ရည်းစားဟောင်းပေးတဲ့ ဒုက္ခ (၂၀၂၁)

IMDb - 5.8/10
Genre - Horror, Drama

“ရှေးထုံးလည်း မပယ်နဲ့၊ ‌‌ဈေးသုံးလည်း မလွယ်နဲ့” ဆိုသလိုပေါ့, ကိုရီးယားမှာ ရှေးလူကြီးပြောကြတဲ့ အယူရှိပါတယ်။ ကလေးမွေးဖွားပြီး ၂၁ ရက် အပြည့်ခင် အချိန်မှာ အိမ်ထဲကိုလည်း အပြင်လူ ဝင်ခိုင်းလို့မရသလို တခြားလောကသားတွေ အိမ်ထဲကို မဝင်နိုင်အောင်လည်း ကြိုးနဲ့ စည်းတားထားရမယ်တဲ့။ အဲဒါမှသာမွေးကင်းစကလေးက လူ့လောကထဲကို ဘေးကင်းကင်းနဲ့ ဝင်ရောက်လာနိုင်မှာ ဖြစ်တယ်။ ကလေးမွေးဖွားပြီး ၂၁ ရက်တာ အတွင်းမှာ နတ်ဆိုးတွေမကောင်းဆိုးဝါးတွေက ကလေးကို အနှောင့်အယှက်ပေးတာတွေ ကျိန်စာတိုက်တာတွေ လုပ်နိုင်တဲ့အတွက် အထူး ဂရုစိုက်ရပါတယ်။ အခုမှ သားဦးလေးကို မွေးခဲ့တဲ့ ဟယ်မီနဲ့ သူ့အမေက အဲဒီအယူအဆတွေကို ယုံယုံကြည်ကြည်နဲ့ကလေး ဘေးကင်းဖို့ အကုန် လိုက်လုပ်ပေမဲ့ ဟယ်မီရဲ့ ခင်ပွန်းသည်ဖြစ်သူ ဝူဂျင်းက လက်မခံချင်ပေ။ တစ်နေ့မှာ ဝူဂျင်းဆီကို သူ့ရဲ့ ရည်းစားဟောင်းဖြစ်သူသေဆုံးကြောင်း အကြောင်းကြားစာတစ်စောင် ရောက်လာခဲ့တယ်။ အဲဒီအခါမှာရည်းစားဟောင်းဖြစ်သူရဲ့ ဈာပနာပွဲကို သွားဖို့ ပြင်ခဲ့ရာ ဇနီးသည်က ကလေး ၂၁ ရက်မပြည့်သေးလို့ မသွားပါနဲ့လို့ တားသော်လည်း လက်မခံဘဲ ဇွတ်သွားခဲ့တယ်။ ဈာပနာပွဲကို သွားရာကနေ မကောင်းတဲ့ အရာတစ်ခုခုက ဝူဂျင်းနောက်ကနေ ကပ်ပါလာခဲ့ရာ ဝူဂျင်းတို့ မိသားစု ကံဆိုးမိုးမှောင်ကျပေတော့တယ်။ အဲဒီအခါမှသာ ဝူဂျင်းက သူ ဘာမှားသွားလဲဆိုတာကို တဖြည်းဖြည်း သဘောပေါက်လာတော့တယ်။ ဒီကားလေးကတော့ တစ်ခါတလေကျရင်လည်း ရိုးရာ ထုံးတမ်းဓလေ့ အယူအဆကို သွေဖည်ပြီး အမှတ်တမဲ့ လုပ်မိလိုက်ရာကနေ လွဲချော်မှု ကံဆိုးမှုတွေ ဖြစ်တတ်တဲ့အကြောင်း ရိုက်ကူးပြသထားတဲ့ ကားလေးဖြစ်တာမို့ ဒီလို ဇာတ်လမ်းအမျိုးအစားကို စိတ်ဝင်စားကြရင် ကြည့်သင့်ပါကြောင်း။

t.me/hanamovie20/4258

ရာသီတွေပြောင်းသော်လည်း (၂၀၁၈)

IMDb - 7.1/10
Genre - Romance, Drama

BL ကားတွေကို ကြိုက်နှစ်သက်ကြတဲ့ ပရိသတ်ကြီးအတွက် မိခင်မေတ္တာနဲ့ သူငယ်ချင်းနှစ်ယောက်ကြားက သံယောဇဉ်အကြောင်းကို ရိုက်ကူးဖော်ပြထားတဲ့ ဇာတ်ကားလေးကို တင်ဆက်ပေးချင်ပါတယ်။အိမ်ရှင်မတစ်ဦးဖြစ်တဲ့ မီဂယောင်း ဟာ ခင်ပွန်းဖြစ်သူနဲ့ အနေဝေးပြီးတော့ တစ်ဦးတည်းသော သားလေး ဆူဟျွန်း ကို တစ်ယောက်တည်း ပြုစုပျိုးထောင်ခဲ့ပါတယ်။ တစ်ရက်မှာတော့ ဆူဟျွန်း က အတန်းဖော်သူငယ်ချင်းဖြစ်တဲ့ ယောင်းဂျွန်း ကို သူနဲ့အတူ နေဖို့အတွက် အိမ်ကို ခေါ်လာခဲ့ပါတယ်။ နှစ်အတော်ကြာအတူတူနေခဲ့ပြီးတော့ စစ်မှုထမ်းဖို့အတွက် ယောင်းဂျွန်း က အရင်သွားခဲ့ပြီး ဆူဟျွန်း က နောက်မှ ဝင်ခဲ့ပါတယ်။ ဒီလိုနဲ့ ဆူဟျွန်း စစ်မှုထမ်းပြီးတဲ့နောက် သူတို့နှစ်ယောက်က အတူတူ ခရီးထွက်ရာကနေ ကားမတော်တဆမှု ဖြစ်ခဲ့ပြီး ဆူဟျွန်း က ကိုမာဖြစ်သွားတာကြောင့် မိခင်ဖြစ်သူကတော့ သူ့သား ဒီလိုဖြစ်သွားအတွက် ယောင်းဂျွန်း ကို အပြစ်တင်ခဲ့ပါတယ်။ ဒါဆိုရင်တော့ မီဂယောင်း က သူ့ကို ခွင့်လွှတ်ဖို့အတွက် ယောင်းဂျွန်း အနေနဲ့ ဘယ်လိုတွေ ကြိုးစားမလဲ။ ဆူဟျွန်း နဲ့ ယောင်းဂျွန်း ရဲ့ ဆက်ဆံရေးကို မီဂယောင်း က ဘယ်လိုတုံ့ပြန်မလဲဆိုတာ ကြည့်ရှုလိုက်ပါဦးနော်။

t.me/gwmmupl/4094

စစ်သူကြီး လီဆွန်းရှင်း (၂၀၁၄)

IMDb - 7.1/10
Genre - Action, War

ဆွန်းရှင်းဟာ ဂျိုဆွန်းတပ်မတော်မှာ အမှုထမ်းချိန်ကစပြီး အောင်ပွဲတွေ အလီလီ ရခဲ့ပြီး ထင်ရှားလာခဲ့တယ်။ ကိုရီးယားကို ရေကြောင်းနဲ့ စိုးမိုးချင်ရင် လီဆွန်းရှင်းမရှိမှ ဖြစ်မယ်ဆိုတာကို ရိပ်စားမိလာတဲ့ ဂျပန်တွေဟာ ဂျိုဆွန်းရဲ့ နန်းတွင်းရေး မတည်ငြိမ်မှုကို အခွင့်ကောင်းယူပြီး သူလျှိုသွင်းတဲ့အပြင် သစ္စာဖောက် အမတ်တွေနဲ့ ပေါင်းကြံပြီး ထောင်ချောက်တစ်ခု ဆင်ပါတယ်။ ဂျပန်ရေတပ်တွေရဲ့ သတင်းကို ကိုရီးယားသစ္စာခံအယောင်ဆောင် ဂျပန်သူလျှိုကနေ တစ်ဆင့်ပို့တဲ့အခါ ဘုရင်ဆွန်းဂျိုက လီဆွန်းရှင်းကို သွားတိုက်ခိုင်းတယ်။ ဒါဟာ ထောင်ချောက်မှန်း ရိပ်စားမိနေတဲ့ လီဆွန်းရှင်းက အမိန့်ကို ဖီဆန်ပြီး မတိုက်တဲ့အခါ ထီးနန်းကို လုပ်ကြံမယ့်သူအဖြစ် စွပ်စွဲခံရတော့တယ်။ လီဆွန်းရှင်းကို စစ်သည်တွေနဲ့ ပြည်သူတွေက ကြည်ညိုကြတာကို မနာလိုတဲ့အပြင် သူ့ထီးနန်းကိုပါ စိတ်မချဖြစ်နေတဲ့ ဘုရင်ဆွန်းဂျိုဟာ လီဆွန်းရှင်းကို ဖမ်းပြီး ရာထူးချတဲ့အပြင် နှိပ်စက်စစ်မေးစေတယ်။ အထက်က ပြောခဲ့တာတွေဟာ ဒီဇာတ်ကားမှာ မပါပါဘူး။ ဒီကားရဲ့အစကတော့ လီဆွန်းရှင်းမရှိတဲ့ ရေကြောင်းကို ဂျပန်တွေအသာစီးရပြီးတဲ့အချိန်မှာမှ ဘုရင်ဆွန်းဂျိုကနေ လီဆွန်းရှင်းကို ပြန်လည်တာဝန်ပေးအပ်ပြီး ဂျပန်ရေတပ်ကို ခုခံတိုက်ခိုက်စေခဲ့တာနဲ့ စပါတယ်။ လီဆွန်းရှင်းအတွက် ပထမတိုက်ပွဲက လက်ကျန် သင်္ဘောအနည်းငယ်နဲ့သာ တိုက်ဖို့ရှိနေတဲ့အပြင် ရေတပ်သားတွေလည်း ထွက်ပြေးသူပြေး၊ စည်းလုံးမှုတွေလည်း တကွဲတပြားတွေ ဖြစ်နဲ့ဆိုတော့ ဒီတိုက်ပွဲက သူ့အတွက် အခက်အခဲဆုံးပါပဲ။ ကိုင်းသူ ဘယ်လိုတွေပြင်ဆင်လဲ။ ဘယ်လိုတွေတိုက်ခိုက်လဲ။

t.me/gwmmupl/4096

အချိန်နှင့်ဒီရေ (၂၀၀၀)

IMDb - 6.7/10
Genre - Action , Crime

တိုင်လာက လမ်းပျော် လူငယ်လေးတစ်ယောက်ဖြစ်ပြီး သူ့ကြောင့် မိန်းကလေးတစ်ယောက် မတော်တဆ ကိုယ်ဝန်ရှိသွားတဲ့နောက်မှာ ငွေရှာဖို့ဆုံးဖြတ်ရင်းက တရားမဝင် သက်တော်စောင့် ဂိုဏ်းတစ်ခုမှာ ဝင်လုပ်ခဲ့ပါတယ်။ အဲ့ဒီမှာပဲ လုပ်ငန်းတာဝန်တစ်ခုအတွင်း ဂျက်ခ်ဆိုတဲ့ လူတစ်ယောက်နဲ့ မတော်တဆ ခင်မင်ရင်းနှီးခဲ့ရာကနေ အလုပ်တစ်ခု အတူတူတွဲလုပ်ဖို့ ဖြစ်လာပါတော့တယ်။ တကယ်တမ်းတော့ ဂျက်ခ်ဟာ ထိပ်တန်းအဆင့် လေ့ကျင့်ထားတဲ့ ကြေးစားတပ်ဖွဲ့ခေါင်းဆောင်ဟောင်း တစ်ဦးဖြစ်ပြီး ရာဇဝတ်လောကကို ကျောခိုင်းပြီး သူ့ဇနီးနဲ့ အခြေချဖို့ ကြိုးစားနေတဲ့သူပါ။ ဒါပေမယ့်လဲ သူချန်ထားရစ်ခဲ့တဲ့ အတိတ်တွေဟာ သူရဲ့ တည်ငြိမ်ဖို့ ကြိုးစားနေတဲ့ဘဝထဲအထိ ဝင်စွက်နှောင့်ယှက်ဖို့ ကြိုးစားလာတဲ့အချိန်မှာတော့ တိုင်လာပါ ဒီကိစ္စတွေထဲ ဝင်ပတ်သက်ရပါတော့တယ်။ ကြည့်ရှုရတဲ့စက္ကန့်တိုင်းကို ကျေနပ်အားရစေမှာပါ။ ဟောင်ကောင်အက်ရှင်ကားကောင်းတွေထဲမှာ ဒီကားလည်း တစ်ကားအပါအဝင်ပါပဲ။

t.me/gwmmupl/4098

ဘန်ဟာဇီ ၏ လျှို့ဝှက်စစ်သားများ (၂၀၁၆)

IMDb - 7.1/10
Genre - Action, War

၂၀၁၂ ခုနှစ်မှာ ကဒါဖီ ပြုတ်ကျပြီးနောက် လစ်ဗျားနိုင်ငံ ဘင်ဂါဇီမြို့ဟာ ကမ္ဘာ့အန္တရာယ်အရှိဆုံးနေရာတွေထဲက တစ်ခုဖြစ်လာပါတယ်။ ဘင်ဂါဇီမြို့မှာ တရားဝင်မဟုတ်တဲ့ အမေရိကန်သံတမန်ရုံးတစ်ခုရှိပြီး၊ အဲဒီသံတမန်ရုံးနဲ့ တစ်မိုင်တောင်မဝေးတဲ့နေရာမှာ အန်းနက်လို့ခေါ်တဲ့ စီအိုင်အေ လျှို့ဝှက်စခန်းရှိပါတယ်။ ဂျက်ဆေးဗားဟာ နေဗီဆီးလ်တပ်ဖွဲ့ဝင်ဟောင်းဖြစ်ပြီး၊ စီအိုင်အေဝန်ထမ်းတွေရဲ့ လုံခြုံရေးအတွက် ပုဂ္ဂလိက လက်နက်ကိုင် ကန်ထရိုက်တာအဖြစ် တာဝန်ထမ်းဆောင်ပေးဖို့ လစ်ဗျားကို ရောက်ရှိလာပါတယ်။ အဲဒီအချိန်မှာပဲ အမေရိကန်သံအမတ် လစ်ဗျားကို ရောက်ရှိလာပြီး ဘင်ဂါဇီမြို့က သံတမန်ရုံးမှာ တည်းခိုနေပါတယ်။ 9-11 နှစ်ပတ်လည်နေ့ဆိုပြီး စက်တင်ဘာ ၁၁ ရက်နေ့ညမှာပဲ လစ်ဗျားစစ်သွေးကြွများက သံတမန်ရုံးနဲ့ စီအိုင်အေစခန်းကို အင်အားအများအပြားနဲ့ တိုက်ခိုက်သိမ်းပိုက်ဖို့ ကြိုးစားရာကနေ ဂျက်ဆေးဗားတို့ရဲ့ ၆ ယောက်ပဲ အဓိကပါရှိတဲ့ လုံခြုံရေးအဖွဲ့အနေနဲ့ အင်အားလုံးဝ မမျှတဲ့ကြားက ၁၃ နာရီကြာ ခုခံမှုကြီးအတွက် ပြင်ဆင်ရပါတော့တယ်။ မိုက်ကယ်ဘေးရဲ့ ထုံးစံအတိုင်း တောက်လျှောက်ချတဲ့အပြင် တိုက်ခိုက်ခန်းတွေကလည်း လှပသပ်ရပ်တာမို့ စစ်ကားကောင်းကြည့်လိုသူများ ၂ နာရီခွဲကျော် ကြာမြင့်အောင် စိတ်ကြိုက်ထိုင်ကြည့်ရမယ့် ရုပ်ရှင်ကားကြီးဖြစ်ပါတယ်။

t.me/cartoonbynikko/573

လွဲမှားသံသယ (၂၀၂၂)

IMDb - 5.3/10
Genre - Thriller, Action

မယ်လ် က ငယ်ငယ်တည်းက ကွန်ပျူတာကျွမ်းကျင်ပြီး တော်ပါတယ်။ ခုတော့ ဆော့ဝဲလ်တွေကို အမှားစစ်တဲ့အလုပ်လုပ်နေပြီး နောက်ကွယ်မှာ သူငယ်ချင်းတွေနဲ့ ဟက်ကာ လုပ်ပြီး မကောင်းတဲ့သူတွေကို ဟက်ပြီး လူတွေကိုကူညီနေပါတယ်။ တစ်ရက်တော့ လူမပါဘဲ အော်တိုမောင်းတဲ့ဘတ်စ်ကားကို ဆော့ဝဲလ်စစ်ပေးရင်း မယ်လ် တစ်ယောက် ထူးဆန်းတဲ့ကုတ်ကိုတွေ့ပါတယ်။ အဲ့ကုတ်ကို ရှင်းပစ်ခဲ့ပြီး သူငယ်ချင်းတွေနဲ့ လူတစ်ယောက်ကို ဟက်ပါတယ်။ ကံဆိုးစွာနဲ့ပြီး ဟက်ပြီးတဲ့အချိန်မှာ မယ်လ် ရဲ့ အိမ် အဖောက်ခံခဲ့ရပါတယ်။ နောက်ပိုင်းမှာတော့ အခြေအနေတွေက ပိုဆိုးလာခဲ့ပြီး လူတွေက သူ့နောက်ကို နောက်ယောင်ခံလိုက်လာပြီး လူသတ်တယ်လို့ပါ စွပ်စွဲလာကြတဲ့အခါ ။ မယ်လ် ဘာလုပ်မိတာလဲ? သူအပြစ်မရှိကြောင်းရော ဘယ်လိုသက်သေပြမလဲ? ဆိုတာတော့ ရုပ်ရှင်လေးထဲ ဆက်ကြည့်လိုက်ကြရအောင်ပါ။

t.me/gwmmupl/4112

တိုရီ ဂဲလ် (၂၀၁၇)

IMDb - 6.4/10
Genre - Comedy

ဘဝမှာ ဆယ်ကျော်သက်ပီပီ ဘာလုပ်ချင်မှန်း ဘာဖြစ်ချင်မှန်းမသိဘဲ အမှတ်မီပြီး ဝင်ခွင့်အောင်လို့ အင်ဂျင်နီယာကျောင်းတက်ဖို့ ဖြစ်လာခဲ့တဲ့ ယူကီနာ ဆိုတဲ့ကောင်မလေး။ ပထမဆုံးနေ့မှာ ခင်ခဲ့တဲ့ သူငယ်ချင်းမလေးကို အကြောင်းပြုပြီး လေယာဉ်ကို လူသားစွမ်းအင်နဲ့ လည်ပတ်ပျံသန်းနိုင်‌စေဖို့ ကြိုးစားနေကြတဲ့ ငှက်လူသားစမ်းသပ်အသင်းထဲ ဝင်ဖို့ဖြစ်လာတော့တယ်။ ငှက်လူသားအသင်းရဲ့ လေယာဉ်မှူး ကပ္ပတိန် ခဲအီ ရဲ့ လူကြီးလူကောင်းဆန်တဲ့ အပြုအမူတွေကြောင့် သဘောကျမိပြီး သူ့ရဲ့တွဲဖက်လေယာဉ်မှူးဖြစ်ဖို့ ကြိုးစားရာကနေ မထင်မှတ်ဘဲ ဆာကဘ ဆိုတဲ့ ခွေးရူးလို့ လူတိုင်းတင်စားရတဲ့ လူဆိုးလေးရဲ့ တွဲဖက်လေယာဉ်မှူးဖြစ်လာတဲ့အခါမှာတော့။ ကြောင်နဲ့ကြွက်လို မတည့်အတူနေနှစ်ယောက် ပူးပေါင်းပြီး လေယာဉ်ကို ဟန်ချက်ညီညီနဲ့ ထိန်းလို့ ပျံသန်းအောင် လုပ်နိုင်ပါ့မလားဆိုတာ ။

t.me/gwmmupl/4114

နီကို - မြောက်ဖက်အလင်းတန်းတွေရဲ့အလွန် (၂၀၂၄)

IMDb - 6.4/10
Genre - Family, Adventure

နီကို ဆိုတဲ့ သမင်ပျံလေးက သူ့ရဲ့အဖေလို ဆန်တာ ရဲ့ ပျံသန်းအဖွဲ့ဝင် ဖြစ်ချင်တယ်။ ဒါပေမဲ့ ကံကြမ္မာက သူ့ကို ဆန်တာ လက်ဆောင်လှည်းကြီး ပျောက်သွားအောင် လုပ်လိုက်တယ်။ ဒီလက်ဆောင်လှည်းကို ပြန်ရဖို့အတွက် နီကို က သူ့သူငယ်ချင်းတွေ အပေါင်းအဖော်တွေနဲ့အတူ ဘယ်လိုကြိုးစားသွားမလဲ

t.me/cartoonmoviesmms/348

[18+] ချစ်ဇနီး၏ လျှို့ဝှက်ကစားပွဲ (၂၀၁၆)

IMDb - 6.3/10
Genre - Drama

ဟာရူအို ဟာ လမ်းပေါ်က လူအသွားအလာတွေကို ရေတွက်ရတဲ့ ဆာဗေးအလုပ်သမားတစ်ယောက်ဖြစ်ပြီး တစ်နေ့မှာတော့ သူရေတွက်နေတဲ့သူတွေထဲက မိန်းမလှလေးတစ်ယောက်ကို မြင်မြင်ချင်း ချစ်မိသွားခဲ့ပါတယ်။ နောက်ငါးနှစ်အကြာမှာတော့ ဟာရူအို ရဲ့ အရူးရောဂါက အတော်လေးမြင့်တက်နေခဲ့ပါပြီ။ သူကြိတ်ချစ်နေတဲ့ကောင်မလေး မာကိုတို ဟာ အိမ်ထောင်နဲ့ဆိုတာ သိရတဲ့နောက် မာကိုတို နဲ့ မျက်နှာချင်းဆိုင်က အိမ်ကို ငှားနေပြီး အလုပ်ကိုပါ ပြောင်းပစ်လိုက်ပါတယ်။ မာကိုတို နဲ့ သူ့ရဲ့ သာယာတဲ့အိမ်ထောင်ဘက်ကို တစ်ဖက်ကနေ ချောင်းကြည့်ပြီး စိတ်ဖြေတတ်သလို တစ်ခါတစ်လေ ပစ်စာလိုလို ကြောင်တောင်တောင်စာတွေလည်း ပို့တတ်ပါသေးတယ်။ တစ်ချိန်မှာတော့ မာကိုတို ဘက်က သူ့ကို ရိပ်မိသွားခဲ့ပြီး လူရိုးကြီး ဟာရူအို ကို အရူးအမဲသား ကျွေးလိုက်ချိန်မှာတော့ ဟာရူအို တစ်ယောက် ဘယ်လောက်အထိ ရူးရူးမိုက်မိုက် ရှေ့ဆက်တိုးမလဲဆိုတာကို ဆက်ပြီးရှုစားကြပါ။

t.me/gwmmupl/4117

တစ်လမ်းသွားခရီး (၂၀၁၆)

IMDb - 6.4/10
Genre - Drama, Thriller

နာမည်ကြီး တက်သစ်စ မင်းသား များဖြစ်သည့် ဂျီဆူ၊ ရူဂျွန်ယော နှင့် နာမည်ကြီး ကေပေါ့ပ် အိတ်ဇို အဖွဲ့ဝင်ဖြစ်သည့် ဆူဟို နှင့် ဂင်ဟီချန်း တို့က ပါဝင်အားဖြည့်ထားပါသည်။ သူငယ်ချင်း လေးယောက်ဖြစ်သည့် ယုံးဘီ၊ ဆန်းဝူ၊ ဂျီဂုံး နှင့် ဒိုမန် တို့သည် အသက် ၂၀ အရွယ် ကောင်လေး များဖြစ်ကြပါသည်။ သူတို့သည် ဆန်းဝူ စစ်မှုထမ်းဖို့ကို လိုက်ပို့ရန် ဖိုဟန် ကို တစ်ညအိပ် နှစ်ရက် ခရီးထွက်ခဲ့ကြပါသည်။ တစ်ညတွင် ပင်လယ်ကြီးရဲ့ ညရှုခင်းကို ကြည့်ပြီး ကမ်းခြေတွင် အရက်သောက်ခဲ့ရာမှ လူတစ်ယောက်က မိန်းကလေး ကို ထိုးနှက်ရိုက်နေသည်ကို မြင်တွေ့ခဲ့ပါသည်။ အဲဒီနောက် မိန်းကလေး ကို ကယ်ဖို့ သွားရာက သူတို့ သူငယ်ချင်း လေးယောက် ပြဿနာမျိုးစုံကို ကြုံတွေ့ရပါတော့တယ်။

t.me/dramaworld003/7834

အမေ့အတွက်သွေးကြွေး (၁၉၇၃)

IMDb - 7.6/10
Genre - Action, Thriller

ဒီဇာတ်ကားဟာ ဂျပန်နိုင်ငံမှ ပြသခဲ့တဲ့ ၁၉၇၃ ခုနှစ်မှာ ထွက်ခဲ့တဲ့ ဂန္ထဝင် ရုပ်ရှင်ကားပါ။ ရုပ်ရှင်ဟာ ၁၉၇၃ ခုနှစ်မှာ ထွက်ခဲ့တယ်ဆိုပေမယ့် အဲ့ခေတ်အခါရဲ့ အဆင့်အတန်းမြင့်တဲ့ action ဇာတ်လမ်းကောင်းကောင်းပါ။ Rotten Tomatoes မှာလည်း 100% ရရှိထားတဲ့ ရုပ်ရှင်ကားတစ်ကားမို့ ကြည့်ရှုသူတွေ သဘောကျစေမှာပါ။ မိခင် ဖြစ်သူရဲ့ မတရားခံရမှုတွေကို ကလဲ့စားလိုက်ချေတဲ့ သမီး ပုံစံမျိုးပါ။ ရုပ်ရှင်ဟာ ဂျပန် မဲဂျီခေတ်ကို အခြေခံထားပြီး နိုင်ငံရေးနောက်ခံတွေနဲ့ တည်ဆောက်ထားပါတယ်။ ဆာရို နဲ့ သူမရဲ့ ယောက်ျား ကလေး ဟာ လူလိမ်တစ်စုရဲ့ ညစ်ပတ်မှုကို ခံလိုက်ရပါတယ်။ ယောက်ျား ဖြစ်သူဟာ သူမရှေ့မှာတင် အသတ်ခံလိုက်ရပြီး သူမဟာ ထိုမကောင်းတဲ့သူတစ်စုရဲ့ မတရား အဓမ္မပြုကျင့်မှုကို ခံခဲ့ရပါတယ်။ ဒါကို ကလဲ့စားချေရင်း သူမဟာ ထောင်ကျခဲ့ပြီး သမီး လေးတစ်ယောက် မွေးဖွားခဲ့ကာ သူမရဲ့ သမီး ရူကီ သူမရဲ့ ကလဲ့စားကို ပြန်လည်ချေပတဲ့ ဇာတ်ကားလေးပါ။

t.me/dramaworld003/7838

Anc-ient War So-ul

နှစ်တစ်သောင်းမှတစ်ခါ ပေါ်ထွန်းတဲ့ သိုင်းဧကရာဇ်ဟာ လုပ်ကြံခံရတာကြောင့် ကြွေလွှင့်သွားခဲ့ရပြီး နှစ်သောင်းချီကြာမှ ချင်ဖုန်းဆိုတဲ့ လူငယ်လေးကိုယ်ထဲမှာ ပြန်လည်၀င်စားခဲ့ပါတယ်

နတ်ဝိညာဉ်နိုးထကာ သိုင်းလမ်းစဉ်ကိုကျင့်ကြံရင်း မတည်ငြိမ်တဲ့လောကနဲ့တိုက်ပွဲတွေကို အနိုင်ယူမည့် သိုင်းဧကရာဇ်

ကောင်းကင်လောကနဲ့နတ်ဘုံက သိုင်းအကျော်အမော်နတ်အပေါင်းတောင် သူ့ရဲ့တဖန်ပြန်လည်မွေးဖွားလာခြင်းအပေါ် တုန်လှုပ်ကြောက်ရွံကြရ၏။

t.me/animeseriesmyanmar/636

အာလူးအာဂျွန် (၂၀၂၀)

IMDb - 7.3/10
Genre - Drama, Action

ဘာကြမ်းသလဲတော့ မမေးနဲ့။ ဖွဲနဲ့ သဲရောထားတာကမှ နုဦးမယ်။ တကယ်တော့ သူက လူချမ်းသာတစ်ယောက်ရဲ့ သား၊ ဒါပေမယ့် ကလိမ်ကကျစ်တစ်ယောက်က သူ့သားကို လူချမ်းတွေဆီမှာ ထားချင်တော့ ကလေးချင်းလဲပစ်ခဲ့တာ။ ဒီအကြောင်းတွေကို အာလူးအာဂျွန်တစ်ယောက် ၂၅ နှစ်ကြာတဲ့အခါမှ သိလာခဲ့တာ သူ့မိသားစုအရင်းဆီ ပြန်သွားချင်ပေမယ့်သိုက်ဝန်းနေတဲ့ မိသားစုလေးကို မပြိုကွဲစေချင်တော့ မလှမ်းမကမ်းတစ်နေရာကနေပဲ သူ့မိသားစုကို စောင့်ရှောက်ပေးခဲ့တယ်။ ဒါပေမယ့် တစ်နေ့တော့ သူ့မိသားစုအရင်းဆီကို ပြန်သွားဖို့ အကြောင်း ဖန်လာတယ်။ အဲ့ဒီနောက်တော့ သူ့အမေနဲ့ သူ့အဖေ ရှိတဲ့အိမ်ဆီ ပြန်ရောက်ပြီး ဘာတွေဆက်ဖြစ်ကုန်မလဲ၊ ကလေးချင်းလဲခဲ့တဲ့ ကလိမ်ကကျစ်အဖေကရော ဘယ်လိုတွေအကျင့်ဆက်ယုတ်ဦးမလဲ

https://t.me/hanaindian/7337

ပျော်ရွှင်မှု (၂၀၀၇)

IMDb - 7/10
Genre - Romance, Drama

ပြိုးပြိုးပြက်ပြက် မီးရောင်တွေအောက်က ကလပ်ပိုင်ရှင် ယောင်းဆူ။ ကလပ်ပိုင်ရှင်ပီပီ အရက်၊ ဆေးလိပ် အကုန်သောက်ရာကနေ အသည်းခြောက်ရောဂါကဖြစ်၊ စီးပွားရေးကလည်း တစ်စတစ်စ ဆုတ်ယုတ်လာပြီး နောက်ဆုံး နယ်မြို့လေးမှာရှိတဲ့ စောင့်ရှောက်ရေးဂေဟာမှာ နေဖို့ဖြစ်လာတော့တယ်။ယောင်းဆူ စောင့်ရှောက်ရေးဂေဟာကို ရောက်လာပြီးနောက်မှာပဲ အဲဒီမှာရှိနေတဲ့ နာတာရှည်အဆုတ်ရောဂါသည်လေး အွန်ဟီး နဲ့ လူငယ်ချင်း သဘောကျရာကနေ နှစ်ယောက်အတူ အပြင်ထွက်နေဖို့ လုပ်ပါတော့တယ်။ ရောဂါသည်နှစ်ယောက် တစ်အိုးတစ်အိမ် ထူထောင်တာ အဆင်ပြေပါ့မလား။မြို့ကြီးသား ယောင်းဆူ ကရော နယ်ဘက်မှာ သူနေခဲ့တဲ့ ဘဝနဲ့ လုံးဝ မတူတော့တဲ့ ဘဝတစ်ခုမှာ နေနိုင်မှာလား။ ယောင်းဆူ ရဲ့ ရည်းစားဟောင်း ဆူယွန်း ပေါ်လာတဲ့အခါမှာရော ဘယ်လိုတွေဆက်ဖြစ်မှာလဲ။

t.me/dramamv/760

ဟယ်ရီလို သူငယ်ချင်းမျိုး (၂၀၀၀)

IMDb - 7.3/10
Genre - Thriller, Crime

ဒီဇာတ်ကားကတော့ ပြင်သစ်ဇာတ်ကား ဖြစ်ပါတယ်။ လျို့ဝှက်သည်းဖို ဇာတ်လမ်းတွေ ကြိုက်တယ်ဆိုရင်တော့ အတော်ပါပဲ၊ ပြင်သစ်ရုပ်ရှင်တွေကလည်း လျှော့တွက်မရတဲ့အထဲပါပါတယ်။ တစ်ချို့ ဇာတ်ကားတွေဆို ကမ္ဘာကျော်တဲ့အပြင် အတွဲလိုက် လက်မလည်အောင် ရိုက်နေရတဲ့ကားတွေ လည်းတွေ့ဖူးပါတယ်။ ဇာတ်ကားရဲ့ ရသအချို့မှာ မိသားစုတွေမှာ အခက်အခဲတွေရှိတယ်၊ ကိုယ့်ရဲ့ တိုးတက်မှုတွေကို ပိတ်ပင်နေတယ် ထင်ရတောင် ပန်းကလေးတွေ ပွင့်လန်းလာတာကို ကြည်ကြည်နူးနူး ထိုင်ကြည့်ရသလိုပဲဆိုတာ ဒီဇာတ်ကားမှာ ပြထားပါတယ်။ မိဘနဲ့ သားသမီးကြားက သံယောဇဉ်နဲ့ စေတနာတွေ၊ ချွေးမ နဲ့ ယောက္ခထီး ယောက္ခမ ကြားက ဆက်ဆံရေးတွေ တွေ့ရပါမယ်။ သားသမီးတစ်ချို့ရဲ့ မိဘတွေ အပေါ် သဘောထားကလည်း ကြောက်စရာပါလား တွေးမိပါလိမ့်မယ်။ သည်းထိပ်ရင်ဖိုကားတစ်ခုထက် ပိုတဲ့ ဇာတ်ကားတစ်ကားလို့ ညွှန်းပါရစေ။

t.me/gwmmupl/4128

ဒဏ္ဏာရီတဲ့လား (၁၉၉၄)

IMDb - 7.5/10
Genre - Western, Romance

ဒဏ္ဏာရီဆန်တဲ့ လူသားတစ်‌ယောက်အကြောင်းပြောရင် ကျွန်တော်ကတော့ ထရစ္စတန်ကို မေ့နေလို့မရပါဘူး။ သူ့ဘဝရဲ့ ပုံပြင်ကတော့ လူတိုင်းကို မှင်သက်စေလိမ့်မယ်။ သားရဲတစ်ကောင်လို သန်မာတဲ့ လူရိုင်းလေးကစိတ်သဘောထားကြတော့ နုနယ်လွန်းလှတယ်။ ချစ်လှစွာသော သူ့ ညီအကို သုံးယောက်ကြား ဝင်ရောက်လာတဲ့ သိမ်မွေ့တဲ့ အမျိုးသမီးလေးရဲ့ နှလုံးသားကရော ဘယ်သူ့ဆီမှာပါလဲ။ အနေအေးပြီး ရိုးလွန်းတဲ့ အကိုကြီးရဲ့ ခံစားချက်ကလည်း စာဖတ်သူကို ဘယ်လို ခံစားချက်ဖြစ်စေမှာလည်း သိပါရစေ။ စည်းဘောင်တွေ အပြင်မှာ ပျော်ပျော် နေတတ်တဲ့ လူသားက သူ့ချစ်တဲ့သူ တွေကိုရော ကာကွယ်ပေးနိုင်ပါ့မလားဆိုတာကို ရင်သပ်ရှုမောဖွယ် ကြည့်ရူခံစား ကြည့်ပါဦး။ ဒီလူရိုးကြီးနဲ့ နှလုံးသားကို ဘယ်လို ထင်လဲ ပြောကြည့်ပါအုံး။

t.me/dramamv/762