ကိုယ်တို့ရဲ့ဆုံမှတ် (၂၀၁၈)

IMDb - 7/10
Genre - Drama

ရှူဟေးရဲ့ ဇနီးသည်ဟာ သားလေး ရွှန်ယာကို မွေးဖွားပြီးမကြာခင်မှာပဲ ဆုံးပါးသွားခဲ့ပါတယ်။ ကလေးကို တစ်ယောက်တည်း ကြိုးစားပျိုးထောင်ရင်း အာကိရာ ဆိုတဲ့ကောင်မလေးနဲ့အကြောင်းပါပြီး လက်ထပ်လိုက်ဖြစ်သွားပါတော့တယ်။ ရှူဟေးဟာ ရထားတွေကို ချစ်တဲ့သူတစ်ယောက်ဖြစ်သလို သားလေး ရွှန်ယာဟာလည်း ရထားတွေကို ချစ်မြတ်နိုးပါတယ်။ ဒီလိုနဲ့ မိသားစုသုံးယောက် ပျော်ပျော်ရွှင်ရွှင်နေလာရင်း ကံဆိုးမိုးမှောင်ကျပါတော့တယ်။ ရှူဟေးတစ်ယောက်ဦးနှောက်သွေးယိုစိမ့်မှုဖြစ်ပြီး ဆုံးပါးသွားခဲ့တာပါပဲ။ ယောက်ျားဖြစ်သူဟာလည်း ဆုံးပါးသွား၊ ကလေးတစ်ဖက်ရယ် ၏ အကြွေးတွေကလည်းရှိနေပြန်တော့ အာကိရာတစ်ယောက် မတတ်သာတဲ့အဆုံး ရှူဟေးရဲ့ ဖခင်ဖြစ်သူရှိရာဆီကို သွားရောက်အကူအညီတောင်းရင်း နေထိုင်ခွင့်တောင်းခဲ့ပါတယ်။ အာကိရာနဲ့ ရွှန်ယာတို့ ရှူဟေးအဖေရဲ့ အိမ်မှာနေထိုင်ရင်း ရထားတွေကိုချစ်တဲ့ သားလေး ရွှန်ယာရဲ့ တိုက်တွန်းမှုနဲ့အတူ အာကိရာတစ်ယောက် ရထားမောင်းသမားတစ်ယောက်လုပ်ဖို့ အကြောင်းဖန်လာပါတော့တယ်။ ဒီလိုနဲ့ အာကိရာတစ်ယောက် ကိုယ်တိုင်ကကလေးမမွေးဖူးပေမဲ့ ယောက်ျားရဲ့သားဖြစ်သူ ရွှန်ယာလေးကို ဘယ်လိုပျိုးထောင်ပေးသွားမလဲ ။ ယောက်ျားရဲ့ ဖခင်ဖြစ်သူနဲ့ရော အာကိရာတို့ သားအမိ အဆင်ပြေပါ့မလား ။ ရထားချစ်တဲ့ ယောက်ျားနဲ့ သားဖြစ်သူကြောင့် လုပ်ခဲ့တဲ့ ရထားမောင်းတဲ့အလုပ်မှာရော ဘယ်လိုတွေဖြတ်သန်းရမလဲ ။

t.me/gwmmupl/4066

အယ်လ်တို သူရဲကောင်းများ (၂၀၂၅)

IMDb - 5.7/10
Genre - Thriller, Crime
 
အမေရိကန်ရဲ့ အကြီးဆုံး ဒုစရိုက်ဂိုဏ်းခေါင်းဆောင်တွေထဲက တစ်ယောက်အကြောင်း ဖြစ်ရပ်မှန်ရုပ်ရှင်ပါ။ ၁၉၅၀ ဝန်းကျင် အမေရိကန်နိုင်ငံတဝှမ်းလုံးမှာ ဒုစရိုက်ဂိုဏ်းမျိုးစုံကြီးစိုးခဲ့ပြီး နိုင်ငံအဆင့် ဧရာမဂိုဏ်းကြီးပါ ရှိခဲ့တာပါ။ အဓိကဇာတ်ကောင် ဖရန့် ကော်စတယ်လိုကတော့ အဲဒီကာလ ခေါင်းဆောင်တွေရဲ့ ခေါင်းဆောင်ချုပ်ဖြစ်ခဲ့တာပါ။

ဖရန့် နဲ့ ဗီတိုဟာ ရွှေ့ပြောင်း အီတလီသား ငယ်သူငယ်ချင်းတွေ၊ မိုက်ဖော်မိုက်ဖက်တွေပါပဲ။ လူမိုက်အဆင့်ကနေ ဒုစရိုက်ဂိုဏ်းခေါင်းဆောင်ဖြစ်လာကြပြီး နောက်ပိုင်း တစ်နိုင်ငံလုံးသိတဲ့ အဆင့်တွေအထိ ရောက်လာတာပါ။ ဒါပေမဲ့ သူတို့နှစ်ယောက်ကြားမှာ မူးယစ်ဆေးလုပ်ငန်းကို လုပ်ချင်တဲ့သူနဲ့ မလုပ်ချင်တဲ့သူ ကွဲလာပြီး စိတ်ဝမ်းကွဲလာတဲ့အခါ ပြိုင်ဘက်တွေ ရန်သူတွေဖြစ်လာပါတယ်။ အဲ့ဒိ အားပြိုင်မှုကနေ အမေရိကန်သမိုင်းမှာအုတ်အော်သောင်းနင်း ဖြစ်ရတဲ့ အမှုအခင်းကြီးတွေ ဆက်တိုက်ဖြစ်လာပါတော့တယ်။

t.me/gwmmupl/4068

Airpod ဝယ်မိရာမှ ဓါးစာခံဖြစ်သွားရသူ (၂၀၂၅)

IMDb - 6/10
Genre - Thriller, Crime

ဒီဇာတ်ကား ကတော့ နက်ဖလစ် က ရိုက်ကူးထားတဲ့ Dutch Crime Thriller ဇာတ်ကားတစ်ကား ဖြစ်ပြီးတော့ မနေ့ကမှ ထွက်ရှိထားတာပါ။ ၂၀၂၂ ခုနှစ်တုန်းက Amsterdam မြို့မှာ ဖြစ်သွားခဲ့တဲ့ တကယ့်ဖြစ်ရပ်မှန် ဓားစာခံပြန်ပေးဆွဲ ဖြစ်ရပ်ကို inspire ယူထားတာပါ။

ဇာတ်လမ်းက Apple Store ဓားပြတိုက်ခံရတဲ့အချိန် ဆိုင်ထဲကို AirPods ဝယ်ဖို့ ဝင်လာတဲ့ လူတစ်ယောက် ဓားစာခံ ဖြစ်သွားပုံကို ဗဟိုပြုထားပြီးတော့ ဖြစ်ရပ်တစ်ခုလုံးကို ရှုထောင့်ပေါင်းစုံကနေ ရိုက်ပြထားပါတယ်။ IMDb မှာ rating ကောင်းတစ်ခုကို ရရှိထားပြီးတော့ ကြည့်ရှုသူတွေကို ရင်တထိတ်ထိတ်နဲ့ ဇာတ်လမ်းအစကနေ အဆုံးထိ ဆွဲဆောင်သွားနိုင်တဲ့ ဇာတ်ကားကောင်းတစ်ကား ဖြစ်ပါတယ်။

t.me/cartoonbynikko/571

အုပ်စိုးသူ (၂၀၂၀)

မိစ္ဆာနှိမ်နင်းသူကားကောင်းလေးတစ်ကားကို ထပ်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့ တစ်ခါတုန်းက နယ်စပ်မြို့ငယ်လေးတစ်ခုမှာ ဝက်မိစ္ဆာကြီး သောင်းကျန်းနေပါသတဲ့။ ဝက်မိစ္ဆာကြီးကို နှိမ်နင်းဖို့အတွက် အနယ်နယ်အရပ်ရပ်က မိစ္ဆာနှိမ်နင်းသူတွေကို ဖိတ်ခေါ်လိုက်တဲ့အခါ အနယ်နယ်အရပ်ရပ်က မိစ္ဆာနှိမ်နင်းသူတွေ လာရောက်ကူညီကြပါတယ်။ ခရီးသွားတစ်ယောက်ဖြစ်တဲ့ အားရှီ ဟာ ဖိတ်စာကို ကောက်ရပြီး သူ့ရဲ့ မိစ္ဆာနှိမ်နင်းသူဖြစ်ချင်တဲ့ အိပ်မက်ကို အကောင်အထည်ဖော်ဖို့ရောက်လာတာပေါ့။ လမ်းမှာ မုံ့ကျူး ဆိုသူလေးနဲ့ တွေ့ပြီး ချစ်ကျွမ်းဝင်က မုံ့ကျူး ဆီမှာ တပည့်ခံလိုက်ပါတော့တယ် ။ ကျွမ်းကျင်ပညာရှင်တွေကြားမှာ စော်ကြူသိုင်းသာ ကျွမ်းကျွမ်းကျင်ကျင် တတ်တဲ့ အားရှီ တစ်ယောက် နှစ်တစ်ထောင် ဝက်မိစ္ဆာကြီးကို ဘယ်လိုနှိမ်နင်းမလဲ ဆိုတာကိုကြည့်ရှုလိုက်ပါဦး။

t.me/hanamovie20/4253

လိမ္မော် (၂၀၁၅)

IMDb - 6.8/10
Genre - Romance, Fantasy

နာဟို ဆိုတဲ့ကောင်မလေးဟာ သိပ်ကိုစကားနည်းပြီး သူ့ရဲ့ သူငယ်ချင်းအနည်းစုကလွဲရင် စကားပြောလေ့မရှိတဲ့ ကြောက်တတ်တဲ့ ကောင်မလေးပေါ့။ ဒီလိုနဲ့ 16 နှစ်ပြည့်တဲ့ နွေရာသီတစ်မနက်မှာ နာဟို ဆီကို ထူးဆန်းတဲ့ စာတစ်စောင် ရောက်လာပါတယ်။ လိပ်စာကတော့ သူ့ဆီကို လိပ်မူထားတာပေမဲ့ ပို့လိုက်တဲ့ နာမည်ကလည်း ထူးဆန်းစွာနဲ့ပဲ နာဟို ဖြစ်နေပါသတဲ့။ စာရေးထားသူကတော့ နောင်အနာဂတ် 10 နှစ်က နာဟို ကိုယ်တိုင်ပဲဖြစ်ပြီးတော့ လွန်ခဲ့တဲ့ 10 နှစ်က သူ့ရဲ့ နောင်တတွေကို မဖြစ်လာရအောင် ကူညီပေးဖို့ ပြောထားတာပါ။ ဒီစာကို နာဟို တစ်ယောက် မယုံမကြည်ဖြစ်နေပေမဲ့ စာထဲမှာ ပြောထားတဲ့အတိုင်းပဲ ကာခဲရု ဆိုတဲ့ကျောင်းသားလေးက သူတို့အတန်းကို ဆိုက်ဆိုက်မြိုက်မြိုက် ရောက်လာတာကစလို့ ကာခဲရု ဆိုတဲ့ကောင်လေးကို သူချစ်မိသွားတာအထိ အရာအားလုံး စာထဲကလို တစ်ခုပြီးတစ်ခု ဖြစ်လာချိန်မှာတော့။ နာဟို တစ်ယောက် စာထဲမှာပြောထားတဲ့ နောင်တအားလုံးကို ပြင်ဆင်နိုင်မှာလား။ သူတို့အားလုံး နောက်ဆယ်နှစ်ကြာတဲ့အချိန်ထိ သယ်ပိုးထားရတဲ့ နောင်တတွေဆိုတာ ဘာတွေဖြစ်မလဲ။ အနာဂတ်ဆယ်နှစ်က နာဟို နဲ့ ကာခဲရု တို့ရဲ့ မဆုံဆည်းဖြစ်ခဲ့တဲ့ ချစ်ဇာတ်လမ်းကို အကောင်ထည်ဖော်နိုင်မှာလား

t.me/dramamv/747

ရေသရဲ (၂၀၂၂)

IMDb - 6.3/10
Genre - Action, Horror

ထျန်းရွှေရွာဟာ ထျန်းရွှေမြစ်နံဘေးမှာ တည်ရှိတဲ့ ရွာငယ်လေးဖြစ်ပါတယ်။ တောတောင်တွေနဲ့ အေးချမ်းသဖွယ်လို့ ထင်စရာရှိပေမဲ့ အမှန်တကယ်မှာတော့ ရွာလေးဟာ လုံးဝကို အေးချမ်းမနေခဲ့ပါဘူး။ အကြောင်းရင်းကတော့ ထျန်းရွှေမြစ်ထဲမှာ ရေသရဲရှိနေလို့ပါပဲ။ ရွာမှာ ရေသရဲသတ်လို့ သေသွားသူတွေလည်း မနည်း၊ အမြဲတစေ ရွာသားတွေက ရေသရဲရန်ကို ထိတ်လန့်နေကြရပါတယ်။ ပိုင်ချိုးရွှေဟာ ထျန်းရွှေရွာဇာတိဖြစ်ပြီး ဖခင်ဖြစ်သူ ရေသရဲအသတ်ခံလိုက်ရအပြီးမှာ ရွာက ထွက်သွားခဲ့တယ်။ နှစ်ပေါင်းများစွာကြာမှ ဇာတိရွာလေးကို ဖွံဖြိုးတိုးတက်အောင် လုပ်ပေးချင်လို့ သူဟာ ရွာလေးဆီကို ပြန်လာခဲ့ပါတယ်။ သူ ပြန်ရောက်လို့ မကြာခင်မှာပဲ ရွာမှာ ထူးဆန်းတဲ့ ဖြစ်ရပ်တွေ တစ်ခုပြီးတစ်ခု ပေါ်လာတဲ့အခါမှာတော့ ရေသရဲဟာ ထင်ထားတာထက် ပိုပြီး အင်အားကြီးနေကြောင်း သိလိုက်ရတဲ့အခါ ရေသရဲကို ဘယ်လို ရင်ဆိုင်ဖြေရှင်းကြလေမလဲဆိုတာကို သည်းထိတ်ရင်ဖိုခံစားကြည့်ရှုလိုက်ရအောင်။

t.me/hanamovie20/4256

ဆာဂျီရို (၂၀၂၀)

IMDb - 6.2/10
Genre - War, Drama

ဒီဇာတ်လမ်းကတော့ ကုလသမဂ္ဂအထူးကိုယ်စားလှယ် ဆာဂျီရို ဒီ မဲလ်လို အကြောင်းကို ရိုက်ကူးထားတဲ့ အတ္ထုပတ္တိဇာတ်လမ်းပဲဖြစ်ပါတယ်။ ကုလသမဂ္ဂအထူးကိုယ်စားလှယ် ဘရာဇီးလ်နိုင်ငံသား ဆာဂျီရို ဟာ သူ့ရဲ့ ဇနီး ကုလသမဂ္ဂဝန်ထမ်း ကာရိုလီနာ နဲ့ တည်ငြိမ်တဲ့ ဘဝတစ်ခုကို စတင်တော့မယ့်အချိန်မှာပဲ အီရတ်ကို လေးလကြာ တာဝန်နဲ့ စေလွတ်ခြင်း ခံခဲ့ရပါတယ်။ အီရတ်ရှိ ကုလသမဂ္ဂရုံးချုပ် ဗုံးပေါက်ခွဲခံရမှုနဲ့အတူ ဆာဂျီရို ဟာ အပျက်အစီးများအောက် ပိတ်မိသွားတဲ့အချိန်မှာတော့ အရာအားလုံး ပြောင်းလဲသွားပါတော့တယ်။ ဘာတွေဆက်ဖြစ်မလဲဆိုတာကိုတော့ ခံစားကြည့်လိုက်ပါ။ ဒီဇာတ်လမ်းကတော့ စစ်ရဲ့ ဆိုးကျိုးတွေကို ဒီဇာတ်လမ်းထဲမှာ သေချာ သရုပ်ဖော်ထားတဲ့အပြင် စစ်ကို‌ မုန်းသော်လည်း စစ်ပွဲကို တားဆီးဖို့ စစ်ပွဲကြားထဲရောက်နေရတဲ့ လူတစ်ယောက်ရဲ့ တည်ငြိမ်အေးချမ်းတဲ့ ဘဝတစ်ခုကို မျှော်လင့်နေရပုံကို မြင်တွေ့ရမှာဖြစ်ပါတယ်။

t.me/dramamv/749

ရည်းစားဟောင်းပေးတဲ့ ဒုက္ခ (၂၀၂၁)

IMDb - 5.8/10
Genre - Horror, Drama

“ရှေးထုံးလည်း မပယ်နဲ့၊ ‌‌ဈေးသုံးလည်း မလွယ်နဲ့” ဆိုသလိုပေါ့, ကိုရီးယားမှာ ရှေးလူကြီးပြောကြတဲ့ အယူရှိပါတယ်။ ကလေးမွေးဖွားပြီး ၂၁ ရက် အပြည့်ခင် အချိန်မှာ အိမ်ထဲကိုလည်း အပြင်လူ ဝင်ခိုင်းလို့မရသလို တခြားလောကသားတွေ အိမ်ထဲကို မဝင်နိုင်အောင်လည်း ကြိုးနဲ့ စည်းတားထားရမယ်တဲ့။ အဲဒါမှသာမွေးကင်းစကလေးက လူ့လောကထဲကို ဘေးကင်းကင်းနဲ့ ဝင်ရောက်လာနိုင်မှာ ဖြစ်တယ်။ ကလေးမွေးဖွားပြီး ၂၁ ရက်တာ အတွင်းမှာ နတ်ဆိုးတွေမကောင်းဆိုးဝါးတွေက ကလေးကို အနှောင့်အယှက်ပေးတာတွေ ကျိန်စာတိုက်တာတွေ လုပ်နိုင်တဲ့အတွက် အထူး ဂရုစိုက်ရပါတယ်။ အခုမှ သားဦးလေးကို မွေးခဲ့တဲ့ ဟယ်မီနဲ့ သူ့အမေက အဲဒီအယူအဆတွေကို ယုံယုံကြည်ကြည်နဲ့ကလေး ဘေးကင်းဖို့ အကုန် လိုက်လုပ်ပေမဲ့ ဟယ်မီရဲ့ ခင်ပွန်းသည်ဖြစ်သူ ဝူဂျင်းက လက်မခံချင်ပေ။ တစ်နေ့မှာ ဝူဂျင်းဆီကို သူ့ရဲ့ ရည်းစားဟောင်းဖြစ်သူသေဆုံးကြောင်း အကြောင်းကြားစာတစ်စောင် ရောက်လာခဲ့တယ်။ အဲဒီအခါမှာရည်းစားဟောင်းဖြစ်သူရဲ့ ဈာပနာပွဲကို သွားဖို့ ပြင်ခဲ့ရာ ဇနီးသည်က ကလေး ၂၁ ရက်မပြည့်သေးလို့ မသွားပါနဲ့လို့ တားသော်လည်း လက်မခံဘဲ ဇွတ်သွားခဲ့တယ်။ ဈာပနာပွဲကို သွားရာကနေ မကောင်းတဲ့ အရာတစ်ခုခုက ဝူဂျင်းနောက်ကနေ ကပ်ပါလာခဲ့ရာ ဝူဂျင်းတို့ မိသားစု ကံဆိုးမိုးမှောင်ကျပေတော့တယ်။ အဲဒီအခါမှသာ ဝူဂျင်းက သူ ဘာမှားသွားလဲဆိုတာကို တဖြည်းဖြည်း သဘောပေါက်လာတော့တယ်။ ဒီကားလေးကတော့ တစ်ခါတလေကျရင်လည်း ရိုးရာ ထုံးတမ်းဓလေ့ အယူအဆကို သွေဖည်ပြီး အမှတ်တမဲ့ လုပ်မိလိုက်ရာကနေ လွဲချော်မှု ကံဆိုးမှုတွေ ဖြစ်တတ်တဲ့အကြောင်း ရိုက်ကူးပြသထားတဲ့ ကားလေးဖြစ်တာမို့ ဒီလို ဇာတ်လမ်းအမျိုးအစားကို စိတ်ဝင်စားကြရင် ကြည့်သင့်ပါကြောင်း။

t.me/hanamovie20/4258

ရာသီတွေပြောင်းသော်လည်း (၂၀၁၈)

IMDb - 7.1/10
Genre - Romance, Drama

BL ကားတွေကို ကြိုက်နှစ်သက်ကြတဲ့ ပရိသတ်ကြီးအတွက် မိခင်မေတ္တာနဲ့ သူငယ်ချင်းနှစ်ယောက်ကြားက သံယောဇဉ်အကြောင်းကို ရိုက်ကူးဖော်ပြထားတဲ့ ဇာတ်ကားလေးကို တင်ဆက်ပေးချင်ပါတယ်။အိမ်ရှင်မတစ်ဦးဖြစ်တဲ့ မီဂယောင်း ဟာ ခင်ပွန်းဖြစ်သူနဲ့ အနေဝေးပြီးတော့ တစ်ဦးတည်းသော သားလေး ဆူဟျွန်း ကို တစ်ယောက်တည်း ပြုစုပျိုးထောင်ခဲ့ပါတယ်။ တစ်ရက်မှာတော့ ဆူဟျွန်း က အတန်းဖော်သူငယ်ချင်းဖြစ်တဲ့ ယောင်းဂျွန်း ကို သူနဲ့အတူ နေဖို့အတွက် အိမ်ကို ခေါ်လာခဲ့ပါတယ်။ နှစ်အတော်ကြာအတူတူနေခဲ့ပြီးတော့ စစ်မှုထမ်းဖို့အတွက် ယောင်းဂျွန်း က အရင်သွားခဲ့ပြီး ဆူဟျွန်း က နောက်မှ ဝင်ခဲ့ပါတယ်။ ဒီလိုနဲ့ ဆူဟျွန်း စစ်မှုထမ်းပြီးတဲ့နောက် သူတို့နှစ်ယောက်က အတူတူ ခရီးထွက်ရာကနေ ကားမတော်တဆမှု ဖြစ်ခဲ့ပြီး ဆူဟျွန်း က ကိုမာဖြစ်သွားတာကြောင့် မိခင်ဖြစ်သူကတော့ သူ့သား ဒီလိုဖြစ်သွားအတွက် ယောင်းဂျွန်း ကို အပြစ်တင်ခဲ့ပါတယ်။ ဒါဆိုရင်တော့ မီဂယောင်း က သူ့ကို ခွင့်လွှတ်ဖို့အတွက် ယောင်းဂျွန်း အနေနဲ့ ဘယ်လိုတွေ ကြိုးစားမလဲ။ ဆူဟျွန်း နဲ့ ယောင်းဂျွန်း ရဲ့ ဆက်ဆံရေးကို မီဂယောင်း က ဘယ်လိုတုံ့ပြန်မလဲဆိုတာ ကြည့်ရှုလိုက်ပါဦးနော်။

t.me/gwmmupl/4094

စစ်သူကြီး လီဆွန်းရှင်း (၂၀၁၄)

IMDb - 7.1/10
Genre - Action, War

ဆွန်းရှင်းဟာ ဂျိုဆွန်းတပ်မတော်မှာ အမှုထမ်းချိန်ကစပြီး အောင်ပွဲတွေ အလီလီ ရခဲ့ပြီး ထင်ရှားလာခဲ့တယ်။ ကိုရီးယားကို ရေကြောင်းနဲ့ စိုးမိုးချင်ရင် လီဆွန်းရှင်းမရှိမှ ဖြစ်မယ်ဆိုတာကို ရိပ်စားမိလာတဲ့ ဂျပန်တွေဟာ ဂျိုဆွန်းရဲ့ နန်းတွင်းရေး မတည်ငြိမ်မှုကို အခွင့်ကောင်းယူပြီး သူလျှိုသွင်းတဲ့အပြင် သစ္စာဖောက် အမတ်တွေနဲ့ ပေါင်းကြံပြီး ထောင်ချောက်တစ်ခု ဆင်ပါတယ်။ ဂျပန်ရေတပ်တွေရဲ့ သတင်းကို ကိုရီးယားသစ္စာခံအယောင်ဆောင် ဂျပန်သူလျှိုကနေ တစ်ဆင့်ပို့တဲ့အခါ ဘုရင်ဆွန်းဂျိုက လီဆွန်းရှင်းကို သွားတိုက်ခိုင်းတယ်။ ဒါဟာ ထောင်ချောက်မှန်း ရိပ်စားမိနေတဲ့ လီဆွန်းရှင်းက အမိန့်ကို ဖီဆန်ပြီး မတိုက်တဲ့အခါ ထီးနန်းကို လုပ်ကြံမယ့်သူအဖြစ် စွပ်စွဲခံရတော့တယ်။ လီဆွန်းရှင်းကို စစ်သည်တွေနဲ့ ပြည်သူတွေက ကြည်ညိုကြတာကို မနာလိုတဲ့အပြင် သူ့ထီးနန်းကိုပါ စိတ်မချဖြစ်နေတဲ့ ဘုရင်ဆွန်းဂျိုဟာ လီဆွန်းရှင်းကို ဖမ်းပြီး ရာထူးချတဲ့အပြင် နှိပ်စက်စစ်မေးစေတယ်။ အထက်က ပြောခဲ့တာတွေဟာ ဒီဇာတ်ကားမှာ မပါပါဘူး။ ဒီကားရဲ့အစကတော့ လီဆွန်းရှင်းမရှိတဲ့ ရေကြောင်းကို ဂျပန်တွေအသာစီးရပြီးတဲ့အချိန်မှာမှ ဘုရင်ဆွန်းဂျိုကနေ လီဆွန်းရှင်းကို ပြန်လည်တာဝန်ပေးအပ်ပြီး ဂျပန်ရေတပ်ကို ခုခံတိုက်ခိုက်စေခဲ့တာနဲ့ စပါတယ်။ လီဆွန်းရှင်းအတွက် ပထမတိုက်ပွဲက လက်ကျန် သင်္ဘောအနည်းငယ်နဲ့သာ တိုက်ဖို့ရှိနေတဲ့အပြင် ရေတပ်သားတွေလည်း ထွက်ပြေးသူပြေး၊ စည်းလုံးမှုတွေလည်း တကွဲတပြားတွေ ဖြစ်နဲ့ဆိုတော့ ဒီတိုက်ပွဲက သူ့အတွက် အခက်အခဲဆုံးပါပဲ။ ကိုင်းသူ ဘယ်လိုတွေပြင်ဆင်လဲ။ ဘယ်လိုတွေတိုက်ခိုက်လဲ။

t.me/gwmmupl/4096

အချိန်နှင့်ဒီရေ (၂၀၀၀)

IMDb - 6.7/10
Genre - Action , Crime

တိုင်လာက လမ်းပျော် လူငယ်လေးတစ်ယောက်ဖြစ်ပြီး သူ့ကြောင့် မိန်းကလေးတစ်ယောက် မတော်တဆ ကိုယ်ဝန်ရှိသွားတဲ့နောက်မှာ ငွေရှာဖို့ဆုံးဖြတ်ရင်းက တရားမဝင် သက်တော်စောင့် ဂိုဏ်းတစ်ခုမှာ ဝင်လုပ်ခဲ့ပါတယ်။ အဲ့ဒီမှာပဲ လုပ်ငန်းတာဝန်တစ်ခုအတွင်း ဂျက်ခ်ဆိုတဲ့ လူတစ်ယောက်နဲ့ မတော်တဆ ခင်မင်ရင်းနှီးခဲ့ရာကနေ အလုပ်တစ်ခု အတူတူတွဲလုပ်ဖို့ ဖြစ်လာပါတော့တယ်။ တကယ်တမ်းတော့ ဂျက်ခ်ဟာ ထိပ်တန်းအဆင့် လေ့ကျင့်ထားတဲ့ ကြေးစားတပ်ဖွဲ့ခေါင်းဆောင်ဟောင်း တစ်ဦးဖြစ်ပြီး ရာဇဝတ်လောကကို ကျောခိုင်းပြီး သူ့ဇနီးနဲ့ အခြေချဖို့ ကြိုးစားနေတဲ့သူပါ။ ဒါပေမယ့်လဲ သူချန်ထားရစ်ခဲ့တဲ့ အတိတ်တွေဟာ သူရဲ့ တည်ငြိမ်ဖို့ ကြိုးစားနေတဲ့ဘဝထဲအထိ ဝင်စွက်နှောင့်ယှက်ဖို့ ကြိုးစားလာတဲ့အချိန်မှာတော့ တိုင်လာပါ ဒီကိစ္စတွေထဲ ဝင်ပတ်သက်ရပါတော့တယ်။ ကြည့်ရှုရတဲ့စက္ကန့်တိုင်းကို ကျေနပ်အားရစေမှာပါ။ ဟောင်ကောင်အက်ရှင်ကားကောင်းတွေထဲမှာ ဒီကားလည်း တစ်ကားအပါအဝင်ပါပဲ။

t.me/gwmmupl/4098

ဘန်ဟာဇီ ၏ လျှို့ဝှက်စစ်သားများ (၂၀၁၆)

IMDb - 7.1/10
Genre - Action, War

၂၀၁၂ ခုနှစ်မှာ ကဒါဖီ ပြုတ်ကျပြီးနောက် လစ်ဗျားနိုင်ငံ ဘင်ဂါဇီမြို့ဟာ ကမ္ဘာ့အန္တရာယ်အရှိဆုံးနေရာတွေထဲက တစ်ခုဖြစ်လာပါတယ်။ ဘင်ဂါဇီမြို့မှာ တရားဝင်မဟုတ်တဲ့ အမေရိကန်သံတမန်ရုံးတစ်ခုရှိပြီး၊ အဲဒီသံတမန်ရုံးနဲ့ တစ်မိုင်တောင်မဝေးတဲ့နေရာမှာ အန်းနက်လို့ခေါ်တဲ့ စီအိုင်အေ လျှို့ဝှက်စခန်းရှိပါတယ်။ ဂျက်ဆေးဗားဟာ နေဗီဆီးလ်တပ်ဖွဲ့ဝင်ဟောင်းဖြစ်ပြီး၊ စီအိုင်အေဝန်ထမ်းတွေရဲ့ လုံခြုံရေးအတွက် ပုဂ္ဂလိက လက်နက်ကိုင် ကန်ထရိုက်တာအဖြစ် တာဝန်ထမ်းဆောင်ပေးဖို့ လစ်ဗျားကို ရောက်ရှိလာပါတယ်။ အဲဒီအချိန်မှာပဲ အမေရိကန်သံအမတ် လစ်ဗျားကို ရောက်ရှိလာပြီး ဘင်ဂါဇီမြို့က သံတမန်ရုံးမှာ တည်းခိုနေပါတယ်။ 9-11 နှစ်ပတ်လည်နေ့ဆိုပြီး စက်တင်ဘာ ၁၁ ရက်နေ့ညမှာပဲ လစ်ဗျားစစ်သွေးကြွများက သံတမန်ရုံးနဲ့ စီအိုင်အေစခန်းကို အင်အားအများအပြားနဲ့ တိုက်ခိုက်သိမ်းပိုက်ဖို့ ကြိုးစားရာကနေ ဂျက်ဆေးဗားတို့ရဲ့ ၆ ယောက်ပဲ အဓိကပါရှိတဲ့ လုံခြုံရေးအဖွဲ့အနေနဲ့ အင်အားလုံးဝ မမျှတဲ့ကြားက ၁၃ နာရီကြာ ခုခံမှုကြီးအတွက် ပြင်ဆင်ရပါတော့တယ်။ မိုက်ကယ်ဘေးရဲ့ ထုံးစံအတိုင်း တောက်လျှောက်ချတဲ့အပြင် တိုက်ခိုက်ခန်းတွေကလည်း လှပသပ်ရပ်တာမို့ စစ်ကားကောင်းကြည့်လိုသူများ ၂ နာရီခွဲကျော် ကြာမြင့်အောင် စိတ်ကြိုက်ထိုင်ကြည့်ရမယ့် ရုပ်ရှင်ကားကြီးဖြစ်ပါတယ်။

t.me/cartoonbynikko/573

လွဲမှားသံသယ (၂၀၂၂)

IMDb - 5.3/10
Genre - Thriller, Action

မယ်လ် က ငယ်ငယ်တည်းက ကွန်ပျူတာကျွမ်းကျင်ပြီး တော်ပါတယ်။ ခုတော့ ဆော့ဝဲလ်တွေကို အမှားစစ်တဲ့အလုပ်လုပ်နေပြီး နောက်ကွယ်မှာ သူငယ်ချင်းတွေနဲ့ ဟက်ကာ လုပ်ပြီး မကောင်းတဲ့သူတွေကို ဟက်ပြီး လူတွေကိုကူညီနေပါတယ်။ တစ်ရက်တော့ လူမပါဘဲ အော်တိုမောင်းတဲ့ဘတ်စ်ကားကို ဆော့ဝဲလ်စစ်ပေးရင်း မယ်လ် တစ်ယောက် ထူးဆန်းတဲ့ကုတ်ကိုတွေ့ပါတယ်။ အဲ့ကုတ်ကို ရှင်းပစ်ခဲ့ပြီး သူငယ်ချင်းတွေနဲ့ လူတစ်ယောက်ကို ဟက်ပါတယ်။ ကံဆိုးစွာနဲ့ပြီး ဟက်ပြီးတဲ့အချိန်မှာ မယ်လ် ရဲ့ အိမ် အဖောက်ခံခဲ့ရပါတယ်။ နောက်ပိုင်းမှာတော့ အခြေအနေတွေက ပိုဆိုးလာခဲ့ပြီး လူတွေက သူ့နောက်ကို နောက်ယောင်ခံလိုက်လာပြီး လူသတ်တယ်လို့ပါ စွပ်စွဲလာကြတဲ့အခါ ။ မယ်လ် ဘာလုပ်မိတာလဲ? သူအပြစ်မရှိကြောင်းရော ဘယ်လိုသက်သေပြမလဲ? ဆိုတာတော့ ရုပ်ရှင်လေးထဲ ဆက်ကြည့်လိုက်ကြရအောင်ပါ။

t.me/gwmmupl/4112

တိုရီ ဂဲလ် (၂၀၁၇)

IMDb - 6.4/10
Genre - Comedy

ဘဝမှာ ဆယ်ကျော်သက်ပီပီ ဘာလုပ်ချင်မှန်း ဘာဖြစ်ချင်မှန်းမသိဘဲ အမှတ်မီပြီး ဝင်ခွင့်အောင်လို့ အင်ဂျင်နီယာကျောင်းတက်ဖို့ ဖြစ်လာခဲ့တဲ့ ယူကီနာ ဆိုတဲ့ကောင်မလေး။ ပထမဆုံးနေ့မှာ ခင်ခဲ့တဲ့ သူငယ်ချင်းမလေးကို အကြောင်းပြုပြီး လေယာဉ်ကို လူသားစွမ်းအင်နဲ့ လည်ပတ်ပျံသန်းနိုင်‌စေဖို့ ကြိုးစားနေကြတဲ့ ငှက်လူသားစမ်းသပ်အသင်းထဲ ဝင်ဖို့ဖြစ်လာတော့တယ်။ ငှက်လူသားအသင်းရဲ့ လေယာဉ်မှူး ကပ္ပတိန် ခဲအီ ရဲ့ လူကြီးလူကောင်းဆန်တဲ့ အပြုအမူတွေကြောင့် သဘောကျမိပြီး သူ့ရဲ့တွဲဖက်လေယာဉ်မှူးဖြစ်ဖို့ ကြိုးစားရာကနေ မထင်မှတ်ဘဲ ဆာကဘ ဆိုတဲ့ ခွေးရူးလို့ လူတိုင်းတင်စားရတဲ့ လူဆိုးလေးရဲ့ တွဲဖက်လေယာဉ်မှူးဖြစ်လာတဲ့အခါမှာတော့။ ကြောင်နဲ့ကြွက်လို မတည့်အတူနေနှစ်ယောက် ပူးပေါင်းပြီး လေယာဉ်ကို ဟန်ချက်ညီညီနဲ့ ထိန်းလို့ ပျံသန်းအောင် လုပ်နိုင်ပါ့မလားဆိုတာ ။

t.me/gwmmupl/4114

နီကို - မြောက်ဖက်အလင်းတန်းတွေရဲ့အလွန် (၂၀၂၄)

IMDb - 6.4/10
Genre - Family, Adventure

နီကို ဆိုတဲ့ သမင်ပျံလေးက သူ့ရဲ့အဖေလို ဆန်တာ ရဲ့ ပျံသန်းအဖွဲ့ဝင် ဖြစ်ချင်တယ်။ ဒါပေမဲ့ ကံကြမ္မာက သူ့ကို ဆန်တာ လက်ဆောင်လှည်းကြီး ပျောက်သွားအောင် လုပ်လိုက်တယ်။ ဒီလက်ဆောင်လှည်းကို ပြန်ရဖို့အတွက် နီကို က သူ့သူငယ်ချင်းတွေ အပေါင်းအဖော်တွေနဲ့အတူ ဘယ်လိုကြိုးစားသွားမလဲ

t.me/cartoonmoviesmms/348

[18+] ချစ်ဇနီး၏ လျှို့ဝှက်ကစားပွဲ (၂၀၁၆)

IMDb - 6.3/10
Genre - Drama

ဟာရူအို ဟာ လမ်းပေါ်က လူအသွားအလာတွေကို ရေတွက်ရတဲ့ ဆာဗေးအလုပ်သမားတစ်ယောက်ဖြစ်ပြီး တစ်နေ့မှာတော့ သူရေတွက်နေတဲ့သူတွေထဲက မိန်းမလှလေးတစ်ယောက်ကို မြင်မြင်ချင်း ချစ်မိသွားခဲ့ပါတယ်။ နောက်ငါးနှစ်အကြာမှာတော့ ဟာရူအို ရဲ့ အရူးရောဂါက အတော်လေးမြင့်တက်နေခဲ့ပါပြီ။ သူကြိတ်ချစ်နေတဲ့ကောင်မလေး မာကိုတို ဟာ အိမ်ထောင်နဲ့ဆိုတာ သိရတဲ့နောက် မာကိုတို နဲ့ မျက်နှာချင်းဆိုင်က အိမ်ကို ငှားနေပြီး အလုပ်ကိုပါ ပြောင်းပစ်လိုက်ပါတယ်။ မာကိုတို နဲ့ သူ့ရဲ့ သာယာတဲ့အိမ်ထောင်ဘက်ကို တစ်ဖက်ကနေ ချောင်းကြည့်ပြီး စိတ်ဖြေတတ်သလို တစ်ခါတစ်လေ ပစ်စာလိုလို ကြောင်တောင်တောင်စာတွေလည်း ပို့တတ်ပါသေးတယ်။ တစ်ချိန်မှာတော့ မာကိုတို ဘက်က သူ့ကို ရိပ်မိသွားခဲ့ပြီး လူရိုးကြီး ဟာရူအို ကို အရူးအမဲသား ကျွေးလိုက်ချိန်မှာတော့ ဟာရူအို တစ်ယောက် ဘယ်လောက်အထိ ရူးရူးမိုက်မိုက် ရှေ့ဆက်တိုးမလဲဆိုတာကို ဆက်ပြီးရှုစားကြပါ။

t.me/gwmmupl/4117