နာမည်ကြီးမင်းသားများပါဝင်ထားသော အမေရိကန်ဖောက်ထွင်းမှုဆိုင်ရာ ဂန္တဝင်ဇတ်ကားကောင်းတစ်ကား

IMDB - 6.8/10
Genre - Thriller, Crime, Action

ကနေဒါနိုင်ငံမွန်ထရီယယ်မြို့မှာနေတဲ့ နစ်ခ်ဝဲလ် ဟာ ကနေဒါပြည်နယ်တွေသာမကပဲ အခြားနိုင်ငံများကမီးခံသေတ္တာတွေကိုပါဖောက်ထွင်းပြီး တန်ဖိုးကြီးပစ္စည်းတွေကို ခိုးယူသူဖောက်ထွင်းသမားတစ်ယောက်ဖြစ်ပါတယ်။ မက်စ် ကတော့ နောက်ကွယ်ကနေလိုတဲ့ငွေကြေးကိုထောက်ပံ့ပေးပြီးပစ္စည်းရလာတဲ့အခါဝယ်သူရှာပြီးဝေစုခွဲလေ့ရှိပါတယ်။ နစ်ခ် က ဂျက်ဇ် ဂီတကလပ်ကိုပိုင်ပေမယ့်အကြွေးပေးဖို့ကျန်နေပါသေးတယ်။ သူကလည်း ဒီအလုပ်ကနေအနားယူပြီးအေးအေးဆေးဆေး နေဖို့စိတ်ကူးထားပါတယ်။ နစ်ခ် ရဲ့ချစ်သူ ဒိုင်ယန်း ကလည်းဒီအလုပ်ထပ်မလုပ်ဖို့ပြောလာပါတယ်။ ၂၅ နှစ်လုံးဖောက်ထွင်းမှုတွေလုပ်လာပြီး ဒီတစ်ခါနောက်ဆုံးပဲအချီကြီးကြံပြီး နစ်ခ် နဲ့ မက်စ် တို့ဖောက်ထွင်းခိုးယူဖို့ကြံတဲ့ပစ္စည်းကသူတို့နေတဲ့မွန်ထရီယယ်မြို့ကအခွန်ကောက်ခွန်ရုံးမှာရှိနေတဲ့အခါ နစ်ခ် ကမလုပ်ချင်ပေမယ့် မက်စ် ကိုငဲ့ပြီးလုပ်မယ်ဆုံးဖြတ်လိုက်ပါတယ်။ နစ်ခ် တစ်ယောက်တည်းဒါကိုလုပ်လို့မရပဲအတွင်းလူတစ်ယောက်လိုလာတဲ့အခါဖောက်ထွင်းသမားလောကထဲကိုစဝင်လာတဲ့ ဂျက်ခ်ဆဲလား နဲ့တွဲလုပ်ရဖို့ဖြစ်လာပါတယ်။ သူတို့ဖောက်ထွင်းခိုးယူမှာကဘာပစ္စည်းလဲ ဘာတွေကို ဘယ်လိုအစီအစဥ်ဆွဲသလဲ ဘယ်လိုတွေဖောက်ထွင်းသလဲဆိုတာနဲ့မထင်မှတ်တဲ့အလှည့်အပြောင်းတွေကစိတ်ဝင်စားစရာကောင်းလို့ဖန်သားပြင်ပေါ်မှာဆက်ကြည့်ရှု့နိုင်ပါတယ်

t.me/cartoonbynikko/600

ဒါဗင်စီကုဒ် (၂၀၀၆)

IMDB - 6.6/10
Genre - Thriller, Mystery

ပြင်သစ်နိုင်ငံ ပါရီမြို့ရဲ့ အဓိကပြတိုက်ကြီးဖြစ်တဲ့ လူးဝ်ပြတိုက်မှာ ညကြီးသန်းခေါင် ပြတိုက်မှူးကြီး အသတ်ခံရသတဲ့။ ပြတိုက်မှူးကြီးဟာ သူမသေခင်မှာ သင်္ကေတကုဒ်တွေချန်ထားခဲ့တယ်။ ဒီလိုနဲ့ ပြင်သစ်ရဲတွေဟာ ပြတိုက်မှူးကြီးချန်ထားခဲ့တဲ့ စာတွေထဲက တစ်ခုတည်းသော နာမည်အနောက်ကို လိုက်ပါလေရော။ လန်ဂ်ဒန်တဲ့ ။ ဟားဗဒ်တက္ကသိုလ်ရဲ့ သင်္ကေတဗေဒပညာရှင်။ ကမ္ဘာပေါ်က ရှားမှရှားပညာရှင်မျိုး။ ပြတိုက်မှူးကြီးက သူမသေခင်ညမှာ လန်ဂ်ဒန်နဲ့ ညစာစားဖို့ရာ စီစဉ်ထားခဲ့တယ်။ ဒီလိုနဲ့ လန်ဂ်ဒန်ကို ပြင်သစ်ရဲတွေက အကူအညီတောင်းဖို့ရာဆိုပြီး လူးဝ်ပြတိုက်ကို ခေါ်လာပါလေရော။ ပြတိုက်အဝင်ဝက ဧရာမဖန်သားပိရမစ်ကြီးက ပြသာနာတွေတော့ အထဲမှာစောင့်ပါပြီလို့ လန်ဂ်ဒန်ကို တိတ်တဆိတ်သတိပေးနေသလိုပါဘဲ။ သူလည်း အထဲရောက်သွားရော၊ အထဲမှာ ပြတိုက်မှူးကြီးရဲ့ ကိုယ်လုံးတီးအလောင်းက ပြတိုက်ကြမ်းပြင်ပေါ်မှာ ပြန့်ကားနေတယ်။ လက်နှစ်ဖက်ကို ဆန့်တန်းထားပြီး ဝမ်းဗိုက်ဖောင်းဖောင်းကြီးအပေါ်မှာလည်း ငါးထောင့်ကြယ်ပုံကြီးကို သွေးနဲ့ပုံဖော်ထားတယ်။ နတ်ကိုးကိုယ်သူတွေ၊ မီးရေနေလကိုးကွယ်သူတွေရဲ့ ရှေးဦးသင်္ကေတပုံစံမျိုး။ တစ်ဖက်လက်ညိုးမှာ သွေးပေနေပုံကိုထောက်ပြီး သူ့ဝမ်းဗိုက်က သေနတ်ဒဏ်ရာက သွေးကို ယူပြီး ကြယ်ပုံကို သူကိုယ်တိုင် ဆွဲခဲ့ပုံပါဘဲ။ နောက်တစ်ဖက်လက်မှာတော့ မာကာချောင်းကို မြဲမြဲဆုပ်ထားတယ်။ မကြာခင်မှာဘဲ လန်ဂ်ဒန်တစ်ယောက် စဉ်းစားမိရာ စဉ်းစားပြီး ကြမ်းပြင်ကို မီးထိုးကြည့်ရာမှာတော့ စာသားတွေပေါ်လာခဲ့တယ်။ ပထမဆုံးပေါ်လာတာက ကိန်းစဉ်တန်းတစ်ခု ။ 13-3-2-21-1-1-8-5 ။ နောက်တစ်ခုက စာသားတွေ။ ပထမဆုံးပေါ်လာတဲ့ ကိန်းစဉ်က ခန့်မှန်းရတာ သိပ်လွယ်တဲ့အရာ။ ဖီဘိုနာချီကိန်းစဉ်တန်းတစ်ခု ။ လှပပြီး သေသပ်တဲ့ ကိန်းစဉ်တန်းတစ်ခု။ သဘာဝကြီးရဲ့ ကိန်းစဉ်တန်းတစ်ခု။ ကပ်လျက်ရှိတဲ့ ကိန်းတွေရဲ့ အချိုးဟာ 1.6 စွန်းစွန်းလေးရှိမယ့်ကိန်းစဉ်တန်းတစ်ခု။ စာသားတွေကိုကြည့်တော့ လျှို့ဝှက်စာသား။ တကယ်တမ်းကျ ဒီလောက်များတဲ့ စာတန်းရှည်ကို ကုဒ်ဖော်ဖို့ရာ ဒန်ဘရောင်း နဲ့ ရုပ်ရှင်ထဲက လန်ဂ်ဒန်တို့ လုပ်သွားသလောက် မလွယ်ဘူး။ ဘယ်လိုဘဲပြောပြော လန်ဂ်ဒန်က ကုဒ် ဖြည်နိုင်ခဲ့တယ်။ လီယိုနာဒို ဒါဗင်စီ ။ မိုနာလီဆာ တဲ့။ သာမန်လူသတ်မှုကနေ သမိုင်းတစ်လျှောက်ရဲ့ အဓိကအနုပညာကြီးဖြစ်တဲ့ မိုနာလီဆာ အထိပါပါလာခဲ့ပြီ။ ဇာတ်လမ်းထဲမှာ ဒီကတဆင့် ဟိုလီဂရေး ဆိုတာပါပါလာခဲ့တယ်။ ဟိုလီဂရေး ဆိုတာကတော့ ယေရှုခရစ်တော် နောက်ဆုံးစားပွဲကြီးမှာ သုံးခဲ့တဲ့ ကလပ်ခွက် (ခွက်)။ နောက်ပြီး ခရစ်တော်ကို ကြိုးစင်တင်ရာကနေကျလာတဲ့ သွေးတွေကို ခံခဲ့တဲ့ ခွက်။ ဒီခွက်ကို ရဖို့ ဟိုးရှေးရာစုနှစ်တွေကတည်းက အထူးတပ်ဖွဲ့တွေ၊ သူရဲကောင်းတပ်ဖွဲ့တွေက ကြိုးစားလာခဲ့တာမျိုး။ ခရစ်ယာန်သမိုင်းရဲ့ အဓိကအချက်အခြာရတနာလို့ သတ်မှတ်ခံထားရတာမျိုး။ ဂျေရုစလင်ကို ဥရောပက သိမ်းပြီးနောက် မြို့တော်ကို ကာကွယ်စောင့်လျှောက်ဖို့ရာဆိုပြီး သူရဲကောင်းအဖွဲ့ကြီးကို ဖွဲ့ခဲ့တယ်။ ဒါပေမယ့် ဒန်ဘရောင်း ရဲ့ စာအုပ်ထဲမှာတော့ ၎င်းက အဆိုပါတပ်ဖွဲ့ဟာ မြို့တော်နဲ့ လားလားမှ မဆိုင်ဘဲ ဟိုလီဂရေး ခွက်ကို ရှာပုံတော်ဖွင့်ဖို့လို့ ဆိုထားပါတယ်။ ဟိုလီဂရေး ရော ပြတိုက်မှူးကြီး အသတ်ခံရာမှာ ဘယ်လိုပတ်သက်လဲ? ဟို နှစ်ရာပေါင်းများစွာက လီယိုနာဒို ဒါဗင်စီ ကရော ဘယ်လိုပက်သက်လဲ? ကြားထဲက လန်ဂ်ဒန်ကရော?

t.me/cartoonbynikko/602

ငရဲမီး (၂၀၁၆)

IMDb - 6.2/10
Genre - Thriller, Mystery

ဒန်ဘရောင်း ရဲ့ စာအုပ် ငရဲမီး ကို ရုပ်ရှင်အဖြစ် ရိုက်ကူးထားတဲ့ ဒီဇာတ်ကားမှာလဲဇာတ်ကောင် ရောဘတ်လန်ဒန် အဖြစ် တွမ်ဟန့် ကပဲဆက်လက်ပါဝင်ထားပြီး
သူ့ရှေ့ကထွက်ခဲ့တဲ့ ဒါဗင်စီကုဒ် (၂၀၀၆) နဲ့ အကောင်း နှင့် အဆိုး (၂၀၀၉) တို့ရဲ့ အဆက်အဖြစ် ထွက်ရှိခဲ့တာပါ။

ပါမောက္ခ လန်ဂ်ဒန် ဟာ ဆေးရုံတစ်ခုမှာ မှတ်ဉာဏ်တွေပျောက်ဆုံးပြီးမှ ခေါင်းဒဏ်ရာကြီးနဲ့ နိုးလာခဲ့ပါတယ်။ မီးလောင်မြိုက်နေတဲ့ ကမ္ဘာကြီးရဲ့ မြင်ကွင်းကလွဲလို့ ဘာကိုမှသတိမရတော့ဘဲ အတိတ်နဲ့အဆက်အသွယ်ပြတ်သွားတာကြောင့်သူဘာကြောင့်ဆေးရုံရောက်တယ်ယ သူဘာတွေလုပ်ခဲ့တယ် မေ့နေခဲ့ပါပြီ။ ဒါကြောင့် သတိရဖို့ကြိုးစားနေတုန်းမှာပဲ သူ့ကိုသတ်မယ့်ဖြတ်မယ့်လူတွေအပြင်အစိုးရအဖွဲ့တွေကပါ သူ့နောက်ကို အသည်းအသန်လိုက်နေတာကို သိလိုက်ရပါတယ်။ သူ့လက်ထဲမှာလဲ ငရဲရဲ့မြေပုံနဲ့ ပဟေဠိတစ်ခု၊ သူဘာတွေရှုပ်ထားမိပြီလဲ။ ဒီလိုနဲ့လူသတ်သမားတွေရန်က ပြေးရင်းလွှားရင်း မှတ်ဉာဏ်တွေ တဖြည်းဖြည်းပြန်ပေါ်လာရင်း သဲလွန်စတွေနောက်ကိုလိုက်ရင်း ကမ္ဘာကြီးရဲ့ သေရေးရှင်ရေးဟာ ဒီပဟေဠိအပေါ်မူတည်နေမှန်း သိလိုက်ရတဲ့အချိန်မှာတော့

t.me/cartoonbynikko/606

ကျူးလစ်ပန်းငယ် (၂၀၁၇)

IMDb - 6.2/10
Genre - Romance, Drama

၁၇ ရာစု နယ်သာလန်တွင် ကျူးလစ်ပန်း မာနီယာ အဖြစ် ကျော်ကြားခဲ့တဲ့အခါ၊ အမ်စတာဒမ်မြို့မှာ လူတွေက ကျူးလစ်ပန်းပိုင်ဆိုင်ရန် အရူးအမူးဖြစ်ခဲ့ကြပါသည်။ ကမ္ဘာတစ်ဝှမ်းတွင် အလွန်ရှားပါးလှပတဲ့ ပန်းများအတွက် ရင်းနှီးခဲ့ကြတဲ့အကြောင်းကို နောက်ခံထားတဲ့ ဒီဇာတ်ကားဟာ အချစ်ဇာတ်လမ်းတစ်ပုဒ်ဖြစ်ပါတယ်။ ဆိုဖီယာ ဟာ မိဘမဲ့ ကောင်မလေးတစ်ယောက်ဖြစ်ပြီး၊ ကောနယ်လစ် ဆိုတဲ့ ကုန်သည်ကြီးတစ်ယောက်ရဲ့ မယားငယ်အဖြစ် အိမ်ထောင်ဝင်လာပါတယ်။ တစ်နေ့မှာတော့ ကောနယ်လစ်ဟာ သူ့မိန်းမနဲ့ ပုံတူပန်းချီဆွဲဖို့ ဂျန်ဗန်လော့စ် တဲ့ ပန်းချီဆရာကို ငှါးလိုက်ပါတယ်။ ဂျန်နှင့် ဆိုဖီယာက တစ်ခန်းတည်းနေရာမှာ တိတ်တိတ်ပုန်းချစ်ကြဖို့ စတင်ပြီး၊ ကောနယ်လစ်ရဲ့ မိန်းမနဲတာ့ အချစ်ဇာတ်လမ်းတစ်ပုဒ်ဖွင့်လှစ်လာပါတယ်။ မာရီယာ ဟာ ဝီလ်လျံ နဲ့ ချစ်ကြရင်း၊ ကျူးလစ်ပန်းလေလံ မှာ ဝင်ရောက်ပြီး ဘရိတ်ကာ ဆိုတဲ့ အနီစင်းပန်းကို ဝယ်လိုက်သောအခါ၊ သင်္ကေတတစ်ခုအဖြစ် အချစ်တစ်ခုအတွင်းကွဲပြားမှုများရပြီး အမှားများစွာ လုပ်ငန်းများကြားက ကြုံတွေ့ရမှာဖြစ်ပါတယ်။

t.me/gwmmupl/4294

တစ်စုံတစ်ယောက် (၂၀၂၅)

IMDB - 6.6/20
Genre - Drama

ရေကူး နည်းပြ ယောင်းအွန်း ဟာ ၇နှစ် အရွယ် သမီးဖြစ်သူ ဆိုဟျွန်း ကိုစောင့်ရှောက်နေတဲ့တစ်ကိုယ်တော်အမေ ဖြစ်ပါတယ်။ တစ်နေ့မှာတော့ ဆိုဟျွန်းတို့ အိမ်က ခွေးလေးဟာ ရုတ်တရက် သေဆုံးသွားခဲ့ပြီး၊ အဲဒီနောက်ပိုင်းမှာ ဆိုဟျွန်း ဟာလည်း ထူးဆန်းလာခဲ့ပါတယ်။ ရွယ်တူ သူငယ်ချင်းတွေကို အနိုင်ကျင့် အကြမ်းဖက်လာတဲ့သမီးဖြစ်သူ ဆိုဟျွန်း ကို ယောင်းအွန်း က ထိန်းကျောင်းဖို့ ကြိုးစားခဲ့ပေမဲ့လည်း ဆိုဟျွန်း ရဲ့ အကျင့်တွေကပျောက်ကွယ် မသွားခဲ့ပါဘူး။ နှစ်၂၀ ကြာတဲ့နောက်မှာတော့ ငယ်ဘဝ မှတ်ဉာဏ်တွေ ပျောက်ဆုံးသွားခဲ့တဲ့ ဂင်မင် ဆိုတဲ့ ကောင်မလေး တစ်ယောက် ပေါ်လာခဲ့ပါတယ်။ အထူး သန့်ရှင်းရေး ကုမ္ပဏီမှာ အလုပ်လုပ်နေတဲ့ ဂင်မင် မှာ ဟယ်ယောင်း ဆိုတဲ့ သူငယ်ချင်း တစ်ယောက် ရှိပြီးတော့ ဂင်မင် ရဲ့ ဘဝထဲကို ဟယ်ယောင်း ကအတင်း ဝင်ရောက်ဖို့ ကြိုးစားလာပါတော့တယ်။ ငယ်ဘဝ မှတ်ဉာဏ်ပျောက်ဆုံးနေတဲ့ ဂင်မင် ဆိုတာက ဘယ်သူဖြစ်မလဲ။ ဂင်မင် ရဲ့ ဘဝထဲကို အတင်းဝင်ရောက်ဖို့ ကြိုးစားနေတဲ့ ဟယ်ယောင်း ရဲ့ ရည်ရွယ်ချက်ကရော ဘာဖြစ်မလဲ

t.me/gwmmupl/4299

တိုက်ပွဲနေ့ (၂၀၂၃)

IMDb - 6.9/10
Genre - Sport, Drama

သာမန်ရိုးရိုးရုပ်ရှင်ကားတစ်ကားထက်ပိုတဲ့ အနုပညာလက်ရာတွေနဲ့ ကြည့်ရှုရမယ့် အမေရိကန် ဒရမ်မာ

မိုက်ကီက ကမ္ဘာ့လက်ဝှေ့ချန်ပီယမ်ဟောင်းတစ်ဦးဖြစ်ပြီး ဆယ်စုနှစ်အကြာ ထောင်ကလွတ်လာပြီး သူ့ရဲ့ ပထမဆုံးအကြိမ် ထိုးသတ်မယ့်ပွဲအတွက် ပြင်ဆင်နေခဲ့ပါတယ်။ သူနဲ့အတူ ထိုးသတ်ရမယ့်သူကတော့ လက်ရှိကမ္ဘာ့ချန်ပီယမ်တစ်ယောက်ဖြစ်ပါတယ်။ အရေးကြီးတဲ့ သူ့ရဲ့ပွဲအတွက် ပြင်ဆင်နေချိန်မှာ အတိတ်ကနေ ရုန်းထွက်ဖို့ ကြိုးစားရုန်းကန်နေရတဲ့ မိုက်ကီတစ်ယောက် သူ့အမှားတွေကို ပြင်ဆင်ဖို့ ကြိုးစားနေပုံတွေကို တွေ့မြင်ရမှာဖြစ်ပါတယ်။ သူချစ်ရသူတွေနဲ့ ဆက်သွယ်ပြီး အမှားတွေကို ပြင်ဆင်ဖို့ ကြိုးစားနေတဲ့ မိုက်ကီနေရာမှာ ကိုယ်တိုင်ရောက်ရှိနေသလိုမျိုး ခံစားကြည့်ရှုရမယ့် ဇာတ်လမ်းကောင်းတစ်ပုဒ်ဖြစ်ပါတယ်။ စိတ်ဖိစီးမှု၊ ခွင့်လွှတ်မှု၊ အချစ်၊ မိဘမေတ္တာစတဲ့ ခံစားချက်ပေါင်းစုံကို တွေ့မြင်ရမှာဖြစ်သည့်အပြင် လက်ဝှေ့သမားတစ်ယောက်ရဲ့ ဘဝ၊ ကြိုးစားရုန်းကန်မှုများစသည်တို့ကိုလည်း မြင်တွေ့ရပါမယ်။ ဒီဇာတ်ကားမှာ အကောင်းဆုံးအချက်ကတော့ လက်ဝှေ့ပွဲကောင်းတစ်ပွဲကိုပါ အပိုအနေနဲ့ ကြည့်ရှုနိုင်မှာဖြစ်လို့ လက်ဝှေ့ချစ်သူတွေအတွက်တော့ လက်မလွှတ်တမ်း ကြည့်ရှုသင့်တဲ့ ဇာတ်ကားကောင်းတစ်ကား ဖြစ်ပါတယ်။

t.me/dramamv/805

နှုတ်ဆက်ပါတယ်၊ တနေ့နေ့ပေါ့‌ (၂၀၁၀)

IMDB - 6.6/10
Genre - Romance, Drama

- အချစ်မိုးတွေ ရွာသွန်းတာကို မတုန်လှုပ်နေပါနဲ့ အဲဒီအစား ထီးတစ်လက်သာ
ဝယ်လိုက်ပါ

- တစ်ချို့က အချစ်ခံခဲ့ရတာကို ပြန်တွေးကြချိန် တစ်ချို့ကတော့ ချစ်ခဲ့တာကိုပဲ
ပြန်တွေးကြတယ်တဲ့

ယုတခ ဟီဂရှီဂအိတို ဆိုတဲ့ အရှေ့ပိုင်းလေကြောင်းလိုင်းရုံးက လူငယ်လေးတစ်ယောက်။ အနာဂတ်အတွက် ဘဝအိမ်မက် ရည်မှန်းချက်တွေ အများကြီးရှိတဲ့သူ။ စည်းကမ်းကြီး ယဉ်ကျေးမှုတွေ ထိန်းသိမ်းတတ်တဲ့သူ။ အလုပ်မှာလည်း ထက်မြက်ထူးချွန်တဲ့ ယုတခ ဟာ မိန်းမလှလေး မစ်ဆုကို နဲ့ စေ့စပ်ပြီး လက်ထပ်ဖို့ ၃ လကျော်အလိုမှာ ရာထူးတိုးဖို့အတွက် ထိုင်းနိုင်ငံမှာ သွားရောက်ရုံးထိုင်ဖို့ ဖြစ်လာခဲ့ပါတယ်။ ရုံးကအပေါင်းအသင်းသူငယ်ချင်းများနဲ့ ဆုံပြီး အရက်ဆိုင်မှာ သောက်စားကြရင်း သူငယ်ချင်းရဲ့ ရည်းစား အရမ်းဆွဲဆောင်မှုရှိတဲ့ အလှနတ်ဘုရားမလေး မာနာက တိုခို နဲ့ ဆုံခဲ့ကြပါတယ်။ ယုတခ ဟာ လက်ထပ်ရမယ့်သူရှိမှန်း သိပေမဲ့ မာနာ ကရဲ့ ဆွဲဆောင်မှုအောက်ကနေ မရုန်းထွက်မိဘဲ ပျော်ပျော်ကြီးနေလာခဲ့ပါတယ်။ ဒီလိုနဲ့ အချိန်တွေ တစ်ရက်ပြီး တစ်ရက် ကုန်လာရင်း ဂျပန်ကို ပြန်ပြီး မစ်ဆုကို နဲ့ လက်ထပ်ရမယ့်အချိန်လည်း ရောက်လာခဲ့ပါတယ်။ ဘဝရည်မှန်းချက်ကြီးသူ ယုတခ ဘယ်လိုဆုံးဖြတ်မှာလဲ။ ယုတခ တစ်ယောက် မာနာ ကို စွန့်လွှတ်ပြီး မစ်ဆုကို နဲ့ လက်ထပ်နိုင်ပါ့မလား။ ယုတခ အမှန်တကယ် ချစ်ရတဲ့သူက ဘယ်သူလဲဆိုတာ ကြည့်ရှုခံစားကြည့်ပါဦးနော်။

t.me/dramamv/807

ကျည်ဆန်ရထား ပေါက်ကွဲခြင်း (၂၀၂၅)

IMDb - 6.3/10
Genre - Action, Thriller

ဂျပန်နိုင်ငံမှာရှိတဲ့ အရှေ့ပိုင်းဂျေအာကုမ္ပဏီပိုင်အတွင်းမှာ ပုံမှန်ပြေးဆွဲလျက်ရှိတဲ့ ဟာယဘူဆာအမှတ်-၆၀ ရထားမှာ ဗုံးထောင်ထားတယ်ဆိုပြီး ဆက်သွယ်ရေးစင်တာကို ဖုန်းဝင်လာခဲ့ပြီး ထောင်ထားတဲ့ဗုံးဟာ တစ်နာရီ ကီလိုမီတာ ၁၀၀ အောက် ကျတာနဲ့ ပေါက်ကွဲမှာဖြစ်ကြောင်းလည်း အသိပေးလာပါတယ်။ ဒီအခါမှာ အဲဒီရထားရဲ့ ဝန်ထမ်းတွေနဲ့ ဆက်သွယ်ပြီး ရထားကို အရှိန်မလျှော့ဘဲ တစ်နာရီ ၁၂၀ ကီလိုမီတာနှုန်းနဲ့ မောင်းနှင်ရင်း ထိန်းထားဖို့ လုပ်ရပါတော့တယ်။ ရထားကို အရှိန်ထိန်းမောင်းနှင်ရင်းနဲ့ ခရီးသည်တွေကိုလည်း ထိတ်လန့်မှုမဖြစ်စေဖို့အတွက် ထိန်းရပါသေးတယ်။ ဂျပန်ရဲ့ မူဝါဒမှာ အကြမ်းဖက်သမားများနဲ့ မညှိနှိုင်းဘူးဆိုတဲ့ အချက်ရှိတဲ့အတွက် အစိုးရဟာလည်း ဗုံးထောင်သူနဲ့ ညှိနှိုင်းမှုမလုပ်ဘဲ ခရီးသည်များ လုံခြုံရေးအတွက်ကိုသာ ဦးစားပေးလုပ်ဆောင်လျက်ရှိပေမဲ့ ဗုံးထောင်သူဘက်ကနေ ဗုံးဖြုတ်နည်းပြောပြပေးရမယ်ဆိုရင် သူ့ကို ယန်း ၁၀၀ ဘီလီယံ ပေးရမယ်လို့ ဆိုလာပါတယ်။ ဒီလိုတောင်းဆိုတာကလည်း အရှေ့ပိုင်းဂျေအာကုမ္ပဏီထံမှာမဟုတ်ဘဲ ဂျပန်ပြည်သူများထံမှ တောင်းဆိုတာဖြစ်ပါတယ်။ ဗုံးထောင်သူရဲ့ တောင်းဆိုလာမှုအပေါ်မှာ အကြမ်းဖက်သမားများနဲ့ မညှိနှိုင်းရေးမူဝါဒကို ကိုင်စွဲထားတဲ့ အစိုးရနဲ့ အရှေ့ပိုင်းဂျေအာရဲ့ တာဝန်ရှိသူများ ပူးပေါင်းပြီး ဗုံးထောင်ခံထားရတဲ့ ရထားပေါ်က ခရီးသည်တွေကို ဘယ်လိုကယ်တင်သွားမလဲဆိုတာကို ကြည့်ရှုရမဲ့ စိတ်ဝင်စားဖွယ် မှုခင်းဒရာမာ အက်ရှင်ကားကောင်းလေးဖြစ်ပါတယ်။

t.me/gwmmupl/4308

ကော်ရီနာ (၂၀၂၅)

IMDb - 7/10
Genre - Comedy, Adventure
 
လူငယ်တစ်ဦးရဲ့ စိတ်ပိုင်းဆိုင်ရာ ဖိစီးမှုတွေနဲ့ ဘဝအတွက် ရုန်းကန်မှုတွေကို ရိုက်ကူးထားတဲ့ ရုပ်ရှင်ကောင်းတစ်ကားပဲ ဖြစ်ပါတယ်။ ကော်ရီနာ က သူ့အိမ်နဲ့ သူအလုပ်လုပ်တဲ့ စာပေထုတ်ဝေရေးဌာနကလွဲရင် ဘယ်ကိုမှမသွားရဲတဲ့ ၂၈ အရွယ် မိန်းကလေးတစ်ယောက်ဖြစ်တယ်။ စကားလည်းအရမ်းနည်းပြီး လူအရမ်းကြောက်တတ်တဲ့ ကော်ရီနာ က သူများတွေအမြင်မှာတော့ အူကြောင်ကြောင်လေး ဖြစ်နေတာပေါ့။ တစ်နေ့မှာတော့ သူ့ရဲ့လုပ်ငန်းခွင်မှာ အရမ်းအရေးကြီးတဲ့ စာအုပ်စီးရီးတစ်ခုနဲ့ပတ်သက်ပြီး ကော်ရီနာ အမှားကြီးတစ်ခုကို လုပ်မိသွားခဲ့တယ်။ ဒါကြောင့် သူ့ရဲ့ကုမ္ပဏီနဲ့ သူ့အလုပ်ကို ကာကွယ်ဖို့အတွက် ကော်ရီနာ တစ်ယောက် သူ့ရဲ့ကြောက်ရွံမှုတွေကို ရင်ဆိုင်ကျော်ဖြတ်ပြီး ဘယ်လိုစွန့်စားခန်းတွေကို ဖွင့်မလဲဆိုတာ ဒီဇာတ်လမ်းထဲမှာ ဆက်လက်ကြည့်ရှုလိုရပါတယ်။

t.me/gwmmupl/4312

နူးညံ့သော နှလုံးသား (၂၀၁၁)

IMDb - 6.5/10
Genre - Romance, Drama

အိချိတို ကူရီဟာရ ဆိုတဲ့ ကောင်လေးဟာ စိတ်ခံစားချက်အရမ်းကို နုနယ်လွန်းတဲ့သူလေးပါ။ ဒီလိုကောင်လေးက ဆေးကျောင်းကို တက်ခွင့်ရခဲ့ပြီး ကျောင်းတက်နေစဉ်အတွင်းမှာလည်း အကောင်လေးတွေနဲ့ လက်တွေ့ဆင်းရမဲ့နေဆိုရင်ငို၊ လူနာတစ်ယောက်ယောက်ဆုံးရင်လည်း လူနာရှင်တွေကို ကြည့်ပြီးငို၊ ကုသလို့မရနိုင်တဲ့ရောဂါမျိုးဖြစ်တဲ့လူနာမျိုးနဲ့တွေ့ရပြီဆိုရင်လည်း လူနာကို သနားလို့ငိုခဲ့ပါတယ်။ ဒီလိုတွေငိုခဲ့လွန်းလို့လည်း ကျောင်းမှာ အငိုသန်လေး ဆိုပြီး နာမည်တောင်တွင်ခဲ့ပါတယ်။ ဒီလိုအငိုသန်လေးက ဒေါက်တာကြီး ဖြစ်လာပြီး လူနာတွေကို ကိုယ်တိုင် ကုသခွင့်ရတဲ့အချိန်မှာတော့ သူ ဘယ်လို စိတ်ခံစားချက်တွေထားပြီး လူနာတွေကို ကုသပေးမလဲ။ လူနာတွေနဲ့ သူ့ကြားက ဆက်ဆံရေးမှာရော ဘယ်လိုတွေ ဖြစ်လာမလဲ ဆိုတာကို ဆရာဝန်ကားပီပီ စိတ်ဝင်စားဖွယ် ကြည့်ရှုရမှာဖြစ်ပါတယ်။

t.me/gwmmupl/4314

စောင့်မျှော်နေသော ငါတို့ရဲ့မနက်ဖြန် (၂၀၁၇)

IMDb - 6.5/10
Genre - Romance, Drama

အထက်တန်းကျောင်းသားဘဝမှာ ညီလေးကို ဆုံးရှုံးလိုက်ရတဲ့ စိတ်ဒဏ်ရာကြောင့် စာသင်ခန်းထဲမှာ အမြဲလိုလို ဝမ်းနည်းပူဆွေးနေပြီး တစ်ယောက်တည်း သီးသန့်နေတတ်တဲ့ ဟာရမ တစ်ယောက် ကျောင်းအားကစားပြိုင်ပွဲတစ်ခုမှာ ဆန်အိတ်ခုန်ကစားနည်းကို ပြိုင်ဖို့ အကြောင်းဖန်လာခဲ့ပါတယ်။ “ဆန်အိတ်ခုန်” ပြိုင်ပွဲပြိုင်နေတုန်း ညီလေးအကြောင်းတွေးလိုက်လို့ အားမလို အားမရ ဖြစ်လာပြီး အစွမ်းကုန် ကြိုးစားလိုက်တဲ့ပုံစံကို အူအဲမူရ လို့ ခေါ်တဲ့ အတန်းဖော်ကောင်မလေးက ကြွေသွားပါတော့တယ်။ ချစ်ရတဲ့သူတွေကို တစ်နေ့ကျရင် ဆုံးရှုံးရမယ်ဆိုတဲ့ နှလုံးသားထဲက အစိုင်အခဲတုံးကြောင့် ချစ်ရမှာ ကြောက်နေတဲ့ ဟာရမ နဲ့ သွက်လက်ချက်ချာပြီး ဘဝကို ပေါ့ပေါ့ပါးပါးနေတတ်တဲ့ အူအဲမူရ တို့ဟာ နောက်တော့ ချစ်သူတွေ ဖြစ်သွားကြပါတယ်။ ချစ်သူသက်တမ်းဟာ အချိန်ကာလတစ်ခုကို ကျော်ဖြတ်လာပြီးနောက်မှာ သဘောထားချင်းမတိုက်ဆိုင်တာတွေ အခက်အခဲတွေကို ဘယ်လိုဖြေရှင်းကြမလဲ။

t.me/gwmmupl/4316

အမှောင်ကို ရင်ဆိုင်ခြင်း (၂၀၂၅)

IMDb - 6.6/10
Genre - Drama

သူ့အမေ ကို အဖေ က မျက်စိရှေ့မှာတင် သတ်လိုက်တာကို မြင်လိုက်ရတဲ့ နိတ် ဆိုတဲ့ ကောင်လေးတစ်ယောက်က ပတ်ဝန်းကျင်ရဲ့အပြောတွေကြားမှာ ဆိုးဆိုးဝါးဝါးနဲ့ ဂရုစိုက်မှုမခံရပဲ ကြီးပြင်းလာခဲ့ပါတယ်။ မိဘတွေ မရှိတော့ပဲ ဆွေမျိုးတွေက ပစ်ထားတော့ ဖြစ်ချင်တိုင်းဖြစ်ပြီး ကားပေါ်မှာ နေနေရပါတယ်။ ဒါပေမဲ့ သူ့ရဲ့ ဆရာဖြစ်သူ စတန်ဒင်း က သူ့ကျောင်းသားရဲ့ ကောင်းကွက်ကို မြင်ခဲ့ပြီး အကူအညီပေးခဲ့ပါတယ်။ မိဘမေတ္တာငတ်နေတဲ့ ကလေးတစ်ယောက်က သူ့ရဲ့ ဆရာဖြစ်သူရဲ့ ကြီးကြပ်စောင့်ရှောက်ပေးမှုအောက်မှာ ဘဝစတင်ပြောင်းလဲလာခဲ့ပါတယ်။ လမ်းမှားရောက်တော့မယ့် ကလေး တစ်ယောက်ကို အခြားသူတွေလို ပစ်မထားပဲ အတတ်နိုင်ဆုံး လမ်းမှန်ပေါ် ဆွဲတင်ပေးခဲ့တဲ့ ဆရာတစ်ယောက်ရဲ့ မေတ္တာကို ရိုးရိုးလေး ရိုက်ကူးပြထားတဲ့ကားပါ။ ဒီကားကို ဖန်တီးခဲ့တာကလည်း သူ့ဘဝရဲ့ မှောင်မိုက်နေတဲ့အချိန်တွေမှာ အလင်းဆောင်ကျဉ်းပေးပြီး လမ်းမှန်ပြပေးခဲ့တဲ့ ဆရာဖြစ်သူရဲ့ စေတနာမေတ္တာကို ပြပေးချင်ခဲ့တာကြောင့်ပါ။

t.me/gwmmupl/4318

ကာမန် (၂၀၂၄)

IMDb - 6/10
Genre - Drama

ကာမန် ဆိုတဲ့ ကောင်မလေးတစ်ယောက်ရှိတယ်။ သူ့အဖေကရှိတုန်းက သူ့ဘဝက သူ့အဖေထောက်ပံ့တဲ့ ငွေနဲ့ မတောင့်မတ မကြောင့်မကြပါဘဲ။ ဇာတ်လမ်းကတော့ သူ့အဖေ အသုဘမှာ စထားတယ်။ သူ့အဖေက သူထင်ခဲ့သလို လူချမ်းသာ မဟုတ်ဘဲ အကြွေးတွေ ဝိုင်းနေတဲ့လူ ဆိုတာလည်း သူ့အဖေ အသုဘကျမှ သူ သိလိုက်ရတယ်။ သူ့အဖေ ချန်ခဲ့တဲ့အမွေတွေကိုလည်း အကြွေးတွေ ဆပ်ဖို့ သူ့အမေနဲ့ သူ့ပထွေးက သိမ်းချင်နေတယ်။ ဒီတော့ ကာမန် ဟာ သူ့ဘဝကြီးထဲ သူ စရောက်လာတယ်။ ဆေးလည်း စွဲနေတဲ့ ကာမန် ဟာ သူ့ဘဝကြီးကို ဘယ်လို တည်ဆောက်မလဲ။ ဆောက်နိုင်ပါ့မလား။ သူ့အဆိုးတွေကရော ဘယ်အထိ ဆိုးမလဲ ကြည့်ရမယ့် ရုပ်ရှင်ပါပဲ။ လိင်ဆက်ဆံခန်းတွေ တော်တော် ပါတာမို့ မိသားစုနဲ့တော့ ကြည့်လို့ အဆင်မပြေပါဘူး။

t.me/gwmmupl/4322

တောင်ဘုရင်၏ ခန်းမထဲတွင် (၂၀၁၇)

IMDb - 6.2/10
Genre - Fantasy, Adventure

တိုင်းပြည်အုပ်ချုပ်သူ ဘုရင်တွေရဲ့ သမီးတော်တိုင်း အသက်၁၈နှစ် ပြည့်တာနဲ့ အိမ်ထောင်ပြုရတဲ့ ရိုးရာအစဥ်အလာတစ်ခုရှိတယ်။ မဟုတ်ရင် အဲ့ဒီတိုင်းပြည်ရဲ့ ဟိုးအဝေးကြီးက တောင်တန်းကြီးရဲ့ လိုဏ်ဂူကြီး ထဲမှာနေတဲ့ တောင်ဘုရင်ခေါ် မှင်စာတစ္ဆေကြီးက ၁၈နှစ်ပြည့်လို့မှ လက်မထပ်တဲ့ မင်းသမီးတွေကို အတင်းအဓမ္မလာခေါ်ပြီး အခိုင်းအစေလုပ်ခိုင်းတဲ့ ရှေးရိုးစကားက ရှိတယ်။တစ်နေ့မှာ မင်းသမီးလေးတစ်ပါးက အိမ်ထောင်မပြုချင်လို့ တောထဲ ထွက်ပြေးရင်း မှင်စာတစ္ဆေကြီးရှိတာကို အယုံအကြည်ရှိတဲ့ တောသားလေးတစ်ယောက်နဲ့ ဆုံခဲ့ကြတယ်။ မင်းသမီးမှန်းမသိတော့ သူလည်းဒီအတိုင်း မင်းသမီးနဲ့ လမ်းခွဲခဲ့ကြတယ်။ တစ်နေ့မှာဘုရင်ကြီးက မင်းသမီးကိုရှာတွေ့ရင် မင်းသမီးနဲ့ တိုင်းပြည်တစ်ဝက်ကို အပိုင်စားရမယ်ဆိုတဲ့ အမိန့်ထုတ်တော့ အိမ်ပြာကျအောင် လုပ်ထားတဲ့တောသားလေးအတွက် အခွင့်အရေးတစ်ခုပေါ့။ ဘာဆက်ဖြစ်ကြမလဲဆိုတာ ဟာသဆန်ဆန်ကြည့်ရမယ့် ပုံပြင်ဆန်ဆန်ကားလေးပါ။

t.me/gwmmupl/4330