ကမ္ဘာကြီး တုန်လှုပ်သွားသည့်တိုင် (၂၀၂၅)

IMDb - 6.1/10
Genre - War, Drama

နာဇီဂျာမဏီတွေဟာ ပိုလန်နိုင်ငံကို ကျူးကျော်သိမ်းပိုက်အပြီးမှာ ဂျူးလူမျိုးတွေအပေါ် ဖိနှိပ်ချုပ်ချယ်မှုတွေ စတင် လုပ်ဆောင်လာခဲ့ပါတယ်။ မီခေး၊ ဝုဖ် နဲ့ ရှောလမွန် တို့ဟာ နာဇီအလုပ်စခန်းမှာ အလုပ်လုပ်ရမယ်လို့ လိမ်ညာခေါ်ဆောင်ခံခဲ့ရပြီး တကယ်တမ်းရောက်သွားတဲ့အချိန်မှ အလုပ်စခန်းမဟုတ်ဘဲ လူသတ်စခန်းဖြစ်နေမှန်း သိခဲ့ရပါတယ်။ ဒီလိုနဲ့ သေမထူးနေမထူးဘဝတွေမို့ ထွက်ပြေးဖို့ ကြိုးစားပါတော့တယ်။ ထွက်ပြေးတယ်ဆိုတာလည်း အပြောကသာ လွယ်ပေမဲ့ နာဇီတွေပတ်လည်ဝိုင်းနေတဲ့ နယ်မြေမှာ ထွက်ပြေးဖို့ဟာ ဘယ်လိုမှ မဖြစ်နိုင်တဲ့အခြေအနေပါ။ ဒီလိုနဲ့ သူတို့တွေ ဘယ်လို လွတ်မြောက်အောင် ကြိုးစားကြမလဲ ။ အသည်းတအေးအေးနဲ့ စိတ်ဝင်စားဖွယ်ပါပဲ ။ ဒီရုပ်ရှင်လေးမှာတော့ သမိုင်းအဖြစ်အပျက်တွေကို လက်တွေ့ကျကျ တင်ဆက်ပြသထားတာမို့ ဒုတိယကမ္ဘာစစ်အတွင်းက ပိုလန်နိုင်ငံ ဂျူးလူမျိုးတွေရဲ့ ဘဝကို ပြန်လည်မြင်ယောင်ခံစားမိစေမှာပါ ။ ဖြစ်ရပ်မှန်ကို အခြေခံပြီး ရိုက်ကူးထားတာမို့ စိတ်ဝင်စားဖို့လည်းကောင်းပြီး ကြည့်ရတာ နောင်တမရစေမဲ့ ဇာတ်ကားလေးတစ်ကား ဖြစ်ပါကြောင်း။

t.me/cartoonbynikko/592

ဘယ်ဂြိုလ်ကလာတာလဲ (၂၀၀၀)

IMDb - 5.6/10
Genre - Comedy, Sci-Fi

ဇာတ်လမ်းကတော့ အဆင့်မြင့်နည်းပညာကို ပိုင်ဆိုင်ထားတဲ့ လူတူဂြိုလ်တစ်ခုမှာ စတင်ပါတယ်။ ဂြိုလ်သားတွေက ‌ယောက်ျားတွေချည်းဖြစ်သလို ခံစားချက်လည်းမရှိ၊ ဖွားဖက်တော်လည်း သေးကျုံ့ပျောက်ကွယ်ကုန်လို့ ပုံတူပွားပြီးတော့ပဲ မျိုးပွားကြပါတယ်။ ဂြိုလ်ရဲ့ခေါင်းဆောင်ကြီးက ကမ္ဘာကြီးကို အတွင်းလူ‌တွေထည့်ပြီး သိမ်းပိုက်ဖို့ စီစဉ်ထားပါတယ်။ ဒါကြောင့် အကောင်းဆုံးလက်ရွေးစင်တစ်ယောက်ဖြစ်တဲ့ ဟာရိုးလ်အမည်ခံ ဂြိုလ်သားတစ်ယောက်ကို စက်သံမြည်တဲ့ လိင်တန်ဆာတပ်ပြီး ကမ္ဘာမြေပေါ်လွှတ်လိုက်ပါတယ်။ သူ့ရဲ့တာဝန်ကတော့ လူသားအမျိုးသမီးတစ်ယောက်ကို ကိုယ်ဝန်ရအောင်လုပ်ပြီး ကလေးကို ဂြိုလ်ပေါ် ပြန်ခေါ်လာဖို့ပါ။ သူဟာ ဖီးနစ်မြို့ကို ဘဏ်လုပ်ငန်းရှင်အဖြစ် ရောက်လာပြီးတော့ မိန်းမတွေကို လိုက်နူးပါတော့တယ်။ စိတ်ခံစားမှုကလည်း မရှိသလို တစ်ဖက်သားကိုလည်း စာနာတတ်မှုမရှိတဲ့အတွက် သူ့ရဲ့တာဝန်က ထင်သလောက်မလွယ်ဘဲ အခက်တွေ့နေရပါတယ်။ ဒါပေမယ့် လက်ထပ်ပြီးမှ လိင်ဆက်ဆံပါမယ်ဆိုတဲ့ ဆူဆန် ဆိုတဲ့အမျိုးသမီးတစ်ယောက်နဲ့ ဆုံရပြီး လိင်ဆက်ဆံရဖို့အတွက် လက်ထပ်ခဲ့ပါတယ်။ တစ်ဖက်မှာလည်း ဟာရိုးလ်ကို ဂြိုလ်သားလို့ သံသယရှိနေတဲ့လေကြောင်းအရာရှိ ရိုလန် ကလည်း တကောက်ကောက်လိုက်နေပါတယ်။ ဆူ‌ဆန်က ကိုယ်ဝန်ဆောင်၊ ကလေးမွေးနိုင်မှာလား၊ ပြီးတော့ ဟာရိုးလ် နဲ့ ကလေး သူ့ဂြိုလ်ကို ပြန်ကြမှာလား၊ ဒါမှမဟုတ် ဟာရိုးလ်က ခံစားချက်တွေကို ရှာဖွေတွေ့ရှိပြီး ဂရုစိုက်တတ်လာမှာလား?

t.me/gwmmupl/4265

အဲလ်ဘတ် (၂၀၁၁)

IMDb - 6.6/10
Genre - Romance, Drama

အဓိက ဇာတ်ကောင် အဲလ်ဘတ် ဟာ ဟိုတယ်တစ်ခုမှာ အလုပ်လုပ်တဲ့ စားပွဲထိုးတစ်ယောက်ပါ။ အဲလ်ဘတ် က လူတွေ့ရတာရှက်တတ်ပြီး၊ စကားလုံးမပြောဘဲလျှို့ဝှက်ချက်တစ်ခုကို ခံစားနေခဲ့ပါတယ်။ တစ်နေ့မှာတော့ ဟိုတယ်ကို ဆေးသုတ်ဖို ငှါးထားတဲ့ ဆေးသုတ်သမား ဟူးဘတ် ရောက်လာတဲ့အခါ အဲလ်ဘတ် နဲ့ တစ်ခန်းတည်း အတူနေဖို့ ဖြစ်လာပါတယ်။ တစ်ခန်းတည်း အတူနေရင်းနဲ့ အဲလ်ဘတ် ရဲ့လျှို့ဝှက်ချက်ကို ဟူးဘတ် က သိသွားပြီး၊ သူတို့နှစ်ယောက်က ဘဝတူတွေ ဖြစ်ခဲ့ပါတယ်။ အဲလ်ဘတ် ဟာ ငယ်တစ်ချိန်က ရည်ရွယ်ချက်ကြီးတဲ့ အမျိုးသမီးဖြစ်ပြီး၊ သူ့ရဲ့ဆုတောင်းတဲ့ ဘဝတူ အဲလ်ဘတ် ကို ကြည့်ရင်း စိတ်ကူးအိပ်မက်တွေဖွံ့ဖြိုးလာပါတယ်။ ဘယ်လိုအကောင်အထည်ဖော်မလဲ၊ အရေးအကြီးဆုံးကတော့ အဲလ်ဘတ် ရဲ့အိပ်မက်က ဘယ်လိုမှန်ကန်လာမလဲဆိုတာတွေကို ဂရုပြုကြည့်ရမှာပါ။ ဒီရုပ်ရှင်ဟာ Slice of life အမျိုးအစားမှာ Romance တစ်ခုကိုပါးပါးလေးဖြစ်ကာဖော်ပြထားပြီး၊ ခံစားချက်များနက်နက်သောကြောင့် ရင်ထဲမှာ သက်ရောက်လေ့ရှိပါတယ်။ အဲလ်ဘတ် ဟာ ၁၉ ရာစုက အခက်အခဲများထဲမှာ ဘဝတစ်ခုကို ခြေလှမ်းတက်ပြီး လူတိုင်းရဲ့ အိပ်မက်နှင့်အတူ ရင်ဆိုင်နေရတဲ့ ဇာတ်လမ်းတစ်ပုဒ်ဖြစ်ပါတယ်။

t.me/dramamv/796

ပြန်လည်တွေ့ဆုံခြင်း (၂၀၁၁)

IMDb - 6.3/10
Genre - Romance, Drama

ဟယ်ဟွာ ဟာ တိရစ္ဆာန်ဆေးကုဆရာဝန်၏ လက်ထောက်အဖြစ် အလုပ်လုပ်ပြီး လေလွင့်ခွေးလေးတွေကို သူ့အိမ်ခေါ်ပြီး စောင့်ရှောက်ပေးတဲ့သူတစ်ယောက်ပါ။ သူ့ရဲ့အတိတ်ကအမှတ်တရများကို မေ့လျော့ပြီး၊ လေးလေးလျက်ဘဝကို ကြုံနေပါသည်။ တစ်နေ့မှာ သူမက ခွေးလေးတစ်ကောင်ကို ကယ်တင်ပြီး အပြန်လမ်းမှာ အတိတ်ချစ်သူဟန်ဆူနှင့်ပြန်ဆုံခဲ့ပါတယ်။ ၅ နှစ်ခန့်ကြာပြီးတဲ့အချိန်မှာ သူတို့နှစ်ဦးအကြား ရူးရူးမူးမူးချစ်ခဲ့တဲ့အကြောင်းကို ပြန်လည်တွေ့ဆုံခဲ့ရသည်။ ဟယ်ဟွာ ရဲ့ အချစ်ဇာတ်လမ်းကကလေးဆုံးရှုံးမှုနဲ့ စိတ်ဒဏ်ရာများအပြည့်ဖြစ်ပါတယ်။ အချစ်သူဟန်ဆူအပေါ်မှာ မျက်နှာမမြင်ချင်မှု၊ နာကျင်မှုတွေက ထိုအချိန်မှာစိတ်ကူးစိတ်သန်းတွေဖွံ့ဖြိုးလာခဲ့ပါတယ်။ သူတို့ကလေးသွားပြီဆိုပေမယ့် ဟန်ဆူ က ဟယ်ဟွာကို ပြန်ပြောပြတဲ့အခါ၊ ကလေးမသေဘဲ မွေးစားလိုက်ခဲ့ကြောင်း သိရှိပြီး၊ ဟယ်ဟွာသည် အမြဲလေ့လာခဲ့တဲ့အကြောင်းအရာကို ပြန်လည်ရွေးချယ်မယ့်ကာလရောက်လာပြီး ဇာတ်လမ်းကို ကြည့်ရှုနိုင်ပါတယ်။

t.me/dramamv/799

ပြည့်စုံတဲ့ ကမ္ဘာ (၂၀၁၈)

IMDb - 6/10
Genre - Romance, Drama

ဒီဇာတ်ကားမှာ တိုကျိုမြို့က အတွင်းပိုင်းဒီဇိုင်းကုမ္ပဏီတစ်ခုမှာ အလုပ်လုပ်နေတဲ့ ခါဝါနာဟာ အထက်တန်းကျောင်းက သူ့အချစ်ဦးနဲ့ ပြန်ဆုံခဲ့ပါတယ်။ ပြန်တွေ့ရတာဝမ်းသာပေမယ့် သူ့အချစ်ဦးဟာ မတော်တဆမှုတစ်ခုကြောင့် ခလုတ်တစ်လက်ကို မသန်စွမ်းလို့ ဝီးချဲလ်နဲ့ သွားလာရတဲ့ အခြေအနေရှိနေပါတယ်။ ခါဝါနာက သူ့အချစ်ဦးရဲ့အားအင်တစ်ခု ဖြစ်ပေးမယ်ဆိုတဲ့စိတ်ဖြင့် အကူအညီပေးရာမှာ စိုးရိမ်ခြင်းမျိုး မရှိပဲ၊ တစ်ကိုယ်တော်ဘေးနားက ကူညီပေးဖို့ ကြိုးစားပါတယ်။ သူ့ရဲ့ အနာဂတ်မှာ ချစ်ခြင်းဟာ တစ်ခါတစ်ရံ အသက်ဝင်လာသလို၊ လောကဓံကို ခံစားနေရတဲ့ အာယူကာဝါကတော့ သူ့ရဲ့ နှလုံးသားကို တိမ်ထားပြီး၊ ဘယ်သူ့ကိုမှ ဝင်ခွင့်မပေးတော့ပါဘူး။ ခါဝါနာ ရဲ့ အမှန်တရားဖြစ်တဲ့ မေတ္တာဟာ စစ်မှန်ပေမယ့်၊ မိဘတွေကြား ဝင်ဆဲဖြစ်တဲ့အခါမှာ၊ မသန်စွမ်းတစ်ဦးအတွက် ကူညီပေးသူတွေလည်း ရှိနေပါတယ်။ သို့သော် သူတို့နှစ်ဦးရဲ့ အချစ်ခရီးလမ်းမှာ အခက်အခဲများ မျက်ရည်တလည်လည်ပေါက်လာမယ့်အတွက် ရင်ထဲမှာ ခံစားရဖို့ ဇာတ်ကားပါပဲ။

t.me/dramamv/801

ဥတုလေးပါး ချစ်ကြမယ် (၂၀၂၄)

IMDb - 6.3/10
Genre - Romance, Drama

ရယ်မီအန်ဂလာ ဆိုတဲ့ ကောင်မလေးဟာ မိဘတိုင်းနီးပါးပါးစပ်က “သူများအိမ်က ကလေးဆိုရင် ဘယ်လို” ဆိုတဲ့ ဘ၀လေးကိုပိုင်ဆိုင်ထားသူပါ။အပြည့်အ၀ထောက်ပံ့ပေးတဲ့မိဘနှစ်ပါးရှိတဲ့ လူရည်ချွန်၊ ထိပ်တန်းကျောင်းသူလေးက ရည်မှန်းချက်ကလဲ ဟားဗတ်တက်ပြီး ရှေ့နေတစ်ယောက်ဖြစ်လာချင်တာတဲ့။ အဲ့လိုမျိုးပြည့်စုံ‌ပေမယ့် ပုံသေဆန်တဲ့ သူ့ကမ္ဘာ‌လေးထဲကို ဘန်းစ် ဆိုတဲ့ ဘ၀ကို‌ပျော်ပျော်နေပြီး အပင်တွေ၊ ဂီတတွေကိုသဘောကျတတ်တဲ့ ဘရုတ်ကန်း ဖမ်မလီ က ကောင်လေးတစ်ဦး၀င်လာတဲ့အခါ ငြိမ်သက်တဲ့ရေပြင်လေးပေါ်လှိုင်းလေးတွေခတ်စပြုလာတယ်။ ဆန့်ကျင်ဘက်တွေကဆွဲငင်ကြတယ်ဆိုတဲ့သဘောအတိုင်း ရထားဘူတာရုံမှာသူတို့နှစ်ယောက်စတင်ဆုံတဲ့အချိန်ကစပြီး ပုံပြင်လေးတစ်ခုစဖြစ်လာပါတယ်။ ကွာခြားလွန်းတဲ့ ကမ္ဘာနှစ်ခုက လူနှစ်ဦးဟာ အတူရှိဖို့အတွက် သူတို့ဘ၀ကို ဘယ်လိုပုံဖော်သွားကြမလဲ

t.me/cartoonbynikko/598

အထက်တန်းကျောင်းဘဝ (၂၀၁၆)

IMDb - 5.8/10
Genre - Romance, Drama

စာညံ့တဲ့အထက်တန်းကျောင်းသူတစ်ယောက်ဖြစ်တဲ့ အာအိဟာရာခိုတိုခို က ကျောင်းရဲ့ထိပ်တန်းကျောင်းသား အီရိအဲနာအိုခိ ကိုပထမဆုံးတွေ့ခဲ့တဲ့အချိန်၊ ပထမနှစ်ကျောင်းဝင်ခွင့်အခမ်းအနားမှာပဲစတင်ချစ်မိခဲ့ပါတယ်။ ဒီလိုနဲ့ သူ့အချစ်ကိုဖွင့်မပြောဘဲနေလာခဲ့တာ အခုဆို တတိယနှစ်တောင်ရောက်ခဲ့ပါပြီ။ တတိယနှစ်ပထမဆုံးနေ့မှာပဲ ခိုတိုခိုတစ်ယောက် သူ့အချစ်တွေကိုဝန်ခံဖို့အတွက်ဆုံးဖြတ်ပြီး အီရိအဲ ကို စာပေးခဲ့ပါတယ်။ ဒါပေမဲ့ အီရိအဲ ကတော့ စာကိုယူတောင်မယူဘဲ စာညံ့တဲ့မိန်းကလေးတွေကိုစိတ်မဝင်စားဘူးလို့ပြောပြီး တစ်ကျောင်းလုံး‌အရှေ့မှာ ငြင်းလိုက်ပါတော့တယ်။ တစ်ရက်မှာတော့ ခိုတိုခို တို့က အိမ်အသစ်ကိုပြောင်းပြီးပစ္စည်းတွေနေရာချတုန်းမှာပဲ ဆောက်လုပ်ရေးအဖွဲ့ရဲ့အမှားကြောင့်အိမ်ပြိုကျပြီး သတင်းမှာပါ ပါလာခဲ့တဲ့အတွက် ခိုတိုခို တစ်ယောက်အရှက်ပေါ်အရှက်ဆင့်နေပါတယ်။ ခိုတိုခို ကိုကြိုက်နေတဲ့ ကင်းနိုဆကဲ ဆိုတဲ့ကောင်လေးက အီရိအဲကို ရန်သွားရှာတဲ့အခါမှာတော့ အီရိအဲ ကအလှူငွေထည့်ရင်ရပြီမလားလို့ပြောပြီး ပိုက်ဆံနဲ့ဖြေရှင်းဖို့လုပ်ပါတော့တယ်။ ဒါကို ခိုတိုခို က အီရိအဲ ကို သေတောင် နင့်အပေါ်မှာတော့ကျေးဇူးကြွေးအတင်မခံနိုင်ဘူးလို့ပြောခဲ့ပါတယ်။ ဒီလိုနဲ့ ခိုတိုခို ရဲ့အဖေက သူ့ရဲ့ငယ်သူငယ်ချင်းတစ်ယောက်ရဲ့အိမ်မှာသွားနေရမယ်လို့ပြောပြီး အဲဒီအိမ်ကိုရောက်သွားတဲ့အခါမှာတော့ အီရိအဲ ရဲ့အိမ်ဖြစ်နေပါတယ်။ ခိုတိုခို တစ်ယောက် အီရိအဲ နဲ့ တစ်အိမ်တည်း တစ်ကျောင်းတည်းနေရင်း အီရိအဲ ကိုမေ့ပစ်နိုင်ပါ့မလား၊ အီရိအဲ ဘက်က ဘယ်လိုတွေဆက်ဆံဦးမလဲ၊ အီရိအဲ တို့အိမ်မှာရော ခိုတိုခိုတို့ အဆင်ပြေပါ့မလား

t.me/hanamovie20/4280

စခန်းချခြင်း (၂၀၁၇)

IMDb - 7.1/10
Genre - Romance, Drama

2016 ခုနှစ်က ထွက်ရှိခဲ့တဲ့ အထက်တန်းကျောင်း ရဲ့ အဆက်ဖြစ်ပြီးတော့ ဒီကားမှာတော့ ခိုတိုခို ရော အီရိအဲ ရော တိုးနန်တက္ကသိုလ်ကို ရောက်သွားကြပေမယ့် မေဂျာတော့ မတူပါဘူး။ အီရိအဲ က သိပ္ပံအင်ဂျင်နီယာမေဂျာကို ယူပြီး အဲဒီမှာ မာဆုမိုတို ဆိုတဲ့ ကောင်မလေးနဲ့ ရင်းနှီးလာခဲ့ပါတယ်။ တစ်နေ့မှာတော့ အီရိအဲ ရဲ့ အထက်တန်းကျောင်းတုန်းက စီနီယာဖြစ်တဲ့ ဆုဒို က အီရိအဲ ကို သူတို့ကလပ်ထဲ ဝင်ဖို့ စည်းရုံးလာပါတယ်။ ဒါကို အီရိအဲ နဲ့ ကလပ်အဖွဲ့ အတူတူ ဝင်ချင်တဲ့ ခိုတိုခို တစ်ယောက် ကြားသွားပြီးတော့ ဘာကလပ်မှန်း မသိဘဲ အနောက်ကလိုက်ကြည့်ပါတော့တယ်။ အီရိအဲ ဝင်မယ့် ကလပ်က တန်းနစ်ကလပ် ဖြစ်နေပြီး မာဆုမိုတို ကလည်း အဲဒီကလပ်မှာ ရှိနေပါတယ်။ ခိုတိုခို တစ်ယောက် တန်းနစ်အဖွဲ့ထဲ ဝင်ပြီး အီရိအဲ ရဲ့ အာရုံစိုက်မှုကို ဘယ်လိုအရယူမလဲ၊ အီရိအဲ ကို ကြိုက်တဲ့ ပြိုင်ဘက်ကရော ဘယ်နှယောက် ပေါ်လာမလဲ၊ အဲဒီ ပြိုင်ဘက်တွေကိုရော ခိုတိုခို တစ်ယောက် အနိုင်ယူနိုင်မလား၊ အီရိအဲ နဲ့ ခိုတိုခို တို့ကြားထဲက ဆက်ဆံရေး ဘယ်လိုမျိုး ပြောင်းလဲသွားမလဲအစရှိတာတွေကို ကြည့်ရှုခံစားရမှာပဲ ဖြစ်ပါတယ်။

t.me/hanamovie20/4282

ဖွင့်ပြောပြီ (၂၀၁၇)

IMDb - 7.5/10
Genre - Romance, Drama

ဒီကားလေးမှာတော့ ခိုတိုခို တို့ရဲ့ တက္ကသိုလ်ဒုတိယနှစ်နဲ့ တတိယနှစ်ကာလကို ရိုက်ကူးထားတာပဲ ဖြစ်ပါတယ်။ တက္ကသိုလ်ပြီးခါနီးလာတာနဲ့အမျှ အလုပ်ခွင်ဝင်ဖို့လည်း စဉ်းစားလာကြရတာ ထုံးစံပါပဲ။ ဒီလိုနဲ့ ကိုယ်စီ အနာဂတ်အစီအစဉ်တွေ ရေးဆွဲနေကြတဲ့အချိန်မှာ အီရိအဲ ကို သူ့အဖေက အိမ်ရဲ့ စီးပွါးရေးကို ဆက်ခံဖို့အတွက် တိုက်တွန်းပါတော့တယ်။ အီရိအဲ ကတော့ အိမ်ရဲ့ စီးပွါးရေးကို ဆက်မလုပ်ဘဲ သူ့ရဲ့ ဆရာဝန်ဖြစ်ချင်တဲ့ အိပ်မက်ကို အကောင်အထည် ဖော်ချင်နေပါတယ်။ အဲဒီလို အတိုက်အခံလုပ်နေတုန်းမှာ အီရိအဲ ရဲ့အဖေ နှလုံးဖောက်ပြီး ဆေးရုံတင်လိုက်ရတဲ့အခါမှာတော့ အီရိအဲ ခမျာ ရွေးချယ်စရာ မရှိဘဲ အိမ်အလုပ်ကို ဦးစီးရပါတော့တယ်။ ဒီလိုနဲ့ တစ်နေ့မှာတော့ အီရိအဲ တို့ကုမ္ပဏီရဲ့ ရှယ်ယာရှင်တစ်ဦးဖြစ်တဲ့ ဥက္ကဌ အိုအိဇုမိ က မြေးဖြစ်သူနဲ့ စေ့စပ်ကြောင်း လမ်းဖို့ စကားစ လာပါတော့တယ်။ အီရိအဲ တစ်ယောက် သဘောတူလိုက်မလား၊ ခိုတိုခို နဲ့ အီရိအဲ တို့ကြား ဘယ်လိုတွေ ပြောင်းလဲသွားမလဲ

t.me/hanamovie20/4285

ကိုယ်တို့လက်ထပ်ကြမလား (၂၀၁၂)

IMDB - 6.3/10
Genre - Drama

ဇာတ်လမ်းလေးကတော့ စုံတွဲတစ်တွဲချင်းစီရဲ့ အချစ်ရေး၊ အိမ်ထောင်ရေးနဲ့ မိသားစုရေးရာ အဖြာဖြာကို ရသစုံလင်အောင် ပုံဖော် ရိုက်ကူးထားထားပဲ ဖြစ်ပါတယ်။

ဟယ်ယွန်း က လက်တွေ့ဆန်တဲ့ မိန်းကလေးတစ်ယောက်ဖြစ်ပြီးတော့ သူ့ကို အမှန်တကယ် ချစ်မြတ်နိုးတဲ့ ဂျောင်ဟွန်း နဲ့ လက်ထပ်ပြီး သာမန်ဘဝလေးမှာ နေထိုင်ချင်တဲ့ ကောင်မလေးပါ။ ဒါပေမဲ့ လက်ထပ်ဖို့ ပြင်ဆင်နေတဲ့ ကာလအတွင်းမှာပဲ အခက်အခဲ မျိုးစုံကို ရင်ဆိုင်ရပါတယ်။ အဓိက က‌တော့ ငွေမက်တဲ့ သူ့အမေ အီဒူဂျာ ကြောင့်ပါပဲ။ သမီးတွေကို ရွှေဘုံနန်းစံစေချင်တဲ့ အီဒူဂျာကတော့လက်ဖျားမှာ ငွေသီးတဲ့ ယောက်ျားတွေကိုသာ အပိုင်ဖမ်းခိုင်းလေ့ရှိပါတယ်။ အဲဒီလိုနဲ့ပဲ ဟယ်ယွန်း နဲ့ ဂျောင်ဟွန်း တို့ကြား သူတို့ မိခင်တွေ ပါဝင်လာတဲ့အခါ နှစ်ဖက် မိသားစု ဆက်ဆံရေးက ကတောက်ကဆတွေ ကြီးထွားလာခဲ့ပြီး သူတို့ချစ်သူနှစ်ဦးရဲ့ ဆက်ဆံရေးကိုပါ ရိုက်ခတ်လာခဲ့ပါတယ်။ ဒီလိုမျိုး မိသားစု အခက်အခဲတွေ ကြားထဲကနေ အချစ်ပန်းလေးတွေ ဘယ်လိုပုံစံနဲ့ ဖူးပွင့်ကြဦးမလဲဆိုတာကိုတော့ ဇာတ်လမ်းတွဲလေးထဲမှာပဲ ကြည့်ရှုခံစားလိုက်ကြရအောင်ပါ။

t.me/kdramacollectionbyhands/5502

နာမည်ကြီးမင်းသားများပါဝင်ထားသော အမေရိကန်ဖောက်ထွင်းမှုဆိုင်ရာ ဂန္တဝင်ဇတ်ကားကောင်းတစ်ကား

IMDB - 6.8/10
Genre - Thriller, Crime, Action

ကနေဒါနိုင်ငံမွန်ထရီယယ်မြို့မှာနေတဲ့ နစ်ခ်ဝဲလ် ဟာ ကနေဒါပြည်နယ်တွေသာမကပဲ အခြားနိုင်ငံများကမီးခံသေတ္တာတွေကိုပါဖောက်ထွင်းပြီး တန်ဖိုးကြီးပစ္စည်းတွေကို ခိုးယူသူဖောက်ထွင်းသမားတစ်ယောက်ဖြစ်ပါတယ်။ မက်စ် ကတော့ နောက်ကွယ်ကနေလိုတဲ့ငွေကြေးကိုထောက်ပံ့ပေးပြီးပစ္စည်းရလာတဲ့အခါဝယ်သူရှာပြီးဝေစုခွဲလေ့ရှိပါတယ်။ နစ်ခ် က ဂျက်ဇ် ဂီတကလပ်ကိုပိုင်ပေမယ့်အကြွေးပေးဖို့ကျန်နေပါသေးတယ်။ သူကလည်း ဒီအလုပ်ကနေအနားယူပြီးအေးအေးဆေးဆေး နေဖို့စိတ်ကူးထားပါတယ်။ နစ်ခ် ရဲ့ချစ်သူ ဒိုင်ယန်း ကလည်းဒီအလုပ်ထပ်မလုပ်ဖို့ပြောလာပါတယ်။ ၂၅ နှစ်လုံးဖောက်ထွင်းမှုတွေလုပ်လာပြီး ဒီတစ်ခါနောက်ဆုံးပဲအချီကြီးကြံပြီး နစ်ခ် နဲ့ မက်စ် တို့ဖောက်ထွင်းခိုးယူဖို့ကြံတဲ့ပစ္စည်းကသူတို့နေတဲ့မွန်ထရီယယ်မြို့ကအခွန်ကောက်ခွန်ရုံးမှာရှိနေတဲ့အခါ နစ်ခ် ကမလုပ်ချင်ပေမယ့် မက်စ် ကိုငဲ့ပြီးလုပ်မယ်ဆုံးဖြတ်လိုက်ပါတယ်။ နစ်ခ် တစ်ယောက်တည်းဒါကိုလုပ်လို့မရပဲအတွင်းလူတစ်ယောက်လိုလာတဲ့အခါဖောက်ထွင်းသမားလောကထဲကိုစဝင်လာတဲ့ ဂျက်ခ်ဆဲလား နဲ့တွဲလုပ်ရဖို့ဖြစ်လာပါတယ်။ သူတို့ဖောက်ထွင်းခိုးယူမှာကဘာပစ္စည်းလဲ ဘာတွေကို ဘယ်လိုအစီအစဥ်ဆွဲသလဲ ဘယ်လိုတွေဖောက်ထွင်းသလဲဆိုတာနဲ့မထင်မှတ်တဲ့အလှည့်အပြောင်းတွေကစိတ်ဝင်စားစရာကောင်းလို့ဖန်သားပြင်ပေါ်မှာဆက်ကြည့်ရှု့နိုင်ပါတယ်

t.me/cartoonbynikko/600

ဒါဗင်စီကုဒ် (၂၀၀၆)

IMDB - 6.6/10
Genre - Thriller, Mystery

ပြင်သစ်နိုင်ငံ ပါရီမြို့ရဲ့ အဓိကပြတိုက်ကြီးဖြစ်တဲ့ လူးဝ်ပြတိုက်မှာ ညကြီးသန်းခေါင် ပြတိုက်မှူးကြီး အသတ်ခံရသတဲ့။ ပြတိုက်မှူးကြီးဟာ သူမသေခင်မှာ သင်္ကေတကုဒ်တွေချန်ထားခဲ့တယ်။ ဒီလိုနဲ့ ပြင်သစ်ရဲတွေဟာ ပြတိုက်မှူးကြီးချန်ထားခဲ့တဲ့ စာတွေထဲက တစ်ခုတည်းသော နာမည်အနောက်ကို လိုက်ပါလေရော။ လန်ဂ်ဒန်တဲ့ ။ ဟားဗဒ်တက္ကသိုလ်ရဲ့ သင်္ကေတဗေဒပညာရှင်။ ကမ္ဘာပေါ်က ရှားမှရှားပညာရှင်မျိုး။ ပြတိုက်မှူးကြီးက သူမသေခင်ညမှာ လန်ဂ်ဒန်နဲ့ ညစာစားဖို့ရာ စီစဉ်ထားခဲ့တယ်။ ဒီလိုနဲ့ လန်ဂ်ဒန်ကို ပြင်သစ်ရဲတွေက အကူအညီတောင်းဖို့ရာဆိုပြီး လူးဝ်ပြတိုက်ကို ခေါ်လာပါလေရော။ ပြတိုက်အဝင်ဝက ဧရာမဖန်သားပိရမစ်ကြီးက ပြသာနာတွေတော့ အထဲမှာစောင့်ပါပြီလို့ လန်ဂ်ဒန်ကို တိတ်တဆိတ်သတိပေးနေသလိုပါဘဲ။ သူလည်း အထဲရောက်သွားရော၊ အထဲမှာ ပြတိုက်မှူးကြီးရဲ့ ကိုယ်လုံးတီးအလောင်းက ပြတိုက်ကြမ်းပြင်ပေါ်မှာ ပြန့်ကားနေတယ်။ လက်နှစ်ဖက်ကို ဆန့်တန်းထားပြီး ဝမ်းဗိုက်ဖောင်းဖောင်းကြီးအပေါ်မှာလည်း ငါးထောင့်ကြယ်ပုံကြီးကို သွေးနဲ့ပုံဖော်ထားတယ်။ နတ်ကိုးကိုယ်သူတွေ၊ မီးရေနေလကိုးကွယ်သူတွေရဲ့ ရှေးဦးသင်္ကေတပုံစံမျိုး။ တစ်ဖက်လက်ညိုးမှာ သွေးပေနေပုံကိုထောက်ပြီး သူ့ဝမ်းဗိုက်က သေနတ်ဒဏ်ရာက သွေးကို ယူပြီး ကြယ်ပုံကို သူကိုယ်တိုင် ဆွဲခဲ့ပုံပါဘဲ။ နောက်တစ်ဖက်လက်မှာတော့ မာကာချောင်းကို မြဲမြဲဆုပ်ထားတယ်။ မကြာခင်မှာဘဲ လန်ဂ်ဒန်တစ်ယောက် စဉ်းစားမိရာ စဉ်းစားပြီး ကြမ်းပြင်ကို မီးထိုးကြည့်ရာမှာတော့ စာသားတွေပေါ်လာခဲ့တယ်။ ပထမဆုံးပေါ်လာတာက ကိန်းစဉ်တန်းတစ်ခု ။ 13-3-2-21-1-1-8-5 ။ နောက်တစ်ခုက စာသားတွေ။ ပထမဆုံးပေါ်လာတဲ့ ကိန်းစဉ်က ခန့်မှန်းရတာ သိပ်လွယ်တဲ့အရာ။ ဖီဘိုနာချီကိန်းစဉ်တန်းတစ်ခု ။ လှပပြီး သေသပ်တဲ့ ကိန်းစဉ်တန်းတစ်ခု။ သဘာဝကြီးရဲ့ ကိန်းစဉ်တန်းတစ်ခု။ ကပ်လျက်ရှိတဲ့ ကိန်းတွေရဲ့ အချိုးဟာ 1.6 စွန်းစွန်းလေးရှိမယ့်ကိန်းစဉ်တန်းတစ်ခု။ စာသားတွေကိုကြည့်တော့ လျှို့ဝှက်စာသား။ တကယ်တမ်းကျ ဒီလောက်များတဲ့ စာတန်းရှည်ကို ကုဒ်ဖော်ဖို့ရာ ဒန်ဘရောင်း နဲ့ ရုပ်ရှင်ထဲက လန်ဂ်ဒန်တို့ လုပ်သွားသလောက် မလွယ်ဘူး။ ဘယ်လိုဘဲပြောပြော လန်ဂ်ဒန်က ကုဒ် ဖြည်နိုင်ခဲ့တယ်။ လီယိုနာဒို ဒါဗင်စီ ။ မိုနာလီဆာ တဲ့။ သာမန်လူသတ်မှုကနေ သမိုင်းတစ်လျှောက်ရဲ့ အဓိကအနုပညာကြီးဖြစ်တဲ့ မိုနာလီဆာ အထိပါပါလာခဲ့ပြီ။ ဇာတ်လမ်းထဲမှာ ဒီကတဆင့် ဟိုလီဂရေး ဆိုတာပါပါလာခဲ့တယ်။ ဟိုလီဂရေး ဆိုတာကတော့ ယေရှုခရစ်တော် နောက်ဆုံးစားပွဲကြီးမှာ သုံးခဲ့တဲ့ ကလပ်ခွက် (ခွက်)။ နောက်ပြီး ခရစ်တော်ကို ကြိုးစင်တင်ရာကနေကျလာတဲ့ သွေးတွေကို ခံခဲ့တဲ့ ခွက်။ ဒီခွက်ကို ရဖို့ ဟိုးရှေးရာစုနှစ်တွေကတည်းက အထူးတပ်ဖွဲ့တွေ၊ သူရဲကောင်းတပ်ဖွဲ့တွေက ကြိုးစားလာခဲ့တာမျိုး။ ခရစ်ယာန်သမိုင်းရဲ့ အဓိကအချက်အခြာရတနာလို့ သတ်မှတ်ခံထားရတာမျိုး။ ဂျေရုစလင်ကို ဥရောပက သိမ်းပြီးနောက် မြို့တော်ကို ကာကွယ်စောင့်လျှောက်ဖို့ရာဆိုပြီး သူရဲကောင်းအဖွဲ့ကြီးကို ဖွဲ့ခဲ့တယ်။ ဒါပေမယ့် ဒန်ဘရောင်း ရဲ့ စာအုပ်ထဲမှာတော့ ၎င်းက အဆိုပါတပ်ဖွဲ့ဟာ မြို့တော်နဲ့ လားလားမှ မဆိုင်ဘဲ ဟိုလီဂရေး ခွက်ကို ရှာပုံတော်ဖွင့်ဖို့လို့ ဆိုထားပါတယ်။ ဟိုလီဂရေး ရော ပြတိုက်မှူးကြီး အသတ်ခံရာမှာ ဘယ်လိုပတ်သက်လဲ? ဟို နှစ်ရာပေါင်းများစွာက လီယိုနာဒို ဒါဗင်စီ ကရော ဘယ်လိုပက်သက်လဲ? ကြားထဲက လန်ဂ်ဒန်ကရော?

t.me/cartoonbynikko/602

ငရဲမီး (၂၀၁၆)

IMDb - 6.2/10
Genre - Thriller, Mystery

ဒန်ဘရောင်း ရဲ့ စာအုပ် ငရဲမီး ကို ရုပ်ရှင်အဖြစ် ရိုက်ကူးထားတဲ့ ဒီဇာတ်ကားမှာလဲဇာတ်ကောင် ရောဘတ်လန်ဒန် အဖြစ် တွမ်ဟန့် ကပဲဆက်လက်ပါဝင်ထားပြီး
သူ့ရှေ့ကထွက်ခဲ့တဲ့ ဒါဗင်စီကုဒ် (၂၀၀၆) နဲ့ အကောင်း နှင့် အဆိုး (၂၀၀၉) တို့ရဲ့ အဆက်အဖြစ် ထွက်ရှိခဲ့တာပါ။

ပါမောက္ခ လန်ဂ်ဒန် ဟာ ဆေးရုံတစ်ခုမှာ မှတ်ဉာဏ်တွေပျောက်ဆုံးပြီးမှ ခေါင်းဒဏ်ရာကြီးနဲ့ နိုးလာခဲ့ပါတယ်။ မီးလောင်မြိုက်နေတဲ့ ကမ္ဘာကြီးရဲ့ မြင်ကွင်းကလွဲလို့ ဘာကိုမှသတိမရတော့ဘဲ အတိတ်နဲ့အဆက်အသွယ်ပြတ်သွားတာကြောင့်သူဘာကြောင့်ဆေးရုံရောက်တယ်ယ သူဘာတွေလုပ်ခဲ့တယ် မေ့နေခဲ့ပါပြီ။ ဒါကြောင့် သတိရဖို့ကြိုးစားနေတုန်းမှာပဲ သူ့ကိုသတ်မယ့်ဖြတ်မယ့်လူတွေအပြင်အစိုးရအဖွဲ့တွေကပါ သူ့နောက်ကို အသည်းအသန်လိုက်နေတာကို သိလိုက်ရပါတယ်။ သူ့လက်ထဲမှာလဲ ငရဲရဲ့မြေပုံနဲ့ ပဟေဠိတစ်ခု၊ သူဘာတွေရှုပ်ထားမိပြီလဲ။ ဒီလိုနဲ့လူသတ်သမားတွေရန်က ပြေးရင်းလွှားရင်း မှတ်ဉာဏ်တွေ တဖြည်းဖြည်းပြန်ပေါ်လာရင်း သဲလွန်စတွေနောက်ကိုလိုက်ရင်း ကမ္ဘာကြီးရဲ့ သေရေးရှင်ရေးဟာ ဒီပဟေဠိအပေါ်မူတည်နေမှန်း သိလိုက်ရတဲ့အချိန်မှာတော့

t.me/cartoonbynikko/606

ကျူးလစ်ပန်းငယ် (၂၀၁၇)

IMDb - 6.2/10
Genre - Romance, Drama

၁၇ ရာစု နယ်သာလန်တွင် ကျူးလစ်ပန်း မာနီယာ အဖြစ် ကျော်ကြားခဲ့တဲ့အခါ၊ အမ်စတာဒမ်မြို့မှာ လူတွေက ကျူးလစ်ပန်းပိုင်ဆိုင်ရန် အရူးအမူးဖြစ်ခဲ့ကြပါသည်။ ကမ္ဘာတစ်ဝှမ်းတွင် အလွန်ရှားပါးလှပတဲ့ ပန်းများအတွက် ရင်းနှီးခဲ့ကြတဲ့အကြောင်းကို နောက်ခံထားတဲ့ ဒီဇာတ်ကားဟာ အချစ်ဇာတ်လမ်းတစ်ပုဒ်ဖြစ်ပါတယ်။ ဆိုဖီယာ ဟာ မိဘမဲ့ ကောင်မလေးတစ်ယောက်ဖြစ်ပြီး၊ ကောနယ်လစ် ဆိုတဲ့ ကုန်သည်ကြီးတစ်ယောက်ရဲ့ မယားငယ်အဖြစ် အိမ်ထောင်ဝင်လာပါတယ်။ တစ်နေ့မှာတော့ ကောနယ်လစ်ဟာ သူ့မိန်းမနဲ့ ပုံတူပန်းချီဆွဲဖို့ ဂျန်ဗန်လော့စ် တဲ့ ပန်းချီဆရာကို ငှါးလိုက်ပါတယ်။ ဂျန်နှင့် ဆိုဖီယာက တစ်ခန်းတည်းနေရာမှာ တိတ်တိတ်ပုန်းချစ်ကြဖို့ စတင်ပြီး၊ ကောနယ်လစ်ရဲ့ မိန်းမနဲတာ့ အချစ်ဇာတ်လမ်းတစ်ပုဒ်ဖွင့်လှစ်လာပါတယ်။ မာရီယာ ဟာ ဝီလ်လျံ နဲ့ ချစ်ကြရင်း၊ ကျူးလစ်ပန်းလေလံ မှာ ဝင်ရောက်ပြီး ဘရိတ်ကာ ဆိုတဲ့ အနီစင်းပန်းကို ဝယ်လိုက်သောအခါ၊ သင်္ကေတတစ်ခုအဖြစ် အချစ်တစ်ခုအတွင်းကွဲပြားမှုများရပြီး အမှားများစွာ လုပ်ငန်းများကြားက ကြုံတွေ့ရမှာဖြစ်ပါတယ်။

t.me/gwmmupl/4294