လူငယ်ဘဝ (၂၀၂၄)

IMDb - 5.7/10
Genre - Comedy

အသက်အရွယ်တွေ ကြီးပြင်းလာပြီး ၂ဝ ဝန်းကျင်အရွယ်တွေကို ရောက်တဲ့အခါမှာတော့ အဲဒီ သူငယ်ချင်းဆိုတဲ့ အဝန်းအဝိုင်းလေးက တဖြည်းဖြည်း သေးလာတာကိုလည်း ကြုံကြရမှာပါ။ အသက်အရွယ်တစ်ခုရောက်လာတဲ့အခါ ကိုယ်ဘဝတစ်လျှောက်လုံး ပခုံးဖက်ပေါင်းလာခဲ့တဲ့ အခင်ဆုံးသူငယ်ချင်းဟာလည်း အချိန်တိုင်းအနားမှာ မရှိနေနိုင်တော့ပါဘူး။ တစ်ခါတလေမှာဆိုရင် သဘောထားချင်းမတိုက်ဆိုင်ကြတော့လို့ ခွာပြဲကြရတာမျိုးတွေတောင်ရှိတတ်ပါသေးတယ်။ ဒီဇာတ်ကားထဲက ကေတီ နဲ့ ဒီလန်နီ ဟာလည်း အသက် ၁၂ နှစ်ကတည်းက မခွဲမခွာဘဲ အတူတူပေါင်းလာကြတဲ့ အခင်ဆုံး သူငယ်ချင်းတွေပါ။ ဒီလိုနဲ့ သူတို့နှစ်ယောက်အရွယ်ရောက်လာတဲ့အခါမှာ ကေတီ က ချစ်သူရည်းစားအတည်တကျနဲ့ ဘဝကို ဖြတ်သန်းနေပေမဲ့ ဒီလန်နီ ကတော့ ဘဝကို ပျော်ပျော်ပါးပါး စားလိုက် သောက်လိုက်နဲ့ ဖြတ်သန်းနေတုန်းပါပဲ။ ဒါပေမဲ့ ဒီလန်နီ က အပြောင်းအလဲတွေကို မနှစ်သက်သူမို့ သူတို့ရဲ့ သူငယ်ချင်းဆက်ဆံရေးကြားထဲမှာ ကေတီ ရဲ့ ကောင်လေး ဝင်လာတာကို သိပ်သဘောမကျပါဘူး။ တစ်ရက်မှာ ကေတီ က သူ့ကောင်လေး‌ဆီကနေ လက်ထပ်ခွင့်တောင်းခံလိုက်ရတော့ အပြောင်းအလဲတွေ သဘောမကျတတ်တဲ့ ဒီလန်နီ ကို ပြောပြဖို့ အခက်တွေ့လာပါတယ်။ ဒီလိုနဲ့ သူငယ်ချင်းဆက်ဆံရေးကြားထဲ ကတောက်ကဆလေးတွေ ဖြစ်လာတာကို သဘာဝဆန်ဆန် ရိုက်ကူးပြထားတာပါ။ သူငယ်ချင်းဆက်ဆံရေးနဲ့ပတ်သတ်တဲ့အကြောင်းအရာတွေအပြင်၊ လူငယ်တစ်ယောက်ဖြစ်လာတဲ့အခါ ကြုံတွေ့လာရမဲ့ အမျိုးမျိုးသော အပြောင်းအလဲတွေကိုပါ လက်ခံတတ်စေဖို့ကို အဓိကထားပြီး ရိုက်ကူးထားတဲ့ ရုပ်ရှင်ကားကောင်းတစ်ကားဖြစ်ကြောင်း ညွှန်းဆိုလိုက်ချင်ပါတယ်။

t.me/msubmovie0/2926

ကိုယ့်အတွက်မဟုတ်တဲ့အချစ် (၂၀၂၅)

IMDb - 7.1/10
Genre - Romance, Drama

အခုခေတ်မှာတော့ လွတ်လပ်ပွင့်လင်းနေပြီဆိုပေမဲ့ အရင်ခေတ်တုန်းက ယောက်ျားချင်းချစ်ကြိုက်တဲ့သူတွေဆိုရင် ရောဂါဖြစ်နေတယ်လို့တောင်သတ်မှတ်တာတွေ၊ ဥပဒေနဲ့ထိန်းချုပ်ထားတာတွေရှိခဲ့ဖူးပါတယ်။ဒီဇာတ်ကားလေးကို အဲ့ဒီအချိန်ကာလအနေနဲ့ ရိုက်ကူးထားပြီး အဓိကလိင်တူချစ်သူ ၂ ယောက်ကတော့ အိုဝင် နဲ့ ဖီးလစ် တို့နှစ်ယောက်ဖြစ်ပြီး အိုဝင် က စာရေးဆရာ၊ ဖီးလစ် က ဆရာဝန်ဖြစ်ပါတယ်။သူတို့နှစ်ယောက်က ဝေးကွာနေခဲ့တာကြာပြီဖြစ်ပြီး တစ်နေ့မှာတော့ ဖီးလစ် က အိုဝင် ရဲ့ဆီကို ကိစ္စတစ်ခုနဲ့ ပြန်လာခဲ့ပါတယ်။အဲ့ဒီကိစ္စကတော့ သူ့ဆီမှာ လိင်တူစိတ်ဝင်စားမှုကို ကုသနိုင်တဲ့လုပ်ထုံးရှိပြီး သူတို့နှစ်ယောက်လုံး အဲ့ဒါကိုအတူတူလုပ်ကြဖို့ တိုက်တွန်းတာပါပဲ။အိုဝင် က စစချင်းမှာတော့ တုံ့ဆွေးနေခဲ့ပေမဲ့ ဖီးလစ် အဲ့ဒါကိုလုပ်ပြီး ဖြစ်လာတဲ့ရလာဒ်အပေါ်မှာမူတည်ကာ မီးစင်ကြည့်ကသွားမှာဖြစ်တဲ့အတွက် ဒါကြီးကအောင်မြင်သွားပါ့မလား၊ ဒါမျိုးတွေဆိုတာကရော တကယ်ရှိရဲ့လား၊ လိင်တူစိတ်ဝင်စားတယ်ဆိုတာကရော ရောဂါတစ်ခုလားဆိုတာတွေကို ရှုစားရမဲ့ စိတ်ဝင်စားစရာ ဇာတ်လမ်းကောင်းလေးတစ်ကားပဲဖြစ်ပါတယ်။

t.me/dramaworld001/5899

စူပါ ရီမု (၂၀၀၅)

IMDB - 6.4/10
Genre - Comedy, Fantasy

ဘဝဆိုတာ ဘာများလဲ။ ဘဝမှာ ရှင်သန်ဖို့ အလုပ်လုပ်ကြတာလား၊ အလုပ်လုပ်ဖို့ ရှင်သန်ကြတာလား။ ရှင်သန်ဖို့ အလုပ်လုပ်ကြရင်း ဘဝရဲ့ အဓိပ္ပါယ်က အလုပ်လုပ်ဖို့ ရှင်သန်သလို ဖြစ်သွားကြသူတွေလည်း ရှိတက်ပါတယ်။ ဒီဇာတ်လမ်းလေးရဲ့ အစမှာ မိုက်ကယ် ဆိုတဲ့ အလုပ်ပဲ အချိန်ပြည့်လုပ်နေတတ်တဲ့ ဗိသုကာပညာရှင်တစ်ယောက်ရှိပါတယ်။ မိသားစု အားလပ်ရက်ကိုပါ ဖျက်ပြီး အလုပ်ပဲ အချိန်ပြည့် လုပ်နေတတ်ပါတယ်။ အဲ့ဒီလိုနဲ့ လူရဲ့လက်ထဲ အရာအားလုံးကို ထိန်းချုပ်ထားနိုင်တဲ့ ရီမုကွန်ထရိုး တစ်ခု ရောက်လာခဲ့ပါတယ်။ ဘဝကို ဇာတ်ကားတစ်ခုလို ကျော်ပစ်လို့ရတဲ့အခါ စိတ်မရှည်တဲ့ အခန်းတွေကို သူ ကျော်ပစ်ခဲ့ပါတယ်။ ဒီလို ကျော်ပစ်ရင်း။ မိသားစုအပါအဝင် အရာအားလုံးနဲ့ သူကင်းကွာလာခဲ့ပါတယ်။ ဘဝဆိုတာ ဖြတ်သန်းဖို့ပါပဲ။ စိတ်ပျက်စရာ ငြီးငွေ့စရာတွေ အများကြီးပါပဲ။ ဒီအခါမှာ ချစ်ခြင်းတရားဟာ အရေးပါလာပါပြီ။ ကျွန်တော်တို့ ကိုယ့်ကို ချစ်တဲ့ လူတွေရဲ့ ချစ်ခြင်း၊ ပျော်ရွှင်မှု… တွေကို ဘယ်လောက်ထိ လျစ်လျူရှု့ပြီး ကြပြီလဲ။ ဖြစ်ချင်တာတွေက အများကြီး၊ ဖြစ်မလာသေးတာတွေကလည်း အများကြီး၊ ဒါပေမဲ့ ဒါတွေက ဘယ်လောက်များ အရေးပါလဲ။ မျှဝေခံစားမဲ့သူ မရှိတဲ့ အောင်မြင်မှုတစ်ခုကရော ပျော်ရွှင်မှု ဟုတ်ပါ့မလား။ အောင်မြင်မှုရော ဟုတ်ပါ့မလား။ ဘဝမှာ ဘယ်အရာမဆို အစွန်းမရောက်ဖို့ လိုပါတယ်။ မိုက်ကယ် လို အလုပ်အရမ်းလုပ်ပြီး ပတ်ဝန်းကျင်နဲ့ ကိုယ်ချစ်တဲ့ လူတွေကို ပစ်ပယ်မိကြသူတွေ အများကြီးရှိနိုင်ပါတယ်။ အဲ့ဒီလို လူမျိုးတွေအတွက် ဒီကားလေးဟာ သူတို့ရဲ့ စိတ်ပြတင်းပေါက်ကို ပွင့်စေမှာပါ။ ဒီကားလေးဟာ အတော်လေးကောင်းတဲ့ ဇာတ်ကားတစ်ခုပါပဲ။ တစ်ခုခုကိုတော့ ဒီကားလေးကနေ သင် ရမှာ သေချာပါတယ်။

t.me/cartoonbynikko/664

မျောက်တစ်ကောင်ရဲ့ ဒုက္ခ (၁၉၉၄)

IMDB - 5.6/10
Genre - Family, Comedy

ဒီကားလေးကတော့ မိသားစုနဲ့အတူတူ ကြည့်လို့ရတဲ့ချစ်စရာ တိရစ္ဆာန်ဇာတ်ကား‌လေးပဲ ဖြစ်ပါတယ်။ ဒီထဲကအဓိကဇာတ်ကောင်က တခြားမဟုတ်ဘဲ မျောက်ကလေးတစ်ကောင်ပဲ ဖြစ်ပါတယ်။ အီဗာ ဆိုတဲ့ကောင်မလေးက အိမ်ကလည်းမနိုင် အိမ်ကိုလည်းမပိုင်တဲ့ ဂျစ်ကန်ကန်နဲ့ကလေးမလေးတစ်ယောက်ပေါ့။ သူ့ခမျာ အိမ်မွေးခွေးတစ်ကောင်လောက် မွေးချင်‌ပေမဲ့ ပထွေးဖြစ်သူ တွမ် က တိရစ္ဆာန်အမွေးနဲ့ ဓါတ်မတည့်လို့ မွေးခွင့်မရဘဲ ဖြစ်နေတာပါ။ အဲဒီအချိန် သူ့ဆီကို ဆိုက်ဆိုက်မြိုက်မြိုက်ကြီး ရောက်လာတာက ဒေါ့ဂျာ ရယ်လို့ ဖြစ်လာမယ့် မျောက်ကလေးတစ်ကောင်ပါ။ အဲဒီမျောက်ကလေးက လမ်းဘေးဖျော်ဖြေသူတစ်ယောက်က မွေးထားတာဖြစ်ပြီး ပရိသတ်တွေဆီကနေ မျောက်ပြဆန်တောင်းလုပ်ရင်း ပိုက်ဆံတွေလက်ဝတ်ရတနာတွေ အလစ်သုတ်တတ်အောင် လေ့ကျင့်ပေးထားတဲ့ စောရမျောက်လေး ဖြစ်နေတာပါ။ နဂိုထဲကတိရစ္ဆာန်မွေးချင်နေတဲ့ အီဗာ ဆီကို အဲဒီမျောက်ကလေးရောက်သွားတော့ အိမ်ကလူတွေမသိအောင် မွေးထားရင်း မျောက်လေးရဲ့ မကောင်းတဲ့အကျင့်ကို သိသွားတဲ့အခါ သူရှာ‌‌ထားတဲ့ပြဿနာတွေကို အိမ်ကမသိအောင်ရှင်းရင်း အီဗာ တစ်ယောက် ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ဗျာများရပုံတွေကို ဟာသလေးနှောပြီးရိုက်ကူးထားတဲ့ ပေါ့ပေါ့ပါးပါး ဇာတ်ကားလေးတစ်ကားပဲဖြစ်ပါတယ်။

t.me/cartoonbynikko/666

မေ့မရတဲ့သူ (၂၀၂၅)

IMDB - 7.5/10
Genre - Romance, Drama

ဂူဂျင်အူ ကတော့ အိပ်မက်လည်းမရှိ စာလည်းမလုပ်ဘဲ အပျော်အပါးပဲ မက်နေတဲ့ကျောင်းသားလေးပါ။ အိုဆွန်းအာ ကတော့ စံပြကျောင်းသူလေးဖြစ်ပြီး လှပချောမောတဲ့ရုပ်ရည်ကြောင့်လည်း ကျောင်းသားအများစုရဲ့ ဝိုင်းသဘောကျခြင်းကို ခံနေရသူ‌လေးပေါ့။ တစ်နေ့မှာ ဂျင်အူ က အတန်းချိန်အတွင်း သူငယ်ချင်းကို လိုက်စနေရင်းက ဆရာမိသွားလို့ ပြစ်ဒဏ်ပေးခံလိုက်ရပါတယ်။ အဲဒီပြစ်ဒဏ်ကတော့ တခြားမဟုတ်ဘဲ စံပြကျောင်းသူ ဆွန်းအာ ရဲ့ရှေ့ခုံကို ပြောင်းထိုင်ပြီး စာကြိုးကြိုးစားစားလုပ်ဖို့ပါပဲ။ ဒီလိုနဲ့ ဆွန်းအာ က ဂျင်အူ ကို စာလုပ်ဖို့ ကူညီပေးရင်း အကျင့်စရိုက်ရော ကျောင်းအဆင့်ပါ ပြောင်းပြန်ဖြစ်ကြတဲ့ သူတို့နှစ်ယောက်ရဲ့ ဆက်‌ဆံရေးက တဖြည်းဖြည်းချင်း နီးစပ်လာတဲ့အခါမှာတော့ ။ ၂၀၁၁ ခုနှစ်က ထွက်ရှိခဲ့တဲ့ နာမည်ကြီး ထိုင်ဝမ်ရုပ်ရှင်ကို ပြန်လည်ရိုက်ကူးထားတာဖြစ်ပြီး နူးနူးညံ့ညံ့ လှလှပပ အချစ်ဦးဇာတ်လမ်းလေးတွေကို ကြိုက်နှစ်သက်သူများအတွက် ကြည့်ကိုကြည့်သင့်တဲ့ ဇာတ်ကားကောင်းလေးဖြစ်ကြောင်း ညွှန်းဆိုပေးလိုက်ပါတယ်ရှင်။

t.me/dramaworld001/5900

ချစ်လို့ပေါ့ (၂၀၁၇)

IMDB - 6.5/10
Genre - Romance, Comedy

လီဟွန်း က မတော်တဆမှု တစ်ခုဖြစ်ပြီး ထူးဆန်းတဲ့ကိစ္စတွေနဲ့ ကြုံလာရတာပါ။ အချစ်ရေးအဆင်မပြေတဲ့ လူတွေရဲ့ ခန္ဓာကိုယ်ထဲမှာ ပိတ်မိနေပြီး အဆင်ပြေမှ ပြန်ထွက်ခွင့်ရတာပါ။ ဒီအကြောင်းတွေကို သိတဲ့သူဆိုလို့ စကာလီ တစ်ယောက်ပဲရှိပြီး သူ့ကို ကူညီပုံတွေကို ဟာသ၊ဒရာမာချိုးပြီးရိုက်ကူးထားတဲ့ ကားကောင်းတစ်ကောင်းပါ။ မထင်မှတ်တဲ့အလှည့်အပြောင်းတွေနဲ့ အူတက်အောင်ရယ်ရတဲ့ ဒီကားလေးက ချစ်ခြင်းမေတ္တာဆိုတာကို ပီပြင်အောင်ဖော်ညွှန်းထားနိုင်လို့ အားလုံးအကြိုက်တွေ့မယ်လို့ မျှော်လင့်ပါတယ်ရှင်။

t.me/dramaworld001/5901

တစ်နေ့နှင့် တစ်ဝက် (၂၀၂၃)

IMDb - 5.8/10
Genre - Action, Drama, Thriller

ဆွီဒင်နိုင်ငံရဲ့ မြို့ငယ်လေးတစ်မြို့ရှိ ဆေးရုံတစ်ရုံကို ဒေါသထွက်နေတဲ့လူတစ်ယောက် ရောက်လာပြီး ဆေးရုံဝန်ထမ်းဖြစ်တဲ့ သူ့မိန်းမနဲ့ တွေ့ခွင့်တောင်းပါတယ်။ ကောင်တာက အမျိုးသမီးဖြစ်သူ စောင့်ခိုင်းတာတောင် စိတ်မရှည်ဖြစ်လာပြီး ထိုသူဟာ သေနတ်နဲ့ ထုတ်ချိန်ပြီး သူ့မိန်းမကို အတင်းအကြပ် ခေါ်ခိုင်းပါတော့တယ်။ ရဲတွေ ရောက်လာချိန်မှာတော့ သူ့မိန်းမကို ပြန်ပေးဆွဲပြီး ဓါးစာခံလုပ်ပါတော့တယ်။ ဒီလူ အခုလို ဆေးရုံမှာ အတင်း ပြန်ပေးဆွဲတာက ဘာကြောင့်လဲ၊ သူ ဒေါသထွက်စရာ အကြောင်းကရော တကယ် ဒေါသထွက်စရာလား၊ သူ့မိန်းမကိုရော သူဘာလုပ်ပစ်မှာလဲ။ အစပိုင်းမှာ ဒီလိုလုပ်ရပ်ကို ရှုတ်ချစရာဖြစ်ခဲ့ပေမယ့် ပြန်ပေးသမားရဲ့ ဘဝအကြောင်းကို ပြောရင်းပြောပြရင်း သူ့နေရာမှာ ငါသာဆို ဒီလိုပဲ ဖြစ်သွားနိုင်မလားဆိုတဲ့ အတွေးဝင်လာနိုင်အောင် ဖော်ကျူးထားတဲ့ ဇာတ်လမ်းလေးပါ။ ကြည့်ရှုခံစားရင်း ကိုယ့်ကိုယ်တိုင်လည်း သူတို့နေရာ ရောက်သွားသလို ခံစားရနိုင်တဲ့ ဇာတ်ကားကောင်းလေး ဖြစ်ပါတယ်။

t.me/gwmmupl/4616

ငွေတစ်မျက်နှာ (၂၀၀၅)

IMDb - 7.4/10
Genre - Thriller, Mystery

ကန်ယာမြောက်ပိုင်းက ဝေးလံလှတဲ့နေရာမှာ တက်ကြွလှုပ်ရှားသူ တက်ဆာနဲ့ သူမရဲ့သူငယ်ချင်း ဒေါက်တာအာနိုးဘလွန်းတို့ အသတ်ခံခဲ့ရပါတယ်။ အဲ့နောက်မှာ တက်ဆာရဲ့ခင်ပွန်းဖြစ်သူ ဂျက်စတင်ဟာ သူ့ဇနီးသေဆုံးမှုကို လိုက်လံစုံစမ်းကြည့်တဲ့အခါမှာ တက်ဆာဟာ အာဖရိကမှာ ဘေးဖြစ်စေတဲ့ဆေးတွေကို စမ်းသပ်နေတဲ့အတွက် ဆေးကုမ္ပဏီတွေကို တိုင်ကြားစာရေးခဲ့တာကို သိခဲ့ရပါတယ်။ သူ့ဇနီးရဲ့သေဆုံးမှုဟာ အဲ့ဆေးကုမ္ပဏီတွေနဲ့ပတ်သက်နေမလားဆိုတာကို ဂျက်စတင်တစ်ယောက် အန္တရာယ်တွေကြားကနေ မရပ်မနားစုံစမ်းပါတော့တယ်။ ဂျက်စတင်တစ်ယောက်အမှုမှန်ကို ရှာဖွေနိုင်မလား၊ ရှာမဖွေနိုင်ခင်မှာပဲ သုတ်သင်ခံလိုက်ရမလားဆိုတာကို ဇာတ်ကားလေးထဲမှာ ကြည့်ရှုနိုင်မှာပါ။ ဒီဇာတ်ကားလေးမှာ ဂျက်စတင်နဲ့ တက်ဆာရဲ့ချစ်ခြင်းမေတ္တာနဲ့ ဆေးဖြန့်ချီရေးကုမ္ပဏီတွေရဲ့ အကျိုးအမြတ်ရဖို့ ဘာကိုမှ မငဲ့ကြည့်တာတွေ၊ အာဖရိကလူမည်းတွေအပေါ်မှာ ဘယ်လိုရက်စက်ကြလဲဆိုတာကို ကြည့်ရှုရမှာဖြစ်ပါတယ်။

t.me/gwmmupl/4618

အတိတ်ရဲ့ အရိပ် (၂၀၁၀)

IMDb - 7/10
Genre - Thriller, Drama

ဘက်ကာနဲ့ ဟောင်ဝီတို့ဟာ ဒန်နီဆိုတဲ့သားလေးနဲ့အတူ ပျော်ရွှင်စရာမိသားစုလေးကိုပိုင်ဆိုင်ထားကြပါတယ်။ ဒါပေမဲ့ တစ်နေ့မှာ ဒန်နီလေးဟာ သူ့ရဲ့ခွေးလေးနောက်ကိုလိုက်ရင်း ကားတိုက်ခံလိုက်ရပြီး ဆုံးသွားပါတယ်။ အဲဒီအချိန်ကစပြီး ဘက်ကာတို့ဘဝဟာ ပျော်ရွှင်မှုမရှိ ပြောင်းလဲသွားပါတော့တယ်။ ဟောင်ဝီက ပူဆွေးဝမ်းနည်းမှုတွေကိုအချင်းချင်းဝေမျှတဲ့အဖွဲ့မှာ အဖွဲ့ဝင်ထားပါတယ်။ ဘက်ကာကတော့ အဲ့ဖွဲ့ကိုသဘောမကျလှတာကြောင့် သိပ်မလိုက်ပါဘူး။ ဟောင်ဝီက သူ့သားရဲ့အရင်ကဗီဒီယိုလေးတွေပြန်ကြည့်ရင်း အတိတ်မှာပဲပျော်မွေ့နေပါတယ်။ ဘက်ကာကတော့ အဲ့အတိတ်က ပူဆွေးမှုတွေကနေရုန်းထွက်နိုင်ဖို့ကြိုးစားနေတာပါ။ တစ်နေ့ သူ့သားကိုကားနဲ့တိုက်ခဲ့တဲ့ကောင်လေး ဂျေဆန်နဲ့စကားပြောမိကြရာကနေ ဘယ်လိုတွေဆက်ဖြစ်မလဲဆိုတာ ခံစားကြည့်ရှုရမှာဖြစ်ပါတယ်။ ဘက်ကာက သူ့သားကို ကားနဲ့တိုက်မိခဲ့တဲ့ ဂျေဆန်ကို ခွင့်လွှတ်နိုင်ပါ့မလားဆိုတာ ကြည့်ရှုရမှာဖြစ်ပါတယ်။

t.me/gwmmupl/4621

အသွင်ယူ မာဖီးယား (၂၀၀၆)

IMDB - 6.2/10
Genre - Thriller, Crime

ကလေးဘဝမှာ မာဖီးယားဂိုဏ်းဝင်အဖေဖြစ်သူ သေနတ်နဲ့အပစ်ခံရပြီး သေဆုံးသွားတာကို မြင်ခဲ့ရတဲ့ တွမ်မီ တစ်ယောက် အရွယ်ရောက်လာတဲ့အခါမှာ မရိန်းတပ်ထဲကို ဝင်သွားခဲ့ပြီး အရှေ့အလည်ပိုင်းစစ်ပွဲမှာ တိုက်ခိုက်ခဲ့ပါတယ်။ ဒါပေမဲ့လည်း အာဏာရှင် ဆက်ဒမ် ကို ဒီတိုင်းလွှတ်ပေးခဲ့တဲ့အတွက် မကျေနပ်ဖြစ်ပြီး သူကိုယ်တိုင် သွားရှင်းမယ်ဆိုတဲ့စိတ်နဲ့ ကာနယ်ရဲ့ဂျစ်ကားကို ခိုးပြီး သွားခဲ့ပေမဲ့လည်း လမ်းမှားပြီး ကူဝိတ်မြို့နားမှာ ပြန်အဖမ်းခံလိုက်ရပါတယ်။ တစ်နေ့မှာတော့ အက်ဖ်ဘီအိုင်အေးဂျင့်နှစ်ယောက်က မူးယစ်ရာဇာ လူဆိုးဂိုဏ်းခေါင်းဆောင်ဖြစ်တဲ့ ရက်ဂျီယို ကို ကူညီဖမ်းပေးမယ်ဆိုရင် ပြစ်ဒဏ်လျော့ပေါ့ပေးမယ်ဆိုပြီး ကမ်းလှမ်းလာခဲ့တဲ့အပြင် သူ့ရဲ့ဝမ်းကွဲအကိုဖြစ်ပြီး အခုချိန်မှာ လူမိုက်ဂိုဏ်းခေါင်းဆောင်ဖြစ်နေတဲ့ ဂျိုဝီ ကိုလည်း ဖမ်းဖို့ ခြိမ်းခြောက်လာခဲ့တာကြောင့် ကူညီပေးဖို့ လက်ခံလိုက်ရပါတော့တယ်။ ဒီလိုနဲ့ပဲ ရက်ဂျီယို ကို ဖမ်းနိုင်ဖို့အတွပ် တွမ်မီ တစ်ယောက် သူ့ရဲ့မွေးရပ်မြေကို ပြန်သွားရပြီး ဝမ်းကွဲအကိုဖြစ်တဲ့ လူဆိုးဂိုဏ်းခေါင်းဆောင် ဂျိုဝီ နဲ့ ပြန်ဆုံတွေ့ကြရင်း အက်ဖ်ဘီအိုင်တွေက သူ့ရဲ့ဝမ်းကွဲအကိုကို တင်မဟုတ်ပဲ သူ့ရဲ့ညီလေး ဗင်းဆင့် ကိုပါ ဝှက်ဖဲအနေနဲ့ ကိုင်ထားမှန်း သိရှိလိုက်ရတဲ့အခါမှာ တွမ်မီ တစ်ယောက် ရက်ဂျီယို ကိုပဲ အမိဖမ်းနိုင်မလား၊ ဒီလိုအလုပ်တွေ မလုပ်ပါဘူးဆိုတဲ့ သစ္စာကို ရောဖောက်ဖျက်မိမှာလား၊ သူ့ရဲ့ဝမ်းကွဲအကိုနဲ့ ညီကိုရော ကယ်တင်နိုင်မလား။

t.me/gwmmupl/4630

အခက်အခဲကြားက ကယ်ဆယ်ရေးအဖွဲ့များ (၂၀၁၇)

IMDb - 6.2/10
Genre - War, Action

အာဖဂန်နစ္စတန် စစ်မြေပြင်ထဲက စပိန်တပ်မတော်ရဲ့ ဖြစ်ရပ်မှန် ဇာတ်လမ်းတစ်ပုဒ် ဖြစ်ပါတယ်။ ဒီရုပ်ရှင်မှာတော့ ဆေးဖက်ဆိုင်ရာ ဟယ်လီကော်ပတာတပ်ဖွဲ့အကြောင်းကို အဓိက အခြေပြုထားတာပါ။ ဆေးတပ်ဖွဲ့ ၂ ဖွဲ့ထဲက တစ်ဖွဲ့ကို ရန်သူ့နယ်မြေထဲ ဒဏ်ရာရသူတွေကို ကယ်ထုတ်ဖို့ဆိုပြီး စေလွှတ်ရာမှာ ဟယ်လီကော်ပတာဆင်းသက်ချိန် မြေမညီတဲ့အတွက် ဘီးချော်ပြီး ယာဉ်တိမ်းမှောက်ခဲ့ရပါတယ်။ အဲဒီမှာ အထဲကလူတွေ ထိခိုက်မှုမရှိပေမဲ့လည်း အသံတွေက ကျယ်လောင်ပြီး ရန်သူ့နယ်မြေထဲ ဖြစ်တဲ့အတွက် နောက်ထပ် ကယ်ဆယ်ရေးမလာခင် အသက်ရှင်ဖို့ လုံးပမ်းရမှာပါ။ တစ်ဖက်မှာလည်း စခန်းမှာကက ရဟတ်ယာဉ် ၂ စီးပဲ ရှိတဲ့အတွက် ဒီပျက်ကျတဲ့တစ်စီးကို မရရအောင်သယ်ထုတ်မယ်ဆိုပြီး မဟာဗျူဟာနဲ့ နောက်နေ့ အရုဏ်တက်မှာ အရကယ်ဆယ်ဖို့ကြံစည်ကြပါတယ်။ ဒီလိုနဲ့ ပျက်ကျတဲ့ ဆေးရဟတ်ယာဉ် တပ်ဖွဲ့ရယ်၊ စခန်းစောင့်တပ်ဖွဲ့တွေရယ် ကယ်ဆယ်ရေးမလာခင် တစ်ညတာကို ရန်သူတာဘီဘန် နယ်မြေထဲမှာ ဘယ်လိုမျိုး စွန့်စွန့်စားစားနဲ့ ဖြတ်သန်းရမလဲ။ ကယ်ဆယ်ရေးအချိန်မှီလာလား။ဟယ်လီကော်ပတာကိုလည်း သယ်သွားနိုင်ပါ့မလား။

t.me/msubmovie0/2958

အရေးပေါ် ရဲတပ်ဖွဲ့ (၂၀၀၃)

IMDb - 7/10
Genre - Crime, Thriller

ဂျွန်နီတို အနေနဲ့ ရဲတွေကို နှိမ်ဖို့ သက်သက်ရိုက်ထားတဲ့ ရုပ်ရှင်အလား မှတ်ရတယ်။ ဒီရုပ်ရှင်က ရဲတစ်အုပ်ရဲ့ ကင်းလှည့်တဲ့ တစ်ညတာကို ရိုက်ထားတာ။ သူ့ရုပ်ရှင်အများစုလိုပဲ ဒီရုပ်ရှင်လည်း ဇာတ်အိမ်၊ ဇာတ်အချိန် ကျဉ်းကျဉ်းလေးပဲ။ အကျဉ်းဆုံးလို့တောင် ပြောရမယ်။ တစ်ညပဲ အဲဒီတစ်ညမှာပဲ သူရိုက်ပြတဲ့ပတ်ဝန်းကျင်က လူဆိုးဂိုဏ်းတွေ အကုန်လုံးအကြောင်းနဲ့ ရဲတပ်ဖွဲ့နဲ့ လူဆိုးဂိုဏ်းတွေရဲ့ အခြေအနေကို သေချာလေး ပြနိုင်ခဲ့တယ်။ သူ့ကားတွေမှာ ဂိုဏ်းအရေးတွေနဲ့ ပတ်သက်လာရင် ရဲတွေက ဝင်မပါရဲဘဲ ဘေးထိုင်ရပ်ကြည့်သဘောဆန်ဆန် ပြတတ်ပေမဲ့ ဒီမှာတော့ ရဲတွေရဲ့ ဖျာပဲခင်းတဲ့ သဘောကိုတောင် ပြသွားတယ်။ ဒီဇာတ်ရဲ့ ပြဿနာအများစုကိုက လမ်ဆု ရဲ့ ဇာတ်ကောင်အကြမ်းဖက်နှိမ်နှင်းရေးအရာရှိ လောင် သေနတ်အလုခံရတာကနေ စတာပဲ။ ရဲတစ်ယောက်အတွက် သေနတ်က ဘယ်လောက်အရေးကြီးလဲဆိုတာကို နောက်ပိုင်း စုံထောက်ရူး မှာတော့ အဲဒီသေနတ်ပျောက်တာကိုပဲ ဇာတ်အိမ်တည်ပြီး သေနတ်တွေ ဖလှယ်ရင်းပဲ တစ်ကားလုံး ပြသွားခဲ့တယ်။ ဒီကားမှာကတော့ ရဲပေါင်းစုံကို အားရပါးရကို ထိုင်ဖဲ့သွားတယ်။

t.me/msubmovie0/2946

သားကောင်းမိခင် (၂၀၂၄)

IMDB - 6/10
Genre - Action, Thriller

အာဂျွန် ဟာ ရဲအရာရှိရဲ့သားဆိုပေမဲ့ ထူးထူးဆန်းဆန်းပဲ ရဲစခန်းတိုင်းရဲ့ နံပါတ်တစ် အန္တရာယ်အများဆုံးလို သတ်မှတ်ထားရတဲ့ ရာဇဝင်ထဲကလူမိုက်ကြီး။ လူမိုက်ကြီးက ခိုးဆိုးလုနှိက်အလုပ်တွေ ဘာမှမလုပ်ပေမဲ့ လာရှုပ်တဲ့ လူမိုက်ပေါက်စတွေ တခြားလူဆိုးတွေအကုန်လုံးကိုတော့ တစ်ခါတည်း မရဏမြေကိုအရောက်ပိုတတ်သူမလို စခန်းတွေမှာ လူသတ်မှုအမှုဖိုင်တွေ ရာဂဏန်းလောက် စွဲချက်တင်ခံထားရတဲ့သူပါ။ လူမိုက်ကြီးလို တံဆိပ်ကပ်ခံထားရပေမဲ့ ရွာသားအားလုံးက အာဂျွန် ကို ချစ်ကြောက်ရိုသေကြသလို သူ့ရဲ့ဂိုဏ်းသားတွေအားလုံးကလည်း လေးစားရတဲ့သူတစ်ယောက်ဆိုတော့ ရဲတွေလည်း အာဂျွန် ကို တော်ရုံမထိရဲကြဘူးဆိုပေမဲ့ အငြိမ်းစားရဲအရာရှိနဲ့ ဂိုဏ်းစတားသားဖြစ်သူကြားမှာတော့ ကတောက်ကဆပေါ့။ ဒါပေမဲ့ တစ်နေ့မှာ အမေ့ရဲ့မဟာရန်သူတော် အကြမ်းဖက်သမား ပါထန်း က အမေ့ကိုလက်စားချေဖိုလုပ်နေတယ်ဆိုတာကို အာဂျွန် သိလိုက်ရချိန်မှာတော့။

t.me/indiamovies02/17

ဂမ့် - နှစ်ယောက် တစ်ဘဝ (၂၀၂၄)

IMDb - 6.2/10
Genre - Comedy, Drama

ဂမ့် ဆိုတဲ့ ခွေးလေး တစ်ကောင်နဲ့ ဖရက်ဒီ ဆိုတဲ့ သူ့ရဲ့ သခင် ကြားက မေတ္တာတရားကို ဖော်ကျူးထားတဲ့ ဇာတ်လမ်းလေးဖြစ်ပါတယ်။ တနေ့မှာ သူ့ရဲ့ သခင်ဖြစ်တဲ့ ဖရက်ဒီ သေဆုံးသွားပြီးတဲ့နောက်မှာ နက်ဒ် ဆိုတဲ့ လူလတ်ပိုင်း လူတစ်ယောက်ဆီမှာ သူ့သခင်က သူ့ကို အပ်နှံထားခဲ့ပါတယ်။ ဒီလိုနဲ့ သူရဲ့ သခင်အသစ်နဲ့ ဘယ်လို နေထိုင်သွားမလဲ၊ ဘယ်လို အခက်အခဲတွေနဲ့ ရင်ဆိုင်ရမလဲဆိုတာနဲ့ သူ့ရဲ့ သခင်ဟောင်းဖြစ်တဲ့ ဖရက်ဒီ နဲ့ကော ပြန်လည် ဆုံတွေ့နိုင်ပါ့မလားဆိုတာကို ဇာတ်လမ်းထဲမှာ ကြည့်ရှု့ခံစားလိုက်ပါခင်ဗျာ။

t.me/cartoonbynikko/674