ကလေးပျောက်ရှာပုံတော် (၂၀၂၄)

IMDb - 5.8/10
Genre - Drama, Thriller

ဒီဇာတ်လမ်းကတော့ ၁၉၈၉ ခုနှစ် ယူတာပြည်နယ်က စွန့်ပစ်မိုင်းတွင်းထဲမှာပျောက်ဆုံးသွားတဲ့ ဆယ်နှစ်သားကလေး ဂျောရှူဝါ ဒန်းနစ် ကိုရှာဖွေကယ်ဆယ်တဲ့ အကြောင်းကို ဖြစ်ရပ်မှန်ကိုအခြေခံပြီး ရိုက်ကူးထားတာဖြစ်ပါတယ်။ အမေရိကန်သမ္မတ ဘုရှ် ကိုယ်တိုင် ဒီဖြစ်ရပ်ကို ထူးခြားဆန်းကြယ်တာဖြစ်တယ်ဆိုတဲ့သက်သေပဲ လို့ပြောလောက်တဲ့အထိ နာမည်ကြီးပါတယ်။ ဂျော့ရှ် တိုသားအဖက ကျောင်းက လူပျိုပေါက်တွေ မိုင်းတွင်းဖက်ကို စခန်းချခရီးထွက်တဲ့ ခရီးစဉ်ကို လိုက်လာခဲ့ပါတယ်။ စူးစမ်းချင်စိတ်ပြင်းလွန်းတဲ့ ဆယ်နှစ်သားလေးကို အဖေဖြစ်သူ တယ်ရီ က အဖော်လိုက်ပေးခဲ့တာပါ။ ဒီလိုနဲ့ တောင်ပေါ်ရောက်တော့ အဖွဲ့ထဲက တစ်ချို့က မိုင်းတွင်းထဲကို ထွက်သွားပေမယ့် အဖွဲ့ထဲက လူငယ်တစ်ယောက်နဲ့ သူတို့သားအဖက တဲထိုးဖို့အတွက် ခဏနေခဲ့ပြီးနောက် ညနေပိုင်းလောက်အရောက်မှာ သုံးယောက်သား မိုင်းတွင်းဖက်ကို ထွက်လာကြပါတယ်။ မိုင်းတွင်းထဲကိုလည်း ရောက်ရောရှေ့ကအဖွဲ့ ပြန်တွေ့ပါတယ်။ အဖွဲ့ထဲက ကိုင်လ် ဆိုတဲ့ လူငယ်တစ်ယောက် မိုင်းတွင်းထဲမှာ ဆက်မနေချင်တော့တာနဲ့ တယ်ရီ က စခန်းကို ပြန်ပို့ဖို့ အကြောင်းဖန်လာပါတော့တယ်။ ဒါပေမယ့် ဂျော့ရှ် က အဖွဲ့နဲ့ ဆက်နေချင်တယ်လို့ပြောလို့ တယ်ရီ ကလည်း အဖွဲ့နားမှာပဲ သေချာကပ်နေလို့ပြောပြီး ထားခဲ့ပါတယ်။ ရှေ့ဆင့်နောက်ဆင့် သွားနေရင်းနဲ့ ဂျော့ရှ် ဟာ လမ်းပျောက်သွားပြီး တစ်ယောက်တည်းကျန်ခဲ့ပါတယ်။ အဖွဲ့ကလည်း စခန်းကို ပြန်ရောက်တော့မှ ဂျော့ရှ် ပါမလာတာသိတော့ ကယ်ဆယ်ရေးအဖွဲ့တွေကို ဆက်သွယ်ပြီး ကလေးပျောက်ရှာဖွေရေးကို စတင်ပါတော့တယ်။

t.me/gwmmupl/4242

အစအနောက်သန်သူ တာခဂိ (၂၀၂၄)

IMDb - 7.8/10
Genre - Romance, Drama, Comedy

သူငယ်ချင်းအချစ်ဦးလေးနဲ့ ပြန်ဆုံတွေ့ကြတဲ့ Teas-ing Mas-ter Takagi-san ဆိုတဲ့ ဂျပန်ကားလေးက ငယ်စဉ်ဘဝအပြင် လက်ရှိကာလကိုပါ ပိုပြီးသက်ဝင်ကြည်နူးဖွယ် ခံစားမှုပေးနိုင်တဲ့ အချစ်ဇာတ်ကားလေးဖြစ်ပါတယ်။ ဇာတ်လမ်းတစ်လျှောက်လုံးမှာ သူငယ်ချင်းနှစ်ယောက်ရဲ့ ရယ်စရာကောင်းပြီး ချစ်စရာကောင်းတဲ့ စနောက်မှုတွေကို မြင်တွေ့ရမှာလည်းဖြစ်ပါတယ်။ အလယ်တန်းကျောင်းသား နီရှီခတာ ဟာ သူ့ဘေးနားကထိုင်တဲ့ တာခဂိ ဆိုတဲ့ မိန်းကလေးသူငယ်ချင်းဆီက အမြဲလိုလို စနောက်ခံရပါတယ်။ နည်းမျိုးစုံနဲ့ အမြဲစနောက်တတ်တဲ့ တာခဂိ ကို နီရှီခတာ က လက်စားချေပစ်မယ်လို့ ကြုံးဝါးခဲ့သူလည်းဖြစ်ပါတယ်။ ဘယ်လိုပဲ တာခဂိ ကို အနိုင်ချင်ပေမယ့် နီရှီခတာ ဟာ တာခဂိ ဆိုတဲ့နဲ့တင် အလိုလိုရှုံးခဲ့ရသူပါ။ အလယ်တန်းတတိယနှစ်မှာ ပါရီကို တာခဂိ ပြောင်းသွားခဲ့ပေမယ့် သူတို့နှစ်ယောက်ဟာ အဆက်အသယ်မပြတ်ခဲ့ကြပါဘူး။ ၁၀ နှစ်အကြာမှာ နီရှီခတာ က သူတို့ကျောင်းမှာပဲ ကာယဆရာအဖြစ် လုပ်နေချိန် တာခဂိ က တန်းပြဆရာမအနေနဲ့ ၃ ပတ်ကြာ အလုပ်သင်လာရောက်ခဲ့ချိန်မှာ အတူတူနီးစပ်ဖို့ ဖြစ်လာပါတယ်။ ဆရာတွေအဖြစ်နဲ့ ပြန်ဆုံတဲ့ သူငယ်ချင်းနှစ်ယောက် ကျောင်းမှာ ကြုံတွေ့ရတဲ့ စိန်ခေါ်ချက်တွေကို ဘယ်လိုမျိုး စဉ်းစားဖြေရှင်းကြမလဲ။ ရိုးအတဲ့ နီရှီခတာ က တာခဂိ ဆိုတဲ့ အစနောက်သန်တဲ့ မိန်းကလေးကို အနိုင်ရယူပြီး ပြန်စနောက်နိုင်မလား ဆိုတာကတော့ စိတ်ဝင်စားစရာပါပဲ။

t.me/dramamv/790

ထူးဆန်းသောဂျယ်လီပိုးကောင်များ (၂၀၁၀)

ပေါက်စီလုပ်ရောင်းတဲ့ ထီရာချိုင် နဲ့ ရေခဲစက်ရုံပိုင်တဲ့ မဲ တို့ဟာ အိမ်နီးချင်းတွေဖြစ်ကြပြီး ကျန်တဲ့မိသားစုဝင်တွေက အချင်းချင်း တည့်ကြပေမဲ့ သူတို့နှစ်ယောက်ကတော့ မျက်လုံးချင်းဆုံလိုက်တိုင်း ရန်ဖြစ်နေတတ်ကြတဲ့ လူနှစ်ယောက်ပါ။ တစ်နေ့မှာတော့ ဘန်ကောက်မှာ ထူးဆန်းတဲ့ဂျယ်လီပိုးကောင်လို အရာတွေ ပေါ်လာပြီးနောက် မြို့သူမြို့သားတွေဟာ ဒါတွေကို ဂြိုဟ်သားတွေလို့ယူဆကြပြီး အတိတ်ကောက်ခါ ထီထိုးကြ ကိုးကွယ်ကြနဲ့ ပျားပန်းခပ်နေကြပါတယ်။ ဒီထဲမှာ မတည့်အတူနေနှစ်ယောက်ဖြစ်တဲ့ ထီရာချိုင် နဲ့ မဲ လည်းအပါအဝင်ပေါ့။ ဒါပေမဲ့ ကျန်းမာရေးဝန်ကြီးဌာနက ဒါဟာ ဂြိုဟ်သားမဟုတ်ဘဲ ရေစိမ်ထားတဲ့ အပူကျကပ်ခွာဖြစ်ကြောင်း အတည်ပြုပြီးနောက် ဒီကိစ္စဟာ ဒီမှာတင် ပြီးပြတ်သွားပါတယ်။ ဒါပေမဲ့ တစ်နေ့မှာတော့ အပူကျကပ်ခွာလို့ ထင်ထားခဲ့တဲ့ အဲဒီပိုးကောင်က ထီရာချိုင် တို့အိမ်မှာ လူတစ်ယောက်ကို သတ်လိုက်တဲ့အခါမှာတော့ ပိုးကောင်ဆီကနေ လွတ်မြောက်ဖို့ကြိုးစားရင်းနဲ့ ထီရာချိုင် နဲ့ မဲ တို့ ပြန်တည့်သွားမလား။ ပိုးကောင်တွေကိုရော ရှင်းထုတ်နိုင်မလားဆိုတာကို ကြည့်ရှုခံစားပေးပါဦးနော်။

t.me/hanamovie20/4468

ထူးဆန်းသောအိမ် (၂၀၂၄)

အမဲမိရ လို့ခေါ်တဲ့ လူသိနည်းတဲ့ ယူကျူဘာ တစ်ယောက်က သူ့ရဲ့အလုပ်အတွက် ကုန်ကြမ်းရှာရင်းနဲ့ ထူးဆန်းတဲ့ အခန်းဖွဲ့ပုံရှိတဲ့ အိမ်တစ်အိမ်ကို ရှာတွေ့ခဲ့ပါတယ်။ အဲဒီအိမ်ရဲ့ အခန်းတွေက ပုံမှန်မဟုတ်တဲ့ နေရာအစီအစဉ်တွေရှိနေပြီး ဘာရည်ရွယ်ချက်နဲ့ ထည့်ဆောက်ထားမှန်းမသိတဲ့ အခန်းလွတ်တစ်ခန်းလည်း ပါနေခဲ့ပါတယ်။ အဲဒီအခန်းငယ်ဟာ ပြတင်းပေါက်လည်း မရှိဘဲ အိမ်သာနဲ့လည်းတွဲထားသလို အလွယ်တကူရှာမတွေ့နိုင်လောက်အောင် လှည့်ကွက်များနဲ့ ရှိနေခဲ့တာပါ။ အမဲမိရ က ဒီအိမ်အကြောင်း တွေ့ပြီးတဲ့နောက်မှာတော့ သူ့အသိ ဗိသုကာပညာရှင် နဲ့အတူ ဒီအိမ်ရဲ့ လျှို့ဝှက်ချက်အကြောင်း ဗီဒီယိုတစ်ပုဒ် ဖန်တီးဖို့ ဖြစ်လာပါတယ်။ အစကတော့ လူသတ်ဖို့ ရည်ရွယ်ချက်နဲ့ စီစဉ်ထားတဲ့အိမ်လို့ ထင်ကြေးပေးခဲ့ပေမဲ့ တကယ်တမ်း သေချာလေ့လာလိုက်တဲ့အခါမှာတော့ ရှုပ်ထွေးတဲ့ ဖြစ်ရပ်တွေ၊ အကြောင်းအရင်းတွေဖြစ်နေတာမို့ ပရိသတ်တွေ အကြိုက်တွေ့စေမှာပါ။

t.me/hanamovie20/4470

ရှေးဟောင်းအိမ်ထဲက မကောင်းဆိုးဝါး (၂၀၂၃)

အဖေ့ရဲ့အကြွေးတွေကို ခက်ခက်ခဲခဲဆပ်ဖို့ ရုန်းကန်နေရတဲ့ အာလင်း တစ်ယောက်၊ ညီမလေးကိုလည်း တစ်ဖက်ကစောင့်ရှောက်ရ၊ အကြွေးရှင်တွေကလည်း မိန်းမရွှင်လုပ်ခိုင်းဖို့ တကဲကဲဖြစ်နေတော့ ကြံရာမရဖြစ်ပြီး ချစ်သူဖြစ်တဲ့ ဂန် တို့အဖွဲ့နဲ့အတူ ရှေးဟောင်းအိမ်တစ်အိမ်ကို ဓားပြတိုက်ဖို့လုပ်ပါတော့တယ်။ အဖွဲ့ထဲက ဖစ် ကတော့ မကြည်ဖြူပေမဲ့ လင်း ရဲ့ခြိမ်းခြောက်မှုနဲ့ လက်ခံပေးလိုက်ပြီး အိမ်ကြီးဆီရောက်လာတော့တာပေါ့။ ဒါပေမဲ့ အိမ်ကြီးထဲမှာ အဖိုးတန်တွေရှာနေတုန်း အမျိုးသမီး‌တစ်ယောက်ကို ချုပ်ထားတာမြင်ပြီး ကူညီချင်တဲ့ ဂန် က လွှတ်ပေးလိုက်ပြီး သူတို့နဲ့အတူခေါ်လာချိန်မှာ အဲဒီအမျိုးသမီးလည်း ပျောက်သွားပြီး အိမ်ထဲမှာ သူတို့လေးယောက် ပိတ်မိသွားကြတဲ့အခါ။ ခြေနစ်ချောင်းမကယ်ကောင်းဆိုတဲ့အတိုင်း ဘုမသိဘမသိနဲ့လွှတ်ပေးမိတဲ့ အမျိုးသမီးကဘာလဲ။ သဘာဝလွန်ဖြစ်ရပ်တွေ တစ်ခုပြီးတစ်ခုဖြစ်လာတဲ့ ဒီအိမ်ကြီးထဲက ဒီလူငယ်တစ်သိုက် ရုန်းထွက်နိုင်မလားဆိုတာ ရှုစားလိုက်ရအောင်ပါ။

t.me/horrormm1/2381

ဖေဖေမေမေ အချစ်ဝေ (၂၀၂၅)

IMDb - 7.6/10
Genre - Romance, Comedy

ဒီကားလေးမှာတော့ ပြဿနာတွေကြောင့် ဆယ်စုနှစ်ကြာ ဝေးကွာခဲ့ရပေမဲ့ ပြန်လည်ဆုံဆည်းတဲ့အခါမှာ အရင်လို အချစ်တွေ ပြန်လည်ရှင်သန်လာနိုင်မလား ဆိုတဲ့အကြောင်းလေးကို သရုပ်ဖော်ထားတာပါ။ ဂျွိုင်းက သမီးလေး အက်စ်စီကို တစ်ယောက်တည်း ဆယ်စုနှစ်တစ်ခုကျော် ရုန်းကန် ပျိုး‌ထောင်ခဲ့ရတဲ့ စင်ဂယ်မားသားတစ်ယောက်ပါ။ ဒါပေမဲ့ တစ်နေ့ ဗယ်လင်တိုင်း‌ဒေးမှာ သမီးနဲ့ဒိတ်လုပ်ဖို့ချိန်းထားရင်း ချစ်လှစွာသော သမီးတော်လေးဆီက စပရိုက်အကြီးစားနဲ့ ဂျွိုင်းတစ်ယောက် ရှော့ခ်ရသွားပါတော့တယ်။ အဲဒါကတော့ သမီးရဲ့ချစ်သူ ဂျိုဝီက အက်စ်စီကို ဂျွိုင်းရှေ့မှာ လက်ထပ်ခွင့်တောင်းလိုက်ပြီး သမီးက မကြာခင်လက်ထပ်တော့မယ်ဆိုတာပါပဲ။ သမီးအရွယ်ကငယ်သေးတာကတစ်ကြောင်း ကိုယ်တိုင်လည်း ငယ်ငယ်နဲ့အိမ်ထောင်ကျပြီး အိမ်ထောင်ရေးအဆင်မပြေ ရုန်းကန်ခဲ့ရတာကြောင့် သမီးကို လက်မထပ်စေချင်ပေမဲ့ စိတ်အားထက်သန်နေတဲ့သမီးဖြစ်သူက ဘယ်လိုတားတား တားမရပါဘူး။ ဒီလိုနဲ့ သမီးက မင်္ဂလာလျှောက်လမ်းမှာ အဖေ့လက်ကိုတွဲပြီး သွားချင်တယ်ဆိုပြီး တောင်းဆိုလာလို့ သမီးရဲ့တောင်းဆိုချက်ကို ဖြည့်ဆည်းရာလည်းရောက် မင်္ဂလာပွဲကို ဆန့်ကျင်ဖို့ စစ်ကူလည်းရအောင် တစ်ချိန်က အနေဝေးခဲ့ရတဲ့ ခင်ပွန်းဖြစ်သူ ဆက်ဒရစ်ကို သွားရှာဖို့ဖြစ်လာချိန်မှာတော့။ သမီးရဲ့မင်္ဂလာပွဲကို အရင်းခံပြီးဖြစ်လာတဲ့ ဖေဖေနဲ့မေမေတို့ရဲ့ ပြန်လည်ဆုံဆည်းမှုကနေ အချစ်ပန်းတွေ ပြန်လည်ပွင့်လန်းလာနိုင်မလား။

t.me/hanamovie20/4475

သမုဒ္ဒရာ၏ နက်ရှိုင်းသောအဆုံးတွင် (၁၉၉၉)

IMDb - 6.3/10
Genre - Family, Thriller

ယခုအခါတင်ဆက်ပေးလိုက်တာကတော့ ၁၉၉၉ ခုနှစ်ကထွက်ရှိခဲ့တဲ့ မိသားစုဒရာမာဇာတ်ကားကောင်းလေးပါ။ ပတ်ကပ္ပဒိုရာ နဲ့ ဘက်သ်ကပ္ပဒိုရာ တို့လင်မယားမှာ သားသမီးသုံးယောက်ရှိပါတယ်။ အကြီးဆုံးသားက ဗင်းဆင့်၊ အလတ်က သုံးနှစ်သားလေး ဘန်၊ အငယ်ဆုံးကတော့ သမီးလေးပါ။ တနေ့ကျ မိခင်ဖြစ်သူ ဘက်သ် ဟာ ကလေးသုံးယောက်ကို ခေါ်ပြီးတော့ ပြန်လည်တွေ့ဆုံပွဲကို သွားဖို့ ချီကာဂို ကိုသွားခဲ့ပါတယ်။ သူမဟိုတယ်မှာပိုက်ဆံသွားရှင်းပြီးအပြန်မှာ သားအကြီးဆုံး ဗင်းဆင့် နဲ့အတူထားခဲ့တဲ့ သားအလတ်လေး ဘန် ဟာ ပျောက်သွားခဲ့ပါတယ်။ ထိုအခါ ရဲတွေနဲ့အတူ သူငယ်ချင်းမိတ်ဆွေတွေကပါ ကူရှာပေးခဲ့ကြပေမဲ့ လုံးဝရှာမတွေ့ခဲ့ပါဘူး။ မိခင်ဖြစ်သူမှာလည်း ပျောက်သွားတဲ့ သားအလတ်လေးကြောင့် ကျန်တဲ့ကလေးနှစ်ယောက်ကိုလည်း ဂရုမစိုက်နိုင်ခဲ့ပါဘူး။ နောက် ၉ နှစ်ကြာပြီးတဲ့နောက်မှာတော့ သူတို့သားလေးရဲ့ ပုံစံတူပန်းချီနဲ့ ရုပ်ချင်းဆင်တဲ့ကောင်လေးတယောက်ကိုတွေ့လိုက်ရတဲ့အခါမှာတော့။

t.me/cartoonbynikko/742

ကြိုးဆွဲသမ္မတ (၂၀၂၄)

IMDb - 6.1/10
Genre - Comedy

ဘဝမှာ ဘာရည်မှန်းချက် ဘာအိပ်မက်မှ မရှိဘဲ ဖြတ်သန်းနေတဲ့ ခပ်တုံးတုံးလူတစ်ယောက် ကိုစတီကာ။ အကြောင်းအမျိုးမျိုးကြောင့် ရွေးကောက်ပွဲကို ရှုံးမှဖြစ်မယ့် နိုင်ငံရေးပါတီတစ်ခုက ကိုစတီကာကို လှည့်စားပြီး သမ္မတရွေးကောက်ပွဲအတွက် ဝင်ပြိုင်ခိုင်းလိုက်သောအခါ။ ကားပါကင်နေရာတစ်ခုရဖို့ သမ္မတလောင်းအဖြစ် ရွေးကောက်ပွဲဝင်ပြိုင်ဖို့ ဆုံးဖြတ်လိုက်တဲ့ ကိုစတီကာတစ်ယောက် နိုင်ငံရေးလောကမှာ ဘယ်လိုအခြေအနေမျိုးတွေကို ကြုံတွေ့ရမလဲ။ သမ္မတလောင်းအဖြစ် မဲဆွယ်တဲ့အခါမှာရော ဘယ်လိုအလွဲလေးတွေကို ကြုံတွေ့ရမလဲ။ နိုင်ငံရေးလှည့်ကွက်တွေ၊ အစိုးရအဖွဲ့အစည်းတွေရဲ့ လာဘ်စားမှုတွေ၊ အလိမ်အညာတွေ၊ လှည့်စားမှုတွေကို ကွက်ကွက်ကွင်းကွင်းမြင်နိုင်အောင် ဟာသလေးနှောပြီး ရိုက်ကူးထားတဲ့ တစ်မူထူးခြားတဲ့ ဟာသဇာတ်ကားတစ်ကားဖြစ်ပါတယ်။ ကိုစတီကာတစ်ယောက် ပါတီကဖြစ်စေချင်သလို ရွေးကောက်ပွဲမှာ ရှုံးနိမ့်သွားမှာလား ဒါမှမဟုတ် အလွဲလွဲအချော်ချော်နဲ့ ရွေးကောက်ပွဲမှာ အနိုင်ရရှိသွားပြီး ရိုမေးနီးယားသမ္မတကြီး ဖြစ်လာမလား

t.me/gwmmupl/4848

အမှောင်ထဲမှနေတစ်စင်း (၂၀၂၅)

IMDb - 7.7/10
Genre - War
 
ဗီယက်နမ်စစ်နောက်ခံဇာတ်ကားအတော်များများကို ကြည့်ဖူးကြမှာဖြစ်ပေမယ့် အများစုနီးပါးဟာ အမေရိကန်ဘက်ကရိုက်တာဖြစ်ပါတယ်။ အခုတော့ ဗီယက်နမ်ဘက်က ဗီယက်နမ်အမြင်နဲ့ရိုက်တဲ့ စစ်ကားလာပါပြီ။ ငွေအတော်သုံးထားသလို ကြိုးစားအားထုတ်မှုတွေကိုလည်း မြင်သာပါတယ်။ ၂၀၂၅ ဧပြီ ၄ ရက်နေ့မှာ ဗီယက်နမ်စစ်ပွဲရဲ့ နောက်ဆုံးအောင်ပွဲ နှစ်ငါးဆယ်ပြည့်အထိမ်းအမှတ် ရုံတင်ခဲ့တဲ့ ဇာတ်ကားလည်းဖြစ်ပါတယ်။ ဇာတ်အိမ်ကိုတော့ ဗီယက်နမ်စစ်ပွဲရဲ့ အပြင်းထန်ဆုံးကာလ စီဒါဖောလ် စစ်ဆင်ရေးအပြီးမှာ တည်ဆောက်ထားတာပါ။ ဥမင်လှိုဏ်ခေါင်းတွေထဲကနေ ထောက်လှမ်းရေးသတင်းပို့လွှတ်မှုတွေကို တာဝန်ယူကာကွယ်ခဲ့ကြတဲ့ ဗီယက်ကောင်း တွေရဲ့ ပြောက်ကျားတပ်ဖွဲ့တစ်ဖွဲ့ကို အခြေခံထားတာဖြစ်ပါတယ်။ ဒီဇာတ်ကားမှာတော့ သူတို့တွေရဲ့ နာမည်ကျော် ပြောက်ကျားအဖွဲ့ဝင်တွေရဲ့ စိတ်ဓာတ်၊ ခံယူချက်၊ အလုပ်လုပ်ပုံတွေကို အနီးကပ်မြင်တွေ့ရမှာပါ။ တောအုပ်အစစ် ၇ ဟက်တာကို ငှားရမ်းပြီး ဗုံးဒဏ်သင့် မီးလောင်ခံတောအုပ်အဖြစ် ဖန်တီးခဲ့သလို၊ ကူချီ ဥမင်လှိုဏ်ခေါင်းတွေကိုပါ ပုံစံတူအသေးစိတ် ပြန်တည်ဆောက်ခဲ့ပြီး အဲ့ဒီအချိန်တုန်းက အမေရိကန်စစ်တပ်က အသုံးပြုခဲ့တဲ့ လက်နက်တွေ၊ သံချပ်ကာယာဉ်တွေကိုပါ ပြန်လည်ဖန်တီးထားပါသေးတယ်။ ဒီနှစ် အော်စကာလည်း နီးစပ်နေပါတယ်။ စစ်ကားကြိုက်ပရိသတ်တွေ၊ သမိုင်းနောက်ခံစိတ်ဝင်စားသူတွေ အကြိုက်တွေ့မယ့် ဇာတ်ကားကောင်းတစ်ကားပါ။

t.me/cartoonbynikko/744

မာရီယာ ငါသေပြီ (၂၀၂၄)

ဒီကားလေးက “ဟိုက်ပိုခွန်ဒရီးယား” လို့ခေါ်တဲ့ ဘာရောဂါမရှိပဲ ကိုယ့်ကိုကိုယ် ရောဂါရှိတယ်ထင်ပြီး အလွန်အမင်းစိတ်ပူပန်တတ်တဲ့ရောဂါရှိသူ (မြန်မာအခေါ် မာလျက်နာရောဂါ) ယောက်ျားဖြစ်သူ နဲ့ ဇနီး သည်တို့ရဲ့ အိမ်ထောင်ရေးမှာ ယောက်ျားဖြစ်သူ ရဲ့ ဇီဇာကြောင်မှုတွေ၊ အလွန်အမင်းစိတ်ပူပန်တတ်မှုတွေကြောင့် ဖြစ်လာတဲ့ အိမ်ထောင်ရေးအခက်အခဲအလွဲလေးတွေကို တင်ဆက်ပေးထားတဲ့ ဟာသ၊ ဒရမ်မာ အမျိုးအစား မက္ကစီကို ရုပ်ရှင်ဇာတ်ကားလေးပဲဖြစ်ပါတယ်။ အရမ်းကြီး ကြီးကျယ်ခမ်းနားတဲ့ ရိုက်ကွင်းရိုက်ချက်တွေ မပါပေမယ့် သူ့ဟာလေးနဲ့သူရယ်နေရတာမလို့ တခြားနာမည်ကြီး ရုပ်ရှင်ကားတွေနဲ့တန်းတူ မက္ကစီကိုရုပ်ရှင်ရုံတွေမှာ မျက်နှာမငယ်ပဲ ပရိတ်သတ်အားပေးမှုကို ရရှိခဲ့တဲ့ ရုံတင်ဇာတ်ကားလေးပါ။ လူ့ဘဝတိုတိုလေးမှာ ပူပန်မှုတွေများ သောကတွေပွားမနေဘဲ အပြည့်အဝရှင်သန်ခြင်းကသာ အဓိပ္ပါယ်ရှိတယ်ဆိုတဲ့ သတင်းစကားလေးနဲ့အတူ ပေါ့ပေါ့ပါးပါးလေး ကြည့်ရှုခံစားရမှာဖြစ်ပါတယ်။

t.me/msubmovie0/3208

တမလွန်မှ ပြန်ခေါ်ခြင်း (၂၀၂၅)

IMDB - 5.7/10
Genre - Horror

ကိုယ့်မိဘ၊ ကိုယ့်မိသားစု၊ ကိုယ်ချစ်ရတဲ့သူ သေသွားလို့ အစီအရင်တွေနဲ့ အသက်ပြန်သွင်းလို့ရမယ်ဆို သွင်းမှာလား။ မီဂန် ဟာ နယူးရော့ခ်မှာ ကျောင်းတက်နေရင်း ကင်ဆာဖြစ်နေတဲ့ အဖေဖြစ်သူ ရောဘတ် က အခြေအနေမဟန်တော့တာကြောင့် ဇာတိမြို့ကလေးကို ပြန်လာခဲ့ပါတော့တယ်။ သူမရဲ့အမေဖြစ်သူ ဘာဘရာ လည်း လင်ဖြစ်သူကို ပြုစုရလွန်းလို့ စိတ်ထောင်းကိုယ်ကြေဖြစ်လို့နေရှာပါတယ်။ တစ်ညမှာတော့ သူတို့နှစ်ယောက်သား ဆေးတိုက်ရမဲ့အချိန် အမှတ်မှားပြီး နှစ်ခါတိုက်မိသလို ဖြစ်သွားခဲ့ပါတယ်။ ဘာမှမဖြစ်လောက်ဘူးထင်ပြီး နှစ်ယောက်သားအိပ်လိုက်ရာက မနက်နိုးလာချိန်မှာ ရောဘတ် က အသက်မရှိတော့ပဲ အေးစက်မာတောင့်နေပါပြီ။ လောကီရေးရာတွေ လေ့လာလိုက်စားတဲ့ ဘာဘရာ ဟာ ရောဘတ် သေတာကို ဖြည်မဆည်နိုင်ပဲ သူမရဲ့ ဝါသနာတူမိတ်ဆွေ ဒက်ဘရာ ညွှန်းပေးတဲ့ အမည်မသိလူတစ်ယောက်ကို ဆက်သွယ်ပြီး သူမဟာ သူ့ယောက်ျား ရောဘတ် ကို အသက်ပြန်သွင်းဖို့ ကြိုးစားပါတော့တယ်။ သမီးဖြစ်သူ မီဂန် ကလည်း အယုံအကြည်မရှိပေမဲ့ သူ့အမေ စိတ်ဖြတ်နိုင်အောင် လိုက်လျောပြီး လုပ်ပေးပါတော့တယ်။ ဒီတော့ ဒက်ဘရာ ညွှန်းပေးတဲ့သူက ဘယ်သူလဲ။ အောက်လမ်းလား၊ အထက်လမ်းလား။ မီဂန် ရယ်၊ ဘာဘရာ ရယ်၊ ထူးဆန်းတဲ့လူကြီးရယ် သုံးယောက်သား ဘယ်လိုများ အသက်ပြန်သွင်းကြမလဲဆိုတာကို ရင်ခုန်စိတ်လှုပ်ရှားဖွယ် ကြည့်ရှုရမှာဖြစ်ပါတယ်။

t.me/horrormm1/2403

ငယ်ဘဝအတွေ့အကြုံများ (၂၀၁၁)

IMDB - 7.1/10
Genre - Comedy, Drama

ဒီဇာတ်လမ်းဟာဆိုရင် အရွယ်ရောက်လာပုံကို ဟာသဆန်ဆန်ပုံဖော်ထားပေးပြီး ဆယ်ကျော်သက်ဘဝရဲ့အတွေ့အကြုံတွေကို ထင်ဟပ်ပြထားနိုင်မှုကြောင့် ဝေဖန်သူတွေရဲ့ ချီးကျူးမှုတွေကိုပါ လက်ခံရရှိခဲ့ပါတယ်။ အရွယ်ရောက်ချိန်မှာ ကြုံတွေ့ရတတ်တဲ့ အချစ်ဇာတ်လမ်းနဲ့ မိသားစုရေးရာအကြောင်းတွေကိုပါ ထည့်သွင်းပြထားတဲ့အတွက် လက်တွေ့ဆန်မှုကိုပါ ခံစားနိုင်မှာဖြစ်ပါတယ်။ အိုလီဗာတိတ် ဆိုတဲ့ကောင်လေးတစ်ယောက် အရွယ်ရောက်ချိန်မှာ ဘာတွေကြုံတွေ့ရသလဲ။ ဆယ်ကျော်သက်အတွေးတွေကရော ဘယ်လိုရှိလဲ။ မိသားစုနဲ့ရော အခြေအနေဘယ်လိုလဲ။ အချစ်ဇာတ်လမ်းကရော အဆင်ပြေပါ့မလား။ ကြည့်ရတာတန်တဲ့ ဇာတ်လမ်းကောင်းလေးတစ်ပုဒ်လို့ ညွှန်းပေးလိုက်ပါရစေ။

t.me/dramamv/1023

အချစ်၏ ပန်းတိုင် (၂၀၀၉)

IMDB - 7/10
Genre - Comedy, Romance

အိမ်ထောင်တစ်ခုထူထောင်ကြတော့မယ်ဆိုရင် ဘာကအရေးအကြီးဆုံးဖြစ်မယ်လို့ထင်ကြလဲ။ မင်္ဂလာအကြီးအကျယ်ဆောင်တာလား၊ လက်ထပ်ခွင့်သေချာအတောင်းခံရတာလား။ ဘာဖြစ်မယ်ထင်လဲ။ ဒီဇာတ်ကားလေးထဲမှာတော့ အိမ်ထောင်ရေး၊ မိသားစုနဲ့ဆိုင်တဲ့ သဘောတရားတွေကို နားလည်လွယ်အောင်ထည့်သွင်းရိုက်ကူးထားပါတယ်။ ဇာတ်လမ်းထဲမှာတော့ မင်္ဂလာမဆောင်ရသေးတဲ့အတွဲတစ်တွဲရဲ့ ဖြတ်သန်းပုံကို အဓိကပုံဖော်ထားပါတယ်။ ဘာ့တ် နဲ့ ဗီရိုနာ တို့ဟာ လက်မထပ်ရသေးပေမယ့် ရုတ်တရက် ဗီရိုနာ မှာ ကိုယ်ဝန်ရှိလာတဲ့အခါမှာ ဘဝနေရေးထိုင်ရေးအတွက် ဘယ်လိုတွေရုန်းကန်ကြမလဲဆိုတာ ကြည့်ရှုရမှာပါ။

t.me/dramamv/1025

တစ်ယောက်ထဲ အထီးကျန် (၂၀၀၇)

IMDb - 6.4/10
Genre - Horror, Drama

ဒီဇာတ်ကားလေးထဲမှာ ဖင်မ် ဆိုတဲ့မိန်းကလေးဟာ ကိုရီးယားနိုင်ငံကနေ ထိုင်းနိုင်ငံကို ပြန်လာခဲ့ရပါတယ်။ သူ့အမေ ကျန်းမာရေးမကောင်းတာကြောင့် ပြန်လာခဲ့ရတာဖြစ်ပြီး သူနေရခဲ့တဲ့အရင်အိမ်မှာ ပြန်နေရတော့ အတိတ်အကြောင်းတွေ၊ အထူးသဖြင့် သူ့ညီမ ဖလွိင် နဲ့ပတ်သက်တဲ့အမှတ်ရစရာတွေ ပြန်လည်သတိရလာပါတယ်။ ဖင်မ် နဲ့ ဖလွိင် ဟာ ကိုယ်ချင်းဆက် အမွှာညီအစ်မဖြစ်ပြီး သူတို့နှစ်ယောက်စလုံးဟာ ဝီ ဆိုတဲ့အမျိုးသားတစ်ဦးကို ချစ်မိခဲ့ကြပါတယ်။ အဲဒီ ၃ ပွင့်ဆိုင်အချစ်ရေးကနေ သူတို့ကြားမှာ မနာလိုမှုနဲ့ အငြင်းပွားမှုတွေအဖြစ် ပြောင်းလဲသွားပြီးနောက် ခန္ဓာကိုယ်ခွဲဖို့ ဆုံးဖြတ်ကြခဲ့တယ်။ ခန္ဓာကိုယ်ခွဲပြီးတဲ့နောက်မှာတော့ ဖလွိင် ဟာ သေဆုံးသွားခဲ့ပါတယ်။ အဲ့ဒီနောက် ဖင်မ် အိမ်ကို ပြန်ရောက်လာတဲ့အချိန်မှာ စွန့်စားစရာကောင်းတဲ့အရာတွေ၊ သည်းထိတ်ရင်ဖို ဖြစ်စရာအရာတွေ မြင်တွေ့ရပါတယ်။ အဲဒါအပြင် အိမ်ဝန်းကျင် အမျိုးသမီးတစ်ယောက်ရဲ့ ပုံရိပ်ကို ရိပ်ခနဲ ရိပ်ခနဲ မြင်နေရတာကြောင့် ဖင်မ် က စိုးရိမ်လာပြီး ဖလွိင် က သူ့ကိုလက်စားပြန်လာချေတယ်လို့ သူက ထင်နေမိပါတယ်။ အဲဒီနောက်မှာတော့ ဘယ်လိုစိတ်ဝင်စားစရာတွေ ကြုံလာရမလဲဆိုတာ ဆက်လက်ကြည့်ရှုလိုက်ပါဦးလို့ ။

t.me/horrormm1/2415