ကလေးပျောက်ရှာပုံတော် (၂၀၂၄)

IMDb - 5.8/10
Genre - Drama, Thriller

ဒီဇာတ်လမ်းကတော့ ၁၉၈၉ ခုနှစ် ယူတာပြည်နယ်က စွန့်ပစ်မိုင်းတွင်းထဲမှာပျောက်ဆုံးသွားတဲ့ ဆယ်နှစ်သားကလေး ဂျောရှူဝါ ဒန်းနစ် ကိုရှာဖွေကယ်ဆယ်တဲ့ အကြောင်းကို ဖြစ်ရပ်မှန်ကိုအခြေခံပြီး ရိုက်ကူးထားတာဖြစ်ပါတယ်။ အမေရိကန်သမ္မတ ဘုရှ် ကိုယ်တိုင် ဒီဖြစ်ရပ်ကို ထူးခြားဆန်းကြယ်တာဖြစ်တယ်ဆိုတဲ့သက်သေပဲ လို့ပြောလောက်တဲ့အထိ နာမည်ကြီးပါတယ်။ ဂျော့ရှ် တိုသားအဖက ကျောင်းက လူပျိုပေါက်တွေ မိုင်းတွင်းဖက်ကို စခန်းချခရီးထွက်တဲ့ ခရီးစဉ်ကို လိုက်လာခဲ့ပါတယ်။ စူးစမ်းချင်စိတ်ပြင်းလွန်းတဲ့ ဆယ်နှစ်သားလေးကို အဖေဖြစ်သူ တယ်ရီ က အဖော်လိုက်ပေးခဲ့တာပါ။ ဒီလိုနဲ့ တောင်ပေါ်ရောက်တော့ အဖွဲ့ထဲက တစ်ချို့က မိုင်းတွင်းထဲကို ထွက်သွားပေမယ့် အဖွဲ့ထဲက လူငယ်တစ်ယောက်နဲ့ သူတို့သားအဖက တဲထိုးဖို့အတွက် ခဏနေခဲ့ပြီးနောက် ညနေပိုင်းလောက်အရောက်မှာ သုံးယောက်သား မိုင်းတွင်းဖက်ကို ထွက်လာကြပါတယ်။ မိုင်းတွင်းထဲကိုလည်း ရောက်ရောရှေ့ကအဖွဲ့ ပြန်တွေ့ပါတယ်။ အဖွဲ့ထဲက ကိုင်လ် ဆိုတဲ့ လူငယ်တစ်ယောက် မိုင်းတွင်းထဲမှာ ဆက်မနေချင်တော့တာနဲ့ တယ်ရီ က စခန်းကို ပြန်ပို့ဖို့ အကြောင်းဖန်လာပါတော့တယ်။ ဒါပေမယ့် ဂျော့ရှ် က အဖွဲ့နဲ့ ဆက်နေချင်တယ်လို့ပြောလို့ တယ်ရီ ကလည်း အဖွဲ့နားမှာပဲ သေချာကပ်နေလို့ပြောပြီး ထားခဲ့ပါတယ်။ ရှေ့ဆင့်နောက်ဆင့် သွားနေရင်းနဲ့ ဂျော့ရှ် ဟာ လမ်းပျောက်သွားပြီး တစ်ယောက်တည်းကျန်ခဲ့ပါတယ်။ အဖွဲ့ကလည်း စခန်းကို ပြန်ရောက်တော့မှ ဂျော့ရှ် ပါမလာတာသိတော့ ကယ်ဆယ်ရေးအဖွဲ့တွေကို ဆက်သွယ်ပြီး ကလေးပျောက်ရှာဖွေရေးကို စတင်ပါတော့တယ်။

t.me/gwmmupl/4242

ကာစီနို (၁၉၉၅)

IMDB - 8.3/10
Genre - Crime, Thriller

ဒီကားက ထိပ်တန်းကားတွေထဲမှာပါသလို ဆုပေါင်းများစွာလည်း ရရှိထားတယ်။ ဆမ်အေ့ရော့စတိန် အဖြစ် ရောဘတ်ဒီနီရို က သရုပ်ဆောင်ထားတယ်။ သူဟာ လောင်းကစားတွေနဲ့ပတ်သက်လို့ထက်မြက်တယ်။ သူ့မျက်လုံးတစ်စုံဟာ ၃၆ဝ ဒီဂရီပတ်ကြည့်ပြီးတာနဲ့ ဘယ်ဝိုင်းက ထိုးသားအခြေအနေ၊ လောင်းကြေးတွေက ဘယ်သူ့ဘက်အလေးသာနေတယ်၊ ဘယ်သူတွေက မသာမာမှုတွေလုပ်နေတယ်ဆိုတာကို အကဲဖြတ်စွမ်းနိုင်စွမ်းရှိတယ်။ တစ်ဆက်တည်း သူလိုချင်တဲ့အနေအထားကိုလည်း ပြောင်းလဲနိုင်စွမ်းရှိတယ်။ ဒါကြောင့် ကာစီနိုတွေကိုချုပ်ကိုင်နေတဲ့သူတွေက သူ့ကို ကာစီနိုဝိုင်းတွေကိုကွပ်ကဲပေးဖို့ ငှားခဲ့တယ်။ သူကလည်းလက်ခံခဲ့တယ်။ သူ့ကို လက်ဖျားနဲ့မပြောနဲ့ စကားကြမ်းပြောတဲ့သူတောင် အနားမှာမရှိအောင် လူမိုက်အကြီးအစားတစ်ယောက်ကို သူ့အနားမှာထားပေးတယ်။ အဲဒီအလုပ်ကို သူလက်ခံပြီးတဲ့နောက်မှာအပြောင်းအလဲတွေ အများကြီး သူကြုံရတော့တာပဲ။ လူမိုက်တွေ၊ ရဲတွေ၊ အစိုးရအကြီးအကဲတွေ၊ ဥပဒေကိုလက်တစ်လုံးခြားလုပ်နေတဲ့သူတွေ ဒီကားမျိုးက ကြည့်ပြီး တွေးမြင်ခံစားလို့ကောင်းတဲ့ ကားမျိုးဆိုတော့ ဆက်မပြောတော့ပါဘူး။

t.me/cartoonbynikko/588

အစအနောက်သန်သူ တာခဂိ (၂၀၂၄)

IMDb - 7.8/10
Genre - Romance, Drama, Comedy

သူငယ်ချင်းအချစ်ဦးလေးနဲ့ ပြန်ဆုံတွေ့ကြတဲ့ Teas-ing Mas-ter Takagi-san ဆိုတဲ့ ဂျပန်ကားလေးက ငယ်စဉ်ဘဝအပြင် လက်ရှိကာလကိုပါ ပိုပြီးသက်ဝင်ကြည်နူးဖွယ် ခံစားမှုပေးနိုင်တဲ့ အချစ်ဇာတ်ကားလေးဖြစ်ပါတယ်။ ဇာတ်လမ်းတစ်လျှောက်လုံးမှာ သူငယ်ချင်းနှစ်ယောက်ရဲ့ ရယ်စရာကောင်းပြီး ချစ်စရာကောင်းတဲ့ စနောက်မှုတွေကို မြင်တွေ့ရမှာလည်းဖြစ်ပါတယ်။ အလယ်တန်းကျောင်းသား နီရှီခတာ ဟာ သူ့ဘေးနားကထိုင်တဲ့ တာခဂိ ဆိုတဲ့ မိန်းကလေးသူငယ်ချင်းဆီက အမြဲလိုလို စနောက်ခံရပါတယ်။ နည်းမျိုးစုံနဲ့ အမြဲစနောက်တတ်တဲ့ တာခဂိ ကို နီရှီခတာ က လက်စားချေပစ်မယ်လို့ ကြုံးဝါးခဲ့သူလည်းဖြစ်ပါတယ်။ ဘယ်လိုပဲ တာခဂိ ကို အနိုင်ချင်ပေမယ့် နီရှီခတာ ဟာ တာခဂိ ဆိုတဲ့နဲ့တင် အလိုလိုရှုံးခဲ့ရသူပါ။ အလယ်တန်းတတိယနှစ်မှာ ပါရီကို တာခဂိ ပြောင်းသွားခဲ့ပေမယ့် သူတို့နှစ်ယောက်ဟာ အဆက်အသယ်မပြတ်ခဲ့ကြပါဘူး။ ၁၀ နှစ်အကြာမှာ နီရှီခတာ က သူတို့ကျောင်းမှာပဲ ကာယဆရာအဖြစ် လုပ်နေချိန် တာခဂိ က တန်းပြဆရာမအနေနဲ့ ၃ ပတ်ကြာ အလုပ်သင်လာရောက်ခဲ့ချိန်မှာ အတူတူနီးစပ်ဖို့ ဖြစ်လာပါတယ်။ ဆရာတွေအဖြစ်နဲ့ ပြန်ဆုံတဲ့ သူငယ်ချင်းနှစ်ယောက် ကျောင်းမှာ ကြုံတွေ့ရတဲ့ စိန်ခေါ်ချက်တွေကို ဘယ်လိုမျိုး စဉ်းစားဖြေရှင်းကြမလဲ။ ရိုးအတဲ့ နီရှီခတာ က တာခဂိ ဆိုတဲ့ အစနောက်သန်တဲ့ မိန်းကလေးကို အနိုင်ရယူပြီး ပြန်စနောက်နိုင်မလား ဆိုတာကတော့ စိတ်ဝင်စားစရာပါပဲ။

t.me/dramamv/790

ကေ-၁၉ (၂၀၀၂)

IMDb - 6.7/10
Genre - War, Thriller

၁၉၆၁ မှာ ဆိုဗီယက်ယူနီယံဟာ အမေရိကန်နဲ့ဉရောပကို စစ်အင်အားပြဖို့နဲ့ အာတိတ်သမုဒ္ဒရာထဲ ဒုံးကျည်စမ်းသပ်ဖို့ဆိုပြီး ကေ-၁၉ ဆိုတဲ့ နျူကလီးယားရေငုပ်သင်္ဘောတစင်းကို ရေချလိုက်ပါတယ်။ ဒါပေမယ့် သင်္ဘောက အဆင်သင့်မဖြစ်သေးဘဲ ပြဿနာတွေ အများကြီးနဲ့ အစောတလျင်စမ်းသပ်စေခဲ့တာဖြစ်ပါတယ်။ ကေ-၁၉ ကို ဗော့စထရီကော့ဖ် နဲ့ ပိုလီနင် တို့ ဦးစီးဖို့ တာဝန်ပေးခြင်းခံရပါတယ်။ သင်္ဘောဟာ အဆင်သင့်မဖြစ်သေးတာနဲ့အညီ ရေလယ်ကောင်မှာ နျူကလီးယား ဓာတ်ပေါင်းဖိုယိုစိမ့်မှုဖြစ်ပြီး အခန့်မသင့်လို့ ပေါက်ကွဲခဲ့ရင် ကမ္ဘာ့စစ်ပွဲတောင် ဖြစ်သွားနိုင်တဲ့အနေအထားဖြစ်လာပါတော့တယ်။ ဒီလိုအချိန်အခါမှာ ဓာတ်ရောင်ခြည်အကာအကွယ်ဝတ်စုံမရှိတဲ့ကြားက ကပ္ပတိန် နဲ့ သင်္ဘောသားရဲဘော်ရဲဘက်တွေ နျူကလီးယားယိုစိမ့်မှုကြီးကို ဘယ်လို စွန့်စားပြီး ပြင်ဆင်ကြမလဲ ခက်ခဲကြမ်းတမ်းတဲ့ ဆုံးဖြတ်ချက်တွေကို ဗော့စထရီကော့ဖ် နဲ့ ပိုလီနင် တို့ ဘယ်လို စွန့်လွှတ်စွန့်စား ဆုံးဖြတ်သွားကြမလဲဆိုတာ

ကေ-၁၉ ဖြစ်ရပ်မှန်ကို ဆိုဗီယက်ဖက်က လုံးဝဖုံးကွယ်ထားခဲ့တာမလို့ အဲ့ဒီတုန်းက ကမ္ဘာကြီးအနေနဲ့ ဒီအကြောင်းတွေကို မသိခဲ့ကြရဘဲ ဆိုဗီယက်ယူနီယံပြိုကွဲတော့မှသာ အံ့ဩဘနန်း သိခဲ့ကြရတာဖြစ်ပါတယ်။

t.me/cartoonbynikko/590

ကော်နဲ ၏ သေတ္တာ (၂၀၂၅)

IMDb - 6.6/10
Genre - Thriller, Mystery

လူတစ်ယောက်ရဲ့ ကိုယ့်ကိုယ်ကိုယ် ယုံကြည်ချက်မရှိမှု သိမ်ငယ်မှုတွေက သူ့ကို ဘယ်လောက်ထိ ဆွဲချသွားနိုင်လဲဆိုတာကို သည်းထိပ်ရင်ဖိုစွာနဲ့ ပဟေဠိဆန်ဆန် ကြည့်ရှုရမည့်ဇာတ်ကားဖြစ်ပါတယ်။

ငယ်စဉ်ကတည်းက ခင်မင်ရင်းနှီးခဲ့ကြတဲ့ ထယ်အီ နဲ့ အွန်ဝူး ဟာ ပန်းချီကို ချစ်မြတ်နိုးသူတွေဖြစ်ကြပြီး ယခုလက်ရှိမှာလည်း ပန်းချီပညာနဲ့ အသက်မွေးဝမ်းကျောင်းပြုဖို့ ကြိုးစားနေသူတွေပါ။ ဒါပေမယ့်လည်း အွန်ဝူး ရဲ့ ပန်းချီလက်ရာတွေဟာ ထယ်အီ ထက် အမြဲတမ်း သာလွန်နေခဲ့တာကြောင့် ထယ်အီ ဟာ အွန်ဝူး နဲ့ ယှဉ်လိုက်ရင် သိမ်ငယ်နေခဲ့ရတာပေါ့။ တစ်ရက် ။ ထယ်အီ ရဲ့ ရည်းစားဖြစ်သူ ယူဂျင်း ဟာ ရုတ်တရက် မိမိကိုယ်ကို အဆုံးစီရင်သွားခဲ့ပါတယ်။ ဒါကို လက်မခံနိုင်တဲ့ ထယ်အီ နဲ့ ယူဂျင်း ရဲ့ ညီမဖြစ်သူ ယူရင်း တို့ဟာ ယူဂျင်း ရဲ့ အဆုံးစီရင်ခဲ့ရတဲ့ အကြောင်းပြချက်နဲ့ အမှန်တရားကို အတူတူ လိုက်လံစုံစမ်းကြပါတော့တယ်။ သူတို့တွေ ဖော်ထုတ်လေလေ ယူဂျင်း ရဲ့ အတိတ်နဲ့ပက်သက်ပြီး ကိစ္စတွေဟာ ပိုပြီး နက်နဲလာခဲ့ပြီးတော့ အဆုံးမှာတော့ ဘယ်လိုအကြောင်းအရာတွေရှိနေမလဲ။

t.me/gwmmupl/4249

ပုလင်းထဲက စာတစ်စောင် (၁၉၉၉)

IMDb - 6.3/10
Genre - Romance, Drama

ဂရက် ဆိုတဲ့ လူလတ်ပိုင်းအရွယ် ယောင်္ကျားတစ်ယောက် ။ ပင်လယ်ကြီးရဲ့ ဘေး ဇနပုဒ်ရွာက သာမန်လူသား တစ်ယောက်ပါပဲ ။ ဘဝက ခရီးတစ်ခု ဆိုပါစို့ ။ ဆုံးရှုံးမှုတွေကတော့ ကျွန်တော်တို့ ကြုံတွေ့ရမဲ့ မိုင်တိုင်တွေပါပဲ ။ လက်ခံနိုင်သည်ဖြစ်စေ ကြောက်ရွံ့သည်ဖြစ်စေ ကြုံတွေ့ကြရမှာပဲ ။ ဂရက် ကြုံတွေ့ရတဲ့ မိုင်တိုင်က တခြားသူတွေထက်ခါးသီးနေဟန်ပါပဲ ။ သို့ပေမယ့် သူဟာ ဆုံးရှုံးမှုကို ဖက်တွယ်ထားတဲ့ အစွဲအလမ်းကြီးသူ တစ်ယောက်ပါပဲ ။ မရှိတော့တဲ့ သူရဲ့ အခါတစ်ပါးက ချစ်ရသူတစ်ယောက်အတွက် ဖန်ပုလင်းထဲစာလေးတွေထည့်ပြီး ပင်လယ်ပြာဆီ မျှောခဲ့တယ် ။ လေးနက်ခြင်း လွမ်းဆွတ်ခြင်း တမ်းတခြင်းတွေကို ဖွဲ့သီပြီး စာလေးတွေရေးပြီး ထည့်ခဲ့တယ် ။ ဒီဖန်ပုလင်းထဲက စာကို အမျိုးသမီးတစ်ယောက်က ဖတ်မိတယ် ။ ဝါကျတိုလေးတွေဆိုပေမယ့် စာရေးတဲ့သူရဲ့ ရင်ထဲက ခံစားချက်တွေကို ကောင်းကောင်းပုံဖော်နိုင်တယ် ။ ဒီစာကို ဖတ်မိတဲ့ အမျိုးသမီးတစ်ယောက်ဟာ တစ်ခါမှ မမြင်ဖူးတဲ့ ဖန်ပုလင်းထဲက စာပိုင်ရှင်ကို တွေ့ချင်လာတယ် ။ ဖန်ပုလင်းထဲက စာတစ်စောင်က မွေးဖွားခဲ့တဲ့ ရေစက်တစ်ခုဟာ ဘာများ ဆက်ဖြစ်သွားသလဲ။

t.me/dramamv/792

ကမ္ဘာကြီး တုန်လှုပ်သွားသည့်တိုင် (၂၀၂၅)

IMDb - 6.1/10
Genre - War, Drama

နာဇီဂျာမဏီတွေဟာ ပိုလန်နိုင်ငံကို ကျူးကျော်သိမ်းပိုက်အပြီးမှာ ဂျူးလူမျိုးတွေအပေါ် ဖိနှိပ်ချုပ်ချယ်မှုတွေ စတင် လုပ်ဆောင်လာခဲ့ပါတယ်။ မီခေး၊ ဝုဖ် နဲ့ ရှောလမွန် တို့ဟာ နာဇီအလုပ်စခန်းမှာ အလုပ်လုပ်ရမယ်လို့ လိမ်ညာခေါ်ဆောင်ခံခဲ့ရပြီး တကယ်တမ်းရောက်သွားတဲ့အချိန်မှ အလုပ်စခန်းမဟုတ်ဘဲ လူသတ်စခန်းဖြစ်နေမှန်း သိခဲ့ရပါတယ်။ ဒီလိုနဲ့ သေမထူးနေမထူးဘဝတွေမို့ ထွက်ပြေးဖို့ ကြိုးစားပါတော့တယ်။ ထွက်ပြေးတယ်ဆိုတာလည်း အပြောကသာ လွယ်ပေမဲ့ နာဇီတွေပတ်လည်ဝိုင်းနေတဲ့ နယ်မြေမှာ ထွက်ပြေးဖို့ဟာ ဘယ်လိုမှ မဖြစ်နိုင်တဲ့အခြေအနေပါ။ ဒီလိုနဲ့ သူတို့တွေ ဘယ်လို လွတ်မြောက်အောင် ကြိုးစားကြမလဲ ။ အသည်းတအေးအေးနဲ့ စိတ်ဝင်စားဖွယ်ပါပဲ ။ ဒီရုပ်ရှင်လေးမှာတော့ သမိုင်းအဖြစ်အပျက်တွေကို လက်တွေ့ကျကျ တင်ဆက်ပြသထားတာမို့ ဒုတိယကမ္ဘာစစ်အတွင်းက ပိုလန်နိုင်ငံ ဂျူးလူမျိုးတွေရဲ့ ဘဝကို ပြန်လည်မြင်ယောင်ခံစားမိစေမှာပါ ။ ဖြစ်ရပ်မှန်ကို အခြေခံပြီး ရိုက်ကူးထားတာမို့ စိတ်ဝင်စားဖို့လည်းကောင်းပြီး ကြည့်ရတာ နောင်တမရစေမဲ့ ဇာတ်ကားလေးတစ်ကား ဖြစ်ပါကြောင်း။

t.me/cartoonbynikko/592

ဘယ်ဂြိုလ်ကလာတာလဲ (၂၀၀၀)

IMDb - 5.6/10
Genre - Comedy, Sci-Fi

ဇာတ်လမ်းကတော့ အဆင့်မြင့်နည်းပညာကို ပိုင်ဆိုင်ထားတဲ့ လူတူဂြိုလ်တစ်ခုမှာ စတင်ပါတယ်။ ဂြိုလ်သားတွေက ‌ယောက်ျားတွေချည်းဖြစ်သလို ခံစားချက်လည်းမရှိ၊ ဖွားဖက်တော်လည်း သေးကျုံ့ပျောက်ကွယ်ကုန်လို့ ပုံတူပွားပြီးတော့ပဲ မျိုးပွားကြပါတယ်။ ဂြိုလ်ရဲ့ခေါင်းဆောင်ကြီးက ကမ္ဘာကြီးကို အတွင်းလူ‌တွေထည့်ပြီး သိမ်းပိုက်ဖို့ စီစဉ်ထားပါတယ်။ ဒါကြောင့် အကောင်းဆုံးလက်ရွေးစင်တစ်ယောက်ဖြစ်တဲ့ ဟာရိုးလ်အမည်ခံ ဂြိုလ်သားတစ်ယောက်ကို စက်သံမြည်တဲ့ လိင်တန်ဆာတပ်ပြီး ကမ္ဘာမြေပေါ်လွှတ်လိုက်ပါတယ်။ သူ့ရဲ့တာဝန်ကတော့ လူသားအမျိုးသမီးတစ်ယောက်ကို ကိုယ်ဝန်ရအောင်လုပ်ပြီး ကလေးကို ဂြိုလ်ပေါ် ပြန်ခေါ်လာဖို့ပါ။ သူဟာ ဖီးနစ်မြို့ကို ဘဏ်လုပ်ငန်းရှင်အဖြစ် ရောက်လာပြီးတော့ မိန်းမတွေကို လိုက်နူးပါတော့တယ်။ စိတ်ခံစားမှုကလည်း မရှိသလို တစ်ဖက်သားကိုလည်း စာနာတတ်မှုမရှိတဲ့အတွက် သူ့ရဲ့တာဝန်က ထင်သလောက်မလွယ်ဘဲ အခက်တွေ့နေရပါတယ်။ ဒါပေမယ့် လက်ထပ်ပြီးမှ လိင်ဆက်ဆံပါမယ်ဆိုတဲ့ ဆူဆန် ဆိုတဲ့အမျိုးသမီးတစ်ယောက်နဲ့ ဆုံရပြီး လိင်ဆက်ဆံရဖို့အတွက် လက်ထပ်ခဲ့ပါတယ်။ တစ်ဖက်မှာလည်း ဟာရိုးလ်ကို ဂြိုလ်သားလို့ သံသယရှိနေတဲ့လေကြောင်းအရာရှိ ရိုလန် ကလည်း တကောက်ကောက်လိုက်နေပါတယ်။ ဆူ‌ဆန်က ကိုယ်ဝန်ဆောင်၊ ကလေးမွေးနိုင်မှာလား၊ ပြီးတော့ ဟာရိုးလ် နဲ့ ကလေး သူ့ဂြိုလ်ကို ပြန်ကြမှာလား၊ ဒါမှမဟုတ် ဟာရိုးလ်က ခံစားချက်တွေကို ရှာဖွေတွေ့ရှိပြီး ဂရုစိုက်တတ်လာမှာလား?

t.me/gwmmupl/4265

အဲလ်ဘတ် (၂၀၁၁)

IMDb - 6.6/10
Genre - Romance, Drama

အဓိက ဇာတ်ကောင် အဲလ်ဘတ် ဟာ ဟိုတယ်တစ်ခုမှာ အလုပ်လုပ်တဲ့ စားပွဲထိုးတစ်ယောက်ပါ။ အဲလ်ဘတ် က လူတွေ့ရတာရှက်တတ်ပြီး၊ စကားလုံးမပြောဘဲလျှို့ဝှက်ချက်တစ်ခုကို ခံစားနေခဲ့ပါတယ်။ တစ်နေ့မှာတော့ ဟိုတယ်ကို ဆေးသုတ်ဖို ငှါးထားတဲ့ ဆေးသုတ်သမား ဟူးဘတ် ရောက်လာတဲ့အခါ အဲလ်ဘတ် နဲ့ တစ်ခန်းတည်း အတူနေဖို့ ဖြစ်လာပါတယ်။ တစ်ခန်းတည်း အတူနေရင်းနဲ့ အဲလ်ဘတ် ရဲ့လျှို့ဝှက်ချက်ကို ဟူးဘတ် က သိသွားပြီး၊ သူတို့နှစ်ယောက်က ဘဝတူတွေ ဖြစ်ခဲ့ပါတယ်။ အဲလ်ဘတ် ဟာ ငယ်တစ်ချိန်က ရည်ရွယ်ချက်ကြီးတဲ့ အမျိုးသမီးဖြစ်ပြီး၊ သူ့ရဲ့ဆုတောင်းတဲ့ ဘဝတူ အဲလ်ဘတ် ကို ကြည့်ရင်း စိတ်ကူးအိပ်မက်တွေဖွံ့ဖြိုးလာပါတယ်။ ဘယ်လိုအကောင်အထည်ဖော်မလဲ၊ အရေးအကြီးဆုံးကတော့ အဲလ်ဘတ် ရဲ့အိပ်မက်က ဘယ်လိုမှန်ကန်လာမလဲဆိုတာတွေကို ဂရုပြုကြည့်ရမှာပါ။ ဒီရုပ်ရှင်ဟာ Slice of life အမျိုးအစားမှာ Romance တစ်ခုကိုပါးပါးလေးဖြစ်ကာဖော်ပြထားပြီး၊ ခံစားချက်များနက်နက်သောကြောင့် ရင်ထဲမှာ သက်ရောက်လေ့ရှိပါတယ်။ အဲလ်ဘတ် ဟာ ၁၉ ရာစုက အခက်အခဲများထဲမှာ ဘဝတစ်ခုကို ခြေလှမ်းတက်ပြီး လူတိုင်းရဲ့ အိပ်မက်နှင့်အတူ ရင်ဆိုင်နေရတဲ့ ဇာတ်လမ်းတစ်ပုဒ်ဖြစ်ပါတယ်။

t.me/dramamv/796

ပြန်လည်တွေ့ဆုံခြင်း (၂၀၁၁)

IMDb - 6.3/10
Genre - Romance, Drama

ဟယ်ဟွာ ဟာ တိရစ္ဆာန်ဆေးကုဆရာဝန်၏ လက်ထောက်အဖြစ် အလုပ်လုပ်ပြီး လေလွင့်ခွေးလေးတွေကို သူ့အိမ်ခေါ်ပြီး စောင့်ရှောက်ပေးတဲ့သူတစ်ယောက်ပါ။ သူ့ရဲ့အတိတ်ကအမှတ်တရများကို မေ့လျော့ပြီး၊ လေးလေးလျက်ဘဝကို ကြုံနေပါသည်။ တစ်နေ့မှာ သူမက ခွေးလေးတစ်ကောင်ကို ကယ်တင်ပြီး အပြန်လမ်းမှာ အတိတ်ချစ်သူဟန်ဆူနှင့်ပြန်ဆုံခဲ့ပါတယ်။ ၅ နှစ်ခန့်ကြာပြီးတဲ့အချိန်မှာ သူတို့နှစ်ဦးအကြား ရူးရူးမူးမူးချစ်ခဲ့တဲ့အကြောင်းကို ပြန်လည်တွေ့ဆုံခဲ့ရသည်။ ဟယ်ဟွာ ရဲ့ အချစ်ဇာတ်လမ်းကကလေးဆုံးရှုံးမှုနဲ့ စိတ်ဒဏ်ရာများအပြည့်ဖြစ်ပါတယ်။ အချစ်သူဟန်ဆူအပေါ်မှာ မျက်နှာမမြင်ချင်မှု၊ နာကျင်မှုတွေက ထိုအချိန်မှာစိတ်ကူးစိတ်သန်းတွေဖွံ့ဖြိုးလာခဲ့ပါတယ်။ သူတို့ကလေးသွားပြီဆိုပေမယ့် ဟန်ဆူ က ဟယ်ဟွာကို ပြန်ပြောပြတဲ့အခါ၊ ကလေးမသေဘဲ မွေးစားလိုက်ခဲ့ကြောင်း သိရှိပြီး၊ ဟယ်ဟွာသည် အမြဲလေ့လာခဲ့တဲ့အကြောင်းအရာကို ပြန်လည်ရွေးချယ်မယ့်ကာလရောက်လာပြီး ဇာတ်လမ်းကို ကြည့်ရှုနိုင်ပါတယ်။

t.me/dramamv/799

ပြည့်စုံတဲ့ ကမ္ဘာ (၂၀၁၈)

IMDb - 6/10
Genre - Romance, Drama

ဒီဇာတ်ကားမှာ တိုကျိုမြို့က အတွင်းပိုင်းဒီဇိုင်းကုမ္ပဏီတစ်ခုမှာ အလုပ်လုပ်နေတဲ့ ခါဝါနာဟာ အထက်တန်းကျောင်းက သူ့အချစ်ဦးနဲ့ ပြန်ဆုံခဲ့ပါတယ်။ ပြန်တွေ့ရတာဝမ်းသာပေမယ့် သူ့အချစ်ဦးဟာ မတော်တဆမှုတစ်ခုကြောင့် ခလုတ်တစ်လက်ကို မသန်စွမ်းလို့ ဝီးချဲလ်နဲ့ သွားလာရတဲ့ အခြေအနေရှိနေပါတယ်။ ခါဝါနာက သူ့အချစ်ဦးရဲ့အားအင်တစ်ခု ဖြစ်ပေးမယ်ဆိုတဲ့စိတ်ဖြင့် အကူအညီပေးရာမှာ စိုးရိမ်ခြင်းမျိုး မရှိပဲ၊ တစ်ကိုယ်တော်ဘေးနားက ကူညီပေးဖို့ ကြိုးစားပါတယ်။ သူ့ရဲ့ အနာဂတ်မှာ ချစ်ခြင်းဟာ တစ်ခါတစ်ရံ အသက်ဝင်လာသလို၊ လောကဓံကို ခံစားနေရတဲ့ အာယူကာဝါကတော့ သူ့ရဲ့ နှလုံးသားကို တိမ်ထားပြီး၊ ဘယ်သူ့ကိုမှ ဝင်ခွင့်မပေးတော့ပါဘူး။ ခါဝါနာ ရဲ့ အမှန်တရားဖြစ်တဲ့ မေတ္တာဟာ စစ်မှန်ပေမယ့်၊ မိဘတွေကြား ဝင်ဆဲဖြစ်တဲ့အခါမှာ၊ မသန်စွမ်းတစ်ဦးအတွက် ကူညီပေးသူတွေလည်း ရှိနေပါတယ်။ သို့သော် သူတို့နှစ်ဦးရဲ့ အချစ်ခရီးလမ်းမှာ အခက်အခဲများ မျက်ရည်တလည်လည်ပေါက်လာမယ့်အတွက် ရင်ထဲမှာ ခံစားရဖို့ ဇာတ်ကားပါပဲ။

t.me/dramamv/801

ဥတုလေးပါး ချစ်ကြမယ် (၂၀၂၄)

IMDb - 6.3/10
Genre - Romance, Drama

ရယ်မီအန်ဂလာ ဆိုတဲ့ ကောင်မလေးဟာ မိဘတိုင်းနီးပါးပါးစပ်က “သူများအိမ်က ကလေးဆိုရင် ဘယ်လို” ဆိုတဲ့ ဘ၀လေးကိုပိုင်ဆိုင်ထားသူပါ။အပြည့်အ၀ထောက်ပံ့ပေးတဲ့မိဘနှစ်ပါးရှိတဲ့ လူရည်ချွန်၊ ထိပ်တန်းကျောင်းသူလေးက ရည်မှန်းချက်ကလဲ ဟားဗတ်တက်ပြီး ရှေ့နေတစ်ယောက်ဖြစ်လာချင်တာတဲ့။ အဲ့လိုမျိုးပြည့်စုံ‌ပေမယ့် ပုံသေဆန်တဲ့ သူ့ကမ္ဘာ‌လေးထဲကို ဘန်းစ် ဆိုတဲ့ ဘ၀ကို‌ပျော်ပျော်နေပြီး အပင်တွေ၊ ဂီတတွေကိုသဘောကျတတ်တဲ့ ဘရုတ်ကန်း ဖမ်မလီ က ကောင်လေးတစ်ဦး၀င်လာတဲ့အခါ ငြိမ်သက်တဲ့ရေပြင်လေးပေါ်လှိုင်းလေးတွေခတ်စပြုလာတယ်။ ဆန့်ကျင်ဘက်တွေကဆွဲငင်ကြတယ်ဆိုတဲ့သဘောအတိုင်း ရထားဘူတာရုံမှာသူတို့နှစ်ယောက်စတင်ဆုံတဲ့အချိန်ကစပြီး ပုံပြင်လေးတစ်ခုစဖြစ်လာပါတယ်။ ကွာခြားလွန်းတဲ့ ကမ္ဘာနှစ်ခုက လူနှစ်ဦးဟာ အတူရှိဖို့အတွက် သူတို့ဘ၀ကို ဘယ်လိုပုံဖော်သွားကြမလဲ

t.me/cartoonbynikko/598

အထက်တန်းကျောင်းဘဝ (၂၀၁၆)

IMDb - 5.8/10
Genre - Romance, Drama

စာညံ့တဲ့အထက်တန်းကျောင်းသူတစ်ယောက်ဖြစ်တဲ့ အာအိဟာရာခိုတိုခို က ကျောင်းရဲ့ထိပ်တန်းကျောင်းသား အီရိအဲနာအိုခိ ကိုပထမဆုံးတွေ့ခဲ့တဲ့အချိန်၊ ပထမနှစ်ကျောင်းဝင်ခွင့်အခမ်းအနားမှာပဲစတင်ချစ်မိခဲ့ပါတယ်။ ဒီလိုနဲ့ သူ့အချစ်ကိုဖွင့်မပြောဘဲနေလာခဲ့တာ အခုဆို တတိယနှစ်တောင်ရောက်ခဲ့ပါပြီ။ တတိယနှစ်ပထမဆုံးနေ့မှာပဲ ခိုတိုခိုတစ်ယောက် သူ့အချစ်တွေကိုဝန်ခံဖို့အတွက်ဆုံးဖြတ်ပြီး အီရိအဲ ကို စာပေးခဲ့ပါတယ်။ ဒါပေမဲ့ အီရိအဲ ကတော့ စာကိုယူတောင်မယူဘဲ စာညံ့တဲ့မိန်းကလေးတွေကိုစိတ်မဝင်စားဘူးလို့ပြောပြီး တစ်ကျောင်းလုံး‌အရှေ့မှာ ငြင်းလိုက်ပါတော့တယ်။ တစ်ရက်မှာတော့ ခိုတိုခို တို့က အိမ်အသစ်ကိုပြောင်းပြီးပစ္စည်းတွေနေရာချတုန်းမှာပဲ ဆောက်လုပ်ရေးအဖွဲ့ရဲ့အမှားကြောင့်အိမ်ပြိုကျပြီး သတင်းမှာပါ ပါလာခဲ့တဲ့အတွက် ခိုတိုခို တစ်ယောက်အရှက်ပေါ်အရှက်ဆင့်နေပါတယ်။ ခိုတိုခို ကိုကြိုက်နေတဲ့ ကင်းနိုဆကဲ ဆိုတဲ့ကောင်လေးက အီရိအဲကို ရန်သွားရှာတဲ့အခါမှာတော့ အီရိအဲ ကအလှူငွေထည့်ရင်ရပြီမလားလို့ပြောပြီး ပိုက်ဆံနဲ့ဖြေရှင်းဖို့လုပ်ပါတော့တယ်။ ဒါကို ခိုတိုခို က အီရိအဲ ကို သေတောင် နင့်အပေါ်မှာတော့ကျေးဇူးကြွေးအတင်မခံနိုင်ဘူးလို့ပြောခဲ့ပါတယ်။ ဒီလိုနဲ့ ခိုတိုခို ရဲ့အဖေက သူ့ရဲ့ငယ်သူငယ်ချင်းတစ်ယောက်ရဲ့အိမ်မှာသွားနေရမယ်လို့ပြောပြီး အဲဒီအိမ်ကိုရောက်သွားတဲ့အခါမှာတော့ အီရိအဲ ရဲ့အိမ်ဖြစ်နေပါတယ်။ ခိုတိုခို တစ်ယောက် အီရိအဲ နဲ့ တစ်အိမ်တည်း တစ်ကျောင်းတည်းနေရင်း အီရိအဲ ကိုမေ့ပစ်နိုင်ပါ့မလား၊ အီရိအဲ ဘက်က ဘယ်လိုတွေဆက်ဆံဦးမလဲ၊ အီရိအဲ တို့အိမ်မှာရော ခိုတိုခိုတို့ အဆင်ပြေပါ့မလား

t.me/hanamovie20/4280

စခန်းချခြင်း (၂၀၁၇)

IMDb - 7.1/10
Genre - Romance, Drama

2016 ခုနှစ်က ထွက်ရှိခဲ့တဲ့ အထက်တန်းကျောင်း ရဲ့ အဆက်ဖြစ်ပြီးတော့ ဒီကားမှာတော့ ခိုတိုခို ရော အီရိအဲ ရော တိုးနန်တက္ကသိုလ်ကို ရောက်သွားကြပေမယ့် မေဂျာတော့ မတူပါဘူး။ အီရိအဲ က သိပ္ပံအင်ဂျင်နီယာမေဂျာကို ယူပြီး အဲဒီမှာ မာဆုမိုတို ဆိုတဲ့ ကောင်မလေးနဲ့ ရင်းနှီးလာခဲ့ပါတယ်။ တစ်နေ့မှာတော့ အီရိအဲ ရဲ့ အထက်တန်းကျောင်းတုန်းက စီနီယာဖြစ်တဲ့ ဆုဒို က အီရိအဲ ကို သူတို့ကလပ်ထဲ ဝင်ဖို့ စည်းရုံးလာပါတယ်။ ဒါကို အီရိအဲ နဲ့ ကလပ်အဖွဲ့ အတူတူ ဝင်ချင်တဲ့ ခိုတိုခို တစ်ယောက် ကြားသွားပြီးတော့ ဘာကလပ်မှန်း မသိဘဲ အနောက်ကလိုက်ကြည့်ပါတော့တယ်။ အီရိအဲ ဝင်မယ့် ကလပ်က တန်းနစ်ကလပ် ဖြစ်နေပြီး မာဆုမိုတို ကလည်း အဲဒီကလပ်မှာ ရှိနေပါတယ်။ ခိုတိုခို တစ်ယောက် တန်းနစ်အဖွဲ့ထဲ ဝင်ပြီး အီရိအဲ ရဲ့ အာရုံစိုက်မှုကို ဘယ်လိုအရယူမလဲ၊ အီရိအဲ ကို ကြိုက်တဲ့ ပြိုင်ဘက်ကရော ဘယ်နှယောက် ပေါ်လာမလဲ၊ အဲဒီ ပြိုင်ဘက်တွေကိုရော ခိုတိုခို တစ်ယောက် အနိုင်ယူနိုင်မလား၊ အီရိအဲ နဲ့ ခိုတိုခို တို့ကြားထဲက ဆက်ဆံရေး ဘယ်လိုမျိုး ပြောင်းလဲသွားမလဲအစရှိတာတွေကို ကြည့်ရှုခံစားရမှာပဲ ဖြစ်ပါတယ်။

t.me/hanamovie20/4282

ဖွင့်ပြောပြီ (၂၀၁၇)

IMDb - 7.5/10
Genre - Romance, Drama

ဒီကားလေးမှာတော့ ခိုတိုခို တို့ရဲ့ တက္ကသိုလ်ဒုတိယနှစ်နဲ့ တတိယနှစ်ကာလကို ရိုက်ကူးထားတာပဲ ဖြစ်ပါတယ်။ တက္ကသိုလ်ပြီးခါနီးလာတာနဲ့အမျှ အလုပ်ခွင်ဝင်ဖို့လည်း စဉ်းစားလာကြရတာ ထုံးစံပါပဲ။ ဒီလိုနဲ့ ကိုယ်စီ အနာဂတ်အစီအစဉ်တွေ ရေးဆွဲနေကြတဲ့အချိန်မှာ အီရိအဲ ကို သူ့အဖေက အိမ်ရဲ့ စီးပွါးရေးကို ဆက်ခံဖို့အတွက် တိုက်တွန်းပါတော့တယ်။ အီရိအဲ ကတော့ အိမ်ရဲ့ စီးပွါးရေးကို ဆက်မလုပ်ဘဲ သူ့ရဲ့ ဆရာဝန်ဖြစ်ချင်တဲ့ အိပ်မက်ကို အကောင်အထည် ဖော်ချင်နေပါတယ်။ အဲဒီလို အတိုက်အခံလုပ်နေတုန်းမှာ အီရိအဲ ရဲ့အဖေ နှလုံးဖောက်ပြီး ဆေးရုံတင်လိုက်ရတဲ့အခါမှာတော့ အီရိအဲ ခမျာ ရွေးချယ်စရာ မရှိဘဲ အိမ်အလုပ်ကို ဦးစီးရပါတော့တယ်။ ဒီလိုနဲ့ တစ်နေ့မှာတော့ အီရိအဲ တို့ကုမ္ပဏီရဲ့ ရှယ်ယာရှင်တစ်ဦးဖြစ်တဲ့ ဥက္ကဌ အိုအိဇုမိ က မြေးဖြစ်သူနဲ့ စေ့စပ်ကြောင်း လမ်းဖို့ စကားစ လာပါတော့တယ်။ အီရိအဲ တစ်ယောက် သဘောတူလိုက်မလား၊ ခိုတိုခို နဲ့ အီရိအဲ တို့ကြား ဘယ်လိုတွေ ပြောင်းလဲသွားမလဲ

t.me/hanamovie20/4285