ဒိုနာ (၂၀၁၄)

IMDb - 6.7/10
Genre - Comedy, Romance

ဒိုနာ ဆိုတဲ့ ကောင်မလေးတစ်ယောက်၊ သူက ဘား တွေမှာ လိုက်ပြီး စင်ပေါ်က ဟာသတွေ တင်ဆက်ပေးရတဲ့သူပေါ့။ တစ်ရက်ကျ သူ့ကောင်လေးက Donna အချစ်ဆုံးသူငယ်ချင်းနဲ့ဖောက်ပြန်သွားရော။ ဒါနဲ့ သူတို့လည်း ပြတ်သွားကြတာပေါ့။ အဲ့နောက်ပိုင်း ဒိုနာ တစ်ယောက် နေရာတိုင်းလိုလိုမှာအဆင်မပြေဖြစ်လာခဲ့ပါတယ်။ ဒါပေမဲ့ တစ်ညမှာတော့ ဘား မှာ ဒိုနာ က မက်စ် ဆိုတဲ့ ကောင်လေးတစ်ယောက်နဲ့ အမှတ်မထင်တွေ့ခဲ့ကြတယ်။ ဒီလိုနဲ့ပဲ သူနဲ့ တစ်ညတာဖြတ်သန်းလိုက်တာပေါ့။ တစ်ရက်ကျတော့ အမှတ်မထင်ပဲ ဒိုနာ မှာ ကိုယ်ဝန်ရှိလာခဲ့တယ်။ ဒီကိစ္စကို ဒိုနာ တစ်ယောက် ဘယ်လိုဖြေရှင်းမလဲဆိုတာကို ဒီရုပ်ရှင်မှာ ဟာသလေးတွေနဲ့ ကြည့်ရမှာဖြစ်ပါတယ်။

t.me/gwmmupl/4423

ပူပြင်းခြောက်သွေ့တဲ့ နွေရာသီ (၁၉၅၈)

IMDb - 7.3/10
Genre - Drama

၁၉၅၈ က ထွက်ရှိခဲ့တဲ့ အမေရိကန် ဒရမ်မာ ရုပ်ရှင်ကားတစ်ကားဖြစ်ပါတယ်။ မီးရှို့တတ်တဲ့ကောင်လေးလို့ နာမည်ဆိုးနဲ့ ကျော်ကြားတဲ့ ဘန်ကွစ် တစ်ယောက် သူနေထိုင်တဲ့မြို့မှာ မီးလောင်မှုဖြစ်ပွားလို့ နှင်ထုတ်ခံလိုက်ရပါတယ်။ ခြေဉီးတည့်ရာ လှည့်လည်ရင်း ဗာနာတွေကြီးဆိုးတဲ့မြို့လေးကို သူရောက်လာခဲ့ပါတယ်။ ဗာနာမိသားစုနဲ့ တွေ့လိုက်ရတဲ့အချိန်၊ အထူးသဖြင့် ဝေလ်ဗာနာရဲ့ သမီးဖြစ်သူ ကလာရာနဲ့ တွေ့ဆုံတဲ့အခါမှာတော့ ။ သူ့ရဲ့ စိတ်လှုပ်ရှားမှုတွေ၊ ကလာရာရဲ့ သူ့အပေါ်မုန်းတီးမှုတွေ၊ ဘန်ကွစ်တစ်ယောက် အသက်အန္တရာယ်ခြိမ်းခြောက်ခံရမှုတွေကို ကြည့်ရှုခံစားလိုက်ကြပါဦး။

t.me/gwmmupl/4425

အဖော်မွန် (၂၀၂၄)

IMDb - 6.5/10
Genre - Drama, Comedy

စာရေးဆရာမ အိုင်းရစ် ဆာ မိတ်ဆွေဖြစ်သူဆုံးပါးသွားတာကြောင့် အဲဒီမိတ်ဆွေရဲ့ဆန္ဒအရ အပိုလို ဆိုတဲ့ အသက်ကြီးနေပြီဖြစ်တဲ့ Great Dane ခွေးကြီးကို သူ့တိုက်ခန်းလေးထဲမှာ မွေးရဖို့ဖြစ်လာတဲ့အခါ အိုင်းရစ် တစ်ယောက် အခက်အခဲတွေအများကြီးနဲ့ ရင်ဆိုင်ခဲ့ရပါတယ်။ ကိုယ်တိုင်က မိတ်ဆွေကိုဆုံးရှုံးရလို့ ပူဆွေးသောကရောက်နေတဲ့တိုင်အောင် အပိုလို ရဲ့ ပူဆွေးသောကက ပိုကြီးနေတဲ့အတွက် အပိုလို ကို ကယ်ဆယ်ရေးဂေဟာတွေကို မပို့တော့ဘဲ အိုင်းရစ် ဟာ အသက်ကြီးနေပြီဖြစ်တဲ့ အပိုလို ရဲ့ နောက်ဆုံးအချိန်တွေကို အဖော်ပြုပေးဖို့ဆုံးဖြတ်ခဲ့ပါတယ်။ နှစ်ကြိမ်တိုင်တိုင် စွန့်ပစ်ခံခဲ့ရတာကြောင့် အမြဲတမ်းဝမ်းနည်းနေပုံပေါက်တဲ့ အပိုလို ဆိုတဲ့ ခွေးကြီးရဲ့ သရုပ်ဆောင်မှုတွေနဲ့အတူ စာရေးဆရာမပီပီ ပူဆွေးသောကနဲ့ပတ်သက်လို့ အိုင်းရစ် ရဲ့ ပြောင်မြောက်တဲ့ခံစားချက်တွေကလည်း ရုပ်ရုပ်ခံစားမှုကို ပိုပြီး အသက်ဝင်စေတာ မြင်တွေ့ရမှာဖြစ်ပါတယ်။

t.me/gwmmupl/4429

တော်လှန်စစ်ပွဲ (၂၀၂၄)

IMDb - 6.2/10
Genre - Action, Drama

၁၉၀၅ ခုနှစ်မှာ ကိုရီးယားနိုင်ငံဟာ “ကိုရီးယား-ဂျပန်” စာချုပ်ချုပ်ဆိုဖို့အတွက် အတင်းအကြပ်စေခိုင်းခံခဲ့ရပြီး သံတမန်ဆိုင်ရာအခွင့်အရေးများဖြတ်တောက်ခံရကာ ကိုရီးယားကျွန်းဆွယ်တစ်ခုလုံးဟာ ဂျပန်လက်အောက်ကိုကျရောက်ခဲ့ပါတယ်။ ၁၉၀၉ ခုနှစ်မှာတော့ ဇာတိသွေးအပြည့်ရှိတဲ့ ကိုရီးယားနိုင်ငံက တပ်မတော်ငယ်လေးဟာ လွတ်လပ်ရေးရရှိဖို့အတွက် ဂျပန်နိုင်ငံရဲ့ ဘုရင်ခံကို လုပ်ကြံသတ်ဖြတ်ဖို့ စစ်ဆင်ရေးကိုအစချီခဲ့ပါတယ်။ ဒီစစ်ဆင်ရေးကို ကိုရီးယားတပ်မတော်ရဲ့ ဒုတိယဗိုလ်ချုပ်ကြီး အန်ဂျွန်းဂွန်း က ဦးဆောင်ခဲ့ပြီး လွတ်လပ်ရေးလှုပ်ရှားမှုမဟာမိတ်အဖွဲ့ဝင်တွေနဲ့အတူ သတင်းအချက်အလက်တွေစုဆောင်းကာ ရုရှားတခွင်ကိုလှည့်လည်သွားလာရင်း စစ်ဆင်ရေးဆင်နွှဲပါတော့တယ်။ ဇာတိသွေး၊ ဇာတိမာန်အပြည့်နဲ့တိုက်ပွဲဝင်သွားမဲ့ ဒီစစ်ဆင်ရေးကြီးဟာ စွန့်စားမှုတွေ၊ စွန့်လွှတ်မှုတွေကြားထဲကနေ အောင်မြင်သွားနိုင်မလားဆိုတာကို ကြည့်ရှုခံစားလိုက်ကြရအောင်ပါ။

t.me/gwmmupl/4431

၂၂ မိုင် (၂၀၁၈)

IMDb - 6.1/10
Genre - Action, Thriller

ဂျိမ်း ဟာ အင်မတန် ဒေါသကြီးသူဖြစ်ပြီး ငယ်စဉ်ကတည်းက သူများနဲ့ တမူကွဲပြီး ထူးချွန်တဲ့သူ ဖြစ်တယ်။ နောက်ပိုင်းမှာ အမေရိကန် အစိုးရပိုင်းက သူ့ကို သဘောကျသွားပြီး လျို့ဝှတ် စစ်ဆင်ရေးတွေမှာ ဦးဆောင် ပါဝင်ခိုင်းခဲ့ပါတယ်။ သိပ်မကြာသေးခင်က ဂျိမ်း နဲ့ အဖွဲ့ဟာ ဖောက်ခွဲပစ္စည်းတွေ နဲ့ လျို့ဝှတ်နေထိုင်တဲ့ သံသယရှိတဲ့ အိမ်တလုံးကို ရှာဖွေ သုတ်သင်ခဲ့ပါတယ်။ ရှိသမျှ လူအားလုံးကို မျက်ခုံး တစ်ချက်မလှုပ်ပဲ သတ်ပစ်ခဲ့ကြပြီး သူတို့အချင်းချင်း ပြသနာ တက်သလိုပုံစံ သတင်းလွှင့်ခဲ့ကြပါတယ်။ ဒါပေမဲ့ ဂျိမ်း တို့ ရှာနေတဲ့ ဖောက်ခွဲပစ္စည်းတွေတော့ မတွေ့ခဲ့ရပါဘူး။ တစ်ရက်မှာတော့ လီ လို့ နာမည်တွင်တဲ့ လူငယ်တစ်ယောက်ဟာ အစိုးရရုံးရှေ့မှာ “လက်ဆောင်ပေးစရာရှိတယ်” ဆိုပြီး ဟာ့ဒရိုက် တစ်ခုကို ကိုင်လျက် ရောက်လာပြီး အဖမ်းခံခဲ့ပါတယ်။ “လက်ဆောင်ပေးစရာရှိတယ်” လို့လဲ ပြောရင်း အေးဆေးပဲ အဖမ်းခံလိုက်တယ်။ အဲ့ဒီ ဒရိုက်ထဲမှာ ဗုံးတွေ ရဲ့ တည်နေရာပါတယ်။ လျို့ဝှတ်ကုဒ်နံပါတ်နဲ့ ခံထားပြီး ၈ နာရီအတွင်း ဒေတာတွေ အပြီးဖျက်မယ့် စစ်စတမ် တစ်ခုပါ ထည့်သွင်းထားတော့ ဂျိမ်း တို့အဖွဲ့ အကျပ်ရိုက်ကုန်ပါတယ်။ လီ ဆိုတဲ့သူက နာမည်ပဲ သိရတယ်။ သူ့နောက်ကြောင်း ဘာတစ်ခုမှ လိုက်မရခဲ့ဘူး။ ဘယ်နိုင်ငံကသူလျိုလဲ၊ အေးဂျင့်လဲ၊ ဘာညာ ခြေရာခံမရဘူးလုံးဝ အစအန ပျောက်နေတယ်။ ဒီတော့ကာ အကြမ်းအရမ်း အက်ရှင်ခန်းတွေနဲ့ စိတ်ဝင်စားဖို့ကောင်းတဲ့ မစ်ရှင်တစ်ခုကို တင်ဆက်ပေးလိုက်ပါတယ်။

t.me/gwmmupl/4439

နီကီတာ (၁၉၉၀)

IMDB - 7.3/10
Genre - Action, Thriller

ဒီတစ်ခါကတော့ အက်ရှင်ကားကောင်းကောင်းတွေကြည့်ချင်နေတဲ့ ညီအစ်ကိုတို့အတွက် 1990 မှာထွက်ရှိခဲ့ပြီး ဆုပေါင်းများစွာပိုင်ဆိုင်ထားတဲ့အပြင် Rating တွေလည်း ကောင်း၊ ဇာတ်လမ်းတွဲပါ ပြန်ရိုက်ရလောက်အောင် အောင်မြင်မှုရခဲ့တဲ့ ပြင်သစ်အက်ရှင်ကား နီကီတာ ဆိုတဲ့ကားပါပဲ။ သာမန်အပေအတေဘဝကနေ ထောင်ထဲပို့ခံရပေမယ့် ထောင်ထဲမရောက်ပဲ အေးဂျင့်အဖြစ် သင်တန်းပေးခံရတဲ့ နီကီတာ တစ်ယောက် အေးဂျင့်ဖြစ်ပြီးနောက်ပိုင်း မစ်ရှင်တွေကို ဘယ်လိုဖြတ်ကျော်ခဲ့ရလဲ။ တစ်ဖက်မှာလည်း သူ့ဘဝလောက်ချစ်ရတဲ့သူကိုတွေ့ပေမဲ့ သူ့ရဲ့အလုပ်ကြောင့် သူတို့နှစ်ယောက်ရဲ့ အချစ်ရေးမှာရော ဘယ်လိုအခက်အခဲတွေတွေ့ခဲ့ရလဲဆိုတာကို အက်ရှင်ရိုမန့်အကြမ်းအလန်းတွေနဲ့ကြည့်ရှုရမှာပဲဖြစ်ပါတယ်။

t.me/cartoonbynikko/634

ရှောင်လင်ဘောလုံး (၂၀၀၁)

IMDb - 7/10
Genre - Comedy, Sport

စတီဖင်ချောင် ဆိုတာနဲ့ သရုပ်ဆောင်ရော ဇာတ်လမ်းဇာတ်ညွှန်းပိုင်းမှာပါ သူမတူအောင် တင်ဆက်နိုင်တဲ့ ဟာသဘုရင် တစ်ယောက်လို့ တန်းမြင်ကြမှာပါပဲ။ ဟာသကားတွေပေါပါတယ်။ ဒါပေမယ့် အနုပညာအရ တန်းဝင်ဖို့ သိပ်ခက်ခဲတယ်။ စတီဖင်ချောင် ဇာတ်ကားတွေကတော့ အနုပညာအရရော ဟာသသဘောမှာရော သရော်တဲ့သဘောမှာရော သာမန်ဟာသကားတွေထက် တဆင့်မြင့်နေခဲ့တာပါ။ ရသတစ်ခုခုကို အမြဲပါဝင်လာအောင် ချပြထားနိုင်ခဲ့တာပါ။ ဒါကြောင့်လဲ သူ့ဇာတ်ကားတွေဟာ အာရှရဲ့ ထိပ်တန်းဇာတ်ကားတွေ ဖြစ်ကျန်နေခဲ့တာပါပဲ။ စတီဖင်ချောင် ဇာတ်ကားတွေရဲ့ Theme တစ်ခုက ဘဝကို ပျော်ပျော်ကြီး ခံစားဖို့ပဲ။ စိတ်ညစ်စရာတွေ့လဲ ပျော်ပျော်ကြီး။ လုပ်သမျှရဲရဲ ဝံ့ဝံ့နဲ့ ။ ပြီး ။ လွဲတော့လဲ ပျော်ပျော်ကြီး ။ ဒါမျိုး ဘဝမှာ နေဖို့က သိပ်ခက်ခဲတယ်မလား။ ဘဝဆိုတာ ဖြတ်သန်းစဉ်က အတည်ကြီးတွေ ခံစား ချစ်ကြ လွမ်းကြ ဆွေးကြ တိုက်ကြ ခိုက်ကြ ။ ဒါပေမယ့် ပြန်တွေးကြည့်တော့လဲ ရယ်စရာအတိတ်တွေ ခပ်များများ ။ ဘဝဆိုတာ ဘာမှလဲ မဟုတ်လှ ။ ဒီလို ဘာမှမဟုတ်တဲ့ ဘဝကြီးကို ဟာသတွေနဲ့ ချိတ်ဆက်ပြထားတဲ့ စတီဖင်ချောင် ရဲ့ ဇာတ်ကား‌တွေ တစ်ဝကြီးထိုင်ကြည့်ရင်း ဘဝဆိုတာကြီးကို ကျွန်တော်တို့ ဟားတိုက်နေကြရအောင်ဗျာ။

t.me/cartoonbynikko/636

ကျူးလစ်ပန်းငယ် (၂၀၁၇)

IMDb - 6.2/10
Genre - Romance, Drama

၁၇ ရာစု နယ်သာလန်တွင် ကျူးလစ်ပန်း မာနီယာ အဖြစ် ကျော်ကြားခဲ့တဲ့အခါ၊ အမ်စတာဒမ်မြို့မှာ လူတွေက ကျူးလစ်ပန်းပိုင်ဆိုင်ရန် အရူးအမူးဖြစ်ခဲ့ကြပါသည်။ ကမ္ဘာတစ်ဝှမ်းတွင် အလွန်ရှားပါးလှပတဲ့ ပန်းများအတွက် ရင်းနှီးခဲ့ကြတဲ့အကြောင်းကို နောက်ခံထားတဲ့ ဒီဇာတ်ကားဟာ အချစ်ဇာတ်လမ်းတစ်ပုဒ်ဖြစ်ပါတယ်။ ဆိုဖီယာ ဟာ မိဘမဲ့ ကောင်မလေးတစ်ယောက်ဖြစ်ပြီး၊ ကောနယ်လစ် ဆိုတဲ့ ကုန်သည်ကြီးတစ်ယောက်ရဲ့ မယားငယ်အဖြစ် အိမ်ထောင်ဝင်လာပါတယ်။ တစ်နေ့မှာတော့ ကောနယ်လစ်ဟာ သူ့မိန်းမနဲ့ ပုံတူပန်းချီဆွဲဖို့ ဂျန်ဗန်လော့စ် တဲ့ ပန်းချီဆရာကို ငှါးလိုက်ပါတယ်။ ဂျန်နှင့် ဆိုဖီယာက တစ်ခန်းတည်းနေရာမှာ တိတ်တိတ်ပုန်းချစ်ကြဖို့ စတင်ပြီး၊ ကောနယ်လစ်ရဲ့ မိန်းမနဲတာ့ အချစ်ဇာတ်လမ်းတစ်ပုဒ်ဖွင့်လှစ်လာပါတယ်။ မာရီယာ ဟာ ဝီလ်လျံ နဲ့ ချစ်ကြရင်း၊ ကျူးလစ်ပန်းလေလံ မှာ ဝင်ရောက်ပြီး ဘရိတ်ကာ ဆိုတဲ့ အနီစင်းပန်းကို ဝယ်လိုက်သောအခါ၊ သင်္ကေတတစ်ခုအဖြစ် အချစ်တစ်ခုအတွင်းကွဲပြားမှုများရပြီး အမှားများစွာ လုပ်ငန်းများကြားက ကြုံတွေ့ရမှာဖြစ်ပါတယ်။

t.me/gwmmupl/4294

သွေးနမူနာ (၁၉၈၄)

IMDB - 7.5/10
Genre - Thriller, Crime

ဒီကားကတော့ Crime thriller တွေကြိုက်တဲ့သူတွေ အတွက် တော့ကွက်တိပါပဲ။

တက္ကဆက်ပြည်နယ်က ဘားပိုင်ရှင်တစ်ယောက်က သူ့မိန်းကဖောက်ပြန်နေ တာကို သံသယဝင်ပြီး အလွတ်စုံထောက်တစ်ယောက်ကို ငှားပြီးစုံစမ်းခိုင်းပြီးတော့ နှစ်ယောက်စလုံးကို သတ်ခိုင်းပါတယ်။ ဇာတ်လမ်းကအဲ့ကနေစပြီးရှုပ်တော့တာပါပဲ။ Spoiler တွေပါမှစိုးလို့ ဒီလောက်ပဲ ညွှန်းပါတော့မယ်။ မှုခင်း ကားတွေကြိုက်တဲ့သူတွေ အကြိုက်တွေ့မှာတော့သေချာပါတယ်။

t.me/msubmovie0/2859

ငွေတစ်သန်း (၂၀၀၉)

IMDB - 5.7/10
Genre - Thriller, Adventure

ဆုကြေးငွေ ဒေါ်လာ ၁သန်းရရှိမဲ့ ဂိမ်းရှိုးတစ်ခုမှာ ပါဝင်ဖို့ လူအယောက်ပေါင်းများစွာထဲက နောက်ဆုံးရွေးချယ်ခံရတဲ့ လူ ၈ယောက်ဟာ ဂိမ်းကစားဖို့အတွက် ဩစတေးလျနိုင်ငံက သဲကန္တာရကြီးထဲကို ခေါ်ဆောင်သွားခံရပါတော့တယ်။ အဲဒီလူ ၈ယောက်ထဲကမှ ၁ ယောက်တည်းကသာ ဒေါ်လာ ၁သန်းရရှိမှာဖြစ်ပြီး ဆုကြေးငွေကြီးသလို ဒီလူ ၈ယောက် ယှဉ်ပြိုင်ရမဲ့ခရီးဟာလည်း မသေးပါဘူး။ အဲဒီလိုနဲ့ ပထမဆုံးပြိုင်ပွဲစတင်ပြီး ပြိုင်ပွဲကထွက်ခွာရတဲ့သူလည်း ပေါ်ပေါက်လာတော့တယ်။ ဒါပေမဲ့ အဲဒီပြိုင်ပွဲကနေထွက်ခွာသွားရတဲ့သူကို နောက်တစ်နေ့ တောထဲမှာ သေလျက်ကြီး တွေ့လိုက်ရတဲ့အခါမှာတော့။ ကိုယ့်အသက်အန္တရာယ်ပါ ခြိမ်းခြောက်လာခံရတဲ့အထိ သူတို့တွေ အဲဒီဂိမ်းကို ဆက်ကစားကြဦးမှာလား။ ငွေအတွက်သာဆို ဘာမဆိုလုပ်ရဲလာတဲ့ လူတွေရဲ့ ဖြစ်လေ့ဖြစ်ထရှိတဲ့ စရိုက်သဘာဝတွေကို ကွင်းကွင်းကွက်ကွက်မြင်ရမဲ့ ဇာတ်ကားလေးပဲဖြစ်တာမို့ ကြည့်ရှုသင့်ပါတယ်။

t.me/msubmovie0/2861

အမေ (၂၀၂၄)

IMDb - 8.3/10
Genre - Drama

ဘယ်ပတ်ဝန်းကျင်အသိုင်းအဝိုင်းမှာပဲဖြစ်ဖြစ် တတ်နိုင်သမျှ လူတိုင်းကို တန်းတူညီမျှ ဆက်ဆံပေးနိုင်ဖို့လိုပါတယ်။ အထူးသဖြင့် သားသမီးတစ်ယောက်နဲ့အထက် မွေးထားတဲ့ မိသားစုတွေမှာပေါ့။ ဒီဇာတ်ကားလေးမှာလည်း ဒီလိုပါပဲ။ မိခင်ဖြစ်သူ အိုမီယွန်းမှာ သားဖြစ်သူ ဂန်ဂီဟွန်း နဲ့ သမီးဖြစ်သူ ဂန်ဂျီအွန်း ဆိုပြီး သားသမီးနှစ်ယောက်ရှိတယ်။ ပညာရေးမှာလည်း ထူးချွန်ထက်မြက်သလို သားကြီးဩရသလည်းဖြစ်တဲ့ ဂီဟွန်းကို မိခင်ဖြစ်သူက သည်းသည်းလှုပ်ပဲပေါ့။ မောင်နှမနှစ်ယောက်ကို တမင်ခွဲခြားဆက်ဆံတာတော့မဟုတ်ပေမဲ့ ကိုယ်ကိုယ်တိုင်တောင် သတိမထားမိလိုက်ဘဲ အရာရာ သားဖြစ်သူကိုပဲ ဦးစားပေးမိတဲ့အခါ သမီးငယ် ဂျီအွန်းရဲ့ စိတ်ထဲမှာ “မိသားစုက သူ့အစ်ကိုကိုပဲဦးစားပေးတယ်” ဆိုတဲ့ စိတ်ဒဏ်ရာက တစ်စတစ်စ ကြီးထွားလာပါတော့တယ်။ ဒီလိုနဲ့ အရွယ်လေးရောက်လာကြတော့ အစ်ကိုဖြစ်တဲ့ ဂီဟွန်းက အမေနဲ့အတူတူ မွေးရပ်မြေမှာ ခေါက်ဆွဲဆိုင်လေးဖွင့်ထားပေမဲ့ ဂျီအွန်းကတော့ ဝါသနာပါရာ အိုင်ဒေါအလုပ်ကိုလုပ်ဖို့ အိမ်ကနေထွက်သွားပြီး မိသားစုကိုပါ သံယောဇဉ်ဖြတ်လိုက်ပါတော့တယ်။ ဒီလိုနဲ့ တစ်ရက်ကျ မိခင်ဖြစ်သူ အိုမီယွန်းတစ်ယောက် အယ်ဇိုင်းမားဆိုတဲ့ မှတ်ဉာဏ်တွေ ဆုံးရှုံးရတဲ့ ဝေဒနာဆိုးကြီးကို ခံစားလိုက်ရတဲ့အခါမှာ ။

t.me/msubmovie0/2864

မီးပြတိုက်က လူသတ်သမား (၂၀၂၅)

ဇာတ်လမ်းကတော့ နှိပ်စက်အနိုင်ကျင့်တဲ့ ခင်ပွန်းဖြစ်သူဆီကနေ ထွက်ပြေးလာတဲ့ ဂျက်စီကာ ဗစ်ကားစ်ကို အဓိကထား ရိုက်ကူးထားတာဖြစ်ပါတယ်။ ခင်ပွန်းဖြစ်သူဆီကနေ ထွက်ပြေးလာတဲ့ ဂျက်စီကာ ဟာ မုန်တိုင်းထန်တဲ့ ညတစ်ညမှာ သူငယ်ချင်းဖြစ်သူ ရိုရီ ရဲ့ အကူအညီနဲ့ ပင်လယ်ပြင်ကို ဖြတ်ပြီး ကနေဒါကို ထွက်ပြေးလာခဲ့ပါတယ်။ မုန်တိုင်းကြောင့် လှိုင်းကြီးလာတဲ့အခါ သူတို့လှေကလည်း လှိုင်းဒဏ်ကို မခံနိုင်ဘဲ မှောက်သွားရပြီးတဲ့နောက် ကံကောင်းပြီး အသက်မသေတဲ့ ဂျက်စီကာ ဟာ ကမ်းတစ်ခုမှာ သွားတင်နေခဲ့ပါတယ်။ အဲဒီကမ်းခြေမှာ တစ်ယောက်တည်းနေတဲ့ အက်ဒလိုင်း လို့ခေါ်တဲ့ အမျိုးသမီးတစ်ယောက်က ဂျက်စီကာ ကို ကယ်ထားပေးပြီး အနိုင်ကျင့်တဲ့ ခင်ပွန်းလာလိုက်ရှာတာကနေပါ ကာကွယ်ပေးထားပေမဲ့ အဲဒီအမျိုးသမီးမှာလည်း လျှို့ဝှက်ချက်တွေရှိနေတယ်ဆိုတာကို ဂျက်စီကာ သိလိုက်ရပါတော့တယ်။ လူသူအရောက်အပေါက်နည်းတဲ့ ကမ်းခြေမှာ တစ်ယောက်တည်းနေတဲ့ အက်ဒလိုင်း မှာ ဘာလျှို့ဝှက်ချက်တွေရှိနေတာလဲ။ ပီးတော့ ဂျက်စီကာ ကရော ဘယ်လိုဆက်လုပ်မှာလဲ သူ့ယောကျ်ားဆီကနေရော လွတ်အောင်ပြေးနိုင်သွားမှာလား။

t.me/gwmmupl/4466

တို့ဖေဖေ (၂၀၂၅)

IMDb - 9.1/10
Genre - Drama

ကျေးလက်လူနေမှုဘဝကို နောက်ခံထားပြီး မူလတန်းအရွယ်က ကလေးမလေးတစ်ယောက်ရဲ့ဘဝကို ချစ်စရာဖြစ်အောင်ရော သနားစရာဖြစ်အောင်ပါ ပုံဖော်ထား ရိုက်ကူးထားပါတယ်။ ရွာလေးတစ်ရွာမှာ ဂျီဂျာ ဆိုတဲ့ ချစ်စရာမူလတန်းကျောင်းသူလေးရှိပါတယ်။ ဂျီဂျာလေးဟာ အမေရယ် အဘွားရယ်နဲ့အတူနေပါတယ်။ အဖေဖြစ်သူကတော့ ဆုံးပါးသွားပြီး ဂျီဂျာတောင်မမြင်ဖူးလိုက်ပါဘူး။ ဂျီဂျာလေးဟာ ကလေးသဘာဝအတိုင်း စားလိုက် ဆော့လိုက်နဲ့ ပျော်ပျော်နေပေမဲ့ စိတ်ထားလေးကောင်းပြီ ကူညီတတ် သနားတတ်သူလေးပါ။ တစ်ခါမှမမြင်ဖူးလိုက်တဲ့ သူ့အဖေကိုလည်း သတိရရကောင်းမှန်း မသိပါဘူး။ တစ်နေ့တော့ ကျောင်းအုပ်ဆရာကြီးက ဂျီဂျာ့ကို ကျောင်းပြိုင်ပွဲတစ်ခုမှာ “တို့ဖေဖေ” ခေါင်းစဉ်နဲ့ ယှဉ်ပြိုင်ရမယ်လို့ ပြောလိုက်ရာကစလို့ ဂျီဂျာတစ်ယောက် သူ့အဖေအကြောင်း သိချင်လာခဲ့ပါတယ်။ သူ့အမေကို မေးပေမဲ့လည်း အရှင့်အိမ်မှာဆိုတာကလွဲပြီး သေချာအဖြေမရခဲ့ပါဘူး။ နောက်တော့ ဂျီဂျာလေးဟာ ဘယ်ရောက်နေမှန်းမသိတဲ့ သူ့အဖေဆီ စာတိုက်ကနေ စာပို့ဖို့ အကြံရလာခဲ့ပါတယ်။ ဒီလိုနဲ့ ဂျီဂျာပို့လိုက်တဲ့စာတွေဟာ ဘယ်ကိုရောက်သွားမလဲ။ ဂျီဂျာတစ်ယောက် သူ့အဖေအကြောင်းကို သိခွင့်ရမလား၊ ပြိုင်ပွဲမှာ “တို့ဖေဖေ” အကြောင်း ဘာတွေပြောသွားမလဲဆိုတာကို ကျေးလက်နောက်ခံနဲ့ ချစ်စရာကလေးသဘာဝကို ကြည့်ရှုခံစားရင်း... ပျော်စရာ၊ ရယ်စရာ၊ ငိုစရာ၊ လွမ်းမောစရာအဖြစ် ကြည့်ရှုကြရမှာဖြစ်ပါတယ်။

t.me/indiamovies02/4

ဇစ်မြစ် (၂၀၂၄)

IMDb - 6.2/10
Genre - Horror

ငယ်ဘဝ ထရာမာ စိတ်ဒဏ်ရာတွေ၊ ဘာသာရေး အမှောင်ကျမှုတွေကို ဖော်ညွှန်းထားတဲ့ ဒီဇာတ်ကားက အိုင်ယာလန်နိုင်ငံမှာ ရိုက်ကူးထားတဲ့ အိုင်းရစ်စကားပြော ဇာတ်လမ်းပါ။ ဇာတ်ကားရဲ့ နာမည်က အိုင်ယာလန် ဘာသာစကားနဲ့ ဖြစ်ပြီး “ဇစ်မြစ်/အမြစ်” ဆိုတဲ့ အဓိပ္ပါယ်ရပါတယ်။ ဒီဇာတ်ကားမှာ သက်ကြီးရွယ်အို ကူညီစောင့်ရှောက်ရေး အေဂျင်စီမှာ လုပ်ကိုင်တဲ့ သျှူဘန်း (ခ) သျှူး ဆိုတဲ့ အမျိုးသမီးတစ်ယောက်ဟာ သူမရဲ့ မိခင် သူကိုယ်သူ ဆွဲကြိုးချ သေဆုံးပြီးနောက် ကျန်ရစ်ခဲ့တဲ့ အခန်းကို ရှင်းလင်းရေးလုပ်ဖို့ သူမရဲ့ ဇနီး မီလာ နဲ့အတူ ရောက်လာခဲ့ပါတယ်။ လေဖြတ်သွားတဲ့ သက်ကြီးရွယ်အိုတစ်ဦးကို ကူညီစောင့်ရှောက်ပေးဖို့အတွက် အလုပ်မက်ဆေ့က ရောက်လာခဲ့လို့ ရှင်းလင်းရေးမပြီးခင်မှာပဲ သွားခဲ့ပါတယ်။ တစ်ကယ်တမ်းကျတော့ သျှူး ရဲ့ အေဂျင်စီက သူမကို မိသားစုနာရေးရှိလို့ ခွင့်ရက်ပေးထားပြီးတော့ လုံးဝ အလုပ်အပ်ခဲ့တာ မဟုတ်ပါဘူး။ ဟိုကိုရောက်တဲ့အခါမှာ သူကြည့်ရှုပေးရမယ့် အဖွားကြီးဟာ အိမ်မှာ တစ်ယောက်တည်းနေထိုင်ပြီးတော့ လေဖြတ်ရုံတင်မက သူငယ်ပြန်ချင်သလို ဖြစ်နေပြီး စကားတွေတောင်စဉ်ရေရာမရ ပြောတဲ့သူ ဖြစ်နေတာပါ။ အဖွားကြီးရဲ့ နောက်ကြောင်းနဲ့ ဒီအိမ်ကြီးရဲ့ ခြောက်ခြားဖွယ် သမိုင်းကြောင်းတွေက ဘယ်လိုဆက်စပ်မှုရှိနေလဲ။ သူမကို အေဂျင်စီ အယောင်ဆောင်ပြီး အလုပ်ပေးခဲ့တဲ့ သူတွေကရော ဘယ်သူတွေလဲ။ သျှူး နဲ့ ဒီအိမ်က ဘယ်လိုတွေ ပတ်သတ်မှုရှိနေလို့ ရောက်လာခဲ့တာလဲ။

t.me/nyamakyeetya/5450