အဖွားနှင့်အတူလမ်းလျှောက်ခြင်း (၂၀၁၈)

IMDb - 6.8/10
Genre - Drama, Comedy

ငါးဖမ်းသမားဖြစ်ဖို့ ကြိုးစားနေတဲ့ ယာမာတို ဆိုတဲ့ အမျိုးသားက ချစ်သူ နတ်ဆုမိ ကို အိမ်ထောင်ပြုဖို့ ခွင့်တောင်းခဲ့ပါတယ်။ နတ်ဆုမိ ဟာ သူနဲ့အတူ မင်္ဂလာလျှောက်လမ်းမှာ လက်တွဲလျှောက်သွားရမယ့်သူကို ဖခင်ဖြစ်သူအစား အဘွားဖြစ်သူကို ဖြစ်စေချင်ပါသတဲ့။ အဘွားကတော့ မတော်တဆချော်လဲပြီး ခြေထောက်ကျိုးလို့ သက်ကြီးစောင့်ရှောက်ရေးမှာ နေနေတာပါ။ နတ်ဆုမိ ရဲ့ မိဘနှစ်ပါးစလုံးက အလုပ်လုပ်ကြတာကြောင့် အိမ်မှာပဲ အဘွားရဲ့ ပြုစုပျိုးထောင်မှုအောက်မှာ ကြီးပြင်းလာခဲ့တာပါ။ ကျောင်းပထမဆုံးတက်တဲ့နေ့မှာ အဘွားပဲ လိုက်ခဲ့သလို မင်္ဂလာဆောင်တဲ့အချိန်မှာလည်း အဘွားကို အတူရှိနေစေချင်တာပါ။ အဘွားကိုပဲ အမြဲဂရုစိုက်နေရတဲ့အတွက်ကြောင့် နတ်ဆုမိ နဲ့ ယာမာတို ကြားမှာလည်း အငြင်းပွားပြီး လက်မထပ်တော့ဖို့ နတ်ဆုမိ တွေးမိပြန်ပါတယ်။ အဲဒီနောက် ဘာတွေဆက်ဖြစ်မလဲဆိုတာကိုတော့ ကားလေးထဲပဲ ဆက်ကြည့်လိုက်ကြပါဦးနော် ။ အဘွားချစ်တဲ့ မြေးတွေအတွက်တော့ ဒီကားလေးဟာ မျက်ရည်ဝဲစေမှာ အမှန်ပါပဲ။

t.me/dramamv/1099

သေလိုက်တာကပိုကောင်းမလား (၁၉၈၅)

IMDb - 7/10
Genre - Comedy, Romance

ဒီကားလေးကတော့ 1985 တုန်းက ထွက်ထားတဲ့ Romance/Comedy ကားလေးဖြစ်ပါတယ်။ Romance/Comedy ဆိုပေမဲ့ comedy ဘက်ကို ပိုသွားလို့ ပေါ့ပေါ့ပါးပါး ကြည့်လို့ရတဲ့ကားလေးပါ။ ထွက်ထားတာကြာပြီဆိုပေမဲ့လည်း တော်တော်လေး ရီရတဲ့ကားလေးပါ။

လိန်းမိုင်ရာ က ကောင်မလေးပစ်တာခံရပြီးတော့ စိတ်ဓာတ်ကျနေတဲ့ လူငယ်တစ်ယောက်ပါ။ သူက သူ့ကိုသူ အဆုံးစီရင်ဖို့ ခနခန ကြိုးစားရင်း မအောင်မြင်တာနဲ့ နောက်ဆုံး ကောင်မလေးကို ပြန်ရအောင် လုပ်ရင်းနဲ့ ဘယ်လို တလွဲတွေ ဖြစ်မလည်း၊ နောက်ဆုံး ကောင်မလေးနဲ့ ရော ပြန်အဆင်ပြေသွားမှာလား? ဆိုတာကို ဟာသနှောပြီး ရိုက်ထားတဲ့ကားလေးဖြစ်ပါတယ်။

t.me/cartoonbynikko/778

ရေကန်ထဲက မကောင်းဆိုးဝါး (၂၀၂၂)

သမီးလေးကို ခရီးဆောင်အိတ်ထဲ ဝှက်သယ်လာတဲ့သူမ၊ မြို့ပြကနေ တောင်တန်းဒေသကို ရောက်လာတဲ့အခါ အေးမြတဲ့ လေညှင်းတွေ၊ လှပတဲ့ ရှုခင်းတွေ ဆီးကြိုနေမယ်လို့ ထင်ခဲ့ပေမဲ့ သူမရဲ့ မှန်းချက်နဲ့ မကိုက်တဲ့ ဒေသ၊ သူမ ရောက်ရောက်ချင်း ရေကန်ထဲကနေပေါလောပေါလော ကြိုနေတဲ့ အလောင်းတစ်ခု။ အိတ်ထဲမှာ ဝှက်လာတဲ့ စပ်စုချင်တဲ့ သမီးလေးရယ်၊ အိမ်အိုကြီးထဲမှာ အလုပ်လုပ်ဖို့ ရောက်လာတဲ့ သူမတို သားအမိနဲ့ သရဲတွေ ဖြတ်ပြေးနေတဲ့ စကြံတွေနဲ့ အိမ်တစ်လုံး၊ ရေကန်ထဲက သေနေတဲ့ အလောင်းနဲ့ အိမ်အိုကြီးရဲ့ ပတ်သက်မှုက ခြောက်ခြားဖွယ်ဇာတ်အိမ်အသစ်ရဲ့ အရသာအသစ်ကို ပေးစွမ်းထားတဲ့ ဇာတ်ကားတစ်ကားလို ဆိုရမှာပါ။

t.me/horrormm1/2513

မမြင်နိုင်သောပစ်မှတ် (၂၀၀၇)

IMDb - 6.7/10
Genre - Action, Crime

ဇာတ်လမ်းအစပိုင်း အမျိုးသမီးတစ်ယောက် လက်ထပ်လက်စွပ် ဝယ်နေတယ်၊ သူနဲ့မလှမ်းမကမ်း လမ်းမပေါ်မှာ ဘဏ်ရဲ့ လုံခြုံရေးထရပ်ကားတစ်စီးက လမ်းပိတ်လို့ ရပ်နေတယ်။ သိပ်မကြာခင်မှာပဲ လူတစ်ယောက်က ကားကို ဗုံးတစ်လုံးကပ်လိုက်တယ်။ ရှေ့ရော နောက်ရောမှာ ဗုံးတွေ ထပ်ကပ်လိုက်တယ်။ နောက်မှာ ဗုံးက ပေါက်ကွဲသွားတယ်။ လက်စွပ်ကြည့်နေတဲ့ အမျိုးသမီးအပါအဝင် အခြားသူတွေပါ သေဆုံးသွားတယ်။ အဲ့ဒီအမျိုးသမီးက ချန်ကျွမ် ဆိုတဲ့ ရဲအရာရှိတစ်ယောက်ရဲ့ ဇနီးလောင်း ဖြစ်နေတယ်။ အဲ့ဒီနောက်ဆက်တွဲအနေနဲ့ ဘယ်လိုတွေပွဲကြမ်းမလဲဆိုတာကိုတော့ ။

t.me/hanamovie20/4562

ကိုယ်ရံတော်နှင့် လူသတ်သမားများ (၂၀၀၉)

IMDb - 6.8/10
Genre - Action, Drama

ဇာတ်ကားက သာမန်ဇာတ်ကားတစ်ကား မဟုတ်ပါဘူး။ တရုတ်ပြည်ရဲ့ သမိုင်းကြောင်းကို ဒီမိုကရေစီလမ်းကြောင်းပေါ်တွန်းတင်ခဲ့တဲ့စာရေးဆရာ၊ ဒေါက်တာအတွေးခေါ်ပညာရှင် ဒေါက်တာ ဆန်း ကိုအခြေပြု ရိုက်ကူးထားတာပါ။ ဒေါက်တာ ဆန်း တစ်ယောက် ဖရိုဖရဲဖြစ်နေတဲ့ တရုတ်ပြည်ကြီးကို ကယ်တင်ဖို့ ဂျပန်ကနေ ဟောင်ကောင်ကို ခရီးထွက်ခဲ့ပါတယ်။ သူ ခရီးထွက်လာတဲ့ ရည်ရွယ်ချက်ကတော့ ပြိုကွဲနေတဲ့ ဂိုဏ်းဃနတွေကို ပြန်လည်စည်းရုံးပြီး ရှင်း မျိုးဆက်ကို အမျိုးဖြုတ်ဖို့ပါ။ ဒီထဲမှာ ချိုင်းနားဒေးလီး သတင်းစာတိုက်ကလည်း ကုလားကာ နောက်ကွယ်ကနေ ပံ့ပိုးနေခဲ့တာပါ။ ဒေါက်တာ ဆန်း ရဲ့ ဟောင်ကောင်ခရီးစဉ်ကရော ချောမွေ့ပါ့မလား၊ သတင်းစာတိုက်ကလည်း ဘယ်လိုမျိုး နောက်ကွယ်ကနေ ဘယ်လိုအထောက်အပံ့တွေ ပေးမှာလဲ၊ လူတစ်ယောက်ကရော နိုင်ငံတစ်နိုင်ငံကောင်းစားရေးအတွက် ဘယ်လောက်ထိ စွန့်လွှတ်ရမှာလဲ ဆိုတာ ဆက်လက်အားပေးကြည့်ရှုကြပါရန်။

t.me/hanamovie20/4564

ဘုရင်အာသာ - ဒဏ္ဍာရီလာဓါးတစ်စင်း (၂၀၁၇)

IMDb - 6.7/10
Genre - Adventure, Fantasy

ဇာတ်လမ်းကျောရိုးကတော့ အင်္ဂလန်ရဲ့ နာမည်အကြီးဆုံး ပုံပြင်တွေထဲက အာသာဘုရင် ရဲ့ ဇာတ်ကြောင်းပါပဲ။ ဒီဇာတ်ကြောင်းကိုပဲ အမျိုးမျိုး ပြုပြင်ဖန်တီးပြီး ရိုက်ကူးထားကြတဲ့ကားတွေ မနည်းပါဘူး။ ဒီရုပ်ရှင်ထဲမှာတော့ ဘုရင် အူသာ ပန်ဒရက်ဂွန် လုပ်ကြံခံရပြီး သူ့ရဲ့ ညီ ဗော်တီဂန် က ထီးနန်းကို သိမ်းပိုက်ထားတယ်။ ဘုရင်လောင်း အာသာလေး က ကလေးကတည်း ထွက်ပြေးတိမ်းရှောင်နေရပြီး သူ့ကိုယ်သူ ဘုရင်လောင်းမှန်းမသိဘူးပေါ့။ မှော်ဆရာ မာလင် ပေးခဲ့တဲ့ အိတ်စ်ကာလီဘာ မှော်ဓားဟာ အာသာ အရွယ်ရောက်လာချိန်မှာ အလိုလိုပြန်ပေါ်လာပြီး ထုံးစံအတိုင်း ကျောက်တုံးထဲစိုက်နေ နှုတ်မရဖြစ်နေပါတယ်။ ဘုရင် ဗော်တီဂန် က အာသာ ရှိနေမယ့် အသက်အရွယ် ပတ်ဝန်းကျင်လူငယ်အားလုံးကို ဒီဓားကို စမ်းသပ်ပြီး ဆွဲနှုတ်ခိုင်းတဲ့နည်းနဲ့ အာသာ ကို လိုက်ရှာပါတော့တယ်။ အာသာ မှော်ဓားကို ဆွဲနှုတ်နိုင်သွားချိန်နောက်ကစပြီး ဘုရင် ဗော်တီဂန် နဲ့ အာသာ တို့ စတင်ရင်ဆိုင်မိပါတော့တယ်။ ဒီ အာသာ ဗားရှင်းမှာတော့ မှော်ပညာတွေ သတ္တဝါဆန်းကြီးတွေ ထည့်သွင်းထားပါတယ်။

t.me/cartoonbynikko/782

ကံဇာတာသူခိုး (၂၀၂၂)

ကံဆိုးလှတဲ့ ဂျောင်ဂီဆမ်း ဟာ ၁၀ နှစ်ကျော်ကြာ လူရွေးပွဲတွေလိုက်ဖြေနေသော်လည်း ကျမြဲကျဆဲဖြစ်ပြီး နာမည်မရှိ သရုပ်ဆောင်အဖြစ်နဲ့ပဲ ကျင်လည်နေရတဲ့သူပါ။ ဒါ့ကြောင့် သူ့ခမျာ ထိပ်တန်းကြယ်ပွင့်ဖြစ်ပြီး ဟောလီးဝုဒ်အထိပါ ခြေဆန့်တော့မယ့် မင်းသား ဂျောင်အွန်းချော ကို တိတ်တိတ်လေး မနာလိုဖြစ်နေရတော့တာပေါ့။ တစ်နေ့မှာတော့ ချက်ချင်းကြီး ကံဇာတာအရမ်းတက်သွားတဲ့ သူငယ်ချင်းရဲ့ ပြောကြားချက်အရ သူဒီလိုကံတွေဆိုးနေရတာဟာ သူ့ရဲ့ကံကောင်းမှုတွေကို လုယူသွားတဲ့လူရှိလို့ဆိုတာနဲ့ ကံပြန်ကောင်းလာဖို့အတွက် အဆောင်ရေးပေးတဲ့ ရှေ့ဖြစ်ဟောဆရာမ ရှိကြောင်း သိသွားတဲ့အခါမှာတော့ ဂျောင်ဂီဆမ်းတစ်ယောက် သူကိုကံဆိုးစေခဲ့တဲ့လူအကြောင်း သိရဖို့ ရှေ့ဖြစ်ဟောဆရာမဆီ ချက်ချင်းလိုက်သွားပါတော့တယ်။ ဒီလိုနဲ့ သူ့ရဲ့ကံကောင်းမှုတွေကို လုယူသွားတဲ့သူက သူအမြဲမနာလိုဖြစ်နေရတဲ့ မင်းသား ဂျောင်အွန်းချော ဆိုတာကို သိလိုက်ရပြီး ကံကောင်းမှုကို ပြန်လည်ရယူဖို့အတွက် ရှေ့ဖြစ်ဟောဆရာမရေးပေးလိုက်တဲ့ အဆောင်နဲ့အတူ ညွှန်ကြားချက်အတိုင်း မန္တန်ရွတ်ဖို့ ကြိုးစားတဲ့အခါမှာတော့ ဂျောင်ဂီဆမ်းတစ်ယောက် ကံကောင်းမှုတွေ ပြန်ရလာနိုင်ပါ့မလား၊ မန္တန်ရွတ်ဖို့အတွက်ရော အစစအရာရာ ရှောရှာရှူရှူဖြစ်သွားပါ့မလား

t.me/gwmmupl/4984

တာဝန်ကျေသောသား (၂၀၂၂)

IMDB - 7.6/10
Genre - Thriller

ဒီတစ်ခါမှာတော့ ပေါ့ပေါ့ပါးပါး ဇွန်ဘီ ဟာသကားလေးကို တင်ဆက်ပေးလိုက်ရပါတယ်။ ဇာတ်လမ်းလေးကတော့ ဂီဟိုတို့ ညီအစ်ကို ၅ ယောက်ဟာ သူတို့ရဲ့ မိခင်ဖြစ်သူ ကြီးဆုံးပါးသွားပြီးနောက် မိခင်ဖြစ်သူ သက်ရှိစဉ်မှာ ကျေးဇူးမဆပ်နိုင်ခဲ့အတွက် ယူကြုံးမရ အတိဖြစ်နေတော့တာပေါ့။ အဲဒါအပြင် ကိုမှ လယ်ကွက်တွေကို ညီတွေမသိအောင် ရောင်းခဲ့တဲ့အတွက် အစ်ကိုအကြီးဆုံးနဲ့ ညီငယ်တွေဟာလည်း အဆက်မပြတ် အချင်းများနေရရှာပါတယ်။ အဲဒီလိုနဲ့ တစ်ရက် သူတို့ရန်ဖြစ်နေတဲ့အချိန်မှာပဲ ကွယ်လွန်သွားပြီဖြစ်တဲ့ မိခင်ဖြစ်သူဟာ သူတို့ညီအစ်ကိုတွေ ရှေ့ကို ပြန်လည်ရောက်ရှိလာပါတော့တယ်။ ဒါပေမဲ့ ပုံမှန်အတိုင်း ရောက်ရှိလာတာ မဟုတ်ဘဲ ဇွန်ဘီအဖြစ်နဲ့ ရောက်ရှိလာတဲ့အခါမှာတော့ ညီအစ်ကိုတစ်သိုက် ဇွန်ဘီဖြစ်သွားတဲ့ မိခင်ကြီးနဲ့ ဘယ်လိုစခန်းသွားကြမလဲဆိုတာကိုတော့ ဇာတ်ကားလေးထဲမှာပဲ ရှုစားကြည့်လိုက်ပါဦးရှင်။

t.me/gwmmupl/4986

စစ်ပွဲတွင်းက ဘဝတိုက်ပွဲ (၂၀၁၈)

ဒီဇာတ်လမ်းလေးကတော့ ၁၉၄၅ ခုနှစ် ဆိုဗီယက်-ဂျပန်စစ်ပွဲကို ဇာတ်အိမ်တည်ကာ ရိုက်ကူးထားတာဖြစ်ပါတယ်။ တဲဆွတ်လို့ခေါ်တဲ့ မိန်းမတစ်ယောက်ဟာ အဲဆိုတိုရုလို့ခေါ်တဲ့ နေရာမှာ ခင်ပွန်းဖြစ်သူရယ် သားနှစ်ယောက်ရယ်နဲ့အတူ အေးချမ်းစွာ လုပ်ကိုင်စားသောက်နေခဲ့ပါတယ်။ တစ်နေ့မှာတော့ ဆိုဗီယက်ပြည်ထောင်စုရဲ့ စစ်ကြေညာမှုကြောင့် ရုရှားနယ်စပ်မြို့လေးဖြစ်တဲ့ အဲဆိုတိုရုဟာ စစ်ပွဲဒဏ်ကို ခံလိုက်ရပါတယ်။ တဲဆွတ်လည်း ခင်ပွန်းသည် စစ်တိုက်ထွက်တော့ သားနှစ်ယောက်လက်ဆွဲကာ စစ်ရှောင်ဖို့ ဟော့ကိုင်းဒိုးကို ထွက်ပြေးရင်း ရုန်းကန်ရပါတော့တယ်။ စားစရာမရှိ၊ နေစရာမရှိဘဝနဲ့ ရုန်းကန်ရင်း နောက်ဆုံးတော့ အာဘာရှီရိမှာ အခြေချနေထိုင်ဖြစ်ခဲ့ပါတယ်။ ၂၆ နှစ်ကြာပြီးတဲ့နောက် ဒုတိယသားဖြစ်သူက ယူအက်စ် မှာ ကြိုးစားရင်း အောင်မြင်တော့ ပြည်တော်ပြန်လာခဲ့ပါတယ်။ အဲဒီအချိန်မှ မိခင်အကြောင်းကို ကြားသိပြီး မိခင်နဲ့ ပြန်လည်တွေ့ဆုံရင်း အတိတ်ကို ပြန်တမ်းတကာ သားအမိသံယောဇဉ်နဲ့ မိဘမေတ္တာကို လေးလေးနက်နက် ဖော်ကျူးထားတဲ့ ဇာတ်ကားကောင်းလေးတစ်ပုဒ်မို့လို့ ရှုစားကြည့်လိုက်ပါဦးနော်။

t.me/gwmmupl/4988

ဂီတနတ်သမီးလေးများ (၂၀၀၄)

IMDB - 7.6/10
Genre - Comedy, Drama

ပူပြင်းလှတဲ့ ဂျပန်နွေရာသီမှာ အချိန်ပိုသင်တန်းပြန်တက်နေရလို့ ငြီးငွေ့နေကြတဲ့ တိုမိုကိုတို့ သူငယ်ချင်းတစ်စုဟာ အားကစားပွဲကို တီးမှုတ်ဖျော်ဖြေဖို့ ထွက်ခွာသွားကြပြီးနောက် ကားပေါ်မှာ နေ့လယ်စာ မပါတာကို သိသွားခဲ့ပါတယ်။ သင်္ချာဆရာ အိုဇဝါအတန်းချိန်လည်းဖြစ် စာသင်ဖို့ ငြီးငွေ့နေကြတဲ့သူတို့ဟာ ဆရာ့ကို ခွင့်တောင်းပြီး ရထားနဲ့ နေ့လယ်စာ သွားပို့ခဲ့ကြပါတယ်။ ရထားပေါ်မှာ နေ့လယ်စာဘူးကို ဖောက်စားကြည့်ပြီးနောက် အိပ်ပျော်သွားတဲ့အတွက် ဆင်းရမယ့်ဘူတာကျော်ပြီး သူတို့ဟာ နေပူပူမှာ လမ်းလျှောက်ပြီး သွားပို့ခဲ့ရပါတော့တယ်။ ကံဆိုးချင်တော့ နေ့လယ်စာမလောက်ငလို့ မစားလိုက်ရတဲ့ တာခုအိုကလွဲပြီး စားမိတဲ့ ဂီတဆရာမရော ကျောင်းသူကျောင်းသားတွေပါ ဆေးရုံရောက်ကုန်ကြပါတယ်။ တီးဝိုင်းက ထွက်ဖို့ အကြိမ်ကြိမ် ကြိုးစားခဲ့သူ တာခုအိုဟာ ကျောင်းဘော့စ်ဘောပွဲအတွက် အလောတကြီး တီးဝိုင်းအစားထိုး ဖွဲ့ဖို့ စိတ်ဝင်စားသူများ ပါဝင်ကြဖို့ အစည်းအဝေးခေါ်ခဲ့ပါတယ်။ ပန့်ခ်တီးဝိုင်းက ဘော့စ်သမား ၂ ယောက်နဲ့ ဆဲကီဂုချီတို့ပဲ ရောက်လာခဲ့ကြပါတယ်။ တာခုအိုက တိုမိုကိုတို့ မိန်းကလေးအုပ်စုကို နေ့လယ်စာထမင်းဘူးကိစ္စနဲ့ တီးဝိုင်းမှာ ပါဖို့ ဖိအားပေးခဲ့ပါတယ်။ ဘာကိုမှ အလေးအနက်မရှိကြတဲ့ တိုမိုကိုတို့ မိန်းကလေးအုပ်စုနဲ့ မဖြစ်ဖြစ်အောင် ဖွဲ့ပြီး တီးမှုတ်ဖျော်ဖြေမယ်လို့ ဆုံးဖြတ်ခဲ့ပါတယ်။ ဂီတအကြောင်း ဘာမှ မသိ၊ လေ့ကျင့်ဖို့ ကိုယ်ပိုင်တူရိယာ မရှိ၊ ဝယ်စရာပိုက်ဆံ မရှိတို့ တိုမိုကိုတို့နဲ့ တာခုအို ဘယ်လိုစခန်းသွားပြီး ဂီတအဖွဲ့ဖြစ်လာအောင် လုံးပမ်းကြမလဲ၊ နာမည်ကျော် ဂျပ် ဂီတကို အားကစားပွဲမှာရော စင်မြင့်ထက်မှာပါ အောင်မြင်စွာ ဖျော်ဖြေတင်ဆက်နိုင်ကြပါ့မလား ဆိုတာ ပရိသတ်တွေကို အချိန်ပေးကြည့်ရှုရတာနဲ့တန်အောင် ရယ်မြူးပျော်ရွှင် စိတ်အားတက်ကြွဖွယ်မျိုးစုံနဲ့ ဘယ်လိုတွေ ဖန်တီးတင်ဆက်ထားသလဲဆိုတာကို ခံစားကြည့်ရှုကြပါစို့။

t.me/gwmmupl/4991

တစ်သိန်းမှာတစ်ယောက် (၂၀၂၀)

IMDB - 6.5/10
Genre - Romance, Drama

ဆာကူရာဂီရီနိုဆိုတဲ့ အထက်တန်းကျောင်းသူလေးက သူငယ်ချင်းဖြစ်သူ ခီရီတာနီရန်ကို အလယ်တန်းကတည်းက တိတ်တခိုးချစ်ခဲ့ရသူပါ။ တစ်နေ့မှာတော့ မထင်မှတ်ထားဘဲ ဆာကူရာဂီကို ခီရီတာနီက ဖွင့်ပြောလိုက်ပါတယ်။ ဆာကူရာဂီလည်း တစ်ဖက်သတ်ကြိတ်ကြွေနေရတဲ့ သူငယ်ချင်းက ဖွင့်ပြောတဲ့အတွက် ခီရီတာနီနဲ့ တွဲလိုက်ပါတော့တယ်။ အဲဒီအချိန်မှာ ဆာကူရာဂီက မထင်မှတ်ထားတဲ့ရောဂါနဲ့ ကြုံတွေ့ခဲ့ရပါတယ်။ ဆာကူရာဂီ ခံစားနေရတဲ့ရောဂါက ဘယ်လိုမျိုးလဲ၊ ရောဂါရှိနေတာတောင် ခီရီတာနီက ဆက်ချစ်နေဦးမလား အနားမှာရှိနေဦးမလားဆိုတာကို ကျောင်းသားအချစ်ဇာတ်လမ်းရယ် ဒရမ်မာရယ်ရောပြီး ရိုရိုချိုချိုလေး ကြည့်ရမှာဖြစ်ပါတယ်။

t.me/dramamv/1109

ကောင်းကင်ဘုံစစ်သည်တော် (၂၀၂၁)

ဒီတစ်ခါတင်ဆက်ပေးလိုက်တာကတော့ နတ်တွေထဲမှာ အစွမ်းအရမ်းကြီးတဲ့ စစ်နတ်ဘုရားတစ်ယောက်ဖြစ်တဲ့ ချန်းနန် ရဲ့ ဇာတ်လမ်းလေးပဲဖြစ်ပါတယ်။ ဇာတ်လမ်းလေးကို မိတ်ဆက်ပေးရမယ်ဆိုရင် ကောင်းကင်ဘုံတိုက်ပွဲမှာ နတ်နဲ့မိစ္ဆာကို ဦးဆောင်ခဲ့တဲ့ ရှေးစစ်နတ်ဘုရား ချန်းနန် ဟာ နှစ်တစ်သောင်း အိပ်စက်ပြီးနောက် နှင်းတွေလွှမ်းတဲ့တောင်ထိပ်ပေါ်က သင်္ချိုင်းမြေမှာ နိုးထလာခဲ့တယ်။ နိုးထလာတဲ့ ချန်းနန် ဟာ အတိတ်မေ့နေပြီးတော့ နတ်စွမ်းအင်တွေလဲ ချိတ်ပိတ်ခံထားရပါတယ်။ ချောက်ထဲကို တွန်းချခံရတဲ့သူဟာ ချူတိုင်းပြည်ထဲ မျက်စိလည်လမ်းမှားပြီး ရောက်သွားခဲ့တယ်။ ချန်းနန် က သူဘယ်သူလဲဆိုတာကို စူးစမ်းရှာဖွေရင်း သူ့ရဲ့နတ်စွမ်းအားတွေကို ပြန်ဖွင့်ဖို့ ကြိုးစားရင် နောက်ဆုံးမှာ ကမ္ဘာကြီးကို ကယ်တင်ဖို့ ဖြစ်လာပါတော့တယ်။ ပီပြင်တဲ့ စီဂျီအိုင်အဖက်တွေ၊ ကောင်းမွန်တဲ့အက်ရှင်တွေ၊ သရုပ်ဆောင်တွေနဲ့ ဖန်တက်စီကားချစ်သူတွေ အကြိုက်တွေ့စေမယ့်ကားလေးပဲဖြစ်ပါတယ်။

t.me/hanamovie20/4569

ဆိုးယုတ်မှု၏သမိုင်း (၂၀၀၅)

IMDB - 7.6/10
Genre - Crime, Thriller

တွန်မ်ဆိုတဲ့လူကတော့ မိသားစုကိုသိပ်ချစ်တဲ့ အိမ်ထောင်ဦးစီးတစ်ယောက်ဖြစ်ပါတယ်။ သားသမီးတွေကိုလည်း ဂရုစိုက်သလို မိန်းမနဲ့တီတာဖို့ မမေ့တဲ့ တွန်မ်တစ်ယောက် တစ်နေ့မှာ ကြက်ကန်းတိုးပြီး တိုင်းသိပြည်သိ သူရဲကောင်းကြီးဖြစ်လာပါတော့တယ်။ နာမည်ကြီးမှုတွေကို တွန်မ်အစကတည်းက စိတ်တိုင်းမကျခဲ့သည့်အလျှောက် တကယ်လည်း နာမည်ကြီးမှုရဲ့ နောက်ဆက်တွဲဖြစ်စဉ်တွေဟာ တွန်မ်တို့ရဲ့ မိသားစုဘဝတစ်ခုလုံးကို ကြီးကြီးမားမား သက်ရောက်လာခဲ့ပါတယ်။ ပြဿနာကို တွန်မ်တို့မိသားစု ဘယ်လိုရင်ဆိုင်ကြမလဲ၊ ဘယ်လိုတွေကြမ်းရမ်းကြမလဲ ဆိုတာကိုတော့ လျှို့ဝှက်ချက်တွေနဲ့ ခေါင်းခြောက်ရမယ့် ဇာတ်ကားကောင်းတစ်ခုထဲမှာ ဆက်လက်ကြည့်ရှုအားပေးဖို့ ဖိတ်ခေါ်လိုက်ရပါတယ်။ မိသားစုနဲ့‌တော့အတူ မကြည့်သင့်ပါဘူး။

t.me/cartoonbynikko/786

[၁၈+] ရည်းစားကောင်း (၂၀၁၈)

ဝမ်ဂျင်းက လက်မဲ့ဖြစ်နေတဲ့အချိန်မှာ ကောင်မလေးတစ်ယောက်နဲ့ သွားအိပ်လိုက်တယ်။ အစ်ကိုဖြစ်သူကို ငွေညှစ်ပြီး သူ့အိမ်မှာပဲ ကပ်နေရင်း တစ်နေ့မှာ အစ်ကိုဖြစ်သူက အရက်မူးနေတဲ့ မိန်းကလေးတစ်ယောက်ကို အိမ်ကိုခေါ်လာခဲ့တယ်။ ဝမ်ဂျင်းက နောက်နေ့မှာ အဲဒီမိန်းကလေးကို အလုပ်သွားဖို့ လုပ်ပေးခဲ့ပေမယ့် အဲဒီမိန်းကလေးက ရေချိုးခန်းထဲမှာ လဲကျပြီး အတိတ်မေ့သွားခဲ့တယ်။ အဲဒါနဲ့ ဝမ်ဂျင်းက သူနဲ့အဲဒီမိန်းကလေးက ချစ်သူတွေဖြစ်တယ်လို့ လိမ်ပြီးအတူနေလိုက်ကြတယ်။ ဒီလိုနဲ့ အဲဒီမိန်းကလေးက အတိတ်ကို ပြန်မှတ်မိလာမလား၊ တစ်သက်လုံး ဝမ်ဂျင်းပြောတာကိုပဲ ယုံပြီး သူပြုသမျှနုရတဲ့ဘဝမှာပဲ နေသွားမလားဆိုတာကို ဇာတ်လမ်းထဲမှာပဲ ကြည့်ရှုအားပေးကြပါ။

t.me/asiasparadise/51

နိဗ္ဗာန်ဘုံ (၂၀၁၁)

IMDb - 6.2/10
Genre - Romance, Comedy

မိခင်ကို ရိုးတွင်းခြင်ဆီလှူပေးနိုင်တဲ့အလှူရှင်ကိုလိုက်ရှာနေတဲ့မိန်းကလေး ချွဲမီမီ၊ အယ်လ်ဇိုင်းမားရောဂါ ခံစားနေရတဲ့ အဘိုးအဘွားကိုပြုစုစောင့်ရှောက်ပေးနေတဲ့တက္ကစီသမားလေး ဂျီအု၊ ဇနီးဖြစ်သူဆုံးရှုံးရမှုအတွက်ဝမ်းနည်းပူဆွေးနေတဲ့ရှေ့နေ မင်ဂယူ စသဖြင့် ဇာတ်ဆောင် ၃ ယောက်နဲ့ဖွဲ့စည်းထားပြီး ဇာတ်ဆောင်တစ်ယောက်ချင်းစီရဲ့အရေးကြီးဆုံးသူတွေကဆေးရုံတစ်ရုံထဲမှာအသက်လုနေရတဲ့အကြောင်းပါ။ အဲဒါကိုဇာတ်လမ်းထဲမှာအပိုင်း ၃ ပိုင်းနဲ့တင်ဆက်ထားပါတယ်။ နောက်ဆုံးမှာတော့ဇာတ်ကောင် ၃ ယောက်လုံးရဲ့ဇာတ်လမ်းတွေကတစ်နေရာတည်းမှာချိတ်ဆက်မိသွားပြီး ဘယ်လိုအပြီးသတ်သွားမလဲဆိုတာကိုကြည့်ရှုခံစားရမှာပဲဖြစ်ပါတယ်။

t.me/dramamv/1115

ကိုလိုနီယာအကျဉ်းထောင် (၂၀၁၅)

IMDB - 7/10
Genre - Thriller, Romance

ချီလီနိုင်ငံမှာ တကယ်ရှိခဲ့တဲ့အကြောင်းအရာကိုအခြေခံပြီး ရိုက်ကူးထားတာပါ။ ဇာတ်လမ်းအခြေတည်ထားရာကတော့ ချီလီမှာ စစ်တပ်ကအာဏာသိမ်းပြီး နိုင်ငံရေးအကျဉ်းသားတွေ ဒါမှမဟုတ် အစိုးရနဲ့ပြဿနာရှိတဲ့သူတွေကို ဖမ်းထည့်ပြီး နှိပ်စက် အစဖျောက်ပစ်တဲ့ နာမည်ဆိုးနဲ့ကျော်ကြားတဲ့ ကိုလိုနီယာ ဆိုတဲ့လျှို့ဝှက်အကျဉ်းစခန်းတစ်ခုအကြောင်းပေါ့။ ဇာတ်ကားမှာတော့ မမ အမ်မာ ကလေယာဉ်မယ်၊ သူ့ရဲ့ရည်းစားက ချီလီမှာ ဆန္ဒပြတာကိုကူပေးနေတဲ့ဓာတ်ပုံဆရာ။ သူတို့နှစ်ယောက် အာဏာသိမ်းတဲ့အချိန်နဲ့ကြုံပြီး နှစ်ယောက်လုံး ဖမ်းခံရတဲ့ထဲပါသွားတယ်။ ဓာတ်ပုံဆရာကလှုပ်ရှားသူထဲမှာပါလို့အဖမ်းခံလိုက်ရပြီး လေယာဉ်မယ်ကလွတ်လာတယ်။ ဘယ်ကိုဖမ်းခေါ်သွားလဲဆိုတာ စုံစမ်းကြည့်ရင်း ဘာသာရေးအဖွဲ့ဟန်ဆောင်ထားတဲ့ ကိုလိုနီယာ အကြောင်းကိုသိလာရတယ်။ ဘာသာရေးအဖွဲ့လို့ဟန်ဆောင်ထားတော့ သူ့ရည်းစားကိုကယ်ဖို့အတွက် အဲဒီအဖွဲ့ထဲဝင်ပြီး နှစ်ယောက်သားလွတ်အောင် ဘယ်လိုကြံကြလဲ ကြည့်ရမှာပါ။

t.me/gwmmupl/5002