လူလည်ကြီး ဂလပ်စ် (၂၀၀၃)

IMDB - 6.1/10
Genre - Thriller, Drama

ဒီဇာတ်ကားက စတီဖင်ဂလပ်စ် ဆိုသူ ဂျာနယ်လစ်တစ်ယောက်ရဲ့ ကိုယ်ရေးရာဇဝင် ဇာတ်ကား‌လေးပါ။ စတီဖင်ဂလပ်စ် ဟာ အမေရိကန်က နာမည်ကြီးမဂ္ဂဇင်း‌တွေထဲက တစ်ခုဖြစ်တဲ့ နယူးရီပါ့ပလစ် မဂ္ဂဇင်းတိုက်က လူချစ်လူခင်ပေါများပြီး အောင်မြင်တဲ့ ၂၄ နှစ်အရွယ် ဂျာနယ်လစ်လေးတစ်ယောက်ပါ။ ဂလပ်စ် က ဘယ်လိုလူစားမျိုးလဲဆိုတာကို ပညာရှင်ဆန်ဆန်နဲ့ နာမည်တွေရှိမှာပါ။ ဒါပေမဲ့ အရပ်စကားနဲ့ဆို ပျော့ပျော့နဲ့နံတဲ့ကြောင်ချေးလို လူမျိုးလို ပြောရမလားပဲ။ အမြဲတမ်းအခွင့်အရေးယူတတ်ပြီးတော့ သူအမှားလုပ်ထားလည်း နစ်နာသူအဖြစ်ဟန်‌ဆောင်တတ်သူမျိုး။ သူက အရွယ်နဲ့မလိုက်အောင် တော်ပါတယ်။ ဒါပေမဲ့ မတော်သင့်တဲ့နေရာမှာပါတော်နေတော့ လူတွေအများကြီးကိုပါ ဒုက္ခရောက်စေတယ်။ အပြစ်ကင်းတဲ့ပုံစံလေးနဲ့ သူဟာ ဆောင်းပါး ၄၁ ပုဒ်ရေးခဲ့တဲ့အထဲ ၂၇ ပုဒ်က ဘာအထောက်အထားမှမပါဘဲ သူ့ဘာသာသူ စိတ်ကူးယဉ်ရေးပြီးတော့ တကယ့်အဖြစ်အပျက်လိုမျိုး ဂျင်းထည့်ခဲ့တာပါ။ သူလိမ်ထားတာတွေ ဘယ်လိုမျိုးပေါ်သွားခဲ့လဲ၊ အလိမ်ပေါ်သွားပြီးတဲ့နောက်မှာရော ဂလပ်စ် တစ်ယောက် ဘယ်လိုမျိုးတုံ့ပြန်မှာလဲ ။

t.me/cartoonbynikko/818

စစ်ဗိုလ်ကြီး ရိုးမဲလ် (၂၀၁၂)

IMDB - 6.6/10
Genre - War, Action

ဂျာမန် စစ်ဗိုလ်ချုပ်ကြီး ရိုးမဲလ် ရဲ့အကြောင်းကို ရိုက်ကူးထားတဲ့ ဖြစ်ရပ်မှန်ဇာတ်ကားဖြစ်ပါတယ်။ သဲကန္တရမြေခွေးကြီး လို့လည်းအတော်များများ ကြားဖူးကြမယ် ထင်ပါတယ်။ ဒီစစ်ကားမှာ တခြားစစ်ကားတွေထက် ပိုကောင်းတဲ့အချက်တွေကတော့ ဗိုလ်ချုပ်ကြီး ရိုးမဲလ် အပါအဝင် ဂျာမန်စစ်ခေါင်းဆောင်တွေရဲ့ ဒုတိယကမ္ဘာစစ် မတိုင်ခင်အချိန် ဘယ်လိုစစ်ပြင်ဖို့ ဆွေးနွေးကြပုံတွေ၊ စစ်ဖြစ်နေတဲ့အချိန်အတောအတွင်းမှာလည်း တန်ပြန်တိုက်စစ်တွေကို ဘယ်လိုပုံဖော်ကြလဲ ဆိုတာတွေအပြန်အလှန် ဆွေးနွေးကြပုံတွေကို အသေးစိတ် ရိုက်ကူးပုံဖော်ထားပါပဲ။ ဗိုလ်ချုပ်ကြီး ရိုးမဲလ် ဟာ သူ့ရဲ့စစ်ခေါင်းဆောင်ကြီး ဟစ်တလာ ရဲ့အပေါ်မှာ အလွန်သစ္စာစောင့်သိတဲ့ စစ်သားတစ်ဦးဖြစ်ပေမယ့် နောက်ပိုင်းမှာ ဟစ်တလာ ရဲ့ ဂျူးလူမျိုးတွေအပေါ် လူမဆန်တဲ့လုပ်ရပ်တွေကို သိသွားတဲ့အခါမှာ ဆက်ပြီးတော့ ဟစ်တလာ အပေါ်မှာ သစ္စာစောင့်သိဦးမှာလား။ အဲဒီအချိန်မှာပဲ ဂျာမန်တွေဟာ မဟာမိတ်တို့ရဲ့ ပြင်းထန်တဲ့တိုက်စစ်တွေကြောင့် အဘက်ဘက်က စစ်ရေးရှုံးနိမ့်လို့နေခဲ့တယ်။ ရိုးမဲလ် က ဟစ်တလာ ကို ငြမ်းချမ်းရေးညှိနှိုင်းဖို့ အကြံပြုခဲ့ပေမယ့် မအောင်မြင်ခဲ့ပါဘူး။ အဲဒီနောက်မှာတော့ ဟစ်တလာ ရဲ့ခေါင်းဆောင်မှုအပေါ်မှာ သဘောမကျတဲ့ ဂျာမန်စစ်ခေါင်းဆောင်အချို့ဟာ အာဏာသိမ်းဖို့အတွက် တိတ်တဆိတ် ကြံစည်လုပ်ဆောင်လာခဲ့တဲ့အခါမှာတော့ ဗိုလ်ချုပ်ကြီး ရိုးမဲလ် ဘယ်လိုဆက်ပြီးလုပ်ဆောင်သွားမလဲ။

t.me/msubmovie0/3474

သမုဒ္ဒရာ ဘယ်လောက်နက်သလဲ (၂၀၂၃)

IMDB - 6.9/10
Genre - Drama

သြစတေးလျ ဒရာမာဇာတ်လမ်းလေး တစ်ပုဒ်ပဲဖြစ်ပါတယ်။ အယ်လီနော် ဆိုတဲ့ ကောင်မလေးတစ်ယောက် ကျောပိုးအိတ်တစ်လုံးတည်းနဲ့ မဲဘွန်းမြို့ကို ပထမဆုံးအကြိမ်ရောက်လာပြီး ရွိုင် ဆိုတဲ့ အရက်သမားဆီမှာ အိမ်ခန်းငှားနေပါတယ်။ အတိတ်မှာလည်း ဒဏ်ရာတချို့ရခဲ့တဲ့ အယ်လီနော် တစ်ယောက် မဲဘွန်းမြို့မှာ ဘဝသစ်တစ်ခုစဖို့ ကြိုးစားတဲ့အခါ ဘယ်လိုအခက်အခဲတွေ ကြုံတွေ့ရမလဲ၊ သူ့သိကျွမ်းခွင့်ရတဲ့ ယောကျာ်းတွေကရော သူ့အပေါ် တကယ်ကောင်းကြသလား၊ မဲဘုန်းမြို့က သူ့မွေးရပ်ထက် ပိုသာတဲ့နေရာဟုတ်မဟုတ်ကတော့ ။

t.me/dramamv/1165

အင်္ဂါဂြိုဟ်ပေါ်ပဲနေချင်တော့တယ် (၂၀၂၃)

IMDB - 6.2/10
Genre - Drama

သူငယ်ချင်းနှစ်ယောက်အကြောင်းရိုက်ထားတဲ့ဒရာမာဇာတ်လမ်းကောင်းလေးပဲဖြစ်ပါတယ်။ပစ်ကယ်စ်ဆိုတဲ့ကောင်မလေးက စန်ထရာလီယာ ဆိုတဲ့မြို့ပျက်တစ်ခုမှာနေထိုင်တဲ့သူပါ။စန်ထရာလီယာ ဆိုတာကတော့ ၁၉၆၂ ခုနှစ်ထဲကမြို့အောက်မှာကျောက်မီးသွေးတွေလောင်ကျွမ်းနေလို့ ၂၀၂၀ ခုနှစ်ထဲကလူဦးရေငါးယောက်ပဲရှိတော့တဲ့မြို့ပျက်တစ်ခုပါ။ဒီမြို့ပျက်ကို ဘရီဇီနဲ့သူ့အမေ နန်စီ ရောက်ရှိလာခဲ့ပါတယ်။ဘရီဇီနဲ့သူ့အမေကအဆင်မပြေတာတွေရှိနေခဲ့ပြီး ဘရီဇီ က ပစ်ကယ်စ် ဆီသွားနေခဲ့ပါတယ်။ဒီလိုနဲ့ပုံစံမတူတဲ့သူငယ်ချင်းနှစ်ယောက်မြို့ပျက်ကအဆင်မပြေမှုတွေကိုကျောခိုင်းပြီးအတူတူထွက်သွားကြတဲ့အကြောင်းလေးကိုရိုက်ပြထားတာပဲဖြစ်ပါတယ်။

t.me/dramamv/1167

ထာဝရထက် တစ်ရက်ပို (၂၀၂၄)

IMDB - 6.3/10
Genre - Romance, Drama

ဘဝမှာခါးသီးတာတွေအများကြီးဖြတ်သန်းခဲ့ပြီးတဲ့လူနှစ်ယောက်ကံကြမ္မာအရနှလုံးသားချင်းဆုံဆည်းသွားကြပြီး ပြည့်စုံတဲ့အချစ်စစ်ကိုခံစားနေရတဲ့အခိုက်အတန့်လေးတွေကို ရိုးရိုးလေးနဲ့ ဒိုင်ယာလော့လှလှလေးတွေနဲ့ဖော်ကြူးထားတဲ့ရိုမန့်စ်ကားလေးပါ၊တစ်ယောက်နဲ့တစ်ယောက်သဘောကျရတဲ့အကြောင်းလေးတွေကိုကဗျာဆန်ဆန်လေးပြောပြလိုက်၊အမူအရာအကြည့်တွေနဲ့ဖော်ပြလိုက်နဲ့ ဇာတ်အိမ်ကအတော့်ကိုရိုးရှင်းပေမဲ့ကြည့်ရင်းရည်းစားလိုချင်လာမဲ့ င်္စိတ်မျိုးရသွားလောက်ပါတယ်။မိုးအေးအေးနဲ့ပြုံးပြီးကြည့်လိုက်ကြပါအုံး။

t.me/dramamv/1169

အလိုမတူဘဲ ကူးစက်ခဲ့တာတွေ၊ မိဘကြောင့် ကူးစက်ခံခဲ့ရသူတွေအတွက် ဝမ်းသာစရာတစ်ခုမလို့ ပြန်လည်မျှဝေလိုက်တာပါ

ဗီဇပြုပြင်နည်းဖြင့် လူသားဆဲလ်များမှ HIV ဗိုင်းရပ်စ်ကို အပြီးတိုင် ဖယ်ရှားနိုင်ခဲ့ပါပြီ

သုတေသီများဟာ CRISPR/Cas9 ဗီဇပြုပြင်နည်းပညာကို အသုံးပြုကာ HIV ကုသမှုတွင် မျှော်လင့်မထားနိုင်သော အောင်မြင်မှုတစ်ရပ်ကို ရရှိခဲ့ကြပါပြီ။လက်ရှိကုထုံးများက HIV ကို ဆက်လက်မပြန့်ပွါးအောင် ဖိနှိပ်ထားရုံသာဖြစ်သော်လည်း၊ ယခုနည်းလမ်းကတော့ HIV-1 DNA ကို ကူးစက်ခံထားရသော လူသား T-ဆဲလ်များမှ အပြီးအပိုင် ဖယ်ရှားနိုင်ခဲ့တာဖြစ်ပါတယ်။

ဓာတ်ခွဲခန်းစမ်းသပ်ချက်များတွင် HIV ရောဂါရှိသူများ၏ ဆဲလ်များကို ပြုပြင်ပြီးနောက် ဗိုင်းရပ်စ်လုံးဝ ကင်းစင်သွားခြင်း၊ ပြုပြင်ထားသော ကိုယ်ခံအားဆဲလ်များဟာ ဗိုင်းရပ်စ် ပြန်လည်ကူးစက်ခြင်းကိုပါ ခံနိုင်ရည်ရှိလာခြင်း နှင့် အဆိပ်သင့်မှု လက္ခဏာ လုံးဝမတွေ့ရှိခြင်း တို့ တွေ့ရှိရပါတယ်။

အမေရိကန်က ကောင်မလေး (၂၀၂၁)

IMDb - 7.1/10
Genre - Drama

မိခင်ဖြစ်သူ ရင်သားကင်ဆာ ဖြစ်လို့ အယ်အေမှာနေရာကနေ တရုတ်ပြည်ကို ပြန်လာခဲ့ရတဲ့ ၁၃ နှစ်အရွယ် ဖန်း ဟာ ထိုင်ဝမ်မှာ နေထိုင်မှုပုံစံတွေနဲ့ အသားကျဖို့ ရုန်းကန်နေရတယ်။ ငယ်ငယ်တည်းက ဝေးခဲ့ရတဲ့ ဖခင်နဲ့ တူတူ ပြန်နေရပေမဲ့ ရောဂါသည် မိခင်နဲ့တော့ ဆက်ဆံရေးတွေ ဆိုးရွားလာခဲ့တယ်။ မိခင်ဖြစ်သူ လီလီ ဟာလည်း ကင်ဆာရောဂါကြောင့် ကိုယ့်ကိုယ်ကို သေလူလို့ သတ်မှတ်ကာ အဆိုးမြင်၊ ဖန်း ကလည်း အမေရိကန်ပဲ ပြန်ချင်ပြီး မိခင်ဖြစ်သူနဲ့ ဘာပြောပြော ကတောက်ကစဖြစ်။ တရုတ်ပြည်မှာ ဆားစ် ကူးစက်ရောဂါတွေ စဖြစ်ပြီး သူတို့ မိသားစု ၄ ယောက် ဘယ်လို ရုန်းကန်ရမလဲဆိုတာကို အဆုံးထိ ကြည့်လိုက်ရအောင်။

t.me/dramamv/1187

စစ်ပြေးမိသားစု (၂၀၂၄)

IMDb - 7.2/10
Genre - Drama

ကနေဒါနိုင်ငံသား ဗီယက်နမ်လူမျိုး စာရေးဆရာမ တင့် ရဲ့ ဆုရစာအုပ်ကို မှီငြိမ်းပြီး ရိုက်ကူးထားတဲ့ ရုပ်ရှင်ပါ။ ဒီရုပ်ရှင်ထဲမှာတော့ ဗီယက်နမ်စစ်ပွဲကြောင့် ပင်လယ်ခရီးကို ဖြတ်သန်းပြီး ကနေဒါနိုင်ငံမှာ ဒုက္ခသည်အဖြစ် ခိုလှုံခဲ့ရတဲ့ တင့် တို့မိသားစုရဲ့ ခရီးကြမ်းအပြင် ကနေဒါနိုင်ငံမှာ ဘဝသစ် ထူထောင်ပြီး နိုင်ငံအသစ်မှာ လိုက်လျောညီထွေနေရပုံတွေ၊ ဘာသာစကားအသစ်တွေ သင်ယူရပုံနဲ့ အတိတ်က ဖြစ်ရပ်တွေကနေ လွတ်မြောက်အောင် ကြိုးစားရပုံကို တင်ဆက်ပေးထားပါတယ်။ ဒုက္ခသည်အဖြစ် လက်ခံပေးခဲ့တဲ့ သူတို့ရဲ့ အလှူရှင် (စပွန်ဆာ) မိသားစုရဲ့ နွေးထွေးကြပုံ၊ ကူညီဖေးမကြပုံအပြင် ဗီယက်နမ်စစ်ပွဲ ပြီးဆုံးတဲ့ကာလမှာ နိုင်ငံရပ်ခြား ထွက်ပြေးခဲ့ကြရတဲ့ ဗီယက်နမ်လူမျိုးတွေရဲ့ အခက်အခဲတွေကို ကြည့်ရှုကြရမှာပါ။

t.me/dramamv/1189

ရူးရူးမိုက်မိုက် အရွယ်များ (၂၀၂၃)

IMDb - 6.3/10
Genre - Action, Crime

အထက်တန်းကျောင်းသားအရွယ်မှာ ရူးရူးမိုက်မိုက်လုပ်ချင်တဲ့သူတွေများပါတယ်။ အထက်တန်းကျောင်းသားလေး(၃)ယောက်ဟာ သူတို့ရဲ့အထက်တန်းကျောင်းဘွဲ့ရတဲ့ညကို ရူးရူးမိုက်မိုက်ဖြတ်သန်းခဲ့တဲ့ဇာတ်ကားပဲဖြစ်ပါတယ်။ယုံကြည်ရတဲ့ညီကိုတွေဖြစ်ဖို့ လျှို့ဝှက်ချက်တွေဖလှယ်ကြမယ်ဆိုပြီးကိုယ်လုပ်ဖူးခဲ့တဲ့အဆိုးဆုံးမကောင်းမှုတွေကိုတစ်ယောက်နဲ့တစ်ယောက် ပြောပြကြဖို့ဆုံးဖြတ်လိုက်ကြတယ်။ တစ်ယောက်ပြီးတစ်ယောက်လူမဆန်တဲ့ လျှို့ဝှက်ချက်တွေကိုထုတ်ပြောကြတယ်။ နောက်ဆုံးကျောင်းသားလေးအလှည့်ရောက်တော့ သူလိမ်ပြောနေတာကိုသိသွားပြီး လူမိုက်တစ်ယောက်ကိုအိမ်သုတ်ဆေးတွေနဲ့ သွားပက်ခိုင်းကြတယ်။အဲဒီလိုနဲ့ (၃)ယောက်သား တစ်ညလုံး လူမိုက်တွေလိုက်တာခံကြရပါတော့တယ်။ ဒီကားလေးမှာ လူကောင်းလူဆိုးဆိုတာတွေဟာ ခွဲခြားမရနိုင်မကြောင်း မကောင်းတဲ့သူနဲ့နေပါများရင် မကောင်းတဲ့လုပ်ရပ်တွေကို လုပ်နိုင်သွားကြောင်းကိုရိုက်ပြထားတာဖြစ်ပါတယ်။

t.me/hanamovie20/4671

အလျင်အမြန်တုန့်ပြန်ခြင်း (၂၀၂၃)

MDL - 7.2/10
Genre - Action

အာဖရိကမှာ လုံခြုံရေးအလုပ်လုပ်နေတဲ့ မာရွှိတုန်းဟာ သမီးဖြစ်သူ ပျောက်သွားတဲ့ သတင်းကို ကြားသိခဲ့ရပါတယ်။ တရုတ်နိုင်ငံကို ပြန်ပြီး သူ့သမီးကို လိုက်ရှာတဲ့အချိန်မှာ ဒုစရိုက်ဂိုဏ်းကြီးတစ်ခုနဲ့ ဆက်နွယ်နေတာ သိလိုက်ရပါတယ်။ သမီးကို ကယ်ဆယ်ဖို့အတွက် မာရွှိတုန်းတစ်ယောက် အန္တရာယ်များစွာနဲ့ ကြုံတွေ့ခဲ့ရပါတယ်။ မိန်းကလေးတွေကို လိမ်လည်ပြီး ငွေချေးတာကနေ တစ်ဆင့် ဒုစရိုက်ဂိုဏ်းတွေရဲ့ လုပ်ငန်းလည်ပတ်ပုံအဆင့်ဆင့်ကို ရိုက်ပြထားတာဖြစ်ပြီး အက်ရှင်ကားပီပီ သွေးထွက်သံယိုများကို ကြည့်ရှုရမှာ ဖြစ်ပါတယ်။ မာရွှိတုန်းတစ်ယောက် သူ့သမီးကို ကယ်နိုင်ပါ့မလား။ ဒုစရိုက်ဂိုဏ်းကြီးကိုရော ရဲတပ်ဖွဲ့ကနေရော အပြတ်ရှင်းနိုင်ပါ့မလား။

t.me/hanamovie20/4675

သမီးအတွက် ကလဲ့စား (၂၀၂၄)

IMDb - 6.3/10
Genre - Action, Crime

မှုခင်းဇာတ်ကားကောင်းတွေကြိုက်တဲ့ ဇာတ်ကားချစ်သူတွေ ကြိုက်နှစ်သက်မယ့် ကားကောင်းဖြစ်ပါတယ်။ လီချန်ဖန်း ဟာ သူ့သမီးလေးနဲ့အတူ ရိုးရိုးရှင်းရှင်း ပျော်ပျော်ရွှင်ရွှင် နေထိုင်နေတဲ့ ဆင်ဂယ်ဖားသား တစ်ယောက်ဖြစ်ပါတယ်။ မိသားစုဝင်ဆိုလို့ သူ့သမီးတစ်ယောက်သာရှိတော့တာမို့ ပိုပြီး အချစ်ပိုရပါတယ်။ တစ်နေ့မှာ သူ့သမီးလေး အပြင်သွားရာကနေ ပြန်မလာလို့ လိုက်စုံစမ်းရင်း အလောင်းကိုသာ တွေ့လိုက်ရပါတယ်။ သူ့သမီးကို သတ်လိုက်တဲ့ လူတွေကို လိုက်ရှာရင်း ဘယ်လို ပြန်ပြီး လက်စားချေမလဲ ဆိုတာကို ကြည့်ရှုရမှာဖြစ်ပါတယ်။

t.me/msubmovie0/3509

"လောကကြီးက ငါ့အပေါ်မကောင်းဘူး"

"ငါဟာလူရာမဝင်တဲ့သူ"

"ငါ့ကို အားလုံးက အပြစ်မြင်နေကြတယ်"

"ငါဘာကြောင့် အသက်ရှင်နေရတာလဲ"

ဒီလိုမေးခွန်းတွေ ကိုယ့်ကိုယ်ကိုယ် ပြန်မေးမိတယ်ဆိုရင် ဒီကားကိုကြည့်ကြည့်ဖို့ တိုက်တွန်းလိုက်ပါတယ်

သေရင်မြေကြီး ရှင်ရင်ရွှေထီး (၂၀၂၄)

IMDb - 7.2/10
Genre - Drama

ငယ်ငယ်တည်းက သူများနဲ့မတူ တစ်မူထူးခြားပြီး ထက်မြက်တဲ့ ဝူဒီ ဆိုတဲ့ အမျိုးသားတစ်ယောက်။ မူလတန်း အလယ်တန်း အထက်တန်း တစ်လျှောက် ဆုတွေရပြီး ထူးချွန်ခဲ့တာကြောင့် အိပ်မက်တွေအကောင်အထည်ဖော်ဖို့ မြို့ကြီးကိုတစ်ယောက်တည်း ထွက်ပြီး ကြိုးစားခဲ့ပေမယ့်။ အသက် ၃၅ နှစ်ကျော်သွားချိန်မှာတော့ သူ့မွေးရပ်ဇာတိကို အရှုံးတွေပိုက်ပြီး ပြန်လာခဲ့တယ်။ ဘယ်အလုပ်အတွေ့အကြုံမှ မရှိခဲ့တဲ့ သူ့အနေနဲ့ အတော်လေး အခက်တွေ့ခဲ့ရသလို။ ဒီအချိန်မှာ လုပ်ငန်းအသီးသီးမှာ အဆင်ပြေနေတဲ့ ကျောင်းနေဖက်တွေကိုပါတွေ့တော့ ဝူဒီ တစ်ယောက် ဘယ်လိုတွေဆက်ဖြစ်မလဲ။ အရှုံးသမားကံကြမ္မာက လွတ်မြောက်နိုင်မလား။ ကျောင်းနေဖက်တွေရဲ့ အကူအညီနဲ့ သူဘဝတစ်ကွေ့ချိုး ပြောင်းလဲသွားမှာလား။

t.me/msubmovie0/3513

အတူတူမနေကြခင် (၂၀၂၄)

IMDb- 6.4/10
Genre - Comedy, Drama

ဒီရုပ်ရှင်ကတော့ ဗီယက်နမ်လူငယ်အချစ်ဟာသဇာတ်လမ်းကောင်းတခုဖြစ်ပြီး ငယ်ရွယ်တဲ့ စုံတွဲသုံးတွဲကြားက အချစ်၊ လိင်တပ်မက်မှုနဲ့ ဆက်ဆံရေးတည်ဆောက်မှုတွေရဲ့ ရှုပ်ထွေးနက်နဲမှုအကြောင်းကို စူးစမ်းလေ့လာပြီး ထည့်သွင်းတင်ပြထားတဲ့ ရုပ်ရှင်ဖြစ်ပါတယ်။ အချစ်ကံခေတဲ့ လူငယ်လေးတွေရဲ့ ဘဝလမ်းကြောင်းတွေဟာ မျှော်လင့်မထားတဲ့နည်းလမ်းတွေနဲ့ ဆုံစည်းဖို့ဖြစ်လာတဲ့အခါ လူငယ်တွေကြားက ဆက်ဆံရေးမှာ ယုံကြည်မှုတည်ဆောက်မှုတွေ၊ ဘဝရဲ့အားနည်းချက်တွေ၊ ရူးသွပ်မှုတွေနဲ့ မိမိကိုယ်ကို ရှာဖွေတွေ့ရှိမှုတွေအကြောင်း၊ အချစ်နဲ့ လိင်စိတ်ဆန္ဒတွေစတဲ့ လေးနက်မှုတွေအကြောင်းကို ဟာသနှောပြီး ပေါ့ပေါ့ပါးပါးတင်ဆက်ထားတာကြောင့် မိုးအေးအေးနဲ့ကွေးပြီး အရသာခံကြည့်ရှုရမယ့် ဇာတ်ကားကောင်းလေးပါ။

t.me/hanamovie20/4678

ရင်နင့်ဖွယ် တကယ့်ဖြစ်ရပ်မှန်ရုပ်ရှင်

ဘတ်ဆန်းအာ (၂၀၁၈)

IMDb - 6.8/10
Genre - Thriller, Drama

ဒီကားလေးကတော့ ကလေးလူကုန်ကူးမှုအကြောင်းကို ရိုက်ထားတဲ့ ဇာတ်လမ်းလေးပါ။ ပညာပေးတွေအများကြီးနဲ့ တကယ့်အနှစ်ပါဝင်တဲ့ကားကောင်းလေးပါ။ ကြည့်ပြီးရင် ရင်ထဲတစ်ခုခုတော့ ကျန်ခဲ့မှာပါ။

ဘတ်ဆန်းအာဟာ လူသတ်ဖို့ ကြိုးစားမှုနဲ့ ထောင်ကျဖူးတဲ့အမျိုးသမီးတစ်ယောက်ဖြစ်ပြီး ငယ်စဉ်ကတည်းက အကြောင်းအမျိုးမျိုးကြောင့် အမေအရင်းကနေ စွန့်ပစ်ခံခဲ့ရပါတယ်။ ဒီလိုနဲ့ ဘဝကို ဖြစ်သလို ရပ်တည်လာရင်း မထင်မှတ်ပဲ အေးစက်နေတဲ့ ဆောင်းညတစ်ညမှာ လမ်းဘေးမှာ ထိုင်ပြီး ခိုက်ခိုက်တုန်နေတဲ့ ကိုးနှစ်အရွယ် မိန်းကလေးတစ်ယောက်နဲ့ စတွေ့ခဲ့ပါတယ်။ အဲ့ကလေးမလေးကလည်း အဖေအရင်းနဲ့ အဖေဖြစ်သူရဲ့ အတူနေရည်းစားရဲ့ နှိပ်စက်မှုတွေကို အရွယ်နဲ့မလိုက်အောင် ခါးစည်းခံနေရတာဖြစ်ပါတယ်။ ဒီကလေးမလေးကို ဘတ်ဆန်းအာတွေ့တဲ့အချိန်မှာ သူမရဲ့ အတိတ်ဘဝကို သတိရသွားပြီး သနားမှုတွေကြောင့် စိတ်ထဲမှာ လှုပ်ရှားမှုတွေ ဖြစ်လာပါတယ်။ ဘတ်ဆန်းအာက ဒီကလေးမလေးရဲ့ ခန္ဓာကိုယ်က ဒဏ်ရာတွေကို တွေ့ပြီး နှိပ်စက်ခံနေရတဲ့ အကြောင်းကို သိသွားပါတယ်။ ဘတ်ဆန်းအာနဲ့ ဒီကလေးမလေးတွေ့ပြီး ဘာတွေဆက်ဖြစ်မလဲ။

t.me/msubmovie0/3516

စာရင်းကိုင် (၂၀၁၆)

IMDb - 7.3/10
Genre - Action, Thriller

ကလေးဘဝမှာ ဉာဏ်ရည်မနိမ့်ကျသော အထီးကျန်စိတ်ဝေဒနာတစ်မျိုး ခံစားနေရပြီး အထူးကျွမ်းကျင်သူတစ်ဦးဆီမှာ ကုသရင်း နေထိုင်ခဲ့ရပါတယ်။ ဒါပေမယ့် သူ အရွယ်ရောက်လာချိန်မှာတော့ စာရင်းကိုင်တစ်ယောက်ဖြစ်လာခဲ့ပါပြီ။ သာမာန်စာရင်းကိုင်တွေ ၁ နှစ်လောက်လုပ်ရမယ့် စာရင်းကို တစ်ညတည်းလုပ်နိုင်တဲ့ သချာၤဉာဏ်ကြီးရှင်မျိုးဖြစ်လာပြီး လူဆိုးဂိုဏ်းတွေကြားထဲက အရှုပ်အရှင်းတွေ၊ ငွေတွေကို စစ်ဆေးပေး၊ ခဝါချပေးတဲ့ အလုပ်ကို လုပ်ကိုင်လာပါတယ်။ သူ့ကို ကူညီနေတဲ့ ဖုန်းထဲက အသံပဲ ကြားရတဲ့ လျို့ဝှက်မိန်းကလေးတစ်ယောက်ရဲ့ အကူအညီနဲ့ပေါ့။ လူဆိုးဂိုဏ်းတွေကြားမှာ အသက်ရှင်ရက်နေနိုင်ပြီး သူ့ကို ဘယ်သူ ဘယ်ဝါမှန်းပါ မသိအောင် နေနိုင်ခဲ့တဲ့အပြင် တိုက်ခိုက်ရေးပညာနဲ့ လက်နက်မျိုးစုံလည်း ကျွမ်းကျင်ပါတယ်။ ဒီဇာတ်လမ်းမှာတော့ သူဖော်ချလိုက်မိတဲ့ ငွေမသမာမှုတစ်ခုမှာ ပါနေတဲ့ အပြစ်မဲ့ မိန်းကလေးတစ်ယောက်ကို ကြေးစားတွေ လိုက်နှုတ်ပိတ်တာကို ကယ်တင်ရင်း သူ စခဲ့တဲ့ ဇာတ်လမ်းကို အဆုံးထိ ပြန်လိုက်ရှင်းဖို့ ကြိုးစားရတဲ့အခါမှာတော့

t.me/msubmovie0/3552