ကျားကြီး (၂၀၂၅)

IMDb - 6.5/10
Genre - Crime, Thriller

အန်တိုနီယို နဲ့ အက်စထရယ်လာ ဆိုတဲ့ မောင်နှမနှစ်ယောက်အကြောင်းကို အဓိကရိုက်ကူးထားတာပါ။ သူတို့နှစ်ယောက်က ရေငုပ်သမားအဖေကနေ ဆင်းသက်လာတာဆိုတော့ တစ်သက်လုံး ပင်လယ်ထဲမှာပဲ ကြီးပြင်းခဲ့ကြတာပေါ့။ အန်တိုနီယိုကို ကျားကြီး လို့ လူသိများပြီး သူက မြို့မှာ အတော်ဆုံး စက်မှုလုပ်ငန်းသုံး ရေငုပ်သမားတစ်ယောက်ပါ။ ရေအောက်မှာဆိုရင် အန္တရာယ်များတဲ့ ပြုပြင်ရေးအလုပ်တွေ၊ ဆယ်ယူရေးအလုပ်တွေကို ကျွမ်းကျွမ်းကျင်ကျင် လုပ်ကိုင်နိုင်ပါတယ်။ သူ့အစ်မ အက်စထရယ်လာကတော့ သင်္ဘောပေါ်ကနေ ကူညီပံ့ပိုးပေးပြီး သူ့ကို အမြဲထိန်းကျောင်းပေးရတာပေါ့။ ရေအောက်မှာသာ ဆရာတစ်ဆူဖြစ်နေပေမဲ့ ရေပေါ်ရောက်ရင်တော့ အန်တိုနီယိုက ဘာမှအမယ်ရယမယ်ရမရှိဘဲ ဖြစ်သလိုနေတတ်တဲ့သူပါ။ တစ်နေ့မှာတော့ မထင်မှတ်ထားတဲ့ မတော်တဆမှုတစ်ခုဖြစ်သွားပြီး အန်တိုနီယိုရဲ့ ရေငုပ်သမားဘဝ ရှေ့ဆက်ဖို့ မသေချာတော့ပါဘူး။ အနာဂတ်အတွက် လမ်းပျောက်နေချိန်မှာပဲ ရပ်နားထားတဲ့ ဆီတင်သင်္ဘောကြီးတစ်စီးရဲ့ အောက်ခြေကိုယ်ထည်မှာ ဝှက်ထားတဲ့ ကိုကင်း အမြောက်အမြားကို သူတို့ သွားတွေ့ပါတော့တယ်။ လမ်းစပျောက်နေတဲ့ အန်တိုနီယိုအတွက် တခြားရွေးချယ်စရာလမ်း မရှိတော့ပါဘူး။ ဒီလိုနဲ့ သူတို့မောင်နှမနှစ်ယောက် သူတို့ရဲ့ ကျွမ်းကျင်တဲ့ ရေငုပ်ပညာကိုသုံးပြီး နောက်ဆုံးအနေနဲ့ အန္တရာယ်များတဲ့ မှောင်ခိုအလုပ်တစ်ခုကို လုပ်ဖို့ ဆုံးဖြတ်လိုက်ကြပါတယ်။ ဒီအလုပ်ကြောင့် သူတို့မောင်နှမနှစ်ယောက် မှုခင်းလောကထဲကို ခြေစုံပစ်ဝင်မိသွားပြီး အသက်ရှင်သန်ရေး၊ မိသားစုနဲ့ သူတို့ရဲ့ ဘဝတွေပါ အန္တရာယ်ကြုံလာရတဲ့အခါ ဘယ်လိုတွေ ဆက်ဖြစ်မလဲဆိုတာ ရင်တမမနဲ့ ဆက်ကြည့်ရမယ့် ဇာတ်ကားလေး ဖြစ်ပါတယ်။ ရေအောက်ရှုခင်းလှလှတွေနဲ့အတူ အက်ရှင်၊ မှုခင်း ဇာတ်လမ်းမျိုး ကြိုက်တဲ့သူတွေအတွက် အကြိုက်တွေ့စေမယ့် ကားလေးတစ်ကားပါ။

t.me/cartoonbynikko/3706

(၁၈+) လျှို့ဝှက်တံခါး (၂၀၂၅)

ဒီရက်ပိုင်း အက်ရှင်တွေ၊ဒရာမာတွေကြည့်ရတာ ရိုးအီနေပြီး ခပ်ပြင်းပြင်းအရသာ ဘက်ကိုသွားချင်တဲ့ ပရိသတ်ကြီးအတွက်မိတ်ဆက်ပေးချင်တဲ့အသည်းယားစရာကိုရီးယားအမှောင်ကားလေးက‌တော့ ပိုစတာမြင်ရုံနဲ့တင် ရင်ခုန်သံမြန်သွားစေမဲ့ လျှို့ဝှက်တံခါး ဆိုတဲ့ဇာတ်ကားပဲဖြစ်ပါတယ်။ စာအုပ်သစ်အတွက် ဇာတ်လမ်းရှာနေတဲ့ စာရေးဆရာမလေး တစ်ယောက်က ဆွဲဆောင်မှုရှိပြီး လျှို့ဝှက်ဆန်းကြယ်တဲ့ ထုတ်ဝေသူကောင်လေးနဲ့ တွေ့ဆုံမိရာကနေ ကောင်လေးက သူ့ရဲ့စာအုပ်ကို အောင်မြင်အောင် ပံ့ပိုးပေးမယ်လို့ကမ်းလှမ်းပြီး စိတ်ကူးယဉ်အမှောင်ကမ္ဘာထဲကို လမ်းပြခေါ်ဆောင်သွားခဲ့ရင်း နှစ်ဦးကြားခံစားချက်များစွာနဲ့ရှုပ်ထွေးမှုတွေကြား စာအုပ်ကိုဆက်လက်ထုတ်ဝေနိုင်ပါ့မလား

t.me/cartoonbynikko/3708

ခေတ်သစ်မိခင် (၂၀၂၅)

IMDb - 6.7/10
Genre - Drama

အားကျင်း ဟာ မုန့်ဖတ်ဆရာတစ်ယောက်ဖြစ်ပြီး အိမ်ထောင်ကျပြီး ၆ နှစ်အကြာမှ သမီးလေး ချင်းချင်း ကို ခက်ခက်ခဲခဲ မီးဖွားခဲ့ရသူတစ်ဦးလည်း ဖြစ်ပါတယ်။ ဒါပေမဲ့ ကလေးမွေးပြီး ခြောက်လအတွင်းမှာ အားကျင်း ရဲ့ ဘဝဟာ ဇောက်ထိုးမိုးမျှော်တွေ ဖြစ်ကုန်ပါတော့တယ်။ အရင်က ဝါသနာပါရာအလုပ်နဲ့ ပျော်ပျော်ရွှင်ရွှင် နေခဲ့ရတဲ့ အားကျင်း ဟာ ရုတ်တရက်ကြီး ကလေးရပြီး ပထမဆုံးအနေနဲ့ မိခင်တစ်ဦး ဖြစ်လာတဲ့အခါမှာ အလုပ်ခွင်ဖိအား၊ ကလေးနို့မစို့လို့ နို့မထွက်တဲ့ပြဿနာ၊ ကလေးဂျီကျတဲ့ပြဿနာ စတဲ့ အခက်အခဲပေါင်းများစွာ တွေ့ကြုံခဲ့ရပါတော့တယ်။ ဒါ့အပြင် ယောက်ျားဖြစ်သူမှာလည်း ကလေးထိန်းတာကို မိန်းမအလုပ်လို့ သတ်မှတ်ပြီး မကူညီပေးဘဲ ပိုက်ဆံရှာဖို့ကိုပဲ အာရုံစိုက်နေတဲ့အပြင် ယောက္ခမဖြစ်သူက အယူသီးလွန်းပြီး အားကျင်း ကိုပဲ အပြစ်ပုံချနေတဲ့အခါမှာ အားကျင်း တစ်ယောက် ကလေးဝေယျာဝစ္စတွေအားလုံးကို တစ်ယောက်တည်းပဲ လုပ်ကိုင်ရပါတော့တယ်။ အားလုံးက သားသမီးရဲ့ ပြုံးပျော်နေတဲ့မျက်နှာလေးကို တွေ့ရရင် မိခင်ဖြစ်သူမှာ ပင်ပန်းရကျိုးနပ်တယ်လို့ ပြောကြပေမဲ့ လက်တွေ့မှာတော့ လင်ယူသားမွေးခြင်းက ရည်မှန်းချက်ကြီးတဲ့ အားကျင်း တစ်ယောက်အဖို့ စိတ်ဓာတ်တွေကျပြီး အိပ်မက်ဆိုးကြီးသဖွယ် ဖြစ်လာတဲ့အခါ… ဒီဇာတ်လမ်းလေးဟာ အစက ကိုယ့်ခြေထောက်ပေါ် ကိုယ်ရပ်တည်ပြီး မုန့်တိုက်ဖွင့်ချင်တဲ့ အားကျင်း တစ်ယောက် ကလေးမွေးပြီးချိန်မှစပြီး တဖြည်းဖြည်းတက်လာတဲ့ ကိုယ်အလေးချိန်ကစလို့ နောက်ပိုင်း အလုပ်ပါဆုံးရှုံးသွားပြီး စိတ်ရောကိုယ်ပါ ပင်ပန်းလို့ ယုံကြည်ချက်ပန်းတိုင်တွေပါ ပျောက်ဆုံးပြီး postpartum depression ထဲ ရောက်ရှိသွားပုံကို ပုံဖော်ရိုက်ကူးထားတာပဲ ဖြစ်ပါတယ်။ ဒီဇာတ်ကားလေးဟာ ခေတ်သစ်အိမ်ထောင်ရေးထဲက အမျိုးသမီးတွေရဲ့ အိမ်ထောင်ကျပြီးရင် ကလေးယူရမယ်ဆိုတဲ့ လင်ယူသားမွေးဓလေ့ဆိုးကြီးကို မီးမောင်းထိုးပြနေတဲ့ ကြည့်ရှုသင့်တဲ့ ဟောင်ကောင်ဇာတ်ကားလေးတစ်ကား ဖြစ်ပါတယ်။

t.me/cartoonbynikko/3733

မသေမျိုး (၂၀၁၇)

IMDb - 6.3/10
Genre -Action, Sci-fi

အာဂျင်းဆိုတာက မသေတဲ့လူမျိုးတွေပါ။ ပြောရမယ်ဆိုရင်တော့ လူတပိုင်း မိစ္ဆာတပိုင်းအရာတွေလိုပါပဲ။ ဒီအာဂျင်းတွေဟာ လူတွေကို ဒုက္ခပေးတဲ့အရာတွေမဟုတ်ပါဘူး။ ဒါပေမဲ့ တိုးတက်ပြောင်းလဲလာတဲ့ နည်းပညာတွေအရ အာဂျင်းရဲ့ မသေနိုင်တဲ့အစွမ်းတွေကို လူသားတွေက စိတ်ဝင်စားလာကြပြီး အာဂျင်းတွေကို ဖမ်းဆီးကာ အမျိုးမျိုး နှိပ်စက်ပြီး သုတေသနတွေ လုပ်ကြပါတော့တယ်။ ဒါကြောင့်လည်း အာဂျင်းတွေကို ခြေထောက်ဖြတ်လိုက်၊ ဓားနဲ့ဖြတ်လိုက်နဲ့ နောက်ဆုံး မြင်မကောင်းတဲ့ ဒဏ်ရာတွေ ဖြစ်လာရင် “reset” လို့ သူတို့ခေါ်ဝေါ်ကြတဲ့ နည်းနဲ့ အာဂျင်းတွေကို သတ်လိုက်ပါတော့တယ်။ ခဏကြာရင် အသတ်ခံလိုက်ရတဲ့ အာဂျင်းဟာ ပြန်လည်ရှင်သန်လာပါတယ်။ အာဂျင်းရဲ့ အစွမ်းတွေကတော့ ဘယ်လောက်ပဲ ဒဏ်တွေရရ လက်ပြတ်၊ ခြေပြတ်၊ သေနတ်မှန် ဘယ်လိုပဲဖြစ်ဖြစ် သူ့ကိုသတ်လိုက်တာနဲ့ ခဏအတွင်းမှာ ပြန်လည်ရှင်သန်လာတာပဲ ဖြစ်ပါတယ်။ နောက်ပြီးတော့ အာဂျင်းတွေမှာ ကိုယ်ပိုင် အရိပ်လို့ခေါ်တဲ့ မိစ္ဆာတွေ တစ်ယောက်ချင်းစီမှာ ရှိပါတယ်။ အဲဒီမိစ္ဆာတွေကို သူတို့ဟာ ထိန်းချုပ်နိုင်ကြပါတယ်။ ဒီလိုမျိုး အနှိပ်စက်ခံရတဲ့ အာဂျင်းတွေဟာ လူတွေကို မုန်းတီးလာကြပါတယ်။

t.me/cartoonbynikko/3735

ဗုံး (၂၀၂၆)

IMDb - 6.2/10
Genre - Thriller, Action

ဇာတ်လမ်းအစမှာ ပက်ဒင်တန် ဘက်က ဆောက်လုပ်ရေးဆိုက်တစ်ခုမှာ မြေတူးနေစဉ် ဒုတိယကမ္ဘာစစ်က လက်ကျန်ဗုံးတစ်လုံးကို မတော်တဆတွေ့ရှိသွားရာကနေ အရာအားလုံး စတင်ရှုပ်ထွေးလာပါတယ်။ အဲဒီဗုံးဟာ ပြင်းအားအလွန်ကြီးတဲ့အပြင် စနစ်တကျပြုပြင်ထားတဲ့ အန္တရာယ်မြင့်ဗုံးတစ်လုံးဖြစ်နေပြီး ဘယ်အချိန်မှာ ပေါက်ကွဲမလဲဆိုတာကိုတောင် ခန့်မှန်းလို့မရနိုင်တဲ့အခြေအနေပါ။ ဒါကြောင့် ဗုံးဖြုတ်အဖွဲ့တွေ၊ ရဲတပ်ဖွဲ့နဲ့ အထက်အရာရှိတွေဟာ အချိန်မရွေးပေါက်ကွဲနိုင်တဲ့ဗုံးကို ထိန်းချုပ်ဖို့ အပြိုင်အဆိုင်ကြိုးစားကြရင်း တစ်ဖက်မှာလည်း ဒီဗုံးနောက်ကွယ်မှာ သာမန်မဟုတ်တဲ့ လျှို့ဝှက်ချက်တစ်ခုရှိနေသလို သံသယတွေ တဖြည်းဖြည်း ပိုမိုကြီးထွားလာပါတယ်။ အချိန်မီဗုံးဖြုတ်နိုင်မလား၊ ဒါမှမဟုတ် ဒီအရာအားလုံးက ပိုကြီးမားတဲ့အစီအစဉ်တစ်ခုရဲ့ အစပဲလားဆိုတာကို ဇာတ်လမ်းအဆုံးထိ စိတ်လှုပ်ရှားစွာ ကြည့်ရှုရမယ့် Thriller ကားကောင်းတစ်ကားပဲ ဖြစ်ပါတယ်။

t.me/cartoonbynikko/3748

နေဝင်နေထွက် (၂၀၂၅)

IMDb - 6.7/10
Genre - Drama

လူတစ်ယောက်ဟာ ကလေးတစ်ယောက်ကို မွေးစားလိုက်ရာကနေ မမျှော်လင့်ထားတဲ့ အရှုပ်အထွေးတွေနဲ့ ရင်ဆိုင်ရတဲ့ ဇာတ်လမ်းလေးတစ်ပုဒ်ကို အခြေခံထားတဲ့ ဟာသဒရမ်မာကားကောင်းလေးပဲ ဖြစ်ပါတယ်။ အစပိုင်းမှာတော့ အဲဒီကလေးဟာ သာမန်ကလေးတစ်ယောက်လိုပဲ ထင်ရပေမယ့် တကယ်တော့ နောက်ကွယ်မှာ ရှုပ်ထွေးတဲ့အခြေအနေတွေရှိနေပြီး အကြောင်းအမျိုးမျိုးကြောင့် မွေးစားလိုက်ရခြင်းဖြစ်ပါတယ်။ အချိန်ကြာလာတာနဲ့အမျှ သူတို့နှစ်ယောက်ကြားမှာ သံယောဇဉ်တွေ၊ မေတ္တာတရားတွေ တဖြည်းဖြည်းကြီးထွားလာပေမယ့် တရားဝင်စာချုပ်ချုပ်ဆိုလို့မရတဲ့ ပြဿနာတွေ၊ လူ့အဖွဲ့အစည်းရဲ့ စည်းမျဉ်းစည်းကမ်းတွေနဲ့ ဖိအားတွေကြားမှာ အခက်အခဲမျိုးစုံကို ကြုံတွေ့လာရပါတယ်။ ဒါပေမယ့် အဲဒီအခက်အခဲတွေကို သူတို့နှစ်ယောက် ဘယ်လိုအလွဲအချော်တွေနဲ့ ဖြတ်ကျော်ကြမလဲ၊ သံယောဇဉ်ကို ဘယ်လိုထိန်းသိမ်းသွားကြမလဲဆိုတာကို ရယ်မောပျော်ရွှင်ဖွယ်ကောင်းကောင်းနဲ့ နွေးထွေးစွာ တင်ဆက်ထားတဲ့ feel-good ဇာတ်ကားလေးတစ်ကားပဲ ဖြစ်ပါတယ်။

t.me/cartoonbynikko/3750

လယ်သမားတစ်‌ယောက်ပါ (၂၀၂၅)

IMDb - 6.2/10
Genre - Drama

အယ်လီဆန် ဟာ ခင်ပွန်းဖြစ်သူကို မတော်တဆမှုတစ်ခုကြောင့် ရုတ်တရက်ဆုံးရှုံးလိုက်ရပြီးနောက် သူ့ရဲ့ကလေးတွေ၊ ယောက္ခထီးဖြစ်သူနဲ့အတူ ကျန်ရစ်ခဲ့တဲ့ မိသားစုဘဝကို တစ်ယောက်တည်း တာဝန်ယူရတဲ့ အမျိုးသမီးတစ်ယောက်ပါ။ ကျေးလက်ဒေသမှာ နေထိုင်ကြတဲ့အတွက် ပတ်ဝန်းကျင်အသိုင်းအဝိုင်းက ဝိုင်းဝန်းကူညီကြပေမယ့် မိသားစုတစ်ခုလုံးကို မိန်းမတစ်ယောက်တည်းက ထမ်းပိုးထားရတဲ့ဘဝဟာ မလွယ်ကူလှပါဘူး။ အထူးသဖြင့် သူ့ယောက္ခထီးဟာ အရမ်းချစ်ရတဲ့ သားကို ကိုယ့်ထက်အရင်ဆုံးရှုံးလိုက်ရတဲ့ ဒဏ်ကို မခံနိုင်ဘဲ စိတ်ကျရောဂါနဲ့ အရက်စွဲမှုထဲ နစ်မြုပ်သွားချိန်မှာ အယ်လီဆန်ကတော့ မညည်းမညူဘဲ အိမ်ထောင်တစ်ခု ပြိုကွဲမသွားအောင် ကလေးတွေကိုပြုစုရင်း၊ ယောက္ခထီးကိုစောင့်ရှောက်ရင်း ဘဝရဲ့ဖိအားတွေနဲ့ တိတ်တဆိတ်ရင်ဆိုင်နေရပါတယ်။ ဒီဇာတ်ကားဟာ ဆုံးရှုံးမှု၊ မိသားစုသံယောဇဉ်နဲ့ မိခင်တစ်ယောက်ရဲ့ စိတ်ဓာတ်ခိုင်မာမှုကို နွေးထွေးစွာဖော်ပြထားတဲ့ ဇာတ်ကားကောင်းတစ်ကားဖြစ်ပြီး ဘဝရဲ့ခက်ခဲမှုတွေကြားမှာတောင် မိသားစုကို ဆက်လက်ထိန်းထားဖို့ ကြိုးစားနေတဲ့ အမျိုးသမီးတစ်ယောက်ရဲ့ အားမာန်ကို ထိထိမိမိ မြင်တွေ့ရမှာပဲ ဖြစ်ပါတယ်။

t.me/cartoonbynikko/3752