Xalq deputatlari Bog‘ot tumani Kengashining bir yuz o‘n oltinchi sessiyasi boʻlib oʻtdi. Sessiya ishini tuman hokimi, xalq deputatlari Bogʻot tumani Kengashi raisi Jahongir Nazarov boshqarib bordi

Sessiya kun tartibiga O’zbekiston Respublikasi Oliy Majlisi Qonunchilik palatasi, xalq deputatlari mahalliy Kengashlari deputatligiga saylov o‘tkazuvchi uchastka saylov komissiyalari a’zoligiga nomzodlarni tavsiya etish, Bog’ot tumani “Inson” ijtimoiy xizmatlar markazi tomonidan ijtimoiy himoyaga muhtoj xotin-qizlarning muammolarini hal etish bo’yicha 2024-yilning o’tgan 6 oyi davomida amalga oshirilgan ishlar hamda shu kunning boshqa dolzarb masalalari kiritildi.

Shuningdek, kun tartibidagi masalalar bo‘yicha mas’ul rahbarlarning hisobotlari eshitildi. Deputatlar tomonidan bildirilgan taklif va mulohazalardan so‘ng sessiyada koʻrib chiqilgan masalalar boʻyicha tegishli qarorlar qabul qilindi.

@bogottumanihokimligikanali

Hashar — elga yarashar!

Obod yurtning fayzi, tarovati o‘zgacha bo‘ladi. Zotan, ozodalik, poklik, saranjom va sarishtalik yurtimizning yanada ko‘rkam bo‘lishiga zamin yaratadi. Bunda xalqimizning yillar davomida shakllangan ezgu qadriyati – hashar muhim o‘rin tutadi.

Xabaringiz bor, joriy yilning 24-25-avgust kunlari yurtimiz bo'ylab “Mahalla obod — yurt obod” shiori ostida umumxalq xayriya hashari o`tkazilishi belgilangan. Shu maqsadda bugun erta tongdan Bog’ot tumanidagi barcha markaziy ko`chalar, tashkilotlarda, mahallalar, yo`l bo`ylari, qabristonlarda hashar ishlari boshlab yuborildi.

@bogottumanihokimligikanali