إللي خسران مش هي.
والدتها / لاء هو مخسرش حاجه ، ده راجل والبنات على قفا من يشيل ، إنما هي مش ملكة جمال علشان تقعد كل شويه ترفض في العرسان.
كاد والدها أن ينفعل عليها ، لتتمسك جميلة بيده قائلة..
جميلة ( برجاء) / مفيش داعي لخناقة كل مرة ، أنا هغير هدومي ونازله الورشه .
تركتهم جميلة ودلفت لغرفتها ماحية دمعتها التي تمردت من عينيها...
والدها / عجبك كده ، إرتحتي لما كسرتي بخاطرها ، إنتي أم إنتي.
والدتها ( بدموع) / هو أنا لما أعقلها أبقى مش أم ، عاجبك حالها ده ، داخله في ٢٥ وعماله ترفض في العرسان إللي بجبهالها ومن غير سبب ، عايزها تفضل قاعدالك.
والدها / لو مش هيجيلها إللي يقدرها ويحبها زي ما هي ، يبقى قاعدتها جمبي أكرملها.... سيبيها في حالها إنتي وهي هتعمر... أنا نازل الورشه.
إقتربت نور من والدة جميلة وربتت على كتفها..
نور / معلش يا ديحه ، متزعليش نفسك ، تعالي نتفرج على عرب وود وننم شويه.
والدتها / إنتي إللي بتجبري بخاطري يا بت يا نور.
نور / وأنا ليا غيرك يا ديحه يعني.. تعالي زمان البرنامج بدأ.
~~~~~~~~~~~~~~~~~~~~
بالورشة..
خرج مازن من أسفل السيارة عندما دلفت جميلة... ليستدعي إحدى العاملين ليحضر لها عصير الليمون ..
جميلة ( بإبتسامة) / تعيش يا أبو علاء.
مازن ( بمرح) / يا بنتي لزقتيلي اللقب ، الكل بقى يناديلي أبو علاء ، مش متخيل نفسي أبو علاء خالص... طب قولي يا أبو أدم أبو ياسين.
جميلة / لاء يا عم ملكش دعوه بياسين ، مفيش غير ياسين واحد وبس.
مازن / الله يخرب بيت الكوره إللي لحست دماغك ، أنا مشفتش واحده بتعشق الكوره زيك كده.
جميلة / أنا إللي مشفتش راجل مالوش في الكوره.
مازن ( ممسكها كاللصوص) / إنتي هتخرفي ولا إيه.
جميلة (بمرح) / بهزر يا رمضان إيه مبتهزرش.
مازن ( وهو يلوث وجهها بيده المليئة بالشحم) / لا يختي بهزر.
جميلة / يا رخم.... قوللي بقى فيها إيه العربيه دي.
مازن / سيبك من العربيه دلوقتي و قوليلي قالتلك إيه مديحه المرادي.
جميلة ( بمرح) / متشغلش بالك ، أكتر من كده وربك بيزيح.
مازن ( بإبتسامة) / عارفه يا أسطى جيمي ، قلبي حاسس إن نصيبك قريب ، وهتوقعيه على بوزو من أول نظره ، و هنفرح فيكي.
جميلة / مظنش بعد أسطى جيمي دي حد هيقع على بوزو يا أبو علاء ، ممكن يقع على ودنه أو يقع من الدور العاشر ، إنما على بوزو دي صعبه حبتين.
مازن ( بضحك) / يابت أمال " أنا باكينام وأنا واثقه في نفسي" راحت فين.
جميلة ( بمرح) / راحت الإستاد... يالا روح إغسل إيدك خلينا نلحق الماتش.
مازن / حاضر يا أخرة صبري.
~~~~~~~~~~~~~~~~~~~~~~~~

بالإستاد...
إنتهت المباراة بالفوز للمنتخب المصري ، وسط أجواء الفرحة والتهليل من الجمهور والمتابعين بكل مكان....
جلس أعضاء المنتخب بالحجرة الخاصة بهم بعد المباراة...ليقوم مدرب المنتخب و المساعدين بتهنئة اللاعبين والثناء عليهم ، وتحفيزهم لمواصلة النجاح....
عمرو / محضرلكم سهره إنهارده إنما إيه هتحلفوا بيها.
ماجد / يا إبني إتهد شويه ، حتى بره مصر مش عاتقنا من سهراتك.
عمرو / خليك في حالك يا كابتن ماجد إنت ، محدش قالك تعالى.
ماجد ( بمكر) / بقى كده ، ماشي يا عمرو براحتك.
عمرو / لأ وحياة أبوك يا أبو نسب ، أنا بهزر.... دي سهره بريئه مش إللي في بالك.
عادل ( بمرح) / بركاتك يا شيخه نوسه.
عمرو / ولااا ، إحترم نفسك.
عادل (بمرح) / حاضر يا سيدنا الشيخ.
ياسين (بضحك ) / والله إنتوا عيال فقر... كل ماتش تعملوا الشويتين بتوعكوا دول مع الغلبان ده وفي الآخر بتقضوها لحد الفجر.
محمد (بمرح) / والله كلنا غلابه ، معذور ما إنت لسه قلبك مقويك... بكره هتقع على بوزك ومحدش فينا ساعتها هيسمي عليك.
ياسين / وحد يكره يقع على بوزو ، يا إبني ده الحب ده نعمه.
عادل (بمرح) / ساكا العاشق حضر يا بشر.... قول قول وقسم يا حبيبي قول.
ياسين ( بضحك) / مغلطتش لما قلت عليكم فقر ، قوم منك ليه خلينا نشوف سي عمرو محضرلنا إيه.
محمد / يا عم بلاش إنهارده ، الكابتن موصينا على تدريبات بكره ، خلينا نبقى فايقين ، ده هيطلع عينينا النهائي قرب.
ماجد / يا عم خلينا نفك من الضغط إللي علينا من كل ناحيه ، وإن شاء الله نتأهل للنهائي.
عمرو ( بمرح) / ربنا يخليك لينا يا أبو نسب ، مش عارفين من غيرك كنا عملنا إيه.
ياسين / كنا هنرتاح من خلقتك يا خفيف... يالا بينا خلينا نلحق السهره من أولها.
~~~~~~~~~~~~~~~~~~~~~~~~~~~
الشخصيات
ياسين عبدالله ٢٦ سنة
إسم الشهرة (ساكا)
لاعب كرة بالمنتخب المصري ، مشهور جدا بمصر وخارجها ، وسيم ذو طلة خاطفة محبوب من الجميع وخصوصا الفتيات...
وحيد و يعيش مع والدته ( هناء) بشقته الخاصة ( الدوبلكس) بإحدى الأحياء الراقية ، توفي والده في سن صغيرة لذلك يحب والدته أكثر من نفسه فهي من أفنت حياتها له حتى وصل لما هو فيه......
يحلم بفتاة هادئة ومختلفة عن معظم الفتيات التي تهتم بالمظهر الخارجي فقط ، فهو يريدها ذات جمال داخلي وخارجي.
جميلة محمود ٢٤ سنة
فتاة هادئة الملامح ، محجبة ، لا تعاني من السمنة المفرطة ولكنها ممتلئة بعض الشيء (٨٠ كيلو) ، و نظرا لقامتها القصيرة التي تبلغ ١٦٠ سم فظهر عليها وزنها الزائد قليلا ....
تعيش مع والديها بمنزل العائلة بمنطقة الوايلي ، لها أخت وحيدة متزوجة...
دكتورة علاج طبيعي ، تعمل بالمشفى الخيري التابع للحي لخدمة أهالي المنطقة الغير قادرين ، محبوبة من الجميع بلا إستثناء لأخلاقها وطيبتها وروحها المرحه ، تعمل بأوقات فراغها بورشة والدها للميكانيكا ، يطلق عليها البعض أسطى جيمي نظرا لعملها بالورشة وإرتداؤها لملابس العمل المليئة بالشحوم ...
تتعامل مع الجميع بأريحية ومرح ، وهذا سبب من أسباب مشاحناتها المستمرة مع والدتها ، فهي تريدها دائمة التصنع والتكلف ك نور ، ودائما ما ترى والدتها أيضا مرحها الزائد وطبيعتها سبب من أسباب تأخر زواجها..
دائما ما تقول جميلة بأنها لا تريد التغيير من أجل أي شخص كان ، و إذا ما أرادت التغيير فسيكون لنفسها ، ولما التغيير بالأساس فهي ليست بالقبيحة ولا السمينة ، ووزنها الزائد لا يمثل لها أي ضرر صحيا ولا نفسيا ، فلم التصنع ؟
نور محمد ٢٢ سنة
إبنة عم جميلة ، خريجة تجارة E ، غير محجبة ، فتاة جميلة ذات عينان رماديتان ، قوام مثالي ، ورثت جمالها من والدتها التي توفيت أثناء ولادتها..
أصاب والدها الحزن الشديد بعد وفاة والدتها فسافر للعمل بالخارج وترك نور برعاية أخيه محمود وزوجته لرعايتها وهي رضيعة ولا يراها إلا كل بضع سنين...
لا تعمل ولكن عندها هدف بحياتها ، ألا وهو الشهرة ، تحلم بالزواج من أحد المشاهير ، ولعل جمالها ما يزيدها غرورا وتصميما لتحقيق ذلك.
مازن السيد ٢٦ سنة
شاب ذو ملامح شرقية هادئة ، ذو أخلاق عالية ، خريج هندسة ميكانيكا ، يعمل مع خاله محمود ( والد جميلة) بالورشة الخاصة به...
إبن عمة جميلة ونور ، يعيش مع والدته وإخوته ( سيف وعلاء) بمنزل عائلة والدته ، توفى والده منذ بضعة سنوات تاركا مازن متولي رعاية والدته وإخوته التوأم...
يحب نور منذ الطفولة ودائما ما يلمح لها بذلك ولكنه يقابل بالصد بكل مرة....
علاقته بجميلة علاقة قوية تسودها الألفة والمرح ، تخطت الأخوة بكثير ، فهم يشبهون بعضهم البعض كثيرا.
سميرة محمود ٢٨ سنة ( قصة حقيقية تم تغيير البيانات الشخصية للأفراد بها)
الأخت الوحيدة لجميلة..
خريجة علوم ، ست بيت ، لم تعمل لزواجها بإبن خالتها عبد الرحمن منذ ٧ سنوات و الذي يعمل أمين شرطة ، لم ترزق بأطفال حتى الآن ، حملت مرة واحدة وإكتمل الحمل بوفاة الجنين وحدوث بعض المشاكل برحمها أدت لتأخر الإنجاب لديها لحين علاج هذه المشاكل ...

تعيش بنفس الحي الذي تسكن به عائلتها .... تمتلئ حياتها بالمشاحنات الزوجية بشكل مستمر ، فزوجها ذو طباع صعبة بالتعامل ، وأسباب أخرى ستعرض فيما بعد..
بسمة أحمد ٢٢ سنة
إبنة خالة جميلة و أخت عبد الرحمن ...
فتاة ذو ملامح شرقية هادئة ، محجبة ، خريجة تربية لغة عربية ، لا تعمل ولكنها تساعد جميلة بأعمالها الخيرية بالحي وتقوم بإعطاء الدروس الخصوصية لأهالي منطقتها والغير القادرين بأسعار مخفضة وكثيرا بدون مقابل...
علاقتها بجميلة قوية كالتوأم الملتصق ، وتشتد المشاحنات بينها وبين نور لعدم تحمل بسمة غرور نور وحديثها الدائم عن الموضة والأزياء ، لعل أكثر ما يزعج بسمة منها هو غيرتها منها لعلمها بحب مازن لها ، فهي تعشقه منذ نعومة أظافرها ، ولكنه لا يعاملها إلا كما يعامل جميلة.
مديحة كمال
والدة جميلة وسميرة ، ست بيت مصرية أصيلة ، حالها كحال باقي الأمهات اللاتي يتمنين لبناتهن صلاح الحال في بيت الزوجية وذلك كان من أسباب تزويجها لسميرة بأول من دق بابها ، ومن أفضل من إبن أختها الوحيدة ...
تحب بناتها كثيرا ولكنها تخاف على جميلة قليلا من أن يفوتها قطار الزواج نظرا لوزنها الزائد وملابسها المحصورة بالبناطيل الواسعة والقمصان الطويلة التي تزيدها رجولة من وجهة نظرها ، إلى جانب عندها فهي لا تأخذ بنصائحها أبدا ، فهي دائما ما تنصحها بإنقاص وزنها والإهتمام بجمالها وزينتها ك نور حتى تستطيع الحصول على زوج مناسب ، ولكن دائما ما تقابل بالصد من جميلة

يتبع....رواية حلو الروح)
باقي فصول الرواية من هنا
https://camo3blog.com/%d8%b1%d9%88%d8%a7%d9%8a%d8%a9-%d8%ad%d9%84%d9%88-%d8%a7%d9%84%d8%b1%d9%88%d8%ad-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a/

رواية انتقام عبر الزمن كاملة (جميع فصول الرواية) بقلم إلهام عبدالرحمن
فصول جديدة
https://camo3blog.com/%d8%b1%d9%88%d8%a7%d9%8a%d8%a9-%d8%a7%d9%86%d8%aa%d9%82%d8%a7%d9%85-%d8%b9%d8%a8%d8%b1-%d8%a7%d9%84%d8%b2%d9%85%d9%86-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84/

_ ماما عاملة أكل أيه النهاردة؟
كنت جاية في اليوم ده تعبانة أوي من الجامعة، والشغل، طول اليوم برة بدون أكل فحقيقي ما بصدق أرجع البيت؛ عشان ارتاح، وأكل، ونام، والحمد لله النهاردة كان الخميس، وبكرة الجمعة فهقدر أخد كم كبير من النوم، دخلت وصوتي كان عالي شوية، وسألت ماما عن نوع الأكل، ما أنا جعانة بقىٰ!
كنت داخلة بغني، وبتمتم حين التقيتك عاد قلبي نابضًا...
أمي كانت بتبصلي بنظرات مُخيفة اللي هو أنا شكلي عملت مصيبة ولا أيه؟
فندهت علىٰ بابا، وسألته
_ يا حاجوج، مالها القمر مين مزعلها؟
ولوهلة لسه بكمل كلامي استوعبت فعلًا إن فيه مصيبة، فإذا بي اكتشفت إن في ناس عندنا، قعدة في الصالة، وأكيد سمعوه تافهتي!
الغريب إني بجد ماخدتش بالي إنهم في الصالة، فجريت بسرعة علىٰ الأوضة من كتر الإحراج
سمعت بابا بيضحك وبيقولهم
" لا متخدتش في بالك يا بني، دي المجنونة جنىٰ بنتي اللي جاي تتقدملها!
ماكنتش فاهمة مين دول، وأنا فين، وأنتوا مين!
لكن ماما دخلت ورايا بسرعة تلحق اللي أنا عملته، وفهمتني إنه عريس متقدملي، وإنها نَست تقولي طول الأسبوع، ونَست برده تقولي قبل ما أنزل، يا سبحان الله!
ورنيت عليا كتير، لكن فوني كان فاصل، وقعدوا منتظريني كتير، استغربت، وقولت في نفسي: يعني الناس دول بقالهم كتير منتظريني، ده أنا هيتعمل مني شاورما
المهم لابست بسرعة، وخرجت، وأنا في قمة إحراجي، اللي هو أكيد أخدوا عني فكرة إني هبلة!
قعدنا أنا ويزن لوحدنا، وأنا مازالت صامتة من اللي حصل
فضحك وقالي
= عادي بتحصل، علىٰ فكرة أنا زيك أوي لما بكون رايق بغني، وصوتي بيكون مزعج أوي
وطىٰ صوته، وقرب مني بِبُعد كأنه هيقولي سر وقالي
= أقولك سر!
أوحش من صوتك بكتير
ضحكت أوي من قلبي، وقولتله
_ وده معنىٰ إني صوتي وحش!
بصيلي، وهو مبتسم وقالي
= لا خالص، مقارنةً بصوتي فأنتِ فنانة
ضحكنا سوىٰ، والحقيقة إنها كانت قعدة فرفوشة أوي، اتكلمنا بخفة، لكن بدون تجاوز♡
عن طريق الهزار قالي
= أكيد لسه جعانة، وزمانك دلوقت بتدعي علينا، وبتقولي أيه الناس دي، هما مش هيمشوا بقىٰ؟
قولتله بخجل
_ لا والله أبدًا
وكملت كلامي بضحك وقولتله
_ ولكن ده ميمنعش إني بالفعل لسه جعانة أوي
انتهت الجلسة الشريعية، واليوم الغريب ده عدىٰ الخير الحمد لله، رغم إنه ختم بموقف لذوذ بعيدًا عن إحراجي
ولتاني مرة جي، واتفقنا، وقرأنا فاتحة، واتفقنا الأسبوع اللي بعده نعمل خطوبة، وبدأت اجهز لليوم المُبهج ده، ونزلنا أنا، ويزن، ووالدته نجيب الفستان بعد ما جبنا الدهب من كام يوم فاتوا
أول ما وصلنا المحل، سابني اختار، ولف في زوايا تانية في المحل، كُنت محتارة أوي، كلهم رائعيين!
فجأة لاقيته جنبي، وبيقولي
= ها اخترتِ؟
بحيرة قولتله
_ لا، الحقيقة إني محتارة أوي
قالي بحب
= طيب تسمحيلي اختارلك علىٰ زوقي!
ابتسمت وقولتله
_ طبعًا
مسك فستان كان هادئ، ولطيف، وقالي
= حاسه لطيف أوي، وبسيط بيشبهلك، أيه رأيك فيه؟
انبهرت من ذوقه بجد، وضحكت بحب وقولتله
_ رأيك مُوفق جدًا، بعد كده هتكون الراعي الرسمي بتاعي، وأنا بشتري أي لابس
ضحك وقالي
= وأنا تحت أمر مولاتي
تمت الخطوبة في جو من الولفة، والإنتماء، أجواء هادية، أضواء خافتة، كل الناس اللي بتحبنا حوالينا، والسعادة كانت بتغمرنا جميعًا، كُنت مبسوطة أوي، وكانت السعادة واضحة عليا، وفرحتي في الصور، واليوم، كل التفاصيل كانت مُبهجة بشكل رائع، كان يزن مُنمق، وأنا في أفضل هيئة بالفستان اللي اخترهولي، كل حاجة كانت هايلة بجد بريفكت ولا غلطة!
أتمنىٰ أيه تاني والحلم
اللي حلمته بقىٰ واقع!
ونعيش أيام وليالي بنتمنىٰ
وبدون مقدمات يتحقق الحلم!
وتتغير الدعوة من التمني للإجابة♡
ونهتف بأعلىٰ صوت ونقول" قد لمسنا أحلامٌ الطائلة اليوم، وها هي بين يدينا، تُعانقنا، ونعانقُها شوقًا، وصبرًا، وسعادة♡"
#نَـيّـرة_الـسَّـيّـد
#حواديت_بين_النجوم

رواية كيان الزين كاملة (جميع فصول الرواية) بقلم كيان كاتبة
فصول جديدة
https://camo3blog.com/%d8%b1%d9%88%d8%a7%d9%8a%d8%a9-%d9%83%d9%8a%d8%a7%d9%86-%d8%a7%d9%84%d8%b2%d9%8a%d9%86-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7-4/