رواية حب غير معلن كاملة (جميع فصول الرواية) بقلم هبة نبيل
فصول جديدة
https://camo3blog.com/%d8%b1%d9%88%d8%a7%d9%8a%d8%a9-%d8%ad%d8%a8-%d8%ba%d9%8a%d8%b1-%d9%85%d8%b9%d9%84%d9%86-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7/

رواية آصرة العزايزة 2 الفصل التاسع 9 بقلم نهال مصطفى
تم اضافة باقي الفصل
https://camo3blog.com/%d8%b1%d9%88%d8%a7%d9%8a%d8%a9-%d8%a2%d8%b5%d8%b1%d8%a9-%d8%a7%d9%84%d8%b9%d8%b2%d8%a7%d9%8a%d8%b2%d8%a9-2-%d8%a7%d9%84%d9%81%d8%b5%d9%84-%d8%a7%d9%84%d8%aa%d8%a7%d8%b3%d8%b9-9-%d8%a8%d9%82%d9%84/

رواية رهان خاسر كاملة (جميع فصول الرواية) بقلم سلمى سمير
فصول جديدة
https://camo3blog.com/%d8%b1%d9%88%d8%a7%d9%8a%d8%a9-%d8%b1%d9%87%d8%a7%d9%86-%d8%ae%d8%a7%d8%b3%d8%b1-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a/

مش عارف المفروض ابدأ منين وبأيه، الكلام كتير أوي لكن مش مترتب، حاولوا تستحملوني شوية، يمكن لما تعرفوا كل إللي حصل تعرفوا أنا ليه متلغبط، أسمي عساف عندي ٢٨ سنة، من الصعيد ومش هقول من اي محافظة مش عايز ابقى بسواء سمعة بلدي إللي مالهاش ذنب في إللي حصل، أنا درست لحد ماخدت دبلوم تجارة وبعدين سيبت الدراسة، مش فشل مني لكن وفاة ابويا فجأة غيرت ظروفنا كلها، أصل أبويا الله يرحمه كان هو إللي شايل مسؤلية كل حاجة تخصنا، حنين اوي وتقريباً أختي وأنا واخدين منه كتير، اااه أنا عندي أخت واحدة إسمها مروة، جمييييلة وزي القمر، في الوقت إللي حصلت فيه الأحداث كانت هي هتكمل ١٦ سنة بس إللي يشوفها كان يقول إنها أكبر بكتير، في البلد بيقولوا خرٌاط البنات خرطها، كنت بفرح لما بشوفها بتكبر قدامي، كانت دلوعة أبويا ودلوعتي أنا كمان، وقلبها اتكسر وعرفت الحزن للمرة الأولى في حياتها يوم أبويا ما مات من أربع سنين ونص، لما لقيت نفسي فجأة بدل ماكنت أنا وهي بنتسند على ابويا، بقيت لازم اكون أنا إللي سند ليها، طول عمري صاحبها وقريب منها لكن بحس أن في أي حاجة كبيرة هيكون أبويا هو الضهر، ولازم دلوقتي أحسسها أني قد الوضع الجديد، اختى مروة متعلمتش اصل أمي من الستات إللي عقلهم صعيدي قديم غلب عقول الرجالة في البلد، كانت شايفه أن البنت عار والراجل هو حيطان البيت، طول عُمر أمي وهي بتعامل مروة بغباء غريب لكن أبويا وأنا كنا بنحاول نهون عليها، وكنا بنقدر نعمل ده، لكن كل حاجة اتغيرت بعد موت أبويا لما لقيت شغلي إللي كان بيكفي مصروفي الشخصي بالعافية مش هينفع يكفي البيت، أصل أنا شغال غفير باليومية على مصنع مكرونات في مدخل البلد، وعلشان الوضع الجديد مبقاش محتاجة شغل وردية واحدة اضطريت اشتغل ورديتين فبقيت برة البيت ١٦ ساعة لما برجع البيت جسمي مكسّر وحيلي مهدود، يادوب أكل لقمة وانام، الأكل إللي بقيت مبشبعش منه خوفاً من أنه يكون مش هيكفيني أنا وأختي وأمي فأكل نص بطن وأقوم انام، ووقت الأكل بقى هو الوحيد إللي باخد وادي في الكلام مع اهلي، وده كان مأثر على مروة اوي، في يوم وأحنا قاعدين على الأكل لاحظت أن مروة سرحانة، ركزت معاها شوية وقولتلها:
- مالك ياست البنات؟ مش بتاكلي ليه؟
قبل ما ترد مروة لقيت أمي اتكلمت بقسوة غريبة وقالت:
- أنت الراجل، أنت إللي شقيان ومهدود حيلك.
عساف:
- وايه دخل ده في أن مروة قاعدة سرحانه كده؟ هو فيه حاجه حصلت وأنا مش هنا.
أمي بحزم:
- إيه إللي هيحصل يعني؟ دى بتدلع حركات بنات مايعة.
عساف بأصرار وشايف عيون مروة المليانة بالدموع:
- احكيلي ياختي في ايه مزعلك، مش أنا سرك برضو؟
هزت مروة رأسها بالموافقة على كلامي لكن دموعها نزلت غصب عنها وده إللي عصب أمي وخلاها تزعق وتقول:
- جرى إيه ياجعانة انتي، أنتي هتبومي علينا ليه يابومة؟
عساف:
- بالراحة ياما مش كده، مش هسكت غير لما أعرف في ايه.
أمي:
- مفيش، ليه وليه قولتلها متمديش ايدك على الأكل غير لما اخوكي يقوم، الراجل ياكل ويشبع والحريم تاكل فضلته.

يتبع....رواية أصابتني لعنتها)
باقي فصول الرواية من هنا
https://camo3blog.com/%d8%b1%d9%88%d8%a7%d9%8a%d8%a9-%d8%a3%d8%b5%d8%a7%d8%a8%d8%aa%d9%86%d9%8a-%d9%84%d8%b9%d9%86%d8%aa%d9%87%d8%a7-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7/

_جوزك بيخونك.
قومت من مكاني بغضب وبصيت لـِ صاحبتي وقولت:
=جوزي إي اللي بيخونني، إنتي هبلة يا سمر، مستحيل محمد يخونني.
قامت صاحبتي ومسكتني من إيدي قعدتني على التربيزة تاني وقالت بهدوء:
_زي ما بقولك كدا يا شروق، محمد بيخونك.
إتكلمت بإنفعال وقولت:
=إنتي إي اللي مخليكي متأكدة كدا وبعدين ليه بتقوليلي كدا أصلًا!
إتكلمت بِنفس الهدوء وقالت:
_تقدري تقوليلي إنتوا متجوزين بقالكم قد إي؟
رديت عليها بتوتر وإنفعال وقولت:
=بقالنا 3 سنين يا سمر.
شربت من العصير اللي قدامها وقالت:
_أديكي قولتيها بنفسك أهو، بقالكم 3 سنين متجوزين ومأجلين الخِلفة كمان بُناءً على طلبهُ هو، وفي الـ 3 سنين محصلش بينكم مشاكل وعلى طول معيشك في حب، تفتكري كل دا ليه بقى؟
بصيتلها بتردد وقولت:
=عشان بنحب بعض يا سمر، وهو مأجل الخِلفة عشان لما يبقى جاهز يبقى أب فعلًا ومعاه فلوس متخليناش نحتاج لحد لما نزيد فرد.
ردت بِنفس الهدوء اللي هي قاعدة فيه من الأول وقالت:
_غلط ياحبيبتي، عشان كدا هتفضلي طول عمرك سازجة وكل العسل اللي هو مغر *قك فيه دا عشان ينيمك ومتدريش عن اللي بيعملهُ بآي حاجة، حبيبتي أنا عندي خبرة عنك في الرجالة، لحد دلوقتي متجوزة 3 وإتطلقت منهم عشان كلهم خاينين وبيني وبينك مش عايزة أعاشر رجالة تاني لإن الخيانة في دمهم، وحبيت أفوقك برضوا لإنك صاحبتي وغالية عليا.
كنت بصالها وهي بتتكلم ومش برد عليها، منكرش إن في شك دهل جوايا من كلامها، فعلًا أنا ومحمد من ساعة ما إتجوزنا عمرنا ما إتخناقنا وبيعملي كل اللي أنا عايزاه وبيجبلي هدايا بِشكل مُستمر، مش معنى كدا إني خلاص متأكدة إنهُ بيخونني بس برضوا من الأزواج اللي بشوفهم حواليا وكل يوم خناق الموضوع فعلًا مش مُريح.
بعد ما خلصت قعدتي معاها روحت البيت ومكنش هو لسة رجع من الشغل، قعدت على الكنبة وأنا بفكر في كل الكلام اللي سمر قالتهُ وكل المواقف اللي بيني وبين محمد.
مش قادرة فعلًا ألاقي موقف إختلفنا فيه وإتخانقنا زي آي زوجين عادي، بعد شوية سمعت صوت الباب بيتفتح ودخل منهُ محمد، كان مُبتسم أول ما شافني وبعدين قرب مني وباس راسي وقال:
_وحشتيني جدًا على فكرة.
بصيتلهُ وإكتفيت بإبتسامة بس ودا على غير عادتي اللي كنت بستقبلهُ بلهفة وأحضان وإشتياق، قعد جنبي وطلع من جيبهُ علبة قطيفة ولما فتحها كان فيها خاتم دهب كنت شيفاه قبل كدا على النت وقولتلهُ إنهُ عاجبني، إتكلم بإبتسامة وقال وهو بيلبسهولي:
_جبتلك الخاتم اللي كان عاجبك.
هو كان مستني مني فرحة ولهفة زي كل مرة بس أنا إستقبلت الخاتم بِجفاء تام، ودا اللي خلاه يستغرب ويسأل:
_مالك يا شروق في إي?
إتكلمت بِشك وقولت:
=محمد هو إنت ليه مأجل الخِلفة مع إننا مُقتدرين فعلًا نربي طفل?
إتكلم بإستغراب من كلامي وقال:
_ما إنتي عارف إني فاتح حساب في البنك وبحوش فيه على إسم طفلنا اللي هييجي عشان لو حصل آي حاجة لقدر الله يبقى معانا الفلوس ومنخليهوش ناقص آي حاجة.
إتكلمت بإنفعال غريب عليا وقولت:
=طيب ليه بتجبلي هدايا بِشكل مُستمر وليه مش بنتخانق زي آي زوجين، محمد إنت مخبي عليا حاجة؟
قام وقف وقال بإستغراب حقيقي باين على ملامحهُ:
_في إي يا شروق بالظبط مش فاهم، إنتي عايزانا نتخانق ليه يعني، ولو على موضوع الخِلفة فـَ ممكن نخلف في الوقت الحالي عادي، وضعنا دلوقتي أحسن من وضعنا المادي من 3 سنين لما إتجوزنا، فـَ لو دا الموضوع اللي مزعلك مني أوي كدا خلاص نحلهُ.
قومت بإنفعال وقولت:
=برضوا بتشوف حل لـِ كل حاجة ومفيش خناقة بتمشي بِشكل طبيعي.
مشيت من قدامهُ بعصبية تحت الدهشة وعدم الفهم بتاعتهُ، بس من كلامهُ وطريقتهُ دي أنا فعلًا متأكدة كدا إنهُ بيخونني ومش عايزني أعرف.
عشان كدا عايزني أفضل مُبتسمة وهبلة ونايمة في العسل، كلام سمر كلهُ صح بس أنا مش هسكت ولازم أكشف خيانتهُ ليا وأوضحلهُ إني مبقتش سازجة زي الأول وإني قريب أوي هكشف حقيقتهُ.
مرّ يومين وأنا إبتديت أسمع كلام سمر وأطبق نصايحها معايا، باردة أوي في المعاملة مع محمد، حتى الإبتسامة مش ببتسمهالهُ، هدومهُ بقيت آخدها منهُ أول بِـ أول وأشم ريحتها وأشوف لو عليه شعر، بس الغريب إني مش لاقية آي حاجة من دي.
ودا اللي بيثبتلي أكتر إنهُ ذكي جدًا ومش سهل إني آلاقي عليه حاجة، بالليل كان قاعد برا بيتفرج على التليفزيون وأنا سيباه لوحدهُ وقاعدة في الأوضة.
لحد ما سمعت صوت موبايلهُ بيرن فـَ طلعت برا بسرعة وأول ما رد عرفت إنها واحدة، كنت بتصنت عليه بتركيز شديد، إتكلم وقال:
_الأوراق هتلاقيها عندك في المكتب بتاعي في الدرج التاني حاطتهم في دوسيه أخضر.
جِه في بالي إنهُ المكتب بتاعهُ في بيتهُ التاني يمكن ودي مراتهُ التانية اللي بيخونني معاها، خرجت من ورا الحيطة بسرعة وقولت بزعيق وغضب:
=أه طبعًا وليك عين تكلمها في بيتي كمان.
بصلي بإستغراب وبعدين قال بإحراج في التليفون:
_معلش هبقى أكلمك تاني، سلام.
قفل التليفون وبصلي بغضب وقال:

_أنا عايز أفهم في إي بالظبط، بقالك يومين كدا مش عجباني ومين دي اللي بكلمها في بيتك مش فاهم!
إتكلمت بغضب أكبر وقولت:
=السنيورة اللي تعرفها عليا، أو بمعنى أوضح اللي بتخونني معاها.
مسك شعرهُ جامد بيحاول يهدي نفسهُ وقال بِقلة صبر:
_شروق، إنتي مين لعب في دماغك وقالك كدا، دا مش كلامك، وبعدين هخونك ليه وأنا بحبك مش فاهم يعني، دي هدير زميلتي في الشغل وبِما إني أجازة النهاردة إتصلت بيا عشان تعرف مكان أوراق مُهمة محتاجينها، تحبي أوضح لحضرتك حاجة تاني عشان متبقيش شاكة فيا!
إبتسمت بسخرية وقولت:
=والمفروض بقى أصدقك صح، إنت شايفني إي أنا عايزة أفهم، وبعدين متجيبش سيرة الحب دا وإنت أصلًا متعرفهوش.
صبرهُ كان نفذ وقال بعصبية وصوت عالي نسبيًا:
_شروق راجعي نفسك عشان أنا إتخنقت بجد، وبقالي يومين مستحملك وقولت يمكن مخنوقة من آي حاجة ولحد دلوقتي ورغم كلامك وشكك فيا لسة مستحملك، وبحاول على قد ما أقدر أراضيكي بي إنتي كل مادا بتسوقي فيها، راجعي نفسك عشان مجبش أخري ونبقى إحنا الإتنين خسرانين.
خلص كلامهُ وسابني بعدها ونزل من البيت، ودا اللي خلاني هتجنن أكتر، كان في حاجة جوايا بتقولي أتراجع عن اللي بعملهُ عشان لو مفيش حاجة فعلًا ميحصلش مشاكل بيننا، مسكت التليفون وكلمت سمر وقولتلها تجيلي، بعد ساعة وشوية جَت وقعدنا إحنا الإتنين، حكيتلها على كل اللي حصل وإني مش لاقية حاجة على محمد تثبت إنهُ بيخونني فعلًا، ردت عليا بعد ما ضحكت وقالت:
_حبيبتي إنتي إزاي بجد بالسذاجة دي، ما طبيعي الراجل الخاين لما تواجهيه يتعصب ويتهرب منك زي ما حصل من شوية كدا، خاف إنهُ يتكشف فـَ هرب من قدامك بسرعة، لازم متضعفيش عشان تعرفي تكشفيه ومتبقيش عايشة كدا على عماكي.
هزيت راسي وقولت وأنا بأؤيد كلامها:
=صح معاكي حق، هو فعلًا إتهرب مني ونزل من البيت من غير ما أخلص كلامي أصلًا.
بعد ساعات رِجع البيت وعلى غير العادة مبصليش أصلًا ودخل الأوضة على طول، قومت عشان حركتهُ اللي عملها دي مُستفزة جدًا وأكتر حاجة تثبت إن في حد تاني في حياتهُ في مش مهتم بيا، دخلت الأوضة ولاقيتهُ نايم، قعدت على السرير وقولت بغضب:
_إنت متجاهلني ليه، وبعدين إي اللي خلاك تنزل وأنا لسة مخلصتش كلام، وياترى بقى الساعات اللي كنت فيها برا دي كنت عند السنيورة ولا إي!
قولت أخر كلامي بإستهزاء، قام من السرير وقال بغضب:
=أنا بجد مبقتش فاهمك، ولا فاهم إنتي عايزة إي بالظبط.
لـِ تاني مرة مِشي من قدامي ودخل أوضة الأطفال وقفل على نفسهُ، نمت وأنا الأفكار جوا عقلي كتير جدًا عن إنهُ أكيد كان عند اللي بيخونني معاها، مرّ بعدها إسبوع وأنا لسة زي ما أنا بحاول أمسك عليه آي حاجة، وهو طريقتهُ معايا بقت تجاهل، لحد ما قررت أشوف هو بيعمل إي في الشغل وقررت بعد ما نزل أنزل وراه عشان أشوفهُ، وصلت بعد شوية الشركة اللي شغال فيها وكان بدأ شغل بالفعل، كنت واقفة بعيد شوية بس أول ما شوفتهُ بيضحك مع واحدة وهي مزودة هزار معاه أوي وقاعدة معاه على المكتب جالي إحساس إن هي، قربت بغضب منهم وقولت:
_هي دي بقى اللي بتخونني معاها؟
قام بصد *مة وقال:
=إنتِ بتعملي إي هنا ياشروق؟
قولت بعصبية وصوت عالي:
_جاية أشوف البيه الخاين.
بص حواليه بتوتر وبعدين بص للي قاعدة قدامهُ وقال بإحراج:
=أنا أسف جدًا يافندم، ممكن تكملي مع أستاذ مروان.
بعدها شاور لواحد معاه في الشغل والتاني إستقبلها على مكتبهُ، سحبني من إيدي على جنب بغضب وقال بعصبية وبصوت واطي:
_إنتي مش مكفيكي اللي عملاه فيا في البي بقالك فترة كمان جاية تشوهي صورتي في الشغل وقدام العُملاء كمان، شروق أنا مبقتش قادر على العيشة دي بجد كل يوم بقول هترجع لعلقها بس كل يوم بتزيدي فيها مش بتقلي، أنا مبقتش قادر خلاص.
بصيتلهُ بتوتر وقولت:
=قصدك إي يعني؟
إتكلم بعد ما إتنهد وقال:
_إنتي طالق ياشروق.
وسط صد *متي مكنتش قادرة أنطق، مشي من قدامي ومش عارفة الوقت اللي عدا عليا قد إي بس كل اللي أعرفهُ إني خسرتهُ بجد خلاص، الوقت فات أوي على إنك تقولي إنك خسرتيه ياشروق، إنتي كنتي مسلمة ودانك وحياتك الشخصية لـِ واحدة قالتلك كلمتين.
حتى لو أقرب واحدة ليكي ولكن مش كل اللي يقولِك كلمتين يبقى غرضهُ النصيحة، آهي مكنتش سعيدة في حياتها ولا عارفة تبني أسرة وبيت وطلعت عُقدها عليكي وفي الأخر إستفدتي إي!!
بيتك إتخرب زيها بحيث إن مفيش حد أحسن من حد وكدا إرتاحت هي وإنتي لبستي في الحيط، ولكن دا درس عمري ما هنساه أبدًا، عدا سنتين وكنت كل مرة بحاول أرجع لـِ محمد بس مبقاش نافع وهو مبقاش طا *يقني، إتجوز تاني وخلف وعايش حياتهُ مبسوط وحياتهُ هادية كالعادة، وأنا بائسة بسبب تسليم الودان والمشي ورا كلام الناس.
#هاجر_نورالدين
#خراب_النفس
#تمت