မကောင်းဆိုးဝါးမြို့တော် (၂၀၂၅)

IMDB - 6/10
Genre - Action, Thriller

စကတ ဟာဆိုရင် လက်မရွံ့လူသတ်သမားတစ်ယောက်ဖြစ်ပြီး ရှင်းဂျို မြို့တော်ရဲ့ ဒဏ္ဍာရီအတိုင်း နတ်ဆိုးဝင်ပူးနေသူလို့လည်းသတ်မှတ်ခံသူတစ်ယောက်ဖြစ်ပါတယ်။ ရှင်းဂျို မြို့တော်တွင် အင်အားချင်းပြိုင်နေသည့် ယာကူဇာဂိုဏ်းကြီးနှစ်ဂိုဏ်းရှိရာ ဇာတ်လမ်းအစမှာပဲ စကတ လက်ချက်နဲ့ ဂိုဏ်းတစ်ဂိုဏ်းဟာ ကိစ္စတုံးခဲ့ရပါတယ်။ ထိုသို့ကိစ္စတုံးအပြီး စကတ တစ်ယောက်ဟာ မိသားစုဘဝလေးကိုအေးအေးချမ်းချမ်းအလုပ်လုပ်ရင်း ဖြတ်သန်းဖို့ဆုံးဖြတ်ကာ လက်မရွံ့လူသတ်သမားအဖြစ်က အနားယူဖို့လုပ်ချိန်မှာတော့ အနားယူခွင့်မပေးလိုတဲ့သူတချို့ဟာ စကတ ရဲ့အေးချမ်းပျော်ရွှင်နေတဲ့မိသားစုဘဝလေးကို ဖျက်ဆီးကာ ၎င်းကိုသတ်ဖြတ်ဖို့ အိပ်မက်ဆိုးသဖွယ်လာခဲ့ပါတယ်။ သာမန်အလုပ်ကလေးတစ်ခုကို ရှာဖို့ ဇနီးဖြစ်သူနဲ့တိုင်ပင်ထားကြတဲ့ စကတ တို့ရဲ့ အိမ်ဂေဟာလေးအတွင်းကို ဘယ်သူဘယ်ဝှာမှန်းမသိတဲ့မျက်နှာဖုံးစွပ်အဖွဲ့တွေ ရောက်လာပြီး သမီးနဲ့ ဇနီးကို ချုပ်ကိုင်ကာ စကတ ကို အလွယ်တကူပဲ သတ်ဖို့လုပ်ပါတယ်။ ဒေသတွင်းသတင်းများမှာတော့ ဇနီးဖြစ်သူနှင့် သမီးကို ပစ်သတ်ကာ ကိုယ့်ကိုယ်ကိုယ်သေကြောင်းကြံစည်တဲ့ စကတ အကြောင်းဟာ ဟိုးလေးတကြော်ဖြစ်ခဲ့ပြီး လူသတ်မှုနှင့် ထောင်ကျခဲ့ရပါတယ်။ ထိုဖြစ်စဉ်အပြီး ၁၂ နှစ်အကြာ ထောင်ကထွက်လာတဲ့ စကတ ဟာ သေနတ်ဒဏ်ရာကြောင့် ဦးနှောက်သေသလိုဖြစ်နေခဲ့ပေမဲ့ ထောင်ထွက်ဖြစ်သူ ၎င်းထံ အပြတ်ရှင်းဖို့ မျက်နှာဖုံးစွပ်များ အလျှိုအလျှိုရောက်လာချိန်မှာတော့ ဒဏ်ရာရလျက်သားနဲ့ လက်စားချေဖို့အခွင့်ကြုံလာပါတော့တယ်။

t.me/gwmmupl/5007

ကံစမ်းချင်ရင်

https://t.me/mlbbupdatenew/773

သူခိုးသုံးဖော်နှင့် ဂန်းစတားကြီး (၂၀၂၄)

IMDB - 6.8/10
Genre - Action, Comedy, Crime

ညီအစ်ကိုသုံးယောက်ရှိတယ်။ အစ်ကိုကြီး က ကွာရှင်းခံထားရပြီး သမီးလေးကိုပါ အုပ်ထိန်းခွင့်မရတဲ့ ငွေမရှိတဲ့သူ၊ အလတ် က လိမ်စားညာစား ငတေငပွေ၊ အငယ်ဆုံး က ကျောင်းပြီးဖို ရရာအလုပ်လုပ်ရင်း ကြပ်တည်းနေတဲ့လူ။ ဒုက္ခညီအစ်ကို ၃ ယောက်ပေါ့။ ငွေမရှိကြသလို ငွေကလည်း အရေးတကြီးလိုနေကြတဲ့သူတွေဖြစ်နေတော့ သူတို့တေ သူဌေးအိမ် က တီဗီတစ်လုံး ခိုးဖိုသွားကြတယ်။ အဲဒီတီဗီဈေးကလည်း သန်းနဲ့ချီနေတော့ ငပွေ အလတ် ရဲ့ အစီအစဉ်ထဲ ခက်ခဲနေတဲ့ ကျန်တဲ့ ညီအစ်ကိုနှစ်ယောက် ပါလာခဲ့တယ်။ ဒါပေမဲ့ သူတို့သွားခိုးတာက ဂန်းစတားကြီး အိမ်ဖြစ်နေတဲ့နောက် ဘာတွေဆက်ဖြစ်လာမလဲ ဟာသတစ်ပုံပင်နဲ့ ကြည့်ရမယ့် အင်ဒိုနီးရှားရုပ်ရှင်ပါ။

t.me/gwmmupl/5025

မြတ်နိုးရသော အနုပညာ (၂၀၀၄)

IMDB - 7.1/10
Genre - Drama, Melodrama

ထရမ်းပတ်တီးတဲ့သူ ဟျွန်းအူ ကတော့ ဂီတကို တန်ဖိုးထားပြီး ပိုက်ဆံကြောင့် ဂီတကို လုပ်တာမျိုး မဖြစ်စေရဘူးဆိုတဲ့ သဘောတရားကို လက်ခံထားတဲ့သူ ဖြစ်ပါတယ်။ သို့ပေမဲ့ အလုပ်အကိုင်အတည်တကျ မရှိတဲ့အခြေအနေမှာတော့ သူ့အတွက် နေထိုင်စားသောက်ဖို့တင်မက လူမှုရေးအပိုင်းတွေမှာ လိုအပ်ချက်တွေရှိလာပြီး ရှင်သန်ရတဲ့ဘဝကြီးက ပင်ပန်းလာနေခဲ့တယ်။ ဘဝကြီးကို ပြန်လည်စတင်ဖို့အတွက် ဟျွန်းအူ ဟာ ကျေးလက်မြို့လေးဖြစ်တဲ့ ဒိုဂယ်က အလယ်တန်းကျောင်းတစ်ခုရဲ့ လေမှုတ်တူရိယာအဖွဲ့ဆရာအဖြစ် အလုပ်လျှောက်ဖို့ ဖြစ်လာခဲ့ပါတယ်။ ဒိုဂယ်အလယ်တန်းကျောင်းက လေမှုတ်တူရိယာအဖွဲ့က ကလေးလေးတွေကတော့ ပြိုင်ပွဲမှာ ဆုရချင်လို့ ကြိုးစားနေကြပေမဲ့ ကျေးလက်မြို့လေးက အဖွဲ့ဖြစ်တဲ့အလျောက် ကလေးတွေမှာလည်း လိုအပ်ချက်တွေများစွာရှိနေတာကို တွေ့ခဲ့ရတယ်။ တခြားနေရာမှာ ဒေါသကြီးပေမဲ့ ကလေးတွေအပေါ်မှာတော့ အလိုလိုက်ပြီး ချစ်ခင်ပေးတတ်တဲ့ ဟျွန်းအူ က ဆိုးလ်မြို့ကနေလာခဲ့တဲ့ ဆရာကို သဘောကျအထင်ကြီးနေကြတဲ့ ကလေးတွေနဲ့တွေ့ပြီး ဘယ်လိုဦးဆောင်ကြီးကြပ်သွားမလဲ။ ဟျွန်းအူ ရဲ့လမ်းပြမှုအောက်မှာ တကယ်ပဲ တိုးတက်လာကြပြီး ပြိုင်ပွဲမှာ ဆုရသွားမလား။ ဟျွန်းအူ ရဲ့ဘဝကရော ဘယ်လိုတွေဖြစ်သွားမလဲ။

t.me/dramaworld001/6112

ပြန်လည်ပြင်ဆင်ခွင့် (၂၀၁၅)

IMDB - 6/10
Genre - Mystery, Thriller

အွန်းဂျင် ဆိုတဲ့ မိန်းကလေးက ငယ်ငယ်ကတည်းက ထားခဲ့သမျှ ရည်းစားတွေရဲ့ သစ္စာဖောက်မှုတွေကို ခံခဲ့ရပြီး အချစ်ရေးနဲ့ပတ်သက်လို့ ကံဆိုးတဲ့ မိန်းကလေးတစ်ယောက်ပါ။ အသက် ၃၀ ရောက်ပေမဲ့ ချစ်သူရယ်လို့ အတည်တကျမရှိခဲ့ဖူးပေါ့။ အဲဒီလို အချစ်ရေးနဲ့ပတ်သက်ပြီး ကံဆိုးနေတဲ့အချိန် ဟျွန်းဆော့ ဆိုတဲ့သူနဲ့ စတွေ့ဖြစ်ခဲ့တယ်။ ဟျွန်းဆော့ ကတော့ သူ့အပေါ်လည်းကောင်းတယ်၊ အလုပ်အကိုင်လည်း အတည်တကျရှိတော့ နှစ်ယောက်သား လက်ထပ်ဖို့အထိပါ စီစဉ်လိုက်ကြတာပေါ့။ ဒါပေမဲ့ တစ်ရက်မှာ ဟျွန်းဆော့ ဆီ မိန်းမတစ်ယောက် မက်ဆေ့ချ်ပို့တာကို မြင်လိုက်ပြီး သူ့အပေါ် သစ္စာဖောက်နေတာလားလို့ သံသယ စဝင်လာတော့တယ်။ ဒီလိုနဲ့ အွန်းဂျင် က ဟျွန်းဆော့ ကို နောက်ယောင်ခံလိုက်ရင်း သူမသိသေးတဲ့ ဟျွန်းဆော့ ရဲ့ အမှောင်ဘက်အခြမ်းကိုပါ စပြီး သိလာရတော့တာပါပဲ။ ဒီဇာတ်ကားက ကြည့်ရင်းနဲ့ ရယ်လည်း ရယ်ရ၊ ကြောက်ဖို့လည်းကောင်းနဲ့ ခံစားချက်အစုံ ပေးနိုင်မဲ့ကားလေးမို့လို့ ညွှန်းလိုက်ပါတယ်နော်။

t.me/gwmmupl/5027

ပြစ်မျိုးမှဲ့မထင် (၁၉၉၉)

IMDB - 6.4/10
Genre - Comedy, Thriller

ဝေါ့ ဟာ လုံခြုံရေးဝန်ထမ်းအဖြစ်အလုပ်လုပ်ခဲ့ဖူးပြီး၊ တိုက်ထဲမှာဖြစ်ပျက်ခဲ့တဲ့ မတော်တဆမှုတစ်ခုကြောင့် ခန္ဓာကိုယ်တခြမ်းလေဖြတ်သွားခဲ့ပါတယ်။ သူ့ရဲ့ ကျန်းမာသန်စွမ်းတဲ့ ခန္ဓာကိုယ်ကိုဆုံးရှုံးခဲ့ပြီးနောက် စိတ်ဓာတ်ကျနေတဲ့ ဝေါ့ ဟာ စကားတောင် ပြီးပြင်ပြင်မပြောနိုင်တော့တာကြောင့် သူ့ရဲ့တိုက်ခန်းမှာနေတဲ့ သူနဲ့အစေးမကပ်တဲ့ ဆေးရောင်းတဲ့အမျိုးသမီး တစ်ယောက်ဆီမှာ သီချင်းဆိုလေ့ကျင့်ဖို့အကြောင်းဖန်လာပါတော့တယ်။ ရှေးရိုးစွဲအမျိုးသားတစ်ဦးနဲ့ ဖျော်ဖြေရေးမိန်းမရှာတို့ရဲ့ကမောက်ကမဆက်ဆံရေးနဲ့ သူတို့တိုက်ထဲမှာဖြစ်ပျက်နေတဲ့မှုခင်းအရှုပ်ထုပ်တွေကို ရီစရာဟာသလေးတွေနဲ့ စိတ်ဝင်စားဖို့ကောင်းအောင်ရိုက်ကူးတင်ဆက်ထားတဲ့ ဇာတ်လမ်းလေးပဲဖြစ်ပါတယ်။

t.me/cartoonbynikko/804

စွဲလမ်းမိတဲ့ တောင်တန်းပေါ်ကအချစ်တစ်ခု (၂၀၀၅)

IMDb - 7.7/10
Genre - Romance

ချစ်သူနဲ့လက်ထပ်ဖို့ စရိတ်စကရအောင် ဘရုတ်ဘတ် တောင်ပေါ်မှာ အလုပ်လုပ်မယ့် အန်းနစ် နဲ့ အဖေနဲ့အတူလုပ်ရတာ အဆဲပဲခံနေရလို့ လာလုပ်တဲ့ ဂျက် တို့ဟာ ဘရုတ်ဘတ် တောင်ကြီးပေါ်မှာ သိုးတွေကို စောင့်ရှောက်ဖို့ အတူတူအလုပ်လုပ်ဖြစ်ကြပါတယ်။ စကားနည်းလွန်းတဲ့ အန်းနစ် နဲ့ ဂျက်ခ် တို့ဟာ အစမှာခပ်စိမ်းစိမ်းဖြစ်နေပေမဲ့လည်း သူ့ဘဝ ကိုယ့်ဘဝအကြောင်းတွေ ပြောရင်း ရင်းနှီးလာကြတာပါပဲ။ ဘရုတ်ဘတ် တောင်ကြီးပေါ်မှာ လေတွေနှင်းတွေ ဝေတဲ့ညတစ်ခုမှာတော့ ကမ္ဘာကြီးရဲ့ သဘာဝထဲက သမားရိုးကျမဟုတ်တဲ့ လိင်ဆက်ဆံမှုတစ်ခုကို ပြုမိမှားခဲ့ကြပါတယ်။ ထိုခေတ်ထိုကာလအရ လိင်တူချစ်သူတွေကို နှိပ်စက်သတ်တဲ့အထိပါ လုပ်တတ်တာတွေကို မျက်မြင်ကိုယ်တွေ့ မြင်ဖူးကြုံဖူးတာကြောင့်မိုက်ရူးရဲဆန်ဆန်ရှေ့ဆက်ဖို့ မဝံ့တဲ့ အန်းနစ် ဟာ ဒီအမှားကို ခဏအမှားလို့ပဲဆုံးဖြတ်ခဲ့ပါတယ်။ မိန်းမတွေ၊ ကလေးတွေရပြီးပေမဲ့ ခံစားချက်တွေ၊ အာသာတွေကို မလွန်ဆန်နိုင်တဲ့အခါ သူတို့ဒီ ဘရုတ်ဘတ် တောင်ကြီးဆီ ထပ်ထွက်ခဲ့ကြတာပါပဲ။ နှစ်တိုင်းလို ဆုံကြတွေ့ကြရင်း ကာလအတော်ကြာ ဖြတ်သန်းခဲ့ကြပေမယ့် စိတ်ရှိတိုင်း ရွေးချယ်ခွင့်မရတဲ့ ဘဝထဲမှာ ကစဉ့်ကလျားတွေ ဖြစ်လာတဲ့အခါ။

t.me/dramamv/1135

ဒုက္ခတွင်းမှ လွတ်မြောက်ရာ (၂၀၂၂)

IMDb - 6.3/10
Genre - Action, Thriller

အေဘရာဟင်လင်ကွန်းခေတ် မတိုင်ခင်အထိ အမေရိကန်နိုင်ငံရဲ့ လူဖြူ၊ လူမဲခွဲခြားတဲ့ စနစ်ဆိုးကြီးက အတော်ကို အမြစ်တွယ်ခဲ့ပြီး ယနေ့ထက်တိုင် စနစ်ရဲ့အရိပ်က ကပ်ပါနေဆဲပါ။ ဒီလို လူတန်းစား ခွဲခြားရေးဝါဒီ ထောက်ခံရေးနဲ့ တိုက်ဖျက်ရေးဝါဒီတွေ ထိပ်တိုက်တွေ့ဆုံခဲ့တဲ့ ၁၈၆၀ ပြည့်နှစ်တွေဟာ စနစ်ရဲ့ဖိနှိပ်မှုကို ကာပြန်ခဲ့တဲ့ လူမည်းတွေလည်း များစွာရှိခဲ့ပါတယ်။ဒီဇာတ်ကားက အခုလိုမျိုးရုန်းထွက်ခဲ့ကြသူတွေထဲက ပီတာ ဆိုတဲ့ လူမည်းကျွန်တစ်ယောက်ရဲ့ ဖြစ်ရပ်မှန်မှတ်တမ်းကို ပုံဖော်ရိုက်ကူးထားတာပါ။လူဝီစီယားနား ပြည်ရှိ လူမည်းအလုပ်သမားစခန်းမှ အလုပ်သမားတွေဟာ ဖိနှိပ်၊ နှိပ်စက်ခံရမှုတွေကြားက လင်ကွန်း ရဲ့ နေးတစ်ဂတ် ရှိရာ ဘေတန်ရုဂ် မြို့ကို ထွက်ပြေးဖို့ ပီတာ တို့အလုပ်သမားတစ်စု ကြိုးစားကြပါတယ်။နွံအိုင်ပတ်လည် ဝိုင်းနေတဲ့ စခန်းဖြစ်သလို ထွက်ပြေးသူတွေရှိရင် လိုက်ဖမ်းဖို့ မြင်းစီးမုဆိုးတွေနဲ့ အမဲလိုက်ခွေးတွေပါ အသင့်ရှိနေလို့ လွတ်ဖို့ဆိုတာ အတော်မလွယ်ကူတဲ့နေရာမျိုးပါ။ ဒီလိုနေရာကနေ ပီတာ တို့ လူတစ်စု စခန်းမှ ထွက်ပြေးလာပါတော့တယ်။

t.me/cartoonbynikko/808

လောကဓံကို အံတု၍ (၂၀၁၀)

IMDb - 6.7/10
Genre - Romance, Drama

နယ်မြို့လေးတစ်မြို့မှာ ကြိုးစားရုန်းကန်နေတဲ့ လူငယ်လေး(၃) ယောက်နဲ့ အိမ်ရှင်မိန်းမကြီးတစ်ယောက်အကြောင်း ဒရာမာလေးဖြစ်ပါတယ်။

ပီကင်းအော်ပရာ ဇာတ်အဖွဲ့ဝင်ဟောင်းဆရာမ ချန် ဟာ ခင်ပွန်းဆုံးသွားပြီးနောက်ပိုင်းတစ်ယောက်ထဲ အထီးကျန်တဲ့ဘဝကို ဖြတ်သန်းရင်း တစ်နေ့မှာ သူ့ရဲ့အိမ်ခန်းကို ငှားဖို့ဆုံးဖြတ်လိုက်တယ်။ မရေရာတဲ့အနာဂတ်တွေနဲ့ လူငယ်လေး(၃) ယောက်က သူ့ရဲ့အိမ်မှာ လာငှားနေကြတယ်။ ရှေးရိုးဆန်ပြီး အထီးကျန်နေတဲ့ ဂွကျတဲ့မိန်းမကြီးတစ်ယောက်နဲ့ ဘဝကို ဖြစ်သလို ကျော်ဖြတ်ရင်း ဝေဝေဝါးဝါးဖြတ်သန်းနေတဲ့ လူငယ်လေးတွေဟာ ကမောက်ကမနဲ့ သံယောဇဉ်တွေ ဖြစ်ပြီး အတူနေထိုင်ရင်း လောကဒဏ်ကို ကိုယ့်နည်းကိုယ့်ဟန်နဲ့ ခုခံပြီး ဖြတ်သန်းကြတဲ့ ဒရာမာလေးဖြစ်ပါတယ်။

t.me/gwmmupl/5031

ခြံစည်းရိုးက အပေါက် (၂၀၂၁)

IMDB - 6.2/10
Genre - Thriller, Drama

ဒီ ဇာတ်ကား လေးကတော့ ချမ်းသာတဲ့မိသားစုကနေ ဆင်းသက်လာတဲ့ ကျောင်းသားလေး တွေက လော့စ်ပီနို လို့ခေါ်တဲ့ နွေရာသီ ဘာသာရေးစခန်း တစ်ခုကို လာရောက်ကြတဲ့အကြောင်းပဲဖြစ်ပါတယ်။ လော့စ်ပီနို ဟာ မြို့ပြင်မှာ သီးခြားတည်ရှိတဲ့ စခန်းတစ်ခုဖြစ်ပြီး သူ့ရဲ့ပတ်ဝန်းကျင်မှာတော့ ချို့တဲ့သော လူတန်းစားတွေ နေထိုင်ကြတာပဲဖြစ်ပါတယ်။ စခန်းရဲ့ ရည်ရွယ်ချက်ကတော့ ငယ်ရွယ်တဲ့ ကောင်လေး တွေကို ယောက်ျားတစ်ယောက်အဖြစ် ပြောင်းလဲပေးဖို့ပါပဲ။ တစ်နေ့မှာတော့ ကျောင်းသား တွေဟာ စခန်းထဲမှာ ကွင်းဆင်းလေ့လာနေရင်း စခန်းကိုကာရံထားတဲ့ ခြံစည်းရိုးကို တစ်ယောက်ယောက်က အပေါက်ဖေါက်ထားတာကို တွေ့မိကြပါတယ်။ ဒီအဖြစ်အပျက်ကနေစလို့ ပိုပြီးထူးဆန်းတဲ့ အဖြစ်အပျက်တွေ တစ်ခုပြီးတစ်ခု ဖြစ်လာတဲ့အခါမှာတော့ စခန်းပတ်ဝန်းကျင်ရဲ့ အခြေအနေအမှန်တွေ၊ ဆရာ တွေရဲ့ ရည်ရွယ်ချက်အမှန်တွေ တဖြည်းဖြည်း ပေါ်ပေါက်လာတာကို စိတ်ဝင်တစား ကြည့်ရှုရမှာပါ။ ဘာသာရေး နဲ့ သက်ဆိုင်တဲ့ ဇာတ်လမ်းတွေကို နှစ်ခြိုက်သူတွေနဲ့ ဆယ်ကျော်သက်ဘဝ ဇာတ်လမ်းတွေကို သဘောကျတဲ့သူတွေအတွက် ကြည့်ရှုသင့်တဲ့ ဇာတ်ကားကောင်း တစ်ကားပဲဖြစ်ပါတယ်။

t.me/horrormm1/2593

မိန်းမသတ္တိခဲများ (၂၀၂၃)

IMDB - 6/10
Genre - Action, Thriller

ဘဝရယ်လို့ ဖြစ်တည်လာပြီဆိုရင် ရွေးချယ်မှုမလုပ်ရတဲ့ လူရယ်လို့ မရှိပါဘူး။ ဒါပေမဲ့ တချို့လူတွေရဲ့ အမှောင်ကျနေတဲ့ဘဝမှာတော့ ရွေးချယ်မှုဆိုတဲ့ စကားလုံးဟာ ကိုယ်တိုင်မသိလိုက်ခင်ကတည်းက ပျောက်ရှနေခဲ့ပါပြီ။ ကံဆိုးမှုလို့ အဓိပ္ပာယ်ရတဲ့ နာမည်ကို ပိုင်ဆိုင်ထားတဲ့ ဘီ ဆိုတဲ့ ကောင်မလေးဟာ နာမည်စီးနေတယ်လို့ ထင်မှတ်ရလောက်အောင် ကံခေလွန်းတဲ့သူ ဆိုလည်း မမှားပါဘူး။ မိန်းမမြင်ရင် လိင်ကျွန်လောက် ထင်ကြတဲ့ ယောက်ျားသားတွေ ကြီးစိုးရာမှာ မိန်းမရွှင်တစ်ယောက်ရဲ့ သမီးဖြစ်ရတဲ့ ဒုက္ခဟာ ပြောစရာမလိုအောင် အမှောင်ကျနေခဲ့တာပေါ့။ ဒီလိုနဲ့ ယုတ်မာတဲ့ တဏှာရူးလက်ချက်နဲ့ အမေကိုရော အိမ်ကိုပါ ဆုံးရှုံးခဲ့ရတဲ့ ဘီ တစ်ယောက် အိမ်ခြေရာမဲ့ဘဝနဲ့ လမ်းလေးရောက်တော့ လိင်စိတ်နားထင်ရောက်နေတဲ့ ကျားခံတွင်းပျက်‌တစ်သိုက်နဲ့ တွေ့ရင်း ဘဝပျက်လုဆဲဆဲမှာ သူ့ဘဝရဲ့အလင်းရောင်သဖွယ်ရောက်လာခဲ့တဲ့ ကယ်တင်ရှင် ဂျက်ကွာလင်။ ဂျက်ကွာလင် နဲ့အတူ လိုက်သွားရာကနေ တွေ့ဆုံခင်မင်ခဲ့တဲ့ ဟုန် နဲ့ ထန် ဆိုတဲ့ ဘဝတူ မိန်းကလေး ၂ ယောက်နဲ့အတူ ဆုံရင်းနဲ့မှ မျှော်လင့်ချက်ရောင်ခြည်လေးကို မြင်လိုက်ရတဲ့ ဘီ။ ဂျက်ကွာလင် ရဲ့ လေ့ကျင့်သင်ကြားပေးမှုနဲ့ မိန်းကလေးတွေကို အညှာအတာကင်းမဲ့စွာနဲ့ ရောင်းစားနေတဲ့ လူမိုက်ဂိုဏ်းနဲ့ သူမတို့ ၃ ယောက် ရင်ဆိုင်ရဖို့ ဖြစ်လာတဲ့အခါမှာတော့ ယုံကြည်ရာတစ်ခုအတွက် အသက်ကို စတေးကြမဲ့ သူမတို့ ၃ ယောက်နဲ့ ရွေးချယ်မှုတိုင်းအတွက် ပေးဆပ်ရမဲ့ တန်ကြေး ကိုယ်စီရှိနေတဲ့အခါမှာတော့ ဘာတွေ ဘယ်လို ဆက်ဖြစ်ကြမလဲ

t.me/msubmovie0/3432

တက်လမ်း တွေနဲ့ လူငယ်တစ်ဦး (၁၉၇၆)

IMDB - 7.4/10
Genre - Thriller, Action

အဖေ ရဲ့ နာမည်ဆိုးကို ချေဖြတ်ပေးချင်တဲ့ ကောင်လေး။ ချစ်လို့ကောင်းတုန်း အရွယ်။ တက်သစ်စအရွယ်။ အဖေ အကြောင်းကို အပြောမခံတဲ့ စီးပွားရေးလုပ်ငန်းရှင် အကိုကြီး။ နာဇီ လူသတ်ကောင် ဆေးလ်။ ကောင်လေး ရဲ့ တစ်ဦးတည်းသော အစ်ကို ယူလာတဲ့ ပြဿနာတွေက သူ့ရဲ့ ဘဝကို ဘယ်လို တစ်ဆစ်ချိုး ပြောင်းလဲသွားစေမှာလည်း ဆိုတာတော့ ဒီ ဇာတ်လမ်း လေးကို စောင့်ကြည့်ပေးပါ။

t.me/cartoonbynikko/812

ခွေးတစ်ကောင်၏သစ္စာ (၂၀၁၉)

IMDB - 7.4/10
Genre - Drama, Adventure

လူတစ်ယောက်ဟာ ခွေးလေးတစ်ကောင်မရှိရင် မပျော်ရွှင်နိုင်ဘူးလို့ ဆိုကြပါတယ်။ ဒီကားမှာတော့ သခင်ကို သစ္စာရှိစိတ် ပြင်းထန်လွန်းတဲ့ ခွေးလေး ဘေလီ အကြောင်း ရိုက်ကူးထားတာပဲ ဖြစ်ပါတယ်။ အီသန် နဲ့ ဟန်နာ တို့မှာ သိပ်ချစ်ရတဲ့ ဘေလီ ဆိုတဲ့ ခွေးလေးတစ်ကောင်ရှိပါတယ်။ အရမ်းကို အရိပ်အကဲသိလွန်ပြီး လိမ့်မ့်တဲ့ ခွေးလေးပါ။ သူတို့ဟာ သားဖြစ်သူ ဟင်နရီ ဆုံးပါးသွားတဲ့အခါမှာ ချွေးမ ဂေလောရီယာ နဲ့ မြေးလေးဖြစ်သူ စီဂျေ တို့နဲ့ အတူ နေထိုင်လာရင်းနဲ့ တစ်ရက်မှာတော့ ချွေးမက အထင်လွဲစိတ်ဆိုးပြီး စီဂျေ ကိုပါ ခေါ်ကာ အိမ်ပေါ်ကဆင်းသွားပါတော့တယ်။ အီသန် နဲ့ ဟန်နာ လည်းရင်တွေကွဲပြီးကျန်ခဲ့ရပါတယ်။ အဲဒီလိုနဲ့နေနေလာရင်းနဲ့ ဘေလီ လေး နေမကောင်းဖြစ်လာပြီးတော့ တစ်စတစ်စရောဂါသည်းရင်း ဆုံးပါးတော့မယ့် အချိန်မှာတော့ သခင်ဖြစ်သူ အီသန် က တောင်းဆိုမှုတစ်ခုလုပ်ခဲ့ပါတယ်။ အဲဒါကတော့ စီဂျေ လေးကိုစောင့်ရှောက်ကာကွယ်ပေးပြီး အတူတူပြန်ဆုံနိုင်အောင် ကူညီပေးဖို့ပါပဲ။ သခင်ရဲ့အမိန့် သခင်ရဲ့စိတ်ဆန္ဒကို ဖြည့်ဆည်းပေးချင်လွန်တဲ့ ဘေလီ လေးဟာ နောက်ဘဝမှာ ခွေးအဖြစ်နဲ့ပဲ ပြန်လာပြီးတော့ သူစောင့်ရှောက်ပေးရမယ့် စီဂျေ လေးကို လိုက်ရှာပါတယ်။ အီသန် ကိုလည်းတခြားဘဝမှာတောင် သူမှတ်မိနေပြီး သူ့သခင်ရဲ့ စိတ်ဆန္ဒကို မဖြည့်ဆည်းပေးရမှချင်း သူ့ခရီးမပြီးဆုံးသေးဘူး ဆိုတဲ့စိတ်နဲ့ပဲ သစ္စာရှိရှင်သန်နေခဲ့ပါတယ်။ သူ့သခင်ရဲ့စိတ်ဆန္ဒကို သူဖြည့်ဆည်းပေးနိုင်ပါ့မလား။ အီသန် ကရော တစ်ဖန်ဝင်စားလာတဲ့ ခွေးလေးကို သူ့ခွေးလေး ဘေလီ မှန်းမှတ်မိပါ့မလား ဆိုတာကို ဒီကားမှာကြည့်ရှုရမှာပဲဖြစ်ပါတယ်။ ဘဝတွေအဆက်အဆက်ကျော်ဖြတ်ပြီး သခင်စိတ်ဆန္ဒကိုဖြည့်ဆည်းပေးတဲ့ ခွေးလေး ဘေလီ ကို ချစ်ခင်ဖွယ်။ သနားဖွယ် စိတ်ထိခိုက်ဖွယ် ကြည့်ရှုရမှာပါ။ မျက်ရည်ခိုင်မှကြည့်ဖို့တော့ အကြံပြုချင်ပါတယ်။

t.me/dramamv/1153

ကျနော့်မိန်းမအကြောင်း (၂၀၂၅)

ကလေးမရဘဲ အိမ်ထောင်သက်ကြာလာတာနဲ့အမျှ အိမ်ထောင်ရေးမှာမပျော်တော့တဲ့ ဒွန် တစ်ယောက် ကိုယ့်ဘက်ကစပြီး လမ်းမခွဲချင်တာကြောင့် သူ့မိန်းမ အီမို က သူ့ကိုထားသွားအောင် မြူဆွယ်ပေးဖို့ လူရှုပ်လူပွေ မီဂဲလ် ကို လုပ်ခိုင်းခဲ့ပါတယ်။ ဒါပေမဲ့ အီမို နဲ့ မီဂဲလ် ကြားတွယ်တာမိလာတာနဲ့အမျှ ဒွန် ရဲ့ အီမို အပေါ်ထားတဲ့ အမြင်နဲ့ သဘောထားတွေကလည်း ပြောင်းလဲလာခဲ့ပါတယ်။ ခင်ပွန်းတစ်ယောက်အနေနဲ့ အဆိုးရွားဆုံးအမှားကြီးတစ်ခု ကျူးလွန်မိပြီဆိုတာ ဒွန် သိလိုက်ရချိန်မှာတော့ အီမို ကို ပြန်ရအောင် မရမက ကြိုးပမ်းပါတော့တယ်။

t.me/hanamovie20/4653