ကိုယ်ဟာမင်းရဲ့လူ (၂၀၂၁)

IMDB - 7.1/10
Genre - Romance, Sci-fi

အယ်မာဖာဆာ ဆိုတဲ့ ဂျာမန်သမိုင်းသုတေသနပညာရှင်ဟာသူ့ရဲ့သုတေသန ပရောဂျက်တွေမှာ ရံပုံငွေရဖို့အတွက်လူသားပုံစံဖန်တီးထားတဲ့ တွန် ဆိုတဲ့ စက်ရုပ်ကိုစစ်ဆေးအကဲဖြတ်ပေးဖို့ ပရိုဂရမ်တစ်ခုမှာ ပါဝင်လိုက်ရပါတယ်။ ရည်ရွယ်ချက်ကတော့ ဒီစက်ရုပ်ဟာ ဘဝလက်တွဲဖော်တစ်ယောက်အဖြစ်
ဖန်တီးထားတာဖြစ်ပြီး အပျိုကြီး အယ်မာ ကို ပျော်ရွှင်အောင် လုပ်ဖို့ပါ။ အယ်မာ ကလည်း အရမ်းကို ဆက်ဆံရခက်တဲ့လူတစ်ယောက်ဖြစ်ပြီးအထီးကျန်ဆန်နေသူတစ်ယောက်ဖြစ်ပါတယ်။ အယ်မာ ဟာ တွန် နဲ့ ၃ ပတ်တာအတူနေရမှာဖြစ်ပြီးကောင်းမွန်တဲ့ ဘဝလက်တွဲဖော်ဟုတ်မဟုတ်အကဲဖြတ်စစ်ဆေးရမှာဖြစ်ပါတယ်။ တွန် ဟာလည်း သူထင်ထားတာထက်အများကြီးထူးကဲတဲ့ လူသားအသိဉာဏ်နဲ့ စိတ်ခံစားမှုရှိတဲ့စက်ရုပ်တစ်ရုပ်ဖြစ်နေခဲ့ပါတယ်။ လူသားနဲ့စက်ရုပ်ကြားက ဘဝအဓိပ္ပာယ်နဲ့ ပျော်ရွှင်မှုကို ပုံဖော်သွားမယ့်ဒရမ်မာဇာတ်ကားကောင်းလေးဖြစ်လို့ ကိုယ်တိုင်ပဲကြည့်ရှုခံစားဖို့ တိုက်တွန်းချင်ပါတယ်

t.me/dramamv/779

ငါ့ကိုသုံးကြိမ်သတ်ပါ (၂၀၁၄)

IMDb - 5.8/10
Genre - Thriller, Comedy

နာမည်ဆန်းဆန်းနဲ့ ဒီဇာတ်ကားက ဒါ့ကော်မဒီ အမျိုးအစားရုပ်ရှင်တစ်ခုဖြစ်ပြီး နာမည်ကြီး ဟာသ သရုပ်ဆောင် ဆိုင်မွန်ပက် က ကြေးစားလူသတ်သမား ချာလီအနေနဲ့ပါဝင်သရုပ်ဆောင်ထားပါတယ်။ ဇာတ်လမ်းကိုတော့ ကြေးစားလူသတ်သမား ချာလီတစ်ယောက် လဲကျနေရာကနေ အစပြုထားပါတယ်။ နောက်ပြီးတော့ တစ်စုံတစ်ခုကို ကြံစည်နေတဲ့ သွားဆေးခန်းက နေသန် နဲ့ လူစီ တို့ လင်မယား သွားဆေးခန်းနဲ့ ချိန်းဆိုမှုလုပ်ထားတဲ့ အဲလစ် ဆိုတဲ့ ကောင်မလေးတစ်ယောက်၊ မိန်းမဖြစ်သူအပေါ် အချစ်ကြီးပြီး ခြုပ်ခြယ်လွန်း အားကြီးတဲ့ ဟိုတယ်ပိုင်ရှင် ဂျက်၊ စတိုးဆိုင်ဖွင့်ထားတဲ့ ဒေလန် ဆိုတဲ့ကောင်လေး၊ အဲ့‌ဒီဇာတ်ကောင်တွေရဲ့ ဇာတ်လမ်းတစ်ပုဒ်ချင်းစီကို ပြသထားတယ်။ အဲ့ဒီ ဇာတ်လမ်းတွေ တစ်ခုနဲ့တစ်ခုကြား ဘယ်လိုချိတ်ဆက်မှုရှိမလဲဆိုတာ ခပ်ဆန်းဆန်းတင်ဆက်ထားတာကြောင့် ပရိတ်သတ်တွေကဒါကို စိတ်ဝင်တစား ကြည့်ရှူရမှာဖြစ်ပါတယ်

t.me/gwmmupl/4206

လမ်းမထက်က ဘဝ (၂၀၁၅)

IMDb - 6.5/10
Genre - Action, War

ဒီဇာတ်ကားထဲမှာဆိုရင်အမေရိကန်ဦးဆောင်တဲ့ အာဖဂန်စစ်ပွဲထဲက ကနေဒါစစ်ဆင်‌ရေးတပ်ဖွဲ့တွေအကြောင်း စိတ်လှုပ်ရှားဖွယ်မြင်တွေ့ရမှာဖြစ်ပြီးခေတ်သစ်စစ်ပွဲတွေရဲ့ မရိုးရှင်းလှတဲ့ ဗျူဟာမြောက်လုပ်ငန်း‌စဉ်တွေအကြောင်းကိုလည်း ကြိုးစားတင်ပြထားတာ တွေ့ရမှာပဲဖြစ်ပါတယ်။ တောခွေးလမ်းမဟာ အာဖဂန်နစ္စတန်နိုင်ငံ ကန်ဒဟာ‌ဒေသမှာစစ်ဆင်ရေး‌ ဖော်ဆောင်ရတဲ့ ကနေဒါတပ်ဖွဲ့များ ဖောက်လုပ်ခဲ့တဲ့ဗျူဟာမြောက်ထောက်ပို့လမ်းကြောင်း တခုဖြစ်ပါတယ်။ ကန်ဒဟာဒေသဟာ တာလီဘန်တို့လှုပ်ရှားကြီးစိုးရာ ဒေသဖြစ်တဲ့အပြင် တောင်စွယ်၊ တောင်ကုန်း၊ လျှို ချောက်များဖြင့် ကြမ်းတမ်းတဲ့‌မြေမျက်နှာသွင်ပြင်ရှိရာ ဒေသဖြစ်လို့ တောခွေးလမ်းမကြီးကို၂၀၀၆ ကနေ ၂၀၁၁ အထိ ၅ နှစ်ကြာအချိန်ယူတည်‌ဆောက်ခဲ့ရပါတယ်။ ဒီရုပ်ရှင်မှာတော့ စနိုက်ပါသမားဖြစ်တဲ့ ရန်ဆန်ဒါး နဲ့ သူ့အဖွဲ့ဟာတောခွေးလမ်းမ ဆောက်လုပ်ရေးလုပ်ငန်းကို တာလီဘန်တို့နှောင့်ယှက်ခြင်းဘေးကနေ ကာကွယ်စောင့်ကြပ်ပေးရတဲ့အဖွဲ့ဖြစ်ကြပါတယ်။ တဖက်မှာလည်း စစ်ဘက်ဆိုင်ရာထောက်လှမ်းရေးအရာရှိ ပိမစ်ချယ် ဟာ တောခွေးလမ်းမ ပြီးစီးအောင်ဖောက်လုပ်နိုင်ဖို့ထောက်လှမ်းရေးနည်းအတိုင်း ဒေသခံများနှင့် ရင်းနှီးမှုယူကာဗျူဟာဖော်ဆောင်နေခဲ့ပါတယ်။ လမ်းမကိုစောင့်ကြပ်နေရင်း တနေ့မှာတော့ ရန်ဆန်ဒါး တို့အဖွဲ့ဟာ တာလီဘန်တို့ရဲ့ ချုံခိုတိုက်ခိုက်မှုကို ခံရပါတော့တယ်အင်အားမမျှတဲ့ စနိုက်ပါသမားအုပ်စုဟာတာလီဘန်တွေကို ခံပစ်ထားနိုင်ဖို့ အနီးအနားက ဟာဂျီဘာဘာရွာထဲ ဝင်ပြေးရပြီး ရွာတစ်နေရာအရောက်မှာတော့ ထူးထူးဆန်းဆန်းမျက်လုံးတွေနဲ့ အဘိုးအိုတစ်ယောက်က ၎င်းတို့စနိုက်ပါအဖွဲ့ကို တာလီဘန်တို့လက်မှလွတ်အောင်ဝှက်ပေးခဲ့ပါတယ်။ ဒီအကြောင်းကို ထောက်လှမ်းရေးအရာရှိ ပိမစ်ချယ် တစ်ယောက်သိရှိသွားရာမှာတော့ဒီရုပ်ရှင်ကားလေးဟာ ခေတ်သစ်စစ်ပွဲတွေရဲ့ စစ်ဘက်အရပ်ဘက်ဆိုင်ရာဗျူဟာတွေအကြောင်းနဲ့ စစ်ပွဲရဲ့ ပကတိဂုဏ်ယူစရာမရှိပုံတွေမြေစာပင်ဖြစ်ရတဲ့အရပ်သားတွေရဲ့ အကျပ်အတည်းနဲ့ဆင်းရဲဒုက္ခတွေကို အရင်းအတိုင်းတင်ပြထားလို့ စစ်ဆန့်ကျင့်ရေးရုပ်ရှင်ကားတကားအနေနဲ့လည်း ကြည့်ရှုခံစားနိုင်မယ့် ဇာတ်ကားကောင်းလေး‌ဖြစ်တာ‌ကြောင့် ရုပ်ရှင်ချစ်ပရိသတ်များ လက်မလွတ်ရလေအောင်ညွှန်းဆိုပေးလိုက်ရပါတယ်ခင်ဗျာ။

t.me/gwmmupl/4208

ဆူကျိုးမြစ် (၂၀၀၀)

IMDb - 7.4/10
Genre -Romance, Noir

ဆူကျိုးမြစ် ရုပ်ရှင်ဟာ တရုတ်ပြည်မရုပ်ရှင်ရဲ့ ခြောက်ဆက်မြောက်မျိုးဆက် ဒါရိုက်တာတွေထဲက နာမည်ကျော်တစ်ယောက်ဖြစ်တဲ့ လုရီ ရဲ့ နာမည်အကျော်ဆုံး ရုပ်ရှင်ပါပဲ။ သူဟာ ဆင်ဆာကြမ်းတဲ့ တရုတ်အစိုးရရဲ့ ဘန်းတာကို ပထမကားနဲ့တင်ခံခဲ့ရတဲ့သူဖြစ်ပြီး ဒီဒုတိယရုပ်ရှင်ကိုလည်း တရုတ်အစိုးရ ခွင့်ပြုချက်မရှိဘဲ ရုပ်ရှင်ပွဲတော်တစ်ခုမှာပြခဲ့လို့ ၂နှစ်အဘန်းခံခဲ့ရပါတယ်။ တန်ပါတယ်၊ ဆုတော့ရခဲ့ပါတယ်။ သူ့တင်ပြပုံနဲ့ အပေါက်အလမ်းမတည့်တဲ့ တရုတ်အစိုးရ ဘန်းတာကို ခဏခဏခံခဲ့ရပေမဲ့ လုရီ ဟာ နိုင်ငံတကာအသိအမှတ်ပြုခံရတဲ့ ဒါရိုက်တာတစ်ယောက်တော့ဖြစ်ခဲ့ပါတယ်။ ဒီရုပ်ရှင်ကို မြစ်ကမ်းဘေးက ဂိုဒေါင်တွေ ဘာတွေလို အဟောင်းအနွမ်းနေရာတွေမှာပဲရိုက်ထားပြီး တိုးတက်နေတဲ့ အသစ်အသစ်သောပုံရိပ်တွေကို မသုံးထားခဲ့ပါဘူး။ ထူးတာကတော့ အဓိကဇာတ်ကောင်လို့လည်း ပြောလို့ရတဲ့ နောက်ခံစကားပြောသူကို လူလည်းမပြထားသလို ခရက်ဒစ် လည်းမပေးထားဘဲ ကိုယ်က အဲဒီလူလို ဝင်ခံစားလို့ရအောင် သူမြင်ရတဲ့ပုံစံကနေ ပြသွားတာကလည်း ဒီရုပ်ရှင်ကို ကျွန်တော်တို့နဲ့ ပိုနီးစပ်သွားစေတဲ့ တစ်ချက်ပဲလို့ထင်ပါတယ်

t.me/dramaworld001/5836

ပုံပြင်တစ်ပုဒ် (၂၀၁၇)

IMDb - 8.3/10
Genre - Drama

သိပ္ပံစိတ်ကူးယဉ် ဆိုက်ကို ဒရာမာ စီးရီးတွေထဲမှာ အကောင်းတကာ့အကောင်းဆုံးထဲက တစ်ခုကို တင်ပေးထားပါတယ်။ ဇာတ်ကိုတော့ မျိုးပွားနိုင်နှုန်းအကြီးအကျယ်ကျဆင်းလာတဲ့ အနာဂတ်ကာလတစ်ခုမှာတည်ထားတယ်။ ဒီကာလမှာ အမေရိကန်ကပြည်တွင်းစစ်ကြောင့် ပျက်စီးသွားပြီး နိုင်ငံအသစ်အနေနဲ့ဖြစ်နေပြီ။ ဒီကာလမှာ စစ်အုပ်ချုပ်ရေးနဲ့လည်း အုပ်ချုပ်နေသလို အာဏာဆာလောင်နေတဲ့ ခေါင်းဆောင်တွေလည်း များနေတယ်။ လူတန်းစားအချို့က အမျိုးသမီးတွေကို နှိမ့်ချဆက်ဆံတာတွေလည်း အထွဋ်အထိပ်ရောက်နေတယ်။ ဆိုခဲ့သလို မျိုးမအောင်တဲ့လူတွေများနေတော့ မျိုးအောင်တဲ့ အိမ်စေအမျိုးသမီးတွေကို သူတို့အရှင် ကွန်မန်ဒါတွေနဲ့ မျိုးပွားလို့ရရုံလုပ်ခိုင်းပြီး သားဖောက်စေတယ်။ အဲဒီအမျိုးသမီးတွေရဲ့ အတိတ်တွေကိုလည်း ဖျက်ပစ်ပြီး သူတို့ကိုယ်တိုင်လည်း အဲဒီအတိတ်ကို ပြန်မတွေးနိုင်အောင် အနိုင်ကျင့်ခဲ့ကြတယ်။ ဒါကိုတာဝန်တစ်ရပ်လိုမျိုးယုံကြည်ကြတဲ့ ဒီဝါဒကိုယုံကြည်သူ အန်တီလို့ခေါ်တဲ့အမျိုးသမီးတွေက မျိုးအောင်နိုင်တဲ့အမျိုးသမီးတွေကို ပုံစံချပုံသွင်းပေးနေသလို အဘက်ဘက်ကလည်း သူတို့ကို ဖိနှိပ်နေခဲ့တယ်။ ဒီလိုအခြေအနေတွေကနေ လွတ်မြောက်အောင်ကြိုးစားကြမယ့် အမျိုးသမီးတွေအကြောင်းကို ဒီစီးရီးမှာ ကြည့်ရမှာပါ။ အပိုင်းကတော့ စုစုပေါင်း၆၀ရှိမှာပါ။

t.me/hanatrailers/5267

စီဒီပြသနာ အဖြေရှာ (၂၀၀၈)

IMDb - 7/10
Genre - Comedy, Crime

ဇာတ်လမ်းရဲ့အစမှာတော့ စီအိုင်အေ အေးဂျင့်ပြုတ် တစ်ယောက်ဟာ အရေးကြီးတဲ့ ပဟေဋ္ဌိဆန်တဲ့ အချက်အလက်တွေပါတဲ့ စီဒီ တစ်ချပ်ကို မှတ်တမ်းအနေနဲ့လုပ်ခဲ့ပါတယ်။ ကံဆိုးချင်တော့ ဒီ စီဒီ ဟာ ဂျော့တောင်း Gym မှာ ကျန်ခဲ့ပြီးအလုပ်သမား နှစ်ယောက် လက်ထဲရောက်သွားခဲ့ပါတယ်။ အဲဒီ အလုပ်သမား နှစ်ယောက်ကတော့ လင်ဒါ လို့ ခေါ်တဲ့ အလှပိုင်းဆိုင်ရာ ခွဲစိတ်ပြုပြင်ဖို့ ငွေလိုနေတဲ့အမျိုးသမီးတစ်ယောက်နဲ့ ချက် ဆိုတဲ့ လူအတစ်ယောက်ဖြစ်ပြီး ဒီ စီဒီ ကို ရောင်းဖို့ ကြိုးစားတဲ့အခါမှာတော့။ ဘာတွေဆက်ဖြစ်မလဲဆိုတာကို ဟာသတစ်ပိုင်း ရင်ဖိုစရာတစ်ပိုင်းနဲ့ ခံစားရမဲ့ IMDb rating 7 တိတိရထားတဲ့ မှုခင်း ဒရာမာ ကားကောင်းတစ်ခုပါ။

t.me/gwmmupl/4224

အလုပ်သင်စုံထောက် အိုဂယောင်းရှစ် (၂၀၁၉)

IMDb - 6/10
Genre - Crime, Drama

အိုဂယောင်းရှစ် ဟာ စုံထောက်တစ်ယောက်ဖြစ်ချင်ပေမဲ့ စာသင်စာဖတ်ရခက်တဲ့ ရောဂါရှိတာကြောင့် ရဲဝန်ထမ်းစာမေးပွဲကို မအောင်မြင်တဲ့အတွက် ရဲအရာရှိဖြစ်မလာခဲ့သူပါ။ ဒီလိုနဲ့ ညစောင့်အလုပ်လုပ်ရင်း ရဲတွေ အတော်ကြာအောင်ဖမ်းမမိခဲ့တဲ့ တရားခံတစ်ယောက်ကို ဖမ်းမိခဲ့တဲ့အတွက် အထူးအခွင့်အရေးအနေနဲ့အလုပ်သင်စုံထောက်အဖြစ် ခန့်အပ်ခံခဲ့ရတယ်။ ဒါပေမဲ့ သာမန်လူက ရဲဝန်ထမ်းစာမေးပွဲလည်း မအောင်ဘဲ စုံထောက်ဖြစ်လာတယ်ဆိုပြီး ရဲအရာရှိတွေက အမြင်မကြည်ဖြစ်ကြပြီး သူ့ကို အလုပ်ထွက်သွားအောင် ကြံစည်ကြတယ်။ ဒီလိုနဲ့ အိုဂယောင်းရှစ် တစ်ယောက် သူ့အိပ်မက်အတိုင်း တရားဝင်စုံထောက်ဖြစ်လာမလား။ လက်လျှော့ပြီး ထွက်သွားမလား။

t.me/gwmmupl/4226

အဆိပ်ဓါတ်ငွေ့ (၂၀၂၄)

သြစတေးလျနိုင်ငံရဲ့ သာယာတဲ့ နွေဦးရာသီမနက်ခင်းလေးတစ်ခုမှာ ဆိုးရွားတဲ့ ရထားမတော်တဆမှုတစ်ခု ဖြစ်ပွားခဲ့ပါတယ်။ အဆိုပါ မတော်တဆမှုနဲ့အတူမီးခိုးလုံးကြီးတွေလည်း လိပ်တက်လာခဲ့ပြီးတော့ အငွေ့ကို ရှူမိကြတဲ့သူတိုင်းဟာအရည်ကြည်ဖုတွေပေါက်ပြီး မိနစ်ပိုင်းအတွင်း ရုပ်ပျက်ဆင်းပျက် သေဆုံးသွားကြရတယ်။ ဒီကူးစက်မြန်ဗိုင်းရပ်စ်ကြောင့် ဆစ်ဒနေးမြို့ခံ တစ်ဝက်လောက် ကူးစက်ခံလိုက်ရပြီး ကူးစက်မှုကလည်း အရှိန်မကျဘဲ ဆက်လက်ဖြစ်ပွားနေခဲ့ပါတယ်။ အဲဒီအချိန်ဟာ သြစတေးလျနိုင်ငံအနေနဲ့ အရှေ့အလယ်ပိုင်းဒေသမှာ တိုက်ပွဲဝင်နေချိန်လည်းဖြစ်တာမို့ အစွန်းရောက်အကြမ်းဖက်အဖွဲ့အစည်းတွေရဲ့ ဇီဝတိုက်ခိုက်မှုအဖြစ် သံသယတွေ တိုးပွားလာခဲ့တယ်။ ဒီလိုနဲ့ ပြင်းထန်တင်းမာလာတဲ့ အခြေအနေတွေကြားမှာ လူမျိုးရေးဝါဒတွေ အားကောင်းလာခဲ့ပြီး နိုင်ငံအနှံ့မှာ အထိကရုဏ်းတွေ ဖြစ်ပေါ်လာပါတယ်။ ဖက်ဒရယ်ရဲတပ်ဖွဲ့ဝင်ဖြစ်သူလေလာ နက်ဆာ ဟာ တာဝန်က ဆိုင်းငံ့ခံထားရသူပါ။ သူမရဲ့ အဖေဖြစ်သူ ယူဆက်ဖ် နက်ဆာ ဟာ ရထားမတော်တဆမှုဖြစ်ပွားခဲ့ချိန်မှာ ဘူတာရုံအနားမှာ ရှိနေခဲ့တာဖြစ်ပြီး လူမျိုးစွဲဝါဒီတွေကြောင့် အကြမ်းဖက်သမားအဖြစ် ပုံဖော်ခံထားရသူပါ။ ဒီရုပ်ရှင်လေးမှာတော့ ဒီလို ရှုပ်ထွေးလှတဲ့ လူမျိုးရေး နိုင်ငံရေးအရှုပ်တော်ပုံကြီးကို လေလာ အနေနဲ့ ဘယ်လိုဖော်ထုတ်ဖြေရှင်းဖို့ ကြိုးစားမလဲဆိုတာကိုစိတ်ဝင်စားဖွယ် ကြည့်ရှုရမဲ့ ဇာတ်ကားကောင်းလေးဖြစ်ပါတယ်။

t.me/gwmmupl/4228

ဟေး ဂျိုး (၂၀၂၄)

IMDb - 6.3/10
Genre - Drama

ဟေး ဂျိုး ဆိုတာကတော့ အီတလီရောက် အမေရိကန်တွေ နားမစိမ်းတော့တဲ့စကားတစ်ခုပါပဲ။ ဖောက်သည်ရှာတဲ့အခါဖြစ်ဖြစ်၊ မှောင်ခိုလုပ်ဖို့ချဥ်းကပ်တာဖြစ်ဖြစ် အီတလီသားတွေက အမေရိကန်စစ်သားတွေကို ဟေး ဂျိုး လို့ လိုက်ခေါ်လေ့ရှိကြပါတယ်။ ဒင်းန် ဆိုတဲ့ အမေရိကန်စစ်သားတစ်ယောက်က ၁၉၄၄ ခုနှစ်ဒုတိယကမ္ဘာစစ်အတွင်း အီတလီနိုင်ငံ နေပယ်မြို့ကို စစ်ဆင်ရေးတာဝန်နဲ့ရောက်လာပြီး အီတလီသူလေး လူစီယာ နဲ့ မေတ္တာမျှခဲ့ကြပါတယ်။ ဒီလိုနဲ့ပဲ ဒင်းန် ဟာ စစ်ဆင်ရေးတာဝန်ပြီးဆုံးလို့ ပြည်တော်ပြန်သွားရချိန်မှာ လူစီယာ မှာ ဒင်းန် နဲ့ ရထားတဲ့ သားယောက်ျားလေး ကိုယ်ဝန်ကျန်ရစ်ခဲ့ပါတယ်။ ဒင်းန် ဟာ လူစီယာ ကို ပြန်လာခဲ့မယ်လို့ ကတိပေးခဲ့ပေမဲ့ အကြောင်းအမျိုးမျိုးကြောင့် ပြန်မလာနိုင်ခဲ့ပါဘူး။ နှစ်ပေါင်းများစွာအကြာ ၁၉၇၇ ခုနှစ် ရောက်မှ ဒင်းန် ဟာ ရှိသမျှအကုန်ရောင်းပြီး အမေရိကန်ကနေ ထွက်လာကာ သားဖြစ်သူကို ရှာဖို့ နေပယ်မြို့ကို ပြန်ရောက်လာခဲ့ပါတယ်။ ဒီဇာတ်လမ်းလေးမှာတော့ သားပျောက်လိုက်ရှာတဲ့ ဒင်းန် အကြောင်းကို အချိတ်အဆက်မိမိ တင်ဆက်ထားပြီးတော့ သားဖြစ်သူနဲ့ ပြန်တွေ့ချိန်မှာ ကြုံရမဲ့ အခက်အခဲတွေ၊ စိန်ခေါ်မှုတွေကို စိတ်ဝင်စားဖွယ်ရာ ရိုက်ကူးထားတာ ဖြစ်ပါတယ်။ အားလပ်ရက်မှာ အချိန်ပေးကြည့်ရှုလိုက်လို့ နောင်တရစေရမဲ့ ဇာတ်ကားမျိုး မဟုတ်တာကြောင့် တင်ဆက်ပေးလိုက်ရပါတယ်။

t.me/gwmmupl/4231

အနှိုင်းမဲ့နတ်ဓားရှင်

အဓိဇာတ်ကောင်မင်းသားကတော့ ကန္တာရနယ်မြေ(၉)ခုရဲ့ ကြီးမြတ်လှတဲ့အရှင်သခင်ဖြစ်ပြီး ခေတ်တစ်ခေတ်ကို ကြီးစိုးတဲ့ "ဓားသခင်ရွှမ်ကျွင်း‌" ပဲဖြစ်ပါတယ်။ သူဟာ နှစ်တစ်သိန်းအသက်ရှင်ပြီး‌နောက်မှာတော့ ကွယ်လွန်သွားခဲ့ရတယ်။ အဲ့သတင်းလည်းပျံ့‌တော့ တစ်ချိန်က တပည့်တော်(၉)ယောက်နဲ့ သူ့ကိုထောက်ခံအားပေးတဲ့အင်အားစုကြီးတွေ တစ်ယောက်ပြီးတစ်ယောက် သစ္စာဖောက်လာကြပြီး ဓားသခင်ရွှမ်ကျွင်းရဲ့အမွေအနှစ်တွေကို တပ်မက်လာခဲ့ကြတယ်။

ဒါပေမဲ့ ရွှမ်ကျွင်းရဲ့ဝိညာဉ်တော်ကတော့ ဒီအရာအားလုံးကိုငြိမ်ငြိမ်‌လေးကြည့်နေခဲ့ပြီး ရင်နာ၊ဒေါသထွက်၊ထိတ်လန့်သွားခဲ့ရပြီး အတွင်းစိတ်ရဲ့ပရမ်းပတာဖြစ်နေတာတွေကို ဖော်ပြရခက်နေခဲ့တယ်။

ဒီလိုနဲ့နှစ်(၅၀၀)ကြာပြီနောက်မှာတော့ ဓားသခင်ရွှမ်ကျွင်းဟာ ပြန်လည်မွေးဖွားလာခဲ့တယ်၊‌ဒါပေမဲ့လို သူဟာ ဖခင်ရဲ့နှစ်ခြိုက်မှုမခံရတဲ့ သားတစ်ယောက်ဖြစ်ပြီး အကြောင်းတစ်စုံတစ်ခုကြောင့် အိမ်တက်သားမက်အဖြစ်ကို ရောက်ရှိသွားခဲ့ရတယ်။ ဒီကနေတစ်ဆင့် သူ အိမ်တွင်းအခက်အခဲတွေကို ဘယ်လိုရင်ဆိုင်ပြီး ဘယ်လိုကျင့်ကြံပြီး နတ်ဓားရှင်ဖြစ်အောင် ဘယ်လိုကြိုးစားသွားမှာလဲ အတိတ်ဘဝမှာ သူ့ကိုသစ္စာဖောက်ခဲ့တဲ့လူတွေကို ဘယ်လိုပြန်လက်စားချေမလဲ

t.me/ctmvc/15002

နေမာ (၂၀၂၃)

Kongjav နဲ့ Akham တို့က ဆယ်ကျော်သက်ကျောင်းသားအရွယ်လေးတွေပါ။ Kongjav က Donna ဆိုတဲ့မြီးကောင်ပေါက်မလေးကိုကြိုက်လို့ ဘေးကနေဆရာကြီး Akham ကအခါတော်ပေးရွှေဖူးစာရေးပေးပါတော့တယ်။ အဲ့မှာပဲ မိန်းမပိုးနည်း ဆယ့်ကိုးနည်းထဲကစော်ခွေးမွေးရင် ကိုယ်လိုက်မွေးဆိုတဲ့အကွက်အတွက် ခွေးမျိုး‌ခွေးသန့်လေးလိုက်ရှာရပါတော့တယ်။

t.me/hanaindian/7407

စျာပနမှာ သေသွားတဲ့အလောင်းကောင် ထလာတဲ့အခါ

တမီးလ် သဘာဝလွန် ဟော်ရာရုပ်ရှင် အသစ်လေးကို တင်ဆက်ပေးလိုက်ပါပြီ။ အယူသီးကြတဲ့ရွာတစ်ရွာမှာ ကျေးရွာလူကြီးရဲ့ ပန်းနာရောဂါသည် သမီးဖြစ်သူ လီလာ ဟာ အိမ်ကလူတွေနဲ့ အမြင်မတူဘဲ စကားများလေ့ရှိပါတယ်။ တစ်ရက်မှာ မိသားစုပြဿနာတစ်ခုကြောင့် လီလာ တစ်ယောက် ထူးဆန်းစွာ ဆွဲကြိုးချ သေဆုံးသွားခဲ့ပြီး တစ်ရွာလုံး အုတ်အော်သောင်းနင်းဖြစ်သွားပါတော့တယ်။ သူ့ဈာပနမှာ အလောင်းကောင်က ရုတ်တရက် ငေါက်ကနဲ ထထိုင်ရာကနေ သွေးပျက်စရာ ခြောက်လှန့်မှုတွေ ဘယ်လိုဖြစ်လာမှာလဲ။ ဘယ်လို နောက်ကြောင်းရာဇဝင်တွေ ရှိနေမှာလဲ သိရအောင်လို့ ပရိသတ်တို့ကပဲ ဆက်လက်အားပေးကြပါဦး။

t.me/nyamakyeetya/5291

မန်းလေးကလူတွေ အဆင်ပြေကြလားဗျ။ ငလျင်လှုပ်တယ်ကြားမိလို့

ဘော့ထရိနို့အကြိုက် (၂၀၂၄)

IMDb - 7.8/10
Genre - Comedy, Drama

မိဘဆိုတာ ကိုယ်မွေးလာကတည်းက လက်ရှိအရွယ်ရောက်သည်အထိ ပြုစုပျိုးထောင်ကျွေးမွေးလာခဲ့ပေမဲ့ လေးစားချစ်ခင်ရတဲ့ မိဘတွေဆိုတာရှိသလို ငရဲပေးတဲ့ မိဘတွေလည်းရှိပါတယ်။ ကိုယ့်ဖက်က ဘယ်လောက်ပဲ ကောင်းအောင်နေပြီး ချစ်ခင်နေပေမဲ့ ကိုယ့်အပေါ်မှာ ဆိုးသွမ်းတဲ့ အနိုင်ကျင့်တဲ့ မိဘတွေလည်းရှိနေတယ် ဆိုတာကတော့ ကြုံတွေ့ဖူးသူတွေမှသိနိုင်မဲ့ ငြင်းလို့မရတဲ့ ခါးသီးတဲ့အမှန်တရားပါပဲ။ အခုတင်ဆက်ပေးမဲ့ ဇာတ်ကားလေးကလည်း အဲ့လိုမျိုးမိဘဆိုးနဲ့ ကြုံတွေ့ခဲ့ရတဲ့ သမီးတစ်ယောက်ရဲ့ ဖြစ်ရပ်မှန်ဘ၀အပေါ်မှာ အခြေခံပြီး ဒရာမာဆန်ဆန်ရိုက်ကူးထားတဲ့ ဖြစ်ရပ်မှန်ဇာတ်ကားလေးပဲဖြစ်ပါတယ်။ လီလီ ဆိုတဲ့ ကောင်မလေးက သူ့အမေက ငယ်စဉ်ကတည်းက ထွက်ပြေးသွားခဲ့တဲ့အတွက် အဖေဖြစ်သူနဲ့သာ ကျန်ခဲ့ရသူဖြစ်ပါတယ်။ သူ့အဖေကလည်း အသက်ကြီးကာမှ သူငယ်ပြန်ပြီး အားနေဆော်ကြောင်နေတဲ့အတွက် သူ့ကို စိတ်ထဲတောင်မရှိဘူးလို့ထင်ရပါတယ်။ ဒီလိုနဲ့ ဆော်ကိစ္စမှာပဲ လီလီ နဲ့ပြဿနာထတက်ခဲ့ပြီး ကလေးတစ်ယောက်လိုစိတ်ကောက်ကာ လီလီ ကိုအဆက်အသွယ်ဖြတ်လိုက်ပါတော့တယ်။ ငယ်စဉ်ကတည်းက မိဘမေတ္တာအပြည့်အဝမရခဲ့တဲ့ လီလီ လည်း အဖေဖြစ်သူမခေါ်မပြောနိုင်ဖြစ်နေတာကို စိတ်ညစ်ပြီး ဖေ့စ်ဘုတ်မှာ လျှောက်မွှေနောက်နေခဲ့ရင်းနဲ့မှ သူ့အဖေနဲ့နာမည်ချွတ်စွပ်တူနေတဲ့ ဇာတ်ကားနာမည်ထဲကအတိုင်း ဘော့ထရိနို ဆိုတဲ့ လူတစ်ယောက်ကိုသွားတွေ့ခဲ့ပါတော့တယ်။ အဲ့ဒါကြောင့်ပဲ သူနဲ့အမျိုးတော်နေမလားလို့ သွားမေးကြည့်ရင်းနဲ့မှ ရင်းနှီးသွားခဲ့ပြီး မိဘမေတ္တာဆာငတ်နေတဲ့ လီလီ အတွက် တစ်မူထူးခြားတဲ့ခင်မင်မှုတစ်ခုအစပျိုးခဲ့ပုံကို စိတ်ဝင်စားစရာ ဒရာမာဆန်ဆန်ရှုစားရမဲ့ဇာတ်ကားကောင်းလေးတစ်ကားပဲဖြစ်ပါတယ်။

t.me/gwmmupl/4240

ကလေးပျောက်ရှာပုံတော် (၂၀၂၄)

IMDb - 5.8/10
Genre - Drama, Thriller

ဒီဇာတ်လမ်းကတော့ ၁၉၈၉ ခုနှစ် ယူတာပြည်နယ်က စွန့်ပစ်မိုင်းတွင်းထဲမှာပျောက်ဆုံးသွားတဲ့ ဆယ်နှစ်သားကလေး ဂျောရှူဝါ ဒန်းနစ် ကိုရှာဖွေကယ်ဆယ်တဲ့ အကြောင်းကို ဖြစ်ရပ်မှန်ကိုအခြေခံပြီး ရိုက်ကူးထားတာဖြစ်ပါတယ်။ အမေရိကန်သမ္မတ ဘုရှ် ကိုယ်တိုင် ဒီဖြစ်ရပ်ကို ထူးခြားဆန်းကြယ်တာဖြစ်တယ်ဆိုတဲ့သက်သေပဲ လို့ပြောလောက်တဲ့အထိ နာမည်ကြီးပါတယ်။ ဂျော့ရှ် တိုသားအဖက ကျောင်းက လူပျိုပေါက်တွေ မိုင်းတွင်းဖက်ကို စခန်းချခရီးထွက်တဲ့ ခရီးစဉ်ကို လိုက်လာခဲ့ပါတယ်။ စူးစမ်းချင်စိတ်ပြင်းလွန်းတဲ့ ဆယ်နှစ်သားလေးကို အဖေဖြစ်သူ တယ်ရီ က အဖော်လိုက်ပေးခဲ့တာပါ။ ဒီလိုနဲ့ တောင်ပေါ်ရောက်တော့ အဖွဲ့ထဲက တစ်ချို့က မိုင်းတွင်းထဲကို ထွက်သွားပေမယ့် အဖွဲ့ထဲက လူငယ်တစ်ယောက်နဲ့ သူတို့သားအဖက တဲထိုးဖို့အတွက် ခဏနေခဲ့ပြီးနောက် ညနေပိုင်းလောက်အရောက်မှာ သုံးယောက်သား မိုင်းတွင်းဖက်ကို ထွက်လာကြပါတယ်။ မိုင်းတွင်းထဲကိုလည်း ရောက်ရောရှေ့ကအဖွဲ့ ပြန်တွေ့ပါတယ်။ အဖွဲ့ထဲက ကိုင်လ် ဆိုတဲ့ လူငယ်တစ်ယောက် မိုင်းတွင်းထဲမှာ ဆက်မနေချင်တော့တာနဲ့ တယ်ရီ က စခန်းကို ပြန်ပို့ဖို့ အကြောင်းဖန်လာပါတော့တယ်။ ဒါပေမယ့် ဂျော့ရှ် က အဖွဲ့နဲ့ ဆက်နေချင်တယ်လို့ပြောလို့ တယ်ရီ ကလည်း အဖွဲ့နားမှာပဲ သေချာကပ်နေလို့ပြောပြီး ထားခဲ့ပါတယ်။ ရှေ့ဆင့်နောက်ဆင့် သွားနေရင်းနဲ့ ဂျော့ရှ် ဟာ လမ်းပျောက်သွားပြီး တစ်ယောက်တည်းကျန်ခဲ့ပါတယ်။ အဖွဲ့ကလည်း စခန်းကို ပြန်ရောက်တော့မှ ဂျော့ရှ် ပါမလာတာသိတော့ ကယ်ဆယ်ရေးအဖွဲ့တွေကို ဆက်သွယ်ပြီး ကလေးပျောက်ရှာဖွေရေးကို စတင်ပါတော့တယ်။

t.me/gwmmupl/4242