سامحني ساعة غضب من كتلك
امشي بعد واطبكها بيبانك
ثاري انتَ سن العقل محد خذه مجانك

شعندي ويه المطر مادام
زرعي انبَاگ!

يجيران الگِلب چَا هيچ هيَه
تعَالوا فراگكم بينَ عليـٰه..

يجيران الگلب چَا هيچ هيَه
تعالوا فراگكم بيّنْ عليـه.

الطعنهَ التوجعكَ
مَو من بشَر مكَروه
من ذاكَ العَزيز آل روحكَ تريدهَ ..

صرت حتىٰ مِن انام أحلامي مو حلوات
لو مكتول افز لو كاتل وشارد.

لا يؤثِر بِنا الفِعل ، ولكِن يَصدُمنا الفاعِل .

هاك الروح إخذها وآنه مَمنون
    ما انطيك عين ولا اعوفَك
مو بُخلاً عَليك وشنهي العيون
بس لو خَذت عيني بيش اشَوفك .

أعرفك ما تَرد بَس ما طُبگِت الباب
مَثل مَيت عَزيزة يَعود يَنتظِرَة
سَهل مِن تَبتَعد بَس صَعُب تَلگَه انسان
شَايل طَيبتي و يهواك علىٰ الفُطرة
باچر مِن تَرد ما تلگه شَي مَوجود !
تَلگه الورَد ذابَل والأرَض صَحرة ..
تَلگاني مَدينة مسَددة البيبان ..
بيُها الگُمر مَيت والشَمَس حَمرَه ..

أما عَلمْتِ بإنّ الكَتمانَ يحرِقُ
فَهَلْ يَنام الذي في جَوْفهِ نارُ ؟

المَاعنده واحد يشتكَيله
يترس الدنيا رَسايل .

هسه احنا زعلنا
أسراري شعليهن؟
غير انتَ حبيبي
وتحتفظ بيهن .

مرات حته الصِدك ما نگدر نگوله
بَس علمتني البچي و صار الدَمع سوله
من زغري گلبي انجرح و لهسه ادور فرح
مثل اليدور حرف بأوراق مشعوله

وحِيرة التهِي بطعنتَك
مِدري التهِي بثارَك
وشتگول أضُم الحَجي
لو أسولف أسرارَك .

الحزن عركت كرايب مَايفض بساع .

مره اذكر جنت احاجيك وگلت
ياهو يبقالك اذا باچر متت !
كتلي ما اعوفك واموتن لو تموت
بعدي ما ميت شمرت ايدي ورحت !
چانت بعينك براءه ..... لا غشيم
چانت بعينك "حقاره" وصدگت
وخاف عبالك ادخن من وراك؟
اني من ضيم اهلي لمن دخنت.
شكد چنت ما ثاق وتدور وراي؟
واني ادور لمن تضيّع چنت !
هسه اليمثل بوحده شلون هيچ؟
انت خمس اسنين بيهن مثلت !
اني لو قصرت تبقى وما تروح
بس رحت چي اني ابد ما قصرت .

ليَهمك حجِي النُاس
ركَز بيه بس وحُدي
محد مثلي بيك يموت
لا قِبلي ولا بِعدي
اواجه كُلشي انِا وياك
لو كَل شي ضـَدي .

اني مااحب انتظر.
بس انتظرتك.
و اني ما اسمع عُذر.
لكن عذرتك.
واني ذاك الصعب كُلش.
ليش هيج استسهلتك؟

كحله بعين عميه كل نفع مابيك .