မိန်းမသတ္တိခဲများ (၂၀၂၃)

IMDB - 6/10
Genre - Action, Thriller

ဘဝရယ်လို့ ဖြစ်တည်လာပြီဆိုရင် ရွေးချယ်မှုမလုပ်ရတဲ့ လူရယ်လို့ မရှိပါဘူး။ ဒါပေမဲ့ တချို့လူတွေရဲ့ အမှောင်ကျနေတဲ့ဘဝမှာတော့ ရွေးချယ်မှုဆိုတဲ့ စကားလုံးဟာ ကိုယ်တိုင်မသိလိုက်ခင်ကတည်းက ပျောက်ရှနေခဲ့ပါပြီ။ ကံဆိုးမှုလို့ အဓိပ္ပာယ်ရတဲ့ နာမည်ကို ပိုင်ဆိုင်ထားတဲ့ ဘီ ဆိုတဲ့ ကောင်မလေးဟာ နာမည်စီးနေတယ်လို့ ထင်မှတ်ရလောက်အောင် ကံခေလွန်းတဲ့သူ ဆိုလည်း မမှားပါဘူး။ မိန်းမမြင်ရင် လိင်ကျွန်လောက် ထင်ကြတဲ့ ယောက်ျားသားတွေ ကြီးစိုးရာမှာ မိန်းမရွှင်တစ်ယောက်ရဲ့ သမီးဖြစ်ရတဲ့ ဒုက္ခဟာ ပြောစရာမလိုအောင် အမှောင်ကျနေခဲ့တာပေါ့။ ဒီလိုနဲ့ ယုတ်မာတဲ့ တဏှာရူးလက်ချက်နဲ့ အမေကိုရော အိမ်ကိုပါ ဆုံးရှုံးခဲ့ရတဲ့ ဘီ တစ်ယောက် အိမ်ခြေရာမဲ့ဘဝနဲ့ လမ်းလေးရောက်တော့ လိင်စိတ်နားထင်ရောက်နေတဲ့ ကျားခံတွင်းပျက်‌တစ်သိုက်နဲ့ တွေ့ရင်း ဘဝပျက်လုဆဲဆဲမှာ သူ့ဘဝရဲ့အလင်းရောင်သဖွယ်ရောက်လာခဲ့တဲ့ ကယ်တင်ရှင် ဂျက်ကွာလင်။ ဂျက်ကွာလင် နဲ့အတူ လိုက်သွားရာကနေ တွေ့ဆုံခင်မင်ခဲ့တဲ့ ဟုန် နဲ့ ထန် ဆိုတဲ့ ဘဝတူ မိန်းကလေး ၂ ယောက်နဲ့အတူ ဆုံရင်းနဲ့မှ မျှော်လင့်ချက်ရောင်ခြည်လေးကို မြင်လိုက်ရတဲ့ ဘီ။ ဂျက်ကွာလင် ရဲ့ လေ့ကျင့်သင်ကြားပေးမှုနဲ့ မိန်းကလေးတွေကို အညှာအတာကင်းမဲ့စွာနဲ့ ရောင်းစားနေတဲ့ လူမိုက်ဂိုဏ်းနဲ့ သူမတို့ ၃ ယောက် ရင်ဆိုင်ရဖို့ ဖြစ်လာတဲ့အခါမှာတော့ ယုံကြည်ရာတစ်ခုအတွက် အသက်ကို စတေးကြမဲ့ သူမတို့ ၃ ယောက်နဲ့ ရွေးချယ်မှုတိုင်းအတွက် ပေးဆပ်ရမဲ့ တန်ကြေး ကိုယ်စီရှိနေတဲ့အခါမှာတော့ ဘာတွေ ဘယ်လို ဆက်ဖြစ်ကြမလဲ

t.me/msubmovie0/3432

တက်လမ်း တွေနဲ့ လူငယ်တစ်ဦး (၁၉၇၆)

IMDB - 7.4/10
Genre - Thriller, Action

အဖေ ရဲ့ နာမည်ဆိုးကို ချေဖြတ်ပေးချင်တဲ့ ကောင်လေး။ ချစ်လို့ကောင်းတုန်း အရွယ်။ တက်သစ်စအရွယ်။ အဖေ အကြောင်းကို အပြောမခံတဲ့ စီးပွားရေးလုပ်ငန်းရှင် အကိုကြီး။ နာဇီ လူသတ်ကောင် ဆေးလ်။ ကောင်လေး ရဲ့ တစ်ဦးတည်းသော အစ်ကို ယူလာတဲ့ ပြဿနာတွေက သူ့ရဲ့ ဘဝကို ဘယ်လို တစ်ဆစ်ချိုး ပြောင်းလဲသွားစေမှာလည်း ဆိုတာတော့ ဒီ ဇာတ်လမ်း လေးကို စောင့်ကြည့်ပေးပါ။

t.me/cartoonbynikko/812

ခွေးတစ်ကောင်၏သစ္စာ (၂၀၁၉)

IMDB - 7.4/10
Genre - Drama, Adventure

လူတစ်ယောက်ဟာ ခွေးလေးတစ်ကောင်မရှိရင် မပျော်ရွှင်နိုင်ဘူးလို့ ဆိုကြပါတယ်။ ဒီကားမှာတော့ သခင်ကို သစ္စာရှိစိတ် ပြင်းထန်လွန်းတဲ့ ခွေးလေး ဘေလီ အကြောင်း ရိုက်ကူးထားတာပဲ ဖြစ်ပါတယ်။ အီသန် နဲ့ ဟန်နာ တို့မှာ သိပ်ချစ်ရတဲ့ ဘေလီ ဆိုတဲ့ ခွေးလေးတစ်ကောင်ရှိပါတယ်။ အရမ်းကို အရိပ်အကဲသိလွန်ပြီး လိမ့်မ့်တဲ့ ခွေးလေးပါ။ သူတို့ဟာ သားဖြစ်သူ ဟင်နရီ ဆုံးပါးသွားတဲ့အခါမှာ ချွေးမ ဂေလောရီယာ နဲ့ မြေးလေးဖြစ်သူ စီဂျေ တို့နဲ့ အတူ နေထိုင်လာရင်းနဲ့ တစ်ရက်မှာတော့ ချွေးမက အထင်လွဲစိတ်ဆိုးပြီး စီဂျေ ကိုပါ ခေါ်ကာ အိမ်ပေါ်ကဆင်းသွားပါတော့တယ်။ အီသန် နဲ့ ဟန်နာ လည်းရင်တွေကွဲပြီးကျန်ခဲ့ရပါတယ်။ အဲဒီလိုနဲ့နေနေလာရင်းနဲ့ ဘေလီ လေး နေမကောင်းဖြစ်လာပြီးတော့ တစ်စတစ်စရောဂါသည်းရင်း ဆုံးပါးတော့မယ့် အချိန်မှာတော့ သခင်ဖြစ်သူ အီသန် က တောင်းဆိုမှုတစ်ခုလုပ်ခဲ့ပါတယ်။ အဲဒါကတော့ စီဂျေ လေးကိုစောင့်ရှောက်ကာကွယ်ပေးပြီး အတူတူပြန်ဆုံနိုင်အောင် ကူညီပေးဖို့ပါပဲ။ သခင်ရဲ့အမိန့် သခင်ရဲ့စိတ်ဆန္ဒကို ဖြည့်ဆည်းပေးချင်လွန်တဲ့ ဘေလီ လေးဟာ နောက်ဘဝမှာ ခွေးအဖြစ်နဲ့ပဲ ပြန်လာပြီးတော့ သူစောင့်ရှောက်ပေးရမယ့် စီဂျေ လေးကို လိုက်ရှာပါတယ်။ အီသန် ကိုလည်းတခြားဘဝမှာတောင် သူမှတ်မိနေပြီး သူ့သခင်ရဲ့ စိတ်ဆန္ဒကို မဖြည့်ဆည်းပေးရမှချင်း သူ့ခရီးမပြီးဆုံးသေးဘူး ဆိုတဲ့စိတ်နဲ့ပဲ သစ္စာရှိရှင်သန်နေခဲ့ပါတယ်။ သူ့သခင်ရဲ့စိတ်ဆန္ဒကို သူဖြည့်ဆည်းပေးနိုင်ပါ့မလား။ အီသန် ကရော တစ်ဖန်ဝင်စားလာတဲ့ ခွေးလေးကို သူ့ခွေးလေး ဘေလီ မှန်းမှတ်မိပါ့မလား ဆိုတာကို ဒီကားမှာကြည့်ရှုရမှာပဲဖြစ်ပါတယ်။ ဘဝတွေအဆက်အဆက်ကျော်ဖြတ်ပြီး သခင်စိတ်ဆန္ဒကိုဖြည့်ဆည်းပေးတဲ့ ခွေးလေး ဘေလီ ကို ချစ်ခင်ဖွယ်။ သနားဖွယ် စိတ်ထိခိုက်ဖွယ် ကြည့်ရှုရမှာပါ။ မျက်ရည်ခိုင်မှကြည့်ဖို့တော့ အကြံပြုချင်ပါတယ်။

t.me/dramamv/1153

ကျနော့်မိန်းမအကြောင်း (၂၀၂၅)

ကလေးမရဘဲ အိမ်ထောင်သက်ကြာလာတာနဲ့အမျှ အိမ်ထောင်ရေးမှာမပျော်တော့တဲ့ ဒွန် တစ်ယောက် ကိုယ့်ဘက်ကစပြီး လမ်းမခွဲချင်တာကြောင့် သူ့မိန်းမ အီမို က သူ့ကိုထားသွားအောင် မြူဆွယ်ပေးဖို့ လူရှုပ်လူပွေ မီဂဲလ် ကို လုပ်ခိုင်းခဲ့ပါတယ်။ ဒါပေမဲ့ အီမို နဲ့ မီဂဲလ် ကြားတွယ်တာမိလာတာနဲ့အမျှ ဒွန် ရဲ့ အီမို အပေါ်ထားတဲ့ အမြင်နဲ့ သဘောထားတွေကလည်း ပြောင်းလဲလာခဲ့ပါတယ်။ ခင်ပွန်းတစ်ယောက်အနေနဲ့ အဆိုးရွားဆုံးအမှားကြီးတစ်ခု ကျူးလွန်မိပြီဆိုတာ ဒွန် သိလိုက်ရချိန်မှာတော့ အီမို ကို ပြန်ရအောင် မရမက ကြိုးပမ်းပါတော့တယ်။

t.me/hanamovie20/4653

တော်လှန် တိုက်ပွဲဝင်သူများ (၂၀၁၄)

IMDB - 6.8/10
Genre - Action, Thriller

၂၀၀၄ ခုနှစ်ကထွက်ရှိခဲ့တဲ့ဒီကားကိုပြန်တင်ဆက်ပေးရတဲ့အကြောင်းအရင်းက မာဒုန်ဆော့ ကြောင့်ဆိုရင်လည်းမမှားပါဘူး၊သရုပ်ဆောင်စဉ်မှာရိုးသားဟန်တွေပေါ်နေတဲ့သူ့အမူအရာကြောင့် မြန်မာပရိတ်သတ်တွေအကြိုက်ဖြစ်ခဲ့သလို တစ်ချက်တစ်ချက်ထိုးလိုက်ရင် အုန်းသီးခပ်ကြီးတစ်လုံးလောက်ရှိတဲ့သူ့လက်သီးကြောင့် ခုနှစ်ခုနှစ်လီ ၄၉ ပေလောက်လွင့်သွားတာလည်းအားရစရာကြီးပါပဲ။ ဒီကားထဲမှာလည်းသံလုံးကြီးတွေကိုလက်နက်အဖြစ်အသုံးပြုတဲ့သိုင်းသမားအဖြစ်ပါဝင်ထားပါတယ်။ နောက်ပြီးတော့ခေါင်းဆောင်မင်းသားဖြစ်တဲ့ ဂျွန်ဝူး ကိုတော့အထွေအထူးမိတ်ဆက်စရာမလိုပါဘူး။ သူရိုက်သမျှကားတိုင်းဟာကောင်းမွန်တယ်လို့တောင်မှတ်ကျောက်တင်ခံရတဲ့သူပါ။ ဒီကားကဂျိုဆွန်းခေတ်ကအရင်းရှင်တွေ မင်းမှုထမ်းတွေကတောင်သူလယ်သမားတွေအပေါ်နဲ့ချို့တဲ့သူတွေကိုအနိုင်ကျင့်တဲ့အတွက်ကြောင့် သိုင်းပညာတော်တဲ့သူတွေစုပြီးတွန်းလှန်တဲ့အကြောင်းကိုရိုက်ပြထားတာပါ။

t.me/msubmovie0/3472

လူလည်ကြီး ဂလပ်စ် (၂၀၀၃)

IMDB - 6.1/10
Genre - Thriller, Drama

ဒီဇာတ်ကားက စတီဖင်ဂလပ်စ် ဆိုသူ ဂျာနယ်လစ်တစ်ယောက်ရဲ့ ကိုယ်ရေးရာဇဝင် ဇာတ်ကား‌လေးပါ။ စတီဖင်ဂလပ်စ် ဟာ အမေရိကန်က နာမည်ကြီးမဂ္ဂဇင်း‌တွေထဲက တစ်ခုဖြစ်တဲ့ နယူးရီပါ့ပလစ် မဂ္ဂဇင်းတိုက်က လူချစ်လူခင်ပေါများပြီး အောင်မြင်တဲ့ ၂၄ နှစ်အရွယ် ဂျာနယ်လစ်လေးတစ်ယောက်ပါ။ ဂလပ်စ် က ဘယ်လိုလူစားမျိုးလဲဆိုတာကို ပညာရှင်ဆန်ဆန်နဲ့ နာမည်တွေရှိမှာပါ။ ဒါပေမဲ့ အရပ်စကားနဲ့ဆို ပျော့ပျော့နဲ့နံတဲ့ကြောင်ချေးလို လူမျိုးလို ပြောရမလားပဲ။ အမြဲတမ်းအခွင့်အရေးယူတတ်ပြီးတော့ သူအမှားလုပ်ထားလည်း နစ်နာသူအဖြစ်ဟန်‌ဆောင်တတ်သူမျိုး။ သူက အရွယ်နဲ့မလိုက်အောင် တော်ပါတယ်။ ဒါပေမဲ့ မတော်သင့်တဲ့နေရာမှာပါတော်နေတော့ လူတွေအများကြီးကိုပါ ဒုက္ခရောက်စေတယ်။ အပြစ်ကင်းတဲ့ပုံစံလေးနဲ့ သူဟာ ဆောင်းပါး ၄၁ ပုဒ်ရေးခဲ့တဲ့အထဲ ၂၇ ပုဒ်က ဘာအထောက်အထားမှမပါဘဲ သူ့ဘာသာသူ စိတ်ကူးယဉ်ရေးပြီးတော့ တကယ့်အဖြစ်အပျက်လိုမျိုး ဂျင်းထည့်ခဲ့တာပါ။ သူလိမ်ထားတာတွေ ဘယ်လိုမျိုးပေါ်သွားခဲ့လဲ၊ အလိမ်ပေါ်သွားပြီးတဲ့နောက်မှာရော ဂလပ်စ် တစ်ယောက် ဘယ်လိုမျိုးတုံ့ပြန်မှာလဲ ။

t.me/cartoonbynikko/818

စစ်ဗိုလ်ကြီး ရိုးမဲလ် (၂၀၁၂)

IMDB - 6.6/10
Genre - War, Action

ဂျာမန် စစ်ဗိုလ်ချုပ်ကြီး ရိုးမဲလ် ရဲ့အကြောင်းကို ရိုက်ကူးထားတဲ့ ဖြစ်ရပ်မှန်ဇာတ်ကားဖြစ်ပါတယ်။ သဲကန္တရမြေခွေးကြီး လို့လည်းအတော်များများ ကြားဖူးကြမယ် ထင်ပါတယ်။ ဒီစစ်ကားမှာ တခြားစစ်ကားတွေထက် ပိုကောင်းတဲ့အချက်တွေကတော့ ဗိုလ်ချုပ်ကြီး ရိုးမဲလ် အပါအဝင် ဂျာမန်စစ်ခေါင်းဆောင်တွေရဲ့ ဒုတိယကမ္ဘာစစ် မတိုင်ခင်အချိန် ဘယ်လိုစစ်ပြင်ဖို့ ဆွေးနွေးကြပုံတွေ၊ စစ်ဖြစ်နေတဲ့အချိန်အတောအတွင်းမှာလည်း တန်ပြန်တိုက်စစ်တွေကို ဘယ်လိုပုံဖော်ကြလဲ ဆိုတာတွေအပြန်အလှန် ဆွေးနွေးကြပုံတွေကို အသေးစိတ် ရိုက်ကူးပုံဖော်ထားပါပဲ။ ဗိုလ်ချုပ်ကြီး ရိုးမဲလ် ဟာ သူ့ရဲ့စစ်ခေါင်းဆောင်ကြီး ဟစ်တလာ ရဲ့အပေါ်မှာ အလွန်သစ္စာစောင့်သိတဲ့ စစ်သားတစ်ဦးဖြစ်ပေမယ့် နောက်ပိုင်းမှာ ဟစ်တလာ ရဲ့ ဂျူးလူမျိုးတွေအပေါ် လူမဆန်တဲ့လုပ်ရပ်တွေကို သိသွားတဲ့အခါမှာ ဆက်ပြီးတော့ ဟစ်တလာ အပေါ်မှာ သစ္စာစောင့်သိဦးမှာလား။ အဲဒီအချိန်မှာပဲ ဂျာမန်တွေဟာ မဟာမိတ်တို့ရဲ့ ပြင်းထန်တဲ့တိုက်စစ်တွေကြောင့် အဘက်ဘက်က စစ်ရေးရှုံးနိမ့်လို့နေခဲ့တယ်။ ရိုးမဲလ် က ဟစ်တလာ ကို ငြမ်းချမ်းရေးညှိနှိုင်းဖို့ အကြံပြုခဲ့ပေမယ့် မအောင်မြင်ခဲ့ပါဘူး။ အဲဒီနောက်မှာတော့ ဟစ်တလာ ရဲ့ခေါင်းဆောင်မှုအပေါ်မှာ သဘောမကျတဲ့ ဂျာမန်စစ်ခေါင်းဆောင်အချို့ဟာ အာဏာသိမ်းဖို့အတွက် တိတ်တဆိတ် ကြံစည်လုပ်ဆောင်လာခဲ့တဲ့အခါမှာတော့ ဗိုလ်ချုပ်ကြီး ရိုးမဲလ် ဘယ်လိုဆက်ပြီးလုပ်ဆောင်သွားမလဲ။

t.me/msubmovie0/3474

သမုဒ္ဒရာ ဘယ်လောက်နက်သလဲ (၂၀၂၃)

IMDB - 6.9/10
Genre - Drama

သြစတေးလျ ဒရာမာဇာတ်လမ်းလေး တစ်ပုဒ်ပဲဖြစ်ပါတယ်။ အယ်လီနော် ဆိုတဲ့ ကောင်မလေးတစ်ယောက် ကျောပိုးအိတ်တစ်လုံးတည်းနဲ့ မဲဘွန်းမြို့ကို ပထမဆုံးအကြိမ်ရောက်လာပြီး ရွိုင် ဆိုတဲ့ အရက်သမားဆီမှာ အိမ်ခန်းငှားနေပါတယ်။ အတိတ်မှာလည်း ဒဏ်ရာတချို့ရခဲ့တဲ့ အယ်လီနော် တစ်ယောက် မဲဘွန်းမြို့မှာ ဘဝသစ်တစ်ခုစဖို့ ကြိုးစားတဲ့အခါ ဘယ်လိုအခက်အခဲတွေ ကြုံတွေ့ရမလဲ၊ သူ့သိကျွမ်းခွင့်ရတဲ့ ယောကျာ်းတွေကရော သူ့အပေါ် တကယ်ကောင်းကြသလား၊ မဲဘုန်းမြို့က သူ့မွေးရပ်ထက် ပိုသာတဲ့နေရာဟုတ်မဟုတ်ကတော့ ။

t.me/dramamv/1165

အင်္ဂါဂြိုဟ်ပေါ်ပဲနေချင်တော့တယ် (၂၀၂၃)

IMDB - 6.2/10
Genre - Drama

သူငယ်ချင်းနှစ်ယောက်အကြောင်းရိုက်ထားတဲ့ဒရာမာဇာတ်လမ်းကောင်းလေးပဲဖြစ်ပါတယ်။ပစ်ကယ်စ်ဆိုတဲ့ကောင်မလေးက စန်ထရာလီယာ ဆိုတဲ့မြို့ပျက်တစ်ခုမှာနေထိုင်တဲ့သူပါ။စန်ထရာလီယာ ဆိုတာကတော့ ၁၉၆၂ ခုနှစ်ထဲကမြို့အောက်မှာကျောက်မီးသွေးတွေလောင်ကျွမ်းနေလို့ ၂၀၂၀ ခုနှစ်ထဲကလူဦးရေငါးယောက်ပဲရှိတော့တဲ့မြို့ပျက်တစ်ခုပါ။ဒီမြို့ပျက်ကို ဘရီဇီနဲ့သူ့အမေ နန်စီ ရောက်ရှိလာခဲ့ပါတယ်။ဘရီဇီနဲ့သူ့အမေကအဆင်မပြေတာတွေရှိနေခဲ့ပြီး ဘရီဇီ က ပစ်ကယ်စ် ဆီသွားနေခဲ့ပါတယ်။ဒီလိုနဲ့ပုံစံမတူတဲ့သူငယ်ချင်းနှစ်ယောက်မြို့ပျက်ကအဆင်မပြေမှုတွေကိုကျောခိုင်းပြီးအတူတူထွက်သွားကြတဲ့အကြောင်းလေးကိုရိုက်ပြထားတာပဲဖြစ်ပါတယ်။

t.me/dramamv/1167

ထာဝရထက် တစ်ရက်ပို (၂၀၂၄)

IMDB - 6.3/10
Genre - Romance, Drama

ဘဝမှာခါးသီးတာတွေအများကြီးဖြတ်သန်းခဲ့ပြီးတဲ့လူနှစ်ယောက်ကံကြမ္မာအရနှလုံးသားချင်းဆုံဆည်းသွားကြပြီး ပြည့်စုံတဲ့အချစ်စစ်ကိုခံစားနေရတဲ့အခိုက်အတန့်လေးတွေကို ရိုးရိုးလေးနဲ့ ဒိုင်ယာလော့လှလှလေးတွေနဲ့ဖော်ကြူးထားတဲ့ရိုမန့်စ်ကားလေးပါ၊တစ်ယောက်နဲ့တစ်ယောက်သဘောကျရတဲ့အကြောင်းလေးတွေကိုကဗျာဆန်ဆန်လေးပြောပြလိုက်၊အမူအရာအကြည့်တွေနဲ့ဖော်ပြလိုက်နဲ့ ဇာတ်အိမ်ကအတော့်ကိုရိုးရှင်းပေမဲ့ကြည့်ရင်းရည်းစားလိုချင်လာမဲ့ င်္စိတ်မျိုးရသွားလောက်ပါတယ်။မိုးအေးအေးနဲ့ပြုံးပြီးကြည့်လိုက်ကြပါအုံး။

t.me/dramamv/1169

အလိုမတူဘဲ ကူးစက်ခဲ့တာတွေ၊ မိဘကြောင့် ကူးစက်ခံခဲ့ရသူတွေအတွက် ဝမ်းသာစရာတစ်ခုမလို့ ပြန်လည်မျှဝေလိုက်တာပါ

ဗီဇပြုပြင်နည်းဖြင့် လူသားဆဲလ်များမှ HIV ဗိုင်းရပ်စ်ကို အပြီးတိုင် ဖယ်ရှားနိုင်ခဲ့ပါပြီ

သုတေသီများဟာ CRISPR/Cas9 ဗီဇပြုပြင်နည်းပညာကို အသုံးပြုကာ HIV ကုသမှုတွင် မျှော်လင့်မထားနိုင်သော အောင်မြင်မှုတစ်ရပ်ကို ရရှိခဲ့ကြပါပြီ။လက်ရှိကုထုံးများက HIV ကို ဆက်လက်မပြန့်ပွါးအောင် ဖိနှိပ်ထားရုံသာဖြစ်သော်လည်း၊ ယခုနည်းလမ်းကတော့ HIV-1 DNA ကို ကူးစက်ခံထားရသော လူသား T-ဆဲလ်များမှ အပြီးအပိုင် ဖယ်ရှားနိုင်ခဲ့တာဖြစ်ပါတယ်။

ဓာတ်ခွဲခန်းစမ်းသပ်ချက်များတွင် HIV ရောဂါရှိသူများ၏ ဆဲလ်များကို ပြုပြင်ပြီးနောက် ဗိုင်းရပ်စ်လုံးဝ ကင်းစင်သွားခြင်း၊ ပြုပြင်ထားသော ကိုယ်ခံအားဆဲလ်များဟာ ဗိုင်းရပ်စ် ပြန်လည်ကူးစက်ခြင်းကိုပါ ခံနိုင်ရည်ရှိလာခြင်း နှင့် အဆိပ်သင့်မှု လက္ခဏာ လုံးဝမတွေ့ရှိခြင်း တို့ တွေ့ရှိရပါတယ်။

အမေရိကန်က ကောင်မလေး (၂၀၂၁)

IMDb - 7.1/10
Genre - Drama

မိခင်ဖြစ်သူ ရင်သားကင်ဆာ ဖြစ်လို့ အယ်အေမှာနေရာကနေ တရုတ်ပြည်ကို ပြန်လာခဲ့ရတဲ့ ၁၃ နှစ်အရွယ် ဖန်း ဟာ ထိုင်ဝမ်မှာ နေထိုင်မှုပုံစံတွေနဲ့ အသားကျဖို့ ရုန်းကန်နေရတယ်။ ငယ်ငယ်တည်းက ဝေးခဲ့ရတဲ့ ဖခင်နဲ့ တူတူ ပြန်နေရပေမဲ့ ရောဂါသည် မိခင်နဲ့တော့ ဆက်ဆံရေးတွေ ဆိုးရွားလာခဲ့တယ်။ မိခင်ဖြစ်သူ လီလီ ဟာလည်း ကင်ဆာရောဂါကြောင့် ကိုယ့်ကိုယ်ကို သေလူလို့ သတ်မှတ်ကာ အဆိုးမြင်၊ ဖန်း ကလည်း အမေရိကန်ပဲ ပြန်ချင်ပြီး မိခင်ဖြစ်သူနဲ့ ဘာပြောပြော ကတောက်ကစဖြစ်။ တရုတ်ပြည်မှာ ဆားစ် ကူးစက်ရောဂါတွေ စဖြစ်ပြီး သူတို့ မိသားစု ၄ ယောက် ဘယ်လို ရုန်းကန်ရမလဲဆိုတာကို အဆုံးထိ ကြည့်လိုက်ရအောင်။

t.me/dramamv/1187

စစ်ပြေးမိသားစု (၂၀၂၄)

IMDb - 7.2/10
Genre - Drama

ကနေဒါနိုင်ငံသား ဗီယက်နမ်လူမျိုး စာရေးဆရာမ တင့် ရဲ့ ဆုရစာအုပ်ကို မှီငြိမ်းပြီး ရိုက်ကူးထားတဲ့ ရုပ်ရှင်ပါ။ ဒီရုပ်ရှင်ထဲမှာတော့ ဗီယက်နမ်စစ်ပွဲကြောင့် ပင်လယ်ခရီးကို ဖြတ်သန်းပြီး ကနေဒါနိုင်ငံမှာ ဒုက္ခသည်အဖြစ် ခိုလှုံခဲ့ရတဲ့ တင့် တို့မိသားစုရဲ့ ခရီးကြမ်းအပြင် ကနေဒါနိုင်ငံမှာ ဘဝသစ် ထူထောင်ပြီး နိုင်ငံအသစ်မှာ လိုက်လျောညီထွေနေရပုံတွေ၊ ဘာသာစကားအသစ်တွေ သင်ယူရပုံနဲ့ အတိတ်က ဖြစ်ရပ်တွေကနေ လွတ်မြောက်အောင် ကြိုးစားရပုံကို တင်ဆက်ပေးထားပါတယ်။ ဒုက္ခသည်အဖြစ် လက်ခံပေးခဲ့တဲ့ သူတို့ရဲ့ အလှူရှင် (စပွန်ဆာ) မိသားစုရဲ့ နွေးထွေးကြပုံ၊ ကူညီဖေးမကြပုံအပြင် ဗီယက်နမ်စစ်ပွဲ ပြီးဆုံးတဲ့ကာလမှာ နိုင်ငံရပ်ခြား ထွက်ပြေးခဲ့ကြရတဲ့ ဗီယက်နမ်လူမျိုးတွေရဲ့ အခက်အခဲတွေကို ကြည့်ရှုကြရမှာပါ။

t.me/dramamv/1189

ရူးရူးမိုက်မိုက် အရွယ်များ (၂၀၂၃)

IMDb - 6.3/10
Genre - Action, Crime

အထက်တန်းကျောင်းသားအရွယ်မှာ ရူးရူးမိုက်မိုက်လုပ်ချင်တဲ့သူတွေများပါတယ်။ အထက်တန်းကျောင်းသားလေး(၃)ယောက်ဟာ သူတို့ရဲ့အထက်တန်းကျောင်းဘွဲ့ရတဲ့ညကို ရူးရူးမိုက်မိုက်ဖြတ်သန်းခဲ့တဲ့ဇာတ်ကားပဲဖြစ်ပါတယ်။ယုံကြည်ရတဲ့ညီကိုတွေဖြစ်ဖို့ လျှို့ဝှက်ချက်တွေဖလှယ်ကြမယ်ဆိုပြီးကိုယ်လုပ်ဖူးခဲ့တဲ့အဆိုးဆုံးမကောင်းမှုတွေကိုတစ်ယောက်နဲ့တစ်ယောက် ပြောပြကြဖို့ဆုံးဖြတ်လိုက်ကြတယ်။ တစ်ယောက်ပြီးတစ်ယောက်လူမဆန်တဲ့ လျှို့ဝှက်ချက်တွေကိုထုတ်ပြောကြတယ်။ နောက်ဆုံးကျောင်းသားလေးအလှည့်ရောက်တော့ သူလိမ်ပြောနေတာကိုသိသွားပြီး လူမိုက်တစ်ယောက်ကိုအိမ်သုတ်ဆေးတွေနဲ့ သွားပက်ခိုင်းကြတယ်။အဲဒီလိုနဲ့ (၃)ယောက်သား တစ်ညလုံး လူမိုက်တွေလိုက်တာခံကြရပါတော့တယ်။ ဒီကားလေးမှာ လူကောင်းလူဆိုးဆိုတာတွေဟာ ခွဲခြားမရနိုင်မကြောင်း မကောင်းတဲ့သူနဲ့နေပါများရင် မကောင်းတဲ့လုပ်ရပ်တွေကို လုပ်နိုင်သွားကြောင်းကိုရိုက်ပြထားတာဖြစ်ပါတယ်။

t.me/hanamovie20/4671

အလျင်အမြန်တုန့်ပြန်ခြင်း (၂၀၂၃)

MDL - 7.2/10
Genre - Action

အာဖရိကမှာ လုံခြုံရေးအလုပ်လုပ်နေတဲ့ မာရွှိတုန်းဟာ သမီးဖြစ်သူ ပျောက်သွားတဲ့ သတင်းကို ကြားသိခဲ့ရပါတယ်။ တရုတ်နိုင်ငံကို ပြန်ပြီး သူ့သမီးကို လိုက်ရှာတဲ့အချိန်မှာ ဒုစရိုက်ဂိုဏ်းကြီးတစ်ခုနဲ့ ဆက်နွယ်နေတာ သိလိုက်ရပါတယ်။ သမီးကို ကယ်ဆယ်ဖို့အတွက် မာရွှိတုန်းတစ်ယောက် အန္တရာယ်များစွာနဲ့ ကြုံတွေ့ခဲ့ရပါတယ်။ မိန်းကလေးတွေကို လိမ်လည်ပြီး ငွေချေးတာကနေ တစ်ဆင့် ဒုစရိုက်ဂိုဏ်းတွေရဲ့ လုပ်ငန်းလည်ပတ်ပုံအဆင့်ဆင့်ကို ရိုက်ပြထားတာဖြစ်ပြီး အက်ရှင်ကားပီပီ သွေးထွက်သံယိုများကို ကြည့်ရှုရမှာ ဖြစ်ပါတယ်။ မာရွှိတုန်းတစ်ယောက် သူ့သမီးကို ကယ်နိုင်ပါ့မလား။ ဒုစရိုက်ဂိုဏ်းကြီးကိုရော ရဲတပ်ဖွဲ့ကနေရော အပြတ်ရှင်းနိုင်ပါ့မလား။

t.me/hanamovie20/4675